21 جنوری 2026ء بروز بدھ سے  پاکستان بھر میں عاشقانِ رسول کی دینی تحریک دعوتِ اسلامی کے کنزالمدارس بورڈ کے تحت سالانہ امتحانات باضابطہ طور پر شروع ہو گئے ہیں۔

امتحانات میں 1 لاکھ 90 ہزار 20 (1, 90, 020) سے زائد طلبہ و طالبات شریک ہیں جن میں مختلف دینی کورسز مثلاً تجوید و قراءت، درسِ نظامی، تخصصات، ناظرہ قراٰن، حفظِ قراٰن، امامت کورس اور فیضانِ شریعت شارٹ کورسز شامل ہیں نیز بورڈ کی انتظامیہ نے ملک بھر میں 884 امتحانی مراکز اور 4 ہزار 463 (4, 463) سے زائد امتحانی عملہ کے ساتھ شفاف و منظم امتحانی نظام کو یقینی بنایا ہے۔

ذرائع سے ملنے والی خبر کے مطابق اس بار جدید حاضری کا نظام (ڈیجیٹل/الیکٹرانک) بھی متعارف کروایا گیا ہے جس سے امتحانات میں وقت کی پابندی، درست حاضری اور احسن نظم و ضبط قائم ہوا ہے۔

طلبہ و طالبات، اساتذہ اور والدین نے اس منظم امتحانی عمل و جدید حاضری کے ذریعے کنزالمدارس بورڈ کی انتظامیہ کا شکریہ ادا کیا ہے۔ (رپورٹ:ابراراحمد کیمرہ مین سوشل میڈیا ڈیپارٹمنٹ کنزالمدارس بورڈ فیصل آباد، کانٹینٹ:غیاث الدین عطاری)

ایوب کالونی، فیصل آباد پنجاب میں واقع دعوتِ اسلامی کے دینی تعلیمی بورڈ کنزالمدارس میں حیدرآباد، سندھ سے تشریف لانے والے معزز علمائے کرام مولانا پیر سیّد محسن علی نقشبندی امینی صاحب، مولانا محمد شعیب نقشبندی امینی صاحب اور قاری محمد کاشف رضا عطاری صاحب کی آمد ہوئی۔

ابتداءً تمام معزز علمائے کرام نے بورڈ کے تعلیمی و انتظامی شعبہ جات کا جائزہ لیا اور جدید تعلیمی تقاضوں کے مطابق کئے جانے والے بورڈ کے منظم و مؤثر کام کو بےحد سراہتے ہوئے خوشی کا اظہار کیا۔

دعوتِ اسلامی کے تعلیمی بورڈ ”کنز المدارس“کے زیرِ اہتمام امتحانات 2026ء کے حوالے سے طلبہ و طالبات کے سالانہ امتحانات 21 جنوری سے شروع ہوچکے ہیں۔

تفصیلات کے مطابق پاکستان میں تجوید و قرات ، درس نظامی، تخصصات اور کلی الشریعہ کا امتحان دینے والے طلباو طالبات کی تعداد 99 ہزار 398 ہے جبکہ ناظر القرآن اور تحفیظ القرآن کا امتحان دینے والے طلباو طالبات کی تعداد 73ہزار 124 ہے، اسی طرح امامت کورس اور فیضان شریعت کے شارٹ کورسز کا امتحان دینے والے طلباو طالبات کی تعداد 17ہزار 498ہے، واضح رہے کہ کنز المدارس بورڈ کے تحت امسال امتحان دینے والے کل 1لاکھ 90 ہزار 20 امیدوار ہیں جس کیلئے ملک بھر میں 884امتحانی سنٹر قائم کئے گئے جن میں امتحانی عملے کی تعداد 4463 ہے۔ امتحانات کے حوالے سے کنز المدارس انتظامیہ کی جانب سے تمام انتظامات مکمل کر لئے گئے ہیں۔

ایوب کالونی، فیصل آباد پنجاب میں واقع دعوتِ اسلامی کے دینی تعلیمی بورڈ کنزالمدارس میں 1 جنوری 2026ء کو ایک اہم میٹنگ ہوئی جس میں کنزالمدارس بورڈ کے تمام ہیڈ آف ڈیپارٹمنٹس شریک ہوئے۔

اس میٹنگ میں شیخ الحدیث و التفسیر مفتی محمد قاسم عطاری مدظلہ العالی نے تعلیمی و انتظامی امور پر تفصیلی گفتگو کی اور تمام ذیلی شعبہ جات کو اپنے کام مزید احسن انداز میں کرنے کی ہدایات دی۔

کنزالمدارس بورڈ کے نصابی و تعلیمی  معاملات کا جائزہ لینے اور ان میں مزید بہتری لانے کے لئے فیصل آباد، پنجاب میں قائم کنزالمدارس بورڈ کے ہیڈ آفس میں بورڈ کے اہم اراکین کی میٹنگ ہوئی۔

اس میٹنگ میں خصوصی شرکت شیخ الحدیث والتفسیر مفتی محمد قاسم عطاری مَدَّظِلُّہُ الْعَالِی کی ہوئی جنہوں نے وہاں موجود اراکین سے چند اہم نکات پر مشاورت کی اور نصابی و تعلیمی معاملات کا جائزہ لیا۔اس کے علاوہ میٹنگ میں شریک اراکین نے ادارے کی بہتری کے متعلق اپنی اپنی رائے پیش کی۔

اس موقع پر مرکزی مجلسِ شوریٰ کے اراکین مولانا حاجی جنید عطاری مدنی (صدر کنزالمدارس بورڈ) اور مولانا حاجی محمد اسد عطاری مدنی سمیت دیگر اہم ذمہ داران بھی موجود تھے۔(کانٹینٹ:غیاث الدین عطاری) 

دعوتِ اسلامی کے تعلیمی ادارے جامعۃالمدینہ بوائز خانپور میں کنزالمدارس بورڈ دعوتِ اسلامی کے شعبہ جاب پلیسمنٹ کے تحت ایک اہم و مفید کیریئر کونسلنگ ٹریننگ سیشن منعقد ہوا جس میں طلبۂ کرام کی شرکت ہوئی۔

اس موقع پر کیریئر کونسلنگ ذمہ دار مولانا احمد سعید عطاری مدنی نے طلبۂ کرام کو موجودہ دور کے تقاضوں کے مطابق تعلیمی و عملی میدان میں درست سمت اختیار کرنے، اپنی صلاحیتوں کو پہچاننے اور مستقبل کی منصوبہ بندی کے حوالے سے رہنمائی کی۔

علاوہ ازیں ذمہ دار نے اس بات پر زور دیا کہ علم کے ساتھ ساتھ عملی مہارت، مثبت سوچ اور درست رہنمائی کامیاب کیریئر کی بنیاد ہےجبکہ طلبۂ کرام نے اس ٹریننگ سیشن میں دلچسپی کا اظہار کرتے ہوئے مختلف سوالات کے ذریعے اپنے اشکالات کو دور بھی کیا۔یہ ٹریننگ سیشن طلبۂ کرام کے لئے نہ صرف معلوماتی ثابت ہوئی بلکہ اُن کے حوصلے، اعتماد اور مقصدِ زندگی کو واضح کرنے کا ذریعہ بھی بنا۔

بعدازاں طے کیا گیا کہ آئندہ بھی طلبۂ کرام کی بہتر رہنمائی کے لئے اس طرح کے پروگرامز کا انعقاد جاری رکھا جائے۔ (رپورٹ: مولانا حافظ ساجد سلیم عطاری مدنی ہیڈ آف ڈیپارٹمنٹ جاب پلیسمنٹ کنز المدارس بورڈ ، کانٹینٹ:غیاث الدین عطاری)

13 دسمبر 2025ء کو دعوتِ اسلامی کے دینی تعلیمی بورڈ کنزالمدارس میں مرکزی مجلسِ شوریٰ کے رکن مولانا حاجی عبد الحبیب عطاری کی آمد ہوئی جہاں اُن کی ملاقات رکنِ شوریٰ و صدر کنزالمدارس بورڈ مولانا حاجی جنید عطاری مدنی اور بورڈ کے تمام ایچ او ڈیز سے ملاقات ہوئی۔

ذمہ داران کی جانب سے ملنے والی معلومات کے مطابق اس موقع پر ایک میٹنگ ہوئی جس میں رکنِ شوریٰ مولانا حاجی عبدالحبیب عطاری نے کنزالمدارس میں جاری تعلیمی نظام، انتظامی نظم و ضبط اور دینی خدمات کو سراہتے ہوئے اطمینان و خوشی کا اظہار کیا۔

رکنِ شوریٰ نے خصوصاً جدید تقاضوں کے مطابق قائم تمام ڈیپارٹمنٹس کے کاموں کا جائزہ لیا نیز ان ڈیپارٹمنٹس کی محنت، ترتیب اور مؤثر کارکردگی پر حاضرین کی حوصلہ افزائی کی۔

گزشتہ روز افریقی ممالک کینیا (Kenya) اور الجزائر (Algeria)سے تشریف لائے ہوئے معزز علمائے کرام نے فیصل آباد، پنجاب میں قائم دعوتِ اسلامی کے دینی تعلیمی بورڈ کنزالمدارس کا دورہ کیا جہاں اُن کی ملاقات رکنِ شوریٰ و صدر کنزالمدارس بورڈ مولانا حاجی محمد جنید عطاری مدنی سمیت دیگر اراکین سے ہوئی۔

اس ملاقات میں علمائے کرام اور رکنِ شوریٰ نے دینی تعلیم کے فروغ، عالمی سطح پر ہونے والے تعلیمی اداروں کے نظام اور تعلیمی معاملات کے مختلف پہلوؤں پر تبادلۂ خیال کیا ۔

اسی دوران علمائے کرام کے وفد نے کنزالمدارس بورڈ کے تمام ڈیپارٹمنٹس کا تفصیلی جائزہ لیا اور ادارے کے مضبوط تعلیمی و انتظامی نظام کو بےحد سراہا۔

24 نومبر 2025ء کو مشرقی افریقی ملک تنزانیہ سے آئے ہوئے معزز علمائے کرام  نے شعبہ رابطہ بالعلماء کے ذمہ داران کے ہمراہ دعوتِ اسلامی کے دینی تعلیمی بورڈ کنزالمدارس کا وزٹ کیا جوکہ فیصل آباد، پنجاب میں واقع ہے۔

اس دوران علمائے کرام کی رکنِ شوریٰ و صدر کنزالمدارس بورڈ مولانا حاجی جنید عطاری مدنی سے ملاقات اور میٹنگ ہوئی جس میں دینی تعلیم کے فروغ، عالمی سطح پر مدراس المدینہ کے نظام اور تعلیمی معاملات کے مختلف پہلوؤں پر تبادلۂ خیال کیا گیا۔

بعدازاں علمائے کرام کے وفد نے کنزالمدارس بورڈ کا تفصیلی دورہ کیا جہاں انہیں تعلیمی نظام، امتحانی سرگرمیوں، نصابِ تعلیم اور جدید انتظامی امور کے بارے میں بریفنگ دی گئی نیز علمائے کرام کو تمام شعبہ جات کا وزٹ بھی کروایا گیا۔علمائے کرام کے وفد نے کنزالمدارس کی منظم کاوشوں اور عالمی سطح پر ہونے والی دینی خدمات کو سراہا۔(رپورٹ:ابراراحمد کیمرہ مین سوشل میڈیا ڈیپارٹمنٹ کنزالمدارس بورڈ فیصل آباد، کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے تحت راہِ خدا عزوجل میں سفر کرنے والے 12 ماہ قافلے کے عاشقانِ رسول نے 18 نومبر 2025ء کو فیصل آباد، پنجاب میں واقع دینی تعلیمی بورڈ کنزالمدارس کا وزٹ کیا۔

کنزالمدارس بورڈ کے ذمہ دار نے عاشقانِ رسول کو مختلف ڈیپارٹمنٹس کا تفصیل تعارف کروایا جن میں امتحانات، نصاب سازی، نتائج کی تیاری، آن لائن سسٹم، ریسرچ اینڈ ڈویلپمنٹ، ریکارڈ مینجمنٹ اور دیگر اہم چیزیں شامل تھیں۔

عاشقانِ رسول کو وزٹ کے دوران بتایا گیا کہ کس طرح کنزالمدارس بورڈ جدید تقاضوں کے ساتھ ساتھ روایتی دینی درس گاہی معیار کو برقرار رکھے ہوئے ہے جبکہ اس وزٹ نے 12 ماہ قافلے کے عاشقانِ رسول کے علم و تجربے میں اضافہ بھی کیا اور انہیں ایک منظم دینی تعلیمی نظام کو قریب سے دیکھنے کا موقع ملا۔(رپورٹ:ابراراحمد کیمرہ مین سوشل میڈیا ڈیپارٹمنٹ کنزالمدارس بورڈ فیصل آباد، کانٹینٹ:غیاث الدین عطاری)

17 نومبر 2025ء کو خطیبِ اہلسنت و محققِ اہلسنت، قاطع رافضیت حضرت علامہ مولانا پیر سیّد  محمد مزمل عمر کاظمی شاہ صاحب کی اپنےرفقا کے ہمراہ فیصل آباد، پنجاب میں قائم کنزالمدارس بورڈ تشریف آوری ہوئی۔

معلومات کے مطابق شعبہ رابطہ بالعلماء کے ذمہ داران اور کنزالمدارس بورڈ کے صدر و رکنِ شوریٰ مولانا حاجی جنید عطاری مدنی سمیت بورڈ کے دیگر اراکین نے حضرت علامہ مولانا پیر سیّد محمد مزمل عمر کاظمی شاہ صاحب سے ملاقات کی اور چند اہم نکات پر تبادلۂ خیال کیا۔

بعدازاں معاون رکنِ شوریٰ نے حضرت علامہ مولانا پیر سیّد محمد مزمل عمر کاظمی شاہ صاحب کو کنزالمدارس بورڈ کے مختلف ڈیپارٹمنٹس کا وزٹ کروایا او ر ڈاکومنٹری بھی دکھائی۔(رپورٹ:ابراراحمد کیمرہ مین سوشل میڈیا ڈیپارٹمنٹ کنزالمدارس بورڈ فیصل آباد، کانٹینٹ:غیاث الدین عطاری)

فیصل آباد، پنجاب میں قائم دعوتِ اسلامی کے دینی تعلیمی بورڈ کنزالمدارس میں 13 نومبر 2025ء کو مرکزی مجلسِ شوریٰ کے نگران مولانا حاجی محمد عمران عطاری اور نگرانِ پاکستان مشاورت سمیت دیگر اراکینِ شوریٰ کی آمد ہوئی۔

اس موقع پر ایک میٹ اپ کا انعقاد ہوا جس میں صدر کنزالمدارس بورڈو رکنِ شوریٰ مولانا حاجی محمد جنید عطاری مدنی اور ایچ او ڈیز سمیت دیگر ذمہ دار اسلامی بھائی شریک ہوئے۔