14 فروری 2026ء مطابق 26 شعبانُ المعظم 1447ھ کی شب دعوتِ اسلامی کے  عالمی مدنی مرکز فیضانِ مدینہ کراچی میں ہفتہ وار مدنی مذاکرے کا اہتمام کیا گیا جس میں عاشقانِ رسول کی کثیر تعداد نے شرکت کی۔

مدنی مذاکرے کے دوران عاشقانِ رسول نے دینی، اخلاقی اور شرعی امور کے حوالے سے مختلف سوالات کئے جن کے شیخِ طریقت، امیرِ اَہلِ سنّت، بانیِ دعوتِ اسلامی حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہ نے علم و حکمت بھرے جوابات عطا کئے۔

بعض سوال و جواب

سوال:ایک پوسٹ میں لکھا ہواتھا :کہ آدمی کو مرتے دم تک زندہ رہنا چاہیئے اوراس کے کردارکو مرنے کے بعد بھی زندہ رہنا چاہیئے،اس بارے میں آپ کیافرماتے ہیں ؟

جواب: اس کا یہ معنی ہوسکتاہے کہ بندےکو مرتے دم تک زندہ دل رہنا چاہیئے ، کردارایساصاف سُتھرا ہو اور زندگی اچھائی میں گزارے کہ مرنے کے بعد اسے بھلائی اورنیک نامی کے ساتھ یاد کیاجائے ۔

سوال:اگر کسی حافظِ قراٰن کونظرکی کمزوری کی وجہ سے عینک لگی ہواورلوگ اُسے کہتے ہوں کہ حفظِ قراٰن کی وجہ سے نظرکمزورہوئی ہے ،اس بارے میں آپ کیافرماتے ہیں ؟

جواب: یہ غلط فہمی ہے ،ایسا نہیں کہنا چاہیئے کہ اس سے حافظ صاحب کو بُرالگے گا،اس طرح کہنے سے توبہ کرنی چاہیئے ۔حفظِ قرآن کی وجہ سے نظر کمزورنہیں ہوتی ،بزرگوں کا قول ہے کہ قراٰنِ کریم کا دِیدارکرنے سے نظرتیزہوتی ہے ۔ کمپیوٹر یا موبائل کی اسکرین پر اگرقراٰنِ کریم پڑھیں گے تواس سے نظر کمزور ہوسکتی ہے بالخصوص جب اس کی لائٹ تیز ہو یا کمرے میں اندھیراہوتو اب بھی اسکرین کی لائٹ آنکھوں کے لئے خطرناک ہے ۔ہرچیز کی ایک حدہوتی ہے ،جب اسے حدسے زیادہ استعمال کریں گے تونقصان ہوگا۔

سوال: کیا موقع ملنے کے باوجود بھی نمازِتہجدنہ پڑھنامحرومی ہے ؟

جواب:لوگوں میں عبادت کا جذبہ کم ہے ،کئی لوگوں کو موقع بھی ملتاہے مگروہ نمازِتہجدنہیں پڑھتے ،یہ محرومی ہے ۔نیت سچی تھی مگرجاگ نہ سکا اورتہجدکی نمازنہ پڑھ سکاتوتہجدکی سچی نیت کی وجہ سے تہجدکا ثواب پائے گا۔ان شاء اللہ الکریم

سوال: ہرکمال را زوال کا کیا معنی ہے ؟

جواب: ہرکمال را زوال (را۔زوال) کا معنی ہے کہ ہرکمال کو زوال ہے مگرجسے اللہ پاک عزت دے تو اس کی عزت کو زوال نہیں جیسے حضورغوثِ اعظم شیخ عبدالقادر جیلانی رحمۃ اللہ علیہ کی عزت اب بھی ہمارے دلوں میں ہے ۔

سوال: دعوتِ اسلامی کے بارے میں آپ کے کیاجذبات ہیں ؟

جواب:دعوتِ اسلامی بہت بڑی نعمت ہے ،دعوتِ اسلامی دعوت اسلامی ہے ،اے دعوت اسلامی تیری دُھوم مچی ہے ۔

سوال:کیا سرسوں کا تیل(Mustard Oil) کھانے میں استعمال کرسکتے ہیں ؟

جواب: جی کرسکتے ہیں اوراستعمال کرنابھی چاہیئے ،اس کے کئی فوائدہیں ،آنکھوں اور چہرے کے علاوہ سارے جسم پر سرسوں کا تیل مَل لیاجائے تو خارش کے لئے مفیدہے ۔مگریادرکھیں! کوئی بھی علاج کرنا ہوتو اپنے حکیم/ڈاکٹر سے مشورہ ضرورکریں۔

سوال: ماہنامہ خواتین(دعوتِ اسلامی) کااسپیشل(Special) شمارہ ’’خواتین کے لئے اُسوۂ رسول ‘‘کے بارے میں امیراہل سنت دامت برکاتہم العالیہ نے کیا فرمایا ؟

جواب:یہ اسلامی بھائیوں ،اسلامی بہنوں ،بچوں اور بوڑھوں سبھی کے لئے مفیدہے،یہ ضرورلیں،پڑھیں اورگھر میں رکھیں۔25فروری 2026 تک مکتبۃ المدینہ سے 20 فیصد رعایت پر لے سکتے ہیں ۔

سوال: اِس ہفتے کارِسالہ ’’ ماہِ رمضان ماہِ نیک اعمال ‘‘پڑھنے یا سُننے والوں کو امیر اہل سنت دامت برکاتہم العالیہ نے کیا دُعا دی ؟

دعوتِ اسلامی لوگوں کو گناہوں سے بچانے،  انہیں نیکیوں میں مشغول رکھنے اور شریعتِ مطہرہ کی روشنی میں اُن کی دینی و اخلاقی اور شرعی رہنمائی کرنے کے لئے مختلف مواقع پر اجتماعات، مدنی مذاکرے ، سیشنز اور پروگرامز کا انعقاد کرتی ہے۔

ہر سال کی طرح اس سال بھی دعوتِ اسلامی کے زیرِ اہتمام رمضانُ المبارک کی برکتیں اور رحمتیں سمیٹنے کے لئے 18 فروری 2026ء بروز بدھ سے عالمی مدنی مرکز فیضانِ مدینہ کراچی میں روزانہ 2 مدنی مذاکرے کا انعقاد کیا جائے گا جس میں ماہِ رمضانُ المبارک کے 30 دن کا اعتکاف کرنے والے عاشقانِ رسول کے علاوہ مختلف علاقوں سے آنے والے اسلامی بھائی شرکت کریں گے۔

معلومات کے مطابق پہلا مدنی مذاکرہ بعد نمازِ عصر تقریباً 05:40 پر اور دوسرا مدنی مذاکرہ بعد نمازِ تراویح رات تقریباً 10:45 پر شروع ہو جائے گا جن میں تلاوت و نعت کے بعد نماز و روزے سمیت دینِ اسلام کے ضروری مسائل بیان کئے جائیں گے جبکہ مناجاتِ افطار کا سلسلہ بھی ہوگا۔

ان مدنی مذاکروں میں خصوصی طور پر عاشقِ رمضان، شیخِ طریقت، امیرِ اَہلِ سنّت، بانیِ دعوتِ اسلامی حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہ عاشقانِ رسول کی جانب سے ہونے والے سوالات کے جوابات ارشاد فرمائیں گے اور حاضرین سمیت مدنی چینل کے ناظرین کو مدنی پھولوں سے نوازیں گے۔

عصرِ حاضر میں جہاں میڈیا کو ذہن سازی کا سب سے طاقتور وسیلہ سمجھا جاتا ہے، وہیں ”مدنی چینل“ نے الیکٹرانک میڈیا کو دینِ اسلام کی ترویج و اشاعت کے لئے بھرپور انداز میں استعمال کرتے ہوئے ایک منفرد مثال قائم کی ہے۔ یہ چینل شب و روز قرآن و سنت کی تعلیمات عام کرنے، عقائد و اعمال کی اصلاح اور مسلمانوں کو سنتوں بھری زندگی اپنانے کی ترغیب دینے میں مصروفِ عمل ہے۔

مدنی چینل کی سب سے نمایاں خدمت یہ ہے کہ اس نے دین کو عام فہم انداز میں ہر عمر اور ہر طبقے تک پہنچایا۔ علمائے کرام کے ایمان افروز بیانات، دروسِ قرآن و حدیث، فقہی رہنمائی، اصلاحی پروگرامز اور بچوں و خواتین کے لئے خصوصی نشریات کے ذریعے معاشرے کے مختلف طبقات کی دینی تربیت کا اہتمام کیا جاتا ہے۔

ماہِ رمضان المبارک 1447ھ کے بابرکت ایام میں مدنی چینل پر شروع ہونے جارہا ہے اسپیشل پروگرام ”دعائے خاتم النبیین صلَّی اللہ علیہ واٰلہٖ وسلَّم“ جو یکم رمضان المبارک سے چاند رات تک روزانہ بعد از افطار نشر کیا جائے گا۔ اس پروگرام کی ہوسٹنگ”خلیفۂ امیر اہلسنت مولانا حاجی عبید رضا عطاری مدنی مُدَّ ظِلُّہُ العالی “ فرمائیں گے۔

اس پروگرام کو نشر کرنے کا مقصد ماہِ صیام کی نورانی ساعتوں میں عاشقانِ رسول کو بارگاہِ رسالت صلَّی اللہ علیہ واٰلہٖ وسلَّم میں درود و سلام اور دعاؤں کے ذریعے روحانی ترقی عطا کرنا اور سنتوں بھرے اعمال کی ترغیب دینا ہے۔ پروگرام میں ایمان افروز کلمات، دعائیہ مناجات اور اصلاحِ اعمال کے حوالے سے رہنمائی فراہم کی جائے گی تاکہ ناظرین رمضان المبارک کی برکتوں سے بھرپور استفادہ کرسکیں۔

”دعائے خاتم النبیین صلَّی اللہ علیہ واٰلہٖ وسلَّم“ کو مختلف ڈیجیٹل و سوشل میڈیا پلیٹ فارمز پر نشر کیا جائے گا جس کے ذریعے دنیا بھر میں موجود اسلامی بھائی اوراسلامی بہنیں اس بابرکت سلسلے میں شریک ہوسکیں گے۔

ماہِ رمضان المبارک مسلمانوں کے لئے رحمت، مغفرت اور جہنم سے نجات کا مہینہ ہے اور ایسے مقدس مہینے میں دعاؤں اور ذکر و درود کی محافل ایمان کو تازگی بخشنے کا مؤثر ذریعہ ثابت ہوتی ہیں۔

دعوتِ اسلامی کے اسپیشل پرسنز ڈیپارٹمنٹ کے تحت اسلام آباد کے علاقے کھنہ پل میں ایک اسپیشل پرسن کی دوکان پر سیکھنے سکھانے کا حلقہ لگایا گیا جس میں بلائنڈ اسلامی بھائی آصف عطاری اور صوبائی ذمہ دار بدر شفیق عطاری نے شرکت کی۔

اس موقع پر حلقے موجود نگرانِ اسپیشل پرسنز ڈیپارٹمنٹ عمیر ہاشمی عطاری نے اشاروں کی زبان میں اسپیشل پرسنز کو دعوتِ اسلامی کے ہفتہ وار سنتوں بھرے اجتماع میں شرکت کرنے اور رمضانُ المبارک میں اعتکاف کرنے کی ترغیب دلائی۔(رپورٹ: کامران عطاری صوبائی ذمہ دار اسپیشل پرسنز ڈیپارٹمنٹ ، کانٹینٹ:غیاث الدین عطاری)

بارہ کہو، اسلام آباد میں اسپیشل پرسنز ڈیپارٹمنٹ دعوتِ اسلامی کے تحت علاقائی دورہ برائے برائے نیکی کی دعوت کا سلسلہ ہوا جس میں صوبائی ذمہ داران کامران عطاری اور بدر شفیق عطاری نے مختلف شعبوں سے وابستہ اسپیشل پرسنز سے ملاقات کی۔

صوبائی ذمہ داران نے اسپیشل پرسنز کو نیکی کی دعوت دیتے ہوئے انہیں دعوتِ اسلامی کے ہفتہ وار اجتماع میں شرکت کرنے اور رمضانُ المبارک میں اعتکاف کرنے کا ذہن دیا۔

بعدازاں دعوتِ اسلامی کے دینی کاموں کو مزید بڑھانے کے لئے ایک اسلامی بھائی کے دفتر میں اسپیشل پرسنز سے مدنی مشورہ بھی ہوا جس میں مختلف نکات پر مشاورت ہوئی۔(رپورٹ: اسپیشل پرسنز ڈیپارٹمنٹ ، کانٹینٹ:غیاث الدین عطاری)

دارالمدینہ انٹرنیشنل یونیورسٹی  تعلیم کے ذریعے سماجی طور پر ذمہ دار اور اخلاقی بنیاد رکھنے والے افراد کی پرورش کرنے والا دعوتِ اسلامی کا تعلیمی ادارہ ہے جس کے تحت مختلف ڈیپارٹمنٹس قائم ہیں۔

دارالمدینہ انٹرنیشنل یونیورسٹی نے یومِ یکجہتی کشمیر کے موقع پر اسلام آباد کیمپس میں ”کشمیر امن اور یکجہتی کا سبب“ کے عنوان پر ایک سیمینار کا انعقاد کیا جس میں مہمانِ خصوصی چیئرمین کشمیر کمیٹی، حکومتِ پاکستان رانا محمد قاسم نون تھے۔

10 فروری 2026ء کو فیصل آباد، پنجاب میں قائم کنزالمدارس بورڈ میں یونیورسٹی  آف ایگریکلچر فیصل آباد (UAF) کے نمائندگان اور ایجوکیشن ڈیپارٹمنٹ دعوتِ اسلامی کے ذمہ داران کی ایک اہم میٹنگ منعقد ہوئی جس میں ادارتی تعاون و قومی ترقی کے حوالے سے گفتگو کی گئی۔

اس میٹنگ میں رکنِ شوریٰ و صدر کنزالمدارس بورڈ مولانا جنید عطاری مدنی اور یونیورسٹی آف ایگریکلچر فیصل آباد کے وائس چانسلر پروفیسر ڈاکٹر ذوالفقار علی سمیت ذمہ داران اور اس شعبے سے تعلق رکھنے والے دیگر افراد موجود تھے۔

اس دوران رکنِ شوریٰ مولانا جنید عطاری مدنی اور وائس چانسلر پروفیسر ڈاکٹر ذوالفقار علی نے چند اہم امور پر مشاورت کی جس میں انہوں نے اپنے ادارے سمیت قومی ترقی کے بارے میں بھی تبادلۂ خیال کیا۔

میٹنگ کے اختتام پر رکنِ شوریٰ مولانا جنید عطاری مدنی کے ہاتھوں وائس چانسلر پروفیسر ڈاکٹر ذوالفقار علی اور اُن کی ٹیم کو ”GUEST OF HONOR “ بھی پیش کیا گیا جس پر انہوں نے خوشی کا اظہار کیا۔(رپورٹ:ابراراحمد کیمرہ مین سوشل میڈیا ڈیپارٹمنٹ کنزالمدارس بورڈ فیصل آباد، کانٹینٹ:غیاث الدین عطاری)

پچھلے دنوں دعوتِ اسلامی کے اسپیشل پرسنز ڈیپارٹمنٹ کے تحت مختلف دینی ایکٹیویٹیز کے حوالے سے   چکوال میں ذمہ دار اسلامی بھائیوں کی اسپیشل پرسنز سے ملاقات ہوئی۔

اس موقع پر صوبائی ذمہ دار پنجاب وقاص عطاری نے ملاقات کے دوران اسپیشل پرسنز کو نماز و روزے کی پابندی کرنے کا ذہن دیتے ہوئے خود کو اور اپنی سوچ کو بدلنے کے حوالے سے اُن کی رہنمائی کی۔

اس کے علاوہ صوبائی ذمہ دار نے اسپیشل پرسنز کو دعوتِ اسلامی کے ہفتہ وار سنتوں بھرے اجتماع سمیت دیگر دینی کاموں میں شرکت کرنے کی ترغیب دلائی جس پر انہوں نے اچھی اچھی نیتوں کا اظہار کیا۔(رپورٹ: عبدالقیوم عطاری ڈویژن ذمہ دار اسپیشل پرسنز ڈیپارٹمنٹ ، کانٹینٹ:غیاث الدین عطاری)

اسپیشل پرسنز ڈیپارٹمنٹ دعوتِ اسلامی کے تحت ڈسٹرکٹ جہلم کی تحصیل دینہ میں اسپیشل پرسنز کی دینی و  اخلاقی تربیت کرنے کے لئے سیکھنے سکھانے کا حلقہ لگایا گیا جس میں ذمہ داران نے شرکت کی۔

راولپنڈی ڈویژن ذمہ دار عبد القیوم عطاری اور تحصیل ذمہ دار دینہ عاطف عطاری نے ”معاشرے میں کیسے رہنا ہے؟“ کے حوالے سے اسپیشل پرسنز کی رہنمائی کی اور انہیں سوشل میڈیا کے نقصانات سے آگاہ کیا۔

دعوتِ اسلامی کے تحت نیکی کی دعوت  کو عام کرنے کے سلسلے میں اسپیشل پرسنز ڈیپارٹمنٹ کے ذمہ دار اسلامی بھائیوں نے وہاڑی، پنجاب کے مختلف علاقوں میں اسپیشل پرسنز سے ملاقات کی۔

ذمہ دار اسلامی بھائیوں نے اسپیشل پرسنز کو اشاروں کی زبان میں 1 ماہ کا اعتکاف کرنے اور دعوتِ اسلامی کے ہفتہ وار سنتوں بھرے اجتماع میں پابندی کے ساتھ شرکت کرنے کا ذہن دیا جس پر انہوں نے اچھی اچھی نیتیں کیں۔(رپورٹ: اسپیشل پرسنز ڈیپارٹمنٹ ، کانٹینٹ:غیاث الدین عطاری)

6 فروری 2026ء کو دعوتِ اسلامی کے دینی کاموں کے سلسلے میں اسپیشل پرسنز ڈیپارٹمنٹ کے ذمہ دار اسلامی بھائیوں نے ڈسٹرکٹ جوڈیشل کمپلیکس، اسلام آباد (District Judicial Complex, Islamabad) کے نابینا وکیل اسد کھوکھر سےاُن کی رہائش گاہ پر ملاقات کی۔

صوبائی ذمہ دار کامران عطاری، بلائنڈ ٹیچر عرفان عطاری اور آصف عطاری نے اسد کھوکھر سے ملاقات کے دوران انہیں اسپیشل پرسنز ڈیپارٹمنٹ کا تعارف کرواتے ہوئے مختلف ایکٹیویٹیز کے بارے میں بریفنگ دی جن میں مدرسۃالمدینہ نابینا افراد، ہفتہ وار اجتماع کے حلقے اور عالمی سطح پر ہونے والی دیگر دینی و فلاحی خدمات شامل تھیں۔

آخر میں صوبائی ذمہ دار نے اسد کھوکھر کو دعوتِ اسلامی کے ہفتہ وار سنتوں بھرے اجتماع میں شرکت کرنے اور ماہِ رمضانُ المبارک میں اعتکاف کرنے کا ذہن دیا جس پر انہوں نے اچھی اچھی نیتیں کیں۔(رپورٹ: اسپیشل پرسنز ڈیپارٹمنٹ ، کانٹینٹ:غیاث الدین عطاری)

دعوتِ اسلامی کے اسپیشل پرسنز ڈیپارٹمنٹ کے تحت 6 فروری 2026ء کو تحصیل عارف والا، پنجاب کے علاقے محمدی ٹاؤن میں قائم مدنی مرکز فیضانِ مدینہ میں ”استقبالِ رمضان اجتماع“ کا انعقاد ہوا جس میں اسپیشل پرسنز کی کثیر تعداد نے شرکت کی۔

اجتماع کے آغاز میں تلاوتِ قراٰن کی گئی اور نعت خواں اسلامی بھائی نے پیارے آقا مکی مدنی مصطفیٰ صلَّی اللہ علیہ واٰلہٖ وسلَّم کی بارگاہ میں نذرانۂ عقیدت پیش کیا جبکہ مولانا اجمل عطاری مدنی نے سنتوں بھرا بیان کیا۔

مبلغِ دعوتِ اسلامی نے اسپیشل پرسنز کی آسانی کے لئے اشاروں کی زبان میں اجتماع میں ہونے والے بیان کی ترجمانی کی اور اسپیشل پرسنز کو 1 ماہ کا اعتکاف کرنے کی ترغیب دلائی جس پر انہوں نے اچھی اچھی نیتیں کیں۔

اس موقع پرڈیپارٹمنٹ کے ڈویژن ذمہ دار محمد زبیر عطاری، ڈسٹرکٹ ذمہ دار محمد ندیم عطاری اور تحصیل ذمہ دار عابد عطاری بھی موجود تھے۔(رپورٹ: اسپیشل پرسنز ڈیپارٹمنٹ ، کانٹینٹ:غیاث الدین عطاری)