دعوتِ اسلامی کے تحت گزشتہ روز صوبۂ سندھ کی تحصیل کنری میں دینی کام کرنے والی ذمہ دار  اسلامی بہنوں کا مدنی مشورہ ہوا جس میں یوسی تا ڈویژن نگران کی اسلامی بہنوں سمیت تمام شعبہ جات کی ذمہ داران شریک ہوئیں۔

نگرانِ عالمی مجلسِ مشاورت اسلامی بہن نے ذمہ داران سے گفتگو کرتے ہوئے اسلامی بہنوں کے 8 دینی کاموں کا جائزہ لیا نیز ذمہ داران کو پیش آنے والے مسائل کا حل بتایا اور سالانہ ڈونیشن کے علاوہ ہفتہ وار سنتوں بھرے اجتماع کے اہداف پر کلام کیا۔

دعوتِ اسلامی کے سابقہ نگرانِ شوریٰ مرحوم حاجی مشتاق عطاری کے ایصالِ ثواب کے لئے19 مارچ 2023ء بروز اتوار بابری چوک کراچی کی جامع مسجد کنزالایمان میں سنتوں بھرے اجتماع کا انعقاد کیا گیا جس میں عاشقانِ رسول کی کثیر تعداد میں شرکت ہوئی۔

تلاوتِ قراٰن اور نعت شریف کےبعد دعوتِ اسلامی کی مرکزی مجلسِ شوریٰ کے رکن مولانا حاجی عبد الحبیب عطاری نے سنتوں بھرا بیان کیا اور اسلامی بھائیوں کی دینی و اخلاقی اعتبار سے تربیت کی۔

رکنِ شوریٰ نے اسلامی بھائیوں کو دعوتِ اسلامی کے دینی کاموں میں بڑھ چڑھ کر حصہ لینے اور اسلامی تعلیمات کے مطابق اپنی زندگی گزارنے کا ذہن دیا جس پر انہوں نے اچھی اچھی نیتوں کا اظہار کیا۔ (کانٹینٹ:غیاث الدین عطاری)

خیابان پٹنی گلشن معمار کراچی میں جامع مسجد عثمانِ غنی کے افتتاح کے موقع پر دعوتِ اسلامی کے زیرِا ہتمام19 مارچ 2023ء بروز اتوار ایک تقریب کا انعقاد کیا گیا جس میں قرب و جوار کے کثیر عاشقانِ رسول  نے شرکت کی۔

معلومات کے مطابق دعوتِ اسلامی کی مرکزی مجلسِ شوریٰ کے رکن مولانا حاجی عبد الحبیب عطاری نے نمازِ مغرب سے مسجد کا افتتاح کیا ۔بعد نمازِ مغرب رکنِ شوریٰ نے عاشقانِ رسول کے درمیان سنتوں بھرا بیان کیا۔

بعدازاں رکنِ شوریٰ نے اسلامی بھائیوں کی تربیت و رہنمائی کی اور انہیں دعوتِ اسلامی کے دینی کاموں میں عملی طور پر حصہ لینے کی ترغیب دلائی جس پر انہوں نے اچھی اچھی نیتیں کیں۔ (کانٹینٹ:غیاث الدین عطاری)

میمن گوٹھ کراچی میں جامع مسجد غنی سلیمان کے افتتاح کے موقع پر دعوتِ اسلامی کے زیرِا ہتمام ایک تقریب کا انعقاد کیا گیا جس میں قرب و جوار کے کثیر اسلامی بھائیوں  نے شرکت کی۔

دعوتِ اسلامی کی مرکزی مجلسِ شوریٰ کے رکن مولانا حاجی عبد الحبیب عطاری نے اذانِ عصر سے مسجد کا افتتاح کیا اور نمازِ عصر پڑھائی۔بعد نمازِ عصر رکنِ شوریٰ مولانا حاجی عبد الحبیب عطاری نے سنتوں بھرا بیان کرتے ہوئے وہاں موجود اسلامی بھائیوں کو نمازوں کی پابندی کرنے کا ذہن دیا۔

لاہور پنجاب کے علاقے پاجیاں، بحریہ آرچرڈ میں دعوتِ اسلامی کے تحت ماہِ رمضانُ المبارک کی آمد کے سلسلے میں استقبالِ رمضان اجتماع کا انعقاد کیا گیا جس میں قرب و جوار کے کثیر اسلامی بھائیوں نے شرکت کی۔

قراٰنِ کریم کی تلاوت سے اس اجتماعِ پاک کا آغاز ہوا اور نعت خواں اسلامی بھائی نے حضور سرورِ کائنات صلی اللہ علیہ و سلم کی بارگاہ میں نذرانۂ عقیدت پیش کیا۔

مرکزی مجلسِ شوریٰ کے رکن حاجی یعفور رضا عطاری نے ”زوال کے اسباب اور رمضانُ المبارک میں عبادت“ کے موضوع پر بیان کیا اور اسلامی بھائیوں کی دینی و اخلاقی اعتبار سے تربیت کی۔

دورانِ بیان رکنِ شوریٰ نے شرکا کو عالمی مدنی مرکز فیضانِ مدینہ کراچی اور مدنی مرکز فیضانِ مدینہ جوہر ٹاؤن لاہور میں ایک ماہ و آخری عشرے کا اعتکاف کرنے، ماہِ رمضان کے پورے روزے رکھنے، پانچوں نمازیں باجماعت ادا کرنے اور دعوتِ اسلامی کے اخراجات کو پورا کرنے کے لئے عطیات دینے کی ترغیب دلائی ۔(کانٹینٹ:غیاث الدین عطاری)

19 مارچ 2023ء بروز اتوار کراچی سندھ میں واقع دعوتِ اسلامی کے عالمی مدنی مرکز فیضانِ مدینہ کراچی میں ایک میٹ اپ ہوا جس میں شخصیات اسلامی بھائیوں نے شرکت کی۔

مرکزی مجلسِ شوریٰ کے رکن حاجی محمد امین عطاری نے سنتوں بھرا بیان کیا اور شخصیات کو دعوتِ اسلامی کے دینی و فلاحی کاموں کے بارے میں بتایا۔(کانٹینٹ:غیاث الدین عطاری)

کوئٹہ بلوچستان کی جامع مسجد کنزالایمان میں شعبہ مدنی قافلہ دعوتِ اسلامی کے تحت مدنی مشورے کا انعقاد ہوا جس میں شعبے کے اہم ذمہ دار اسلامی بھائیوں نے شرکت کی۔

دورانِ مدنی مشورہ مرکزی مجلسِ شوریٰ کے رکن حاجی قاری محمد ایاز عطاری نے دعوتِ اسلامی کے دینی کاموں کے حوالے سے گفتگو کرتے ہوئے رمضانُ المبارک میں ہونے والے ایک ماہ اور آخرے عشرے کے اعتکاف کی تیاریوں کا جائزہ لیا۔

رکنِ شوریٰ نے زیادہ سے زیادہ عاشقانِ رسول کو اعتکاف میں بیٹھانے کے لئے مزید کوشش کرنے کا ذہن دیا اور مختلف موضوعات پر کلام کیا۔

مدنی مشورے میں ایک ماہ کے اعتکاف کے لئے اب تک نمایاں کوشش کرنے والے ذمہ داران کو تحائف بھی دیئے گئے۔ (کانٹینٹ:غیاث الدین عطاری)

ملتان ڈویژن تحصیل کہروڑ پکا میں  صوبائی ذمہ دار شعبہ مزارات اولیا محمد انعام عطاری نے پیر سید محمود الحسن گیلانی صاحب کے مزار شریف پر حاضری دی۔ ڈویژن ذمہ دار سید احمد کمال عطاری بھی ساتھ تھے۔

بعدازاں صوبائی ذمہ دار نے سجادۂ نشین صاحبزادۂ پیر شہزادعلی شاہ گیلانی سے ملاقات کی اور ان کو دعوتِ اسلامی کے شعبہ جات میں ہونے والے دینی اور فلاحی کاموں کا تعارف پیش کیا جس پر انھوں نے دعوتِ اسلامی کے دینی کاموں کو سراہا اور امیر اہل سنت کے بارے میں محبت بھرے جذبات کا اظہار کیا۔

علاوہ ازیں ذمہ داران نے محمود الحسن گیلانی صاحب کو مدنی مرکز فیضان مدینہ جوہر ٹاؤن لاہور وزٹ کرنے کی دعوت دی جس پر انہوں نے دعوت قبول کی اور وقت بھی دیا نیز آنے والے سالانہ عرس پر زائرین میں مدنی کورسز کروانے کی خواہش کا اظہار کیا۔ ( کانٹینٹ: رمضان رضا عطاری)

صوبۂ پنجاب کے شہر ننکانہ میں واقع دعوتِ اسلامی کے مدنی مرکز فیضانِ مدینہ میں ننکانہ ڈسٹرکٹ کے ذمہ داران کا مدنی مشورہ ہوا جس میں نگرانِ ڈسٹرکٹ مشاورت، نگرانِ تحصیل مشاورت اور ڈسٹرکٹ سطح  کے شعبہ جات کے ذمہ دار اسلامی بھائیوں نے شرکت کی۔

اس مدنی مشورے میں مرکزی مجلسِ شوریٰ کے رکن حاجی یعفور رضا عطاری نے ذمہ داران کی تربیت کرتے ہوئے عاشقانِ رسول کو ایک ماہ کے لئے عالمی مدنی مرکز فیضانِ مدینہ کراچی اور مدنی مرکز فیضانِ مدینہ جوہر ٹاؤن لاہور میں اعتکاف کروانے کا ذہن دیا۔

دعوت اسلامی کے زیر ِاہتمام 20 مارچ2023ء بروز پیر فیضان آن لائن اکیڈمی بوائز کی ستیانہ روڑ فیصل آباد میں قائم برانچ میں مدنی مشورہ ہوا جس میں شفٹ ناظمین، برانچ ناظمین اور دیگر ذمہ داران نے شرکت کی۔

نگران مجلس فیضان آن لائن اکیڈمی مولانا محمد یاسر عطاری مدنی ورکن مجلس سید غلام الیاس عطاری نے استقبال ماہ رمضان، مدنی عطیات اور رمضان اعتکاف کروانے کے سلسلے میں شرکا کی تربیت کی ۔( رپورٹ: سید شکیل عطاری برانچ ناظم ، کانٹینٹ:رمضان رضا عطاری) 

صوبۂ بلوچستان کے شہر کوئٹہ میں قائم جامع مسجد کنزالایمان میں عاشقانِ رسول کی دینی تحریک دعوتِ اسلامی کے تحت مدنی مشورہ ہوا جس میں بلوچستان مشاورت، شعبہ عشر، شعبہ عطیات بکس اور فنانس ڈیپارٹمنٹ کے صوبائی ذمہ دار اسلامی بھائیوں نے شرکت کی۔

دعوتِ اسلامی کی مرکزی مجلسِ شوریٰ کے رکن حاجی قاری محمد ایاز عطاری نے 12 دینی کاموں سے متعلق گفتگو کرتے ہوئے ذمہ داران کو رمضانُ المبارک کے پورے مہینے اور آخری عشرے میں زیادہ سے زیادہ عاشقانِ رسول کو اعتکاف میں بیٹھانےنیز پچھلے سال سے زیادہ عطیات جمع کروانے کی ترغیب دلائی جس پر انہوں نے اچھی اچھی نیتیں کیں۔(کانٹینٹ:غیاث الدین عطاری)

شعبہ رابطہ برائےتاجران دعوت اسلامی کی جانب سے تحصیل علی پورمیں مدنی مشورے کا اہتمام کیاگیا جس میں شعبہ ذمہ داراسلامی بھائیوں نے  شرکت کی۔

صوبائی ذمہ داراویس عطاری نے اسلامی بھائیوں کو رمضان المبارک میں مارکیٹس میں نیکی کی دعوت کی دھومیں مچانےکا ذہن دیتے ہوئے خوب خوب مدنی عطیات جمع کرنےکی ترغیب دلائی۔ اس کے علاوہ مارکیٹ میں فطرےکےبستےلگانے کے ا ہداف دیئے جس پر شرکانے نیک خیالات کا اظہار کیا۔( کانٹینٹ: رمضان رضا عطاری)