عاشقانِ رسول کی دینی تحریک دعوتِ اسلامی کے تحت پچھلے دنوں کوئٹہ میں شعبہ فیضانِ مرشد کے محمد طاہر عطاری کی رہائش گاہ پر نگرانِ شعبہ ماہنامہ فیضانِ مدینہ مولانا مہروز عطاری مدنی نے  کوئٹہ ایئربیس پر ریٹائرڈ ملازمین سمیت دیگر اسلامی بھائیوں سے ملاقات کی۔

دورانِ ملاقات نگرانِ شعبہ مولانا مہروز عطاری مدنی نے ماہنامہ فیضانِ مدینہ کی بکنگ کے حوالے سے ملازمین کی ذہن سازی کی۔

اس کے علاوہ کوئٹہ دعا ٹریڈرز آفس میں طاہر خلجی اور افضل خلجی سمیت دیگر تاجران سے ملاقات کی اور اُن کے درمیان سیکھنے سکھانے کا حلقہ لگایا جس میں نگرانِ شعبہ مولانا مہروز عطاری مدنی نے ماہنامہ فیضانِ مدینہ کی بکنگ کے حوالے سے گفتگو کی۔

دسمبر 2023ء میں ہونے والے ہفتہ ماہنامہ فیضانِ مدینہ کی تیاری کے حوالے سے شعبہ ماہنامہ فیضانِ مدینہ کے نگران مولانا مہروز عطاری مدنی نے بلوچستان کے شہر کوئٹہ کا دورہ کیا جہاں انہوں نے مقامی ذمہ دار اسلامی بھائیوں سے ملاقات کی۔

معلومات کے مطابق کوئٹہ میں شعبے کی نمایاں کارکردگی پر نگرانِ شعبہ مولانا مہروز عطاری مدنی کی موجودگی میں کوئٹہ ڈویژن کے نگران عرفان عطاری کے ہاتھوں صفیان عطاری کو تعریفی سند دی گئی۔

بعدازاں نگرانِ شعبہ مولانا مہروز عطاری مدنی نے کوئٹہ سائنس کالج کے پرنسل اور لیکچرار سے ملاقاتیں کیں نیز انہیں ماہنامہ فیضانِ مدینہ کے بارے میں بریفنگ دی۔(کانٹینٹ:غیاث الدین عطاری)

لوگوں کو علمِ دین سیکھنے کا ذہن دینے اور انہیں نیکی کرنے کی ترغیب دلانے والی عاشقانِ رسول کی دینی تحریک دعوتِ اسلامی کے تحت ڈسٹرکٹ قلات، صوبہ بلوچستان میں علمائے کرام سے ملاقات کی۔

14 نومبر 2023ء کو صوبہ بلوچستان کے شہر قلات میں بعد نمازِ ظہر ذمہ دار اسلامی بھائیوں کا مدنی مشورہ ہوا جس میں بلوچستان کے شیڈول پر موجود نگرانِ شعبہ ماہنامہ فیضانِ مدینہ مولانا مہروز عطاری مدنی نے ماہنامہ فیضانِ مدینہ کی سبسکریبشن  کے حوالے سے کلام کیا اور اہداف طے کئے۔

علاوہ ازیں نگرانِ شعبہ مولانا مہروز عطاری مدنی نے دارالعلوم غوثیہ قلات میں مہتممِ اعلیٰ صاحب سے ملاقات کی اور مدنی مرکز فیضانِ مدینہ کا وزٹ کیا جبکہ بعد نمازِ مغرب قلات میں ہی مدرسۃ المدینہ بالغان کے قاری ناصر عطاری سے ملاقات کی شرکا کے درمیان سیکھنے سکھانے کا حلقہ لگایا۔

اس موقع پر ذمہ داران عبد الحمید عطاری اور ناصر عطاری سمیت دیگر اہم ذمہ داران بھی موجود تھے۔(کانٹینٹ:غیاث الدین عطاری)

صوبہ بلوچستان کے شہر خضدار میں پچھلے دنوں دعوتِ اسلامی کے تحت علمِ دین کی اشاعت کا جذبہ رکھتے ہوئے شعبہ ماہنامہ فیضانِ مدینہ کے نگران مولانا مہروز عطاری مدنی نے شخصیت میر محمد سلیمان اور سیف اللہ سے اُن کی رہائش گاہ پر ملاقات کی۔

علمِ دین کی اشاعت کا جذبہ رکھنے والی عاشقانِ رسول کی دینی تحریک دعوتِ اسلامی کے تحت ماہِ دسمبر 2023ء میں ہونے والے ایونٹ ہفتہ ماہنامہ فیضانِ مدینہ کی تیاری، ماہنامہ فیضانِ مدینہ کی پرموشن،  سرکولیشن اور سالانہ سبسکریبشن بڑھانے کے سلسلے میں 12 نومبر تا 16 نومبر 2023ء کو نگرانِ شعبہ ماہنامہ فیضانِ مدینہ مولانا مہروز عطاری مدنی ذمہ داران کے ہمراہ بلوچستان کے شیڈول پر تھے۔

تفصیلات کے مطابق 13 نومبر 2023ء کو بلوچستان کے شہر خضدار میں نگرانِ شعبہ مولانا مہروز عطاری مدنی نے ذمہ دار اسلامی بھائیوں کے درمیان مدنی مشورے کا انعقاد کیا جس میں خصوصاً قمر عطاری سمیت دیگر ذمہ داران نے اپنے اہداف اور نیتوں کا اظہار کیا۔

اس کے علاوہ فیضان اسلامک اسکول سسٹم کے مولانا نعیم عطاری مدنی نے اسکول انتظامیہ اور اسٹوڈنٹس کے لئے ماہنامہ فیضانِ مدینہ کی بکنگ کروانے کا ہدف لیا نیز جامعہ قاسمیہ میں مولانا عبد الباسط صاحب سے ملاقات ہوئی۔

اسی طرح خضدار پریس کلب میں صحافی حضرات (پریس کلب کے صدر محمد صدیق مینگل،چیئرمین منیر احمد زہری،صحافی عبدالجبار بلوچ، یونس بلوچ ،ثناء اللہ شاہ، عبدالواحد شاہوانی،وسیم انور)سے نگرانِ شعبہ مولانا مہروز عطاری مدنی کی ملاقات ہوئی جس میں انہوں نے ماہنامہ فیضانِ مدینہ کا تعارف کروایا اوراس کی پرموشن کے حوالے سےگفتگو کی۔

اس شیڈول میں نگرانِ شعبہ مولانا مہروز عطاری مدنی کے ہمراہ مکتبۃ المدینہ کے صوبائی ذمہ دار حاجی انور عطاری،میڈیا ڈیپارٹمنٹ دعوتِ اسلامی خضدار کے ذمہ دار شیر محمد عطاری اور مدرسۃ المدینہ بالغان کے ذمہ داران سمیت دیگر اسلامی بھائی بھی موجود تھے۔(کانٹینٹ:غیاث الدین عطاری)

دعوتِ اسلامی  کے شعبہ ماہنامہ فیضان مدینہ کے زیرِ اہتمام اوتھل میں مدنی مشورہ ہوا جس میں شعبہ ماہنامہ فیضانِ مدینہ کے نگران مجلس مولانا مہروز عطاری مدنی نے تحصیل اوتھل کے ذمہ داران کو ماہنامہ فیضان مدینہ کی بکنگ کے حوالے سے ذہن دیا جس پر انہوں نے نیک خیالات کا اظہار کیا۔

٭دوسری جانب شعبہ ماہنامہ فیضان مدینہ کے نگران مجلس مولانا مہروز عطاری مدنی نے اوتھل میں علما، شخصیات اور صحافیوں سے ملاقاتیں کیں۔

دورانِ ملاقات ماہنامہ فیضان مدینہ کی بکنگ کے حوالے سے گفتگو ہوئی جس پر علما و شخصیات نے اچھی اچھی نیتوں کا اظہار کیا۔شخصیات میں ڈسٹرکٹ لسبیلہ کے وائس چیئرمین چیف ٹرائیل سردار غلام فاروق شیخ، علامہ مولانا غلام حیدر نعیمی۔ سیاسی شخصیت پیر قادر شاہ جیلانی۔ تاجر شخصیت اکرم خاصخیلی ۔صحافی محمد حنیف چنا ،صحافی عبدالحمید شاہین چنا ودیگر موجود تھے ۔ آخر میں نگران مجلس نے شخصیات کو ماہنامہ فیضان مدینہ کے شمارے تحفے میں پیش کئے۔(رپورٹ :رمضان رضا عطاری)

دعوتِ اسلامی کے زیرِ اہتمام 13 اکتوبر 2023ء  بروز جمعہ جامع مسجد غوثیہ اسلام آباد میں سنتوں بھرے اجتماع کا انعقاد ہوا جس میں مقامی ذمہ داران نے شرکت کی۔

مبلغ دعوت اسلامی مولانا مہروز عطاری مدنی نے’’ حقوق اور اسلام‘‘ کے موضوع پربیان کیا جس میں شرکائے اجتماع کو اسلامی تعلیمات سے آگاہی حاصل کرنے کے لئے ماہنامہ فیضانِ مدینہ کا مطالعہ کرنے کا ذہن دیا۔

‫٭بعدازاں مہروز عطاری مدنی نے اسلام آباد میں مقامی ذمہ داران اور مقامی گورنمنٹ کالج کے لیکچرار مفتی اقبال صاحب سے ملاقاتیں کی اور انہیں ماہنامہ فیضانِ مدینہ کا تعارف پیش کرتے ہوئے اکتوبر2023ء کے شمارے تحفتاً پیش کئے۔(کانٹینٹ:رمضان رضا عطاری)

12 اکتوبر 2023ءبروز جمعرات کشمیر  میں قائم میڈیکل کالج میں محفل میلاد کا انعقاد کیا گیا جس میں اسٹوڈنس ،ٹیچر سمیت دیگر اسٹاف نے شرکت کی۔ مبلغ دعوت اسلامی مولانا مہروز عطاری مدنی نے’’ سیرت نبی صلَّی اللہ علیہ واٰلہٖ وسلَّمکی اہمیت و مقصد‘‘ کے موضوع پر بیان کیا۔

٭اس کے علاوہ گورنمنٹ ہائیرسکینڈری اسکول گوجرہ میں سیکھنے سکھانے کا حلقہ منعقد ہوا جس میں اسکول میں پڑھنے والے طلبہ و اساتذۂ نے شرکت کی ۔ ماہنامہ فیضانِ مدینہ کے ہیڈ آف ڈیپارٹمنٹ مولانا مہروز عطاری مدنی نے ’’ اخلاق مصطفیٰ صلَّی اللہ علیہ واٰلہٖ وسلَّم‘‘کے موضوع پر بیان کیا اور حاضرین کو اچھے اخلاق اپنانے کا ذہن دیا ۔

٭دوسری جانب گورنمنٹ علی اکبر اعوان ہائی سکول اپر چھتر مظفر آباد میں اجتماع میلاد کا سلسلہ ہوا جس میں مولانا مہروز عطاری مدنی نے ’’نبی اکرم علیہ السلام بطور رول ماڈل‘‘ کے عنوان پر بیان کیا اور آپ کے فرامین پر عمل کرنے کا ذہن دیا۔٭اس کے علاوہ دوران سفر مہروز عطاری مدنی نے مظفر آباد میں دربار سائیں سخی سہیلی سرکار پر حاضری دی اور وہاں فاتحہ خوانی اور ایصال ثواب کے بعد دعا کروائی۔ ٭بعدازاں مولانا مہروز عطاری مدنی نے تاجران سے ملاقات کی اور انہیں ماہنامہ فیضان مدینہ کا تعارف کروایا اور اس کا مطالعہ کرنے کی ترغیب دلائی جس پر انہوں نے نیک خیالات ظاہر کئے۔٭مزید ڈسٹرکٹ نگران و ذمہ دار ان سے مدنی مشورہ ہوا جس میں مہروز عطاری مدنی نے ماہنامہ فیضانِ مدینہ کے ذمہ دار کا تقرر کیا اور اہداف دیئے۔٭آخر میں مظفرآباد کشمیر میں سیرت کمیٹی کشمیر کے چیئرمین اور المصطفیٰ میڈیکل کے صدر جناب عتیق احمد خان صاحب کی دعوت پر میڈیکل سینٹر اور مرکزی عیدگاہ جامع مسجد کا وزٹ کیا اور وہاں موجودشخصیات کو ماہنامہ فیضانِ مدینہ کے شمارے پیش کئے۔(کانٹینٹ:رمضان رضا عطاری)

دعوت اسلامی کے شعبہ  ماہنامہ فیضانِ مدینہ کے تحت ذمہ داران نے ہٹیاں بالا ڈسٹرکٹ جہلم ویلی میں پیر سید سکندر کاظمی علیہ الرحمہ اور سید اشرف شاہ کاظمی علیہ الرحمہ کے مزار پر حاضری دی اور وہاں فاتحہ خوانی اور ایصال ثواب کے بعد دعا کروائی ۔

٭بعدازاں ذمہ داران نے ہٹیاں بالا بازار میں تاجروں سے ملاقات کی اور انہیں ماہنامہ فیضانِ مدینہ کا تعارف کروایا نیز اس کی سالانہ بکنگ کروانے کی ترغیب دلائی جس پر انہوں نے اچھی اچھی نیتوں کا اظہار کیا۔

٭دوسری جانب ماہنامہ فیضانِ مدینہ کے ہیڈ آف ڈیپارٹمنٹ مولانا مہروز عطاری مدنی نے چناری میں قائم غوثیہ مسجد میں مفتی محمد مقصود کیانی صاحب اور تاجر اسلامی بھائیوں میں مدنی حلقہ لگایا جس میں انہیں ماہنامہ فیضان مدینہ میں موجود مضامین کے متعلق آگاہی دی اور اس کےمطالعہ کرنے کی ترغیب دلائی جس پر انہوں نے نیک خیالات ظاہر کئے۔

٭اسی طرح چکوٹھی بارڈر پر سید ارشاد کاظمی صاحب سمیت علاقے کے یوسی نگران اور دیگر اسلامی بھائیوں سے ملاقاتیں کیں اور انہیں ماہنامہ فیضانِ مدینہ کے شمارے پیش کئے۔آخر میں وہاں موجود زیر تعمیر مدرسۃ المدینہ کا وزٹ کیا ا ور اس کی جلد تعمیرات اور اس میں حصہ ملانے والوں کے لئے دعائے خیر کروائی ۔(کانٹینٹ:رمضان رضا عطاری)

مدنی مرکز فیضانِ مدینہ باغ میں ڈسٹرکٹ مشاورت کا مدنی مشورہ منعقد ہوا  جس میں وہاں موجود ڈیپارٹمنٹ کے اسلامی بھائیوں نے شرکت کی ۔

مولانا مہروز عطاری مدنی نے مدنی عملے کے اسلامی بھائیوں کو ماہنامہ فیضانِ مدینہ کے حوالے سے ذہن دیا اورانہیں 126 شماروں کی بکنگ کرنے کا ہدف دیا جس پر 3 شرکا نے ہاتھوں ہاتھ ماہنامہ فیضانِ مدینہ کی بکنگ کروائی ۔

٭دوسری جانب مولانا مہروز عطاری مدنی نے ذمہ داران کے ہمراہ سپر مارکیٹ اور مین بازار باغ گول مارکیٹ میں تاجروں سے ملاقات کی اور انہیں ماہنامہ فیضانِ مدینہ کی بکنگ کروانے کا ذہن دیا نیز ٹیلی تھون مہم میں حصہ لینے کی ترغیب بھی دلائی ۔

٭اس کے علاوہ جامعۃ المدینہ و مدرسۃالمدینہ بوائز کے طلبہ کے درمیان سیکھنے سکھانے کے حلقے کا سلسلہ ہوا جس میں مہروز عطاری مدنی نے 63 ماہنامہ فیضانِ مدینہ کی بکنگ کروانے کا ہدف دیا۔(کانٹینٹ:رمضان رضا عطاری) 

دعوتِ اسلامی کے زیرِ اہتمام  پچھلے دنوں پونچھ ڈویژن کی تحصیل ہجیرہ میں قائم عائشہ صدیقہ مسجد میں سیکھنے سکھانے کا حلقہ لگایا گیا جس میں تاجر حضرات نے شرکت کی ۔

مبلغ دعوت اسلامی مولانا مہروز عطاری مدنی نے مسجد عائشہ صدیقہ میں ’’ مقصدِ زندگی‘‘ کے موضوع پر بیان کیا جس میں تاجروں کو اپنے کاروباری معاملات میں شرعی اصول کی پاسداری کرنے کا ذہن دیا اور دوران تجارت آنے والی نمازوں کو ان کے وقتوں میں پڑھنے کی ترغیب دلائی ۔مزید دینی معلومات کے لئے دعوت اسلامی کا ماہانہ میگزین بنام ’’ماہنامہ فیضانِ مدینہ ‘‘ کی بکنگ کروانے کی دعوت بھی دی ۔

٭پھر اس کے بعد تحصیل ذمہ داران کا مدنی مشورہ لیا جس میں مولانا مہروز عطاری مدنی نے ذمہ داران کو ماہنامہ فیضان مدینہ کی زیادہ سے زیادہ اشاعت کرنے کے حوالے سے اہداف دیئے۔

٭بعد عصر دارالعلوم حنفیہ رضویہ (ہجیرہ) میں محدث اعظم پاکستان کے شاگرد حیات القادری صاحب علیہ الرحمہ کی اہلیہ اور مولانا حبیب نورانی(مہتمم ادارہ ہذا)کی والدہ صاحبہ کے انتقال پر تعزیت کی اور مرحومہ کے لئے فاتحہ خوانی کرکے ان کو ایصال ثواب کیا نیز ان کے لئے دعائے مغفرت کروائی ۔آخر میں مولانا حبیب نورانی صاحب نے دعوت اسلامی اور ماہنامہ فیضانِ مدینہ کی پزیرائی و تحسین پر اچھے تاثرات پیش کئے ۔

٭بعد نمازِ عشا راولاکوٹ دوتھان میں واقع جامعۃ المدینہ بوائز کے طلبہ و اساتذۂ کرام میں میٹ اپ ہوا جس میں مولانا مہروز عطاری مدنی نے شرکا کی دعوت اسلامی کے دینی ماحول میں رہتے ہوئے ’’ علمی مہارت بڑھانے‘‘کے عنوان پر تربیت کی ۔(کانٹینٹ:رمضان رضا عطاری)