شعبہ رابطہ برائے تاجران دعوتِ اسلامی کے تحت مدنی مرکز فیضان مدینہ فیصل آباد میں تاجران کے لئے ”فیضانِ نماز کورس“ کا انعقاد کیا گیا جس میں نگرانِ شعبہ مولانا فہیم عطاری مدنی، دیگر ذمہ داران اور تاجران نے کثیر تعداد میں شرکت کی۔

معلومات کے مطابق اس کورس کے دوران رکنِ مرکزی مجلسِ شوریٰ و نگرانِ پاکستان مشاورت حاجی محمد شاہد عطاری نے تاجران کو نماز کے فرائض و واجبات، مستحبات و مکروہات بتائےاور نماز کا عملی طریقہ سکھایا۔

اس موقع پر نگرانِ پاکستان مشاورت نے تاجران کو دعوتِ اسلامی کے دینی کاموں میں حصہ لینے کی ترغیب دلائی اور انہیں مدنی پھولوں سے نوازا ۔ کورس کے آخر میں نگرانِ پاکستان مشاورت نے دعا کروائی اور کورس میں آنے والے تاجران سے ملاقات بھی کی۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

بلیو ایریا(Blue Area)، اسلام آبادمیں شعبہ رابطہ برائے تاجران کے ذمہ دار اسلامی بھائیوں کی عمرہ کی مبارک باد دینے کے سلسلے میں معروف تاجر سید سادات حسین شاہ سے ملاقات ہوئی جس میں اسلام آباد کے صوبائی ذمہ دار اطہر اشتیاق عطاری اور اسلام آباد مشاورت کے نگران مولانا بابر عطاری مدنی شریک تھے۔

ملاقات کے دوران ذمہ داران نے بلیو ایریا، اسلام آباد میں اسلامک سینٹر کے قیام کے لئے لی گئی جگہ کا وزٹ کیا جہاں تاجران کو قرآنِ پاک پڑھانے کے ساتھ ساتھ مختلف دینی کورسز کے ذریعے سیکھنے سکھانے کا عمل شروع کیا جائے گا۔ اس سینٹر کا مقصد تاجران اور عوام الناس کو دینی تعلیمات سے روشناس کرانا ہے تاکہ دینی شعور کو فروغ دیا جا سکے۔(رپورٹ: اطہر اشتیاق عطاری صوبائی ذمہ دار اسلام آباد شعبہ رابطہ برائے تاجران ، کانٹینٹ:غیاث الدین عطاری)

12 اپریل 2026ء بروز اتوار ظہر تا عصر کے درمیان دعوتِ اسلامی کے مدنی مرکز فیضانِ مدینہ G-11 اسلام آباد میں شعبہ رابطہ برائے تاجران کا اہم مدنی مشورہ منعقد ہوا۔

نگرانِ شعبہ مولانا فہیم عطاری مدنی نے تاجران میں دینی کام کرنے کے حوالے سے چند اہم امور پر گفتگو کی اور آئندہ کے لئے اہم اہداف بھی مقرر کئے نیز نگرانِ شعبہ نے تاجران میں احکام قربانی و فرض علوم کا کورس کروانے اور ایصال ثواب اجتماعات کا انعقاد کرنےکی ترغیب دلائی تاکہ دینی خدمات کو عام کیا جا سکے۔

اس موقع پر صوبائی ذمہ دار ان اسلام آباد اطہر اشتیاق عطاری اور خوشی محمد عطاری بھی موجود تھے ۔ ذمہ دار اسلامی بھائیوں نے اس مدنی مشورے میں دینی و فلاحی کاموں میں مزید بہتری لانے کی اچھی اچھی نیتیں کیں۔(رپورٹ: اطہر اشتیاق عطاری صوبائی ذمہ دار اسلام آباد شعبہ رابطہ برائے تاجران ، کانٹینٹ:غیاث الدین عطاری)

ڈیرہ غازی خان و راجن پور کے ڈسٹرکٹ  اور تحصیل ذمہ داران سے دینی کاموں کا فالو اپ لینے کے لئے 11 اپریل 2026ء کو مدنی مرکز فیضان مدینہ، جمال سرور کالونی، ڈیرہ غازی خان میں شعبہ رابطہ برائے تاجران دعوتِ اسلامی کے تحت ماہانہ مدنی مشورہ ہوا۔

اس ماہانہ مدنی مشورے کا مقصد تاجران کے شعبہ میں فعالیت کو مزید بہتر بنانا اور ذمہ داران کے درمیان روابط کو مضبوط کرنا تھا نیز نگران شعبہ مولانا فہیم عطاری مدنی نے ڈسٹرکٹ و تحصیل ذمہ داران کے ہمراہ چند اہم نکات پر گفتگو کی۔

معلومات کے مطابق مدنی مشورے میں صوبائی ذمہ دار پنجاب خوشی محمد عطاری اور ڈویژن ذمہ دار غلام یاسین نے بھی شرکت کی جبکہ تمام ذمہ داران نے اپنے شعبوں میں ترقی اور ذمہ داریوں کی انجام دہی کے لئے اچھی اچھی نیتیں کیں۔ (رپورٹ: دانیال عطاری، آفس ذمہ دار ، کانٹینٹ:غیاث الدین عطاری)

6 اپریل 2026ء کو شعبہ رابطہ برائے تاجران دعوتِ اسلامی کے تحت  ضلع بہاولپور، پنجاب کے شہر صادق آباد میں ”عید ملن حلقہ“ منعقد ہوا جس میں تاجران کی کثیر تعداد نے شرکت کی۔

حلقے کی ابتدا میں تلاوتِ قرآن کرنے اور نعت شریف پڑھنے کے بعد نگرانِ شعبہ مولانا فہیم عطاری مدنی نے بیان کرتے ہوئے وہاں موجود تاجران کی رہنمائی کی اور انہیں دعوتِ اسلامی کے دینی کاموں میں حصہ لینے کا ذہن دیا۔

بعدِ حلقہ مقامی ذمہ دار اسلامی بھائیوں کا مدنی مشورہ ہوا جس میں مولانا فہیم عطاری مدنی نے شعبے کے دینی کاموں میں مزید بہتری لانے اور آئندہ کے اہداف پر تبادلۂ خیال کیا۔(رپورٹ: دانیال عطاری پاکستان آفس ذمہ دار ، کانٹینٹ:غیاث الدین عطاری)

دعوتِ اسلامی کے تحت 6 اپریل 2026ء کو  شعبہ رابطہ برائے تاجران کے ایک وفد نے حاصل پور شہر ، پنجاب کی معروف کاروباری شخصیت Frank Khalid (Fukhera Khalid) سے اُن کے آفس میں ملاقات کی۔

اس ملاقات میں مولانا فہیم عطاری مدنی نے Frank Khalid کو دعوتِ اسلامی کی مختلف ایکٹیویٹیز کے بارے میں بتایا اور انہیں UK میں قائم دعوتِ اسلامی کے اسلامک سینٹر فیضانِ مدینہ کا وزٹ کرنے کی دعوت دی۔

آخر میں میں مولانا فہیم عطاری مدنی نے Frank Khalid کو ”فیضانِ قرآن ڈیجیٹل پین“ تحفے میں پیش کیا جس پر انہوں نے خوشی کا اظہار کیا۔(رپورٹ: دانیال عطاری پاکستان آفس ذمہ دار ، کانٹینٹ:غیاث الدین عطاری)

فیصل آباد، پنجاب میں واقع دعوتِ اسلامی کے مدنی مرکز فیضانِ مدینہ میں گزشتہ روز شعبہ رابطہ برائے تاجران کے تحت ایک سیشن ہوا جس میں مختلف شعبوں سے وابستہ تاجران اور نگرانِ فیصل آباد سٹی مولانا مظہر عطاری مدنی  نے شرکت کی۔

سیشن کے دوران رکنِ مرکزی مجلسِ شوریٰ و نگرانِ پاکستان مشاورت حاجی محمد شاہد عطاری نے تاجران کے درمیان بیان کیا جس میں انہیں نیکی کرنے اور نیکی کے کاموں میں حصہ لیتے رہنے کا ذہن دیا۔

نگرانِ پاکستان مشاورت نے نیک لوگوں کے اوصاف بتاتے ہوئے نماز و روزہ کی پابندی کرنےاور شرعی اصولوں کے مطابق اپنی تجارت جاری رکھنے کے متعلق تاجران کی ذہن سازی کی۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

شعبہ رابطہ برائے تاجران دعوتِ اسلامی کے تحت فیصل آباد کے  مدنی مرکز فیضانِ مدینہ میں ایک میٹ اپ منعقد ہوا جس میں نگرانِ شعبہ اور صوبہ پنجاب بالخصوص لاہور سٹی کے تاجران نے شرکت کی۔

میٹ اپ کے دوران مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے شعبے کے متعلق کلام کرتے ہوئے ماہانہ خود کفالت کا جائزہ لیا اور آئندہ کے اہداف پر گفتگو کی۔

بعدازاں تمام اسلامی بھائیوں نے نگرانِ پاکستان مشاورت کے ہمراہ اجتماعی طور پر بذریعہ مدنی چینل مدنی مذاکرے میں شرکت کی۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

دعوتِ اسلامی کے شعبہ رابطہ برائے تاجران کے تحت سٹی ٹاؤن راولپنڈی میں ایک تاجر اسلامی  بھائی کے گھر اجتماع میلاد کا سلسلہ ہوا جس میں مبلغ دعوت اسلامی اور شعبہ رابطہ برائے تاجران کے ذمہ دار محمد رضوان عطاری نے ’’میلاد مصطفی صلَّی اللہ علیہ واٰلہٖ وسلَّم کی برکات ‘‘کے موضوع پر بیان کیا ۔

دورانِ بیان ذمہ دار اسلامی بھائی نے تاجر برادری کو مدنی چینل دیکھنے اور دعوت اسلامی کے دینی کاموں میں حصہ لینے کا ذہن دیا جس پر انہوں نے بھر پور تعاون کرنے کی اچھی نیتیں کیں۔

دیگر شخصیات اور تاجران کے ساتھ امپیریل مارکیٹ راولپنڈی کے تاجران نے بھی اجتماع میلاد میں شرکت کی۔(رپورٹ: رابطہ برائے تاجران راولپنڈی،کانٹینٹ:رمضان رضا عطاری)

دعوتِ اسلامی کے شعبہ رابطہ برائے تاجران کے تحت بینک روڈ صدر راولپنڈی میں 23اکتوبر2023ء کو عظیم الشان اجتماع میلاد کا سلسلہ ہوا جس میں تاجر حضرات نے شرکت کی ۔

ذمہ دار شعبہ رابطہ برائے تاجران راولپنڈی محمد رضوان عطاری نے’’ میلاد کی برکات اور مقصد میلاد‘‘ کے موضوع پر بیان کیا اور شرکا کو فکرِ آخرت کا ذہن دیا نیز ہفتہ وارسنتوں بھرے اجتماع میں شرکت کی دعوت بھی دی جس پر انہوں نے بھلے جذبات کا اظہار کیا۔(کا نٹینٹ:رمضان رضا عطاری)

عاشقانِ رسول کی دینی تحریک  دعوت اسلامی کی جانب سے پچھلے دنوں ملتان سٹی محمد آرکیڈ میں تاجران اجتماع ہوا جس میں مبلغ دعوت اسلامی نگران سٹی محمد راشد عطاری نے’’ میلاد النبی صلَّی اللہ علیہ واٰلہٖ وسلَّم اور آقا کی امت سے محبت‘‘ کے موضوع پر بیان کیا۔

دورانِ بیان تاجران کو دعوت اسلامی کے دینی کاموں میں عملاً شمولیت اخیتار کرنے کی دعوت دی جس پر انہوں نے اچھی اچھی نیتیں کیں۔(رپورٹ: طارق امتیاز عطاری ملتان ڈویژن ذمہ دار شعبہ رابطہ تاجران،کانٹینٹ:رمضان رضا عطاری) 

پنجاب پمکومیٹ (PEMCO MEAT) کمپنی سلاٹر ہاؤس لاہور میں شعبہ رابطہ برائے تاجران کے تحت اجتماع میلاد کا سلسلہ ہوا جس میں مرکزی مجلس شوریٰ کے رکن حاجی یعفور رضا عطاری نے ’’اخلاقِ مصطفی صلَّی اللہ علیہ واٰلہٖ وسلَّم‘‘کے موضوع پر بیان فرمایا۔

اس اجتماع میں سلاٹر ہاؤس کے سی او، ایڈمنسٹریشن، ویٹرنری ڈاکٹرز، بیف ویلفیئر ایسوسی ایشن کے صدر و دیگر شخصیات کے ساتھ ساتھ کثیر تعداد میں سلاٹر ہاؤس میں کام کرنے والے عاشقان رسول نے شرکت کی۔

٭اجتماع میلاد کےبعد پمکو میٹنگ ہال میں شخصیات کے درمیان سیکھنے سکھانے کا حلقہ منعقد ہوا جس میں رکنِ شوریٰ حاجی یعفور رضا عطاری نے دعوت اسلامی کے دینی کاموں میں شمولیت اختتار کرنے کے حوالے سے مدنی پھول دیئے۔اس موقع پر درج ذیل شخصیات نے شرکت کی۔

شریعی ایڈوائزرعاقب جاوید عطاری مدنی ،سلاٹر ہاوس کے سی او ضوریز افشار ،جنرل مینجر عمران ،ایڈمنسٹریشن سلاٹر ہاوس،سلاٹر ہاؤس کے ویٹرنری ڈاکٹرز،بیف ویلفیئر ایسوسی ایشن صدر حاجی شہزاد احمد مالک،بیف ویلفیئر نائب صدرشان امیر حسین،بکر منڈی مٹن و بیف صدرحاجی شبیر ،قریشی برادری کے ندیم ،مٹن ہول سیل پیکارجناب حاجی اعجاز صاحب،کوٹ کمبوہ بکر منڈی عملہ،شالیمار ٹاؤن بیف صدر جناب مبین صاحب،نائب صدر شالیمار ٹاؤن کے عابد اورمٹن و بیف سلاٹنگ کے عملے نے شرکت کی۔(رپورٹ: مجلس رابطہ برائے تاجران لاہور ڈویژن، کانٹینٹ:رمضان رضا عطاری)