اللہ پاک نے قرآن پاک میں جن نبیوں کا ذکر فرمایا ان میں ایک عظیم ہستی حضرت اسحاق علیہ السلام بھی ہیں، آیئے! آپ علیہ السلام کا قرآنی تذکرہ پڑھتے ہیں:

اللہ پاک قرآن پاک میں ارشاد فرماتا ہے:وَ اذْكُرْ عِبٰدَنَاۤ اِبْرٰهِیْمَ وَ اِسْحٰقَ وَ یَعْقُوْبَ اُولِی الْاَیْدِیْ وَ الْاَبْصَارِ(45) ترجمہ کنز العرفان: اور ہمارے بندوں ابراہیم اور اسحاق اور یعقوب کویاد کرو جو قوت والے اور سمجھ رکھنے والے تھے۔(پ23، صٓ: 45)

اس آیت میں حضرت ابرہیم، حضرت اسحاق اور حضرت یعقوب علیہم السلام کی دو صفات بیان کی گئی ہیں کہ وہ قوت اور سمجھ والے ہیں۔

اسی طرح اپنی قبر و آخرت کو یاد کرنا یہ بھی ایک عمدہ اور بہترین انسان کی صفت ہوتی ہے اور یہ صفت بھی حضرت اسحاق علیہ السلام میں موجود تھی، چنانچہ اللہ پاک قرآن کریم میں ارشاد فرماتاہے: اِنَّاۤ اَخْلَصْنٰهُمْ بِخَالِصَةٍ ذِكْرَى الدَّارِۚ(46) ترجمہ کنز الایمان: بےشک ہم نے انہیں ایک کھری بات سے امتیاز بخشا کہ وہ اس گھر کی یاد ہے۔ (پ23، صٓ:46)

اسی طرح آپ علیہ السلام اللہ پاک کا قرب حاصل کرنے والے بندوں میں سے ہیں، جیسا کہ اللہ پاک ارشاد فرماتا ہے: وَ اِنَّهُمْ عِنْدَنَا لَمِنَ الْمُصْطَفَیْنَ الْاَخْیَارِؕ(47) ترجمہ کنز الایمان: اور بےشک وہ ہمارے نزدیک چنے ہوئے پسندیدہ ہیں۔(پ23، صٓ:47)

آپ علیہ السلام اللہ پاک کی برکت پانے والوں میں سے ہیں، چنانچہ اللہ پاک ارشاد فرماتا ہے: وَ بٰرَكْنَا عَلَیْهِ وَ عَلٰۤى اِسْحٰقَؕ-وَ مِنْ ذُرِّیَّتِهِمَا مُحْسِنٌ وَّ ظَالِمٌ لِّنَفْسِهٖ مُبِیْنٌ(113) ترجمہ کنزالایمان: اور ہم نے برکت اتاری اس پر اور اسحٰق پر اور ان کی اولاد میں کوئی اچھا کام کرنے والا اور کوئی اپنی جان پر صریح ظلم کرنے والا ۔(پ23، الصّٰٓفّٰت:113)

اللہ تعالیٰ حضرت اسحاق علیہ السلام کے مزار پر انوار پر لاکھوں کروڑوں رحمتوں کا نزول فرمائے اور آپ علیہ اسلام کے صدقے ہم سب کی بے حساب مغفرت فرمائے۔اٰمِیْن بِجَاہِ خاتمِ النّبیّٖن صلَّی اللہ علیہ واٰلہٖ وسلَّم

یہ مضمون نئے لکھاری کا ہے ،حوالہ جات کی تفتیش و تصحیح کی ذمہ داری مؤلف کی ہے، ادارہ اس کا ذمہ دار نہیں۔

اللہ تعالیٰ نے زمین میں انسانوں کی راہنمائی کے لیے انبیاء کرام بھیجے جو لوگوں تک اللہ پاک کا پیغام پہنچاتے اور انہیں ہدایت کی راہ پر چلنے کی تلقین کرتے۔ اللہ تعالیٰ نے انہیں بے شمار اوصاف سے نوازا۔ انہیں انبیاء کرام میں سے آج ہم حضرت اسحاق علیہ السلام کے بارے میں پڑھیں گے۔

تعارف:

آپ علیہ السلام حضرت ابراہیم علیہ السلام اور حضرت سارہ رضی اللہ عنہا کے بیٹے ہیں۔ آپ علیہ السلام کی دنیا میں تشریف آوری سے پہلے ہی اللہ پاک نے آپ کی ولادت اور نبوت کی بشارت دیدی تھی۔بنی اسرائیل میں سے آنے والے تمام انبیاء علیہم السلام آپ ہی کی نسل پاک سے ہوئے۔آپ علیہ السلام کا کچھ تفصیلی تذکرہ قرآن مجید میں چھ مقامات پر آیا ہے۔

ارشاد باری تعالیٰ ہے: وَامْرَاَتُهٗ قَآىٕمَةٌ فَضَحِكَتْ فَبَشَّرْنٰهَا بِاِسْحٰقَۙ-وَمِنْ وَّرَآءِ اِسْحٰقَ یَعْقُوْبَ (71) ترجمۂ کنز الایمان: اور اس کی بی بی کھڑی تھی وہ ہنسنے لگی تو ہم نے اسے اسحاق کی خوشخبری دی اور اسحاق کے پیچھے یعقوب کی۔(ھود:71)

اس آیت میں اللہ تعالیٰ نے حضرت سارہ رضی اللہ عنہا کو ان کے بیٹے حضرت اسحاق علیہ السلام کی خوشخبری دی اور حضرت اسحاق علیہ السلام کے بعد ان کے بیٹے حضرت یعقوب علیہ السلام کی بھی خوشخبری دی۔(صاوی، ہود، تحت الآیۃ: 71، 3/923، مدارک، ہود، تحت الآیۃ: 71، ص505، خازن، ہود، تحت الآیۃ: 71، 2/362، ملتقطاً)

وَهَبْنَا لَهٗۤ اِسْحٰقَ وَیَعْقُوْبَؕ-وَكُلًّا جَعَلْنَا نَبِیًّا(49) ترجمۂ کنز الایمان: ہم نے اسے اسحق اور یعقوب عطا کیے اور ہر ایک کو غیب کی خبریں بتانے والا کیا۔ (مریم:49)

یادرہے کہ حضرت اسماعیل علیہ السلام، حضرت اسحاق علیہ السلام سے بڑے ہیں، لیکن چونکہ حضرت اسحاق علیہ السلام بہت سے انبیاء علیہم السلام کے والد ہیں، اس لئے خصوصیت کے ساتھ ان کا ذکر فرمایا گیا۔(خازن، مریم، تحت الآیۃ: 49، 3/237، مدارک، مریم، تحت الآیۃ: 49، ص676، ملتقطاً)

وَ بَشَّرْنٰهُ بِاِسْحٰقَ نَبِیًّا مِّنَ الصّٰلِحِیْنَ(112)وَ بٰرَكْنَا عَلَیْهِ وَ عَلٰۤى اِسْحٰقَؕ- ترجمۂ کنز الایمان:اور ہم نے اسے خوشخبری دی اسحق کی کہ غیب کی خبریں بتانے والا ہمارے قربِ خاص کے سزاواروں میں۔ اور ہم نے برکت اتاری اس پر اور اسحق پر۔ (سورة الصّٰٓفّٰت، 112، 113)

حضرت ابراہیم علیہ السلام اور حضرت اسحاق علیہ السلام پر دینی اور دُنْیَوی ہر طرح کی برکت اتاری اور ظاہری برکت یہ ہے کہ حضرت ابراہیم علیہ السلام کی اولاد میں کثرت کی اور حضرت اسحاق علیہ السلام کی نسل سے حضرت یعقوب علیہ السلام سے لے کر حضرت عیسیٰ علیہ السلام تک بہت سے انبیاء ِکرام علیہم السلام مبعوث کئے۔(مدارک، الصافات، تحت الآیۃ: 113، ص1008)

اَلْحَمْدُ لِلّٰهِ الَّذِیْ وَهَبَ لِیْ عَلَى الْكِبَرِ اِسْمٰعِیْلَ وَ اِسْحٰقَؕ- اِنَّ رَبِّیْ لَسَمِیْعُ الدُّعَآءِ(39) ترجمۂ کنز الایمان:سب خوبیاں اللہ کو جس نے مجھے بڑھاپے میں اسمٰعیل و اسحاق دیئے بیشک میرا رب دعا سننے والا ہے۔ (ابراہیم:39)

حضرت ابراہیم علیہ السلام نے فرزند کی دعا کی تھی اللہ تعالیٰ نے قبول فرمائی تو آپ علیہ السلام نے اس کا شکر ادا کیا اور بارگاہِ الٰہی میں عرض کیا تمام تعریفیں اس اللہ تعالیٰ کیلئے ہیں جس نے مجھے بڑھاپے کے باوجود حضرت اسمٰعیل اور حضرت اسحاق علیہما السلام دئیے۔ بیشک میرا رب عَزَّوَجَلَّ میری دعا قبول فرمانے والا ہے۔ حضرت اسماعیل علیہ السلام کی ولادت اس وقت ہوئی جب حضرت ابراہیم علیہ السلام کی عمر99 برس ہو چکی تھی اور حضرت اسحاق علیہ السلام کی ولادت اس وقت ہوئی جب حضرت ابراہیم علیہ السلام کی عمر مبارک 112 برس ہو چکی تھی۔ (خازن، ابراہیم، تحت الآیۃ: 39، 3/89، جلالین، ابراہیم، تحت الآیۃ: 39، ص209، ملتقطاً)

اَمْ كُنْتُمْ شُهَدَآءَ اِذْ حَضَرَ یَعْقُوْبَ الْمَوْتُۙ-اِذْ قَالَ لِبَنِیْهِ مَا تَعْبُدُوْنَ مِنْۢ بَعْدِیْؕ-قَالُوْا نَعْبُدُ اِلٰهَكَ وَ اِلٰهَ اٰبَآىٕكَ اِبْرٰهٖمَ وَ اِسْمٰعِیْلَ وَ اِسْحٰقَ اِلٰهًا وَّاحِدًاۖ-ۚ وَّ نَحْنُ لَهٗ مُسْلِمُوْنَ(133) ترجمۂ کنز الایمان:بلکہ تم میں کے خود موجود تھے جب یعقوب کو موت آئی جبکہ اس نے اپنے بیٹوں سے فرمایا میرے بعد کس کی پوجا کروگے بولے ہم پوجیں گے اسے جو خدا ہے آپ کا اور آپ کے والدوں ابراہیم و اسمٰعیل و اسحاق کا ایک خدا اور ہم اس کے حضور گردن رکھے ہیں۔(البقرۃ: 133)

اللہ تعالیٰ نے یہودیوں کے جواب میں یہ آیت نازل کی تھی جس میں یعقوب علیہ السلام نے اپنے بیٹوں کو حضرت ابراہیم علیہ السلام، حضرت اسماعیل اور حضرت اسحاق علیہ السلام کے دین پر رہنے کی نصیحت کی۔(خازن، البقرۃ، تحت الآیۃ: 133، 1/93)

حضرت اسحاق علیہ السلام کی شان بہت وسیع ہے، اللہ تعالیٰ آپ علیہ السلام کے صدقے ہماری بے حساب بخشش فرمائے۔ آمین

یہ مضمون نئے لکھاری کا ہے ،حوالہ جات کی تفتیش و تصحیح کی ذمہ داری مؤلف کی ہے، ادارہ اس کا ذمہ دار نہیں۔

انبیاء کرام علیہم السلام کا ئنات کی عظیم ترین ہستیاں اور انسانوں میں ہیرے موتیوں کی طرح جگمگاتی شخصیات ہیں جنہیں خدا نے وحی کے نور سے روشنی بخشی، حکمتوں کے سرچشمے ان کے دلوں میں جاری فرمائے اور سیرت وکردار کی بلندیاں عطا فرمائیں اور اللہ تعالیٰ نے اپنے انبیاء کرام کو بہت سے اوصاف سے نوازا ہے آج ہم جس نبی علیہ السلام کے اوصاف بیان کریں گے وہ اللہ پاک کے پیارے نبی حضرت اسحاق علیہ السلام ہیں۔

آپ علیہ السلام کا تعارف:

آپ علیہ السَّلام حضرت ابراہیم علیہ السلام اور حضرت سارہ رضی اللہ عنہا کے بیٹے ہیں۔ آپ علیہ السلام کی دنیا میں تشریف آوری سے پہلے ہی اللہ تعالیٰ نے آپ کی ولادت و نبوت اور صالحین میں سے ہونے کی بشارت دیدی تھی۔ بنی اسرائیل میں آنے والے تمام انبیاء کرام علیہم السلام آپ ہی کی نسل پاک سے ہوئے۔(سیرت الانبیاء،ص365)

نام مبارک:

آپ علیہ السلام کا نام مبارک اسحاق ہے، یہ عبرانی زبان کا لفظ ہے جس کا عربی میں معنی ہے ضحاک یعنی ہنسنے والا، شاداں، خوش و خرم۔آپ علیہ السلام کو یہ سعادت بھی حاصل ہے کہ ولادت کی بشارت کے وقت آپ کا مبارک نام بھی اللہ تعالی نے بیان فرمادیا تھا۔ (سیرت الانبیاء ص365)

نمبر 1 : حضرت اسحاق علیہ السلام کی ولادت کے ساتھ آپ علیہ السلام کی نبوت اور قرب خاص کے لائق بندوں میں سے ہونے کی بشارت بھی دی گئی، جیسا کہ ارشاد باری تعالی ہے:وَ بَشَّرْنٰهُ بِاِسْحٰقَ نَبِیًّا مِّنَ الصّٰلِحِیْنَ (112)ترجمہ کنزالایمان:اور ہم نے اسے خوشخبری دی اسحٰق کی کہ غیب کی خبریں بتانے والا۔ (پ 23 سورت الصافات آیت: 112)

نمبر 2 :اللہ پاک نے حضرت اسحاق علیہ السلام پر وحی کے ذریعے بعض احکام نازل فرمائے، جیسا کہ ارشاد باری تعالیٰ ہے: اِنَّاۤ اَوْحَیْنَاۤ اِلَیْكَ كَمَاۤ اَوْحَیْنَاۤ اِلٰى نُوْحٍ وَّ النَّبِیّٖنَ مِنْۢ بَعْدِهٖۚ-وَ اَوْحَیْنَاۤ اِلٰۤى اِبْرٰهِیْمَ وَ اِسْمٰعِیْلَ وَ اِسْحٰقَ وَ یَعْقُوْبَ وَ الْاَسْبَاطِ وَ عِیْسٰى وَ اَیُّوْبَ وَ یُوْنُسَ وَ هٰرُوْنَ وَ سُلَیْمٰنَۚ-ترجمہ کنز الایمان: بے شک اے محبوب ہم نے تمہاری طرف وحی بھیجی جیسے وحی نوح اور اس کے بعد پیغمبروں کو بھیجی اور ہم نے ابراہیم اور اسمٰعیل اور اسحق اور یعقوب اور ان کے بیٹوں اور عیسٰی اور ایوب اور یونس اور ہارون اور سلیمان کو وحی کی۔(پ6، النسآء:163)

نمبر 3: وَهَبْنَا لَهٗۤ اِسْحٰقَ وَ یَعْقُوْبَؕ-وَ كُلًّا جَعَلْنَا نَبِیًّا(49) ترجمۂ کنز العرفان: ہم نے اسے اسحاق اور اس کے بعد یعقوب عطا کئے اور ان سب کو ہم نے نبی بنایا۔ (پ 16، سورۂ مریم آیت49)

یہ مضمون نئے لکھاری کا ہے ،حوالہ جات کی تفتیش و تصحیح کی ذمہ داری مؤلف کی ہے، ادارہ اس کا ذمہ دار نہیں۔

حضرت اسحاق علیہ السلام حضرت ابراہیم علیہ السلام اور حضرت سارہ رضی اللہ عنہا کے بیٹے ہیں۔ آپ علیہ السلام کی دنیا میں تشریف آوری سے پہلے ہی اللہ تعالیٰ نے آپ کی ولادت و نبوت اور صالحین میں سے ہونے کی بشارت دیدی تھی۔ بنی اسرائیل میں آنے والے تمام انبیاءکرام علیہم السّلام آپ ہی کی نسل پاک سے ہوئے۔ اللہ پاک نے قرآن پاک میں جہاں دیگر انبیاء کرام علیہم السلام کا ذکر کیا وہی حضرت اسحاق علیہ السلام کا ذکر خیر بھی کیا ہےآیئے قرآن پاک سے آپ کا کچھ تذکرہ پڑھتے ہیں۔

نمبر 1: اللہ تعالیٰ نے اپنے پیارے نبی حضرت اسحاق علیہ السلام کے پیدا ہونے کے بارے میں خوشخبری دیتے ہوئے ارشاد فرمایا: وَ امْرَاَتُهٗ قَآىٕمَةٌ فَضَحِكَتْ فَبَشَّرْنٰهَا بِاِسْحٰقَۙ-وَ مِنْ وَّرَآءِ اِسْحٰقَ یَعْقُوْبَ(71)ترجمہ کنزالایمان:اور اس کی بی بی کھڑی تھی وہ ہنسنے لگی تو ہم نے اسے اسحاق کی خوشخبری دی اور اسحاق کے پیچھے یعقوب کی۔(پارہ 12 سورہ ھود آیت نمبر 71)

نمبر 2:حضرت اسحاق علیہ السلام کی پیدائش کا شکر ادا کرتے ہوئے آپ کے والد محترم اللہ کے نبی حضرت ابرہیم علیہ السلام نے بارگاہِ الٰہی میں یوں دعا کی:اَلْحَمْدُ لِلّٰهِ الَّذِیْ وَهَبَ لِیْ عَلَى الْكِبَرِ اِسْمٰعِیْلَ وَ اِسْحٰقَؕ- اِنَّ رَبِّیْ لَسَمِیْعُ الدُّعَآءِ(39) ترجمۂ کنز الایمان:سب خوبیاں اللہ کو جس نے مجھے بڑھاپے میں اسمٰعیل و اسحاق دیئے بیشک میرا رب دعا سننے والا ہے۔(پارہ 13، ابرہیم، آیت نمبر 39)

نمبر 3: اللہ تعالیٰ کا نعمت عطا فرمانا: وَ وَهَبْنَا لَهٗۤ اِسْحٰقَ وَ یَعْقُوْبَؕ ترجمہ کنزالایمان:اور ہم نے انہیں اسحاق اور یعقوب عطا کیے۔(سورہ انعام،پارہ7،آیت نمبر 84)

نمبر 4:اللہ تعالیٰ نے اپنے محبوب سے حضرت اسحاق علیہ السلام کی طرف وحی کا تذکرہ ان الفاظ کے ساتھ فرمایا : اِنَّاۤ اَوْحَیْنَاۤ اِلَیْكَ كَمَاۤ اَوْحَیْنَاۤ اِلٰى نُوْحٍ وَّالنَّبِیّٖنَ مِنْۢ بَعْدِهٖۚ-وَ اَوْحَیْنَاۤ اِلٰۤى اِبْرٰهِیْمَ وَ اِسْمٰعِیْلَ وَ اِسْحٰقَ وَ یَعْقُوْبَ وَ الْاَسْبَاطِ وَ عِیْسٰى وَ اَیُّوْبَ وَ یُوْنُسَ وَ هٰرُوْنَ وَ سُلَیْمٰنَۚ-وَ اٰتَیْنَا دَاوٗدَ زَبُوْرًا(163) ترجمۂ کنز العرفان:بیشک اے حبیب! ہم نے تمہاری طرف وحی بھیجی جیسے ہم نے نوح اور اس کے بعد پیغمبروں کی طرف بھیجی اور ہم نے ابراہیم اور اسمٰعیل اور اسحاق اور یعقوب اور ان کے بیٹوں اور عیسیٰ اور ایوب اور یونس اور ہارون اور سلیمان کی طرف وحی فرمائی اور ہم نے داؤد کو زبور عطا فرمائی۔

آپ علیہ السلام کا وصف: حضرت اسحاق علیہ السلام لوگوں کو آخرت کی یاد دلاتے اور کثرت سے آخرت کا ذکر کرتے تھے اور دنیا کی محبت نے ان کے دلوں میں ذرہ بھر بھی جگہ نہیں پائی۔ ارشاد باری تعالیٰ ہے: اِنَّاۤ اَخْلَصْنٰهُمْ بِخَالِصَةٍ ذِكْرَى الدَّارِۚ(46)ترجمہ کنزالایمان: بے شک ہم نے انہیں ایک کھری بات سے امتیاز بخشا کہ وہ اس گھر کی یاد ہے۔

اللہ پاک کی بارگاہ میں دعا ہے کہ اللہ تعالیٰ ہمیں اپنے نیک بندوں سے محبت کرنے اور ان کے نقشے قدم پر چلنے کی توفیق عطا فرمائے۔ آمین

یہ مضمون نئے لکھاری کا ہے ،حوالہ جات کی تفتیش و تصحیح کی ذمہ داری مؤلف کی ہے، ادارہ اس کا ذمہ دار نہیں۔

اللہ ربُّ العزت نے اپنے نیک بندوں میں سے جنہیں اپنا پیغام لوگوں تک پہنچانے کے لئے منتخب فرمایا اُنہیں شریعت کی اِصطلاح میں اَنبیاءاور رُسول کہا جاتا ہے۔ آج ہم اللہ تعالیٰ کے جس نبی کا ذکر کریں گے وہ حضرت اسحاق علیہ الصلوٰۃ والسلام ہیں، آپ علیہ السلام کو اللہ تعالیٰ نے کثیر اوصاف سے نوازا ہے، آیئے آپ علیہ السلام کا مختصر تعارف اور قرآنی تذکرہ پڑھتے ہیں۔

تعارف! آپ علیہ السلام کا نام مبارک اسحاق ہے،آپ علیہ السلام حضرت ابراہیم علیہ السلام اور حضرت سارہ رضی اللہ عنہا کے بیٹے ہیں۔ آپ علیہ السلام کی دنیا میں تشریف آوری سے پہلے ہی اللہ تعالیٰ نے آپ کی ولادت و نبوت اور صالحین میں سے ہونے کی بشارت دیدی تھی۔ بنی اسرائیل میں آنے والے تمام انبیاءکرام علیہم السلام آپ ہی کی نسل پاک سے ہوئے۔آیئے! آپ علیہ السلام کے چند اوصاف ملاحظہ فرماتے ہیں!

(1)آپ کے والد محترم حضرت ابراہیم علیہ السلام نے اللہ تعالیٰ سے بیٹے کی دعا فرمائی جو اللہ پاک نے قبول فرما لی اور آپ کی ولادت کی بشارت دی جیسا کہ ارشاد باری تعالیٰ ہے:وَوَهَبْنَا لَهٗۤ اِسْحٰقَؕ-وَیَعْقُوْبَ نَافِلَةًؕ-وَكُلًّا جَعَلْنَا صٰلِحِیْنَ(72) ترجمہ کنزُالعِرفان: اور ہم نے ابراہیم کو اسحاق عطا فرمایا اور مزید یعقوب (پوتا) اور ہم نے ان سب کو اپنے خاص قرب والے بنایا۔ (پارہ نمبر17 سورۃ الانبیاء،آیت نمبر 72)

حضرت ابراہیم علیہ السلام نے اللہ عَزَّوَجَلَّ سے بیٹے کے لیے دعا کی تھی مگر اللہ عَزَّوَجَلَّ نے انہیں بیٹے کے ساتھ ساتھ پوتے کی بھی بشارت دی جوکہ بغیر سوال کے عطا کیا گیا اور ان سب کو اللہ تعالیٰ نے اپنے خاص قرب والا بنایا۔(مدارک، الانبیاء، تحت الآیۃ: 72، ص721، 722)

(2)حضرت اسحاق علیہ السلام بڑے برگزیدہ اور عبادت گزار تھے۔ آپ علیہ السلام کی ولادت سے قبل ہی اللہ ربُّ العزَّت نے حضرت ابراہیم علیہم السلام کو آپ علیہ السلام کے نیک اور نبی ہونے کی خوشخبری سنا دی تھی۔جیسا کہ اللہ تعالی قران مجید میں ارشاد فرماتا ہے:وَ بَشَّرْنٰهُ بِاِسْحٰقَ نَبِیًّا مِّنَ الصّٰلِحِیْنَ(112)وَبٰرَكْنَا عَلَیْهِ وَ عَلٰۤى اِسْحٰقَؕ- ترجمہ کنزُالعِرفان: اور ہم نے اسے اسحاق کی خوشخبری دی جو اللہ کے خاص قرب کے لائق بندوں میں سے ایک نبی ہے۔ اور ہم نے اس پر اور اسحاق پربرکت اتاری۔ (پارہ نمبر 23، سورة الصّٰٓفّٰت آیت نمبر 112، 113)

(3) اللہ کے بہترین بندےجیسے کہ اللہ تعالیٰ نے قرآن مجید میں ارشاد فرمایا!

وَ اِنَّهُمْ عِنْدَنَا لَمِنَ الْمُصْطَفَیْنَ الْاَخْیَارِؕ(47) ترجمہ کنزالایمان: اور بےشک وہ ہمارے نزدیک چنے ہوئے پسندیدہ ہیں ۔ (پ23،سورۃ صٓ47)

اس آیت میں فرمایا گیا کہ حضرت ابراہیم، اسحق اور یعقوب علیہم السلام بہترین چنے ہوئے ہیں اور یہاں بہترین سے مراد یہ ہے کہ ان میں کوئی خاص بات ہے اور وہ بات یہ ہے کہ اُن میں آخرت کے گھر کی یاد ہے اور وہ لوگوں کو آخرت کی یاد دلاتے، کثرت سے آخرت کا ذکر کرتے اور دنیا کی محبت نے اُن کے دلوں میں جگہ نہیں پائی اور بیشک وہ ہمارے نزدیک بہترین چُنے ہوئے بندوں میں سے ہیں۔(روح البیان، ص، تحت الآیۃ: 45-46، 8/46، مدارک، ص، تحت الآیۃ: 45-47، ص1024، خازن، ص، تحت الآیۃ: 45-47، 4/43-44، ملتقطاً)

اور آپ کے اوصاف احادیث میں بھی بیان کیے گئے ہیں جیسا کہ حضرت ابو ہریرہ رضی اللہ عنہ سے روایت ہے، حضور اقدس صلَّی اللہ علیہ واٰلہٖ وسلَّم نے ارشاد فرمایا: بیشک کریم، کریم کے بیٹے، کریم کے فرزند اور کریم کے صاحبزادے یوسف بن یعقوب بن اسحاق بن ابراہیم علیہم السلام ہیں۔ (ترمذی، کتاب التفسير، باب و من سورة يوسف، 81/5، حدیث: 3127)

اللہ تعالیٰ سے دعا ہے کہ اللہ تعالیٰ اُن کے صدقے ہماری بے حساب مغفرت فرمائے۔آمین ثم آمین

یہ مضمون نئے لکھاری کا ہے ،حوالہ جات کی تفتیش و تصحیح کی ذمہ داری مؤلف کی ہے، ادارہ اس کا ذمہ دار نہیں۔

کائنات کی سب سے افضل ترین اور بزرگ ہستیاں انبیاء کرام علیہم السلام ہیں جنہیں اللہ نے اپنے دین کی تبلیغ کے لیے منتخب فرمایا اور لوگوں کی ہدایت وراہنمائی کے لیے انہیں مختلف قوموں کی طرف مبعوث فرمایا۔ قرآن کریم میں اللہ عزوجل نے جابجا بہت سے انبیاء کرام علیہم السلام کا ذکر فرمایا انہیں انبیاء کرام علیہم السلام میں سے حضرت اسحاق علیہ السلام کا تذکرہ بھی قرآن پاک میں متعدد جگہ پر فرمایا۔ قرآن پاک کی روشنی میں آپ علیہ السلام کا ذکر خیر پڑھیے اور علم و عمل میں اضافہ کیجئے۔

1)نبوت سے فیض یاب: حضرت اسحاق علیہ السلام کو اللہ تعالیٰ نے نبوت کے اعلیٰ منصب سے فیض یاب فرمایا:ارشاد باری تعالیٰ ہے: وَ بَشَّرْنٰهُ بِاِسْحٰقَ نَبِیًّا مِّنَ الصّٰلِحِیْنَ(112) ترجمہ کنزالایمان: اور ہم نے اسے خوشخبری دی اسحاق کی کہ غیب کی خبریں بتانے والا ہمارے قرب خاص کے سزاواروں میں۔ (سورة الصّٰٓفّٰت آیت نمبر 112)

ایک اور مقام پر فرمایا: وَهَبْنَا لَهٗۤ اِسْحٰقَ وَ یَعْقُوْبَؕ-وَ كُلًّا جَعَلْنَا نَبِیًّا(49)ترجمہ کنزالایمان:اور ہم نے اسے اسحاق اور یعقوب عطا کیے اور ہر ایک کو غیب کی خبریں بتانے والا کیا۔ (سورہ مریم آیت 49)

2)قدرت اور علم والے: اللہ تعالیٰ نے حضرت اسحاق علیہ السلام کو علمی اور عملی قوتیں عطا فرمائیں جن کی بنا پر انہیں اللہ کی معرفت اور عبادات پر قوت حاصل ہوئی۔

ارشاد باری تعالیٰ ہے:وَ اذْكُرْ عِبٰدَنَاۤ اِبْرٰهِیْمَ وَ اِسْحٰقَ وَ یَعْقُوْبَ اُولِی الْاَیْدِیْ وَ الْاَبْصَارِ(45) ترجمہ کنزالایمان: اور یاد کرو ہمارے بندوں ابراہیم اور اسحاق اور یعقوب کو قدرت اور علم والوں کو۔ (سورۃ ص آیت 45)

3)دنیا میں ثواب اور آخرت میں قرب الٰہی کےحقدار: مخلوق میں تمام ملت اور دین والے ان سے محبت رکھتے ہیں اور ان کی طرف نسبت کو فخر جانتے ہیں اور دنیا کے اختتام تک ان کے لیے درود پڑھا جانا مقرر کر دیا یہ تو وہ جو دنیا میں اللہ نے آپ علیہ السلام کو عطاء فرمایا اور اللہ تعالیٰ آخرت میں انہیں اپنا قرب عطاء فرمائے گا ۔ارشاد باری تعالیٰ ہے: وَ وَهَبْنَا لَهٗۤ اِسْحٰقَ وَ یَعْقُوْبَ وَ جَعَلْنَا فِیْ ذُرِّیَّتِهِ النُّبُوَّةَ وَ الْكِتٰبَ وَ اٰتَیْنٰهُ اَجْرَهٗ فِی الدُّنْیَاۚ-وَ اِنَّهٗ فِی الْاٰخِرَةِ لَمِنَ الصّٰلِحِیْنَ(27)ترجمہ کنزالایمان: اور ہم نے اُسے اسحٰق اور یعقوب عطا فرمائے اور ہم نے اس کی اولاد میں نبوّت اور کتاب رکھی اور ہم نے دنیا میں اس کا ثواب اسے عطا فرمایا اور بےشک آخرت میں وہ ہمارے قرب ِخاص کے سزاواروں میں ہے۔ (سورہ عنکبوت آیت27)

4)اللہ تعالیٰ کی آپ علیہ السلام پر برکت: اللہ نے آپ علیہ السلام پر دینی و دنیوی برکتیں نازل فرمائی،ارشاد باری تعالیٰ ہے:وَبٰرَكْنَا عَلَيْهِ وَعَلٰۤى اِسْحٰقَؕ-ترجمہ کنزالایمان: اور ہم نے برکت اتاری اس پر اور اسحاق پر۔ (سورة الصّٰٓفّٰت آیت 113)

تفسیر صراط الجنان:حضرت اسحاق پر اللہ تعالیٰ کی ظاہری برکت یہ تھی کہ آپ علیہ السلام کی نسل سے حضرت یعقوب علیہ اسلام سےلے کر حضرت عیسی علیہ السلام تک بہت سے انبیاء کرام علیہم السلام مبعوث فرمائے ۔

(5) اللہ تعالیٰ کے پسندیدہ چنے ہوئے بندے: آپ علیہ السلام اللہ تعالیٰ کے پسندیدہ اور چنے ہوئے بندوں میں سے ہیں، ارشاد باری تعالیٰ ہے: اِنَّاۤ اَخْلَصْنٰهُمْ بِخَالِصَةٍ ذِكْرَى الدَّارِۚ(46) وَ اِنَّهُمْ عِنْدَنَا لَمِنَ الْمُصْطَفَیْنَ الْاَخْیَارِؕ(47) ترجمہ کنزالایمان: بیشک ہم نے انہیں ایک کھری بات سے امتیاز بخشا کہ وہ اس گھر کی یاد ہے۔اور بے شک وہ ہمارے نزدیک چنے ہوئے پسندیدہ ہیں۔ (سورۃ ص آیت 46، 47)

امام فخر الدین رازی رحمۃاللہ علیہ فرماتے ہیں کہ اس آیت مبارکہ سےعلماء نے انبیاء کرام علیہم السلام کی عصمت (یعنی گناہ سے پاک ہونے) پر استدلال کیا ہے کیونکہ اللہ تعالیٰ نے اس آیت میں انہیں کسی قید کے بغیر اَخْیَار فرمایا اور یہ بہتری ان کے تمام افعال اور صفات کو عام ہے۔

اللہ تعالیٰ ہمیں انبیاء کرام علیہم السلام کی سیرت پر عمل کرتے ہوئے زندگی گزارنے کی توفیق عطا فرمائے۔ آمین بجاہ خاتم النبین صلَّی اللہ علیہ واٰلہٖ وسلَّم

یہ مضمون نئے لکھاری کا ہے ،حوالہ جات کی تفتیش و تصحیح کی ذمہ داری مؤلف کی ہے، ادارہ اس کا ذمہ دار نہیں۔

حضرت اسحاق علیہ السلام حضرت ابراھیم علیہ السلام اور حضرت سارہ رضی الله عنہا کے بیٹے ہیں۔ آپ علیہ السلام کا نام اسحاق ہے۔ یہ عبرانی زبان کا لفظ ہے، جس کا معنی ہے ضحاك (یعنی ہنس مکھ، شاداں، خوش خرم)۔ اسحاق علیہ السلام حسین و جمیل اور سیرت و صورت میں ابراھیم علیہ السلام سے بہت مشابہت رکھتے تھے۔

حضرت اسحاق علیہ السلام کو الله پاک نے کئی اوصاف سے نوازا تھا، آپ علیہ السلام کا تذکرہ قرآن پاک کی متعدد آیات میں موجود ہے۔

آئیے حضرت اسحاق علیہ السلام کے ذکرخیر سے فیوض و برکات حاصل کرنے کے لیے قرآن پاک سے آپ علیہ السلام کا تذکرہ سنتے ھیں۔

حضرت اسحاق علیہ السلام کی شان کا اندازہ آپ اس بات سے لگا سکتے ھیں کہ الله پاک نے قرآن پاک میں جہاں آپ علیہ السلام کی ولادت کا تذکرہ کیا اس کے ساتھ ہی نبوت اور قرب خاص کے لائق بندوں میں سے ہونے کا تذکرہ بھی فرمایا:

ترجمہ کنز العرفان :اور ہم نے اسے اسحاق کی خوشخبری دی جو الله کے خاص قرب کے لائق بندوں میں سے ایک نبی ہے۔ (پارہ 23، سورۃ الصافات، آیت 112)

اسی طرح ایک اور مقام پر الله پاک نے حضرت اسحاق علیہ السلام کو اپنا قرب والا بندہ بنانے کے بارے میں قرآن پاک میں ارشاد فرمایا:

ترجمہ کنزالعرفان: اور ہم نے ابراہیم کو اسحاق عطا فرمایا اور یعقوب (پوتا) اور ہم نے ان سب کو اپنے خاص قرب والے بنایا۔ (پارہ 17 ، سورۃ الانبیاء، 72)

ان دونوں آیات سے ہمیں معلوم ہوا کہ حضرت اسحاق علیہ السلام الله پاک کے ان بندوں میں سے تھے جن کو الله پاک کا قرب خاص میسر تھا۔

ایک اور مقام پر الله پاک نے حضرت اسحاق علیہ السلام کے بارے میں فرمایا: ترجمہ کنزالعرفان: بیشک ہم نے انہیں ایک کھری بات سے چن لیا وہ اس (آخرت کے) گھر کی یاد ھے۔ (پارہ 23، سورۃ صٓ، آیت 46)

بیشک ہم نے انہیں ایک کھری بات سے چن لیا اور وہ بات آخرت کے گھر کی یاد ہے کہ وہ لوگوں کو آخرت کی یاد دلاتے، کثرت کے ساتھ ذکر آخرت کرتے اور دنیا کی محبت نے ان کے دلوں میں جگہ نہیں پائی اور بیشک وہ ہمارے بہترین چنے ہوئےبندوں میں سے ہیں۔(صراط الجنان، سورۃ ص، آیت 45 تا 47 ملخصا)

الله پاک نے حضرت اسحاق علیہ السلام پر نعمت مکمل فرمائی، تو اس بارے میں ارشاد فرمایا: ترجمہ کنزالعرفان: اور تجھ پر اور یعقوب کے گھر والوں پر اپنا احسان مکمل فرمائےگا، جس طرح اس نے پہلے تمہارے باپ دادا ابراھیم اور اسحق پر نعمت مکمل فرمائی۔

صراط الجنان میں ہے : یہاں تکمیل نعمت سے مراد نبوت ہے۔

اسی طرح الله پاک نے آپ پر اپنی خصوصی برکتیں نازل فرمائیں، تو اس بارے میں ارشاد فرمایا:

ترجمہ کنزالعرفان: اور ہم نے اس پر اور اسحاق پر برکت اتاری۔ (پارہ 23، سورۃ الصافات، 113)

یعنی ہم نے حضرت ابراہیم علیہ السلام اور حضرت اسحاق علیہ السلام پر دینی اور دنیوی ہر طرح کے برکت اتاری، اور ظاہری برکت یہ ہے کہ حضرت ابراہیم علیہ السلام کی اولاد میں کثرت کی اور اسحاق علیہ السلام کی نسل سے حضرت یعقوب علیہ السلام سے لے کر حضرت عیسی علیہ السلام تک بہت انبیاء علیہم السلام مبعوث کئے۔(مدارك، سورۃ الصافات، تحت الآیۃ 113، ص 1008)

الله پاک ہمیں حضرت اسحاق کی سیرت پر عمل کرنے توفیق عطا فرمائے،آمین۔

یہ مضمون نئے لکھاری کا ہے ،حوالہ جات کی تفتیش و تصحیح کی ذمہ داری مؤلف کی ہے، ادارہ اس کا ذمہ دار نہیں۔

اللہ پاک نے انبیاء کرام علیہم السلام کو اس دنیا میں اپنی وحدانیت بیان کرنے اور لوگوں کی ہدایت کیلئے بھیجا اور ان میں سے بعض کا ذکر قرآن پاک میں بھی فرمایا ہے ان میں سے حضرت اسحاق علیہ السلام کا قرآنی تذکرہ پڑھتے ہیں۔

نمبر 1۔ ہم نے نبی بنایا۔وَهَبْنَا لَهٗۤ اِسْحٰقَ وَ یَعْقُوْبَؕ-وَ كُلًّا جَعَلْنَا نَبِیًّا(49) ترجمۂ کنز العرفان: ہم نے اسے اسحاق اور (اس کے بعد) یعقوب عطا کئے اور ان سب کو ہم نے نبی بنایا۔سورۃ مریم آیت نمبر 49۔

نمبر 2۔ ان سب اپنے قرب خاص والے بنائے۔وَ وَهَبْنَا لَهٗۤ اِسْحٰقَؕ-وَ یَعْقُوْبَ نَافِلَةًؕ-وَ كُلًّا جَعَلْنَا صٰلِحِیْنَ (72) ترجمۂ کنز العرفان:اور ہم نے ابراہیم کو اسحاق عطا فرمایا اور مزید یعقوب (پوتا) اور ہم نے ان سب کو اپنے خاص قرب والے بنایا۔ سورة الانبیاء آیت نمبر 72۔

نمبر 3۔ نبوت اور کتاب رکھی۔ ووَهَبْنَا لَهٗۤ اِسْحٰقَ وَ یَعْقُوْبَ وَ جَعَلْنَا فِیْ ذُرِّیَّتِهِ النُّبُوَّةَ وَ الْكِتٰبَ وَ اٰتَیْنٰهُ اَجْرَهٗ فِی الدُّنْیَاۚ-وَ اِنَّهٗ فِی الْاٰخِرَةِ لَمِنَ الصّٰلِحِیْنَ(27) ترجمۂ کنز العرفان:اور ہم نے اسے اسحاق (بیٹا) اور یعقوب (پوتا) عطا فرمائے اور ہم نے اس کی اولاد میں نبوت اور کتاب رکھی اور ہم نے دنیا میں اس کا ثواب اسے عطا فرمایااور بیشک وہ آخرت میں (بھی) ہمارے خاص قرب کے لائق بندوں میں ہوگا۔ سورۃ العنکبوت آیت نمبر 27

نمبر 4۔ اسحاق پر برکت اتاری ۔ وَ بَشَّرْنٰهُ بِاِسْحٰقَ نَبِیًّا مِّنَ الصّٰلِحِیْنَ(112) وَ بٰرَكْنَا عَلَیْهِ وَ عَلٰۤى اِسْحٰقَؕ- ترجمۂ کنز العرفان:اور ہم نے اسے اسحاق کی خوشخبری دی جو اللہ کے خاص قرب کے لائق بندوں میں سے ایک نبی ہے۔ اور ہم نے اس پر اور اسحاق پربرکت اتاری ۔ سورۃ الصفت آیت نمبر 112، 113

نمبر 5۔ بہترین چنے ہوئے بندوں میں سے ہیں۔وَ اذْكُرْ عِبٰدَنَاۤ اِبْرٰهِیْمَ وَ اِسْحٰقَ وَ یَعْقُوْبَ اُولِی الْاَیْدِیْ وَ الْاَبْصَارِ(45) اِنَّاۤ اَخْلَصْنٰهُمْ بِخَالِصَةٍ ذِكْرَى الدَّارِۚ(46) وَ اِنَّهُمْ عِنْدَنَا لَمِنَ الْمُصْطَفَیْنَ الْاَخْیَارِؕ(47)ترجمۂ کنز العرفان:اور ہمارے بندوں ابراہیم اور اسحاق اور یعقوب کویاد کرو جو قوت والے اور سمجھ رکھنے والے تھے۔ بیشک ہم نے انہیں ایک کھری بات سے چن لیا وہ اس(آخرت کے) گھر کی یاد ہے۔ اور بیشک وہ ہمارے نزدیک بہترین چُنے ہوئے بندوں میں سے ہیں۔ سورۃ ص آیت نمبر 45تا47

اللہ پاک سے دعا ہے کہ وہ ہمیں اپنے انبیا ئےکرام علیہم السلام کا ذکر خیر کرنے کی توفیق عطا فرمائے اور ان کی سیرت پر عمل پیرا ہونے کی توفیق عطا فرمائے۔ آمین ثم آمین۔

یہ مضمون نئے لکھاری کا ہے ،حوالہ جات کی تفتیش و تصحیح کی ذمہ داری مؤلف کی ہے، ادارہ اس کا ذمہ دار نہیں۔

انبیاء کرام علیہم السلام کو اللہ عز و جل نے بہت سی شان و کمالات سے نوازا ہے اللہ عزوجل نے اپنے حبیب لبیب صلَّی اللہ علیہ واٰلہٖ وسلَّم کو بھی انبیاء کرام علیہم السلام کا ذکر فرمانے کا حکم دیا تاکہ انبیاء کرام علیہم السلام کا ذکر حضور صلَّی اللہ علیہ واٰلہٖ وسلَّم کی سنت ہو جائے اور یہ ذکر سن کر لوگ ان نفوس قدسیہ کی پاک خصلتوں سے نیکیوں کا ذوق و شوق حاصل کریں۔ اور انبیاء کرام میں سے حضرت اسحاق علیہ السلام کو بھی اللہ عزو جل نے بہت شان وکمالات سے نوازا ہے اور ان کا ذکر قرآن پاک میں بھی فرمایا ہے۔ آیئے آپ علیہ السلام کا قرآنی تذکرہ پڑھئے اور اپنے علم و عمل میں اضافہ کیجیے:

(1) اسحاق علیہ السلام کی بشارت:فَبَشَّرْنٰهَا بِاِسْحٰقَۙ-وَ مِنْ وَّرَآءِ اِسْحٰقَ یَعْقُوْبَ(71) ترجمہ کنز الایمان: تو ہم نے اسے اسحاق کی خوشخبری دی اور اس کےپیچھے یعقوب کی۔(پارہ 12 ، ھود آیت 71)

حضرت سارہ کو بشارت دینے کی وجہ یہ تھی کہ اولاد کی خوشی مردوں سے زیادہ عورتوں کو ہوتی ہے اور ایک وجہ یہ تھی کہ ان کی اولاد نہ تھی۔ اس لیے زیادہ خوشی ہوئی۔(تذکرۃ الانبیاء)

(2) حضرت اسحاق علیہ السلام نبی ہوئے: الله عز و جل نے فرمایا:وَهَبْنَا لَهٗۤ اِسْحٰقَ وَ یَعْقُوْبَؕ-وَ كُلًّا جَعَلْنَا نَبِیًّا(49)ترجمہ کنز الایمان: ہم نے اسے اسحاق اور یعقوب عطا کیے اور ہر ایک کو غیب کی خبریں بتانے والا کیا۔ (پارہ 16، مریم آیت 49)

(3) دعا کی قبولیت: الله عزوجل نے فرمایا: اَلْحَمْدُ لِلّٰهِ الَّذِیْ وَهَبَ لِیْ عَلَى الْكِبَرِ اِسْمٰعِیْلَ وَ اِسْحٰقَؕ- اِنَّ رَبِّیْ لَسَمِیْعُ الدُّعَآءِ(39) ترجمۂ کنز الایمان:سب خوبیاں اللہ کو جس نے مجھے بڑھاپے میں اسمٰعیلو اسحاق دیئے بیشک میرا رب دعا سننے والا ہے۔(پارہ 13، ابراھیم آیت 39)

حضرت ابراہیم علیہ السلام نے بڑھا پے میں دعا کی تھی اللہ عزوجل نے ان کی دعا کو قبول کیا اور انہوں نے شکر ادا کیا اور انہیں فرزند عطا فرمایا۔(تفسیر خزائن العرفان ابراھیم تحت الآیۃ 39)

(4) خاص نعمت عطا کرنا : اللہ عزوجل نے فرمایا:وَ كَذٰلِكَ یَجْتَبِیْكَ رَبُّكَ وَ یُعَلِّمُكَ مِنْ تَاْوِیْلِ الْاَحَادِیْثِ وَ یُتِمُّ نِعْمَتَهٗ عَلَیْكَ وَ عَلٰۤى اٰلِ یَعْقُوْبَ كَمَاۤ اَتَمَّهَا عَلٰۤى اَبَوَیْكَ مِنْ قَبْلُ اِبْرٰهِیْمَ وَ اِسْحٰقَؕ-اِنَّ رَبَّكَ عَلِیْمٌ حَكِیْمٌ(6) ترجمۂ کنز الایمان:اور اسی طرح تجھے تیرا رب چن لے گا اور تجھے باتوں کا انجام نکا لنا سکھائے گا اور تجھ پر اپنی نعمت پوری کرے گا اور یعقوب کے گھر والوں پر جس طرح تیرے پہلے دونوں باپ دادا ابراہیم اور اسحق پر پوری کی بیشک تیرا رب علم و حکمت والا ہے۔(پارہ 12یوسف آیت 6 تفسیر خزائن العرفان)

حضرت اسحاق علیہ السلام کو اللہ عزوجل نے یعقوب اور اسباط عطا فرما کر نعمت پوری کی۔(پارہ 12سورت یوسف آیت 6 تفسیر خزائن العرفان)

(5) اسحاق علیہ السلام کی طرف وحی:الله عز و جل نے جس طرح تمام انبیاء کرام کی طرف وحی فرمائی اسی طرح حضرت اسحاق علیہ السلام کی طرف بھی وحی فرمائی جیسا کہ اللہ عزوجل نے ارشاد فرمایا: وَ اَوْحَیْنَاۤ اِلٰۤى اِبْرٰهِیْمَ وَ اِسْمٰعِیْلَ وَ اِسْحٰقَ وَ یَعْقُوْبَ وَ الْاَسْبَاطِترجمۂ کنز الایمان:ہم نے ابراہیم اور اسمٰعیل اور اسحٰق اور یعقوب اور ان کے بیٹوں کو وحی کی۔(پارہ 6سورت النساء آیت 163)

یہ مضمون نئے لکھاری کا ہے ،حوالہ جات کی تفتیش و تصحیح کی ذمہ داری مؤلف کی ہے، ادارہ اس کا ذمہ دار نہیں۔

قراٰنِ کریم اللہ پاک کا بے مثل اور عظیم کلام ہے اور مسلمانوں کے لئے رشد و ہدایت کا سرچشمہ ہے جس میں ہر چیز کا واضح اور روشن بیان ہے، قراٰنِ کریم میں جس طرح اللہ پاک نے مسلمانوں کے لئے احکامات اور پچھلی امتوں کے احوال کو ذکر فرمایا اسی طرح انبیائے کرام علیہم السّلام کی صفات و کمالات و دعاؤں کو بھی بیان فرمایا۔ سابقہ ماہنامہ فیضانِ مدینہ فروری 2024 میں حضرت ادریس علیہ السلام کی صفات کے متعلق مضمون شائع ہوا اور اس ماہ مارچ2024 میں حضرت اسحاق علیہ السّلام کا تذکرہ قراٰن پاک کی روشنی میں بیان کیا جا رہا ہے۔ آپ بھی پڑھئے اور علم میں اضافہ کیجئے؛

حضرت اسحاق علیہ السلام کو پیدائش کے ساتھ ہی نبوت اور قرب خاص کے لائق بندوں میں سے ہونے کی بشارت مل گئی جیسا کہ قرآن کریم میں ارشاد ہوتا ہے:وَ بَشَّرْنٰهُ بِاِسْحٰقَ نَبِیًّا مِّنَ الصّٰلِحِیْنَ(112) ترجمہ کنزالعرفان: ہم نے اسے اسحاق کی خوشخبری دی جو اللہ کے خاص قرب کے لائق بندوں میں سے ایک نبی ہے۔(الصافات:112)

آپ علیہ السلام پر اللہ پاک نے اپنی خصوصی برکتیں نازل فرمائیں، ارشاد باری تعالیٰ ہے: وَ بٰرَكْنَا عَلَیْهِ وَ عَلٰۤى اِسْحٰقَؕ- ترجمہ کنزالعرفان: اور ہم نے اس پر اور اسحاق پربرکت اتاری۔

آپ علیہ السلام قوت والے، سمجھدار، آخرت کی فکر کرنے والے اور اللہ پاک کے بہترین چنے ہوئے بندوں میں سے ہیں، ارشاد باری تعالیٰ ہے:وَ اذْكُرْ عِبٰدَنَاۤ اِبْرٰهِیْمَ وَ اِسْحٰقَ وَ یَعْقُوْبَ اُولِی الْاَیْدِیْ وَ الْاَبْصَارِ(45)اِنَّاۤ اَخْلَصْنٰهُمْ بِخَالِصَةٍ ذِكْرَى الدَّارِ(46)وَ اِنَّهُمْ عِنْدَنَا لَمِنَ الْمُصْطَفَیْنَ الْاَخْیَارِ(47)ترجمہ کنزالعرفان: اور ہمارے بندوں ابراہیم اور اسحاق اور یعقوب کویاد کرو جو قوت والے اور سمجھ رکھنے والے تھے۔ بیشک ہم نے انہیں ایک کھری بات سے چن لیا وہ اس(آخرت کے) گھر کی یاد ہے۔ اور بیشک وہ ہمارے نزدیک بہترین چُنے ہوئے بندوں میں سے ہیں۔(سورہ ص:45 تا 47)

اللہ پاک نے حضرت اسحاق علیہ السلام پر وحی کے ذریعے بعض احکام نازل فرمائے، جیسا کہ ارشاد باری تعالیٰ ہے:اِنَّاۤ اَوْحَیْنَاۤ اِلَیْكَ كَمَاۤ اَوْحَیْنَاۤ اِلٰى نُوْحٍ وَّ النَّبِیّٖنَ مِنْۢ بَعْدِهٖۚ-وَ اَوْحَیْنَاۤ اِلٰۤى اِبْرٰهِیْمَ وَ اِسْمٰعِیْلَ وَ اِسْحٰقَ وَ یَعْقُوْبَ وَالْاَسْبَاطِ وَ عِیْسٰى وَ اَیُّوْبَ وَ یُوْنُسَ وَ هٰرُوْنَ وَ سُلَیْمٰنَۚ-وَ اٰتَیْنَا دَاوٗدَ زَبُوْرًا(163) ترجمہ کنزالعرفان: بیشک اے حبیب! ہم نے تمہاری طرف وحی بھیجی جیسے ہم نے نوح اور اس کے بعد پیغمبروں کی طرف بھیجی اور ہم نے ابراہیم اور اسمٰعیل اور اسحاق اور یعقوب اور ان کے بیٹوں اور عیسیٰ اور ایوب اور یونس اور ہارون اور سلیمان کی طرف وحی فرمائی اور ہم نے داؤد کو زبور عطا فرمائی۔(النساء: 163)

آپ علیہ السلام کو ہدایت، صلاح اور آپ کے زمانے میں تمام جہان والوں پر فضیلت بخشی، نیک لوگوں میں شمار کیا، بطورِ خاص نبوت کے لیے منتخب اور صراط مستقیم کی طرف ہدایت بخشی۔ ارشاد باری تعالیٰ ہے۔

وَوَهَبْنَا لَهٗۤ اِسْحٰقَ وَیَعْقُوْبَؕ-كُلًّا هَدَیْنَاۚ-وَنُوْحًا هَدَیْنَا مِنْ قَبْلُ وَمِنْ ذُرِّیَّتِهٖ دَاوٗدَ وَسُلَیْمٰنَ وَاَیُّوْبَ وَیُوْسُفَ وَمُوْسٰى وَهٰرُوْنَؕ-وَكَذٰلِكَ نَجْزِی الْمُحْسِنِیْنَ(84)وَزَكَرِیَّا وَیَحْیٰى وَعِیْسٰى وَاِلْیَاسَؕ-كُلٌّ مِّنَ الصّٰلِحِیْنَ(85) ترجمہ کنزالعرفان: اور ہم نے انہیں اسحاق اور یعقوب عطا کیے۔ ان سب کو ہم نے ہدایت دی اور ان سے پہلے نوح کو ہدایت دی اور اس کی اولاد میں سے داؤد اور سلیمان اور ایوب اور یوسف اور موسیٰ اور ہارون کو(ہدایت عطا فرمائی) اور ایسا ہی ہم نیک لوگوں کو بدلہ دیتے ہیں۔ اور زکریا اور یحییٰ اور عیسیٰ اور الیاس کو (ہدایت یافتہ بنایا) یہ سب ہمارے خاص بندوں میں سے ہیں۔(الانعام:84، 85)

اللہ پاک کی بارگاہ میں دعا ہے کہ وہ ہمیں انبیاء کرام علیہم السلام کی سیرت پڑھنے اور اس پر عمل کرنے کی توفیق عطا فرمائے۔ آمین بجاہ النبی الامین صلَّی اللہ علیہ واٰلہٖ وسلَّم

یہ مضمون نئے لکھاری کا ہے ،حوالہ جات کی تفتیش و تصحیح کی ذمہ داری مؤلف کی ہے، ادارہ اس کا ذمہ دار نہیں۔

الله پاک نے انسانوں اور جنوں کو اپنی عبادت کے لیے پیدا فرمایا اور انس و جن کی ہدایت و رہنمائی کیلئے کم و بیش ایک لاکھ چوبیس ہزار انبیاء و رسول بھیجے اور ان پر کتابیں اور صحیفے نازل فرما کر ان کے ذریعے لوگوں کو حرام و حلال کی تمیز سکھائی۔ مرتبۂ نبوت اور رسالت کے لئے اللہ پاک نے جن انبیا اور رسل کا انتخاب فرمایا انہیں ہر عیب اور ہر برائی سے بھی پاک فرمایا اور انہیں اپنا قربِ خاص عطا فرمایا۔ اُن انبیا میں سے ایک حضرت سیدنا اسحاق علیہ السلام بھی ہیں۔ آپ علیہ السلام کا اجمالی طور پر ذکر قرآن کریم کی مختلف سورتوں میں آیا جبکہ تفصیلی ذکر درج ذیل 6سورتوں میں آیا ہے:

(1)سورہ انعام، آیت:84 (2)سورہ ہود، آیت: 69تا73 (3)سورہ مریم، آیت: 50:49 (4)سورة الصّٰٓفّٰت، آیت:112، 113 (5)سوره ص، آیت:45تا47(6)سورۃ الانبیاء، آیت:72، 73۔

آپ علیہ السلام حضرت ابراہیم علیہ السلام کے چھوٹے فرزند اور حضرت سارہ رضی اللہ عنہ کے بیٹے ہیں۔ آپ علیہ السلام کے دنیا میں تشریف لانے سے پہلے ہی اللہ تعالیٰ نے آپ علیہ السلام کی ولادت و نبوت اور صالحین میں سے ہونے کی بشارت دیدی تھی۔ بنی اسرائیل میں آنے والے تمام انبیاء علیہم السلام آپ ہی کی نسل پاک سے ہوئے۔ (سیرت الانبیاء، ص365)

(1)ارشاد باری تعالیٰ ہے: وَ بَشَّرْنٰهُ بِاِسْحٰقَ نَبِیًّا مِّنَ الصّٰلِحِیْنَ(112)ترجمۂ کنز الایمان: اور ہم نے اسے خوشخبری دی اسحٰق کی کہ غیب کی خبریں بتانے والا ہمارے قربِ خاص کے سزاواروں میں سے۔ (پارہ23الصافات 112)

(2)حضرت اسحاق علیہ الصلوٰۃ والسلام پر وحی کے ذریعے احکام نازل ہوئے جیسے کہ قرآن پاک میں آپ علیہ السلام پر وحی نازل ہونے کا ذکر یوں ملتا ہے۔ ارشاد باری تعالیٰ ہے: اِنَّاۤ اَوْحَیْنَاۤ اِلَیْكَ كَمَاۤ اَوْحَیْنَاۤ اِلٰى نُوْحٍ وَّ النَّبِیّٖنَ مِنْۢ بَعْدِهٖۚ وَ اَوْحَیْنَاۤ اِلٰۤى اِبْرٰهِیْمَ وَ اِسْمٰعِیْلَ وَ اِسْحٰقَ وَ یَعْقُوْبَ وَ الْاَسْبَاطِ وَ عِیْسٰى وَ اَیُّوْبَ وَ یُوْنُسَ وَ هٰرُوْنَ وَ سُلَیْمٰنَۚ-وَ اٰتَیْنَا دَاوٗدَ زَبُوْرًا(163) ترجمۂ کنز الایمان: بیشک اے محبوب ہم نے تمہاری طرف وحی بھیجی جیسے وحی نوح اور اس کے بعد پیغمبروں کو بھیجی اور ہم نے ابراہیم اور اسمٰعیل اور اسحٰق اور یعقوب اور ان کے بیٹوں اور عیسیٰ اور ایوب اور یونس اور ہارون اور سلیمان کو وحی کی اور ہم نے داؤد کو زبور عطا فرمائی۔ (پارہ 6 سورۃ النساء آیت 163)

(3)اور ایک مقام پر یوں ارشاد باری تعالیٰ ہے: قُوْلُوْۤا اٰمَنَّا بِاللّٰہِ وَ مَاۤ اُنْزِلَ اِلَیْنَا وَ مَاۤ اُنْزِلَ اِلٰۤى اِبْرٰهٖمَ وَ اِسْمٰعِیْلَ وَ اِسْحٰقَ وَ یَعْقُوْبَ وَ الْاَسْبَاطِ ترجمۂ کنزالایمان: یوں کہو کہ ہم ایمان لائے اللہ پر اور اس پر جو ہماری طرف اترا اور جو اتارا گیا ابراہیم و اسمٰعیل و اسحاق و یعقوب اور ان کی اولاد پر اور جو عطا کئے گئے۔(پارہ1 سورۃ البقرۃ آیت 136)

الله پاک نے حضرت اسحاق علیہ السّلام کو بہت مقام و مرتبہ عطا فرمایا ہے۔ اللہ تعالیٰ ان کے صدقے ہماری بے حساب بخشش و مغفرت فرمائے۔آمین یا رب العالمین

یہ مضمون نئے لکھاری کا ہے ،حوالہ جات کی تفتیش و تصحیح کی ذمہ داری مؤلف کی ہے، ادارہ اس کا ذمہ دار نہیں۔

اللہ تعالیٰ نے قرآن مجید میں بہت سے انبیاء کرام علیہم السلام کا ذکر فرمایا ہے، ان میں سے حضرت اسحاق علیہ السلام بھی ہیں آئیے آپ علیہ السلام کا قرآنی تذکرہ ملاحظہ کرتے ہیں:

(1) حضرت اسحاق علیہ السلام قوت اور سمجھ رکھنے والے تھےاللہ پاک ارشاد فرماتا ہے:وَ اذْكُرْ عِبٰدَنَاۤ اِبْرٰهِیْمَ وَ اِسْحٰقَ وَ یَعْقُوْبَ اُولِی الْاَیْدِیْ وَ الْاَبْصَارِ(45) ترجمہ کنزالایمان: اور ہمارے بندوں ابراہیم اور اسحاق اور یعقوب کویاد کرو جو قوت والے اور سمجھ رکھنے والے تھے۔(سورۃ ص آیت نمبر 45)

(2) حضرت اسحاق علیہ السلام اللہ کے نبی ہیں وَ بَشَّرْنٰهُ بِاِسْحٰقَ نَبِیًّا مِّنَ الصّٰلِحِیْنَ(112) ترجمہ کنزالایمان: اور ہم نے اسے خوشخبری دی اسحٰق کی کہ غیب کی خبریں بتانے والا ہمارے قربِ خاص کے سزاواروں میں۔(سورۃ الصافات آیت نمبر 112)

(3) حضرت اسحاق علیہ السلام کو خاص قرب والا بنایا وَ وَهَبْنَا لَهٗۤ اِسْحٰقَؕ-وَ یَعْقُوْبَ نَافِلَةًؕ-وَ كُلًّا جَعَلْنَا صٰلِحِیْنَ(72) ترجمۂ کنز العرفان:اور ہم نے ابراہیم کو اسحاق عطا فرمایا اور مزید یعقوب (پوتا) اور ہم نے ان سب کو اپنے خاص قرب والے بنایا۔( سورۃ الانبیاء آیت نمبر 72)

(4) اللہ تعالیٰ نے حضرت اسحاق علیہ السلام کو ہدایت عطا فرمائی وَ وَهَبْنَا لَهٗۤ اِسْحٰقَ وَ یَعْقُوْبَؕ-كُلًّا هَدَیْنَاۚ- ترجمہ کنزالایمان :اور ہم نے انہیں اسحاق اور یعقوب عطا کیے۔ ان سب کو ہم نے ہدایت دی ۔( سورۃ الانعام آیت نمبر 84)

(5) حضرت اسحاق علیہ السلام آخرت میں قرب اور لائق بندوں میں سے ہوں گے وَ وَهَبْنَا لَهٗۤ اِسْحٰقَ وَ یَعْقُوْبَ وَ جَعَلْنَا فِیْ ذُرِّیَّتِهِ النُّبُوَّةَ وَ الْكِتٰبَ وَ اٰتَیْنٰهُ اَجْرَهٗ فِی الدُّنْیَاۚ-وَ اِنَّهٗ فِی الْاٰخِرَةِ لَمِنَ الصّٰلِحِیْنَ(27) ترجمۂ کنز العرفان:اور ہم نے اسے اسحاق (بیٹا) اور یعقوب (پوتا) عطا فرمائے اور ہم نے اس کی اولاد میں نبوت اور کتاب رکھی اور ہم نے دنیا میں اس کا ثواب اسے عطا فرمایااور بیشک وہ آخرت میں (بھی) ہمارے خاص قرب کے لائق بندوں میں ہوگا۔ (سورۃ العنکبوت آیت نمبر 27)

اللہ تعالیٰ سے دعا ہے کہ اللہ پاک ہمیں انبیاء کرام علیہم السلام کی صفات پڑھ کر ان پر عمل کرنے کی توفیق عطا فرمائے آمین بجاہ النبی الامین صلَّی اللہ علیہ واٰلہٖ وسلَّم

یہ مضمون نئے لکھاری کا ہے ،حوالہ جات کی تفتیش و تصحیح کی ذمہ داری مؤلف کی ہے، ادارہ اس کا ذمہ دار نہیں۔