شعبہ تحفظ اوراق مقدسہ دعوت اسلامی کے تحت 12مئی2025ء کو پنجاب کی ڈویژن ساہیوال کی ڈسٹرکٹ اوکاڑہ میں مدنی مشورہ ہوا جس میں صوبائی ذمہ دار محمد فھیم عطاری اور ڈویژن ذمہ دار محمد عابد حسین مدنی سمیت شعبہ تحفظ اوراق مقدسہ کے اسلامی بھائیوں نے شرکت کی ۔

مبلغ دعوت اسلامی نے ڈویژن ساہیوال کے اسلامی بھائیوں کو نیو باکس لگانے کا ذہن دیا اور مکمل کارکردگی کا سابقہ اہداف کا جائزہ لیا اور نیو اہداف طے پائے ذمہ دار اسلامی بھائی نے عشر کی کارکردگی کےموضوع پر گفتگو کرتے ہوئےاچھی کارکردگی والے اسلامی بھائیوں کو تحفے سے نوازا جبکہ اسلامی بھائیوں کو عشر کے اہداف دیئے۔آخر میں ذمہ دار نے دعائیں کیں۔( رپورٹ: حافظ نسیم عطاری سوشل میڈیا ڈیپارٹمنٹ آف پاکستان شعبہ تحفظ اوراق مقدسہ دعوت اسلامی،کانٹینٹ:شعیب احمد عطاری)

اسلامک ریسرچ سینٹر (المدینۃ العلمیۃ) کا ایک ذیلی شعبہ ”شعبہ ہفتہ وار رسالہ“ بھی ہے جو علمی و تحقیقی انداز میں اور خوب محنت و لگن سے ہفتہ وار رسائل تیار کرتا ہے جسے ہر ہفتے مدنی مذاکرے میں پڑھنے/سننے کی ترغیب دلائی جاتی ہے۔

اسی شعبے نے اپنی محنت و کوشش سےقرآن پاک کی تفسیر کی کتاب ”تفسیر نور العرفان“ سے چند مدنی پھول اخذ کرکے ایک رسالہ بنام ”تفسیر نورُ العرفان سے 85 مدنی پھول(قسط 04)“ تیار کیا ہے۔ امیر اہلسنت دامت بَرَکَاتُہمُ العالیہ نے اس ہفتے اس رسالے کو پڑھنے/سننے کی ترغیب دلائی ہے اور پڑھنے/سننے والوں کو اپنی دعاؤں سے نوازا ہے۔

دعائے عطار

یاربَّ المصطفٰے! جو کوئی 17 صفحات کا رسالہ ”تفسیر نورُ العرفان سے 85 مدنی پھول (قسط 04)“ پڑھ یا سُن لے اُسےدنیا و آخرت کی بھلائیاں دے اور اس کی ماں باپ اور خاندان سمیت بے حساب مغفرت فرما۔ اٰمین

یہ رسالہ آڈیو میں سننے اور اردو سمیت کئی زبانوں میں ڈاؤن لوڈ کرنے کے لئے نیچے دیئے گئے لنک پر کلک کیجئے:

Download

دعوتِ اسلامی مختلف شعبہ ہائے زندگی سے تعلق رکھنے والے اسلامی بھائیوں کو دینی علوم سکھانے، قراٰنِ کریم کی تعلیم  دینےاور اُن کی دینی ، اخلاقی و شرعی اعتبار سے تربیت کرنے والی عاشقانِ رسول کی دینی تحریک ہے جس کے تحت علمِ دین سیکھنے سکھانے کے لئے مختلف شعبہ جات بھی قائم کئے گئے ہیں۔

انہیں شعبہ جات میں سے ایک شعبہ مدرسۃالمدینہ بالغان ہے جو گھر، دوکان، آفسز، تعلیمی اداروں، مساجد اور دیگر مختلف مقامات پر بڑی عمر کے اسلامی بھائیوں کے لئے لگائے جاتے ہیں تاکہ وہ صحیح تلفظ کے ساتھ قراٰنِ مجید کی تلاوت سیکھ سکیں۔

شعبہ مدرسۃالمدینہ بالغان دعوتِ اسلامی کے تحت اپریل 2025ء میں پاکستان بھر کے مدارس المدینہ بالغان کی جو نمایاں کارکردگی رہی اُس کی تفصیل درج ذیل ہے:

میگھنا ڈویژن، بنگلہ دیش میں واقع اسلامی بہنوں کے مدنی مرکز فیضانِ صحابیات میں دعوتِ اسلامی کے تحت” 8 دینی کام کورس“ منعقد کیا گیا جس میں میگھنا ڈویژن کی تمام ذمہ دار اسلامی بہنوں نے شرکت کی۔

دینی کاموں کے سلسلے میں پاکستان سے بنگلہ دیش آئی ہوئی نگرانِ عالمی مجلسِ مشاورت نے اس کورس میں اسلامی بہنوں کو مدنی پھولوں سے نوازا اور مختلف اموپر اُن کی رہنمائی کی جن میں سے بعض درج ذیل ہیں:

٭نگران اسلامی بہن کو دعوتِ اسلامی کا کام کس انداز میں کرنا چاہیئے؟٭اس کا طریقۂ کار٭منسلک و ذمہ داران کی لسٹ اپڈیٹ کرنا٭دوسرے ملک / شہر جانے والی ذمہ داران سے دینی کام لینا٭ماتحت اسلامی بہنوں کی بیماری اور فوتگی کی صورت میں امیرِ اہلِ سنت دامت بَرَکَاتُہمُ العالیہ سے پیغام منگوانے کا طریقۂ کار٭نئی ذمہ داران کی تقرریاں کرنے کا طریقۂ کار٭نئی ذمہ داران کو دینی کام سکھانے کا طریقۂ کار٭محفلِ نعت کا شیڈول و طریقۂ کار٭سیکھنے سکھانے کے ماہانہ حلقوں کا شیڈول و طریقۂ کار٭ہفتہ وار سنتوں بھرے اجتماع کا طریقۂ کار٭نیکی کی دعوت دینے کے آداب و طریقۂ کار۔

میگھنا  ڈویژن ، بنگلہ دیش کے ڈسٹرکٹ کومیلا میں قائم دارالمدینہ میں 8 مئی 2025ء کو سنتوں بھرا اجتماع منعقد ہوا جس میں سرپرست اور ٹیچرز سمیت اسٹوڈنٹس کی شرکت ہوئی۔

اس اجتماعِ پاک میں تلاوت و نعت کے بعد پاکستان سے آئی ہوئی دعوتِ اسلامی کی نگرانِ عالمی مجلسِ مشاورت اسلامی بہن نے بچوں کی تربیت کے حوالے سے بیان کرتے ہوئے چھوٹے بچوں کی تربیت میں کن کن امو رکا لحاظ رکھا جائے اس پر حاضرین کی ذہن سازی کی۔

نگرانِ عالمی مجلسِ مشاورت نے بچوں کو نمازی بنانے، جھوٹ سے بچانے، سنتوں پر عمل کروانے اور عشقِ رسول کا جام پلانے کےمتعلق مدنی پھول دیئے۔

دعوتِ اسلامی کے دینی کاموں کے سلسلے میں پاکستان سے بنگلہ دیش آئی ہوئی نگرانِ پاکستان مجلسِ مشاورت اسلامی بہن نے گزشتہ روز ذمہ دار اسلامی بہنوں کے ہمراہ بنگلہ دیش کے ڈویژن CTG کارپوریشن، CTG نارتھ اور CTG ساؤتھ میں موجود مختلف دارالمدینہ کی برانچز کا وزٹ کیا جہاں اُن کی ملاقات اسٹاف سرپرستوں (اسٹوڈنٹس کی mothers) سے ہوئی۔

ابتداءً بنگلہ دیش میں دعوتِ اسلامی کے تحت اسلامی بہنوں کے دینی کاموں پر پریزنٹیشن پیش کی گئی جس کے بعد نگرانِ عالمی مجلسِ مشاورت اسلامی بہن نے سنتوں بھرا بیان کیا اور مختلف امور پر اسلامی بہنوں کی ذہن سازی کی جن میں سے بعض یہ ہیں: ٭ ایک ماں اور ٹیچر مل کر کس طرح بہتر انداز میں بچوں کی تربیت کرسکتی ہیں؟ ٭ایک ٹیچر اور ایک ماں کا ایک ہی مقصد ہوگا تو تربیت بہتر ہوسکتی ہے٭ بچوں کے اخلاقیات پر توجہ دینا٭ بچہ بڑوں کی گفتگو نہ کاٹے٭جھوٹ نہ بولے٭سنتوں پر عمل کرے۔

عاشقانِ رسول کی دینی تحریک دعوتِ اسلامی کے تحت 6 مئی 2025ء کو ملتان ڈویژن میں شعبہ رابطہ برائے شخصیات کے ذمہ دار اسلامی بھائیوں کا مدنی مشورہ ہوا جس میں ڈسڑکٹ، تحصیل،ٹاؤن اور ذیلی اداروں کے اسلامی بھائی شریک ہوئے۔

نگرانِ شعبہ، صوبائی ذمہ دار اور نگرانِ ڈویژن نے شعبے کے متعلق کلام کرتے ہوئے شیڈول، 12 دینی کام بالخصوص قافلوں اور عیدالاضحیٰ سمیت دیگر ایونٹس پر تبادلۂ خیال کیا نیز ذمہ داران کو آئندہ کے اہداف بھی دیئے۔

اس کے علاوہ ذمہ دار اسلامی بھائیوں نے مختلف اہم نکات پر اسلامی بھائیوں کی ذہن سازی کی جس پر انہوں نے اپنی اپنی رائے بھی پیش کی اور دینی کاموں میں ترقی کے لئے اچھی اچھی نیتیں کیں۔(رپورٹ: شعبہ رابطہ برائے شخصیات ، کانٹینٹ:غیاث الدین عطاری)

دعوتِ اسلامی کے شعبہ مدنی کورسز اور شعبہ رابطہ برائے تاجران کے تحت 11 مئی 2025ء کو لانڈھی بابرکت مارکیٹ میں قائم جامع مسجد بابِ رحمت میں ”قربانی کورس“ کا اہتمام کیا گیا جس میں تاجران سمیت دیگر عاشقانِ رسول نے شرکت کی۔

کورس کے دوران دارالافتاء اہلسنت کے مفتی سعید عطاری مدنی نے قربانی کے احکام پر شرکا کی تربیت و رہنمائی کی اور اُن کی جانب سے ہونے والے مختلف سوالات کے جوابات دیئے۔

عاشقانِ رسول کی دینی تحریک دعوتِ اسلامی کے تحت ہر ہفتے  ہونے والا مدنی مذاکرہ علمِ دین سیکھنے اور معاشرتی معاملات کے بارے میں آگاہی کا ایک بہترین ذریعہ ہے۔

معلومات کے مطابق 10 مئی 2025ء بروز ہفتہ کی شب عالمی مدنی مرکز فیضانِ مدینہ کراچی میں دعوتِ اسلامی کے زیرِا ہتمام ہفتہ وار مدنی مذاکرے کا انعقاد کیا گیا جس میں کراچی کےعلاقوں سے آئے ہوئے عاشقانِ رسول نے براہِ راست جبکہ بیرونِ ملک و بیرونِ شہر کے عاشقانِ رسول نے مدنی چینل کے ذریعے شرکت کی۔

تلاوت و نعت سے شروع ہونے والے مدنی مذاکرے میں شیخِ طریقت، امیرِ اَہلِ سنّت، بانیِ دعوتِ اسلامی حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہ نے عاشقانِ رسول کو مدنی پھولوں سے نوازا اور اُن کے سوالات کے جوابات دیئے جن میں سے چند درج ذیل ہیں:

سوال:اگرکوئی کام کہے اورہم وہ کام نہ کرناچاہیں تو کس طرح منع کریں کہ اس کا دل بھی نہ دُکھے؟

جواب:ایسے موقع پر محتاط اندازمیں منع کیاجائے کہ اس کی دل آزاری نہ ہو۔اگراس کا وہ حق بھی نہ بنتاہوتو اَب اگروہ ناراض ہوتاہے تو یہ تکلیف دینانہ ہوگا ۔منع کرنے والا گنہگاربھی نہیں ہوگابلکہ ناراض ہونے والا تاذّی یعنی اپنے اوپر تکلیف وناراضی اوڑھ لینے والا ہوگا۔ میرامشورہ ہے کہ اس کام میں کوئی شرعاً اوراخلاقا ً خرابی نہ ہوتو اُس کا دل رکھتے ہوئے اُس کا کام کردیا جائے ، فرائض کے بعد سب سے افضل عمل کسی مسلمان کا دل خوش کرنا ہے ۔اس لئے اس کا کام کرکے دل میں خوشی داخل کرنی چاہیئے ۔

سوال:سنہری جالیوں میں مُواجَھَہ شریف کس طرف ہے؟

جواب:سنہری جالیوں میں بڑےسو راخ اوردوچھوٹے سوراخوں کے درمیان جو جگہ ہے یعنی سُنَہری جالیوں کے دروازۂ مبارَکہ میں چاندی کی کِیلیں جو اوپر کی طرف جانِبِ مشرِق لگی ہوئی ہیں،ا س مقام کو مُواجَھَہ شریف کہاجاتاہے، اس کے سامنے پیارے آقا صلَّی اللہ علیہ واٰلہٖ وسلَّم کا چہرہ مبارک ہے ،اس کے سامنے کھڑے ہوکرسلام عرض کیاجائے ۔

سوال: کیابچی کا نام رحیمہ یا کریمہ رکھ سکتے ہیں ؟

جواب:جی !

سوال:ام المؤمنین حضرت بی بی سودہ رضی اللہ عنہا سے نفل حج کرنےکے بارے میں کہا گیا تو آپ نے کیا جواب دیا ؟

جواب:آپ رضی اللہ عنہا نے پردے کی سخت پابندی اورحیاکی وجہ سے فرمایا کہ میں نےفرض حج کرلیا ہے اب میراجنازہ ہی گھرسے باہرآئے گا ۔

سوال:ایک پوسٹ میں لکھا تھا:” جب چاقو،خنجراورتلواربیٹھے سوچ رہے تھے کہ کون زیادہ گہرازخم دیتاہے، تب الفاظ پیچھے بیٹھ کرمسکرارہے تھے“ یعنی الفاظ کے زخم سب سے گہرے ہوتے ہیں،اس بارے میں آپ کیا فرماتے ہیں ؟

جواب:یہ بات سمجھنے والی ہے ،تلوارسے دیا گیازخم تو بھرجاتاہےمگرزبان سے دیا گیازخم نہیں بھرتا،کسی کی بات دل پر لگ جاتی ہے یعنی بُرا لگ جاتاہے تو وہ بات جلدجاتی نہیں ۔ہمیں اپنی زبان کی حفاظت کرنی چاہئے ۔

سوال:اِس ہفتے کارِسالہ” مکۂ مکرمہ کی مساجد “ پڑھنے یا سُننے والوں کو امیر اہل سنت دامت برکاتہم العالیہ نے کیا دُعا دی ؟

دعوتِ اسلامی کے شعبہ FGRF (فیضان گلوبل ریلیف فاؤنڈیشن) کے تحت مدنی مرکز فیضانِ مدینہ کامونکی میں فرسٹ ایڈ ٹریننگ سیشن ہوا جس میں چیئرمین امن کمیٹی سرکل کامونکی حاجی غلام علی نقشبندی کی خصوصی شرکت ہوئی۔

اس سیشن میں ریسکیو 1122 کامونکی کے ماہر عملے نے مدنی مرکز فیضانِ مدینہ کامونکی میں معلم کورس کرنے والے عاشقانِ رسول کو ابتدائی طبی امداد کی عملی تربیت فراہم کی۔

سیشن میں شریک چیئرمین امن کمیٹی حاجی غلام علی نقشبندی صاحب نے دعوتِ اسلامی کی فلاحی کاوشوں کو سراہتے ہوئے کہا: دعوتِ اسلامی نہ صرف دین کی تبلیغ میں مصروفِ عمل ہے بلکہ انسانی خدمت کے میدان میں بھی ایک مثالی کردار ادا کر رہی ہے۔

اس موقع پر FGRF کے تحصیل ذمہ دار محمد وقار سرویا نے میڈیا سے گفتگو کرتے ہوئے بتایا کہ:دعوتِ اسلامی کا یہ فلاحی شعبہ ہر آزمائش میں قوم کے شانہ بشانہ کھڑا رہا ہے، چاہے وہ زلزلہ ہو، سیلاب ہو یا دیگر قدرتی آفات ، FGRF کے رضاکار ہمیشہ خدمت کے لئے پیش پیش ہوتے ہیں۔

9 مئی 2025ء کو شعبہ معاونت برائے اسلامی بہنیں دعوتِ اسلامی کے تحت وہاڑی ڈسڑکٹ کے ذمہ داران  کا مدنی مشورہ منعقد کیا گیا جس میں صوبائی، ڈسڑکٹ اور تحصیل ذمہ دار اسلامی بھائیوں نے شرکت کی۔

صوبائی ذمہ دار اقبال عطاری نے اس مدنی مشورے میں ذمہ داران سے گفتگو کرتے ہوئے ماہانہ کارکردگی، پیشگی و عملی شیڈول اور قربانی کی کھالوں کے حوالے سے مشاورت کی۔

صوبائی ذمہ دار نے ذمہ دار اسلامی بھائیوں کی ذہن سازی کرتے ہوئے انہیں عشر، گلی گلی مدرسۃالمدینہ، مدرسۃالمدینہ بالغات اور روحانی علاج کے بستوں کے اہداف دیئے جس پر انہوں نے اچھی اچھی نیتیں کیں۔(رپورٹ: محمد علی شعبہ معاونت برائے ا سلامی بہنیں صوبہ پنجاب آفس ، کانٹینٹ:غیاث الدین عطاری)

دارالمدینہ انٹرنیشنل اسلامک اسکول سسٹم کے ذمہ داران تعلیم و تربیت کے نظام کو مزید بہتر بنانے اور والدین کے اطمینان کو یقینی بنانے کے لئے کیمپسز میں ہونے والی پیرنٹ مینجمنٹ میٹنگز (PMM) میں شرکت کرتے ہیں ۔

گزشتہ روز دارالمدینہ انٹرنیشنل اسلامک اسکول سسٹم کے CEO ڈاکٹر دانش اقبال عطاری ، ڈائریکٹر ایجوکیشن عابد سہیل اور صوبائی ذمہ دار (provincial head) عدنان یعقوب نے فیصل آباد میں ہونے والی PMM میں شرکت کی ۔

پیرنٹ مینجمنٹ میٹنگ کا مقصد والدین اور اسکول کے تعاون کو مضبوط بنانا، مستقل تعاون، بہتر کمیونی کیشن اور مثبت تعلیمی ماحول کو یقینی بنانا تھا۔ میٹنگ میں والدین کی ایک بڑی تعداد نے شرکت کی۔(رپورٹ:غلام محی الدین ترک ،اردو کانٹینٹ رائٹر مارکیٹنگ اینڈ کمیونی کیشن ڈیپارٹمنٹ دارالمدینہ، ہیڈ آفس کراچی ، ویب ڈسک رائٹر:غیاث الدین عطاری)