دعوت اسلامی کی ڈیجیٹل لائبریری کا تعارف

مولانا زاہدفاروقی (آئی ٹی ڈیپارٹمنٹ )

عالمِ اسلام کی عظیم دینی ، علمی، روحانی، تبلیغی، اصلاحی، تعلیمی اور رفاہی تحریک ’’دعوتِ اسلامی ‘‘ کا تعارف اس کے ہمہ گیر دینی و اصلاحی مقصد’’ مجھے اپنی اور ساری دنیا کے لوگوں کی اصلاح کی کوشش کرنی ہے ‘‘ سے بخوبی عیاں اور مترشح ہے۔ اس نے تہذیبی کشمکش کی عالمگیریت کے تصور کو پیش نظر رکھ کر عصر حاضر سے ہم آہنگ دینی حکمتِ عملی سے تبلیغ قرآن و سنت کے بنیادی مقصد کی تکمیل کی طرف سفر شروع کیا۔ دعوتِ اسلامی نے جدید دور کےبدلتے تقاضوں کو مدِ نظر رکھتے ہوئے دینِ اسلام کی اشاعت، تعلیم وترتیب ، سماجی بہبود اور اخلاقی اصلاح کے لیے شرعی ضرورتوں کے مطابق منظم اور مربوط ادارہ جاتی نظام قائم کیا ہے جو دنیا کے اکثرو بیشتر ممالک میں مختلف دینی، تعلیمی اور سماجی شعبہ جات میں متنوع قسم کی خدمت سرانجام دے رہا ہے۔

دعوتِ اسلامی کے زیرِ اہتمام وانتظام قائم علوم اسلامیہ کے اشاعتی ادارے، سماجی ویلفیئر کے منظم شعبہ جات، عصری و دینی تعلیمی ادارے، دینی مراکز، مساجد اور تربیتی نظام دعوت اسلامی کے مقصد کےحصول کی نہ صرف نشاندہی کرتے ہیں بلکہ مذکورہ تمام ادار وں کے اغراض ومقاصد اس بات پر شاہد عادل ہیں کہ امت کی اصلاح کی یہ عظیم تحریک ’’دعوت اسلامی ‘‘محض قدیم روایتی دعوت وارشاد تک محدود نہیں بلکہ ایک جامع منظم پائیدار اصلاح امت کا وژن رکھتی ہے۔ اس عظیم مقصد اور وژن کےساتھ ، دورِ جدید کی فنی و تکنیکی صلاحیتوں سے بخوبی استفادہ کرتے ہوئے علم دین کی ڈیجیٹلائزیشن خدمت کے عظیم جذبہ کےتحت دعوت اسلامی کے پلیٹ فارم پر انفارمیشن ٹیکنالوجی شعبہ کو دعوت وارشاد و تعلیمی مقاصد کےحصول کا ایک مؤثر ذریعہ بنایا گیا ہے۔

اصلا ح امت کے والہانہ جذبہ سے سرشار دعوتِ اسلامی کے اسّی سے زائد علمی، روحانی، سماجی، تعلیمی، فکری، تربیتی، اقتصادی، مالیاتی اور خدمتِ دین سے متعلق شعبہ جات میں آئی ٹی ڈیپارٹمنٹ ایک ایسا معاون اور بنیادی شعبہ ہے جو دعوت وتبلیغ اور علمی سرگرمیوں کو ڈیجیٹل تقاضوں سے ہم آہنگ کرنے میں کلیدی کردار ادا کر رہا ہے۔ یہ شعبہ جدید ڈیجیٹل پلیٹ فارمز، آن لائن تعلیمی نظام، تعلیم اسلام سے لبریز میڈیا، ڈیٹا مینجمنٹ، سافٹ ویئر سلوشنز ،اسلامی موبائل ایپلی کیشنز اور ٹیکنالوجی پر مبنی خدمات کے ذریعے علمِ دین کی اشاعت کو عالمی سطح پر مؤثر اور منظم انداز میں پیش کرکے دعوت اسلامی کے عظیم مشن ’’ مجھے اپنی اور ساری دنیا کے لوگوں کی اصلاح کی کوشش کرنی ہے ‘‘ میں حتی المقدور اپنا حصہ ڈال رہا ہے۔

آئی ٹی ڈیپارٹمنٹ دعوت اسلامی نے اب تک علم دین کی اشاعت کےلئے ڈیجیٹلائزیشن کے دورحاضر میں 40 کےقریب موبائل ایپلی کیشن، ڈیسک ٹاپ ایپلی کیشن، سافٹ ویئر تیار کئے ہیں۔ لاکھوں لوگ دعوت اسلامی کےآئی ٹی ڈیپارٹمنٹ کی پروڈکٹس ، ایپلی کیشنز اور ڈیجیٹل لائبریر ی سے مستفیدہورہے ہیں۔

کراچی ،لاہور، فیصل آباد میں موجود دعوت اسلامی کےآئی ٹی ڈیپارٹمنٹ میں 40سے زائد سافٹ ویئر انجینئرز ، ڈیٹا مینجمنٹ ،پروڈکٹ ڈیویلپرز، پروڈکٹ مینجرز، کیو اے سسٹم ، کمپلائن سسٹم اور دیگر ضرور ی اسٹاف پر مشتمل 100 سے زائد افراد خدمت دین میں شب وروز مصروف عمل ہیں۔

درحقیقت دعوتِ اسلامی کا آئی ٹی ڈیپارٹمنٹ نہ صرف تبلیغ قرآن وسنت کے پیغام کو جغرافیائی سرحدوں سے ماورا کرنے کا سبب بن رہا ہے بلکہ انفارمیشن ٹیکنولوجی کے ڈیجیٹل معاشرے میں قرآن وحدیث کی تعلیمات، نگارشات ائمہ مجتہدین ، سلاسل تصوف کے اصلاحی نظریات،افکار اولیائے امت ،مروجہ دینی نصاب تعلیم، تربیت اور اصلاح کے ایک جدید اور مستحکم ماڈل کی بنیاد بھی فراہم کرتا ہے، جو مستقبل میں متلاشیان علم کے تحقیقی و علمی مطالعے کے لیے ایک اہم موضوع کی حیثیت رکھتا ہے۔

ڈیجیٹل لائبریری کا تعارف:

دعوتِ اسلامی کی ڈیجیٹل لائبریری دراصل علمِ دین کی اشاعت کا ایک منظم، مستند اور کثیرالجہتی ماڈل ہے، جس کا مقصد اسلامی علمی ورثہ کو جدید ڈیجیٹل ذرائع کے ذریعے عام فہم اور قابلِ رسائی بنانا ہے۔ اس ڈیجیٹل لائبریری کے نمایاں پلیٹ فارمز درج ذیل ہیں:

· المدینہ لائبریری آن لائن بک سروس

· المدینہ لائبریری ڈیسک ٹاپ ایپلی کیشن

· اسلامک ای بک سروس

· ریڈ اینڈ لسن اسلامک بک لائبریری

· صراط الجنان فی تفسیر القرآن موبائل ایپلی کیشن

· فیضان حدیث موبائل ایپلی کیشن

· فتاویٰ رضویہ موبائل ایپلی کیشن

یہ تمام پلیٹ فارمز علمی مواد کو مختلف صارفین کی ضروریات کے مطابق پیش کرتے ہیں، خواہ وہ محقق ہوں، طلبہ ہوں یا عام قارئین۔

المدینہ لائبریری آن لائن بک سروس:

آئی ٹی ڈیپارٹمنٹ دعو ت اسلامی کی ڈیجیٹل لائبریر ی خدمات میں سرفہرست المدینہ لائبریری آئن لائن بک سروس ہے ۔ بےشمار موضوعات پر علمی ورثہ پر مشتمل یہ لائبریری مسلمانوں کو علم دین سے روشناس کروانے ، مسلمانوں کے ذوق مطالعہ اور شوق کتب بینی میں روز افزوں اضافہ کا نہ صرف سبب بنتی ہے بلکہ المدینہ لائبریر ی آن لائن بک سروس کے پلیٹ فارم سےاسلامی موضوعات پر متنوع قسم کی کتابیں شائقین مطالعہ کو دعوت فکرو نظر سے ہمکنار کرکے تحقیقی ضروریات کو پورا کرنے والا ذریعہ بھی ہے۔ یہ پلیٹ فارم علمی پیاس بجھانے میں نمایاں کردار ادارکرنے کےساتھ علم دین کا اشاعت ونشریات میں بھی بھرپور خدمات سرانجام دیتا ہوا نظر آتا ہے۔

المدینہ لائبریری ڈیسک ٹاپ اپیلی کیشن :

آئی ٹی ڈیپارٹمنٹ دعوت اسلامی کا دوسرا بڑا ڈیجیٹل علمی پلیٹ فارم المدینہ لائبریری ڈیسک ٹاپ ایپلی کیشن ہے۔ اردو زبان میں یہ پہلا ڈیسک ٹاپ سافٹ ویئر ہے جس میں اسلامی علوم کے اردو تراجم کی کثرت پائی جاتی ہے۔ قرآن وحدیث، عقائد ونظریات ، اصول وفقہ، سیرت وتاریخ، اخلاقیات، درسیات، اسلامیات، اکابر اولیائے امت کے حالات زندگی، تصوف، دعوت اسلامی کا تنظیمی وتربیتی لٹریچرز،حمد ونعتیہ دیوان، اورادو وظائف کے علاوہ اصلاح امت کےلئے میر اہلسنت حضرت علامہ مولانا محمد الیاس عطارقادری کے علمی ورثہ پر مشتمل 100 سے زائد کتابیں ، رسائل، ملفوظات، ہزاروں علوم سے ماخوذ قسط وار مدنی مذاکرہ کی علمی نگارشات کا ذخیرہ ہر ایک کےلئے علمی استفادے کا مؤثر ذریعہ ہے۔

اسلامک ای بک سروس:

دعوت اسلامی کی ڈیجیٹل علمی خدمات میں ایک نام اسلامک ای بک سروس کا بھی ہے۔یہ پلیٹ فارم مکتبۃ المدینہ جو کہ دعوت اسلامی کا اشاعتی ادارہ ہے جہاں اشاعتی تاریخ کے کئی نئے نئے ریکارڈ بن چکے ہیں۔ صرف ’’فیضان سنت ‘‘ کی اشاعتی تاریخ اور تعداد کا شمار تاریخ کی بلند ترین سطح پر پہنچ چکا ہے ۔چونکہ دینی کاموں میں اخلاص شرط ہوتا ہے ورنہ اس کتاب کی اشاعت تاریخ کے کئی ریکارڈ توڑ چکی ہے۔ اسلامک ای بک سروس کے ڈیجٹل پلیٹ فارم پر مکتبۃ المدینہ کی شائع کردہ کتابیں پی ڈی ایف کی صورت میں قارئین کے قلب وروح کی علمی تسکین کا باعث بنتی ہیں ۔

ریڈ اینڈ لسن اسلامک بک لائبریری:

دورجدید کی تیزترقی میں انسان کے پاس وقت وہ قیمتی اثاثہ ہے جو گھریلوں زندگی سے لیکر پروفیشنل زندگی تک انسان کو مصروف رکھتا ہے ۔اس وقت کی گہماگہمی اور مصروف ترین لمحات میں انسان کےپاس مطالعہ کےلئے وقت نکالنا مشکل تر ہوتاجارہا ہے۔شعبہ تعلیم سے وابستہ حضرات ،علم دین سیکھنے سکھانے میں مصروف علما، تعلیم وتعلم سے وابستہ اسکالرز کے علاوہ ایک بہت بڑی تعداد خواہ ہوپروفیشنل حضرات ہو یا عام افراد ان کےلئےبلاستعیاب کتاب کا مطالعہ کرنا ناممکن بن گیا ہے۔ دعوت اسلامی نے اس ضرورت کو بھی مدنظر رکھتے ہوئے ایک ڈیجیٹل سلوشن پیش کیا ہے۔جس کا نام ریڈ اینڈ لسن اسلامک بک لائبریری ہے۔ اس لائبریری میں وقت کو پیش نظر رکھتے ہوئے ضخیم کتابوں کو مختصر صفات میں تبدیل کرکے رسائل کی صورت میں پیش کیا جاتاہے۔ نیز ان رسائل کی آڈیو بھی بنائی جاتی ہےکہ کوئی پڑھ نہیں سکتا تو سن کر ہی علم دیں حاصل کرسکے۔

دعوت اسلامی کی یہ ڈیجیٹل لائبریر ی ان افراد کےلئے خاصی اہمیت کی حامل ہےجو کم پڑھے لکھے ہوتے ہیں یا عوام الناس کا مخصوص طبقہ جو شہری سہولیات سےدور رہ کر مختصر اور آسان انداز میں علم حاصل کرنے کی تڑپ رکھتا ہے۔ دعوت اسلامی نے اس مسئلہ کی بھی عملی طورحل کرکے پیش کیا اور ریڈ اینڈ لسن اسلامک بک لائبریری کا قیام عمل میں لایا۔

صراط الجنان فی تفسیر القرآن موبائل ایپلی کیشن:

دعوت اسلامی آئی ٹی ڈیپاٹمنٹ نے تعلیم قرآن عام کرنے اور فہم قرآن کا ذوق دنیا میں بسنے والے مسلمانوں میں اجاگر کرنے کےلئے قرآن کی خدمت کو اولین ترجیح دی۔ پہلے تلاوت قرآن درست انداز کےساتھ پڑھنے کےلئے قرآن کی ڈیجیلائزیشن خدمت کو مدنی قاعدہ ایپلی کیشن کےذریعے متعارف کروایا۔پھر تعلیم قرآ ن کےلئے القرآن مجید ایپلی کیشن پیش کی ۔ اس کےبعد قرآن کے معانی ومفاہیم اور تعلیمات قرآن سے امت کو عالمی سطح پر رہنمائی فراہم کرنے کےلئے آسان انداز میں لکھی گئی10جلدوں پر مشتمل تفسیر صراط الجنان فی تفسیر قرآن کی موبائل ایپلی کیشن بنا کر قرآن کی ڈیجیٹل لائبریر ی سے لوگوں کا تعلق قرآن سے جوڑا۔

فیضان حدیث موبائل ایپلی کیشن :

خدمت قرآن کے بعد احادیث کی ڈیجیٹل لائبریری کے قیام کی طرف قدرت کی کرم فرمائی سے رہنمائی نصیب ہوئی ۔آئی ٹی ڈیپارٹمنٹ دعو ت اسلامی نے حدیث کی مشہور کتاب مشکاۃ المصابیح اور اس کی مشہور شرح مشکاۃ المصابیح کی موبائل ایپلی کیشن سے حدیث کی ڈیجیٹل لائبریری کا قیام ممکن بیانا۔ حدیث کی ڈیجیٹل لائبریری جو کہ موبائل ایپلی کیشن کی صورت میں فیضان حدیث موبائل ایپلی کیشن کے نام سے پلے اسٹور پر دستیاب ہے۔ اس میں مزید ریاض الصالحین اور دیگر علمائے اسلام کی کتابیں بھی اندراج کی گئیں ہیں۔ صحاح ستہ کا عنقریب مجموعہ بھی اس ڈیجیٹل لائبریری کا حصہ بننے جارہا ہے۔

فتاوی رضویہ موبائل ایپلی کیشن:

قرآن وحدیث کےبعد شریعت اسلامیہ کے چاروں بنیادی ماخذ پر مشتمل اسلامی فقہ کا اردو زبان میں سب سے بڑا انسائیکلوپیڈیا فتاوی رضویہ کو ڈیجیٹل لائبریری کی صورت میں پیش کیاگیا۔

فقہ حنفی کی نمائندگی کرتا ہوا سب سے مستند علمی ماخذ فتاویٰ رضویہ کی اہمیت ہر مکتبہ فکر میں مسلم ہے ۔ امام اہلسنت حضرت امام احمد رضا خان بریلوی کا علمی شاہکار فتاوی کو خوبصورت انداز کےساتھ آئی ٹی ڈیپارٹمنٹ نے پیش کیا۔اور فقہ وفتاوی کے ساتھ عقائد اہلسنت کی ترجمانی کرتا ہواہے یہ سافٹ ویئر ایک بہت بڑی علمی ڈیجیٹل لائبریر ی ہے جو آئی ٹی دعوت اسلامی نے پیش کی ہے۔

ڈیجیٹل لائبریری کے قیام کی تفصیل:

دعوت اسلامی کی دینی خدمت پر طائرنہ نظر ڈالیں تو بانی دعوت اسلا می حضرت علامہ مولانا محمد الیاس قادری کی تعلیمات کا بنیادی مقصد شریعت کی بالادستی اور احیائے سنت کا نظام قائم کرنا ہے۔امیر اہلسنت کی انفرادی دعوت سے لیکر اجتماعی نیکی کی دعوت تک کوئی بھی بات شریعت کے دائرہ کارسے نہیں نکلتی ہے۔آ پ نے دعوت اسلامی کے پلیٹ فارم سے احکام شریعت لوگوں تک پہنچانے کےلئے جو علمی کام سرانجام دیئے ان میں ایک المدینۃ العلمیہ اسلامک ریسرچ سینٹر کا قیام ہے۔یہ وہ عظیم ادارہ ہے جہاں علمااسکالر محققین کی خاصی تعداد علمی سرگرمیوں میں مصروف عمل رہتی ہیں۔ عوام الناس کےاستفادہ کےلئے سہل اور آسان انداز کےساتھ اسلامک علمی لٹریچرز پر تحقیقی کام ہوتا ہے۔مختلف عربی کتابوں کے ترجمہ کئے جاتے ہیں۔کتابیں لکھی جاتی ہیں۔ قرآن وسنت، عقائد، فقہ ،حدیث، سیرت، اصول، عربی گرام،درسی کتابیں ، حالات زندگی، تبلیغی نصاب، نیکی کی دعوت کےموضوع پر علمی مواد کی ترتیب۔حمدونعت ،اوراد ووظائف کےعلاوہ دعوت اسلامی کی تربیتی نصاب، نیکی دعوت پر لٹریچراور بہت سے موضوعات پر علمی نگارشات پیش کرنا اس شعبہ کا اہم کام ہے۔تقریبا 100سے زائد علما اور اسکالرز اس شعبہ کے تحت کتابیں رسائل، میگزئین، تراجم کا کام کررہے ہیں۔تادم تحریردوہزارسے زائد کتب ورسائل پر کام ہوچکا ہے ۔جب المدینہ العلمیہ کی تحقیقی شدہ کتاب زیور طبع سے آراستہ ہونے کےلئے مکتبۃ المدینہ اشاعتی ادارہ سے ہوکر منظر عام پر آتی ہے تو پھر اس کی ڈیجیٹل خدمت کا مرحلہ آئی ٹی ڈیپارٹمنٹ دعوت اسلامی طے کرتا ہے۔

آئی ٹی ڈیپارٹمنٹ عالمی سطح مسلمانوں کو علم دین سے روشناس کروانے ، اسلام کی تعلیمات سےہمکنار کرنے کےلئے المدینۃ العلمیہ کی تحقیق شدہ کتاب کو دعوت اسلامی کی ڈیجیٹل لائبریری کا حصہ بناتا ہے۔یوں ایک کتاب مختلف ڈیجیٹل چینلز کےذریعے دنیا بھر میں عام ہوجاتی ہے ۔ یوں اہل اسلام کو مستند علمی مواد کسی بھی قیمت کےاداکئے بغیر نصیب ہوجاتا ہے۔

ڈیجیٹل لائبریری کے قیام کا بنیادی مقصد :

امیر اہلسنت حضرت علامہ مولانا الیاس قادری رضوی کی شخصیت اور آپ کی آفاقی نظریات نے جس طرح دنیا بھر میں نیکی کی دعوت کےذریعے اپنے قدم جمائے اور معاشرتی طبقات میں سے ہر طبقہ کو سنت رسول پر عمل کا خوگربنایا۔شریعت اسلامیہ کی تعلیمات عام کرنے اور علم دین کےحصول کےلئے دینی ادارے کے قیام کا عمل ممکن بنایا۔یوں ہی آپ نے دعوت اسلامی کےپلیٹ فارم سے عوام الناس کے عام استفادہ کےلئے کتابیں تحریر کیں اور اسلو ب کتابت کو انتہائی سہل اور عام فہم بنایا۔اشاعتی ادارے سے کتابیں چھپواکر انتہائی سستے داموں فروخت کر نےکا ذہن دیا۔من وعن آپ نے جغرافیائی سرحدوں کو عبور کرنے کےلئے ڈیجیٹل دنیا کو اپنی نیکی کی دعوت کا بھی پلیٹ فارم بنایا۔دنیا بھر کے مسلمانوں میں علم دین حاصل کرنے کا شعور بیدا رکیا۔شعور کی بیداری کے بعد علم دین سیکھنے کےلئے مواقع فراہم کئے۔ان تمام نیکی کے کاموں کا مقصد یہ تھا کہ دعوت اسلامی اہل ایمان کے علمی ورثہ کو نہ صرف تقسیم کرسکے بلکہ ایسامعاشرہ تشکیل دینے میں کامیاب ہو جہاں ہر کوئی سنت رسول کے مطابق زندگی گزارنے کا عادی بن جائے۔اس مقصد کےحصول اور اپنی آفائی مقصدیت یعنی ساری دنیا کےلوگوں کی اصلاح کی کوشش کرنی ہے کے لئے ہر ممکن اصلاح کےپلیٹ فارم استعمال کرنا بانی دعوت اسلامی کا مطمح نظر تھا۔جو آج عملی شکل میں دعوت اسلامی کے شعبہ آئی ٹی نے ڈیجیٹل لائبریری کی صورت میں پیش کیا۔

کتب کی ڈیجیٹلائزیشن کا طریقہ کار: (Scanning, OCR, Indexing)

اسلامک ریسرچ سینٹر المدینۃ العلمیہ دعوت اسلامی کی طرف سے طبع شدہ کتاب آئی ٹی ڈیپارٹمنٹ کو موصول ہوتی ہے۔ یہ کتاب ورڈ اور پی ڈی ایف دونوںصورتوں میں ہوتی ہے۔ آئی ٹی ڈیپارٹمنٹ نے موصول شدہ کتاب کو ڈیجیٹل لائبریری کا حصہ بنانے کےلئے ایک انٹرنل ڈیپارٹمنٹ بک سروس کا بنایا ہے، جہاں ڈیٹاانٹری ، کتاب کی انڈیکسنگ ، یونی کوڈ اور اپ لوڈ کرنے کےلئے مخصوص افراد موجود ہوتے ہیں۔پہلے مرحلہ میں یونی کوڈ ، پھر ڈیجیٹل لائبریری کے معیار کے مطابق فاؤنٹس کا استعمال، انڈیکسنگ کےلئے H1,H2, H3 ، کتاب کے موضوع کا انتخاب ، صفحات کی ترتیب پھر ٹیکنیکل کام کرنےکےبعد آن لائن کے مرحلہ کا وقت آتا ہے۔یوں ایک کتاب اپنے تمام ترمراحل طے کرنے کے بعد ڈیجیٹل لائبریری کاحصہ بنتی ہے۔

کتب کے انتخاب اور تصدیق کا معیار :

دعوت اسلامی کاکوئی بھی کام بغیر تحقیق اور مشاورت کے منظر عام پیش نہیں کیاجاتاہے۔دعوت اسلامی کے 80سے زائد ڈیپارٹمنٹ کا منظم مضبوط نظام ہے ۔باقاعدہ ہر شعبہ کی ایک مشاورتی انتظامیہ ہوتی ہے جو ادارے کے کاموں کا بغور جائزہ بھی لیتی ہے اور عام استفادہ کے لئے کیا پیش کرنا ہے اس کابھی تنقیدی جائزہ لیتی ہے۔یوں ہی المدینۃا لمدینہ میں کسی بھی کتاب پر کام کرنے سے پہلے اس کی افادیت مقصدیت اور اہمیت پر سیر حاصل کلام کیاجاتاہے۔ پھر اس مرحلہ میں کئی اور امور بھی سرانجام دیئے جاتے ہیں ۔چند مخصوص اہل علم ، تجربہ کاراور کتب بینی کا وسیع تجربہ رکھنے والے افراد جب کسی کتاب پر علمی کام کرنےکا عندیہ دیتے ہیں تو پھر المدینۃ العلیہ کے اسکالرزاس کتاب کی نوعیت کےاعتبارسے کام شروع کرتے ہیں ۔یوں جب وہ کتاب زیور طبع سے آراستہ ہوکر آئی ٹی ڈیپارٹمنٹ تک پہنچتی ہے تو وہ کتاب انتخاب اور تصدیق کے معیار گزار کر استفادہ عام کےلئے ڈیجیٹل لائبریری کی زینت بنتی ہے۔

دعوت اسلامی کے شعبہ علمیہ میں کتاب کاانتخاب اور تصدیق کامعیار دنیا کےسامنے ایک مثال بن چکا ہے ۔دعوت اسلامی کے شعبہ المدینۃ العلمیہ کتاب کا انتخاب کرتا ہے اور ان کا انتخاب آئی ٹی ڈیپارٹمنٹ کی تصدیق ہوتا ہے ۔تب جاکر وہ کتاب آئی ٹی ڈیپارٹمنٹ کی ڈیجیٹل لائبریری میں مطالعہ کےشائقین کو دعوت مطالعہ دیتی ہے۔

کتب اپلوڈ کرنے کی ترتیب و تفصیل (روزانہ، ماہانہ، سالانہ) :

تقریبا ایک مہینےمیں ایک ہزار صفحات اپ لوڈ کئے جاتے ہیں۔ کتابوں کی صورت میں ہر ماہ 5 کتابیں اپ لوڈ ہوتی ہیں۔

ڈیجیٹل لائبریری تکنیکی پہلو

دعوت اسلامی کی ڈیجیٹل لائبری کے لیے استعمال ہونے والا سافٹ ویئر / پلیٹ فارم :

https://www.dawateislami.net/bookslibrary

https://www.dawateislami.net/downloads/desktop-application/al-madina-library

https://www.dawateislami.net/downloads/islamic-apps

سرچ سسٹم اور ڈیٹا مینجمنٹ کی سطح :

https://www.dawateislami.net/bookslibrary/ پر موجود المدینہ لائبریری آن لائن بک سروس کا سرچنگ سسٹم ،سرچ بار جدید تقاضوں سے ہم آہنگ تیز ترین سرچ رزلٹ سے یوزر کی علمی دلچسپی کا باعث بنتا ہے۔پانچ ہزار سے زائد تقریبا 30 لوکل اور انٹرنیشنل لینگوئجز میں موجود کتابیں اہل تحقیق کےلئے علمی کے موتی سیکنڈوں میں پیش کرتا ہے۔

بک لائبریری کے پیش منظر کو ملاحظہ کیا جائے تو سرچ سسٹم دوقسم کی رہنمائی فراہم کرتاہے۔ ایک سرچ بار ۔ دوسرا فلٹر سے سرچنگ

سرچ بار: لینگوئج کےانتخاب کے بعد مطلوبہ لفظ ،جملہ یا کوئی عبارت لکھیں پھر کلک کریں ۔آپ کے مطلوبہ نتائج کی کثرت تلاش علم کی پیاس بجھاتی ہوئی نظر آئے گی۔جہاں جہاں تلاش کردہ لفظ یا عبارت موجود ہوگی چند سیکنڈ میں آپ کی نظروں کی سامنے عیاں ہوجائے گی۔

فلٹر سے سرچنگ :موضوعات کی کیٹگریز ، کتاب کا انتخاب ، لینگویج کا تعین، مصنفین کا چناؤ،مخصوص صفحات میں تلاش علم،خاص کتاب کو فلٹر کرکے الفاظ تلاش کیجئے اور مخصوص مطلوبہ رزلٹ حاصل کیجئے۔

سرچنگ کا یہ ہی طریقہ کار المدینہ لائبریری ڈیکس ٹاپ ایپلی کیشن میں بھی آپ کی سرچنگ کےسلسلہ میں رہنمائی فراہم کرتاہے۔

المدینہ لائبریری کے ڈیٹا مینجمنٹ میں اسلام ، تعلیمات اسلام، عقائد ونظریات، فقہ وفتاوی، تاریخ وسیرت، بزرگان دین، تصوف ،اخلاق وعادات اور دیگر بے شمار موضوعات پر دنیا کی مختلف لینگوئجز میں سرچنگ کی تمام تر جدید سہولیات کے ساتھ دعوت اسلامی کی علم دوست سرگرمیاں جویانِ تحقیق وبحث کو دعوت مطالعہ پیش کرتی ہے۔ ذوق مطالعہ اور شوق کتب بینی رکھنے والوں کےلئے پی ڈی ایف کی صورت میں کتابیں ڈاؤن لوڈ کےلئے موجود ہیں۔اور آن لائن ریڈنگ کی بھی سہولیات قارئین کو مطالعہ کا خوش کن ماحول پیش کرتی ہے۔

تمام تر کتابیں یونی کوڈ سسٹم کے ساتھ پیش ہوتی ہیں یوزر چاہے تو کتابوں سے علمی مواد اپنی تحقیق کاحصہ بنانے کےلئے بھی باآسانی لے سکتاہے۔

ڈیٹا سیکیورٹی اور بیک اپ کا نظام :

آئی ٹی ڈیپارٹمنٹ دعوت اسلامی جدید فریم ورک سے آراستہ ایک منظم اور مربوط ڈیٹا سیکیورٹی سسٹم بھی رکھتاہے۔ڈیٹا سیکیورٹی کے حوالے سے مکمل پالیسیز اور سسٹم بھی فعال کردار ادار کرتاہے۔

آئی ٹی ڈیپارٹمنٹ دعو ت اسلامی ڈیٹا سیکیورٹی کو انتہائی سنجیدگی سے لیتا ہے۔ ہم انڈسٹری کے معیاری ٹولز اور ٹیکنالوجیز استعمال کرتے ہیں جو SECP اور آئی ٹی سیکیورٹی کے رہنما اصولوں کے مطابق ہیں۔ حساس معلومات کے تحفظ کے لیے باقاعدہ اپ ڈیٹس، اِنکرپشن اور رسائی کے کنٹرول کی پالیسیوں پر عمل کیا جاتا ہے۔ ہماری آئی ٹی ٹیم مسلسل نگرانی اور کمزوریوں (Vulnerability) کا جائزہ لیتی رہتی ہے تاکہ کسی بھی ممکنہ خطرے کو بروقت حل کیا جا سکے۔

ڈیجیٹل لائبریری کے اثرات اور استفادہ

صارفین کی نوعیت :

صلائے عام ہے یاران نکتہ دان کےلئے۔ دعوت اسلامی کا مقصد مجھے اپنی اور ساری دنیا کےلوگوں کی اصلاح کی کوشش کرنی ہے۔اصلاح کی عظیم تر مقصدیت کو سامنے رکھتے ہوئے اصلاح کا میدان عام ہے ۔ہرشخص اپنی فطرت اور ذوق کےمطابق استفادہ عام کرسکتا ہے۔

صارفین کی روزانہ، ماہانہ اور سالانہ تعداد اور فیڈبیک کی نوعیت :

دعو ت اسلامی کےاصلاحی پروگرامز خواں کسی بھی نوعیت کے ہوں بفضلہ تعالی عاشقان رسول کی خاصی تعداد مستفید ہوتی ہے۔صرف دعوت اسلامی کی ڈیجیٹل لائبریری کے سالانہ یوزر کی تعداد چھتیس لاکھ پانچ ہزار تین سو سڑسٹھ ہے یعنی ماہانہ دعوت اسلامی کی علمی خدمات سے مستفید ہونے والوں کی تعداد تین لاکھ تین سو سینتالیس ہے ۔ یوں ہی ڈیجیٹل موبائل ایپلی کیشنز میںفتویٰ رضویہ موبائل ایپلی کیشن کو ایک لاکھ گیارہ ہزار دو سو اکتالیس افراد کے ڈاؤن لوڈ کیا۔ ای بُک لائبریری کے یورز کی تعداد نو لاکھ پچاسی ہزار پانچ سو چوراسی ہے اور فیضانِ حدیث موبائل ایپلی کیشن یوزر کی تعداد تین لاکھ ساٹھ ہزار اسی ہے۔

سب سے زیادہ استفادہ کرنےوالے طبقات :

تقریبا تمام ہی طبقات جو علمی سرگرمیوں میں صبح وشام گزارتے ہیں وہ بخوبی علم کے سوتے تلاش کرلیتےہیں اور جن کو علم کے موتی چننے کی جستجوہوتی ہے وہ گاہے بَہ گاہے رونق بزم بنتے ہیں۔ دعوت اسلامی نے اپنا دینی کام کسی مخصوص طبقہ کےلئے نہیں کیا۔بلکہ یہ انسانیت کی اصلاح کی تحریک ہے جس کو تعلیمات قرآن اورسنت رسول کے مطابق پروان چڑھایا گیا ہے۔ امت مسلمہ کےہر فرد کواسلامی عقائدسے آگاہ کرنا اور شرعی احکام سے روشناس کروانااس کا ہدف ہے ۔ اس کےلئے دعوت اسلامی کےتمام پلیٹ فارم پر تخصیص طبقات کو فوقیت نہیں دی جاتی ہے۔بلکہ ہر شعبہ ہائے زندگی کےافراد دعو ت اسلامی کےعلمی ،روحانی ، تبلیغی، سماجی ، تعلیمی ،فلاحی کاموں سے نہ صرف مستفید ہورہے ہیں بلکہ 80سے زائد انسانی خدمت کے شعبہ جات میں دینی کام بھی کررہےہیں۔

جامعات اور مدارس کا تعاون :

دعو ت اسلامی احیائے سنت کی عالمگیر تحریک ہے جو دنیا کے اکثر ممالک میں بخوبی دینی کام سرانجام دے رہی ہے۔ اس وقت دینی ،تعلیمی ، فلاحی، سماجی ،روحانی کے علاوہ آئی ٹی شعبہ میں بھی خودکفیل ہے۔اور جہاں جہاں علمی مشاورت اور کتابوں کی ترتیب نو اور تزئیں آرائش کی ضرورت محسو س ہوتی ہے وہاں علما بوڑد ، مفتیان کرام سے مشاورتی عمل اور تعاون ملتا رہتا ہے۔

فری کتب ڈاؤنلوڈ کی سہولت اور آنلائن مطالعہ کےآپشز:

آن لائن یا ڈاؤن لوڈ تمام تر سہولیات کے ساتھ خدمت دین میں آئی ٹی ڈیپارٹمنٹ کی دینی کاوشیں منصہ شہود پر امیر اہلسنت حضرت مولانا محمد الیاس قادری دامت برکاتہم العالیہ کا فیض ہی تقسیم کررہی ہے۔

ڈیجیٹل لائبریری کے مسائل اور چیلنجز

ممکنہ حد تک آئی ٹی ڈیپارٹمنٹ کا دنیا بھر کے سافٹ ویئر انجینئرز اور ڈیولپرز سے رابطہ میں رہتا ہے ۔ آئی ٹی ڈیپارٹمنٹ کی ٹیکنولوجی کا مشاہدہ 40سے زائد موبائل ایپلی کیشن اور المدینہ لائبریری بک سروسسز سے اندازہ بخوبی لگایا جاسکتاہے۔ نئے نئے وسائل کی تلاش بھی ایک کام ہے جس کا انکار ممکن نہیں اور ہر نئے پروجیکٹ کےلئے سرمایہ کی بھی ضرورت ہوتی ہے۔ المدینہ لائبریر ی آن لائن بکس سروس ہو یا المدینہ لائبریری ڈیکس ٹاپ ایپلی کیشن یہاں سے کوئی بھی علمی مواد باآسانی حاصل کرسکتا ہے ۔ادارے کی طرف سے کوئی قدغن نہیں ۔سوائے یہ کہ مکتبۃ المدینہ کی شائع کردہ کتاب کو کوئی اور مطبع شائع کرے تو مکتبۃ المدینہ کو اشاعتی حقوق حاصل ہیں۔آن لائن پڑھنے وہاں سے علمی مواد تحقیق کی زینت بنانے میں کوئی پابندی نہیں۔

ڈیجیٹل لائبریری کے مستقبل کے منصوبے

مستقبل میں ڈیجیٹل لائبریری کی سمت :

دعو ت اسلامی کی بھر پور کوشش رہی ہے کہ دینی کاموں میں زیادہ سے زیادہ آسانیاں پیداکی جائیں تاکہ لوگ دینی کام دلجمعی اور اخلاص کےساتھ کرسکیں۔ مستقبل میں ڈیجیٹل لائبریری کے حوالے سے بھی آئی ٹی ڈیپارٹمنٹ بھی ایک منظم علمی پلیٹ فارم دینےکےلئے اپنی کاوشیں کررہاہے اور عنقریب ایک بہت بڑاڈیجیٹل مستند مضبوط علمی پلیٹ فارممنظر عام پر آئے گا جہاں ہر بات مدلل دلائل سے مزین ہو کر شائقین مطالعہ اور اہل علم کو ملے گی۔ان شاء اللہ شاملہ جیسے سافٹ ویئر کی شکل اردو زبان میں بھی ہوگی ۔ حقیقی اعتبار سے آئی ٹی ڈیپارٹمنٹ کی المدینہ ڈیجیٹل لائبریری دینی علوم کی ڈیجیٹلائزیشن کا ایک کامیاب ادارہ جاتی ماڈل پیش کرتی ہے، جو مستقبل میں اسلامی علوم، ڈیجیٹل ہیومینیٹیز اور مذہبی انفارمیشن سسٹمز پر تحقیق کے لیے ایک اہم حوالہ بن سکتی ہے۔

مصنوعی ذہانت (AI)، OCR اور جدید سرچ ٹولز کے استعمال کا منصوبہ :

انفارمیشن کی جدیدٹیکنالوجی میں اے آئی کی اہمیت مسلمہ ہے ۔مصنوعی ذہانت کی تیز تر مقبولیت نے جہاں علمی آسانیاں پیدا کیں وہیں تحقیق وبحث میدان میں کئی سولات بھی پیدا کئے۔ مصنوعی ذہانت کےجوابا ت کی اسناد کو مضبوط قرار دینا اور اس پر فیصلہ کرنا اہل علم کے لئے مشکل تر ہوگیا ہے۔دعوت اسلامی کے آئی ٹی ڈیپارٹمنٹ نے اس اے آئی اور جدید سرچ ٹولز کےاستعمال کو مفید تربنانے اور لوگوں کو مصنوعی ذہانت سے تخلیق شدہ جوابات سے بچانے کےلئے مستند مضبوط ٹھو س علمی دلائل سے آراستہ ومزین فتوی کیو اے https://www.fatwaqa.com/ur/ai-search بھی ترتیب دے دیاہے اور مزید اے آئی سرچ ٹولز بھی متعارف کروادیا ہے ۔ دعوت اسلامی نے اسلام کی حقانیت اور تعلیمات اسلام عام کرنے کےلئے عصر حاضر کی ہر ترقی اور ٹیکنولوجی کو استعمال کیا ہے تاکہ دین کا کام بحسن وخوبی سرانجام دیاجاسکے۔دعوت اسلامی کے آئی ٹی ڈیپارٹمنٹ کی اولین ترجیح ہے کہ مسلمانوں کو احکام شرع واقف شرع کے ذریعے پہنچے اس مقصد کےلئے آئی ٹی ڈیپارٹمنٹ دعو ت اسلامی نے انفارمیشن ٹیکنولوجی کی دنیا میں اسلام کے جید علما مفتیان کرام کےفتاوی کو جدید اے آئی سرچنگ میں پیش کردیا ہے ۔اب یوزر جو بھی بات تلاش کرے گا اسے ٹھوس علمی بات ملے گی۔

دعوتِ اسلامی احسن انداز سے اصلاحِ معاشرہ میں اپنا کردار ادا کرنے ، لوگوں کو آسان انداز میں دینِ اسلام کی تعلیمات سے آگاہ کرنے اور دورِ حاضر کے تقاضوں کے مطابق علمِ دین عام کرنے والی عالمی سطح کی دینی تحریک ہے۔

دعوتِ اسلامی کا آئی ٹی ڈیپارٹمنٹ ڈیجیٹل طریقے سے دنیا بھر کے لوگوں میں علمِ دین کا فیضان پھیلانے اور دینِ متین کے احکام عام کرنے میں مصروفِ عمل ہے جس کے کثیر نمایاں کاموں میں سے ایک کام ”Prayer time application“ ہے۔

آئی ٹی ڈیپارٹمنٹ دعوتِ اسلامی نے مسلمانوں کی آسانی اور اُن کی رہنمائی کے لئے ”Prayer time application“ لاؤنچ کی ہوئی ہے جس میں مختلف زبردست فیچرز کے ذریعے آپ نمازوں کے اوقات، اسلامی کلینڈر، جماعت کے ٹائم موبائل آٹومیٹک سائلنٹ موڈ پر چلے جانا، کیمرے اور کمپاس کے ذریعے قبلہ ڈائریکشن سمیت قضا نمازوں کا باآسانی حساب لگاکر انہیں ادا کر سکتے ہیں۔

تو آج ہی یہ ایپلی کیشن پلے اسٹور سے ڈاؤن لوڈ کیجئے اور ان شاندار فیچرز سے فائدہ اٹھایئے۔ (کانٹینٹ:غیاث الدین عطاری)

Download now

https://play.google.com/store/apps/details?id=com.dawateislami.namaz&hl=en&pli=1

دعوتِ اسلامی جہاں ملک و بیرونِ ملک میں دینی و فلاحی کام کرنے میں مصروفِ عمل ہے وہیں ڈیجیٹل طریقے سے بھی لوگوں تک علمِ دین کا فیضان پہنچا رہی ہے۔

اسی سلسلے میں آئی ٹی ڈیپارٹمنٹ دعوتِ اسلامی کی جدید پیشکش فیضانِ حدیث ایپلیکیشن جو مزید اپڈیٹ کر دی گئی ہے۔اس موبائل ایپلیکیشن میں 2 کتابوں کا اضافہ کردیا گیا ہے 01)فیضانِ ریاض الصالحین 02)اربعینِ نووی۔

اس کے علاوہ اس ایپلیکیشن میں میڈیا سیکشن کا آپشن بھی موجود ہے جس میں حدیث سے تعلق رکھنے والے پروگرامز مثلاً درسِ بخاری، حدیثِ قدسی، درسِ مسلم، درسِ صحاحِ ستہ، انوارِ حدیث، درسِ شمائلِ ترمذی اور قصص الحدیث شامل کئے گئے ہیں۔

اس ایپلیکیشن سے فائدہ حاصل کرنے اور علمِ دین حاصل کرنے کے لئے ابھی پلے اسٹور سے ڈاؤن لوڈ کریں یا دعوتِ اسلامی کی ویب سائٹ www.dawateislami.net کا وزٹ کریں۔( کانٹینٹ:غیاث الدین عطاری)

دینِ اسلام کے اراکین میں سے ایک رکن حج کرنا بھی ہے ۔  ہر مسلمان مرد و عورت کی دلی خواہش ہوتی ہےکہ اپنے زندگی میں کم از کم ایک مرتبہ اپنی آنکھوں سے مکہ مکرمہ میں موجود مقدس مقامات کی زیارت کرے۔

ہر سال لاکھوں مسلمان (جو صاحبِ استطاعت ہوں) حج یا عمرہ کرنے کی سعادت حاصل کرنے کے لئے مکہ مکرمہ سفر کرتے ہیں اور اللہ عزوجل کے نیک بندوں کی اطاعت گزاری کو اراکینِ حج و عمرہ کی صورت میں ملاحظہ کرتے ہیں۔

اسی سلسلے میں دعوتِ اسلامی کے آئی ٹی ڈیپارٹمنٹ (انفارمیشن ٹیکنالوجی) نے حج و عمرہ کرنے والے افراد کے لئے ”حج و عمرہ ایپلیکیشن “متعارف کروائی ہے جس کے ذریعے حج و عمرہ کرنے والے باآسانی حج و عمرہ اور طوافِ کعبہ کو ادا کرسکتے ہیں۔

اس ایپلی کیشن میں آپ جان سکیں گے:٭حج و عمرہ کا مکمل طریقہ٭مسنون دعائیں٭نماز کے اوقات٭3D ویڈیوز ٭Location/مقامات٭چیک لسٹ۔

اس کے علاوہ یہ ایپلیکیشن آپ کو ہر قدم پر صحیح طریقے سے رہنمائی کرتی ہے اور آپ کو حج و عمرہ کے اراکین ادا کرنے میں مددگار ثابت ہوتی ہے۔ابھی اس ایپلیکیشن کو پلے اسٹور سے ڈاؤن لوڈ کریں۔

https://play.google.com/store/apps/details?id=com.hasshub.hajjoumrah&hl=ur&gl=US

آقا کریم صلَّی اللہ علیہ واٰلہٖ وسلَّمکی ظاہری وفات کے بعد قیامت تک کے مسلمانوں کی رہنمائی کے لئے قرآن پاک کے بعد سب سے معتبر حضور نبی کریم صلَّی اللہ علیہ واٰلہٖ وسلَّم کے فرامین ہیں جنہیں حدیث نبوی اور سنت بھی کہا جاتا ہے۔

دعوت اسلامی کے شعبہ آئی ٹی ڈیپارٹمنٹ نے ایک App بنام ”فیضانِ حدیث“ کو بہترین فیچرز کی سہولت کے ساتھ دوبارہ Update کر کے لانچ کیا ہے۔

User اس فیچرزمیں درج ذیل چیزیں ملاحظہ کرسکیں گے:

٭ہزاروں احادیث ، ترجمہ اور تشریح کے ساتھ ٭اہم چیزیں Note کرنے کی سہولت ٭روزانہ کی حدیث ٭حدیث، ترجمہ اور شرح میں سرچنگ کا آپشن ٭Resume کی سہولت

App ڈاؤن لوڈ کرنے کے لئے نیچے دیئے گئے لنک پر کلک کیجئے:

Download Now

مدنی قاعدہ موبائل ایپلی کیشن جس میں شامل ہیں!

22اسباق

لفظ با لفظ آڈیو

تمام اسباق کی وڈیو ز

اردو اور انگلش  زبان

سوال و جواب

آن لائن قاری  صاحبان

تو آج ہی پلے اسٹور اور ایپ اسٹور سے ڈاون لوڈ کریں:

Download Now

عرسِ غوث پاک رحمۃُ اللہِ علیہ کے موقع پر دعوت اسلامی کے شعبہ آئی ٹی ڈیپارٹمنٹ کی جانب سے ویب سائٹ ”سیرت غوث اعظم رحمۃُ اللہِ علیہ کا حسین تذکرہ“ کو اپڈیٹ کردی گئی ہے۔

عاشقان رسول اس ویب سائٹ میں ملاحظہ کرسکیں گے:

سیدنا سرکار غوث اعظم رحمۃُ اللہِ علیہ کا ٭ شجرہ نسب ٭بچپن کے حالات ٭مقام و مرتبہ ٭بے شمار کرامات ٭ملفوظات عالیہ ٭اوراد و ظائف ٭آپ رحمۃُ اللہِ علیہ کی سیرت سے متعلق مختلف کتابیں ٭میڈیا لائبریں میں بیانات اور منقبیں ٭اس کے علاوہ اور بہت کچھ۔۔۔

تو آج ہی سیرت غوث اعظم رحمۃُ اللہِ علیہ سے متعلق معلومات حاصل کرنے کے لئے اس ویب سائٹ کا وزٹ کیجئے:

https://abdulqadirjilani.net/

نماز کے اوقات اور قبلہ  کے درست سمت کی طرف رہنمائی کرتی ہوئی آئی ٹی ڈیپارٹمنٹ دعوتِ اسلامی کی پیش کردہ پرے ٹائم موبائل ایپلی کیشن اب ایک نئے فیچر کے اضافہ کےساتھ استعمال کیجئے۔

علم سے روشن ہر دن،کتاب الہی سے روشن آیت، حضور ﷺکی باتیں اور شریعت سے آگاہی، اب روزانہ پائیں آیت، حدیث اور فتوی آج ہی ڈاؤن لوڈ کیجئے۔(منجانب آئی ٹی ڈیپارٹمنٹ دعوتِ اسلامی)

Play Store

App Store

عرسِ اعلیٰ حضرت امام اہلسنت رحمۃ اللہ علیہ کے پر مسرت موقع پر صرا ط الجنان موبائل ایپلی کیشن میں آپ ملاحظہ کرسکیں گے۔

• سندھی ترجمۂ کنزالعرفان۔

• دعوتِ اسلامی کےاشاعتی ادارے مکتبۃ المدینہ کے شائع کردہ پین قرآن میں دیئے گئے 12 قاری حضرات کی مختلف آوازوں میں تلاوتِ قراٰنِ کریم سننے کا آپشن۔

ابھی گوگل پلے سے اس ایپلی کیشن کو ڈاؤن لوڈ یا اپ ڈیٹ کیجئے۔

https://play.google.com/store/apps/details?id=com.dawateislami.AlQuran.Translation&hl=en&gl=US

لَقَدْ كَانَ لَكُمْ فِیْ رَسُوْلِ اللّٰهِ اُسْوَةٌ حَسَنَةٌ : ترجمۂ کنزالایمان: بیشک تمہیں رسولُ الله کی پیروی بہتر ہے۔

قرآن کی صدائے دلنواز سے اتباع واطاعت رسول صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کے لئے مطالعہ سیرت رسول صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کی اہمیت دوچند ہوجاتی ہے کیونکہ سیرت رسول صَلَّی اللہُ تَعَالٰی عَلَیْہِ وَاٰلِہٖ وَسَلَّمَ پر عمل پیرا ہوئے بغیر زندگی سنور نہیں سکتی ۔زندگی کے نکھار اور خوبصورتی میں حسن اسی وقت آتا ہے جب رسول صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کے نقوش پا کو خضرراہ بنایا جائے۔حضور علیہ الصّلاۃ و السَّلام کی سیرت ، آپ کی حیات مبارکہ ، آپ کی زندگی کے ابتدائی ایام، آپ علیہ الصّلاۃ و السَّلام کی بود و باش، ایام جوانی، دور نبوت ورسالت ، مکی زندگی کے شب وروز، نبوت کی ذمہ داریاں ، تبلیغی فرائض ، رؤوسائے قریش کےظلم وستم کے سامنے صبر واستقامت کی لازوال مثالیں ، ہجرت مدینہ، نئی ریاست کا قیام، اسلوب ریاست وحکومت، غزوات، فتوحات ، نئی آبادکاریاں ،سفارتی تعلقات، افواج کا قیام وبقا،میدان جنگ کی صف بندیاں، پھر عائلی زندگی، خانگی زندگی ، معاشرتی رہن سہن المختصر رسول اللہ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کی زندگی کے ہر پہلو کےمطالعہ کےلئے مستند علمی مواد کا موجود ہونا بھی ضروری ہے۔اس سلسلے میں بہت سے سیرت نگار علما نے قلم اٹھایا اور سیرت رسول عربی پر بیشمار کتابیں لکھیں اور یہ سلسلہ قیامت تک چلتارہے گا ۔بقول شاعر:

زندگیاں ختم ہوئیں اور قلم ٹوٹ گئے تیرے اوصاف کا ایک باب بھی پورا نہ ہوا

جوں جوں انفارمیشن ٹیکنولوجی کی بڑھتی ہوئی مقبولیت نے علمی میدان میں اپنے پنجے گاڑے تب سے ڈیکس ٹاپ اور موبائل ایپلی کیشن کی افادیت ومقبولیت بڑھنے لگی جس کی وجہ سے اس جدت نے بہت سارے علمی کام کو اپنی بساط میں لپیٹ لیا ۔ دعوت اسلامی کے شعبہ آئی ٹی نے اس رونماہونے والی تبدیلی سے بھرپور فائدہ اٹھایا اور دعوت اسلامی کے علمی اور تنظیمی کام کو ڈیکس ٹاپ اور موبائل ایپلی کیشن کے ذریعے پوری دنیا میں عام کرنے کےلئے بہت سارے پروجیکٹس پر کام شروع کیا ۔ جس میں سے ایک پروجیکٹ حضور علیہ الصّلاۃ و السَّلام کی سیرت پر مستند علمی کام کی Digitalization کے ذریعے تشہیر کرنا تھا ۔چنانچہ آئی ٹی ڈیپارٹمنٹ دعوت اسلامی نے پیارے آقا صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کی سیرت ، آپ کے خاندان اعلی کا شجرہ شریف، عرب کی معاشرتی وتمدنی زندگی میں برپاہونے والا مدنی انقلاب اور دور نبوت ورسالت میں وقوع پذیر ہونے والے تمام واقعات پر مشتمل ایک ویب سائٹ Develop کی۔اس Web Site کی خوبصورتی کی سب سے بڑی وجہ یہ ہےکہ اس میں سیرت رسول عربی کے تمام ادوار کو ترتیب وار ذکر کیاگیا ہے ۔ حضور علیہ الصلاۃ والسلام کے معجزات اور فضائل پر علمی ذخیرہ کتب اور ویڈیو آڈیو بیانات وغیرہ بھی میسر ہیں۔

About Holy Prophet Muhammad صَلَّی اللہُ تَعَالٰی عَلَیْہِ وَاٰلِہٖ وَسَلَّمَ

سیرت رسول محتشم کی ضیاء بار کرنوں سے منور ایک جامع ویب سائٹ آئی ٹی ڈیپارٹمنٹ دعوت اسلامی کی طرف سے عاشقان رسول کےلئے وہ علمی تحفہ ہے جس میں حضور علیہ الصّلاۃ و السَّلام کی سیرت پر مختلف علمی موضوعات جگمگارہے ہیں۔اس ویب سائٹ کا وزٹ کیجئے ، اپنےمشورے سے آگاہ کیجئے اور پسند یدگی کا اظہار دوسروں کے ساتھ شیئر کرکے کیجئے۔

آئی ٹی ڈیپارٹمنٹ دعوت اسلامی

6 ستمبر 2022ء بروز منگل عالمی مدنی مرکزفیضان مدینہ کراچی میں آئی ٹی سے تعلق رکھنے والے مختلف ڈیپارٹمنٹس کے اسلامی بھائیوں کے لئے ایک سیشن کا انعقاد کیا گیاجس میں مرکزی مجلسِ شوریٰ کے رکن حاجی فضیل رضاعطاری نے ”اپنی اصلاح کیسے کی جائے“ کے موضوع پر سنتوں بھرا بیان کیا۔

رکنِ شوریٰ نے سیشن میں شریک اسلامی بھائیوں کی تربیت کرتے ہوئے انہیں نیک اعمال کے رسالے کے مطابق زندگی گزارنے کی ترغیب دلائی نیز رکنِ شوریٰ کا کہنا تھا کہ نیک اعمال رسالے کے ذریعے جائزہ لینے سے کم وقت میں زیادہ نیکیاں کما سکتے ہیں۔

بعدازاں رکنِ شوریٰ حاجی فضیل رضا عطاری نے دعا کروائی جبکہ سیشن میں شریک اسلامی بھائیوں نے رکن ِ شوریٰ سے ملاقات بھی کی۔ (کانٹینٹ:غیاث الدین عطاری)

علم حدیث کی اشاعت وترویج کا سنہری سلسلہ محدثین کی شبانہ روز محنت کے نتیجے میں پوری دنیا تک پھیلا اور ہر گزرتے زمانے کے ساتھ علما حدیث رسول کی اشاعتی خدمت کو اپنا قیمتی سرمایہ سمجھتے رہے۔یہی وجہ ہے آج متلاشیان حدیث کو احادیث کے بارے میں جتنی بھی معلومات ہیں وہ سب محدثین کی مرہون منت ہے کہ جن کی لازوال مساعی جمیلہ سے احادیث کی گرانقدر کتابوں کی اشاعت کے سلسلے جاری وساری ہیں اور اس سلسلے کی ایک کڑی مکتبۃ المدینہ دعو ت اسلامی کی احادیث پر مشتمل مطبوعہ کتابیں بھی ہیں۔

بانیِ دعوت اسلامی، امیر اہلسنت دامت بَرَکَاتُہمُ العالیہ نے سنت رسول کی تبلیغ کا بیڑا اٹھایا اور اپنے نعرہ ”مجھے اپنی اورساری دنیا کے لوگوں کی اصلاح کی کوشش کرنی ہے‘‘ سے پوری دنیا میں سنت رسول کا پرچار کیا۔امت کو سنت رسول کے سانچے میں ڈھالنے، حضور علیہ الصلاۃ و السلام کی محبت سے سرشار، گم کردہ راہ کو راہ حق پر گامزن اور سیرتِ رسول محتشم کی اداؤ ں سے امت کو آگاہ کرنے کے لئے مقبول زمانہ کتاب ’’فیضان سنت‘‘ متعارف کروائی اور یہ سلسلہ بڑھتا چلاگیا۔آج بے شمار تحقیق شدہ کتابیں دعو ت اسلامی کے اشاعتی ادارے مکتبۃ المدینہ سے چھپ (Publish) کر افادۂ عام کے لئے جگمگارہی ہیں۔

اسی طرح مکتبۃ المدینہ کے شانہ بشانہ دعوتِ اسلامی کی دینی، علمی، روحانی، اصلاحی اور تنظیمی خدمات وثمرات کو آئی ٹی ڈیپارٹمنٹ (I T Department) ڈیجیٹلائزیشن (Digitalization ) کے ذریعے پوری دنیا کے مسلمانوں تک عام کررہاہے۔لاکھوں عاشقان رسول آئی ٹی ڈیپارٹمنٹ کی پیش کردہ موبائل ایپلی کیشنز (Mobile Applications) سے مستفید ہورہے ہیں۔چنانچہ قراٰن و تفسیر ِقراٰن، علم فقہ اور بے شمار علمی ایپلی کیشنز کے بعد آئی ٹی ڈیپارٹمنٹ دعوت اسلامی ایک اور سنگ میل کو عبور کرتے ہوئے علما،خطبا، طلبا Islamic Scholar , Researchers, اور خاص طور پر علمِ حدیث سے شغف رکھنے والے عاشقانِ رسول کے لئے ’’ فیضان حدیث موبائل ایپلی کیشن‘‘ متعارف کررہا ہے۔

آئی ٹی ڈیپارٹمنٹ کی پیش کردہ یہ ایپلی کیشن ’’فیضان علم حدیث‘‘ کی ڈیجیٹلائزیشن ( Digitalization ) اشاعتی خدمت ہے۔یہ ایپلی کیشن مجموعہ کُتُب احادیث کا وہ خوبصورت گلدستہ ہے جس میں محدثین کے علمی شہ پارے (بخاری ومسلم ، ترمذی وابو داؤد، ابن ماجہ و سنن نسائی اورمشکٰوۃ المصابیح وغیرہ) عنقریب مہکتے نظر آئیں گے۔

’’فیضان حدیث موبائل ایپلی کیشن‘‘ کا آغاز کُتُب احادیث کی جامع کتاب مشکٰوۃ المصابیح اور اس کی شرح مرأۃ المناجیح سے کیا جارہا ہے۔مشکٰوۃ شریف جو فن حدیث میں ’’عالم کورس‘‘ یعنی درس نظامی کی وہ جامع کتاب ہے جس میں کثیر احادیث کا ذخیرہ موجود ہے۔عرب و عجم میں موجود بیشتر دینی ادارے میں مشکٰوۃ شریف کا درس دیا جاتا ہے۔اسی اہمیت کے پیش نظر آئی ٹی ڈیپارٹمنٹ دعوت اسلامی ہر عاشقانِ رسول خواہ وہ طلبہ ہو یاعلما، عام ہو یا خاص تمام شائقینِ حدیث کےلئے یکساں مفید کتاب مشکٰوۃ شریف کو اس کی شرح مرأۃ المناجیح کے ساتھ پیش کرکے امت ِمسلمہ کو ”فیضانِ حدیث موبائل ایپلی کیشن“ کا تحفہ پیش کررہاہے۔

مفسِّرِ شہیر، حکیم الا ُمت، مفتی احمد یار خان نعیمی علیہ رحمۃ اللہ الغنی کے رشحات قلم سے لکھی ہوئی حدیث کی شرح مرأۃ المناجیح شرح مشکٰوۃ المصابیح کی آٹھ جلدوں کے پھولوں سےآراستہ اور علمی جواہر سے مزین و منور اس اپیلی کیشن میں احادیث کی ترتیب کو اسلوب کتاب کے مطابق رکھا گیا۔ اس ایپلی کیشن میں حدیث کی ترتیب کتاب وائز اور ابواب وائز ہو گی۔یوں ایپلی کیشن میں موجود کسی بھی حدیث کی کتاب میں سرچنگ کرنا ناصرف آسان ہوگا بلکہ موضوع کی تلاش بھی ممکن ہوگی۔

فیضانِ حدیث موبائل ایپ کی دیدہ زیب خصوصیات :

•فیضانِ حدیث موبائل ایپلی کیشن کے خوبصورت سر ورق پر مرأۃ المناجیح شرح مشکٰوۃ المصابیح کی آٹھ ضخیم جلدیں،

•ہر جلد پر کلک کرنے سے موضوعات کی فہرست،

•ہر موضوع کے تحت ذکر کردہ ابواب کی تفصیل ،

•باب الحدیث پر کلک کرنے سے باب میں موجود تمام احادیث ترتیب وار ترجمہ کے ساتھ عیاں ،

•حدیث کے ترجمہ پر کلک کرنے سے عربی متنِ حدیث ، ترجمۂ حدیث اور شرح ِحدیث ایک ساتھ اسکرین پر ذوق مطالعہ کےلئے،

•عربی متن اعراب اور بغیر اعراب کے ساتھ پڑھنے کی سہولت،

•حدیث ، ترجمہ یا شرح میں الفاظ سرچنگ کےلئے مختلف انداز،

•حدیث نمبر، لفظ بلفظ، مختلف الفاظ اور مکمل جملہ سرچ کرنے کا جدید طریقہ،

•سرچ کردہ الفاظ کی فہرست،

•اور شیئرنگ کی سہولت

’’فیضان علم حدیث موبائل ایپلی کیشن‘‘ آئی ٹی ڈیپارٹمنٹ دعوت اسلامی کی تفسیر ِقراٰن کے بعد دوسری بڑی علمی خدمت ہے۔یہ ایپلی کیشن جدید سرچنگ ، خوبصورت لے آؤٹ ، کُتُبِ حدیث کی ترتیب اوراردو یونی کوڈ فاؤنٹ (ٹیکسٹ رائٹنگ اسٹائل) کے علاوہ بہت ساری خوبیوں کے ساتھ مزین۔یہ ایپلی کیشن نہ صرف اہلِ علم حضرات کے لئے کار آمد ہوگی بلکہ عام مطالعہ ٔحدیث کے شائقین بھی اس ایپلی کیشن سے مستفید ہو سکیں گے۔

حضور تاجدارِ ختم نبوت صَلَّی اللہُ تَعَالٰی عَلَیْہِ وَاٰلِہٖ وَسَلَّم نے ارشاد فرمایا : اللہ عَزَّوَجَلَّ اس شخص کو تروتازہ رکھے جس نے ہم سے کوئی حدیث سنی پھر اسے یاد کر لیا یہاں تک کہ اسے ( دوسروں تک) پہنچا دیا۔( ابو داود ، کتاب العلم ، باب فضل نشر العلم ، ۳ / ۴۵۰ ، حدیث : ۳۶۶۰ )

آئی ٹی ڈیپارٹمنٹ دعوت اسلامی آپ کی خدمت میں یہ اپیلی کیشن آپ کے علمی استفادہ کےلئے پیش کررہاہے۔آپ تمام عاشقانِ رسول حدیث پر عمل کرتے ہوئے رسول اللہ صَلَّی اللہُ تَعَالٰی عَلَیْہِ وَاٰلِہٖ وَسَلَّم کی باتیں خود پڑھیں، یاد کریں اور دوسروں تک شیئر کریں۔

For downloading

https://play.google.com/store/apps/details?id=com.dawateislami.islam.sunnah.hadees