مرکزی جامعۃ المدینہ فیضانِ مدینہ فیصل آباد کے دورۂ حدیث شریف میں 24 اگست 2023ء بروز جمعرات ایک سیشن منعقد ہوا جس میں طلبۂ کرام سمیت جامعۃ المدینہ بوائز کے ذمہ داران نے بھی شرکت کی۔

دورانِ سیشن مولانا حاجی گل رضا عطاری مدنی ( نگرانِ شعبہ تعلیمی امورجامعۃ المدینہ بوائز )نے”ایک طالبِ علم کا تعلیمی معیار کیا ہونا چاہیئے؟“ کے حوالے سے طلبۂ کرام کی ذہن سازی کی اور انہیں اپنی تعلیم پرزیادہ سے زیادہ توجہ دینے کا ذہن دیا۔

اس کے علاوہ مولانا حاجی گل رضا عطاری مدنی نے طلبۂ کرام کو دعوتِ اسلامی کے دینی کاموں میں عملی طور پر حصہ لینے کی ترغیب دلائی جس پر انہوں نے اچھی اچھی نیتیں کیں۔(رپورٹ: محمد امیر حمزہ عطاری پروجیکٹ مینجر آئی ٹی ڈپارٹمنٹ آف جامعۃ المدینہ بوائز پاکستان ، کانٹینٹ:غیاث الدین عطاری)

دعوتِ اسلامی کے شعبہ جامعۃ المدینہ بوائز میں چلنے والے تعلیمی نظام کے سلسلے میں 21 اگست 2023ء بروز پیر بذریعہ انٹرنیٹ مدنی مشورہ ہوا جس میں تعلیمی امور کے تمام اراکین ِ زون اسلامی بھائی آن لائن شریک ہوئے۔

جامعۃ المدینہ بوائز کے نگران شعبہ تعلیمی امور مولاناحاجی گل رضا عطاری مدنی نے تمام اراکین ِ زون کی تربیت کرتے ہوئے تعلیمی نظام کو بہتر بنانے کے حوالے سے گفتگو کی۔مدنی مشورے میں شریک اراکینِ زون نے نظامِ تعلیم کو مزید بہتر بنانے کے متعلق اپنی اپنی رائے پیش کی ۔

بعدازاں نگران شعبہ تعلیمی امور مولاناحاجی گل رضا عطاری مدنی نے تمام اراکین ِ زون کی حوصلہ افزائی کی اور اخلاص کے ساتھ اپنے کام کو کرنے کی ترغیب دلائی۔(رپورٹ: محمد امیر حمزہ عطاری پروجیکٹ مینجر آئی ٹی ڈیپارٹمنٹ آف جامعۃ المدینہ بوائز پاکستان ، کانٹینٹ:غیاث الدین عطاری)

9 اگست 2023ء بروز بدھ مدنی مرکز فیضانِ مدینہ سرگودھا میں عاشقانِ رسول کی دینی تحریک دعوتِ اسلامی کے تحت  جامعۃ المدینہ بوائز کے ناظمین کا مدنی مشورہ ہوا ۔

مدنی مشورے کی ابتدا میں ناظمِ اعلیٰ سرگودھا مولانا عبد اللہ سیالوی عطاری مدنی اور نگرانِ سرگودھا عادل عطاری نے ناظمین سے مختلف امور پر گفتگو کرتے ہوئے کردار سازی اور تعلیمی و اخلاقی تربیت کے حوالےسے کلام کیا۔ (رپورٹ: فضیل رضا عطاری مدنی ناظم جامعۃ المدینہ 46 اڈا سرگودھا ، کانٹینٹ:غیاث الدین عطاری)

دعوتِ اسلامی کے تحت 4 اگست 2023ء کو  مرکزی جامعۃ المدینہ بوائز فیضانِ مدینہ اسلام آباد G-11 کے طلبۂ کرام کے لئے ایک سیشن منعقد ہوا جس میں اساتذۂ کرام سمیت دیگر ذمہ دار اسلامی بھائیوں کی بھی شرکت رہی۔

سیشن کے ابتدا میں تلاوتِ قراٰن اور نعت شریف پڑھی گئی جبکہ مرکزی مجلسِ شوریٰ کے رکن مولانا حاجی عبد الحبیب عطاری نے سنتوں بھرا بیان کیا اور حاضرین کی دینی و اخلاقی اعتبار سے تربیت کی۔

رکنِ شوریٰ مولانا حاجی عبد الحبیب عطاری نے طلبۂ کرام کو دعوتِ اسلامی کے دینی کاموں میں عملی طور پر حصہ لینے کا ذہن دیا جس پر انہوں نے اچھی اچھی نیتوں کا اظہار کیا۔(کانٹینٹ:غیاث الدین عطاری)

3 اگست 2023ء  کو بہاولنگر میں قائم جامعۃ المدینہ بوائز میں مدنی مشورے کا انعقاد ہوا جس میں نگران بہاولپور مشاورت ڈاکٹر حافظ عبدالرؤف عطاری نے جامعۃ المدینہ میں ہونے والے دینی کاموں کا جائزہ لیا اور اچھی کارکردگی پر ناظم جامعہ کی حوصلہ افزائی کرتے ہوئے انہیں مزید بہتری لانے کےحوالے سے اہداف دیئے۔(رپورٹ: احمدرضا عطاری ڈویژن میڈیا ڈیپارٹمنٹ،کانٹینٹ: رمضان رضا عطاری)

دعوتِ اسلامی کی مرکزی مجلس شوریٰ کے رکن مولانا حاجی محمد اسد عطاری مدنی نے 13 جولائی 2023ء کو مرکزی جامعۃ المدینہ گوجرانوالہ میں قائم درجہ دورۃ الحدیث شریف کا دورہ کیا جہاں انہوں نے طلبۂ کرام سے ملاقات کی۔

اس موقع پر رکن شوریٰ نے طلبۂ کرام کو تعلیمی حوالے سے اپنے اندر مضبوطی پیدا کرنے اور دینِ متین کی خدمت کرنے کے حوالے سے تربیت فرمائی اور مدنی پھول ارشاد فرمائے۔

عاشقانِ رسول کی دینی تحریک دعوتِ اسلامی کے تحت 12 جولائی 2023ء بروز بدھ بہاولپور ڈویژن میں قائم مدنی مرکز فیضانِ مدینہ میں جامعۃالمدینہ بوائز بہاولپور کےناظمین کا مدنی مشورہ ہوا جس میں ڈویژن ذمہ دار بھی موجود تھے۔

نگرانِ بہاولپور ڈویژن ڈاکٹر حافظ عبد الرؤف عطاری نے خود کفالت کے حوالے سے کلام کیا نیز دعوتِ اسلامی کے 12 دینی کاموں میں مزید بہتری لانے کی ترغیب دلائی جس پر ناظمین نے اپنی اپنی رائے پیش کی۔(رپورٹ: احمدرضا عطاری ڈویژن میڈیا ڈیپارٹمنٹ ، کانٹینٹ:غیاث الدین عطاری)

دعوتِ اسلامی کے  تحت صوبہ خیبرپختونخواہ میں قائم جامعۃُ المدینہ بوائز کے ناظمین کا مدنی مشورہ اسلام آباد میں موجود مدنی مرکز فیضان مدینہ G-11میں ہوا۔

مدنی مشورے میں اراکینِ شویٰ حاجی اسد عطاری مدنی اور حاجی یعفور رضا عطاری نے جامعۃ المدینہ بوائز کے تعلیمی نظام کو مزید بہتر سے بہتر بنانے کے حوالے سے ناظمین کی مختلف موضوعات پر تربیت فرمائی اور انہیں آئندہ کے لئے اہداف دیئے۔( کانٹینٹ:رمضان رضا عطاری) 

دعوتِ اسلامی  کے شعبہ جامعۃ المدینہ بوائز فیضانِ ضیائے مدینہ میں بروز پیر 10جولائی 2023ء کو سالانہ تقسیم اسناد اجتماع کا سلسلہ ہوا جس میں طلبہ و اساتذہ کرام سمیت شعبہ تعلیمی امور کراچی کے ذمہ دار فہیم عطاری مدنی نے شرکت کی۔

تقسیم اسناد اجتماع میں رکن شعبہ جامعۃُ المدینہ و ناظم اعلیٰ کنزُالمدارس بورڈ سید ساجد عطاری مدنی نے سنتوں بھرا بیان کیا جس میں طلبۂ کرام کو مزید محنت سے اپنے اسباق کو یاد رکھنے اور ان کی دہرائی کرتے رہنے کا ذہن دیا۔

آخر میں کنزالمدارس بورڈ کے تحت سالانہ امتحان 2023 ء میں پوزیشن ہولڈرز طلبۂ کرام میں تحائف، شیلڈ اور سال 2022ء میں مختلف امور پر اچھی کارکردگی حاصل کرنے والے طلبۂ کرام کو سرٹیفیکیٹ پیش کئے۔( کانٹینٹ:رمضان رضا عطاری)

وفاقی دارالحکومت اسلام آباد زون 1 سیکٹر جی8 میں  قائم دعوتِ اسلامی کے شعبہ جامعۃُ المدینہ بوائز صدیق اکبر میں طلبائے کرام کے درمیان سیکھنے سکھانے کا حلقہ منعقد ہوا۔

مدنی مشورے میں نگرانِ زون مشاورت سید انس عطاری نے تنظیمی و اخلاقی اعتبار سے تربیت کی اور قربانی کی کھالیں جمع کرنے کی ترغیب دلائی جس پر طلبائے کرام نے اچھی اچھی نیتوں کا اظہار کیا۔( کانٹینٹ:رمضان رضا عطاری)

22جون 2023ء کو بہاولپور سٹی میں قائم دعوتِ اسلامی کے مدنی مرکز فیضانِ مدینہ میں مدنی مشورے کاانعقاد ہوا جس میں بہاولپور ڈویژن جامعۃ المدینہ بوائز کے جدول ناظمین کی شرکت ہوئی ۔

ڈویژن مشاورت کے نگران ڈاکٹر حافظ عبدُالرؤف عطاری ، پاکستان سطح کے 12دینی کام جامعۃ المدینہ بوائز کے ذمہ دار مولانا نواز عطاری مدنی اور ناظم اعلیٰ غلام مرتضیٰ عطاری مدنی نے شرکا کو مدنی پھول دیئے ۔

مدنی مشورے میں سابقہ دینی کاموں کی کارکردگی کا جائزہ لیا گیا اور جامعۃ المدینہ کے طلبۂ کرام کے ذریعے کس انداز میں 12دینی کاموں میں بہتری لائی جائے،انہیں ذمہ داریاں دی جائیں تاکہ یہ پڑھائی کے ساتھ ساتھ اُمتّ مسلمہ کی خیر خواہی کے جذبے اور جو مقصد شیخ طریقت امیر اہلسنت دامت برکاتہم العالیہ نے عطا فرمایا :’’مجھے اپنی اور ساری دنیا کے لوگوں کی اصلاح کی کوشش کرنی ہے‘‘ اس پر عمل کرتے ہوئے معاشرے میں اہم کردار ادا کریں۔ان مذکورہ باتوں پر تبادلۂ خیال کیا گیا۔(رپورٹ: احمدرضا عطاری ڈویژن میڈیا ڈیپارٹمنٹ،کانٹینٹ:رمضان رضا عطاری)

شعبہ جامعۃ المدینہ بوائز  کے تحت 17جون 2023ء بروز ہفتہ فیضانِ مدینہ ملتان میں مدنی مشورہ منعقد ہوا جس میں ملتان ڈویژن کے تمام ناظمین جامعۃ المدینہ بوائز شریک ہوئے۔

مدنی مشورے میں محمد سادات عطاری نے 12دینی کاموں کو بڑھانے،اجتماعی قربانی اور قربانی کی کھالوں کو جمع کرنے کے بارے میں اسلامی بھائیوں کی تربیت کی نیز تعلیمی نظام کو مزید مضبوط بنانے اور طلبہ و اساتذہ کو 12دینی کام کرنے کے لئے تیار کرنے سمیت ان کو مختلف تنظیمی ذمہ داریاں دینے پر کلام ہوا۔(رپورٹ: قمر عطاری مجلس کارکردگی ،کانٹینٹ:رمضان رضا عطاری)