احادیثِ مبارکہ میں علمِ دین کے فضائل :

فرمانِ مصطفے صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ ہے :جوشخص طلبِ علم کے لئے گھر سے نکلا تو جب تک واپس نہ ہو،اللہ عَزَّ وَجَلَّ کی راہ میں ہے۔ (ترمذی،کتاب العلم،باب فضل طلب العلم،الحدیث:۲۶۵۶،ج۴،ص۲۹۴)اللہ عَزَّوَجَلَّ قِیامت کے دن بندوں کو اٹھائے گا پھر عُلَما کوعلیحدہ کرکےان سے فرمائے گا: اے عُلما کے گروہ! میں تمہیں جانتا ہوں اسی لئے تمہیں اپنی طرف سے علم عطا کیا تھا اور تمہیں اس لئے علم نہیں دیا تھا کہ تمہیں عذاب میں مُبْتَلا کروں گا۔ جاؤ! میں نے تمہیں بخش دیا۔(جامع بیان العلم و فضلہ، الحدیث:۲۱۱،ص۶۹)

ان فضائل سے مَعْلُوم ہواکہ عِلْمِ دِین حاصل کرنا ،اللہ عَزَّ وَجَلَّ کی رضا کا سبب، بخشش و نجات کا ذریعہ اور جنت میں داخلے کاضامن ہے۔عِلْمِ دِین کے فضائل کی تو کیا بات ہے ! صَدرُ الشَّریعہ حضرتِ علّامہ مولانا مفتی محمد امجد علی اعظمی رَحْمَۃُ اللّٰہ ِتَعَالٰی عَلَیْہ اِرْشاد فرماتے ہیں: علم ایسی چیز نہیں جس کی فضیلت اور خوبیوں کے بیان کرنے کی حاجت ہو، ساری دنیاہی جانتی ہے کہ علم بہت بہتر چیز ہے اس کا حاصل کرنا بلندی کی علامت ہے۔ یہی وہ چیزہے جس سے انسانی زندگی کامیاب اور خوشگوار ہوتی ہے اور اسی سے دنیا وآخرت بہتر ہوجاتی ہے۔ (اس علم سے)وہ علم مُراد ہے جو قرآن و حدیث سے حاصل ہو کہ یہی وہ علم ہے جس سے دنیا و آخرت دونوں سنورتی ہیں اور یہی علم ذریْعۂ نجات ہے اور اسی کی قرآن و حدیث میں تعریفیں آئی ہیں اور اسی کی تعلیم کی طرف توجہ دلائی گئی ہے۔(بہار شریعت ،۳/۶۱۸، ملخصاً)

الحمدللہ رب العالمین انہی فضائل کو پیش نظر رکھتے ہوئے علمِ دین کے حصول کے لئے مجلس جامعۃ المدینہ کراچی سٹی اور شعبہ تخصص فی الحدیث کے تحت جامعۃ المدینہ فیضان مدینہ انسٹیٹیوٹ آف اسلامک ایجوکیشن عالمی مدنی مرکز کراچی میں ایک انتہائی اہم اور منفرد کورس ”اصول الجرح والتعدیل کورس“ کا آغاز کیا گیا ہے۔

کورس کی پانچویں کلاس میں کثیر علمائے کرام،اساتذۂ کرام اور طلبۂ کرام نے شرکت کی سعادت حاصل کی جس میں شعبہ تخصص فی الحدیث کے HOD، ماہر فن اصول الجرح والتعدیل شیخ الحدیث مولانا مفتی محمد حسان عطاری مدظلہ العالی نے مختلف نکات پر محققانہ گفتگو کی جن میں سے بعض یہ ہیں:٭طرق ثبوت الجرح والتعدیل ٭طرق مردودۃ الجرح والتعدیل٭اسباب الطعن ٭کیا بغیر سند کے حدیث کسی صورت معتبر نہیں ؟ ۔

علم دین کے حصول کے لئے مجلس جامعۃ المدینہ کراچی سٹی و شعبہ تخصص فی الحدیث کے تحت جامعۃ المدینہ فیضان مدینہ انسٹیٹیوٹ آف اسلامک ایجوکیشن عالمی مدنی مرکز کراچی میں ایک انتہائی اہم اور منفرد کورس ”اصول الجرح والتعدیل کورس“ کا آغاز کیا گیا۔ کورس کی پہلی کلاس 09 دسمبر 2024ء کو منعقد ہوئی جس میں کثیر علمائے کرام، اساتذۂ کرام اورطلبۂ کرام شریک ہوئے۔

شعبہ تخصص فی الحدیث کے H.O.Dو ماہر فن اصول الجرح والتعدیل شیخ الحدیث مفتی محمد حسان عطاری مدنی مُدَّ ظِلُّہُ العالی نےعلم حدیث کے اصول و ضوابط پر محققانہ اندازمیں گفتگو کی جن میں سے چند یہ ہیں:

٭ علم الحدیث روایت ودرایت کی تعریف ٭حدیث کی تعریف، علم الحدیث روایۃً کی تعریف، موضوع، غرض وغایت ٭ علم الحدیث درایۃًکی تعریف،موضوع،غرض وغایت ٭انواع علم الحديث درایۃ المتعلقۃ بعلم الجرح والتعدیل ٭تفصيل علوم ثلاثہ ٭جرح کی تعریف

٭تعدیل کی تعریف٭اصول الجرح والتعدیل کی تعریف ٭جرح کے جواز پر دلائل

کلامِ الٰہی اور حدیث رسول کی تعلیمات سے لوگوں کی اصلاح  کرنے والی عالمی سطح کی دینی تحریک دعوتِ اسلامی کے شعبہ جامعۃ المدینہ بوائز کے تحت”اصولُ الجرح و التعدیل کورس“ ہونے جا رہا ہے جس کا باقاعدہ آغاز 9 دسمبر 2024ء بروز پیر عالمی مدنی مرکز فیضانِ مدینہ کراچی میں ہوگا۔

معلومات کے مطابق ہفتے میں 3 دن (پیر، منگل اور بدھ)کلاس ہوں گی جس کا دورانیہ تقریباً 1 گھنٹہ 30 منٹ (8:30PM تا 10:00PM) ہوگا جبکہ مکمل کورس 12 کلاسوں پر مشتمل ہوگا۔

اس کورس میں جامعۃ المدینہ کراچی سٹی کے اساتذۂ کرام اور تخصصات (حدیث، فقہ، اقتصاد اور علومِ عربیہ)کےطلبۂ کرام شرکت کرسکیں گے نیز کورس مکمل کرنے والوں کو جامعۃ المدینہ اسنٹیٹیوٹ کی جانب سے سرٹیفکیٹ بھی دیئے جائیں گے۔

کورس کی خصوصیات :٭علومِ حدیث کا اجمالی جائزہ٭تاریخِ جرح و تعدیل٭جرح و تعدیل کی مشروعیت کا بیان٭جرحِ رواۃ کے جواز کی تفصیل٭علمِ جرح و تعدیل کی تعریف٭جارح و معدل کی شرائط٭قبولِ جرح و تعدیل کی شرائط٭جرح و تعدیل مفسر و غیرِ مفسر کی تفصیل٭متعارض جرح و تعدیل میں ترجیح کے قواعد٭حدیثِ صحیح کی تحقیق تعریف٭حدیثِ حسن کی تفصیلی بحث٭ائمۂ جرح و تعدیل کے درجات کا بیان٭مشہور ائمۂ جرح و تعدیل کا مختصر تعارف٭حدیث میں ضعف کے اسباب ٭کذبِ راوی سے حدیث پر حکم٭جہالتِ رواۃ کے سبب حدیث کا حکم٭کُتُب اسماء الرجال کی اقسام اور مشہور کُتُب کا تعارف٭الفاظِ جرح و تعدیل کی تفصیل٭بعض رواۃ پر جرح و تعدیل کی مشق اور اس کے علاوہ بہت کچھ سکھایا جائے گا۔(کانٹینٹ:غیاث الدین عطاری)

دعوتِ اسلامی کے تحت ہونے والے انٹرنیشنل اجتماع میں”ملک ِعراق“  سے آئے ہوئے علمائے کرام نے 25 نومبر 2024ء کو مرکزی جامعۃ المدینہ فیضان مدینہ کراچی کا دورہ کیا جس میں انہیں ”تخصص فی الحدیث“ کی کلاسز کا دورہ کرواتے ہوئے اس کا تعارف پیش کیا گیا۔

علمائے کرام دار التدریب میں بھی تشریف لائےجہاں اُنہیں” تخصص فی الحدیث (سال دوم)“ کا تعارف پیش کیا گیا اور اس میں ہونے والے کام کی معلومات فراہم کی گئیں۔

علمائے کرام کو مکتبۃ المدینہ العربیۃ کی شائع کردہ کتاب "فتح المنان في إثبات مذهب النعمان" اور استاذ الحدیث ابو حمزہ مفتی محمد حسان عطاری صاحب حفظہ اللہ کی تحقیق شدہ کتاب"التعلیقات الرضویۃ علی التقریب التہذیب"لشیخ الإسلام والمسلمین الامام احمد رضا خان الحنفي الماتريدي پیش کی گئی جسے انہوں بڑا پسند کیا اور اس کام پر حوصلہ افزائی کرتے ہوئے مزید ترقی کی دعائیں فرمائیں۔ (رپورٹ: ناظم تخصص فی الحدیث” محمد قاسم عطاری مدنی“)

منڈی واربرٹن میں قائم دعوتِ اسلامی کے جامعۃ المدینہ امینیہ رضیہ واربٹن میں 4اکتوبر 2024ء کو سحری اجتماع  کا اہتمام کیا گیا جس میں طلبۂ کرام، اساتذۂ کرام اور نگرانِ تحصیل واربٹن حافظ احمد رضا عطاری سمیت دیگر ذمہ داران شریک ہوئے۔

اس دوران تلاوتِ قراٰن و نعتِ رسولِ مقبول صلَّی اللہ علیہ واٰلہٖ وسلَّم پڑھی گئی جس کے بعد وہاں موجود تمام عاشقانِ رسول نے نمازِ تہجد ادا کی اور بعض عاشقانِ رسول نے سحری کرکے نفلی روزہ رکھنے کی نیت کی۔

نمازِ تہجد کے بعد مبلغِ دعوتِ اسلامی نے تمام بیمار عاشقانِ رسول کی صحتیابی کے لئے خصوصی دعا کروائی جبکہ نمازِ فجر کی ادائیگی کے بعد سحری اجتماع کا اختتام ہوا۔(رپورٹ: محمد رمضان عطاری مدنی ناظم جامعۃ المدینہ امینیہ رضویہ واربرٹن ، کانٹینٹ:غیاث الدین عطاری)

کشمیر کے علاقے  چڑھوئی میں موجود دعوتِ اسلامی کے جامعۃ المدینہ بوائز میں طلبۂ کرام کے لئے ایک ٹریننگ سیشن کا انعقاد کیا گیا جس میں اساتذۂ کرام نے بھی شرکت کی۔

اس ٹریننگ سیشن میں کشمیر دورے پر موجود دعوت اسلامی کی مرکزی مجلسِ شوریٰ کے رکن مولانا حاجی محمد اسد عطاری مدنی نے سنتوں بھرا بیان کیا اور طلبۂ کرام کی اخلاقی و تنظیمی اعتبار سے تربیت کی۔

سیشن کے اختتام پر رکنِ شوریٰ نے کثرت کے ساتھ درودِ پاک پڑھنے والے طلبۂ کرام کو تحائف دیئے اور اُن کی حوصلہ افزائی کی نیز رکنِ شوریٰ نے انہیں دعوتِ اسلامی کے دینی کاموں میں عملی طور پر حصہ لینے کی ترغیب دلائی۔(رپورٹ: محمد انس عطاری معاون رکن شوری حاجی اسد عطاری، کانٹینٹ:غیاث الدین عطاری) 

پچھلے دنوں مرکزی جامعۃ المدینہ بوائز جہلم میں قائم دورةالحدیث شریف کے طلبہ کرام کا مدنی مشورہ  ہواجس میں معاون نگران شعبہ مولانا ظفر عطاری مدنی نے”بزرگان دین کا احادیث طیبہ پڑھنے کے حوالے سے ادب و احترام“ کے متعلق کلام کیا۔

مولانا ظفر عطاری مدنی نےحاضرین کی شعبہ جامعۃ المدینہ بوائز کے تحت ہونے والے دینی و فلاحی کاموں کے حوالے سے رہنمائی کی جبکہ دعوت اسلامی کی مختلف شعبہ جات کا تعارف کروایا اور جامعۃ المدینہ بوائز سے فارغ التحصیل ہونے کے بعد مختلف تخصصات کے حوالے سے ذہن سازی کی۔(پورٹ: انس عطاری معاون رکن شوری حاجی اسد عطاری،کانٹینٹ:شعیب احمد عطاری) 

پچھلے دنوں مرکزی جامعۃ المدینہ جہلم کے دورةالحدیث شریف کے طلبہ کرام کے ساتھ تربیتی سیشن ہواجس میں رکن شوریٰ حاجی اسد عطاری مدنی نےطلبہ کرام  کے درمیان بزرگان دین کا احادیث طیبہ پڑھنے کے حوالے سے ادب و احترام کے متعلق کلام فرماتے ہوئے مجلس جامعۃ المدینہ کے تحت ہونے والے دینی و فلاحی کاموں کے حوالے سے رہنمائی کی جبکہ دینی کتب پڑھنے اور امیر اہلسنت کی تحریرات پڑھنے کے حوالے سے ذہن دیا۔(پورٹ: انس عطاری معاون رکن شوری حاجی اسد عطاری،کانٹینٹ:شعیب احمد عطاری)

مرکزی جامعۃ المدینہ فیضان مدینہ میانوالی میں سنتوں بھرا اجتماع منعقد ہوا جس میں  جامعۃ المدینہ کے طلبہ کرام، اساتذہ کرام اور اسٹاف نے شرکت کی۔

اجتماع میں دعوتِ اسلامی کی مرکزی مجلس شوریٰ مولانا حاجی ابوماجد محمد شاہد عطاری مدنی نے خصوصی بیان فرمایا اور شرکا کو 12 دینی کاموں میں شرکت کرنے کا ذہن دیا۔ رکن شوریٰ نے مدنی قافلے کے فوائد اور اہمیت پر بھی بیان فرمایا جس کو سن کر 19 طلبائے کرام ہاتھوں ہاتھ 12 ماہ کے لیے سفر کرنے کے لیے تیار ہو گئے ۔ (رپوٹ: حافظ نسیم عطاری، سوشل میڈیا آف دیپارٹمنٹ پاکستان)

شعبہ جامعۃ المدینہ دعوت اسلامی کے زیر اہتمام محلہ غوثیہ مہریہ شہر  ڈنگہ ضلع گجرات پاکستان میں محمد اعظم عطاری(مرحوم) کے ختم قل خوانی کے موقع پر مرکزی مجلس شوری کے رکن حاجی اسد عطاری مدنی نے دنیا میں رہتے ہوئے آخرت کی زندگی سنوارنے کے متعلق بیان کیا جس میں لواحقین سمیت مقامی عاشقان رسول نے شرکت کی۔ محفل پاک کا اختتام صلوۃ وسلام اور دعائے خیر پر ہوا۔(رپورٹ: انس عطاری معاون رکن شوری حاجی اسد عطاری ،کانٹینٹ: شعیب احمد عطاری)

مرکزی مجلس شوریٰ کے رکن حاجی یعفور رضا عطاری نے جامعۃ المدینہ  بوائز فیضان مدینہ شیخوپورہ میں پڑھنے والے طلبۂ کرام اور اساتذہ ٔکرام کا مدنی مشورہ لیا ۔

مدنی مشورے میں رکن شوریٰ نے طلبہ ٔکرام کو 12 ماہ مدنی قافلے میں سفر کرنے کا ذہن دیا نیز جن طلبہ نے 12 ماہ مدنی قافلے میں سفر کی نیتیں کیں انہیں عمامہ، تسبیح وغیرہ تحائف بھی دیئے۔) کانٹینٹ:رمضان رضا عطاری)

مختلف علوم و فنون کے ذریعے عاشقانِ رسول کو اسلامی تعلیمات سیکھانے  والے دعوتِ اسلامی کے شعبے جامعۃ المدینہ بوائز کے تحت 20 اپریل 2024ء بروز ہفتہ بعد نمازِ عشا افتتاحِ بخاری کا انعقاد کیا جائے گا۔

اس افتتاحِ بخاری میں امیرِ اہلِ سنت،بانیِ دعوتِ اسلامی حضرت علامہ مولانا محمد الیاس عطار قادری دامت بَرَکَاتُہمُ العالیہ دورۃُ الحدیث شریف کے طلبۂ کرام کو بخاری شریف کی پہلی حدیث پڑھائیں گےاور اس کی مختصر تشریح بیان کریں گے۔