گزشتہ روز  ہربل ڈیپارٹمنٹ دعوتِ اسلامی کے تحت مدینۃ الاولیاء ملتان شریف میں مدنی مشورہ ہوا جس میں پاکستان سطح کے ذمہ دار اسلامی بھائیوں نے شرکت کی۔

معلومات کے مطابق رکن شوریٰ قاری محمد سلیم عطاری نے اسلامی بھائیوں کی پچھلے دو ماہ سے شعبے میں ہونے والے دینی کاموں کی کارکردگی کا جائزہ لیا اور ذمہ داران کی اچھی کارکردگی کو سراہتے ہوئے انھیں آئندہ کے لئے اہداف دیئے۔(رپورٹ:حکیم نعیم رانا عطاری ہربل ڈیپارٹمنٹ پنجاب،کانٹینٹ:رمضان رضا عطاری)

ہربل ڈیپارٹمنٹ دعوتِ اسلامی  کی جانب سے نگران مجلس حکیم حسان عطاری نے شعبے کے اسلامی بھائیوں کے ساتھ ملکر ممبر قومی طبی کونسل ذوالفقار زاہد سے ملاقات کی ۔

ملاقات میں گورنمنٹ طبیہ کالج بہاولپور میں اجتماع کے انعقاد اور دعوتِ اسلامی کے مدارس و جامعۃ ُالمدینہ میں فری طبی کیمپ لگانے پر گفتگو ہوئی۔ اس پر انھوں نے دعوتِ اسلامی کی خدمات کو سراہتے ہوئے بھر پور تعاون کی یقین دہانی کروائی۔(رپورٹ:حکیم نعیم رانا عطاری ہربل ڈیپارٹمنٹ پنجاب،کانٹینٹ:رمضان رضا عطاری)

پچھلے دنوں ہربل ڈیپارٹمنٹ دعوتِ اسلامی کے زیرِ اہتمام نگران مجلس حکیم حسان عطاری نے  دیگر ذمہ دار اسلامی بھائیوں کے ہمراہ بہاولپور میں پروفیسر حکیم عبدالرحیم ہاشمی اور حکیم جلیل کریم کے ساتھ ملاقاتیں کیں ۔

دورانِ ملاقات ذمہ دار اسلامی بھائی نے حکیم صاحب کو دعوت اسلامی اور شعبہ رابطہ برائے حکیم کا تعارف پیش کیا مزید باہمی دلچسپی کے امور پر گفتگو رہی جس پر حکیم صاحبان نے خوشی کا اظہار کرتے ہوئے خدماتِ دعوت اسلامی کوخوب سراہا۔

٭دوسری جانب گورنمنٹ طبیہ کالج بہاولپور میں اساتذہ اور طبی ہسپتال کے عملے کے درمیان سیکھنے سکھانے کے حلقے کا انعقاد بھی ہوا جہاں حکیم نعیم رانا عطاری نے سنتوں بھرا بیان کیا اور اساتذہ کو ہفتہ وار سنتوں بھرے اجتماع میں آنے اور مدنی مذاکرہ دیکھنے کی دعوت دی۔(رپورٹ: ہربل ڈیپارٹمنٹ پنجاب،کانٹینٹ:رمضان رضا عطاری)

پچھلے دنوں گوجرانوالہ فیضانِ مدینہ میں ہربل ڈیپارٹمنٹ دعوت اسلامی کے تحت افطار اجتماع کا انعقاد کیا گیا جس میں نگران حاجی محمد دانیال عطاری نے سنتوں بھرابیان کیا۔

اس اجتماع میں 275 معتکفین سمیت گوجرانوالہ کے 80 سے زیادہ اطبائےکرام نے شرکت کی ۔

معلومات کے مطابق اس اجتماع میں حکیم سرفراز بھٹی، پروفیسر حکیم رفیق چشتی، پروفیسر حکیم عظیم عظمی، پروفیسر حکیم یاسین مغل، پروفیسر حکیم غفار قادری صاحب، پروفیسر حکیم قاسم، پروفیسر حکیم عرفان جانی، پروفیسر حکیم طاہر کے ہمراہ 40 کے قریب اطبا نے شرکت کی۔

پاکستان طبی کانفرنس پروفیسر حکیم محسن ضیاء صاحب کے ساتھ پروفیسر ریاض شاہد ، پروفیسر حکیم طاہر ندیم بھلر ، پرنسپل سلطان طبیہ کالج حکیم مشتاق اور حکیم عرفان قاضی کے ساتھ 7 اطبائے کرام نے شرکت کی۔(کانٹینٹ:رمضان رضا عطاری)

پچھلے دنوں ماہِ رمضان المبارک کی پاکیزہ گھڑیوں  میں لاڑکانہ فیضان مدینہ میں ہربل ڈیپارٹمنٹ دعوتِ اسلامی کے تحت افطار اجتماع کا انعقاد کیا گیا جس میں پاکستان طبی کانفرنس کے حکیم ارشد سمیت 30 اطبائے کرام نے شرکت کی۔

افطار اجتماع میں ہربل ڈیپارٹمنٹ کے ذمہ داراسلامی بھائی نے سنتوں بھرا بیان کیا اور شرکا کو دنیا بھر میں ہونے والے دعوت اسلامی کے دینی ،روحانی اور فلاحی کاموں کے بارے میں تفصیلی معلومات دیں نیز انھیں بھی ان نیک کاموں میں اپنا حصہ شامل کرنے کی ترغیب دلائی جس پر اطبائے کرام نے دینی کاموں کو کرنے کی اچھی نیتیں کیں۔( کانٹینٹ:رمضان رضا عطاری)

دعوتِ اسلامی کے تحت پچھلے دنوں کراچی سندھ میں نیشنل کونسل فارطب کے ممبر و سینئر نائب صدر حکیم سراج چانڈیو سے مرکزی مجلسِ شوریٰ کے رکن حاجی قاری محمد  ایاز عطاری کی ملاقات ہوئی۔

دورانِ ملاقات رکنِ شوریٰ نے حکیم سراج چانڈیو سے دعوتِ اسلامی کے دینی کاموں سمیت مختلف اہم امور پر گفتگو کی اور انہیں دعوتِ اسلامی کی عالمی سطح پر ہونے والی دینی و فلاحی خدمات کے بارے میں بتایا۔

اس موقع پر نگرانِ لاڑکانہ ڈویژن محمد عقیل عطاری سمیت شعبہ رابطہ برائے حکیم کے اہم ذمہ داران بھی موجودتھے۔( رپورٹ:مولانا محسن عطاری مدنی، کانٹینٹ:غیاث الدین عطاری)

پچھلے دنوں سندھ میر پور خاص فیضانِ مدینہ میں ہربل ڈیپارٹمنٹ پاکستان دعوتِ اسلامی کے تحت سنتوں بھرے  اجتماع کا انعقاد کیا گیا جس میں شہر کے معروف اطبا نے شرکت کی ۔

نگرانِ مجلس حکیم محمد حسان عطاری نے سنتوں بھرا بیان کیا جس میں وضو، غسل اور نماز کے بارے میں کتاب نماز کے احکام سے شرعی مسائل بتائیں او ر شرکا کو دعوتِ اسلامی کے شعبہ جات کا تعارف کروایا ۔

بعدازاں ڈویژن نگران محمد زین عطاری نے ڈویژن میر پور خاص میں دعوتِ اسلامی کے زیر اہتمام ہونے والے دینی کاموں پر بریفنگ دی اور حکیموں کو نیکی کی دعوت پیش کرتے ہوئے انھیں دینی کاموں میں عملی طور پر حصہ لینے کا ذہن دیا۔ (رپورٹ: محمد محسن مدنی شعبہ رابطہ برائے حکیم سندھ، کانٹینٹ: رمضان رضا عطاری) 

دعوتِ اسلامی  کے شعبہ رابطہ برائے حکیم کے تحت حیدرآباد میں حکیم شریف راڑ کے گھر میں ایصالِ ثواب اجتماع کا انعقاد کیا گیا جس میں لواحقین سمیت مقامی اطبا ،ڈاکٹرز اور دیگر عاشقانِ رسول نے شرکت کی ۔

تلاوت و نعت کے بعد نگرانِ شعبہ حکیم محمد حسان عطاری نے سنتوں بھرابیان کیا اور شرکا کو فکرِ آخرت کا ذہن دیتے ہوئے انہیں دعوتِ اسلامی کے ہفتہ وار سنتوں بھرے اجتماع میں آنے کی دعوت دی جس پر انہوں نے اچھی اچھی نیتوں کااظہار کیا۔(رپورٹ: محمد محسن مدنی شعبہ رابطہ برائے حکیم سندھ،کانٹینٹ: رمضان رضا عطاری)

دعوتِ اسلامی کے مدنی مرکز فیضانِ مدینہ نواب شاہ میں شعبہ رابطہ برائے حکیم کی جانب سے اجتماع کا انعقاد کیا گیا جس میں مقامی حکیموں نے شرکت کی۔

نگرانِ مجلس حکیم محمد حسان عطاری نے سنتوں بھرا بیان کیا جس میں شرکا کو وضو ،غسل اور نماز کی شرائط وفرائض کے بارے میں چند اہم مسائل بتائے۔

علاوہ ازیں دعوتِ اسلامی کے شعبہ جات کا تعارف کروایا اور دینی کاموں کی ترویج واشاعت میں اپنے ڈونیشن کے ذریعہ حصہ ملانے کا ذہن دیا اس پر حکیموں نے تعاون کرنے کی اچھی نیت کااظہار کیا۔(رپورٹ: محمد محسن مدنی شعبہ رابطہ برائے حکیم سندھ،کانٹینٹ: رمضان رضا عطاری)

گزشتہ روز  مدنی مرکز فیضانِ مدینہ لاڑکانہ میں اطبا میں سیکھنے سکھانے کاحلقہ منعقد ہوا جس میں نگرانِ مجلس حکیم حسان عطاری نے وضو، غسل اور نماز کی شرائط و فرائض کے بارے میں کتاب نماز کے احکام سے شرعی مسائل سمجھائے ۔

سیکھنے سکھانے کے حلقے میں حکیم معاذ چانڈیو ، حکیم ارشد اور حکیم معشوق کے ساتھ دیگر اطبا نے شرکت کی۔ بعد میں مذکورہ مہمانوں کے ساتھ اطبا میں دینی کام کرنے کے حوالے سے میٹنگ ہوئی جس میں ڈویژن نگران اسلامی بھائی نے شرکا کو دعوتِ اسلامی کے دینی کاموں کے بارے میں بریفنگ دی ۔ (رپورٹ: محمد محسن مدنی شعبہ رابطہ برائے حکیم سندھ،کانٹینٹ: رمضان رضا عطاری)

مؤرخہ 22 فروری 2023ء  بروز بدھ فیضانِ مدینہ منڈی بہاؤالدین میں اجتماع معراج کا انعقاد کیا گیا جس میں مقامی اطبانے شرکت کی۔اجتماع کا آغاز تلاوت قرآنِ پاک و نعتِ رسولِ مقبول سے کیا گیا۔

بعدازاں مبلغِ دعوتِ اسلامی نے ’’ معجزۂ معراج ‘‘ کے موضوع پر سنتوں بھرا بیان کیا اور تحفہ معراج نماز کے بارے میں بتاتے ہوئے نمازوں کی پابندی کرنے کا ذہن دیا نیز خصوصی طور پر نماز سیکھنے کے حوالےسے نماز کورس کرنے کی ترغیب بھی دلائی ۔

اس کے علاوہ ڈسٹرکٹ نگران رفعت عطاری نے شرکا کو منڈی بہاؤالدین میں ہونے والے دعوتِ اسلامی کے دینی کاموں کے بارے میں بریفنگ د ی اور آخر میں اطباکو مدنی مرکز فیضانِ مدینہ کا وزٹ کروایا۔

اس اجتماع میں مرکزی صدر پاکستان ہربلسٹ ایسوسی ایشن حکیم عبیداللہ جنجوعہ ، مرکزی صدر بزم اجمل پاکستان حکیم محمد افضل غوری ، حکیم نعیم عطاری ، صوبائی ذمہ دار ہربل ڈیپارٹمنٹ حکیم سعید احمد مرزا ، حکیم ساجد عمران اور محمد عاصم چشتی سمیت شہر کے معروف اطبانے بھی شرکت کی۔( کانٹینٹ: رمضان رضا عطاری)

شعبہ رابطہ برائے حکیم   دعوتِ اسلامی کی جانب سے 10فروری 2023ء بروز جمعہ مدنی مرکز فیضان مدینہ سبزہ زار لاہور میں فری طبی کیمپ لگایا گیا جس میں جامعۃُ المدینہ ومدرسۃُ المدینہ بوائز کے طلبہ کرام سمیت دیگر مدنی عملے کے لئے فری چیک اپ کیا گیا اور انہیں فری ادویات کی سہولت دی گئیں۔ (رپورٹ: حکیم نعیم رانا عطاری ، شعبہ رابطہ برائے حکیم پنجاب ،کانٹینٹ: رمضان رضا عطاری)