28فروری2025ء کو پنجاب کے شہر فیصل آباد کے علاقہ فور سیزن میں شعبہ مدرستہ المدینہ دعوت اسلامی کے تحت ایک عظیم الشان تقسیم اسناد اجتماع منعقد ہوا۔

تقسیم اسناد اجتماع میں دعوت اسلامی کے مرکزی مجلس شوریٰ کے رکن و صدر کنزالمدارس بورڈ مولانا جنید رضا عطاری مدنی نے سنتوں بھرا بیان فرمایا جن میں 14 حفاظ 18 ناظرہ مکمل کرنے والے بچوں کی دستار فضیلت کی اور ساتھ میں اسناد بھی تقسیم کیں اجتماع کے اختتام پر درودو سلام پڑھا گیا اور اجتماع کے شرکاء نے اپنے تاثرات بھی دئیے۔(کانٹینٹ:شعیب احمد)

ضلع نارووال کے شہر قلعہ احمدآباد میں موجود دعوتِ اسلامی کے مدنی مرکز فیضانِ مدینہ میں پچھلے دنوں شعبہ مدرسۃالمدینہ بوائز کے تحت ”شخصیات و سرپرست اجتماع“ کا انعقاد کیا گیا جس میں سینئر صحافی و کالم نگار ڈاکٹر عبدالخالق چوہدری اور صدر پریس کلب (رجسٹرڈ)قلعہ احمد آباد سمیت دیگر صحافی حضرات نے شرکت کی۔

اجتماع کا باقاعدہ آغاز تلاوتِ قراٰن و نعتِ رسولِ مقبول صلَّی اللہ علیہ واٰلہٖ وسلَّم سے کیا گیا جس کے بعد مبلغِ دعوتِ اسلامی نے سنتوں بھرا بیان کرتے ہوئے وہاں موجود اسلامی بھائیوں کی رہنمائی کی اور انہیں 12 دینی کاموں میں حصہ لینے کا ذہن دیا۔

شعبہ مدرستہ المدینہ اور مدرستہ المدینہ بالغان کے زیر اہتمام20فروری2025 کو فقیر والی تحصیل ہارون میں تقسیم اسناد اجتماع منعقد ہوا جس میں مارکیٹ میں پڑھنے والے طلباء اور بچےکے سرپرست سمیت دیگر عاشقان رسول نے شرکت کی۔

تقسیم اسناد اجتماع میں سٹی نگران قاری عرفان عطاری نے قرآن کریم کی اہمیت پر بیان کرتے ہوئے حاضرین کو اپنی زندگی کا تعلق قرآن سے جوڑنے کا ذہن دیا اس موقع پر 150 بچے کو حفظ قرآن پر اور تقریباً 60 سے زائد عاشقان رسول جو مدرستہ المدینہ بالغان میں پڑھتے ہیں انکو اسناد دی گئیں۔( رپورٹ۔قاری عظیم عطاری،کانٹینٹ شعیب احمد )

صوبہ خیبرپختونخوا کے شہر ایبٹ آباد میں تعلیمِ قراٰن عام کرنے والے دعوتِ اسلامی کے شعبہ مدرسۃ المدینہ بوائز کے تحت پچھلے دنوں ”تقسیمِ اسناد اجتماع“ منعقد ہوا جس میں حُفاظِ کرام اور ناظرہ خواں سمیت اُن کے سرپرستوں نے شرکت کی۔

اجتماع کا آغاز معمول کے مطابق تلاوتِ قراٰن سے کیا گیا اور نعت شریف پڑھی گئی جس کے بعد مرکزی مجلسِ شوریٰ کے رکن حاجی یعفور رضا عطاری نے حاضرین کے درمیان سنتوں بھرا بیان کیا۔

بیان کے بعد رکنِ شوریٰ نے مدرسۃ المدینہ بوائز سے حفظ مکمل کرنے والے اور ناظرہ قراٰنِ پاک مکمل کرنے والے بچوں میں اسناد تقسیم کرتے ہوئے اُن کی حوصلہ افزائی کی اور دعا کروائی جبکہ عاشقانِ رسول نے رکنِ شوریٰ سے ملاقات بھی کی۔(رپورٹ: محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری) 

جھل مگسی حب چوکی، صوبہ بلوچستان میں موجود دعوتِ اسلامی کے مدنی مرکز فیضانِ مدینہ  گزشتہ روز شعبہ مدرسۃ المدینہ بوائز کے تحت ”تقسیمِ اسناد اجتماع“ کا انعقاد کیا گیا جس میں بچوں سمیت اُن کے سرپرستوں اور دیگر اسلامی بھائیوں نے شرکت کی۔

تلاوت و نعت کے بعد مرکزی مجلسِ شوریٰ کے رکن حاجی منصور عطاری نے سنتوں بھرا بیان کیا اور حاضرین کی دینی و اخلاقی اعتبار سے تربیت کرتے ہوئے انہیں دعوتِ اسلامی کے دینی کاموں میں حصہ لینے کا ذہن دیا۔

آخر میں رکنِ شوریٰ حاجی منصور عطاری نے مدرسۃالمدینہ بوائز کے بچوں میں اسناد تقسیم کیں اور حوصلہ افزائی کے لئے بعض بچوں کی دستار بندی بھی کی۔ (رپورٹ: عمیر عطاری ، کانٹینٹ:غیاث الدین عطاری)

دعوتِ اسلامی کے مدنی مرکز فیضانِ مدینہ جوہر ٹاؤن لاہور میں پچھلے دنوں شعبہ مدرسۃ المدینہ بوائز لاہور کے ناظمین اور مدرسین کے لئے سنتوں بھرے اجتماع کا انعقاد کیا گیا جس میں شعبے کے اہم ذمہ داران بھی شریک ہوئے۔

اجتماع کے دوران مرکزی مجلسِ شوریٰ کے رکن حاجی یعفور رضا عطاری نے شرکا کی ذہن سازی کرتے ہوئے انہیں 1 ماہ کا اعتکاف کرنے اور دعوتِ اسلامی کے اخراجات کو پورا کرنے کے لئے زیادہ سے زیادہ ڈونیشن جمع کروانے کی ترغیب دلائی۔

5 فروری 2025ء کو قراٰنِ کریم کی تعلیم دنیا بھر میں عام کرنے والے دعوتِ اسلامی کے شعبہ مدرسۃ المدینہ بوائز کے تحت سیال موڑ، سرگودھا میں تقسیمِ اسناد پروگرام کا انعقاد کیا گیا جس میں علمائے کرام، سیاسی و سماجی شخصیات اور دیگر عاشقانِ رسول نے شرکت کی۔

معمول کے مطابق پروگرام کا آغاز تلاوتِ کلامِ پاک اور نعتِ رسولِ مقبول صلَّی اللہ علیہ واٰلہٖ وسلَّم سے کیا گیا جس کے بعد نگرانِ ڈویژن مشاورت عادل رضا عطاری نے ”تلاوت کے فضائل“ کے موضوع پر بیان کیا۔

پروگرام کے آخر میں مدرسۃ المدینہ بوائز کے بچوں کی حوصلہ افزائی کے لئے اُن کے درمیان سرٹیفکیٹ تقسیم کئے گئے۔(رپورٹ:محمد ہارون عطاری ، کانٹینٹ:غیاث الدین عطاری)

22 اکتوبر 2024ء کو فیصل آبا دپنجاب میں قائم دعوتِ اسلامی کے مدنی مرکز فیضانِ مدینہ میں مدرسۃ المدینہ بوائز کا مدنی مشورہ منعقد ہوا جس میں نگرانِ فیصل آباد ڈویژن  مشاورت، مدرسۃالمدینہ بوائز فیصل آباد ڈویژن کے مدرسین و ناظمین اور ذمہ دار اسلامی بھائیوں کی شرکت ہوئی۔

دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے اسلامی بھائیوں سے گفتگو کرتے ہوئے سابقہ کارکردگیوں کا جائزہ لیا نیز ٹیلی تھون 2024ء کے حوالے سے ناظمین و مدرسین اور ذمہ داران کو اہداف دیئے جس پر انہوں نے اچھی اچھی نیتیں کیں۔

اس کے علاوہ رسید بکس، بروشرز اور دیگر اہم نکات پر تبادلۂ خیال کیا گیا جس پر تمام اسلامی بھائیوں نے اپنی اپنی رائے پیش کی۔ آخر میں اسلامی بھائیوں نے نگرانِ پاکستان مشاورت سے ملاقات بھی کی۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

سنیاہ کشمیر میں قائم دعوتِ اسلامی کے مدرسۃ المدینہ بوائز میں سنتوں بھرا اجتماع منعقد ہوا جس میں مقامی عاشقانِ رسول اور مدرسۃ المدینہ بوائز میں پڑھنے والے بچوں کے سرپرستوں نے شرکت کی۔

اجتماع کے آغاز میں تلاوتِ قراٰن کی گئی اور نعت شریف پڑھی گئی جس کے بعد مرکزی مجلسِ شوریٰ کے رکن مولانا حاجی محمد اسد عطاری مدنی نے ”ذکرِ اہلبیت“ کے موضوع پر بیان کیا۔

دورانِ بیان رکنِ شوریٰ نے اپنے بچوں کو مدرسۃ المدینہ بوائز میں داخلہ دلوانےکے حوالے سے حاضرین کی ذہن سازی کی اور بتایا کہ رواں سال مدرسۃ المدینہ بوائز کے 40 بچوں نے ناظرہ جبکہ 3 بچوں نے حفظِ قراٰن کرنے کی سعادت حاصل کی جس پر انہیں تحائف دیئے گئے۔آخر میں صلوٰۃ و سلام پڑھا گیا اور دعا کروائی گئی۔(رپورٹ: محمد انس عطاری معاون رکن شوری حاجی اسد عطاری، کانٹینٹ:غیاث الدین عطاری)

دعوتِ اسلامی کے مدنی مرکز فیضانِ مدینہ فیصل آباد میں پچھلے دنوں مدرسۃ المدینہ بوائز (فیصل آباد ڈویژن) کے تحت سنتوں بھرا اجتماع منعقد ہوا جس میں ڈویژن ذمہ دار، ناظمین، مدرسین اور اسٹاف کے دیگر اسلامی بھائیوں کی شرکت ہوئی۔

مدنی مشورے کی ابتدا میں رکنِ مرکزی مجلسِ شوریٰ و نگرانِ پاکستان مشاورت حاجی محمد شاہد عطاری نے ڈسٹرکٹ وائز 12 دینی کاموں کی کارکردگی (جنوری تا مئی 2024ء) کا جائزہ لیتے ہوئے نمایاں کارکردگی پر حاضرین میں تحائف تقسیم کئے۔

اس کے علاوہ شعبے سے متعلق کلام کرتے ہوئے نگرانِ پاکستان مشاورت نے دیگر مختلف موضوعات پر اسلامی بھائیوں کی ذہن سازی کی اور انہیں مدنی پھولوں سے نوازا۔

16مارچ 2024ء  بروز ہفتہ جامع مسجد فیضان عطار و مدرسۃالمدینہ بوائز سدھار فیصل آباد میں تقسیم اسناد اجتماع کا انعقاد ہوا جس میں نگران ڈویژن مشاورت فیصل آباد حاجی محمد سلیم عطاری نے بیان کیا۔

حاجی محمد سلیم عطاری نے آنے والے مہمانوں کو علم دین حاصل کرنے اور اپنے بچوں کو مدرسۃالمدینہ و جامعۃ المدینہ میں داخل کروانے کا ذہن دیا جس پر انہوں نے اچھے خیالات کا اظہار کیا۔

بعد بیان ناظرہ قرآن پاک ختم کرنے والے بچوں کو اسناد بھی پیش کی گئیں۔ ( محمد عبدالرزاق عطاری شعبہ ہفتہ وار اجتماع و مدنی مذاکرہ فیصل آباد ڈویژن،کانٹینٹ:رمضان رضا عطاری)

مدرسۃ  المدینہ بوائز گاؤں تونگیری پیراں ضلع حویلی جموں کشمیر میں 15 مارچ 2024ء کو تقسیم اسناد اجتماع کا سلسلہ ہوا جس میں مدرسے کے بچے ،قاری صاحبان سمیت اہل علاقہ سے اسلامی بھائیوں نے شرکت کی۔

مدرس مدرسہ قاری رضوان عطاری نے ” شانِ قرآن“ کے موضوع پر بیان کیا اورشرکا کو نیکی کی دعوت دیتے ہوئے انہیں تلاوت قرآن پاک کرنے کی ترغیب دلائی اور اپنے ڈونیشن دعوت اسلامی کو دیکر دینی کاموں میں اپنا حصہ شامل کرنے کا ذہن دیا ۔آخر میں حفظ و ناظرہ مکمل کرنے والے 15 اسٹوڈنٹس میں اسناد تقسیم کی گئیں۔(رپورٹ: سید وقار عطاری شعبہ گھریلو صدقہ بکس، کانٹینٹ:رمضان رضا عطاری)