دعوت اسلامی کے شعبہ مدرسۃ المدینہ بوائز میں 17 جولائی 2021ء کو گودھرا کالونی نیو کراچی میں رزلٹ اناؤنس کے سلسلے میں ایک پروگرام کا انعقاد کیا گیا جس میں عصری علوم اسکول کے اسٹوڈنٹس نے شرکت کی۔

ناظم مدرسۃ المدینہ بوائز قاری بغداد رضا عطاری نے تعلیم ، پابندی اورصفائی ستھرائی پر طلبہ کی تربیت کی اور انہیں اگلی کلاس میں اپنی تعلیم ، پابندی ، اپنے اخلاق و کردار کو مزید بہتر بنانےکے لئے کوشش کرنے کا ذہن دیا۔

آخر میں پوزیشن حاصل کرنے والے بچوں کو تحائف پیش بھی کئے گئے۔ (رپورٹ: محمد بغداد رضا عطاری رکن کابینہ و ناظم مدرستہ المدینہ گودھرا کالونی)


دعوت اسلامی کے شعبے مدرسۃ المدینہ بوائز کے تحت 3 جولائی 2021ء کو گودھراں کالونی کراچی میں مدنی مشورہ ہواجس میں مدرسۃ المدینہ بوائز کے مدرسین نے شرکت کی۔

قاری محمد بغداد رضا عطاری نے تعلیمی و تکمیلی کارکردگی کو بہتر سے بہترین بنانے پر گفتگو کی اور رسالہ نیک اعمال، ہفتہ وار اجتماع، رسالہ مطالعہ اور مدنی مذاکرہ کی کاکردگی کا فالو اپ کیا۔ (رپورٹ: محمد بغداد رضا عطاری رکن کابینہ و ناظم مدرستہ المدینہ گودھرا کالونی)


دعوت اسلامی کے شعبہ مدرسۃ المدینہ بوائز کے زیر اہتمام 29 جون 2021ء کو ڈھرکی میں مدنی حلقے کا انعقاد کیا گیا جس میں مدرسۃ المدینہ کے بچوں نے شرکت کی۔

نگران ڈویژن ڈھرکی منظور عطاری مدنی نے اخلاقیات کے حوالے سے تربیت کی اور امتحان میں نمایاں کارکردگی پر بچوں کی حوصلہ افزائی کرتے ہوئے تحائف دیئے۔


دعوت اسلامی کے شعبہ مدرسۃ المدینہ بوائز کے زیر اہتمام 18 جون 2021ء کو مدارس المدینہ ہزارہ زون کے ناظم اعلیٰ و دیگر اسٹاف نے تین دن کے مدنی قافلے میں خیبر پختونخواہ کے شہر اطراف لساں نواب پہنچے۔مدنی قافلے میں درس و بیان کے ساتھ ساتھ نیکی کی دعوت کا بھی سلسلہ رہا۔(رپورٹ: جہانگیر شاہ عطاری، ناظم اعلیٰ و رکن زون مدرسۃ المدینہ)


شعبہ مدرسۃ المدینہ بوائز دعوتِ اسلامی کے زیر اہتمام گزشتہ دنوں لاہور ریجن ، ہزارہ زون ، مانسہرہ کابینہ خیبر پختونخواہ مانسہرہ  میں مدنی مشورہ ہوا جس میں مدارس المدینہ ہزارہ زون کے تمام ناظمین نے شرکت کی۔

ناظم اعلیٰ و رکن زون مدرستہ المدینہ جہانگیر شاہ عطاری نے مدنی مشورے میں نے ناظمین کو تعلیمی کیفیت بہتر کرنے، اپنے مدرسہ کو خود کفیل کرنے اور امتحان جدول تقسیمِ کاری کی ۔(رپورٹ: جہانگیر شاہ رکن زون مدرستہ المدینہ )

شعبہ مدرستہ المدینہ دعوتِ اسلامی کے زیر اہتمام 11 جون 2021ء بروز جمعہ کراچی ریجن، ایسٹ ملیر زون، ڈویژن محمود آباد، علاقہ محمود آباد گیٹ میں نیو مدرستہ المدینہ کی شاخ کا افتتاح ہوا جس میں کابینہ، ڈویژن، علاقائی سطح کے ذمہ داران، ائمہ مساجد، مسجد انتظامیہ و دیگر اسلامی بھائیوں نے  بڑی تعداد میں شرکت کی۔

رکن شوری حاجی اطہر عطاری نے افتتاح کے موقع پر قرآن اور اہل بیت کے موضوع پر سنتوں بھرا بیان کرتے ہوئے ادارے مضبوط کرنے اور بچوں کو مدرستہ المدینہ میں داخلہ دلوانے کی ترغیب دلائی۔(رپورٹ: محمد اشفاق علی عطاری، خادم ڈویژن محمود آباد )

مدرستہ المدینہ بوائز دعوتِ اسلامی کے زیر اہتمام 6جون 2021ء کو کراچی ریجن ، نارتھ کراچی کابینہ کے علاقے گودھرا کالونی نیو کراچی میں مدنی مشورہ ہوا جس میں مدرسین نے شرکت کی۔

حافظ غزالی العطاری اور قاری بغداد رضا عطاری نے سابقہ سال کے مقابلے میں اس سال تعلیمی معیار میں اضافہ کرنے پر گفتگو کرتے ہوئے اس کا طریقہ بیان کیا نیز اس سال سابقہ سال سے زیادہ بچوں کو حفظ و ناظرہ مکمل کروانے کے اہداف دئیے۔(رپورٹ: محمد بغداد رضا عطاری )

شعہ مدرسۃ المدینہ دعوتِ اسلامی کے زیر اہتمام گزشتہ دنوں اوکاڑہ زون،  ستگھرہ اطراف کابینہ ، ڈویژن ستگھرہ کے علاقہ 19ون آر میں مدرسۃالمدینہ للبنین کا آغاز ہوچکا ہے۔ اس میں بچوں کی تعداد بڑھانے اور دیگر انتظامات کا جائزہ لینے کے لئے نگران کابینہ لیاقت علی عطاری نے مدنی مشورہ کیاجس میں علاقہ نگران ناصر حسین عطاری، حلقہ نگران وحید اقبال عطاری اور دیگر ذمہ داران نے شرکت کی۔ شرکا نے مدرسہ میں بچوں کی تعداد بڑھانے اور گاؤں میں ہر جمعرات کو ہونے والے اجتماع میں اسلامی بھائیوں کی تعداد بڑھانے کا عزم کیا ۔ (رپورٹ قاری علی حسنین عطاری ستگھرہ کابینہ)

مدرسۃ المدینہ دعوتِ اسلامی  کے زیر اہتمام 20 مئی 2021ء کو کنزالایمان مدرستہ المدینہ جوہر ٹاؤن لاہور میں ٹریننگ سیشن کا انعقاد کیا گیا جس میں ٹیچرز اور اسٹوڈنٹس کی تربیت کیسے کریں کے موضوع پر رکن شوریٰ حاجی یعفور رضا عطاری نے گفتگو کی۔

شعبہ مدرستہ المدینہ بوائز دعوتِ اسلامی  کے زیر اہتمام 28 اپریل 2021ء کراچی ریجن ، نارتھ کراچی کابینہ، نیو کراچی میں مدنی مشورہ ہوا جس میں اسٹاف نے شرکت کی۔

مبلغِ دعوتِ اسلامی قاری محمد بغدادرضاعطاری نے گھر گھر فطرہ مہم پر گفتگو کرتے ہوئے گھر گھر جاکر فطرہ جمع کرنے، چندے کے اسٹال لگانے اور عید کی نماز سے قبل مشہور عید گاہوں پر اسٹال لگانے کے حوالے سے گفتگو کی۔(رپورٹ: بغداد رضا)


مدنی مرکز فیضان مدینہ ڈھرکی میں دعوتِ اسلامی کے شعبے مدرسۃ المدینہ کے زیر اہتمام  عظیم الشان اجتماع بسلسلہ تقسیم اسناد منعقد ہواجس میں مدرسۃ المدینہ بوائز ڈھرکی کے طلبہ کرام، اساتذہ کرام اور شہرکے دیگر معروف شخصیات اور مدنی علماءکرام نے شرکت کی۔

مبلغ ِدعوت اسلامی نے شانِ قرآن اور اسلاف کی قرآن سے محبت کے موضوع پر بیان فرمایا اور دعوت ِاسلامی کے شعبہ جات کا تعارف پیش کیا آخرمیں قرآن پاک حفظ کرنے والے اور ناظرہ قرآن کی تکمیل کرنے والے بچوں میں اسناد(سرٹیفیکیٹس) تقسیم کئے گئےنیز شرکاء اجتماع کو لنگر رضویہ بھی پیش کیا گیا۔(رپورٹ: منظور احمد مدنی، نگران ڈھرکی)


شعبہ مدرستہ المدینہ  دعوتِ اسلامی کے زیر اہتمام ڈیرہ الہ یار ضلع جعفر آباد میں مدرستہ المدینہ شاخ فیضان مزمل میں حفظ و ناظرہ مکمل کرنے والے طلباء میں تقسیم اسناد و دستار فضیلت کا سلسلہ ہوا جس میں طلباء کے سرپرستوں ذمہ داران دعوت اسلامی اورعلماء کرام و مختلف شخصیات نے شرکت کی۔

اجتماع ذکرو نعت بسلسلہ تقسیم اسناد میں مبلغ دعوت اسلامی نے فضائل قرآن پر بیان فرمایا۔حفظ و ناظرہ مکمل کرنے والے طلباء کی دستار بندی، تقسیم اسناد اور تحائف پیش کئے گئے۔(محمد وقار رضا عطاری ، مجلس رابطہ و نشر و اشاعت زون ذمہ دار بلوچستان)