دعوتِ اسلامی کے شعبہ محبت بڑھاؤ کے تحت 19 دسمبر 2025ء کو مومن آباد سیکٹر 4 ایف، یوسی 5 A، مومن آباد ٹاؤن کراچی میں وارڈ نگران محمد شاہد عطاری کی مرحومہ ساس کے لئے ایصالِ ثواب اجتماع کا انعقاد کیا گیا جس میں ذمہ داران ، اہلِ خانہ اور علاقے کے دیگر اسلامی بھائیوں نے شرکت کی۔

اجتماع کے آغاز میں تلاوتِ قراٰن و نعتِ رسولِ مقبول صلَّی اللہ علیہ واٰلہٖ وسلَّم کی گئی جس کے بعد شعبہ کفن دفن ڈسٹرکٹ اورنگی کے ذمہ دار مولانا فہیم عطاری مدنی نے سنتوں بھرا بیان کیا۔

دورانِ بیان ڈسٹرکٹ ذمہ دار نے احادیثِ مبارکہ کی روشنی میں حاضرین کی دینی و اخلاقی اعتبار سے تربیت کی اور انہیں نمازوں کی پابندی کرنے سمیت دینِ اسلام کی تعلیمات پر عمل کرنے کا ذہن دیا۔

بعدازاں ڈسٹرکٹ ذمہ دار نے مرحومہ سمیت دیگر اسلامی بھائیوں کے مرحومین کے لئے بھی دعا کروائی۔اس موقع پر یوسی 5 A، مومن آباد کے نگران محمد نعیم عطاری بھی موجود تھے۔ (رپورٹ: محمد نعیم عطاری نگرانِ یوسی 5 A، مومن آباد ٹاؤن کراچی ، کانٹینٹ:غیاث الدین عطاری)

12 دسمبر 2025ء کو شعبہ محبت بڑھاؤ دعوتِ اسلامی کے تحت کراچی کے علاقے مومن آباد یوسی 5A، سیکٹر 4/F ، ڈسٹرکٹ اورنگی کی جامع مسجد طیبہ میں ایصالِ ثواب اجتماع کا اہتمام کیا گیا ۔

معلومات کے مطابق یہ اجتماعِ پاک یومِ خلیفۂ اوّل حضرت سیّدنا صدیقِ اکبر رضی اللہ عنہ اور مرحوم محمد سلیم عرف K2 باورچی کے ایصالِ ثواب کے سلسلے میں منعقد کیاگیا جس میں مدرسۃالمدینہ بوائز کے بچو، نمازی حضرات اور قرب و جوار کے عاشقانِ رسول کی شرکت ہوئی۔

اجتماع کے آغاز میں تلاوتِ قراٰن کی گئی اور نبیِ کریم صلَّی اللہ علیہ واٰلہٖ وسلَّم کی بارگاہِ اقدس میں نعت شریف کا نذرانہ پیش کیا گیا جس کے بعد شعبہ کفن دفن کے ڈسٹرکٹ ذمہ دار مولانا فہیم عطاری مدنی نے ایصالِ ثواب کے موضوع پر سنتوں بھرا بیان کیا۔

ڈسٹرکٹ ذمہ دار نے وہاں موجود عاشقانِ رسول کو اپنے مرحومین کے لئے ایصالِ ثواب کرتے رہنے، دعوتِ اسلامی کے دینی ماحول سے ہر دم وابستہ رہنے اور دینی کاموں میں عملی طور پر حصہ لینے کی ترغیب دلائی جس پر انہوں نے اچھی اچھی نیتیں کیں۔

اس موقع پر یوسی 5A، مومن آباد کے نگران محمد نعیم عطاری اور وارڈ نمبر 2 کے نگران محمد شاہد عطاری سمیت دیگر ذمہ دار اسلامی بھائی بھی موجود تھے۔(رپورٹ: محمد نعیم عطاری نگرانِ مومن آباد یوسی 5A، ڈسٹرکٹ اورنگی ، کانٹینٹ:غیاث الدین عطاری)

مؤرخہ 03 فروری 2024 ء کو مؤمن آباد اورنگی سیکٹر F/4 کراچی میں ایک اسلامی بھائی کے گھر ایصالِ ثواب اجتماع کا اہتمام کیا گیا جس میں مقامی اسلامی بھائیوں نے شرکت کی ۔

مبلغِ دعوتِ اسلامی حافظ محمد ذوالفقار عطاری نے بیان کیا جس میں شرکا کو دعوت اسلامی کے تحت ہونے والے ہفتہ وار اجتماع اور مدنی مذاکرے میں شرکت کرنے کا ذہن دیا نیز 12 دینی کام کرنے کی ترغیب بھی دلائی جس پر اسلامی بھائیوں نے نیک خیالات کا اظہار کیا۔(رپورٹ:محمد نعیم عطاری ،کانٹینٹ :رمضان رضا عطاری مدنی )

ذمہ دارانِ دعوتِ اسلامی کی تربیت کے سلسلے میں گزشتہ روز فیصل آباد پنجاب میں قائم مدنی مرکز فیضانِ مدینہ میں شعبہ محبت بڑھاؤ کے ذمہ داران کا آن لائن مدنی مشورہ ہوا جس میں شعبے کے متعلقہ رکنِ شوریٰ اور پاکستان سطح کے شعبہ ذمہ داران براہِ راست جبکہ دیگر شہروں کے اسلامی بھائی بذریعہ انٹرنیٹ شریک ہوئے۔

مدنی مشورے میں شریک ذمہ داران کی تربیت کرتے ہوئے دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے12 دینی کاموں بالخصوص یومِ دعوتِ اسلامی کی تیاریوں کے حوالے سے کلام کیا۔

ڈسٹرکٹ آفیسر انٹیلیجنس بیورو محمد طاہر حمید کی والدہ کے انتقال پر مرکزی مجلسِ شوریٰ کے رکن ونگرانِ پاکستان مشاورت حاجی محمد شاہد عطاری نے دیگر ذمہ داران کے ہمراہ محمد طاہر حمید کی رہائش گاہ پرا ُن سے تعزیت کی۔

دورانِ تعزیت نگرانِ پاکستان مشاورت حاجی محمد شاہد عطاری نے مرحومہ کے ایصالِ ثواب کے لئے فاتحہ پڑھی اور اُن کے لئے دعائے مغفرت کی جبکہ وہاں موجود اسلامی بھائیوں کو والدین کی خدمت کرنے کے حوالے سے مدنی پھولوں سے نوازا۔

دعوتِ اسلامی کے شعبہ محبتیں بڑھاؤ کے تحت  4 جون 2023ء بروز اتوار عالمی مدنی مرکز فیضان مدینہ کراچی میں مدنی مشورے کا انعقاد ہوا جس میں پاکستان بھر سے صوبائی ذمہ داران نے شرکت کی ۔

ابتداءً نگرانِ مجلس شاہد عطاری نے شعبے کے دینی کاموں کے متعلق اسلامی بھائیوں کی تربیت کی۔ بعدازاں رکن شوریٰ حاجی اظہر عطاری نےسابقہ دینی کاموں کی کارکردگی کاجائزہ لیا نیز شرکا کی شعبے کے بنیادی کاموں کے حوالے سے رہنمائی کی جس میں تعزیت و عیادت کے اہداف دیئے نیز آنے والے دنوں میں بزرگانِ دین کے اعراس پر پاکستان بھر میں ایصالِ ثواب اجتماعات منعقد کرنے اور ان میں ذمہ داران و اراکین شوریٰ کے بیانات کروانے کے بارے میں گفتگو ہوئی ۔ (کانٹینٹ:رمضان رضا عطاری) 

دعوتِ اسلامی کے مدنی مرکز فیضانِ مدینہ فیصل آباد میں عاشقانِ رسول کے مرحومین کے لئے ایصالِ ثواب اجتماع کا انعقاد کیا گیا جس میں قرب و جوار کے کثیر اسلامی بھائیوں نے شرکت کی۔

ابتداءً تلاوتِ قراٰن اور نعت شریف پڑھی گئی جبکہ مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے سنتوں بھرا بیان کیا جس میں انہوں نے شرکا کو رمضان ُالمبارک کے فضائل اور اعتکاف کے متعلق مدنی پھول دیئے۔

اجتماع کے اختتام پر نگرانِ پاکستان مشاورت حاجی محمد شاہد عطاری نے عاشقانِ رسول کے مرحومین کے لئے ایصالِ ثواب کیا نیز ان کے لئے دعائے مغفرت بھی کروائی ۔(رپورٹ: عبدالخالق عطاری نیوز فالواپ ذمہ دار نگران پاکستان مشاورت، کانٹینٹ:غیاث الدین عطاری)

پچھلے دنوں کرنل افضال احمد بھون، ذوالفقار بھون اور سیکریٹری اطلاعات مسلم لیگ ن چوہدری زمان بھون کی والد ۂ مرحومہ کے لئے ایصالِ ثواب اجتماع کا اہتمام کیا گیا جس میں مختلف سیاسی و سماجی شخصیات سمیت دعوتِ اسلامی کے ذمہ دار اسلامی بھائیوں نے شرکت کی۔

اس موقع پر نگرانِ ڈسٹرکٹ حافظ آباد محمد وسیم عطاری نے سنتوں بھرا بیان کرتے ہوئے وہاں موجود عاشقانِ رسول کی دینی و اخلاقی اعتبار سے تربیت کی اور انہیں اسلامی تعلیمات کے مطابق اپنی زندگی گزارنے کا ذہن دیا۔

22 جنوری 2023ء بروز اتوار یوسی 4 چنیسر ٹاؤن کراچی کے وارڈ نمبر 4 میں دعوتِ اسلامی کے زیرِا ہتمام ایصالِ ثواب اجتماع کا انعقاد کیا گیا جس میں وارڈ، یوسی، ٹاؤن مشاورت و نگران  اور مسجد کی انتظامیہ سمیت اہلِ محلہ نے شرکت کی۔

اس اجتماعِ پاک کی ابتداء تلاوتِ قراٰن اور نعتِ رسولِ مقبول صلی اللہ علیہ و سلم سے کی گئی جبکہ مبلغِ دعوتِ اسلامی مولانا ثاقب شاہ عطاری مدنی نے ”مقامِ مصطفیٰ“ اور ”دنیا کی مذمت“ کے موضوعات پر سنتوں بھرا بیان کیا۔

علاوہ ازیں مبلغِ دعوتِ اسلامی نے عاشقانِ رسول کو 12 دینی کاموں میں عملی طور پر حصہ لینے کا ذہن دیا جس پر انہوں نے اچھی اچھی نیتیں کیں۔(رپورٹ:محمد اشفاق علی عطاری، شعبہ تعلیم، چنیسر ٹاؤن، کانٹینٹ:غیاث الدین عطاری)

15 جنوری 2023ء بروز اتوار ڈیفنس کراچی فیز 2 خیابان جامی میں مقامی شخصیت کرنل محمد احسان کی والدہ کے ایصالِ ثواب کے لئے محفلِ نعت کا اہتمام کیا گیا جس میں علاقے کی دیگر شخصیات نے بھی شرکت کی۔

معلومات کے مطابق محفلِ نعت کا آغاز تلاوتِ قراٰن سے کیا گیا جبکہ مبلغِ دعوتِ اسلامی نے نعتِ رسولِ مقبول صلی اللہ علیہ و سلم پڑھ کر حاضرین کے دلوں کو منور کیا۔

اس محفلِ نعت میں دعوتِ اسلامی کی مرکزی مجلسِ شوریٰ کے رکن مولانا حاجی عبد الحبیب عطاری نے ”ایصالِ ثواب اور فکرِ آخرت“ کے موضوع پر سنتوں بھرا بیان کیااور شرکا کو اپنے مرحومین کے لئے زیادہ سے زیادہ ایصالِ ثواب کرنےنیز اپنی قبر و آخرت کی تیاری کرنے کی ترغیب دلائی۔

آخر میں رکنِ شوریٰ نے مرحومہ کے صاحبزادگان سے تعزیت کرتے ہوئے انہیں مرحومہ کے ایصالِ ثواب کے لئے مسجد بنانے کا ذہن دیا جس پر انہوں نے اچھی اچھی نیتوں کا اظہار کیا۔

پچھلے دنوں سکھر میں شعبہ محبت بڑھاؤ (دعوتِ اسلامی ) کے تحت مدنی حلقے کااہتمام ہوا جس میں نگران پاکستان مشاورت حاجی محمد شاہد عطاری نے سنتوں بھرا بیان کیا ،  نگران پاکستان مشاورت نے شرکا کو نیکی کرنے اور دینی کاموں میں حصہ لیتے رہنے کے بارے میں مدنی پھولوں سے نوازا۔

اس مدنی حلقے میں شعبہ محبت بڑھاؤ کے ذمہ داران اور دیگر عاشقان رسول نے شرکت کی ، حلقے کے اختتام پر شرکا نے نگران پاکستان مشاورت سے ملاقات کی ۔ (رپورٹ: عبدالخالق عطاری نیوز فالواپ ذمہ دار نگران پاکستان مشاورت / کانٹینٹ : محمد مصطفیٰ انیس) 

عاشقانِ رسول کی دینی تحریک دعوتِ اسلامی کے تحت 6 جنوری 2023ء بروز جمعہ وارڈ 4 کے یوسی 3 چنیسر ٹاؤن کراچی میں ایصالِ ثواب اجتماع کا انعقاد کیا گیاجس میں مختلف سطح کے ذمہ داران، مسجد انتظامیہ اور اہلِ علاقہ نے شرکت کی۔

مبلغِ دعوتِ اسلامی مولانا سلمان بٹ عطاری مدنی نے ”حبِ رسول اور دنیا کی مذمت“ کے موضوع پر سنتوں بھرا بیان کیا اور انہیں اسلامی تعلیمات کے مطابق اپنی زندگی گزارنے کا ذہن دیا۔(رپورٹ:محمد اشفاق علی شعبہ تعلیم چنیسر ٹاؤن، کانٹینٹ:غیاث الدین عطاری)