زندگی كے معاملات یعنی کھانے، پینے،پہننے،برتنے اور رہن سہن وغیرہا میں بے جا تکلفات اور اسراف سے بچنے کا نام سادگی ہے۔ (فتاوی اہلسنت فتوی نمبر:Fsd-8576) ہمارے اردگرد کچھ افراد حقیقت میں سادہ مزاج ہوتے ہیں جن کو جو پیش کیا جائے قبول کرتے ہیں، جو کام کہا جائے کر دیتے ہیں، قناعت کا مظاہرہ کرتے اور بعض افراد اسی بے جا تکلفی کا اور ان کی سادگی کا غلط فائدہ اٹھاتے دکھائی دیتے ہیں۔ ایسی صورتیں جن کا احساس ہمیں نہیں کہ ہم سادگی والے کا کیسے ناجائز فائدہ اٹھا رہے ہیں وہ مندرجہ ذیل ہیں:

کوئی سادہ مزاج والا کسی کے ہاں جائے تو وہ اس کو ایسی جگہ بیٹھائے جہاں عام طور پر مہمان کو نہیں بیٹھایا جاتا جبکہ کوئی اور مہمان اسی کے سامنے آ جائے تو ان کو اچھی جگہ بیٹھانا۔

کسی سادہ مزاج والے کے آنے پر یا اس کو ویسے ہی کچھ پیش کرنا ہو تو اس کو ہلکا کھانا یا تحفہ پیش کرنا جبکہ عام طور پر کوئی آئے یا کسی کو پیش کرنا ہو تو اچھی چیز پیش کی جاتی ہو۔

سادہ مزاج شخص سے زیادہ کام لینا مگر اس کا حق ادا نہ کرنا۔

اس کی قناعت اور کم خواہش طبیعت کو دیکھ کر اسے ضروری سہولیات سے بھی محروم رکھنا۔

اس کے بھروسے کا فائدہ اٹھا کر اس سے مالی یا ذاتی فائدہ حاصل کرنا۔

اس کی شرم و حیا یا نرم دلی کی وجہ سے اس پر اپنی بات مسلط کرناکہ فلاں خاموش ہی رہے گا اس معاملے پر کچھ برا نہ کہے گا۔

سادگی کو کم علمی سمجھ کر اسے دھوکا دینا یا غلط راستہ دکھانا کہ اس کو کیا معلوم ہو گا۔

کسی کے سادہ رہن سہن یا کم خرچی کو بہانہ بنا کر اس کے حقوق کم کر دینا کہ یہ کچھ نہیں کہے گا۔

الحاصل ہم اپنے ساتھ موجود سادگی والے کے ساتھ دیگر صورتوں سے بھی اس سے کہیں نہ کہیں حقوق کے معاملے میں حق تلفی یا اپنے برے رویے یا الگ محسوس کروانے کے سبب دل آزاری، تھوڑی چیز یا خراب چیز اپنی عادت کے مخالف پیش کرنے کے سبب حوصلہ شکنی، اس کے اچھے سلوک کے عوض میں بدسلوکی کرنے کا ذریعہ بنتے ہیں جو کہ بالکل بھی کسی صورت درست نہیں ہوسکتا۔

چنانچہ مومن کو تکلیف دینے اور دھوکا دینے والے کے متعلق حدیث مبارکہ ہے کہ جس نے مسلمان کو تکلیف یا دھوکا دیا وہ ملعون ہے۔ (ترمذی، 3/ 378، حدیث: 1948) نیز مسلمان کو بغیر کسی شرعی وجہ کے تکلیف دینا قطعی حرام ہے، اللہ تعالیٰ نے فرمایا: وَ الَّذِیْنَ یُؤْذُوْنَ الْمُؤْمِنِیْنَ وَ الْمُؤْمِنٰتِ بِغَیْرِ مَا اكْتَسَبُوْا فَقَدِ احْتَمَلُوْا بُهْتَانًا وَّ اِثْمًا مُّبِیْنًا۠(۵۸) (پ 22، الاحزاب: 58) ترجمہ کنز العرفان: اور جو ایمان والے مردوں اور عورتوں کو بغیر کچھ کئے ستاتے ہیں توانہوں نے بہتان اور کھلے گناہ کا بوجھ اٹھالیا ہے۔

علاوہ ازیں حقوق العباد کے متعلق فتاوی رضویہ شریف میں ہے کہ فتاوی رضویہ میں ہے: حق العبد ہر وہ مطالبۂ مالی ہے کہ شرعاً اس کے ذمہ کسی کے لیے ثابت ہو اور ہر وہ نقصان و آزار جو بے اجازتِ شرعیہ کسی قول، فعل، ترک سے کسی کے دین، آبرو، جان، جسم، مال یا صرف قلب کو پہنچایا جائے۔ (فتاویٰ رضویہ، 24/459، 460)

چنانچہ فرمانِ مصطفےٰ ﷺ ہے: جس کے ذمے اپنے بھائی کی عزت یا کسی اور چیز کے معاملے میں ظُلم ہو اسے لازم ہے کہ یہیں دنیا میں اس سے معافی مانگ لے،کیونکہ وہاں (روزِ محشر)نہ دینار ہوں گے اور نہ درہم، اگر اس کے پاس کچھ نیکیاں ہوں گی تو اس کے حق کی مقدار اس سے لے کر اسے دی جائیں گی،اگر اس کے پاس نیکیاں نہ ہوئیں تو اس(مظلوم) کے گناہ اس (ظالم) پر رکھے جائیں گے۔ (بخاری، 2/128، حدیث:2449)

سادگی ایک خوبصورت صفت ہے جو انسان کی شخصیت کو چار چاند لگا دیتی ہے۔ سادہ لوح لوگ اپنے کام اور رشتوں میں مخلص ہوتے ہیں اور دوسروں پر بھروسہ کرتے ہیں۔ لیکن یہی سادگی کئی بار ان کے لیے مشکلات کا باعث بن جاتی ہے جب لوگ ان کی سادگی کا ناجائز فائدہ اٹھاتے ہیں۔

کسی کی سادگی کا فائدہ اٹھانا نہ صرف ظلم ہے بلکہ یہ ایک بدترین عمل ہے۔ ایسے لوگ جو دوسروں کی سادگی کا ناجائز فائدہ اٹھاتے ہیں، وہ نہ صرف اپنی شخصیت کو داغدار کرتے ہیں بلکہ اپنے رزق میں بھی برکت نہیں پاتے۔

سادگی کا مطلب یہ نہیں ہے کہ کوئی شخص بے وقوف ہے۔ سادہ لوح لوگ اپنی نیک نیتی اور مخلصی کی وجہ سے دوسروں پر بھروسہ کرتے ہیں۔ اس لیے ہمیں ان کی سادگی کا احترام کرنا چاہیے اور ان کے بھروسے کو ٹھیس نہیں پہنچانی چاہیے۔

ہم کو اپنی زندگی میں ایمانداری اور اخلاقیات کو اپنانا چاہیے۔ کسی کے مال یا وقت کا ناجائز فائدہ اٹھانا اخلاقی اصولوں کے خلاف ہے۔ اگر ہم دوسروں کے ساتھ مخلص ہوں گے تو لوگ بھی ہمارے ساتھ مخلص ہوں گے اور ہم ایک بہتر معاشرے کی بنیاد رکھ سکیں گے۔

حضرت ابو ہریرہ رضی اللہ عنہ سے روایت ہے کہ رسول اللہ ﷺ نے فرمایا: جو شخص کسی مسلمان کی (دنیاوی) تکلیف کو دور کرے گا، اللہ اس کی قیامت کی تکلیف کو دور کرے گا۔ اور جو شخص کسی تنگ دست پر آسانی کرے گا، اللہ اس پر دنیا اور آخرت میں آسانی کرے گا۔ اور جو شخص کسی مسلمان کی عیب پوشی کرے گا، اللہ دنیا اور آخرت میں اس کی عیب پوشی کرے گا۔ اور اللہ بندے کی مدد میں رہتا ہے جب تک وہ اپنے بھائی کی مدد میں رہتا ہے۔ (مسلم، ص 1147، حدیث: 6853)

حضرت عبداللہ بن عمر رضی اللہ عنہما سے روایت ہے کہ رسول اللہ ﷺ نے فرمایا: مسلمان مسلمان کا بھائی ہے، وہ نہ اس پر ظلم کرے اور نہ اس کو مظلوم چھوڑے۔ جو شخص اپنے بھائی کی حاجت پوری کرنے میں لگا ہو، اللہ اس کی حاجت پوری کرنے میں لگا رہتا ہے۔ (مسلم، ص 1394، حدیث: 6580)

کسی کی سادگی کا فائدہ اٹھانے سے پہلے سوچیں کہ کیا ہم ایسا کرکے خود کو اور دوسروں کو خوش رکھ سکتے ہیں؟ کیا ہم اللہ کی رضا کے لیے دوسروں کے ساتھ مخلص ہونے کو تیار ہیں؟

دعوتِ اسلامی کے تحت آج بروز ہفتہ  26 ستمبر 2026ء کو اٹلی کے شہر بولوگنا (Bologna, Italy) میں عظیم الشان سنتوں بھرے اجتماع کا انعقاد کیا جائے گاجس میں دعوتِ اسلامی کی مرکزی مجلسِ شوریٰ کے نگران مولانا حاجی محمد عمران عطاری خصوصی بیان فرمائیں گے۔

اجتماع کے اوقات و مقام:

یہ عظیم الشان اجتماع اٹلی کے وقت کے مطابق شام 07:30 بجے مدنی مرکز فیضانِ مدینہ بولوگنا (Via Giovanni Papini, 8, 40128 Bologna BO, Italy) میں شروع ہوگا جبکہ نگرانِ شوریٰ مولانا حاجی محمد عمران عطاری کا خصوصی بیان رات تقریباً 08:00 بجے ہوگا۔

براہِ راست نشریات:

سوشل میڈیا اور مدنی چینل پر براہِ راست (Live) کوریج کا بھی اہتمام کیا گیا ہے جس کے تحت مدنی چینل کے ساتھ ساتھ مولانا حاجی محمدعمران عطاری کے فیس بک اور یوٹیوب آفیشل پیجز (MAULANAIMRANATTARI) کے ذریعے دنیا بھر سے لوگ اس اجتماعِ پاک میں شرکت کر سکیں گے۔

بچوں پر بےجا سختی کرنے سے مراد ہے کہ ان کو بلاوجہ ڈانٹا جائے ان کی بات کو نہ سنا جائے انہیں توجہ نہ دی جائے اور ہر چھوٹی بڑی غلطی پر شفقت اور محبت سے سمجھانے کی بجائے ان کے ساتھ سختی سے پیش آیا جائے۔ اب ایک بچہ قوم کا سرمایہ ہوتا ہے بچوں کی تربیت ایک نہایت ہی اہم اور نازک پہلو ہے جہاں اسلام میں بچوں سے محبت اور شفقت سے پیش آنے کا بیان کیا گیا ہے وہیں ان پر بےجا سختی کرنے سے بھی منع فرمایا گیا ہے اور یہ کہا گیا ہے کہ بچوں کی اصلاح اور تربیت میں سختی کے بجائے محبت شفقت وحکمت کو اختیار کرنا زیادہ موثر اور دیر پا نتائج کا حامل ہے بیجا سختی وقتی طور پر تو اطاعت پیدا کر سکتی ہے لیکن دل میں خوف بغاوت اور دوری کا سبب بھی بن سکتی ہے جبکہ اس کے برعکس نرمی اور محبت بچوں کے دلوں میں اعتماد تعلق اور اطاعت کا جذبہ پیدا کرتی ہے۔

لہذا قرآن میں بھی یہ بات موجود ہے کہ اپنے بچوں پر ظلم نہ کرو جیسا کہ آیت مبارکہ میں ہے: وَ لَا تَقْتُلُوْۤا اَوْلَادَكُمْ خَشْیَةَ اِمْلَاقٍؕ-(پ 15، بنی اسرائیل: 31) ترجمہ اور اپنی اولاد کو قتل نہ کرو مفلسی کے ڈر سے۔

اسی طرح حدیث مبارکہ میں نبی کریم ﷺ نے نرمی کی اہمیت کو واضح کرتے ہوئے فرمایا: بےشک اللہ تعالیٰ نرمی فرمانے والا ہے اور نرمی کو پسند فرماتا ہے اور نرمی پر وہ کچھ عطا فرماتا ہے جو سختی پر نہیں دیتا۔ (مسلم، ص 1398، حدیث: 2593)

حضور کی بچوں سے محبت: حضرت انس فرماتے ہیں کہ میں نے 10 سال حضور ﷺ کی خدمت کی آپ نے مجھے کبھی اف تک نہ کہا نہ کسی کام کے کرنے پر ملامت کی نہ چھوڑنے پر۔ (بخاری، 2/243، حدیث: 2768)

سبحان اللہ آقا علیہ الصلوٰۃ و السلام اپنے غلاموں سے بھی کس قدر شفقت فرمایا کرتے، مزید ایک اور حدیث میں ارشاد فرمایا: جو نرمی سے محروم کر دیا گیا وہ تمام بھلائی سے محروم کر دیا گیا۔ ان ارشادات سے بھی یہ حقیقت واضح ہوتی ہے کہ بچوں سے سختی کی بجائے محبت سے پیش آنا چاہیے۔

اور ان کے درمیان عدل و انصاف قائم کرنے کا بھی حکم دیا گیا ہے یعنی کہ اگر کسی کے دو یا اس سے زیادہ اولاد ہیں تو اگر وہ ایک کو کوئی چیز دے تو دوسرے کو بھی وہی دے یعنی کہ انصاف و عدل کیا جائے بچوں کے درمیان پیار کرنے میں بھی نوازنےمیں بھی والدین کی ذمہ داری کہ وہ انصاف کا ترازو تھامیں، اسی طرح بچوں سے کئی چیزوں میں مشورہ بھی کریں اس سے بچوں کا کانفیڈنس ڈیویلپ ہوتا ہے۔ اصل میں بعض اوقات یہ ہوتا ہے کہ بچے کو اگر والد یہ کہہ دیں کہ تمہیں تو کچھ آتا ہی نہیں ہے تو وہ اس طنز کی وجہ سے اچھی بات بھی نہیں مانتا اور یوں وہ برائی اور حسن اخلاق اور دین کی تعلیم سے دور ہو کر باغی بن جاتا ہے۔

لہذا والدین کو چاہیے کہ وہ اس بات کو محسوس کریں اور کہیں کہ بیٹا کئی چیز میں آپ ہم سے آگے ہیں کیونکہ ٹیکنالوجی میں انہوں نے بہت کچھ سیکھ لیا ہے اور اس میں کوئی حرج نہیں ہے تو اس طرح آپ کی اولاد حسن اخلاق اور دینی تعلیمات سے بھی آراستہ ہوگی، اسی طرح بچوں کو آداب بھی سکھایا جائے، ایک روایت میں ہے کہ حضور نے ارشاد فرمایا کہ اولاد کے لیے باپ کا کوئی عطیہ اچھی تربیت سے بہتر نہیں۔ (ترمذی، 3/383، حدیث: 1959)

اب کتنا خوبصورت ہے وہ گھر جس میں چھوٹے بڑوں کا ادب کریں اور بڑے بالخصوص چھوٹوں پر شفقت اور محبت کریں ان پر بےجا سختی سے گریز کریں اور ان کا خیال رکھیں۔

اللہ پاک کا بہت احسان ہے کہ اس نے ہمیں اولاد کی نعمت سے نوازا ہے ہمیں چاہیے کہ ہم اپنی اولاد پر زیادہ سختی سے پیش نہ آئے اگر ان کی کوئی غلطی ہو تو انہیں پیار سے سمجھائیں ہمارے پیارے نبی ﷺ اپنی بیٹی حضرت فاطمہ رضی اللہ عنہا سے بہت پیار اور شفقت فرمایا کرتے تھے ہمیں چاہیے ہمارے پیارے نبی ﷺ کی عادت کو اپنائیں اور بچوں پر سختی نہ کریں۔

ایک حدیث عرض کرتی ہوں ہمارے پیارے نبی ﷺ نے ایک مقام پر حضرت بلال رضی اللہ عنہ کو اذان دینے کو کہا وہاں کچھ بچے کھیل رہے تھے جس میں ابو محذورہ بھی تھے بچپن کا زمانہ تھا سارے بچے حضرت بلال رضی اللہ عنہ کی نقل اتارنے لگے جب ہمارے نبی ﷺ نے سنا تو ایک صحابی سے کہا اس کو پکڑ کر لاؤ وہ سارے بھاگنے لگے، پھر ان کو آپ کے سامنے پیش کیا اور کہا ایک ایک کر کے سب اپنی اپنی آواز میں اذان سناؤ، پھر سب نے اذان سنائے حضور ﷺ جانتے تھے پھر سب کی آواز سن کر ابو محذورہ کو کہا اب تو پڑھ تو جب انہوں نے پڑھی تو حضور پاک ﷺ کی اس پہ شفقت کو دیکھ کر وہ کلمہ پڑھ کر مسلمان ہوگئے، پھر حضور ﷺ نے فرمایا: بلال مسجد نبوی میں اذان دیں گے اور ابومحذورہ کعبہ شریف میں اذان دیں گے۔ یہ حدیث بتانے کا مقصد یہ ہے کہ ہمارے پیارے نبی کی شفقت دیکھ کر انہوں نے کلمہ پڑھا۔

اپنے بچوں کو کسی کے سامنے سختی کر کے اس کو کسی کے سامنے کبھی ذلیل نہ کریں اس پر بہت برا اثر پڑتا ہے، استاد کو بھی چاہیے کہ وہ بچوں کو سختی نہ کرے پیار اور شفقت سے پڑھائے ہر جگہ رونا رونا میرا بچہ اچھا نہیں، ہمارے بچے ہمارے ہیں نا! پھر کیوں ہم ان پر سختی کرتے ہیں۔

یہ بات تجربہ شدہ ہے کہ جب ہم بچوں پر سختی کرتی ہیں تو وہ بات نہیں سنتے بلکہ ضدی ہوجاتے ہیں اور اگر دین اسلام کی تعلیمات پر عمل کرتے ہوئے ان کے ساتھ اچھا سلوک کیا جائے اور سختی چھوڑ دی جائے تو وہ فرمانبردار ہوجاتے ہیں، یقیناً یہ دین کی طاقت ہے۔

ہمارے پیارے نبی ﷺ بھی بچوں سے بہت پیار کیا کرتے تھے وہ بچوں کو پاس بلا کر سینے سے لگاتے تھے، ایک مرتبہ کسی بچے نے آپ ﷺ کی کپڑوں پر پیشاب کردیاحضور نے پانی منگوایا اور اس پر بہادیا۔

پیاری پیاری اسلامی بہنو! دیکھا آپ نے ہمارے پیارے نبی ﷺ نے سختی کرنے کے بجائے اس عورت کی دل افزائی کی اور ہم کیا کرتے ہیں اس بچے پر سختی کرتے ہیں ہمیں اپنی اس عادت کو بدلنے کی کوشش کرنی چاہیے۔ اللہ پاک نے ماں کے درجے کو بلند رکھا ہے اور یہ ہر کسی کے نصیب میں نہیں ہے اس لیے ہمیں چاہیے کہ ہم اس نعمت پر شکر ادا کریں اور سختی کرنے کے بجائے نرمی کریں۔

اولاد ایک پھول ہے اب یہ ہمیں سوچنا ہے کہ ہم نے اس پر سختی کر کے اس پھول کو مرجھانا ہے یا اس پھول کو کھلانا ہے یہ ہمارے ہاتھ میں ہے۔ اولاد اللہ پاک کی بہت خوبصورت شے ہے جس کا کوئی مول نہیں اور اولاد پر سختی کر کے ہم اس حسین شے کو درد دیتے ہیں۔ ہم اپنی اولاد پر شفقت کریں گے اس کو سینے سے لگا کر رکھیں گے اللہ پاک سے دعا ہے کہ وہ ہمیں اپنی اولاد پر شفقت کرنے والا بنا دے۔

شیر کے طریقت امیر اہل سنت فرماتے ہیں: برتن میں سوراخ کرنے کے بعد جتنا بھی بھر لو وہ خالی کا خالی ہی رہے گا یعنی مار کر ہم بچوں کو سمجھا نہیں رہے بلکہ اسے خود سے دور کر رہے ہیں، پیارے آقا ﷺ کا فرمان عالی شان ہے: بے شک اللہ تبارک و تعالیٰ یہ پسند کرتا ہے کہ تم اپنی اولاد کے ساتھ برابری کا حسن سلوک رکھو حتی کہ بوسہ لینے میں بھی۔

اللہ پاک سے دعا ہے کہ اللہ پاک ہمیں اپنے بچوں پر سختی سے بچائے۔ آمین

12 ستمبر 2026ء کوضلع سرگودھا، پنجاب کی تحصیل بھلوال میں دعوتِ اسلامی کے اسپیشل پرسنز ڈیپارٹمنٹ کے تحت ایک پُروقار اجتماعِ میلاد کا اہتمام کیا گیا جس میں ڈیف اسلامی بھائیوں کی کثیر تعداد نے شرکت کی۔

اس بابرکت اجتماع میں پاکستان ڈیف ایسوسی ایشن کے صدر اشفاق گجر، بھلوال تحصیل کے صدر اور کوٹ مومن کے تحصیل ذمہ دار سمیت دیگر شخصیات نے بالخصوص شرکت کی۔

اجتماع کے موقع پر وہاں موجود تمام اسلامی بھائیوں نے اجتماعِ میلاد میں بھرپور شرکت کرتے ہوئے آقا دو عالم صلی اللہ علیہ وسلم سے اپنی محبت و عقیدت کا اظہار کیا۔

اجتماع کے اختتام پر پاکستان ڈیف ایسوسی ایشن کے صدر اشفاق گجر کے ہاتھوں سے تمام شرکائے اجتماع میں دینی رسالہ ’’نور والا‘‘ بھی تقسیم کیا گیا جبکہ تقریب کا اختتام دعا پر ہوا۔(رپورٹ: عامر عطاری سرگودھا ذمہ داراسپیشل پرسنز ڈیپارٹمنٹ، کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے زیرِ اہتمام 10 ستمبر 2026ء بروز جمعرات جہلم شہر میں ہفتہ وار سنتوں بھرے اجتماع کا انعقاد کیا گیا، جس میں مرکزی مجلسِ شوریٰ کے نگران مولانا حاجی محمد عمران عطاری سلمہ الباری نے بیان سنتوں بھرا بیان کیا۔

اجتماع میں اسپیشل پرسنز ڈیپارٹمنٹ کی خصوصی کاوشوں سے سیکڑوں اسپیشل پرسنز نے شرکت کی، جن میں گجرات، لالہ موسیٰ، ڈسکہ، سراے عالمگیر، منڈی بہاؤالدین، چکوال، جہلم، دینہ، منگلا، سوہاوہ، گوجرخان اور میرپور کشمیر سے آنے والے خصوصی افراد بھی شامل تھے۔

اس موقع پر اسپیشل پرسنز کے لیے اشاروں کی زبان میں بیان کی ترجمانی کا خصوصی انتظام کیا گیا تاکہ سماعت سے محروم اسلامی بھائی بھی اجتماع کے بیان سے بھرپور فائدہ حاصل کرسکیں۔

اسپیشل پرسنز کی کثیر تعداد میں شرکت دعوتِ اسلامی کے اس شب و روز جاری دینی و اصلاحی سلسلے کا مظہر ہے جس کے ذریعے خصوصی افراد تک قرآن و سنت کی تعلیمات پہنچانے، ان کی دینی و اخلاقی تربیت کرنے اور انہیں معاشرے کا فعال حصہ بنانے کے لیے مسلسل کوششیں کی جا رہی ہیں۔

پاکستان سمیت دنیا بھر کی اسلامی بہنوں میں دینی تعلیمات عام کرنے، اُن کی دینی و اخلاقی تربیت کرنے اور  انہیں فرض علوم سکھانے بالخصوص دینِ اسلام کی ترویج و اشاعت کے لئے دعوتِ اسلامی کے تحت وقتاً فوقتاً مختلف کورسزو سیشنز منعقد کئے جاتے ہیں۔

ماہِ نومبر میں اسلامی بہنوں کے مختلف شعبہ جات میں ہونے والے کورسز و سیشنز کی مجموعی کارکردگی کچھ یوں رہی:

(1)شعبہ مدرسۃ المدینہ گرلز :

ماہِ نومبر 2025ء ، بیرونِ ملک میں ٹیچرٹریننگ کورس کی ترکیب ہوئی۔یہ کورس فزیکل اور اردو زبان پر ہوا ہے۔

(2)شعبہ رہائشی کورسز :

ماہِ نومبر 2025ء، بیرونِ ملک میں تمام اسلامی بہنوں اور ذمہ داران کے لئے Islamic community building course(5hours), How to be a successful Muslim(7hours), How to be a successful Muslim(7hours), Let's Enlighten your soul(5hours), Faizan e Taharat course(7 days), Faizan e Namaz (5 days), Faizan e Surah Noor Course(7 days ), Deeni kam course (3 days), Let's soothe our hearts & minds(5 hours), 8 Deeni kam Course (3 days)منعقد کئے گئے۔ یہ کورسز رہائشی جبکہ اردو، تامل اور بنگلہ زبان میں کروائے گئے۔پاکستان میں فیضانِ نماز کورس ،مقصد حیات کورس،جنت کا راستہ کورس ،فہم القرآن کورس منعقد کئے گئے ۔ یہ کورسز رہائشی اور اردو زبان میں کروائے گئے۔

(3)شعبہ قرآن ٹیچر ٹریننگ:

ماہِ نومبر 2025ء، پاکستان میں ایسی اسلامی بہن جس نے مدنی قاعدہ پڑھا ہوا ہو اور ناظرہ قرآن کریم پڑھ سکتی ہوں، اُن کے لئے مدنی قاعدہ کورس 30 دن،41 دن،قرآن ٹیچنگ کورس،تجوید القرآن کورس،کل وقتی کورسز اور رہائشی کورسز منعقد کئے گئے۔ یہ کورسز فزیکل اور آن لائن کروائے گئے نیز یہ کورسز اردو،انگلش،سندھی اور بلوچی زبان میں منعقد کئے گئے۔ بیرونِ ملک میں یہ کورسز فزیکل اور آن لائن منعقد کیے گئے نیز یہ کورسز اردو،بنگلہ،انگلش،پرتگال،تامل اور ہندی زبان میں کروائے گئے۔

(4)شعبہ روحانی علاج:

ماہِ نومبر 2025ء، پاکستان میں مدنی انتخاب میں OK ہونے والی اسلامی بہنوں کے لیےروحانی علاج کورس منعقد کیا گیا۔یہ کورس فزیکل اور اردو زبان میں کروایا گیا۔ بیرونِ ملک میں بھی یہ کورس منعقد کیا گیا۔

(5)شعبہ کفن دفن:

ماہِ نومبر 2025ء، پاکستان میں عوام اسلامی بہنوں کے لئےنوحہ اور شریعت،اسراف ، ایصال ثواب کورس،تکفین کورس اور غسل میت و کفن کورس منعقد کئے گئے۔ یہ کورسز فزیکل اور آن لائن کروائے گئے نیز یہ کورسز اردو زبان میں منعقد کئے گئے۔بیرونِ ملک میں غسل میت و کفن کورس، نوحہ اور شریعت(سیشن) فزیکل اور آن لائن منعقد کئے گئے نیز یہ سیشن اور کورسز اردو،انگلش اور بنگلہ زبان میں کروائے گئے۔

(6)شعبہ مدنی کورسز:

ماہِ نومبر 2025ء، پاکستان میں بچوں اور تمام اسلامی بہنوں کے مسکرانے کے دینی و دنیوی فوائد، مریض کی نماز، night journy، lets talk about hazrat esa علیہ السلام، True friends shine، سوشل میڈیا کا استعمال،نماز درست کیجئے، now you are mother ، زندگی کی کہانیاں، عقیدہ خرم نبوت، صفائی نصف ایمان ، path of jannah ، صحت مند زندگی، بیٹے کا کردار، نماز کورس، حب اہل بیت، خواتین اسلام ، نیکیاں نیتیں ، بیٹی کردار، جنت کا راستہ، تصوف اور تقلید ، اے ایمان والوانوار الفرقان، ہمارے دشمن ،علاقائی دورہ، طہارت کورس، Hidden wall،Marriage in islam اور قصیدہ بردہ شریف منعقد کئے گئے۔ یہ سیشنز و کورسز فزیکل اور آن لائن کروائے گئے نیز یہ سیشنز و کورسز اردو زبان میں منعقد کئے گئے۔بیرونِ ملک میں یہ سیشنز و کورسز فزیکل اور آن لائن منعقد کئے گئے نیز یہ سیشنز و کورسز Spanish، urdu، English، tamil، Arabic، bangla، nepaliاور creole زبان میں کروائے گئے۔

(7)شعبہ گلی گلی مدرسۃالمدینہ:

ماہِ نومبر 2025ء، پاکستان میں بچوں کے لئے سالگرہ منانے کا طریقہ کورس منعقد کیا گیا۔ یہ کورس فزیکل اور اردو زبان میں کروایا گیا۔بیرونِ ملک میں ”کامیاب لوگ سیشن“ فزیکل و آن لائن منعقد کیا گیا نیز یہ سیشن اردو زبان میں کروایا گیا۔

(8)شعبہ جامعۃالمدینہ:

ماہِ نومبر 2025ء، پاکستان میں تمام اسلامی بہنوں کے لئے ”فہمِ قرآن کورس “نماز منعقد کیا گیا۔ یہ سیشن فزیکل اور اردو زبان میں کروایا گیا۔ بیرونِ ملک میں یہ سیشن فزیکل اور اردو زبان میں منعقد کیا گیا۔

(9)شعبہ نیو سوسائٹیز:

ماہِ نومبر 2025ء، پاکستان میں تمام اسلامی بہنوں کے لئے طہارت سیشن ،قصیدہ بردہ شریف ،جنت کاراستہ اور نماز کورس منعقد کیا گیا۔ بچوں کے لئے سچے دوست سیشنز منعقد کئے گئے ۔یہ سیشنز فزیکل اور اردو زبان میں کروایا گیا۔

(10)شعبہ تعلیم:

ماہِ نومبر 2025ء، پاکستان میں اسٹوڈنٹس،ٹیچرز ،پرنسپلز ،ڈاکٹرز اور نرسز کے لئے مختلف سیشنز منعقد کئے گئے۔ یہ سیشنز فزیکل و آن لائن کروائے گئے نیز یہ سیشنز اردو زبان میں منعقد کئے گئے۔بیرونِ ملک میں bad habits، seerat e mustafa، My Friend،My Identity ، جھوٹ کے نقصانات، good habits، hijab fiesta ، اچھی باتیں کریں، کنیز فاطمہ نے کیا پھینکا، فیضانِ معراج، بسم اللہ کے فضائل، سلام کرنے کی سُنتیں و آداب، کھانے کا سُنّت طریقہ، نرمی کیسے پیدا کریں، Miracles of Hazrat Eesa علیہ السلام، Self Esteemاور Acchi Aadatein سیشنز منعقد کئے گئے۔ یہ سیشنز فزیکل و آن لائن کروائے گئے نیز یہ سیشنزاردو،انگلش اور بنگلہ زبان میں منعقد کئے گئے۔

(11)شعبہ خصوصی اسلامی بہنیں:

ماہِ نومبر 2025ء، بیرون ملک میں سائن لینگویج کورس تمام اسلامی بہنوں کے لئے منعقد کیا گیا ۔ یہ کورس فزیکل اور اردو زبان میں کروایا گیا ۔

(12)شعبہ حج و عمرہ:

ماہِ نومبر 2025 پاکستان میں عمرہ پر جانے والیوں کے لیے اور عوام اسلامی بہنو ں کے لئے حج/عمرہ سیشن اور رفیق الحرمین کورس منعقد کیا گیا۔ یہ سیشنز اور کورس فزیکل اور آن لائن کروائے گئے نیز یہ سیشنز ارو کورس اردو زبان میں منعقد کیے گئے۔

(13)شعبہ مدرسۃ المدینہ بالغات:

ماہِ نومبر 2025ء، بیرونِ ملک میں اسلامی بہنوں کے لئے تصوف و تقلید کورس منعقد کیا گیا۔یہ کورس فزیکل و آن لائن کروایا گیا نیز یہ کورس اردو زبان میں منعقد کیا گیا۔

سلطانُ الہند، عطائے رسول، حضرت خواجہ معینُ الدین چشتی اجمیری رحمۃاللہ علیہ کے عرس کے سلسلے میں عاشقانِ رسول کی دینی تحریک دعوتِ اسلامی کے زیرِ اہتمام عالمی مدنی مرکز فیضانِ مدینہ کراچی میں 8 مدنی مذاکروں کا انعقاد کیا جائے گا۔

تفصیلات کے مطابق یہ مدنی مذاکرے 20 دسمبر 2025ء کو شروع ہوکر 27 دسمبر 2025ء کو اختتام پذیر ہوں گے جن میں کراچی سمیت مختلف شہروں سے جبکہ مدنی چینل کے ذریعے بیرونِ ممالک سے کثیر عاشقانِ رسول شرکت کریں گے۔

ان مدنی مذاکروں کا آغاز روزانہ کی بنیاد پر رات تقریباً 8:15 بجے ہوگا جس میں ابتداءً تلاوتِ قراٰن کی جائے گی اور نعتِ خواں اسلامی بھائی پیارے آقا مکی مدنی مصطفیٰ صلَّی اللہ علیہ واٰلہٖ وسلَّم کی بارگاہِ اقدس میں نعت شریف کا نذرانہ پیش کریں گے۔

تلاوت و نعت کے بعد عاشقِ صحابہ و اہلِ بیتِ اطہار، شیخِ طریقت، امیرِ اَہلِ سنّت، بانیِ دعوتِ اسلامی حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہ عاشقانِ خواجہ کے سوالات کے علم و حکمت بھرے جوابات ارشاد فرمائیں گے۔

تمام عاشقانِ رسول ان مدنی مذاکروں میں ضرور بالضرور شرکت کریں تاکہ علمِ دین حاصل کرنے کے ساتھ ساتھ اُن کی دینی، اخلاقی اور تنظیمی اعتبار سے تربیت ہو سکے۔

پچھلے دنوں دعوتِ اسلامی کے تحت اسپیشل پرسنز ڈیپارٹمنٹ کے ذمہ داران نے سیالکوٹ سٹی میں واقع اسپیشل ایجوکیشن اسکول کا وزٹ کیا جہاں انہوں نے پرنسپل  سمیت اسٹاف سے ملاقات کی اور انہیں ڈیپارٹمنٹ کا تعارف کروایا۔