لوگوں کو طہارت کے مسائل سکھانے اور انہیں شرعی اعتبار سے اُن کی تربیت کرنے کے لئے دعوتِ اسلامی کے مدنی مرکز فیضانِ مدینہ ملتان میں ایجوکیشن ڈیپارٹمنٹ کے تحت 2 تا  4 جنوری 2026ء کو 3 دن کا رہائشی ”طہارت کورس“ منعقد ہوا جس میں بہاولپور، ڈیرہ غازی خان اور ملتان سے ٹیچرز، پرنسپلز، پروفیسرز، ادارہ مالکان و ذمہ داران نے شرکت کی۔

ذرائع کے مطابق 3 دن کے اس کورس میں شرکا کو مختلف شرعی مسائل بتائے و سکھائے گئے جن میں وضو، غسل، تیمم، نجاستوں کا بیان، مسافر کی نماز اور دیگر اہم چیزیں شامل تھیں۔

کورس کے دوران جن ذمہ داران نے شرکا کی تربیت کی اُن کے نام یہ ہیں:رکنِ مرکزی مجلسِ شوریٰ قاری محمد سلیم عطاری، نگرانِ ایجوکیشن ڈیپارٹمنٹ ، نگرانِ پروفیشنلز فورم، اسسٹنٹ پروفیسر ڈاکٹر عرفان جاوید عطاری اور ایجوکیشن ڈیپارٹمنٹ کے ملتان ڈویژن ذمہ دار مولانا حسیب الرحمٰن عطاری مدنی ۔

دعوتِ اسلامی کے ایجوکیشن ڈیپارٹمنٹ کے تحت کل بروز منگل جوہر ٹاؤن لاہور میں ایک اہم سیشن کا انعقاد کیا جارہا ہے جس میں PHDs اور Faculty Members کو دعوت دی گئی ہے۔

ذرائع کے مطابق یہ سیشن 6 جنوری 2026ء کی شام 5:00 سے 7:00 کے درمیان مدنی مرکز فیضانِ مدینہ جوہر ٹاؤن لاہور میں منعقد ہوگا جس میں مرکزی مجلسِ شوریٰ کے رکن حاجی یعفور رضا عطاری”How to Get Shafaat-e-Quran“کے عنوان پر بیان فرمائیں گے۔ایجوکیشن ڈیپارٹمنٹ سے تعلق رکھنے والے اسلامی بھائی اس سیشن میں ضرور شرکت کرکے علمِ دین کا خذانہ حاصل کریں۔

ایجوکیشن ڈیپارٹمنٹ دعوتِ اسلامی کے تحت مدنی مرکز فیضانِ مدینہ فیصل آباد، پنجاب میں 25، 26 اور 27 دسمبر 2025ء کو 3 دن کا ”رہائشی طہارت کورس“ ہوا جس میں کشمیر، گلگت بلتستان، خیبرپختونخوا اور پنجاب کے مختلف شہروں سے ٹیچرز، پروفیسرز اور ذمہ دار اسلامی بھائیوں نے شرکت کی۔

معلومات کے مطابق 3 دن کا یہ کورس مختلف سیشنز پر مشتمل تھا جن میں مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے شرکا کی رہنمائی کرتے ہوئے انہیں مدنی پھولوں سے نوازا۔

کورس میں سکھائی گئی چیزیں:

٭طہارت کے مسائل٭طہارت اور اس کی اقسام٭وضو٭نواقصِ وضو (وضو توڑنے والی چیزیں)٭غسل٭تیمم٭طہارتِ حقیقیہ کا بیان٭ناپاک چیزیں پاک کرنے کا بیان٭دعوتِ اسلامی کے 12 دینی کام۔

کورس میں شریک اسلامی بھائیوں نے طہارت سے متعلق سوالات کئے جس کے نگرانِ پاکستان مشاورت نے جوابات دیئے جبکہ اسلامی بھائیوں کا ٹیسٹ بھی لیا گیا اور نمایاں کارکردگی پر اُن کے درمیان تحائف تقسیم ہوئے۔اس موقع پر رکنِ شوریٰ عبد الوہاب عطاری، نگرانِ ایجوکیشن ڈیپارٹمنٹ اور نگرانِ مدنی کورسز ڈیپارٹمنٹ بھی موجود تھے۔ (رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

6 دسمبر 2025ء کو ایجوکیشن ڈیپارٹمنٹ دعوتِ اسلامی کی دعوت پر مختلف یونیورسٹیز کے اسٹوڈنٹس اور مختلف سوسائٹیز کے اسلامی بھائیوں نے دعوتِ اسلامی کے مدنی مرکز فیضانِ مدینہ ملتان کا دورہ کیا۔

ڈیپارٹمنٹ کے ڈویژن ذمہ دار مولانا حسیب الرحمٰن عطاری مدنی نے فیضانِ مدینہ ملتان میں قائم دورۃالحدیث شریف، دارالافتاء اہلسنت اور مختلف ڈیپارٹمنٹس کا وزٹ کرواتے ہوئے عالمی سطح پر ہونے والی دعوتِ اسلامی کی ایکٹیویٹیز کے بارے میں بتایا۔

اس دوران ایک میٹ اپ بھی ہو اجس میں ڈویژن ذمہ دار نے اسٹوڈنٹس کو درودِپاک کا ورد کرنے، تلاوتِ قراٰن کو اپنے شیڈول کا حصہ بنانے اور دعوتِ اسلامی کے دینی کاموں میں عملی طور پر شرکت کرنے کا ذہن دیا۔

بعدازاں اسٹوڈنٹس نے شعبہ فیضان آن لائن اکیڈمی بوائز کے تحت ہونے والے مدنی قاعدہ کورس سمیت دیگر کورسز کرنے کےلئے اپنے نام لکھوائے اور اچھی اچھی نیتیں کیں۔(رپورٹ: ایجوکیشن ڈیپارٹمنٹ، کانٹینٹ:غیاث الدین عطاری)

8 نومبر 2025ء کو دعوتِ اسلامی کے ایجوکیشن ڈیپارٹمنٹ کے تحت ڈسٹرکٹ وہاڑی میں قائم کپس کالج میلسی میں”شرائطِ نماز کورس“ منعقد کیا گیا جس میں اسٹوڈنٹس، ٹیچرز اور پرنسپل سمیت اسٹاف کے دیگر اسلامی بھائیوں نے شرکت کی۔

اس موقع پر شعبہ کورسز پاکستان فورم کے ذمہ دار محمد فیاض عطاری نے شرکا کو نماز کی فضیلت بتاتے ہوئے شرائطِ نماز کے بارے اُن کی رہنمائی کی اور انہیں نمازوں کی پابندی کرنے کا ذہن دیا۔

اس کے علاوہ ذمہ دار نے اسٹوڈنٹس سمیت وہاں موجود تمام اسلامی بھائیوں کو دعوتِ اسلامی کے دینی کاموں میں شرکت کرنے اور دینی ماحول سے وابستہ رہنے کی ترغیب دلائی۔

آخر میں پرنسپل نے ایجوکیشن ڈیپارٹمنٹ دعوتِ اسلامی کا شکریہ ادا کیا اور آئندہ بھی اس طرح کورسز کروانے کی اچھی اچھی نیتیں کیں۔ (رپورٹ: حافظ حسیب الرحمٰن عطاری مدنی شعبہ تعلیم ملتان ڈویژن ، کانٹینٹ:غیاث الدین عطاری) 

ایجوکیشن ڈیپارٹمنٹ دعوتِ اسلامی کے تحت ڈسٹرکٹ وہاڑی میں موجود ایسپائر کالج میلسی میں 8 نومبر 2025ء کو ”شرائطِ نماز کورس“ کا انعقاد ہوا جس میں اسٹوڈنٹس، ٹیچرز اور پرنسپل سمیت دیگر اسٹاف نے شرکت کی۔

اس کورس میں شعبہ کورسز پاکستان فورم کے ذمہ دار محمد فیاض عطاری نے حاضرین کو نماز کی فضیلت بتاتے ہوئے شرائطِ نماز کے متعلق اُن کی رہنمائی کی اور انہیں نمازوں کی پابندی کرنے کا ذہن دیا۔

گزشتہ روز دعوتِ اسلامی کے دینی و فلاحی کاموں کے سلسلے میں ذمہ دار اسلامی بھائیوں کی فیصل آباد، پنجاب میں واقع ایشیاء کی سب سے بڑی یونیورسٹی”یونیورسٹی آف ایگریکلچر“ کے وائس چانسلر پروفیسر ڈاکٹر راؤ ذوالفقار علی سے اُن کے آفس میں ملاقات ہوئی۔

ملاقات میں ایجوکیشن ڈیپارٹمنٹ ٹیچرز فورم کے پاکستان ذمہ دار راؤ جنید عطاری، ایجوکیشن ڈیپارٹمنٹ کے ڈویژن ذمہ دار فاروق حیدر عطاری اور ایجوکیشن ڈیپارٹمنٹ کے سٹی ذمہ دار محمد عثمان رضا عطاری موجود تھے۔

دورانِ ملاقات ذمہ دار اسلامی بھائیوں نے وائس چانسلر کو دعوتِ اسلامی کی خدمات کے بارے میں بریفنگ دی بالخصوص دعوتِ اسلامی کے تحت ہونے والی دینی و فلاحی ایکٹیویٹیز سے آگاہ کیا ۔

بعدازاں وائس چانسلر نے دعوتِ اسلامی کی خدمات کو سراہتے ہوئے مدنی مرکز فیضانِ مدینہ اور دعوتِ اسلامی کے تعلیمی بورڈ کنزالمدارس کا وزٹ کرنے کی نیت کی۔ (رپورٹ: محمد عثمان رضا عطاری ایجوکیشن ڈیپارٹمنٹ فیصل آباد سٹی ذمہ دار ، کانٹینٹ:غیاث الدین عطاری)

بہاولپور (19 ستمبر 2025) :

اسلامیہ یونیورسٹی بہاولپور کے مین آڈیٹوریم میں میلاد مصطفیٰ سیمینار کا انعقاد کیا گیا جس میں مہمانِ خصوصی مرکزی مجلسِ شوریٰ کے نگران مولانا حاجی محمد عمران عطاری، یونیورسٹی کے وائس چانسلر، ڈائریکٹر کالجز، ایجوکیشن اتھارٹیز، یونیورسٹی فیکلٹی اور ٹیچرز سمیت اسٹاف کے دیگر اسلامی بھائیوں نے شرکت کی۔

اس موقع پرمرکزی مجلسِ شوریٰ کے نگران مولانا حاجی محمد عمران عطاری نے سنتوں بھرا بیان کیا جس میں انہوں نے نبی کریم صلَّی اللہ علیہ واٰلہٖ وسلَّم کی امت کے لئے رہنمائی و محبت کے پیغام کو عام کیا۔

نگرانِ شوری، مولانا حاجی محمد عمران عطاری نے بیان کے دوران حضور صلَّی اللہ علیہ واٰلہٖ وسلَّم کی تعلیمات پر روشنی ڈالی اور انہیں بھی پیارے آقا صلَّی اللہ علیہ واٰلہٖ وسلَّم کی تعلیمات پر عمل کرنے کا ذہن دیا۔

اس موقع پر مرکزی مجلسِ شوریٰ کے اراکین نگرانِ پاکستان مشاورت حاجی محمد شاہد عطاری، حاجی محمد اسلم عطاری اور عبدالوہاب عطاری سمیت دیگر ذمہ دار اسلامی بھائی موجود تھے۔(رپورٹ: شکیل احمد ڈویژن ذمہ دار ایجوکیشن ڈیپارٹمنٹ، کانٹینٹ:غیاث الدین عطاری)

پبلک اسکول جہلوری روڈ،  میرپورخاص میں ایجوکیشن ڈیپارٹمنٹ دعوتِ اسلامی کے تحت 19 ستمبر 2025ء کو اجتماعِ میلاد النبی صلَّی اللہ علیہ واٰلہٖ وسلَّم کا انعقاد کیا گیا جس میں مختلف اسکولز کے اسٹوڈنٹس نے شرکت کی۔

اجتماع کے دوران اسٹوڈنٹس نے نعت خوانی، کوئز کمپیٹیشن اور مختلف سیگمنٹس میں حصہ لیا جن میں اسٹوڈنٹس کی محنت اور صلاحیتوں کو سراہا گیا۔ آخر میں اسٹوڈنٹس میں انعامات بھی تقسیم کئے گئے۔

اس موقع پر مبلغینِ دعوتِ اسلامی مولانا عرفان عطاری مدنی اور اشفاق عطاری نے ”جھوٹ کی مذمت اور اخلاق کریمہ صلَّی اللہ علیہ واٰلہٖ وسلَّم“کے موضوعات پر بیان کرتے ہوئےحاضرین کو سچائی اور اخلاق کی فضیلت کے حوالے سے بتایا۔

اجتماع میں مفتی شریف سعیدی ، مبلغ دعوت اسلامی سید ریحان عطاری ، اسکول پرنسپل سر عمران لاڑک، ریجنل ہیڈ ایجوکیشن فاؤنڈیشن علی محمد ، فیصل خان زئی اور دیگر معزز شخصیات نے شرکت کی۔(رپورٹ: ایجوکیشن ڈیپارٹمنٹ دعوتِ اسلامی ، کانٹینٹ:غیاث الدین عطاری)

سرکارِ دو عالم صلَّی اللہ علیہ واٰلہٖ وسلَّم کی ولادتِ باسعادت کی خوشی میں دعوتِ اسلامی کے ایجوکیشن ڈیپارٹمنٹ کے تحت مدنی مرکز فیضانِ مدینہ فیصل آباد میں میلاد اجتماع کا انعقاد کیا گیا جس میں دارالمدینہ اسلامک اسکول سسٹم سمیت دیگر اسکولوں کے اسٹوڈنٹس، ٹیچرز، اسٹاف اور پرنسپلز نے شرکت کی۔

معمول کے مطابق اجتماع کا آغاز تلاوتِ قراٰن و نعت شریف سے ہوا جس کے بعد مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے ”آقا کریم صلَّی اللہ علیہ واٰلہٖ وسلَّم کی سیرت، ہمارے نبی اور سچے نبی“ کے موضوعات پر بیان کرتے ہوئے اسٹوڈنٹس کو نبی کریم صلَّی اللہ علیہ واٰلہٖ وسلَّم کی سنتوں پر عمل کرکے زندگی گزارنے کا ذہن دیا۔

اختتام پر نگرانِ پاکستان مشاورت نے دعا کروائی جبکہ وہاں موجود اسلامی بھائیوں نے اُن سے ملاقات بھی کی۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

27 اگست 2025ء کو میرپور خاص کے علاقے ہاشم نگر میں قائم پبلک اسکول میں ایجوکیشن ڈیپارٹمنٹ دعوتِ اسلامی کے تحت  اجتماعی طور پر ”مدنی مذاکرہ بسلسلہ جشنِ ولادتِ مصطفیٰ صلَّی اللہ علیہ واٰلہٖ وسلَّم“ دیکھنے کا اہتمام کیا گیا۔

اس موقع پر رکنِ مرکزی مجلسِ شوریٰ عبدالوہاب عطاری، نگرانِ ڈویژن حافظ زین عطاری، اسکول پرنسپل سر عمران لاڑک اور اسکول کے میل اسٹاف سمیت اسٹوڈنٹس موجود تھے۔

زرعی یونیورسٹی ٹنڈوجام میں مختلف اعلیٰ حکام سے ذمہ دارانِ دعوتِ اسلامی کی ملاقاتیں ہوئیں جس دوران یونیورسٹی میں دینی کاموں کی ترقی اور مستقبل کے منصوبوں پر تبادلہ خیال کیا گیا۔

تفصیلات کے مطابق نگرانِ ایجوکیشن ڈیپارٹمنٹ عبدالرشید عطاری اور ٹیچرز فورم کے ذمہ داران کی پرو وائس چانسلر عمر کوٹ ڈاکٹر جان محمد مری سے خصوصی ملاقات ہوئی جس میں مختلف نکات کے حوالے سے گفتگو کی گئی۔

اس کے علاوہ عمر کوٹ کیمپس میں جاری پلانٹیشن سرگرمیوں کو مزید بہتر بنانے اور ماہِ میلاد کے دوران میگا ایونٹ کے متعلق کلام کیا گیا۔اسی دوران ڈائریکٹر اسپورٹس ڈاکٹر انوار خانزادہ سے بھی 27 اگست 2025ء کو پلانٹیشن پروجیکٹ پر تبادلۂ خیال کیا گیا جبکہ ڈائریکٹر اسٹیٹ آفیسر سے پلانٹیشن لیٹر کے اجراء اور وائس چانسلر کی شرکت کے حوالے سے اہم گفتگو ہوئی۔

الحمدللہ ”1500 واں جشن ولادت“ کی تیاریاں بھی زوروشور سے جاری ہیں، اس حوالے سے ”آخری نبی صلَّی اللہ علیہ واٰلہٖ وسلَّم کی پیاری سیرت“ کتاب تحفے میں پیش کی گئی۔(رپورٹ: جنید عطاری ریجن ذمہ دار ایجوکیشن ڈیپارٹمنٹ حیدرآباد، کانٹینٹ:غیاث الدین عطاری)