اللہ تبارک و تعالی نے انسان کو مٹی سے پیدا فرمایا ہے اور اس کی انتہا بھی مٹی ہے تو انسان کو چاہیے کہ وہ اپنی زندگی تواضع اور انکساری کے ساتھ جیے  ۔ عاجزی کرنے والے اللہ اور اس کے رسولﷺکو پسند ہیں ۔

ابراہیم بن الاشعث فرماتے ہیں:میں نے فضیل بن عیاض علیہ الرحمہ سے تواضع کے بارے میں پوچھا؟آپ نے فرمایا: تواضع یہ ہے کہ تو حق کے لیے جھک جائے اور اس کے آگے سرخم تسلیم کر دے الخ ۔

(التواضع و الخمول ،موسوعۃ ابن ابی دنیا ،جلد 3،ص554،مطبوعہ مکتبۃ العربیہ )

اللہ تبارک و تعالی نے قرآن مجید میں کئی مقامات پر تواضع والوں کی شان بیان فرمائی ہے ۔

1،اللہ پاک نے تواضع والوں کو اپنے حبیب ﷺ کے ذریعے خوشخبری سنائی ۔ چنانچہ اللہ تبارک و تعالی کا فرمان ہے: -وَ بَشِّرِ الْمُخْبِتِیْنَۙ(۳۴) ترجمہ کنز الایمان: اور اے محبوب خوشی سنادو ان تواضع والوں کو ۔ (پارہ 17،سورة الحج ،آیت نمبر 34،)

یاد رہے کہ فخر و تکبر کی چال اور متکبرین کی سی بیٹھک وغیرہ سب ممنوع ہیں ، ہمارے چلنے پھرنے بیٹھنے اٹھنے میں تواضع اور اِنکساری ہونی چاہیے،چنانچہ اللہ پاک کا فرمان ہے : وَ لَا تَمْشِ فِی الْاَرْضِ مَرَحًا ۔ ترجمہ کنز الایمان:اور زمین میں اتراتا نہ چل ۔ (پارہ 15 سورة بنی اسرائیل ،آیت 37 )

یہ آیت تمام خوبیوں کی جامع ہے ۔ کہ پرہیزگار تواضع پسند ہوتا ہے اور جو تواضع پسند ہو وہ اللہ کہ ہاں عزت ومرتبت والا ہوتا ہے :

تبلیغِ قرآن و سنت کی عالمگیر تحریک، دعوتِ اسلامی کے بانی شیخِ طریقت، امیرِ اہل سنت حضرت علامہ مولانا ابو بلال محمد الیاس عطار قادری دامت برکاتہم العالیہ کی شخصیت علمی و روحانی حوالے سے کسی تعارف کی محتاج نہیں ہے۔ آپ کی تحریریں اور خطوط مریدین، معتقدین اور عام مسلمانوں کے لئے ہدایت کا سرچشمہ ہیں۔

امیرِ اہل سنت کا اندازِ تحریر نہایت سادہ اور دل نشین ہے جو براہِ راست دل پر اثر کرتا ہے۔ دعوتِ اسلامی کے آغاز اور امیرِ اہل سنت کی جدوجہد کو سمجھنے میں مدد ملتی ہے۔ روزمرہ زندگی میں نیکیوں پر استقامت پانے کے عملی طریقے سیکھنے کو ملتے ہیں۔

سال 2022ء میں سفرِ مدینہ کے دوران شیخ طریقت امیر اہلسنت علامہ محمد الیاس عطار قادری دامت بَرَکَاتُہمُ العالیہ نے”مرکزی مجلس شوریٰ کے اراکین “ کے نام مختلف مدنی پھول اپنے قلم سے تحریر فرمائے تھے جنہیں بعد میں یکجاں کرکے”شعبہ ہفتہ وار رسالہ“نے عاشقان رسول کی رہنمائی کے لئے 34 صفحات پر مشتمل ایک رسالہ بنام ”تحریراتِ عطار“ تیار کیا ہے۔ امیر اہلسنت دامت بَرَکَاتُہمُ العالیہ نے اس ہفتے عاشقان رسول کو یہ رسالہ پڑھنے/ سننے کی ترغیب دلائی ہے اور پڑھنے/سننے والوں کو اپنی دعاؤں سے نوازا ہے۔

دعائے عطار

یاربّ کریم! جو کوئی 34 صفحات کا رسالہ ”تحریراتِ عطار“ پڑھ یا سن لے اُسے دعوتِ اسلامی کے دینی ماحول میں استقامت عطا فرما اور اس کو ماں باپ اور خاندان سمیت جنت الفردوس میں بے حساب داخلہ نصیب فرما۔ اٰمین

یہ رسالہ آڈیو میں سننے اور اردو سمیت کئی زبانوں میں ڈاؤن لوڈ کرنے کے لئے نیچے دیئے گئے لنک پر کلک کیجئے:

Download

ڈسٹرکٹ جہلم، پنجاب میں شعبہ معاونت برائے اسلامی بہنیں دعوتِ اسلامی کے تحت 5 اپریل 2026ء کو  اسلامی بہنوں کے مدنی مرکز”فیضان صحابیات“ کا افتتاح کیا گیا جس میں ڈویژن و ڈسٹرکٹ ذمہ داران اور محارم اسلامی بھائی سمیت دیگر عاشقانِ رسول نے شرکت کی۔

اس موقع پر نگرانِ شعبہ غلام الیاس عطاری اور صوبائی ذمہ دار محمد اقبال عطاری نے فیضانِ صحابیات کی آبادکاری اور اس کے مقاصد کے بارے میں اسلامی بھائیوں کی ذہن سازی کی ۔

اس کے علاوہ نگرانِ شعبہ نے وہاں موجود اسلامی بھائیوں کو دعوتِ اسلامی کے 12 دینی کاموں میں بڑھ چڑھ کر حصہ لینے کی ترغیب دلائی جس پر انہوں نے اچھی اچھی نیتیں کیں۔(رپورٹ: محمد علی عطاری شعبہ معاونت برائے اسلامی بہنیں، صوبہ پنجاب آفس ، کانٹینٹ:غیاث الدین عطاری)

5 اپریل 2026ء کو  ڈسٹرکٹ چکوال، پنجاب میں شعبہ معاونت برائے اسلامی بہنیں کے تحت اسلامی بہنوں کے مدنی مرکز”فیضان صحابیات“ کا افتتاح کیا گیا جس میں ڈویژن و ڈسٹرکٹ ذمہ داران اور محارم اسلامی بھائی سمیت دیگر عاشقانِ رسول نے شرکت کی۔

اس موقع پر نگرانِ شعبہ غلام الیاس عطاری اور صوبائی ذمہ دار محمد اقبال عطاری نے فیضانِ صحابیات کی آبادکاری اور اس کے مقاصد کے بارے میں اسلامی بھائیوں کی ذہن سازی کی ۔

اس کے علاوہ نگرانِ شعبہ نے وہاں موجود اسلامی بھائیوں کو دعوتِ اسلامی کے 12 دینی کاموں میں بڑھ چڑھ کر حصہ لینے کی ترغیب دلائی جس پر انہوں نے اچھی اچھی نیتیں کیں۔(رپورٹ: محمد علی عطاری شعبہ معاونت برائے اسلامی بہنیں، صوبہ پنجاب آفس ، کانٹینٹ:غیاث الدین عطاری)

بہاولپور، پنجاب:

حال ہی میں RPO بہاولپور غازی محمد صلاح الدین نے دعوتِ اسلامی کے مدنی مرکز فیضان مدینہ خان پور کا وزٹ کیا جہاں اُن کی ملاقات رکنِ مرکزی مجلسِ شوریٰ حاجی محمد اسلم عطاری سے ہوئی ۔

وزٹ کے دوران غازی محمد صلاح الدین کو دعوتِ اسلامی کی دینی و فلاحی خدمات پر مشتمل ڈاکومنٹری دکھائی گئی جس پر انہوں نے خوشی کا اظہار کیا نیز انہیں مکتبہ المدینہ کی مختلف کُتُب تحفے میں دی گئی۔

اس وزٹ کا مقصد دینی و فلاحی کاموں کو فروغ دینا اور شخصیات کے مابین رابطہ قائم کرنا تھا تاکہ دین کی خدمت کو مزید مؤثر بنایا جا سکے۔(رپورٹ: شعبہ رابطہ برائےشخصیات ، کانٹینٹ:غیاث الدین عطاری)

بلیو ایریا(Blue Area)، اسلام آبادمیں شعبہ رابطہ برائے تاجران کے ذمہ دار اسلامی بھائیوں کی عمرہ کی مبارک باد دینے کے سلسلے میں معروف تاجر سید سادات حسین شاہ سے ملاقات ہوئی جس میں اسلام آباد کے صوبائی ذمہ دار اطہر اشتیاق عطاری اور اسلام آباد مشاورت کے نگران مولانا بابر عطاری مدنی شریک تھے۔

ملاقات کے دوران ذمہ داران نے بلیو ایریا، اسلام آباد میں اسلامک سینٹر کے قیام کے لئے لی گئی جگہ کا وزٹ کیا جہاں تاجران کو قرآنِ پاک پڑھانے کے ساتھ ساتھ مختلف دینی کورسز کے ذریعے سیکھنے سکھانے کا عمل شروع کیا جائے گا۔ اس سینٹر کا مقصد تاجران اور عوام الناس کو دینی تعلیمات سے روشناس کرانا ہے تاکہ دینی شعور کو فروغ دیا جا سکے۔(رپورٹ: اطہر اشتیاق عطاری صوبائی ذمہ دار اسلام آباد شعبہ رابطہ برائے تاجران ، کانٹینٹ:غیاث الدین عطاری)

12 اپریل 2026ء بروز اتوار ظہر تا عصر کے درمیان دعوتِ اسلامی کے مدنی مرکز فیضانِ مدینہ G-11 اسلام آباد میں شعبہ رابطہ برائے تاجران کا اہم مدنی مشورہ منعقد ہوا۔

نگرانِ شعبہ مولانا فہیم عطاری مدنی نے تاجران میں دینی کام کرنے کے حوالے سے چند اہم امور پر گفتگو کی اور آئندہ کے لئے اہم اہداف بھی مقرر کئے نیز نگرانِ شعبہ نے تاجران میں احکام قربانی و فرض علوم کا کورس کروانے اور ایصال ثواب اجتماعات کا انعقاد کرنےکی ترغیب دلائی تاکہ دینی خدمات کو عام کیا جا سکے۔

اس موقع پر صوبائی ذمہ دار ان اسلام آباد اطہر اشتیاق عطاری اور خوشی محمد عطاری بھی موجود تھے ۔ ذمہ دار اسلامی بھائیوں نے اس مدنی مشورے میں دینی و فلاحی کاموں میں مزید بہتری لانے کی اچھی اچھی نیتیں کیں۔(رپورٹ: اطہر اشتیاق عطاری صوبائی ذمہ دار اسلام آباد شعبہ رابطہ برائے تاجران ، کانٹینٹ:غیاث الدین عطاری)

شعبہ کفن دفن دعوتِ اسلامی کے تحت 15 اپریل 2026ء کو جامع مسجد فیضانِ مصطفیٰ زون 3 بہارا کہو، اسلام آباد میں غسل میت و کفن کے متعلق خصوصی کورس منعقد کیا گیا جس میں مقامی اسلامی بھائیوں نے شرکت کی۔

اس کورس میں صوبائی ذمہ دار شعبہ کفن دفن مولانا محمد مزمل عطاری مدنی نے شرکا کو غسلِ میت کے شرعی احکام بیان کرتے ہوئے اُن کی رہنمائی کی جس میں شرکا کو بتایا گیا کہ تختۂ غسل پر پانی کا بے تحاشہ استعمال نہ کیا جائے اور پانی کی احتیاطی تدابیر اپنائیں نیز صوبائی ذمہ دار نے حدیث پاک کی روشنی میں غسلِ میت کی فضیلت اور اس کے شرعی حکم سے بھی آگاہ کیا۔

اس کے علاوہ صوبائی ذمہ دار نے عوام الناس میں پائی جانے والی غلطیوں کی نشاندہی اور عملی طور پر غسل دینے کا طریقہ بھی سکھایا۔آخر میں شرکا کی جانب سے سوالات کئے گئے جن کے انہیں تفصیلی جوابات دیئے گئے۔(رپورٹ: شعبہ کفن دفن ، کانٹینٹ:غیاث الدین عطاری)

کراچی (ویب ڈیسک): دعوتِ اسلامی کے ممتاز مبلغ، رکنِ مجلس المدینۃ العلمیہ اور ماہنامہ فیضانِ مدینہ کے چیف ایڈیٹر مولانا ابورجب محمد آصف عطاری مدنی کو گزشتہ رات کراچی کے مقامی قبرستان میں سپردِ خاک کر دیا گیا۔ ان کی نمازِ جنازہ 16 اپریل 2026ء جمعرات کو رات ہفتہ وار اجتماع کے بعد عالمی مدنی مرکز فیضانِ مدینہ پرانی سبزی منڈی، کراچی میں ادا کی گئی، جس کی امامت بانیِ دعوتِ اسلامی شیخِ طریقت امیرِ اہلِ سنت علامہ محمد الیاس عطار قادری دامت بَرَکَاتُہمُ العالیہ نے فرمائی۔ اس موقع پر رقت آمیز مناظر دیکھنے کو ملے اور ہزاروں کی تعداد میں علمائے کرام، طلبہ کرام اور شہر بھر سے آئے ہوئے عاشقانِ رسول نے شرکت کی جن میں اراکینِ شوریٰ، جید علمائے کرام و مفتیانِ کرام اور جامعۃ المدینہ کے اساتذہ و طلبہ بھی شامل تھے ۔ امیرِ اہلِ سنت دامت بَرَکَاتُہمُ العالیہ نے نمازِ جنازہ کے بعد مرحوم کی بلندیٔ درجات کے لئے خصوصی دعا کروائی اور اپنے مخلص مرید اور دیرینہ رفیق کے جنازے کو خود کندھا دے کر رخصت کیا۔

نمازِ جنازہ کے بعد میت کو قافلے کی صورت میں سی ون (C-1) ایریا لیاقت آباد قبرستان، کراچی لایا گیا جہاں تدفین کے موقع پر بھی عاشقانِ رسول کی اچھی خاصی تعداد موجود تھی۔ یہ مولانا آصف عطاری مدنی کی بڑی سعادت اور امیرِ اہلِ سنت دامت بَرَکَاتُہمُ العالیہ سے ان کی گہری وابستگی کا ثبوت تھا کہ پیر و مرشد خود قبرستان تشریف لائے، جانشینِ امیرِ اہلِ سنت ابواُسید الحاج مولانا عبید عطاری مدنی نے خود قبر میں اتر کر اپنے ہاتھوں سے مرحوم کو قبر میں اتارا۔ تدفین کے دوران قبرستان کا ماحول تلاوتِ قرآن، نعت خوانی اور ذکر و اذکار سے معطر رہا، جہاں عاشقانِ رسول نے انتہائی عقیدت و احترام کے ساتھ اپنے پیارے عالمِ دین کو آخری منزل کی طرف الوداع کیا۔

مولانا آصف عطاری مدنی کے انتقال پر علمی و عوامی حلقوں میں دکھ و رنج کا اظہار کیا جا رہا ہے۔ اراکینِ شوریٰ سمیت ملک بھر سے جید علمائے کرام و مفتیانِ کرام نے اپنے تعزیتی پیغامات اور سوشل میڈیا پلیٹ فارمز کے ذریعے ان کی علمی و تحقیقی خدمات کو خراجِ تحسین پیش کرتے ہوئے اسے ایک بڑا خلا قرار دیا ہے۔ واضح رہے کہ امیرِ اہلِ سنت دامت بَرَکَاتُہمُ العالیہ کی مرحوم سے محبت کا یہ عالم تھا کہ انتقال سے محض دو روز قبل بھی آپ نے ہسپتال جا کر ان کی عیادت فرمائی تھی۔ مرحوم نے اپنی زندگی کے 25 سال درس و تدریس اور 26 سال تحریر و تحقیق کے میدان میں صرف کئے، جو ان کے لیے صدقہ جاریہ ہیں۔ ہماری ٹیم اس غم کی گھڑی میں تمام سوگواروں اور لواحقین سے دلی تعزیت کا اظہار کرتی ہے۔

کراچی (ویب ڈیسک):دعوتِ اسلامی کے ممتاز مبلغ، رکنِ مجلس المدینۃ العلمیہ اور ماہنامہ فیضانِ مدینہ کے چیف ایڈیٹر،مولانا ابورجب محمد آصف عطاری مدنی صاحب طویل علالت کے بعد خالقِ حقیقی سے جا ملے۔ آپ 23 مارچ 1976ء کو پیدا ہوئے اور وصال کے وقت آپ کی عمر 50 سال 24 دن تھی، آپ گزشتہ کئی ماہ سے مسلسل جگر کے عارضے میں مبتلا اور علیل تھے۔

ذرائع کے مطابق مولانا آصف عطاری مدنی صاحب کا انتقال آج 16 اپریل 2026ء بروز جمعرات، سہ پہر تقریباً 3 بجے کراچی کے ایک مقامی اسپتال میں ہوا۔ آپ کے وصال کی خبر پر دعوتِ اسلامی کے اراکینِ شوریٰ، جامعۃ المدینہ کے اساتذہ و طلبہ اور اسلامک ریسرچ سینٹر کے اسکالرز نے دکھ اور رنج و ملال کا اظہار کیا ہے۔

مرحوم نے اپنی زندگی کا بڑا حصہ دینِ متین کی خدمت اور علم کی شمع روشن کرنے میں صرف کیا۔ آپ کی خدمات کے چند نمایاں پہلو درج ذیل ہیں:

تدریسی خدمات: آپ نے مسلسل 25 سال تک دعوتِ اسلامی کے تعلیمی ادارے جامعۃ المدینہ کراچی میں درس و تدریس کے فرائض سرانجام دیئے اور ہزاروں طلبہ کی علمی آبیاری کی۔

تحریر و تصنیف: گزشتہ 26 برسوں سے آپ علمی و تحقیقی میدان میں سرگرمِ عمل رہے۔ آپ نے 22 سے زائد مختصر و مفصل کُتُب تصنیف کیں جو علمی حلقوں میں بلند مقام رکھتی ہیں۔

صحافتی خدمات: بطور چیف ایڈیٹر ماہنامہ فیضانِ مدینہ، آپ نے اسے ایک معیاری رسالہ بنانے میں کلیدی کردار ادا کیا۔ اس کے علاوہ آپ نے 250 سے زائد علمی، تحقیقی اور اصلاحی کالمز تحریر کیے جو قارئین کی فکری تربیت کا ذریعہ بنے۔

آپ کو شیخِ طریقت، امیرِ اہل سنت علامہ محمد الیاس عطار قادری دامت بَرَکَاتُہمُ العالیہ سے گہری عقیدت تھی۔ صحت مندی کے ایام میں آپ طویل عرصے تک امیرِ اہل سنت کی صحبت میں رہے اور خصوصاً "مدنی مذاکرے" میں آپ کی شرکت مستقل ہوتی تھی، جہاں آپ کو ایک "عاشقِ مدنی مذاکرہ" کے طور پر پہچانا جاتا تھا۔امیر اہل سنت دامت بَرَکَاتُہمُ العالیہ بھی ان سے بڑی محبت فرماتے تھے اور انتقال سے ایک روز قبل ہی امیر اہل سنت اور جانشین امیر اہل سنت نے اسپتال جاکر ان سے عیادت کی تھی۔

مرحوم کی نمازِ جنازہ اور تدفین کے حوالے سے تفصیلات کا اعلان جلد کیا جائے گا۔

"اللہ پاک مرحوم کی تمام دینی و علمی خدمات کو اپنی بارگاہ میں قبول فرمائے، انہیں جنت الفردوس میں اعلیٰ مقام عطا کرے اور پسماندگان کو صبرِ جمیل عطا فرمائے۔ آمین"

دعوتِ اسلامی ایک عالمی دینی تحریکِ تبلیغِ قرآن و سنت ہے جس کا بنیادی مقصد ”مجھے اپنی اور ساری دنیا کے لوگوں کی اصلاح کی کوشش کرنی ہے“۔ اس مقصد کے حصول کے لئے ہفتہ وار اجتماعات ایک کلیدی حیثیت رکھتے ہیں جہاں مسلمانوں کی اخلاقی، مذہبی اور سماجی تربیت کی جاتی ہے۔ ان اجتماعات کے ذریعے نوجوانوں کو منشیات، جھوٹ اور بددیانتی جیسی برائیوں سے دور رہنے کی ترغیب ملتی ہے۔

یہ اجتماعات ہر جمعرات کو بعدِ نمازِ مغرب شروع ہوتے ہیں جو کہ مقامی سطح پر مساجد میں اورشہر کی سطح پر مدنی مراکز فیضانِ مدینہ میں منعقد کئے جاتے ہیں۔

اجتماع کا آغاز اللہ پاک کے کلام کی تلاوت سے ہوتا ہے۔ تلاوت کے بعد بارگاہِ رسالت صلَّی اللہ علیہ واٰلہٖ وسلَّم میں ہدیہ نعت پیش کیا جاتا ہے۔ اجتماع کا سب سے اہم حصہ بیانات کا ہوتا ہے جس میں مبلغین دعوتِ اسلامی و اراکینِ شوریٰ قرآن و حدیث کی روشنی میں مختلف موضوعات پر سنتوں بھرے بیانات کرتے ہیں۔

اسی سلسلے میں 16 اپریل 2026ء بروز جمعرات دنیا بھر میں ہفتہ وار اجتماعات کا انعقاد کیا جائے ۔

تفصیلات کے مطابق اس ہفتے مدنی مرکز فیضان مدینہ فیصل آباد مدینہ ٹاؤن سے مدنی چینل پر براہِ راست نشر ہونے والے ہفتہ وار اجتماع میں دعوت اسلامی کی مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی سنتوں بھرا بیان فرمائیں گے۔

مدنی مرکز فیضانِ مدینہ کاہنہ نو لاہور میں رکن شوریٰ حاجی یعفور رضا عطاری، مدنی مرکز فیضانِ مدینہ گوجرانوالہ میں رکن شوریٰ حاجی منصور عطاری، مدنی مرکز فیضانِ مدینہ بیراج روڈ سکھر میں رکن شوریٰ حاجی محمد علی عطاری، مدنی مرکز فیضان مدینہ علی ٹاؤن سرگودھا میں رکن شوریٰ مولانا حاجی محمد عقیل عطاری مدنی، مدنی مرکز فیضانِ مدینہ شفقت آباد منڈی بہاؤالدین میں رکن شوریٰ مولانا حاجی محمد اسد عطاری مدنی، مدنی مرکز فیضان مدینہ شاہ رکن عالم کالونی ملتان میں رکن شوریٰ قاری سلیم عطاری اور مدنی مرکز فیضان مدینہ ROCHDALEمیں رکن شوریٰ حاجی محمد خالد عطاری، لولدیگھی شاہی جامع مسجد، لولدیگھی، کوتوایلی، چٹاگرام بنگلہ دیش میں رکن شوریٰ عبد المبین عطاری سنتوں بھرا بیان فرمائیں گے۔

دعوتِ اسلامی کے ہفتہ وار اجتماعات محض ایک مذہبی اجتماع نہیں بلکہ ایک اصلاحی تحریک ہیں جو معاشرے میں مثبت تبدیلی اور دینی شعور بیدار کرنے میں اہم کردار ادا کر رہے ہیں۔ ان اجتماعات کی کامیابی کا بڑا راز ان کا منظم ڈھانچہ اور ”خوفِ خدا و عشقِ رسول صلَّی اللہ علیہ واٰلہٖ وسلَّم“ پر مبنی پیغام ہے۔

ڈیرہ غازی خان و راجن پور کے ڈسٹرکٹ  اور تحصیل ذمہ داران سے دینی کاموں کا فالو اپ لینے کے لئے 11 اپریل 2026ء کو مدنی مرکز فیضان مدینہ، جمال سرور کالونی، ڈیرہ غازی خان میں شعبہ رابطہ برائے تاجران دعوتِ اسلامی کے تحت ماہانہ مدنی مشورہ ہوا۔

اس ماہانہ مدنی مشورے کا مقصد تاجران کے شعبہ میں فعالیت کو مزید بہتر بنانا اور ذمہ داران کے درمیان روابط کو مضبوط کرنا تھا نیز نگران شعبہ مولانا فہیم عطاری مدنی نے ڈسٹرکٹ و تحصیل ذمہ داران کے ہمراہ چند اہم نکات پر گفتگو کی۔

معلومات کے مطابق مدنی مشورے میں صوبائی ذمہ دار پنجاب خوشی محمد عطاری اور ڈویژن ذمہ دار غلام یاسین نے بھی شرکت کی جبکہ تمام ذمہ داران نے اپنے شعبوں میں ترقی اور ذمہ داریوں کی انجام دہی کے لئے اچھی اچھی نیتیں کیں۔ (رپورٹ: دانیال عطاری، آفس ذمہ دار ، کانٹینٹ:غیاث الدین عطاری)