دعوتِ اسلامی کے شعبہ اطراف کابینہ کے زیر اہتمام 21 فروری 2021ء بروز اتوار حیدرآباد ریجن، زون سکھر، میاں جو گوٹھ کابینہ، گڑھی یاسین اطراف گوٹھ قائم خان میں سحری اجتماع کا انعقاد کیا گیا جس میں تقریباً 100 عاشقان رسول نے شرکت کی۔

نگران سکھر زون حاجی محمد بلال رضا عطاری نے رجب المرجب کے روزوں کے فضائل کے موضوع پر سنتوں بھرا بیان کرتے ہوئے اجتماع میں شریک اسلامی بھائیوں کو دعوت اسلامی کے دینی ماحول سے وابستہ ہونے کی ترغیب دلائی۔

اجتماع میں 26 فروری سے ایک ماہ مدنی قافلے میں سفر کرنے اور 7 دن کےفیضان نماز کورس کی ترغیب بھی دلائی گئی۔9اسلامی بھائیوں نے رات اعتکاف کرنےجبکہ دیگر عاشقان رسول نے نماز تہجد ادا کرنے اور روزہ رکھنے کی سعادت حاصل کی۔(رپورٹر: اختیار احمد عطاری، ذمہ داراطراف میاں جو گوٹھ کابینہ)


دعوتِ اسلامی کے شعبہ اطراف کےعلاقے کے تحت  K.P.K کوہستان کابینہ ضلع بٹگرام میں ماہانہ اجتماع ہوا جس میں شعبہ مدنی کورسز دعوت اسلامی سے ایک ماہ کا کورس مکمل کرنے والے اسلامی بھائیوں نے شرکت کی۔

ریجن ذمہ دار مجلسِ اطراف ذمہ دار ارسلان عطاری نے بیان کیا اور شرکا کو دینی کاموں میں شرکت کرنے کی ترغیب دلائی۔ اجتماع کے اختتام پر شرکا کو تحائف بھی دیئے گئے۔ (رپورٹ: منیر عطاری مدنی، نگران کابینہ شعبہ اطراف کے علاقے کابینہ کاہستان)


دعوتِ اسلامی کی مجلس اطراف گاؤں کے تحت30اکتوبر2019ء کو پسرور کے اطراف ڈویژن عیسیٰ ڈوگراں میں میلاد اجتماع کا انعقاد کیا گیا جس میں کسان اسلامی بھائیوں سمیت دیگر عاشقانِ رسول نے شرکت کی۔ نگران کابینہ نے ”کمالات مصطفیٰ“ پر سنّتوں بھرا بیان کیا اورشرکائے اجتماع کو دعوتِ اسلامی کے تحت دنیا بھر میں ہونے والے مدنی کاموں سے متعلق آگاہی فراہم کرتے ہوئے دعوتِ اسلامی کے مدنی ماحول سے وابستہ رہنے اور ہفتہ وار اجتماع میں شرکت کی ترغیب دلائی نیز شرکا کو مدارس المدینہ و جامعات المدینہ کے جملہ اخراجات کے سلسلہ میں ہونے والے ٹیلی تھون میں بڑھ چڑھ کر حصہ لینے کا ذہن بھی دیا۔(رپورٹ، امجد رضا عطاری، نگران پسرور کابینہ)


دعوتِ اسلامی کی مجلس اطراف گاؤں کے تحت 18 اکتوبر2019ء کو  کاٹھور سپر ہائی وے سندھ میں ذمہ داران کا مدنی مشورہ ہوا جس میں نگران زون نے شرکا کی کارکردگی کا جائزہ لیتے ہوئے ان کی تربیت کی اور 12مدنی کاموں کو مضبوط کرنے، اپنےاپنے ڈویژن و علاقوں کی مساجد کا ڈیٹا مکمل کرنے، یوم رضا اجتماع و ربیع النور شریف کے اجتماع کی تیاری کرنے اورنئے علاقوں سے ہفتہ وار اجتماع کی گاڑیاں چلانے کے اہداف طے کئے۔(رپورٹ،محمد خالد عطاری،نگرانِ کابینہ )


دعوتِ اسلامی کی مجلس اطراف گاؤں کے تحت 18 اکتوبر2019ء کو  رائس ولی داد گوٹھ سپر ہائی وے سندھ کی ایک مسجد میں سنّتوں بھرے اجتماع کا انعقاد کیا گیا جس میں مقامی اسلامی بھائیوں سمیت دیگر عاشقانِ رسول نے شرکت کی۔نگرانِ زون نے سنّتوں بھرا بیان کیا اور شرکا کو اعلیٰ حضرت امام احمد رضا خان رحمۃ اللہ علیہ کی سیرت کے بارے میں آگاہ کیا نیز شرکا کو بزرگوں کی سیرت پر عمل کرنے ، ہفتہ وار اجتماع میں شرکت کرنے اور قافلے میں سفر کی ترغیب دلائی۔(رپورٹ،محمد خالد عطاری،نگرانِ کابینہ )


دعوتِ اسلامی کی مجلس  اطراف گاؤں کے تحت 8 اکتوبر2019ء کو پنجاب کے شہر چنیوٹ میں مدنی حلقے کا انعقاد کیا گیا جس میں کسان اسلامی بھائیوں نے شرکت کی۔ اطراف کابینہ ذمہ دار نے شرکا کو نیکی کی دعوت پیش کرتے ہوئے دعوتِ اسلامی کے تحت دنیا بھر میں ہونے والے مدنی کاموں سے متعلق آگاہی فراہم کی اور کھیتوں کے عشر کے ذریعے دعوتِ اسلامی کے ساتھ تعاون کرنے کا ذہن دیا۔(رپورٹ:محمد شعیب رضا عطاری مجلس کارکردگی سرگودھا زونل دفتر)


دعوتِ اسلامی کی مجلس اطراف گاؤں کے تحت نارووال کی ڈویژن تلونڈی بھنڈراں میں ہفتہ واراجتماع کاسلسلہ ہواجس میں ڈویژن،علاقہ، حلقہ اور ذیلی حلقہ کے اسلامی بھائیوں شرکت کی ۔ مبلغِ دعوتِ اسلامی نے سنّتوں بھرا بیان کیا اور شرکا کو دعوتِ اسلامی کے مدنی ماحول سے وابستہ رہنے اور مدنی کاموں میں حصہ لینے کا ذہن دیا۔ (رپورٹ، محمداویس منورعطاری کابینہ کارکردگی ذمہ دارنارووال)


 دعوتِ اسلامی کی مجلس اطراف گاؤں کے تحت پچھلے دنوں پنجاب کے شہر شکرگڑھ میں علاقہ،ڈویژن اور کابینہ ذمہ داران کا اجلاس ہوا جس میں اطراف ریجن ذمہ دار نے شرکا کی کارکردگی کا جائزہ لیتے ہوئے ان کی تربیت کی اور اپنے علاقوں میں تقرر مکمل کرکے مدنی کاموں کومضبوط کرنے کے حوالے سے نکات دئیے۔(رپورٹ، محمدشفقت رضاعطاری، ریجن ذمہ داراطراف گاؤں)


دعوتِ اسلامی کی مجلس اطراف گاؤں  کے تحت ضلع ناروال کے گاؤں میں ایک ایم پی اے کے ڈیرے پر مدنی حلقہ ہوا جس میں ایم پی اے چوہدری بلال اکبر کے علاوہ دیگر اسلامی بھائیوں نے شرکت کی۔مبلغ دعوتِ اسلامی نے فیصلے میں انصاف کرنے کے حوالے سے سنّتوں بھرا بیان کیا اور شرکا کو دعوتِ اسلامی کا تعارف پیش کیا۔ 


دعوت اسلامی کی مجلس اطراف گاؤں کےتحت ٹنڈوجام کے ایک گاؤں میں مدنی حلقہ ہوا جس میں  ذمّہ داران اور کسان حضرات نے شرکت کی۔ مبلغ دعوتِ اسلامی نے سنّتوں بھرا بیان کیا اور انہیں دعوتِ اسلامی کے ہفتہ وار اجتماع میں شرکت، مدنی قافلوں میں سفر کرنے اور فرض علوم، نماز کورس سمیت دیگر کورسز میں حصہ لینے کا ذہن دیا۔