دعوت اسلامی کی مجلس ڈاکٹرز کے تحت12 نومبر2020ء  کو ایڈوانس ڈینٹل کیئر حیدر آباد میں میلاد اجتماع کا انعقاد کیا گیا جس میں ڈاکٹرز اور  پیرا میڈیکل اسٹاف نے شرکت کی۔ مبلغ دعوت اسلامی نے سنتوں بھرا بیان کیا اور شرکا کو مدنی چینل دیکھنے کی ترغیب دلائی۔


دعوت اسلامی  کی مجلس ڈاکٹرز کے تحت پچھلے دنوں علی پور چائلڈ اسپیشلسٹ ڈاکٹر ایم بی انجم کے گھر پر مدنی حلقہ ہوا جس میں ڈاکٹر صغیر لاڑ، ڈاکٹر شاہد جتوئی، ڈاکٹر سلطان مکول، ڈاکٹر غلام یاسین، ڈاکٹر محمد اویس سمیت دیگر نے شرکت کی۔

مبلغ دعوت اسلامی ڈاکٹر جمشید اختر نے شرکا کہ درمیان نماز کے احکام سے تیمم کا طریقہ بیان کیا اور دعوت اسلامی کی دینی اور فلاحی خدمات سے آگاہ کرتے ہوئے شرکا کو دعوت اسلامی کے ساتھ دین کی خدمات میں اپنا حصہ شامل کرنے کے متعلق تعاون کرنے کا ذہن دیا ۔


16 اگست 2020ء بروز اتوار مجلس ڈاکٹر کے تحت لطیف آباد حیدر آباد میں قائم ایک میڈیسن کمپنی میں مدنی حلقے کا سلسلہ ہوا جس میں آفیسرز اور ڈاکٹر صاحبان نے شرکت کی۔ رکن زون حیدر آبادمحمد اکرم عطاری نے سنتوں بھرا بیان کرتے ہوئے شرکا کو غسل اور وضوکا طریقہ سکھایا اور انہیں علم دین سیکھنے کا ذہن دیا۔ رکن زون نے مدنی حلقے میں موجود اسلامی بھائیوں میں مدنی رسائل کے تحائف بھی پیش کئے۔ (رپورٹ: محمد اکرم عطاری، رکن زون مجلس ڈاکٹرحیدر آباد) 


دعوت اسلامی کی مجلس ڈاکٹرز کے تحت مورخہ 15جولائی2020ء  بروز بدھ ڈاکٹرز مجلس حیدرآباد زون میرپور خاص محمد اکرم عطاری نے جامشورو کے رکن کابینہ کے ساتھ لیاقت میڈیکل یونیورسٹی جامشورو اسپتال میں ڈاکٹرز سے ملاقات کی اور انہیں دعوت اسلامی ویلفیئرٹرسٹ کی دینی خدمات ، بلڈ ڈونیشن کیمپ،راشن کی تقسیم،اور کیش تقسیم کے بارے میں آگاہی فراہم کرتے ہوئے امیر اہلسنت دامت برکاتہم العالیہ کا تحریر کردہ رسالہ بنام قربانی کے فضائل تحفے میں پیش کیا ۔(رپورٹ:اکرم عطاری مجلس ڈاکٹر)


دعوت اسلامی  کی مجلس ڈاکٹر کے تحت گزشتہ روز واٹس ایپ ، فون ،اور زوم کے ذریعے سے مدنی حلقہ کا اہتمام ہوا جس میں ڈاکٹر حضرات نے شرکت کی۔ مبلغ دعوت اسلامی نے شرکا کو مزید زوم کے ذریعے مدنی حلقہ بڑھانے ،فیضان نمازاور دیگر کورس کرنے کا ذہن دیا ۔جبکہ فارما کمپنی والوں بھی کو فیضان نماز کورس کرنے کی تر غیب دلاتے ہوئے ، مدنی عطیات،اور بلڈ ڈونیشن کیمپ لگانے کے لئے ذمہ داران سے رابطے کئے۔(رپورٹر۔محمد اکرم عطاری ڈاکٹرز مجلس حیدرآباد زون میرپور خاص)


دعوتِ اسلامی کی مجلس ڈاکٹرز کے تحت شہداد پور کابینہ ڈویژن ھالا میں ریجن ذمہ دار ڈاکٹر مجلس حیدرآباد فہیم عطاری نے ڈاکٹرز اور میڈیکل اسٹورز یونین ھالا کے نائب صدر سے ملا قاتیں کیں ۔ دورانِ ملاقات نیکی کی دعوت پیش کرتے ہوئےدعوتِ اسلامی سوشل میڈیا سروسز اور موبائل ایپلی کیشنز کا تعارف کروایا اور مدنی مرکز فیضانِ مدینہ کراچی وزٹ کرنے اورہفتہ وار اجتماع و مدنی مذاکرے میں شرکت کرنے کی دعوت دی۔(رپورٹ:فہیم عطاری، ریجن ذمہ دار مجلس ڈاکٹر حیدرآباد)


دعوت اسلامی  کی مجلس ڈاکٹرز کے تحت 6مارچ 2020ء بروز جمعہ علی پورمیں مدنی حلقہ کا اہتمام ہوا جس میں میڈیکل ڈاکٹرز نے شرکت کی۔ اس موقع پر مبلغ دعوت اسلامی ڈاکٹر جمشید اختر رکنِ ریجن ملتان نے شرکا کے درمیان امیرِ اہلسنّت دامت برکاتہم العالیہ کی مایہ ناز تصنیف نماز کے احکام سے غسل کی احتیاطیں بیان کی۔(رپورٹر: ڈاکٹر جمشید اختر رکنِ ریجن ملتان)


گزشتہ دنوں دعوت ِاسلامی کی مجلس ڈاکٹرز کے تحت علی پور میں مدنی حلقے کا انعقاد کیا گیا جس میں رکن زون مظفرگڑھ نےامیراہلِ سنت دامت برکاتہم العالیہ کی تصنیف’’فیضانِ نماز‘‘سے ’’نمازکی برکات ‘‘ کے موضوع پر سنّتوں بھرا بیان کیا اور شرکا کو راہِ خدا کامسافر بننے کے لئے 3 دن کے قافلہ میں سفر کرنے کا ذہن دیا ۔ اس موقع پرمیڈیکل آفیسرز بھی موجود تھے۔(رپورٹ:ڈاکٹرجمشیدعطاری،مجلس شعبہ تعلیم علی پورڈویژن)


دعوتِ اسلامی کی مجلس ڈاکٹرز کے تحت 31جنوری2020ء بروز جمعۃالمبارک نشتر میڈیکل یونیورسٹی ملتان میں مدنی حلقے کا اہتمام ہوا۔ مدنی حلقے میں سینئر ڈاکٹرز اور یونیورسٹی کے اسٹوڈنٹس نے شرکت کی۔ اس موقع پر ریجن ذمہ دار مجلس ڈاکٹرز ڈاکٹرطیب  عطاری نے”دوست کو کیسا ہونا چاہیئے ؟“کے موضوع پر سنتوں بھرا بیان کرتے ہوئے مدرسۃالمدینہ آن لائن کا تعارف پیش کیا اور مدنی کورسز کی لِسٹ طلبہ کو دی۔ نیز اِن مدنی کاموں(26طلبہ کو آن لائن میں داخلہ کروانے، تمام کالونیوں میں مجلس کا قیام عمل میں لانے، ہفتہ وار اجتماع کے لئے رابطے) کے حوالے سے اہداف بھی طے کئے گئے۔ (رپورٹ:ڈاکٹر طیب عطاری، ریجن ذمہ دار مجلس ڈاکٹرز ملتان)


گجرات کےچیمبر آف کامرس میں  سنتوں بھرا اجتماع

چیمبر آف کامرس کے صدر، ایگزیکٹیو باڈی کے ممبران اور تاجران کی شرکت

تفصیل:

دعوتِ اسلامی کے تحت 27جنوری2020ء بروز پیر گجرات چیمبر آف کامرس میں سنتوں بھرے اجتماع کا انعقادکیا گیا۔ اجتماع میں چیمبر آف کامرس کے صدر، ایگزیکٹو باڈی کے ممبران، تاجران اور دیگر عاشقانِ رسول نے شرکت کی۔ اس موقع پر رکنِ شوریٰ حاجی محمد اظہر عطاری نے ”اطاعتِ رسول و تجارت“ کے موضوع پر سنتوں بھرا بیان کیا جس میں ان کا کہنا تھا کہ اطاعت رسول صلَّی اللہ علیہ واٰلہٖ وسلَّم میں ہی ہماری کامیابی ہے، جس سے رسول ﷺ منع فرمائیں اس سے رُک جائیں اورجس کا م کے کرنے کا حکم دیں اس کو کریں الغرض اطاعتِ رسول کو اپنی زندگی کا حصہ بنالیں۔(رپورٹ: ارسلان منیر عطاری ، رکنِ زون مجلسِ کارکردگی)


29 جنوری2020ء بروز بدھ سیالکوٹ میں دعوتِ اسلامی کی  مجلسِ ڈاکٹرز کے رکنِ کابینہ کی والدہ کا رضائے الہی سے انتقال ہوگیاتھا ۔ اِنَّا لِلہِ وَاِنَّا اِلَیْہِ رٰجِعُوْن۔ مرحومہ کی نمازِ جنازہ رکنِ شوریٰ حاجی محمد اظہر عطاری نے پڑھائی اور ان کی مغفرت کے لئے دعائیں کیں۔ (رپورٹ: ارسلان منیر عطاری ، رکنِ زون مجلسِ کارکردگی)


دعوتِ اسلامی کی مجلس ڈاکٹرز کے تحت گزشتہ دنوں نشتر اسپتال ملتان کا مدنی دورہ ہوا۔ مدنی دورہ میں نگرانِ مجلس اور زون و ریجن ذمہ دار اور دیگر اسلامی بھائیوں نے شرکت کی ۔ مغرب کی نماز کے بعد اسپتال کی مسجد میں مدنی حلقہ لگایا گیا جس میں 40 کے قریب طلبہ و دیگر اسلامی بھائیوں نے شرکت کی۔  اس موقع پر مبلغِ دعوتِ اسلامی نے انہیں نیکی کی دعوت دیتے ہوئے قافلوں میں سفر کرنے کا ذہن دیا۔ یاد رہے 24,25,26 جنوری کو کالج کے نئے طلبہ اور سینئر طلبہ قافلے میں سفر کریں گے۔(رپورٹ:اکرم عطاری، ریجن ذمہ دار مجلس ڈاکٹر)