حضور نبی اکرم ﷺ اللہ  کے سب سے بڑھ کر محبوب رسول ہونے کے باوجود اتنے بڑے عبادت گزار تھے کہ تمام سابقین انبیائے کرام علیہم السلام کی مقدس زندگیوں میں اس کی مثال ملنی دشوار ہے بلکہ سچ تو یہ ہے کہ انبیائے کرام علیہم السلام کے بارے میں صحیح طور سے یہ بھی نہیں معلوم ہو سکتا کہ ان کی عبادت کا طریقہ کیا تھا اور وہ کس وقت کون سی عبادت کرتے تھے۔ لیکن حضور پر نور ﷺْ کے عبادات کو آپ کے صحابہ نے ملاحظہ فرمایا اور گھر میں جو عبادت کرتے اسے ازواجِ مطہرات رضی اللہ عنہن نے اپنی یاداشت میں محفوظ کیا اور ساری امت کو بتا دیا ۔

نماز: آقا ﷺْ کی عبادات میں سے ایک اہم عبادت نماز ہے ۔ رسول پاک ﷺْ کو اپنی نماز سے بہت محبت تھی ۔جب آپ بیمار ہوئے(جس میں آپ کا ظاہری وصال ہوا)تو آپ نے حضرت ابو بکر صدیق رضی اللہ عنہ کو نماز کے لیے مقدم فرمایا اور خود اس حالت میں ان کے پیچھے نماز ادا فرمائی۔

(بخاری،1/284،حدیث:713)

آپ ساری ساری رات رکوع وسجود میں گزارتے حتی کہ آپ کے پائے(پاؤں مبارک) میں ورم آ جاتا ،جب آپ سے عرض کی جاتی کہ آپ کے سبب ہی تو اللہ نے آپ کے اگلوں اور پچھلوں کے گناہ معاف کیے ہیں تو فرماتے :کیا میں اللہ کا شکر گزار بندہ نہ بنوں؟(مسلم ، ص 1160 حدیث 7126)

اعلانِ نبوت سے پہلے بھی آپ غار حرا میں قیام اور ذکر و فکر کے طور پر خدا کی عبادت میں مصروف رہتے۔ حدیثِ پاک ہے: حضور ﷺْ نے فرمایا: نماز نور ہے۔ (مسلم، ص140،حدیث:223)

شبِ معراج میں آپ کو پنجگانہ نماز کا تحفہ دیا گیا۔حضور ﷺْ پنجگانہ نماز کے علاوہ نمازِ اشراق،نمازِ چاشت، تحیۃ الوضو،صلوۃ الاوابین وغیرہ سنن و نوافل بھی ادا فرماتے تھے۔راتوں کو اٹھ اٹھ کر نمازیں پڑھتے تھے۔ تمام عمر نماز تہجد کے پابند رہے۔بعض روایتوں میں آیا ہے کہ آپ ساری رات عبادت کرتے اور لمبی لمبی سورتیں نماز میں پڑھا کرتے کبھی رکوع وسجود طویل ہوتا تو کبھی قیام طویل ہوتا۔(صحاح ستہ وغیرہ کتب حدیث) چنانچہ

ام المومنین حضرت عائشہ صدیقہ رضی اللہ عنہا سے مروی ہے کہ رسول اللہ ﷺْ نے کھڑے ہوکر نماز پڑھی اور ایک آیت قرآن کو پڑھتے پڑھتے رات تمام کر دی۔(شمائل ترمذی،ص232)

رمضان شریف میں خصوصا آخری عشرے میں آپ کی عبادت بہت زیادہ بڑھ جاتی تھی۔آپ ساری رات بیدار رہتے نمازوں کے ساتھ ساتھ کبھی کھڑے ہو کر کبھی بیٹھ کر دعائیں مانگا کرتے ۔(صحاح ستہ وغیرہ کتب حدیث)

حضرت جابر رضی اللہ عنہ سے مروی ہے کہ اللہ پاک کے پیارے حبیب ﷺ نے ارشاد فرمایا: جنت کی چابی نماز ہے اور نماز کی چابی وضو۔(ترمذی،1/85،حدیث:4)

حضور ﷺ نے فرمایا: میری آنکھوں کی ٹھنڈک نمازمیں ہے۔(معجم کبیر،20 / 420،حدیث:1012) سرکار عالی وقار،مدینے کے تاجدار ﷺ نے ارشاد فرمایا: نماز دین کا ستون ہے جس نے نماز کو قائم رکھا اس نے دین کو قائم رکھا اور جس نے اسے(نماز کو)چھوڑا اس نے دین کو گرا دیا۔(منیتہ المصلی)

ہر عبادت سے برتر عبادت نماز ساری دولت سے بڑھ کر ہے دولت نماز

اللہ ہمیں تمام تر ظاہری وباطنی آداب کے ساتھ نمازیں اور نوافل ادا کرنے کی توفیق عطا فرمائے۔

آمین بجاہ خاتم النبیین ﷺ

دینِ اسلام کے پانچ ارکان ہے جن میں سب سے زیادہ اہمیت نماز کی بھی ہے کہ نماز معراج کی رات ہمارے پیارے آقا ﷺ کو تحفے میں ملی۔نماز ہی ہے جس کے بارے میں قیامت کے دن سب سے پہلے سوال کیا جائے گا۔نماز ہی جنت کی کنجی ہے۔ نماز رب  کو راضی کرنے کا ذریعہ ہے۔اس کے علاوہ نماز کا ذکر قرآنِ پاک اور احادیثِ مبارکہ میں بکثرت ملتا ہےجیسا کہ سورۂ بقرہ کی آیت نمبر 43 میں اللہ پاک کا ارشاد ہے:

وَ اَقِیْمُوا الصَّلٰوةَ وَ اٰتُوا الزَّكٰوةَ وَ ارْكَعُوْا مَعَ الرّٰكِعِیْنَ(43)(پ1،البقرۃ:43)ترجمہ کنز الایمان:اور نماز قائم رکھو اور زکوٰۃ دو اور رکوع کرنے والوں کے ساتھ رکوع کرو۔

نماز کی اہمیت و محبت ہمیں رسول پاک ﷺکے عمل مبارک سے بھی معلوم ہوتی ہے کہ آپ نے نماز کو اپنی آنکھوں کی ٹھنڈک فرمایا۔(معجم کبیر،20 / 420،حدیث:1012)

جب نماز کا وقت ہوتا تو آقا کریم ﷺ حضرت بلال رضی اللہ عنہ سے فرماتے:اے بلال اٹھو اور ہمیں نماز سے راحت پہنچاؤ۔(ابو داود،4/ 385، حدیث:4986)

حضرت اسود بن یزید رضی اللہ عنہ فرماتے ہیں:میں نے حضرت عائشہ رضی اللہ عنہا سے آپ ﷺ کی رات کی نماز کے متعلق پوچھا کہ رات کو آقا ﷺ کا معمول کیا تھا؟ فرمایا: آپ رات کے پہلے حصےمیں سوجاتے پھر اٹھ کے قیام فرماتے تھے اس کے بعد جب سحری کا وقت قریب ہوتا تھا تو وتر ادا فرماتے پھر اپنے بستر پر تشریف لے آتے پھر اگر آپ کو رغبت ہوتی تو اپنی اہلیہ کے پاس جاتے پھر جب آپ اذان سنتے تو تیزی کے ساتھ اٹھتے اگر غسل کی حاجت ہوتی تو غسل ورنہ صرف وضو فرمالیتے اور نماز کے لیے تشریف لے جاتے۔

(شمائل ترمذی، ص161، حدیث:252)

رمضان المبارک میں پیارے آقا اﷺ کی عبادت بہت زیادہ بڑھ جایا کرتی تھی آپ ساری رات بیدار رہتے اور اپنی ازواجِ مطہرات سے بے تعلق ہوجایا کرتے تھے اپنے گھر والوں کو نماز کے لیے جگایا کرتے تھے اور عموماً اعتکاف فرماتے ۔نمازوں میں کبھی کھڑے ہوکر کبھی بیٹھ کر کبھی سر بسجود ہوکر نہایت آہ وزاری اور گریہ و بکا کے ساتھ گڑگڑاکر راتوں میں دعائیں مانگتے۔(صراط الجنان،8/377)

حضرت عبد اللہ بن شنحیر نبیِ کریم اﷺ کی کیفیت نماز کا ذکر کرتے ہوئے فرماتے ہیں کہ ایک مرتبہ میں نبی ﷺ کی بارگاہ میں حاضر ہوا تو آپ نماز پڑھ رہے تھے اور رونے کی وجہ سے آپ کے سینے سے ایسی آوازیں نکل رہی تھیں جیسی ہنڈیاں کی آواز ہوتی ہے۔(ابو داود،1/ 342، حدیث:904)

ان تمام احادیثِ مبارکہ سے معلوم ہوا کہ آپ کو نماز سے کس قدر محبت تھی کہ آپ فرض نماز کے ساتھ نوافل کا بھی بہت زیادہ اہتمام فرمایا کرتے ۔آپ پر تہجد کی نماز بھی فرض تھی۔

نماز کی اہمیت اور آپ کی نماز سے محبت کا اندازہ اس بات سے بھی لگایا جا سکتا ہے کہ خود رب نے پیارے آقا ﷺ کو اس کا حکم ارشاد فرمایا: وَ اْمُرْ اَهْلَكَ بِالصَّلٰوةِ وَ اصْطَبِرْ عَلَیْهَاؕ-لَا نَسْــٴَـلُكَ رِزْقًاؕ-نَحْنُ نَرْزُقُكَؕ-وَ الْعَاقِبَةُ لِلتَّقْوٰى(۱۳۲)(پ16،طہ:132)ترجمہ کنز العرفان:اور اپنے گھر والوں کو نماز کا حکم دو اور خود بھی نماز پر ڈٹے رہو۔ ہم تجھ سے کوئی رزق نہیں مانگتے(بلکہ)ہم تجھے روزی دیں گے اور اچھاانجام پرہیزگاری کے لیے ہے۔

حضرت ابوسعید خدری رضی اللہ عنہ فرماتے ہیں:جب یہ آیت کریمہ نازل ہوئی تونبیِ کریم ﷺ آٹھ ماہ تک حضرت علی رضی اللہ عنہ کے دروازے پرصبح کی نمازکے وقت تشریف لاتے رہے اور فرماتے: نماز ،اللہ پاک تم پر رحم فرمائے۔پھر یہ آیت تلاوت فرماتے:اِنَّمَا یُرِیْدُ اللّٰهُ لِیُذْهِبَ عَنْكُمُ الرِّجْسَ اَهْلَ الْبَیْتِ وَ یُطَهِّرَكُمْ تَطْهِیْرًاۚ(۳۳)(پ22،الاحزاب:33) ترجمۂ کنزالایمان : اللہ تو یہی چاہتا ہے اے نبی کے گھر والو کہ تم سے ہر ناپاکی دور فرمادے اور تمہیں پاک کر کے خوب ستھرا کردے۔

( تاریخ ابن عساکر ، 42 / 136، حدیث :8518)

نَماز و روزہ وحَجّ و زکوٰۃ کی توفیق عطا ہو اُمّتِ محبوب کوسدا یارب

1-اللہ کریم کے آخری نبی ﷺ کو نمازسے بہت محبت تھی،آپ نے نماز کو اپنی آنکھوں کی ٹھنڈک فرمایا۔ (معجم کبیر،20 / 420،حدیث:1012)جب نماز کا وقت ہوتاتو آقاکریم ﷺ حضرت بلال رضی اللہ عنہ سے فرماتے:قُمْ یا بِلَالُ فَاَرِحْنَا بِالصَّلَاۃِاے بلال!اٹھو اور ہمیں نماز سے راحت پہنچاؤ۔

(ماہنامہ فیضان مدینہ ستمبر 2023 ربیع الاول 1445 ،ص21،22)

2-حضرت عبداللہ بن شخیر رضی اللہ عنہ اللہ پاک کے آخری نبی ﷺ کی کیفیتِ نماز کا ذکر کرتے ہوئے فرماتے ہیں:ایک مرتبہ میں اللہ کے آخری نبی ﷺ کی خدمت میں حاضر ہوا تو آپ نماز پڑھ رہے تھے اور رونے کی وجہ سے آپ کے سینے سے ایسی آواز نکل رہی تھی جیسی ہنڈیا کی آواز ہوتی ہے۔

(ماہنامہ فیضان مدینہ ستمبر 2023 ربیع الاول 1445،ص 21،22)

ان دونوں روایات سے رسولِ کریم ﷺ کی نماز سے محبت اور خشوع و خضوع کا اندازہ ہوتا ہے،کریم آقا ﷺ کی امتی ہونے کے ناطے ہمیں بھی نماز کو واقعی اپنی راحت و سکون کا ذریعہ بنانا چاہئے۔

3- شبِ معراج پانچوں نمازیں فرض ہونے کے بعد ہمارے پیارے پیارے آقا،مکی مَدَنی مصطَفٰے ﷺ نے اپنی حیاتِ ظاہِری(یعنی دُنیوی زندگی)کے گیارہ سال چھ ماہ میں تقریباً 20 ہزار نمازیں ادا فرمائیں(در مختار،2/6 ماخوذا،وغیرہ)تقریباً 500 جمعے ادا کئے(مراٰۃ المناجیح،2/346)ا ور عید کی 9نمازیں پڑھیں۔ (سیرت مصطفٰے،ص 249 ملخصاً)قرآنِ کریم میں نماز کا ذِکر سینکڑوں جگہ آیا ہے۔

اے خوش نصیب عاشقاتِ نماز!میرے آقا اعلیٰ حضر ت رحمۃُ اللہ علیہ فرماتے ہیں:نماز پنج گانہ(یعنی پانچ وقت کی نمازیں)اللہ پاک کی وہ نعمتِ عظمیٰ ہے کہ اس نے اپنے کرمِ عظیم سے خاص ہم کو عطا فرمائی ہم سے پہلے کسی اُمّت کو نہ ملی۔(فتاویٰ رضویہ،5/43)

جاننا چاہیے کہ نماز تمام عبادتوں میں افضل و اشرف اور اتم و اکمل عبادت ہے اور نبیِ کریم ﷺ نے فرمایا: جُعِلَتْ قُرَّهُ عَيْنِي فِي الصَّلوۃ نماز میں میری آنکھوں کی ٹھنڈک رکھی گئی ہے۔

(سننِ کبری للنسائی،5/280،حدیث:8888)

حضور اکرم ﷺ خانہ دل میں جو خوشی و مسرت، آنکھوں کی روشنی اور خوش دلی رکھتے اور جوذوق و مشاہدہ اس وقت میں پاتے وہ کسی عبادت اور کسی وقت میں نہ پاتے ۔قرۃ العین،مقصود اور غیب سے نور پانے میں فرحت و سرور سے کنایہ ہے۔قرۃ،قَربفتح قاف سے بنا ہے جس کے معنی قرار و ثبات کے ہیں۔ اس لیے کہ نظارہ محبوب سے آنکھ کو جتنا قرار وسکون ملتا ہے کسی اور چیز سے حاصل نہیں ہوتا اور حالت سرور خوش حالی میں اپنی جگہ ساکن رہتی ہےاور غیر محبوب پر نظر ڈالنے سے نظر پراگندہ اور متلاشی محبوب رہتی ہے اور حزن و خوف کی حالت میں لرزاں و سرگرداں ہوتی ہے۔یا قرۃ یہ،قُر بضم قاف سے بنا ہے جس کے معنی ٹھنڈک کے ہیں اور محب کی لغت میں آنکھوں کی ٹھنڈک محبوب کے مشاہدہ سے ہوتی ہے ۔

اعداء کے دیکھنے میں گرمی و سوزش ہوتی ہے۔ اسی بنا پر فرزند کو قرۃ العین کہتے ہیں۔ نماز میں ظاہر و باطن اور قلب و جوارح سب کے سب بدرگاہ قرب و عزت حق سبحانہ متوجہ و مشغول ہیں۔اللہ پاک نے ہر نمازی کے لیے ایک رکعت میں وہ تمام عبادتیں جمع فرمادی ہیں جو تمام فرشتوں میں جدا جدا بنائی گئی ہیں، یہ ایسا مجموعہ عبادات ہے جو کسی اور عبادت میں جمع نہیں ہے۔طہارت،صحت استقبال قبلۂ استفتاح،یعنی تکبیر تحریمہ،تکبیرات،قرأت قیام رکوع،سجود،تسبیح،دعا توجہ حضور قلب اور خشوع و خضوع وغیرہ ہر ایک ان میں سے مستقل عبادت ہے۔ کس خوبی سے ان سب کو ایک ہی طریقہ عبادت میں جمع فرمایا ہے اور اس جامعیت کیسا تھ یہ کتنی عجیب خوبی ہے کہ یہ حضور ﷺ کی اس نماز کے مشابہ ہے جس کی حقیقت تمام برکات و کمالات کی جامع ہے اور اسی تعلق و مناسبت سے حضور اکرم ﷺ نے قرۃ العین فرمایا۔

(مدارج النبوہ،ص431)

حضور ﷺ کی مبارک حیات ہمارے لیے مشعل راہ اور عمل کے لیے بہترین نمونہ ہے۔ آئیے!حضور ﷺ نماز سے کس قدر محبت فرماتے اور اس کی کتنی تاکید فرماتے اس کے بارے میں پڑھتی ہیں:

نماز اور ماتحتوں کا خیال رکھو:ام المومنین حضرت اُمِ سلمہ رضی اللہ عنہا بیان فرماتی ہیں کہ نبیِ کریم ﷺ اپنے مرضِ وصال(یعنی جس بیماری میں ظاہری وفات شریف ہوئی اُس)میں فرماتے تھے:نماز کو پابندی سے ادا کرتے رہو اور اپنے غلاموں کا خیال رکھو ۔(ابن ماجہ، 2 / 282 ،حدیث:1625)

حضرت علامہ مولانا مفتی احمد یار خان رحمۃ اللہ علیہ اس حدیثِ پاک کے تحت فرماتے ہیں:یعنی نماز کی پابندی و حفاظت کرو مرتے دم تک نہ چھوڑو ۔معلوم ہوا کہ نماز بڑا ہی اہم فریضہ ہے کہ حضور ﷺ نے خصوصیت سے اس کی وصیت فرمائی،سعادت مند اولاد باپ کی وصیت سختی سے پوری کرتی ہے ۔ سعادت مند امتی وہ ہے جو حضور ﷺ کی اس وصیت پر سختی سے پابندی کرے،اللہ پاک توفیق دے۔

(مراۃ المناجیح،5/166 مختصر)

مبارک پاؤں پر ورم آجاتا:ہمارے پیارے آقا ﷺ کی رات کی نمازوں کی کیفیت اللہ اللہ!حضرت مغیرہ بن شعبہ رضی الله عنہ بیان فرماتے ہیں کہ مصطفےٰ جانِ رحمت ﷺ نے رات کی نماز میں اتنا طویل قیام فرمایا کہ مبارک قدم سوج گئے ۔عرض کی گئی:آقا!آپ اتنی تکلیف کیوں اُٹھاتے ہیں ؟ آپ تو بخشے بخشائے ہیں! ارشاد فرمایا:کیامیں شکر گزار بندہ نہ بنوں ؟(مسلم،ص1160،حدیث:7126)

مرحبا!کیا خوب ہے!اللہ والوں کی نماز ان کے صدقے ہم کو بھی دے یا خدا سوز و گداز

حکیم الامت مفتی احمد یار خان رحمۃ اللہ علیہ فرماتےہیں: یعنی میری یہ نماز مغفرت کے لئے نہیں بلکہ مغفرت کے شکریہ کے لئے ہے۔خیال رہے کہ ہم لوگ عبد ہیں حضور ﷺ عبدہ ہیں،ہم لوگ شاکر ہو سکتے ہیں حضور ﷺ شکور ہیں یعنی ہر طرح ہر وقت ہر قسم کا اعلیٰ شکر کرنے والے مقبول بندے ۔ حضرت علی رضی اللہ عنہ فرماتے ہیں کہ جنت کی لالچ میں عبادت کرنے والے تاجر ہیں ۔ دوزخ کے خوف سے عبادت کرنے والے عبد ہیں مگر شکر کی عبادت کرنے والے احرار ہیں ۔ (مراۃ المناجیح، 2/254)

رات کے قیام میں سجدے کو لمبا کرنا:حضرت عائشہ رضی اللہ عنہا نے فرمایا:رسول اللہﷺ رات کو گیارہ رکعات پڑھا کرتے تھے۔یہ آپ کی(رات کی)نماز تھی۔اس میں آپ اتنا طویل سجدہ کرتے کہ اپنا سر مبارک اٹھانے سے پہلے تم میں سے کوئی پچاس آیات پڑھ لے،نیز فجر سے پہلے دو سنت ادا کرتے،پھر اپنی دائیں کروٹ پر لیٹ جاتے حتی کہ مؤذن آپ کو نماز فجر کی اطلاع دیتا۔( بخاری، 1/669)

حضورﷺ نے ہزاروں نمازیں ادافرمائیں:شبِ معراج پانچوں نمازیں فرض ہونے کے بعد ہمارےپیارے پیارے آقا،مکی مدنى مصطفى ﷺ نے اپنی حیات ظاہری(یعنی دُنیوی زندگی)کےگیارہ سال چھ ماہ میں تقریباً 20 ہزار نمازیں ادا فرمائیں(در مختار،2/6 ماخوذا،وغیرہ)تقریباً 500 جمعے ادا کئے(مراٰۃ المناجیح،2/346) اور عید کی 9نمازیں پڑھیں ۔(سیرت مصطفٰے،ص 249 ملخصاً)قرآنِ کریم میں نماز کا ذکر سینکڑوں جگہ آیا ہے۔

اے خوش نصیب عاشقاتِ نماز!میرے آقا ،اعلیٰ حضرت رحمۃ اللہ علیہ فرماتے ہیں:نماز پنج گانہ(یعنی پانچ وقت کی نمازیں)اللہ پاک کی وہ نعمت عظمی ہے کہ اس نے اپنے کرم عظیم سے خاص ہم کو عطا فرمائی ہم سےپہلےکسی امت کو نہ ملی ۔(فتاویٰ رضویہ، 5/43)

حضور نبیِ کریم، مکی مدنی مصطفےٰﷺ دین کی تعلیم و تبلیغ کی رات دن کی مصروفیات کے باوجود اللہ پاک کی بہت زیادہ عبادت کیا کرتے تھے۔آپ اعلانِ نبوت سے پہلے بھی غارِ حرا میں قیام ومراقبہ اور ذکروفکر کے طور پر اللہ کریم کی عبادت میں مصروف رہتے تھے۔آپ بعض اوقات ساری ساری رات عبادتِ الٰہی میں گزار دیتے اور طویل قیام فرمانے کی وجہ سے آپ کے قدمین شریفین سوج جاتے تھے۔چنانچہ حضرت عائشہ رضی اللہ عنہا فرماتی ہیں:رسول اللہﷺ نماز میں اس قدر قیام فرماتے کہ مبارک پاؤں سوج جاتے ،ایک مرتبہ حضرت عائشہ صدیقہ رضی اللہ عنہا  نے عرض کی: یا رسول اللہﷺ!آپ ایسا کر رہے ہیں۔ حالانکہ اللہ پاک نے آپ کے سبب آپ کے اگلوں اور پچھلوں کے گناہ بخش دئیے ہیں!تو آقا ﷺ نے ارشاد فرمایا: کیا میں اللہ پاک کا شکر گزار بندہ نہ بنوں؟(مسلم،ص1160،حدیث:7126)

نبی کریمﷺ کی نماز سے محبت:

اللہ کریم کے آخری نبیﷺ کو نماز سے اس قدر محبت تھی کہ اللہ پاک کے آخری نبیﷺ نے نماز کو اپنی آنکھوں کی ٹھنڈک فرمایا۔(معجم کبیرہ،20/420،حدیث:1012)جب نماز کا وقت ہوتا تو آقا کریمﷺ حضرت بلال رضی اللہ عنہ سے فرماتے: اے بلال!اٹھو اور نماز سے ہمیں راحت پہنچاؤ۔

(ابوداود،4/385، حدیث:4986)

نبی کریمﷺ کی نماز کی کیفیت:

حضرت عبداللہ بن شخیر رضی اللہ عنہ اللہ پاک کے آخری نبیﷺ کی نماز کی کیفیت بیان کرتے ہوئے فرماتے ہیں: ایک مرتبہ میں اللہ پاک کے آخری نبیﷺ کی خدمت میں حاضر ہوا تو آپ نماز پڑھ رہے تھے اور رونے کی وجہ سے آپ کے سینے مبارک سے ایسی آواز آ رہی تھے جیسی ہنڈیا کی ہوتی ہے۔

(ابوداود،1/342، حدیث:904)

ان دونوں روایات سے حضور پاکﷺ کی نماز سے محبت اور خشوع وخضوع کا اندازہ ہوتا ہے۔آقا کریمﷺ کی امتی ہونے کے ناطے ہمیں بھی نماز کو واقعی اپنی راحت و سکون کا ذریعہ بنانا چاہیے۔ حضور پاکﷺ نے ارشاد فرمایا: اَلصَّلاۃ نُورٌ یعنی نماز نور ہے۔(مسلم،ص115،حدیث534)ہم سب جانتی ہیں کہ لائٹ کا مقصد روشنی دینا ہے اور اسی مقصد کو حاصل کرنے کیلئے عموماً ٹیوب لائٹ بلندی پر لگائی جاتی ہے لیکن جب یہ ٹیوب لائٹ خراب ہو کر روشنی دینا چھوڑ دیتی ہے تو ہم اسی ٹیوب لائٹ کو اتار کر کوڑا دان پھینک دیتی ہیں کیونکہ اصول یہ ہے کہ بے مقصد چیز کو کوئی مقام نہیں دیا جاتا ۔ہم انسانوں کو پیدا کیے جانے کا مقصد اللہ رب العزت کی عبادت کرنا ہے اور عبادت میں نماز کو بہت زیادہ اہمیت اور فضیلت حاصل ہے۔ اللہ پاک کے پیارے نبی حضرت ابراہیم علیہ السلام نے تو اپنے لیے اور اپنی اولاد کیلئے نماز کے بارے میں دعا بھی کی جس کا ذکر قرآنِ پاک میں کچھ یوں ہے:رَبِّ اجْعَلْنِیْ مُقِیْمَ الصَّلٰوةِ وَ مِنْ ذُرِّیَّتِیْ ﳓ رَبَّنَا وَ تَقَبَّلْ دُعَآءِ(۴۰) (پ13،ابراہیم:40)ترجمہ: اے ہمارے رب مجھے نماز کا قائم کرنے والا رکھ اور کچھ میری اولاد کو اے ہمارے رب اور ہماری دعا سن لے۔

حقوق اللہ میں نماز کی اہمیت اس قدر زیادہ ہے کہ روزِ قیامت تمام حقوق اللہ میں سب سے پہلے اسی کے متعلق سوال کیا جائے گا۔چنانچہ حدیثِ پاک میں ہے : کل قیامت کے دن بندے سے سب سے پہلے اس کی نماز کے بارے میں سوال ہو گا۔(نسائی،ص652،حدیث:3997)اس حدیثِ پاک کے تحت حضرت علامہ عبد الرؤف منافی رحمۃ اللہ علیہ فرماتے ہیں:بیشک نماز ایمان کی علامت ہے اور اصل عبادت ہے۔

(التیسیر، 1/391)

رحمتِ عالم نورِ مجسمﷺ نے نماز کو نور قرار دیا ہے اس کی وضاحت ملاحظہ کیجئے:جیسے روشنی گڑھوں میں گرنے سے بچاتی ہے ایسے ہیں نماز بے حیائی اور اس جیسے کئی گناہوں کے گڑھے میں گرنے سے بچاتی ہے۔ قیامت کے دن نمازی کیلئے اجر وثواب نور بن کر ظاہر ہوگا نمازیوں کے چہرے بروزِ قیامت نور کی طرح چمک رہے ہوں گے۔نورِ نماز دنیا و آخرت میں نمازی کے چہرے سے ظاہر ہوگا۔نماز مسلمان کے دل، چہرے،قبر اور قیامت کی روشنی ہے۔(شرح نووی،2/101 ماخوذاً)( مراۃ المناجیح،1/232ماخوذاً)

حضورِ اکرم ﷺ دینِ اسلام کی تعلیم و تبلیغ کی دن رات کی مصروفیات کے باوجود اللہ رب العزّت کی بہت عبادت کیا کرتے تھے۔ اعلانِ نبوت سے پہلے بھی غارِ حرا میں قیام و مراقبہ اور ذکر و فکر کے طور پر اللہ کریم کی عبادت میں مصروف رہتے تھے۔چنانچہ شبِ معراج پانچوں نمازیں فرض ہونےکے بعد ہمارے پیارے پیارے  آقا،مکی مدنی مصطفےٰ ﷺ نے اپنی حیات ظاہری(یعنی دنیوی)زندگی کے گیارہ سال چھ ماہ میں تقریباً 20 ہزار نمازیں ادافرمائیں۔ (در مختار،2/6 وغیره ما خوذاً)تقریباً 500 جمعے ادا کئے۔(مراۃ المناجیح،2/ 346) عید کی 9 نمازیں پڑھیں ۔( سیرت مصطفےٰ ص 249ملخصاً)

قرآنِ پاک میں ارشاد باری ہے:وَ اسْتَعِیْنُوْا بِالصَّبْرِ وَ الصَّلٰوةِؕ-وَ اِنَّهَا لَكَبِیْرَةٌ اِلَّا عَلَى الْخٰشِعِیْنَۙ(45) (پ1،البقرۃ: 45)ترجمہ:اور صبر اور نماز سے مدد چاہو اور بےشک نماز ضرور بھاری ہے مگر ان پر جو دل سے میری طرف جھکتے ہیں۔

آئیے!احادیثِ مبارکہ ملاحظہ فرما ئیے:

1-حدیثِ پاک میں ہے:حضورﷺ کے گھر میں فاقہ ہوتا تھا اور رات میں کچھ ملاحظہ نہ فرماتے(یعنی کچھ نہ کھاتے)تھے اور بھوک غلبہ کرتی تھی تو نبیِ کریم ﷺ مسجد میں تشریف لا کر نماز میں مشغول ہوتے تھے۔

(تفسیر نعیمی،1/299 تا300)

2- حضرت عائشہ صِدّیقہ رضی اللہ عنہا فرماتی ہیں:رسولِ کریم ﷺ نماز میں اس قدرقیام فرماتے کہ آپ کے مُبارک پاؤں سُوج جاتے۔(ایک دن) حضرت عائشہ صِدّیقہ رضی اللہ عنہا نے عَرض کی:یارسول اللہ ﷺ!آپ ایسا کر رہے ہیں حالانکہ اللہ کریم نے آپ کے سبب آپ کے اگلوں اور پچھلوں کے گناہ بخش دئیے ہیں!آقا کریم ﷺ نے ارشاد فرمایا: اَفَلَا اَکُوْنُ عَبْدًا شَکُوْرًا کیا میں اللہ پاک کا شکر گزار بندہ نہ بنوں؟(مسلم،ص1160،حدیث:7126)

نبیِّ پاک ﷺ کی نمازکی کیفیت:

3- حضرت عبداللہ بن شخیر رضی اللہ عنہ اللہ پاک کے آخری نبی ﷺ کی کیفیتِ نماز کا ذکر کرتے ہوئے فرماتے ہیں:ایک مرتبہ میں اللہ کے آخری نبی ﷺ کی خدمت میں حاضر ہوا تو آپ نماز پڑھ رہے تھے اور رونے کی وجہ سے آپ کے سینے سے ایسی آواز نکل رہی تھی جیسی ہنڈیا کی آواز ہوتی ہے۔

(ابوداود،1/ 342،حدیث:904)

نبیِّ پاک ﷺ کی نمازسےمحبت:

4- اللہ کریم کے آخری نبی ﷺ کو نمازسے بہت محبت تھی،حضورﷺ نے فرمایا:نماز میری آنکھوں کی ٹھنڈک ہے۔(معجم کبیر،20 / 420،حدیث:1012)

5-جب نماز کا وقت ہوتاتو آقا کریم ﷺ حضرت بلال رضی اللہ عنہ سے فرماتے:قُمْ یا بِلَالُ فَاَرِحْنَا بِالصَّلَاۃِاے بلال!اٹھو اور ہمیں نماز سے راحت پہنچاؤ۔(ابوداود،4 / 385،حدیث:4986)

نماز میں شفا ہے:

6- حضرت ابو ہریرہ رضی اللہ عنہ بیان کرتے ہیں کہ ایک بار میں نماز پڑھ کر سر کار مدینہ ﷺ کے پاس بیٹھ گیا، آپ نے فرمایا:کیا تجھے پیٹ میں درد ہے؟ میں نے عرض کی:جی ہاں ۔ فرمایا:قم فصَلِّ،فَإِنَّ فِي الصَّلاةِ شِفَاء یعنی اٹھو اور نماز پڑھو کیونکہ نماز میں شفا ہے۔(ابن ماجہ،3/98، حدیث:3458)

نماز کے 25مختلف فضائل:

آپ کی زندگی کا ہر لمحہ اور ہر عمل عبادت و بندگی کی عظیم مثال ہے۔ نبیِ کریم ﷺ کی نماز سے محبت ایک روشن چراغ کی مانند ہے جو ہمارے لیے رہنمائی ہے۔ نماز چونکہ دین کا ستون ہےلہٰذا نماز آپ کی حیات مبارکہ میں بہت حیثیت رکھتی تھی۔آیت مبارکہ کا ترجمہ:اَقِمِ الصَّلٰوةَ لِدُلُوْكِ الشَّمْسِ اِلٰى غَسَقِ الَّیْلِ وَ قُرْاٰنَ الْفَجْرِؕ-اِنَّ قُرْاٰنَ الْفَجْرِ كَانَ مَشْهُوْدًا(۷8) (پ15،بنی اسرائیل: 78)ترجمہ:نماز قائم رکھو سورج ڈھلنے سے رات کی اندھیری تک اور صبح کا قرآن بےشک صبح کے قرآن میں فرشتے حاضر ہوتے ہیں۔

قَدْ نَرٰى تَقَلُّبَ وَجْهِكَ فِی السَّمَآءِۚ-فَلَنُوَلِّیَنَّكَ قِبْلَةً تَرْضٰىهَا۪-فَوَلِّ وَجْهَكَ شَطْرَ الْمَسْجِدِ الْحَرَامِؕ-(پ2،البقرۃ:142)ترجمہ:ہم دیکھ رہے ہیں بار بار تمہارا آسمان کی طرف منہ کرنا تو ضرور ہم تمہیں پھیردیں گے اس قبلہ کی طرف جس میں تمہاری خوشی ہے ابھی اپنا منہ پھیر دو مسجد حرام کی طرف۔

آپ کی نماز سے محبت کا اندازہ اس بات سے لگایا جا سکتا ہے کہ نماز آپ کے دل کا سکون اور روح کی راحت تھی۔یہ وہ عمل تھا جس کے ذریعے آپ اللہ پاک سے براہ راست ہم کلام ہوتے ،اپنی حاجات پیش کرتے اور اللہ کی رضا حاصل کرتے تھے۔ آپ کی نماز کے ساتھ اتنی لگن تھی کہ آپ ساری ساری رات عبادت میں مشغول رہا کرتے تھے یہاں تک کہ نماز کو طویل کرنے کی وجہ سے آپ کے قدم شریف سوج جاتے تھے۔

اللہ کریم کے آخری،نبی محمد عربی ﷺ کی نماز سے بہت محبت تھی اور آپ نے نماز کو اپنی آنکھوں کی ٹھنڈک فرمایا۔(معجم کبیر،20 / 420،حدیث:1012)جب نماز کا وقت ہوتا تو حضور ﷺ حضرت بلال رضی اللہ عنہ سے فرماتے: اے بلال! اٹھو !اور ہمیں نماز سے راحت پہنچاؤ!

(ابوداود4/385،حدیث: 4986)

نماز ایک ایسی عبادت جس کی ادائیگی کے بغیر کوئی چارہ نہیں اور نہ ہی اس کی اہمیت سے کوئی مسلمان ناواقف ہے۔ ہر خاص و عام مسلمان نماز کی فرضیت کا اقرار کرتا ہے۔قرآنِ کریم میں متعدد مرتبہ نماز کا ذکر آیا ہے جس سے اس کی اہمیت بخوبی واضح ہوتی ہے۔چنانچہ ایک جگہ رب  ارشاد فرماتا ہے:وَ اَقِیْمُوا الصَّلٰوةَ وَ اٰتُوا الزَّكٰوة(پ1، البقرۃ:43)ترجمہ:نماز قائم رکھو اور زکوۃ دو۔

یہاں نماز قائم کرنے کا واضح حکم ارشاد فرمایا گیا،چنانچہ فرمایا:اِنَّ الصَّلٰوةَ كَانَتْ عَلَى الْمُؤْمِنِیْنَ كِتٰبًا مَّوْقُوْتًا(103) (پ5،النسآء: 103)ترجمہ: بے شک نماز مسلمانوں پر وقت باندھا ہوا فرض ہے۔

اسی طرح کثیر احادیثِ مبارکہ میں نماز کی ترغیب دلائی گئی ہے اور نماز سے حضور ﷺکی محبت ظاہر ہوتی ہے۔جب نماز کا وقت ہوتاتو آقاکریم ﷺ حضرت بلال رضی اللہ عنہ سے فرماتے:قُمْ یا بِلَالُ فَاَرِحْنَا بِالصَّلَاۃِاے بلال!اٹھو اور ہمیں نماز سے راحت پہنچاؤ۔(ابوداود،4 / 385،حدیث:4986)

اللہ کریم کے آخری نبی ﷺ کو نمازسے بہت محبت تھی،آپ نے نماز کو اپنی آنکھوں کی ٹھنڈک فرمایا۔

(معجم کبیر،20 / 420،حدیث:1012)

حضرت عائشہ صِدّیقہ رضی اللہ عنہا فرماتی ہیں:رسولِ کریم ﷺ نماز میں اس قدرقیام فرماتے کہ آپ کے مُبارک پاؤں سُوج جاتے۔(ایک دن)حضرت عائشہ صِدّیقہ رضی اللہ عنہا نے عَرض کی:یارسول اللہ ﷺ!آپ ایسا کر رہے ہیں حالانکہ اللہ کریم نے آپ کے سبب آپ کے اگلوں اور پچھلوں کے گناہ بخش دئیے ہیں!آقا کریم ﷺ نے ارشاد فرمایا: اَفَلَا اَکُوْنُ عَبْدًا شَکُوْرًا کیا میں اللہ پاک کا شکر گزار بندہ نہ بنوں۔ ( مسلم،ص1160،حدیث:7126)

ان احادیثِ مبارکہ سے حضور ﷺ کی نماز سے محبت کا خوب صورت انداز ملتا ہے کہ آپ ﷺ کس قدر ذوق و شوق سے نماز ادا فرماتے تھے ۔ اسی طرح کثیر احادیث میں حضور ﷺ نے نماز کے فضائل بیان فرمائے ہیں۔چنانچہ

حضرت ابو ہریرہ رضی اللہ عنہ سے روایت ہے کہ انہوں نے رسول اللہ ﷺ کو فرماتے ہوئے سنا:سوچو تو سہی اگر تم میں سے کسی کے دروازے پر نہر ہو اور وہ روزانہ اس میں پانچ دفعہ نہائے تو کیا کہتے ہو کہ اس کے جسم پر میل کچیل باقی رہ جائے گا؟ لوگ عرض گزار ہوئے کہ ذرا بھی میل باقی نہیں رہے گا۔ آپ نے فرمایا: یہی پانچوں نمازوں کی مثال ہے کہ ان کے ذریعے اللہ گناہوں کو مٹا دیتا ہے۔(بخاری ،1/196،رقم:528)

اللہ کریم کے آخری نبی ﷺ کو نمازسے بہت محبت تھی،آپ نے نماز کو اپنی آنکھوں کی ٹھنڈک فرمایا۔ (معجم کبیر،20 / 420،حدیث:1012)جب نماز کا وقت ہوتاتو آقاکریم ﷺ حضرت بلال رضی اللہ عنہ سے فرماتے:قُمْ یا بِلَالُ فَاَرِحْنَا بِالصَّلَاۃِاے بلال!اٹھو اور ہمیں نماز سے راحت پہنچاؤ۔

(ابوداود،4 / 385،حدیث:4986)

1-حضرت عمران بن حصین رضی اللہ عنہ نے فرمایا:اُنہوں نے حضرت علی رضی اللہ عنہ کے ساتھ بصرہ میں نماز پڑھی تو اُنہوں نے ہمیں وہ نماز یاد کروا دی جو ہم رسول اللہ ﷺ کے ساتھ پڑھا کرتے تھے۔ بتایا کہ آپ جب بھی اُٹھتے اور جھکتے تو تکبیر کہا کرتے تھے۔(بخاری،1/271،حدیث:751)(مسند بزار9/ 26، حدیث:3532)(سنن کبری للبیہقی،2 / 68،حدیث:2326)

2-حضرت انس بن مالک رضی اللہ عنہ سے روایت ہے کہ حضور نبی اکرم ﷺ،حضرت ابو بکر اور حضرت عمر رضی اللہ عنہما نماز کوالْحَمْدُ لِلَّهِ رَبِّ الْعَالَمِينَسے شروع کیا کرتے تھے۔

(بخاری،1/259،حدیث: 710)( سنن ماثورہ،1 / 135تا138)

3-حضرت عبد اللہ بن مسعود رضی اللہ عنہ کہتے ہیں:میں نے رسول کریم ﷺ سے سوال کیا:اعمال میں سے اللہ کے نزدیک کون سا عمل محبوب ہے؟آپ نے فرمایا:وقت کے اندر نماز پڑھنا۔

(بخاری،1/194،حدیث:527)

4-حضرت علی رضی اللہ عنہ کہتے ہیں کہ رسول الله ﷺکی آخری بات(انتقال کے موقع پر)یہ تھی کہ نماز کا خیال رکھنا،نماز کا خیال رکھنا۔(ابوداود،ص1600،حدیث: 5156)

5-ام المومنین حضرت عائشہ رضی اللہ عنہا بیان کرتی ہیں جب سرکار مدینہ ﷺ کی بارگاہ میں سخت بیماری حاضر ہوئی حضرت بلال رضی اللہ عنہ آپ ﷺ کو نماز کی اطلاع دینے کے لیے حاضر ہوئے تو آپ نے ارشاد فرمایا:ابوبکر سے کہو کہ وہ لوگوں کو جماعت کروائے پھر حضرت ابوبکر رضی اللہ عنہ نماز پڑھانے میں مشغول تھے تو اتنے میں سرکار ﷺ نے مبارک طبیعت میں کچھ بہتری محسوس کی اور دو صحابہ کو سہارے کی سعادت عطا فرما کر مسجد کی جانب تشریف لے چلے، آپ ﷺکے مبارک قدم زمین پر لگ رہے تھے حضرت ابوبکر رضی اللہ عنہ نے آپ ﷺ کے مبارک قدموں کی آہٹ محسوس کی تو پیچھے ہٹنے لگے آپ ﷺ نے ان کو اشارہ کیا کہ پیچھے نہ ہٹیں پھر آپ ﷺ صدیق اکبر رضی اللہ عنہ کے قلب کی جانب بیٹھ گئے،صدیق اکبر رضی اللہ عنہ کھڑے ہو کر اور حضور ﷺ بیٹھ کر نماز پڑھ رہے تھے صدیق اکبر رضی اللہ عنہ حضور کی اقتدا میں نماز پڑھ رہے تھے اور لوگ صدیق اکبر رضی اللہ عنہ کے پیچھے نماز پڑھ رہے تھے ۔

(بخاری،1/284،حدیث:713ملخصاً)

نماز اللہ کی وہ نعمت عُظمٰی ہے کہ جو معراج کے موقع پر حضور ﷺ کو اللہ کی طرف سے تحفہ کی صورت میں ملی۔ اُمتِ محمدیہ سے پہلے کسی اور اُمت کو یہ نعمت نہیں ملی۔اللہ نے قرآنِ کریم کے پارہ 16 سورۂ طٰہٰ، آیت نمبر14 میں ارشاد فرمایا: وَ اَقِمِ الصَّلٰوةَ لِذِكْرِیْ(14)ترجمہ کنزالایمان: اور میری یاد کے لیے نماز قائم رکھ۔تو حضور ﷺ نے حَیات ظاہری کے گیارہ سال چھ ماہ میں تقریباً 20 ہزار نمازیں ادا فرمائیں۔ (درّمختار، 2/6 ماخوذاً) تقریباً 5سو جُمعے ادا کئے۔(مراۃ المناجیح، 2/346)اور عید کی 9 نمازیں پڑھیں۔(سیرِتِ مصطفیٰ،ص249)لہٰذا آپ ساری ساری رات عبادتِ الٰہی میں گزار دیتے ۔

1-اُمُّ المومنین حضرت عائشہ صدیقہ رضی اللہ عنہا فرماتی ہیں کہ حضور ﷺ نماز میں اِس قدر قیام فرماتےکہ آپ کے مبارک پاؤں سُوج جاتے۔ ( مسلم ،ص1160،حدیث7126)

2-اُمُّ المومنین حضرت عائشہ صدیقہ رضی اللہ عنہا سے حضور ﷺ کی رات کی نماز سے متعلق پوچھا گیا کہ حضور ﷺ کا کیا معمول تھا؟ فرماتی ہیں کہ آپ رات کے پہلے حصہ میں سو جاتے، پھر اُٹھ کر قیام فرمایا کرتے،اِس کے بعد جب سحری کا وقت قریب ہوتا تو آپ وتر ادا فرماتے۔

(شمائلِ ترمذی،ص161،حدیث 251)

3-رمضان شریف میں خصوصاً آخری عشرہ میں آپ کی عبادت بہت بڑھ جایا کرتی۔آپ ساری رات بیدار رہتے اور اپنی ازواجِ مطہرات رضی اللہ عنہنَّ سے بے تعلق ہو جایا کرتے۔(تفسیر صراط الجنان،8/377)

ہمارے پیارے آقا ﷺ دونوں جہاں کے سلطان ہونے کے باوجود ہمیشہ عبادت الٰہی میں مشغول رہتے اور نماز کو راحت و سکون کا زریعہ سمجھتے،انتہائی خشوع وخضوع کے ساتھ نماز ادا فرماتے، ہر وقت اللہ کے ذکر میں مصروف رہتے ۔ اتنی عبادت کرنے کے باوجود مزید عبادت کی توفیق کی دعا کرتے ۔یقیناً آقا ﷺ کا ذوقِ عبادت ہمیں ترغیب دیتا ہے کہ ہم بھی نماز سے محبت کریں اور نماز کے ذریعے آقا ﷺ کی آنکھوں کو ٹھنڈک پہنچانے کی کوشش کریں۔ اللہ کی بارگاہ میں دعا ہے کہ ہمیں آقا کریم ﷺ کے ذوقِ عبادت میں سے کچھ حصہ نصیب فرمائے اور استقامت کی توفیق بخشے۔ آمین

اللہ کریم کے آخری نبی ﷺ کو نمازسے بہت محبت تھی،آپ نے نماز کو اپنی آنکھوں کی ٹھنڈک فرمایا۔

(معجم کبیر،20 / 420،حدیث:1012)

جب نماز کا وقت ہوتاتو آقاکریم ﷺ حضرت بلال رضی اللہ عنہ سے فرماتے:قُمْ یا بِلَالُ فَاَرِحْنَا بِالصَّلَاۃِ اے بلال!اٹھو اور ہمیں نماز سے راحت پہنچاؤ۔(ابوداود،4 / 385،حدیث:4986)

نبیِّ پاک ﷺ کی نمازکی کیفیت:

حضرت عبداللہ بن شخیر رضی اللہ عنہ اللہ پاک کے آخری نبی ﷺ کی کیفیتِ نماز کا ذکر کرتے ہوئے فرماتے ہیں:ایک مرتبہ میں اللہ کے آخری نبی ﷺ کی خدمت میں حاضر ہوا تو آپ نماز پڑھ رہے تھے اور رونے کی وجہ سے آپ کے سینے سے ایسی آواز نکل رہی تھی جیسی ہنڈیا کی آواز ہوتی ہے۔

(ابو داود،1 / 342،حدیث:904)

ان دونوں روایات سے رسولِ کریم ﷺ کی نماز سے محبت اور خشوع و خضوع کا اندازہ ہوتا ہے۔

حضرت عائشہ صدیقہ رضی اللہ عنہافرماتی ہیں کہ حضورﷺ کا عمل تھا کہ جب نماز کا وقت ہو جاتا ہے تو ہم سے ایسے لا تعلق ہو جاتے تھے کہ جیسے کوئی شناسائی نہ ہو۔(فیضان نماز، ص283ملخصاً)

حضورﷺ اپنی نماز میں اس قدر قیام فرماتے تھے کہ آپﷺ کے پائے مبارک متورم ہو جاتے تھے۔

(مسلم،ص 1160،حدیث:7126)

حضور اکرمﷺ کا ارشاد ہے:نماز مومن کی معراج ہے۔(مرقاۃ،1/55)

آپﷺ کی نماز میں حد درجے کی محویت تھی گویا کہ آپ کی نماز کامل تھی۔ نفلی نمازوں میں بھی خشیت الٰہی سے اشک بار ہو جاتے اور اللہ کی طرف اتنی لگن اور محبت سے متوجہ ہوتے کہ دنیا کے ہر خیال سے بے نیاز اور بارگاہِ رب العزت کے بالکل قریب ہو جاتے۔ آپ جیسی کامل اور مقبول نماز نہ کوئی پڑھ سکا اور نہ کوئی پڑھ سکے گا۔

آپ تہجد پڑھا کرتے تھے اور شروع میں آپﷺ پر نماز تہجد فرض تھی۔ اس کے کچھ عرصہ بعد صبح و شام آپ نے دو رکعتیں پڑھنا شروع کر دیں۔ اس کا ذکر قرآن پاک میں یوں ہوا ہے:وَ اذْكُرِ اسْمَ رَبِّكَ بُكْرَةً وَّ اَصِیْلًاۖۚ(25) وَ مِنَ الَّیْلِ فَاسْجُدْ لَهٗ وَ سَبِّحْهُ لَیْلًا طَوِیْلًا(26) (پ29،الدھر:26،25 ) ترجمہ:اور اپنے رب کا نام صبح و شام یاد کرواور کچھ رات میں اسے سجدہ کرو اور بڑی رات تک اس کی پاکی بولو۔

حضرت حذیفہ رضی اللہ عنہ فرماتے ہیں کہ ایک رات اللہ پاک کے نبی ﷺ مسجد میں نماز ادا فرما رہے تھے میں نے موقع غنیمت جانا اور آپ کے پیچھے کھڑے ہو کر ابتدا میں نماز شروع کر دی۔اللہ پاک کے رسول، رسولِ مقبول ﷺ نے دورانِ نماز سورۃ البقرہ کی تلاوت شروع فرمائی ،میں دل میں خیال کر رہا تھا کہ حضور کائنات ﷺ سو آیات پڑھ کر رکوع فرما دیں گے لیکن آپ نے سو آیات پڑھ کر رکوع نہیں فرمایا بلکہ آگے پڑھتے گئے، اب میں نے پھر خیال کیا 200 آیات پڑھ کر رکوع فرما دیں گے لیکن آپ نے 200 آیات پر بھی رکوع نہیں فرمایا،اب مجھے خیال آیا کہ حضور اکرم ﷺ پوری سورۃ البقرہ تقریباً اڑھائی پارے ایک ہی رکعت میں پڑھ کر رکوع فرمائیں گے چنانچہ سورۃ البقرہ پوری ہو گئی لیکن اب بھی آپ نے رکوع نہ فرمایا، اب سورۂ ال عمران شروع ہو گئی میں سوچ رہا تھا کہ سورۂ ال عمران پڑھ کر رکوع فرما دیں گے، حضور اکرم ﷺ نے سورۂ ال عمران مکمل کرنے کے بعد سورۃ النسآء شروع کر دی، میں نے سوچا کہ حضور کریم ﷺ سورۃ النسآء پڑھ کر رکوع فرما دیں گے لیکن اب بھی میرا خیال درست نہ تھا،جان ِکائنات ﷺ نے سورۃ النسآء مکمل کی تقریباً سوا پانچ پارے کی تلاوت فرمائی اور سورۃ المائدہ کی تلاوت شروع فرما دی، سورۃ المائدہ کی تلاوت مکمل کرنے کے بعد تقریباً سوا چھ پارے پڑھنے کے بعد رکوع فرمایا۔میں نے سُنا کہ آپ رکوع میں سُبْحَانَ رَبِّیَ الْعَظِیْم پڑھ رہے تھے ، پھر(دوسری رکعت میں آپ نے سورۂ اَنْعَام شروع فرما دی۔

(مصنف عبدالرزّاق ، 2 / 95و96 ، حدیث:2845)

حضرت علی رضی اللہ عنہ سے مروی ہے کہ حضور ﷺ کی آخری گفتگو بھی نماز سے متعلق تھی،آپ نے فرمایا:نماز! نماز! اور اپنے غلاموں کے بارے میں اللہ سے ڈرتے رہنا۔

(ابوداود،ص1600،حدیث: 5156)

آپ ﷺ خود بھی نماز کے جملہ آداب بجا لاتے اور دوسروں کو ان کی تعلیم فرماتے۔چنانچہ

حضرت ابوہریرہ رضی اللہ عنہ سے روایت ہے کہ ایک شخص مسجد میں آیا، رحمت ِ عالم ﷺمسجِد کے ایک کونے میں جلوہ گَر تھے، اس شخص نے نماز پڑھی اور حضورِ اکرم ﷺ کو سلام کیا، اُس سے نبیِّ کریم ﷺ نے فرمایا:وَعَلَیْکَ السَّلَام، لوٹ جاؤ، نماز پڑھو تم نے نماز نہیں پڑھی! وہ لوٹ گیا نماز پڑھی پھر آیا سلام کیا، آپ نے فرمایا: وَ عَلَیْکَ السَّلَام، لوٹ جاؤ، نماز پڑھو تم نے نماز نہیں پڑھی! اس نے دوسری بار یا اس کے بھی بعد عَرض کی: یا رسولَ اللہ ﷺ! مجھے سکھادیجئے۔آپ ﷺ نے فرمایا:جب تم نماز کی طرف اٹھو تو وُضو پورا کرو پھر کعبے کو منہ کرو، پھر تکبیر کہو، پھر جس قدر قرآن آسان ہو پڑھ لو پھر رُکوع کرو یہاں تک کہ رُکوع میں مطمئن ہوجاؤ پھر اٹھو حتّٰی کہ سیدھے کھڑے ہو جاؤ پھر سجدہ کرو یہاں تک کہ سجدے میں مطمئن ہوجاؤ پھر اٹھو یہاں تک کہ اِطمینان سے بیٹھ جاؤ پھر سجدہ کرو یہاں تک کہ سجدے میں مطمئن ہوجاؤ پھر اٹھو یہاں تک کہ اِطمینان سے بیٹھ جاؤ پھر اپنی ساری نماز میں یہی کرو۔(بخاری،4/172،حدیث:6251)

قرآنِ کریم میں بھی سب سے زیادہ جس امر کی طرف اللہ نے توجہ دلائی ہے وہ نماز ہی کا قیام ہے۔چنانچہ آپ نے بھی سب سے زیادہ توجہ اسی امر کی طرف ہی دلائی ہے۔آپ نے نماز کو محبت ِ الٰہی کے حصول کا ذریعہ قرار دیا جبکہ ایک صحابی نے آپ سے پوچھا کہ کون سا عمل خدا کو سب سے زیادہ پسند ہے؟ تو آپ نے فرمایا:اَلصّلَاَۃُ عَلیٰ وَقْتِھَا وقت پر نماز پڑھنا۔(بخاری،ص44،حدیث:528)پھر نماز کو گناہوں کا کفارہ قرار دیتے ہوئے فرماتے ہیں:إِنَّ الْعَبْدَ الْمُسْلِمَ لَيُصَلِّي الصَّلَاةَ يُرِيدُ بِهَا وَجْهَ اللهِ، فَتَهَافَتُ عَنْهُ ذُنُوبُهُ كَمَا يَتَهَافَتُ هَذَا الْوَرَقُ عَنْ هَذِهِ الشَّجَرَةجب مسلمان اللہ کی رضا مندی حاصل کرنے کے لیے نماز پڑھتا ہے تو اس کے گناہ اسی طرح جھڑ جاتے ہیں جس طرح اس درخت سے پتے جھڑ رہے ہیں۔

(مسند احمد،9 / 178، حدیث:23768)

ایک موقع پر آپ نے نمازوں کی اہمیت کو ایک مثال دے کر واضح فرمایا: سوچو تو سہی اگر تم میں سے کسی کے دروازے پر نہر ہو اور وہ روزانہ اس میں پانچ دفعہ نہائے تو کیا کہتے ہو کہ اس کے جسم پر میل کچیل باقی رہ جائے گا؟ لوگ عرض گزار ہوئے کہ ذرا بھی میل باقی نہیں رہے گا۔ آپ نے فرمایا: یہی پانچوں نمازوں کی مثال ہے کہ ان کے ذریعے اللہ گناہوں کو مٹا دیتا ہے۔(بخاری ،1/196،رقم:528)

   آقا کریم ﷺ کو نماز سے بہت محبت و لگاؤ تھا۔ حضورﷺ خود بھی نہایت اشتیاق و رغبت سے نماز پڑھتے تھے اور اپنی امت کو بھی نماز کی اہمیت و برکات سے آگاہ فرمایا چنانچہ اس مضمون میں ہم اللہ کے آخری نبی ﷺ کی نماز سے محبت کے مختلف پہلوؤں پر روشنی ڈالیں گی۔

آخری نبیﷺ کی آنکھوں کی ٹھنڈک:حضور جانِ عالم ﷺ نے نماز کو اپنی آنکھوں کی ٹھنڈک فرمایا۔ (معجم کبیر،20/420،حدیث:1012)نیز جب نماز کا وقت ہوتا تو آقاکریم ﷺ حضرت بلال رضی اللہ عنہ سے فرماتے: قُمْ یا بِلَالُ فَاَرِحْنَا بِالصَّلَاۃِاے بلال!اٹھو اور ہمیں نماز سے راحت پہنچاؤ۔

(ابوداود، 4/385،حدیث:4986)

نماز کی اہمیت:اسلامی تعلیمات کے مطابق نماز کے تمام لوازمات کے ساتھ اس کو ادا کرنا اللہ پاک اور اس کے پیارے آخری نبی ﷺ کی خوشنودی کا بھی ذریعہ ہے چنانچہ اللہ کے آخری نبی ﷺ نے فرمایا: رات کو نماز پڑھو،اس حال میں کہ لوگ سو رہے ہوں(اس کے بدلے)تم سلامتی کے ساتھ جنت میں چلے جاؤ گے۔ (ابن ماجہ،2/127،حدیث:1334)

حضورِ اقدسﷺ کا نماز میں خشوع وخضوع:حضرت عائشہ صدیقہ رضی الله عنہا فرماتی ہیں:سرکار نامدار ﷺ ہم سے اور ہم آپ سے گفتگو کر رہے ہوتے لیکن جب نماز کا وقت ہوتا تو(آپ ایسے ہوجاتے)گویا آپ ہمیں نہیں پہچانتے اور ہم آپ کو نہیں پہچانتے۔(فیضان نماز، ص283)

حضرت عائشہ صِدّیقہ رضی اللہ عنہا مزید فرماتی ہیں: رسولِ کریم ﷺ نماز میں اس قدر قیام فرماتے کہ آپ ﷺ کے مُبارک پاؤں سُوج جاتے۔(ایک دن)حضرت عائشہ صِدّیقہ رضی اللہ عنہا نے عَرض کی: یارسول اللہ ﷺ! آپ ایسا کر رہے ہیں؟حالانکہ اللہ کریم نے آپ کے سبب آپ کے اگلوں اور پچھلوں کے گناہ بخش دئیے ہیں۔آقا کریم ﷺ نے ارشاد فرمایا: اَفَلَا اَکُوْنُ عَبْدًا شَکُوْرًا کیا میں اللہ پاک کا شکر گزار بندہ نہ بنوں؟(مسلم،ص 1160،حدیث:7126)