شعبہ رابطہ بالعلماء دعوتِ اسلامی کے تحت ذمہ دار اسلامی بھائیوں کی  حضرت مولانا پیر محمد غفران محمود سیالوی صاحب (بانی و مہتمم جامعہ غوثیہ امام احمد رضا اور خلیفہ مجاز بریلی شریف)سے ملاقات ہوئی۔

ملاقات کے دوران شعبے کے صوبائی ذمہ دار مولانا شہباز عطاری مدنی نے مولانا پیر محمد غفران محمود سیالوی صاحب کو شعبہ رابطہ بالعلماء سے متعلق تفصیلی اپڈیٹس سے آگاہ کیا اور انہیں کنزالمدارس بورڈ آفس، فیصل آباد کا وزٹ کرنے کی دعوت پیش کی ۔

آخر میں مولانا پیر محمد غفران محمود سیالوی صاحب نے دعوتِ اسلامی کی خدمات کے حوالے سے خوشی کا اظہار کیا اور دعوتِ اسلامی کے دینی تعلیمی بورڈ کنزالمدارس کا وزٹ کرنے کی نیت کی۔(رپورٹ: مولانا خالد عطاری مدنی شعبہ رابطہ بالعلماء اسلام آباد راولپنڈی ڈویژن ، کانٹینٹ:غیاث الدین عطاری)

دعوتِ اسلامی کے شعبہ رابطہ بالعلماء کے تحت ذمہ دار اسلامی بھائیوں نے جامعہ نور الاسلام، گلہڑہ گلی، نیومری کا دورہ کیا جہاں انہوں نے جامعہ کے بانی و مہتمم حضرت مولانا قاری عبدالرحمٰن سیالوی صاحب سے ملاقات کی۔ 

اس ملاقات میں شعبے کے صوبائی ذمہ دار مولانا شہباز عطاری مدنی نے انہیں دعوتِ اسلامی کی ڈیجیٹل اور فزیکل خدمات کے حوالے سے تفصیلی معلومات فراہم کی جس پر مہتمم صاحب نے خوشی کا اظہار کیا اور دعاؤں سے نوازا۔(رپورٹ: مولانا خالد عطاری مدنی شعبہ رابطہ بالعلماء اسلام آباد راولپنڈی ڈویژن ، کانٹینٹ:غیاث الدین عطاری)

دعوتِ اسلامی کے شعبہ رابطہ بالعلماء کے تحت ذمہ دار اسلامی بھائیوں کے ایک وفد نے سکھر، سندھ میں واقع عاشقانِ رسول کے دارالعلوم انیس المدارس کا دورہ کیا جہاں انہوں نے ادارے کے مہتمم حضرت مولانا مفتی نعمان حنفی صاحب دامت بَرَکَاتُہمُ العالیہ اور دیگر اساتذۂ کرام سے ملاقات کی۔

ذمہ دار اسلامی بھائیوں نے ملاقات کے دوران علمائے کرام کو شعبہ اسلامک ریسرچ سینٹر (المدینۃالعلمیۃ) سے تحریر شدہ اور شعبہ مکتبۃالمدینہ سے شائع شدہ درسِ نظامی کی کُتُب پر ہونے والے کاموں کا تعارف پیش کیا۔

آخر میں حضرت مولانا مفتی نعمان حنفی صاحب نے دعوتِ اسلامی کی اس خدمت کو سراہا اور اپنے ادارے میں ان کُتُب کو رائج کرنے کی یقین دہانی کروائی۔(رپورٹ: شعبہ رابطہ بالعلماء ، کانٹینٹ:غیاث الدین عطاری)

عراق سے تشریف لانے والے معزز علمائے کرام ڈاکٹر مشتاق عماد عبد العزیز (رئیس قسم علومِ دین، جامعہ المعارف و رئیس الکلیۃ) اور شیخ ڈاکٹر اسعد عبد العلیم (جمعیۃ رابطۃ العلماء فی العراق و استاد، کلیۃ امامِ اعظم) نے 27 نومبر 2025ء کو فیصل آباد، پنجاب میں قائم دعوتِ اسلامی کے دینی تعلیمی بورڈ کنزالمدارس کا دورہ کیا۔

اس دوران معزز علمائے کرام کی رکنِ شوریٰ و صدر کنزالمدارس بورڈ مولانا محمد جنید عطاری مدنی سے ملاقات ہوئی جس میں انہوں نے کنزالمدارس بورڈ کی عالمی سطح پر ہونے والی تعلیمی معاملات کے مختلف پہلوؤں پر تبادلۂ خیال کیا ۔

آخر میں علمائے کرام نے کنزالمدارس بورڈ کے تمام ڈیپارٹمنٹس کا وزٹ کیا اور ادارے کے مضبوط تعلیمی وانتظامی نظام کو بےحد سراہا جبکہ رکنِ شوریٰ نے علمائے کرام کو تحائف بھی پیش کئے۔(رپورٹ:ابراراحمد کیمرہ مین سوشل میڈیا ڈیپارٹمنٹ کنزالمدارس بورڈ فیصل آباد، کانٹینٹ:غیاث الدین عطاری)

21 نومبر 2025ء کو شعبہ رابطہ بالعلماء دعوتِ اسلامی کے تحت کنزالمدارس بورڈ فیصل آباد، پنجاب میں ایک میٹنگ ہوئی جس میں صوبائی ذمہ داران اور پنجاب کے ڈویژن ذمہ داران نے شرکت کی۔

اس موقع پر رکنِ شوریٰ و صدر کنزالمدارس بورڈ مولانا حاجی جنید عطاری مدنی نے حاضرین کی تربیت و رہنمائی کرتے ہوئے انہیں بتایا کہ شعبے کے کام کو مزید مؤثر ، منظم اور نمایاں بنانے کے لئے کن امور پر خصوصی توجہ دی جائے؟۔

رکنِ شوریٰ کا اپنی گفتگو کے دوران کہنا تھا کہ نامور علمائے کرام کو عالمی مدنی مرکز فیضانِ مدینہ کراچی سمیت دیگر مدنی مراکز کا وزٹ کروایا جائے نیز کنزالمدارس بورڈ کا تعارفی وزٹ بھی کروایا جائے تاکہ انہیں دعوتِ اسلامی کے وسیع کاموں اور خدمات کی مکمل آگاہی ہوسکے۔ (رپورٹ:ابراراحمد کیمرہ مین سوشل میڈیا ڈیپارٹمنٹ کنزالمدارس بورڈ فیصل آباد، کانٹینٹ:غیاث الدین عطاری)

پچھلے دنوں دعوتِ اسلامی کے دینی کاموں کے سلسلے میں شعبہ رابطہ بالعلماء کے ذمہ داران کا دادو شہر، سندھ میں شیڈول رہا جہاں انہوں نے اہلسنت و جماعت کے 3 جامعات کا وزٹ کیا۔

معلومات کے مطابق ذمہ داران میں موجود شعبہ رابطہ بالعلماء کے صوبائی ذمہ دار محب اللہ عطاری مدنی نے شعبہ مکتبۃالمدینہ کے ذمہ دار کے ہمراہ مفتی نصر اللہ حسینی صاحب، مفتی صغیر سکندری صاحب اور مفتی مختیار قاسمی صاحب سے ملاقات کی۔

صوبائی ذمہ دار نے مفتیانِ کرام کو دعوتِ اسلامی کے کُتُب و رسائل ، ایپلی کیشنز اور دینی خدمات کے متعلق بتایا جس پر انہوں نے دعوتِ اسلامی کی خدمات کو سراہتے ہوئے امیرِ اہلِ سنت دامت بَرَکَاتُہمُ العالیہ اور دعوتِ اسلامی کے لئے دعائیں کی۔(رپورٹ: شعبہ رابطہ بالعلماء، کانٹینٹ:غیاث الدین عطاری)

23 ستمبر 2025ء کو شعبہ رابطہ بالعلماء کے تحت مکتبہ المدینہ کراچی کے ذمہ دار مولانا شعیب عطاری مدنی، صوبائی ذمہ دار مولانا محب عطاری مدنی اور میرپورخاص ڈویژن کے شعبہ ذمہ دار نے دارالعلوم کنزالایمان رضویہ اور دارالعلوم اہلسنت رضویہ میرپورخاص میں مفتی زاہد سکندری صاحب،  مولانا یار محمد سنگراسی صاحب، مفتی کمال سکندری صاحب اور حافظ محمود قادری صاحب سے ملاقات کی۔

ملاقات کے دوران مکتبہ المدینہ کی جانب سے مختلف کُتُب و رسائل کا تعارف پیش کیا گیا جس پر علمائے کرام نے اپنے تاثرات کا اظہار کرتے ہوئے کہا کہ دعوتِ اسلامی دین کی خدمت ہر شعبے میں انجام دے رہی ہے اور مکتبہ المدینہ کے ذریعے درس نظامی کی کُتُب اور دینی لٹریچر کے ذریعے مسلک ِاعلیٰ حضرت رحمۃ اللہ علیہ نیز دینِ متین کی خدمات جاری ہیں۔

دعوتِ اسلامی کے دینی کاموں کے سلسلے میں شعبہ رابطہ بالعلماء کے صوبائی ذمہ دار مولانا محمد محب عطاری مدنی  نے ماہر علم التوقیت و فلکیات مولانا وسیم عطاری مدنی کے ہمراہ مناظر اہلسنت بانی اویس رضا لائبریری مولانا ظفر رضوی صاحب سے عیادت کی۔

حیدرآباد، سندھ میں قائم عظیم مرکزی  علمی درسگاہ احسن البرکات میں ماہر علم توقیت و فلکیات مولانا وسیم عطاری مدنی کی شعبہ رابطہ بالعلماء کے صوبائی ذمہ دار مولانا محمد محب عطاری مدنی کے ہمراہ آمد ہوئی۔

اس دوران ذمہ دار اسلامی بھائیوں کی دارالعلوم احسن البرکات کے مہتمم اور جانشین مفتی احمد میاں برکاتی صاحبزادہ مفتی جواد رضا برکاتی شامی صاحب ، دارالافتاء احسن البرکات کے مصدق مفتی شاہد برکاتی صاحب اور مفتی عبد الجبار برکاتی کشمیری صاحب سمیت عملے کے دیگر اسلامی بھائیوں سے ملاقات ہوئی۔

مولانا وسیم عطاری مدنی نے شعبے کے تحت انٹرنیشنل سطح پر ہونے والی دینی خدمات، نمازوں کے اوقات پر مشتمل ایپلیکیشن اور اسلامک ریسرچ سینٹر (المدینۃ العلمیہ) کے ذریعے ملنے والے دینی لیٹیچر کا تعارف کروایا۔

آخر میں علمائے کرام کو عالمی مدنی مرکز فیضانِ مدینہ کراچی کا وزٹ کرنے کی دعوت دی جس پر مفتی جواد برکاتی صاحب سمیت دیگر مفتیانِ کرام نے دعوت قبول کرتے ہوئے دعوتِ اسلامی کے دینی کاموں کو سراہا اور دعاؤں سے نوازا۔(رپورٹ:محمد محب عطاری مدنی مجلسِ رابطہ بالعلماء حیدرآباد ریجن، کانٹینٹ:غیاث الدین عطاری)

دعوتِ اسلامی کے دینی کاموں کے سلسلے میں 3 مئی 2025ء کو حیدرآباد، سندھ میں ماہر علمِ  توقیت و فلکیات مولانا وسیم عطاری مدنی نے شعبہ رابطہ بالعلماء کے صوبائی ذمہ دار مولانا محمد محب عطاری مدنی کے ہمراہ سندھ کی عظیم مرکزی علمی درسگاہ رکن الاسلام مجددیہ کا دورہ کیا۔

اس دورے میں ذمہ داران کی دارالعلوم رکن الاسلام کے مہتمم، جمیعتِ علما پاکستان اور ملی یکجتی کونسل کے صدر حضرت مولانا ڈاکٹر ابوالخیر محمد زبیر نقشبندی صاحب سے ملاقات کی جبکہ مدرسین سمیت عملے کے دیگر اسلامی بھائی بھی موجود تھے۔

مولانا وسیم عطاری مدنی نے شعبے کے تحت انٹرنیشنل سطح پر ہونے والی دینی خدمات، نمازوں کے اوقات پر مشتمل ایپلیکیشن اور اسلامک ریسرچ سینٹر (المدینۃ العلمیہ) کے ذریعے ملنے والے دینی لیٹیچر کا تعارف کروایا۔

آخر میں ڈاکٹر ابوالخیر محمد زبیر نقشبندی صاحب کو مدنی مرکز فیضانِ مدینہ کا وزٹ کرنے کی دعوت دی جس پر انہوں نے دعوت قبول کرتے ہوئے دعوتِ اسلامی کے دینی کاموں کو سراہا اور دعاؤں سے نوازا۔(رپورٹ:محمد محب عطاری مدنی مجلسِ رابطہ بالعلماء حیدرآباد ریجن، کانٹینٹ:غیاث الدین عطاری)

عاشقانِ رسول کی عظیم دینی درس گاہ دارالعلوم حنفیہ غوثیہ کے مہتمم قاری عبدالقیوم نقشبندی صاحب کی دعوت پر  سابقہ سال کی طرح اس سال بھی P.E.C.H.S (Pakistan Employees Cooperative Housing)سوسائٹی نزد طارق روڈ میں تجوید و قرأت و درس نظامی کے طلبۂ کرام کے درمیان اخلاقی،معاشرتی اور امامت کے بنیادی مسائل سے آگاہی کے لئے 8تا12 فروری 2025ء کو ٹریننگ سیشن منعقد کیا گیا۔

8 تا 12 فروری تک جاری اس ٹریننگ سیشن میں دعوت اسلامی کے شعبہ مدنی کورسز،شعبہ کفن دفن اور شعبہ امامت کورس کے معلمین و ذمہ دار اسلامی بھائیوں نے شرکا کی تربیت کی۔

ٹریننگ سیشن میں امامت کی شرائط ،میت کو غسل دینے / کفن پہنانے کا پریکٹیکل مع ضروری مسائل، اخلاق و اعمال کو درست کرنے کے لئے ’’اصلاح اعمال کورس‘‘ جبکہ صلاحیتوں اور اخلاقیات میں اضافے کے لئے ’’ کریکٹر بلڈنگ کورس‘‘ کروایا گیا۔

ٹریننگ سیشن کے آخری دن 12فروری 2025ء کو مرکزی مجلس شوری کے رکن مولانا حاجی ابو ماجدمحمد شاہد عطاری مدنی نے ’’کامیاب انسان بننے کے اصولوں ‘‘ پر اہم نکات بیان کرتے ہوئے طلبۂ کرام کی تربیت کی۔

رکن شوری نے طلبۂ کرام کی ذہن سازی کرتے ہوئے انہیں باادب رہنے، مستقل مزاجی اپنانے اور وقت کی پابندی کرنے نیز اپنے تعلیمی امور مکمل کرنے کی ترغیب دلائی۔

انڈونیشیا سے دعوتِ اسلامی کے عالمی مدنی مرکز فیضانِ مدینہ کراچی میں آئے ہوئے علمائے  کرام اور طلبۂ کرام نے ذمہ دار اسلامی بھائیوں کے ہمراہ حیدرآباد کی کلاتھ مارکیٹ میں علاقائی دورہ برائے نیکی کی دعوت کا اہتمام کیا۔

اس دوران علمائے کرام و طلبۂ کرام اور ذمہ دار اسلامی بھائیوں نے کلاتھ مارکیٹ کی مختلف دوکانوں میں سیکھنے سکھانے کے حلقے لگائے جبکہ کلاتھ مارکیٹ کے چیمبر آف کامرس آفس میں بھی نیکی کی دعوت پیش کی۔