11 اپریل 2026ء  کو بعد نماز عصر اورنگی ڈسٹرکٹ کے مومن آباد ٹاؤن میں دعوتِ اسلامی کے تحت اسپیشل پرسنز ڈیپارٹمنٹ کے ذمہ داران نے اسپیشل پرسنز کے ہمراہ علاقائی دورہ برائے نیکی کی دعوت میں شرکت کی۔

اس دوران اورنگی ڈسٹرکٹ کے ذمہ دار محمد جواد عطاری نے حاضرین کو نیکی کی دعوت دیتے ہوئے 12 دینی کاموں کو مزید بڑھانے، ہفتہ وار اجتماع اور ہفتہ وار مدنی مذاکرے میں وقت کی پابندی کے ساتھ شرکت کرنے کی ترغیب دلائی۔

نیکی کی دعوت میں شریک اہلِ علاقہ نے اس پر اچھی اچھی نیتوں کا اظہار کیا۔اس موقع پر مومن آباد ٹاؤن کے ڈیف اور نابینا اسلامی بھائیوں کے ٹاؤن ذمہ دار اور جامع مسجد سلیمان کے امام و موذن نے بھی شرکت کی۔(رپورٹ: اسپیشل پرسنز ڈیپارٹمنٹ ، کانٹینٹ:غیاث الدین عطاری)

11 اپریل 2026ء کو اسلام آباد کے علاقے پشاور روڈ اور گولڑہ موڑ اسٹیشن پر اسپیشل پرسنز ڈیپارٹمنٹ دعوتِ اسلامی کے تحت علاقائی دورہ برائے نیکی کی دعوت کا سلسلہ ہوا۔ 

اس موقع پر ڈیپارٹمنٹ کے صوبائی ذمہ دار کامران عطاری نے مختلف شعبوں سے وابستہ اسپیشل پرسنز سے ملاقات کی اور انہیں نیکی کی دعوت پیش کرتے ہوئے دعوتِ اسلامی کے دینی کاموں میں حصہ لینے کا ذہن دیا بالخصوص اسپیشل پرسنز کو ہفتہ وار اجتماع و ہفتہ وار مدنی مذاکرے میں شریک ہونے کی ترغیب دلائی جس پر انہوں نے اچھی نیتوں کا اظہار کیا۔(رپورٹ: کامران عطاری صوبائی ذمہ دار ، اسپیشل پرسنز ڈیپارٹمنٹ اسلام آباد ، کانٹینٹ:غیاث الدین عطاری)

وفاقی دارالحکومت اسلام آباد میں قائم سرسید ڈیف ایسوسی ایشن G-7 (Sir Syed Deaf Association G-7) میں اسپیشل پرسنز ڈیپارٹمنٹ دعوتِ اسلامی کے تحت ہر بدھ کو سیکھنے سکھانے کا حلقہ لگایا جاتا ہے جس میں اسپیشل پرسنز کی کثیر تعداد شریک ہوتی ہے۔

8 اپریل 2026ء بروز بدھ معمول کے مطابق سیکھنے سکھانے کا حلقہ لگایا گیا جس میں خصوصی طور پر نگران اسپیشل پرسنز ڈیپارٹمنٹ عمیر ہاشمی عطاری، صوبائی ذمہ دار کامران عطاری اور بدر شفیق عطاری نے شرکت کی۔

نگران ڈیپارٹمنٹ عمیر ہاشمی عطاری نے ”یادِ مکہ و مدینہ“ کے موضوع پر سنتوں بھرا بیان کیا جبکہ بدر شفیق عطاری نے اشاروں کی زبان میں اس بیان کی ترجمانی کی۔

بعد ازاں اختتامی دعا کی گئی اور ذمہ داران نے اسپیشل پرسنز کو دعوتِ اسلامی کے دینی کاموں میں عملی طور پر شرکت کرنے کا ذہن دیا جس پر انہوں نے اچھی اچھی نیتوں کا اظہار کیا۔ (رپورٹ: کامران عطاری صوبائی ذمہ دار ، اسپیشل پرسنز ڈیپارٹمنٹ اسلام آباد ، کانٹینٹ:غیاث الدین عطاری)

پنجاب کے شہر پاکپتن میں شعبہ تحفظِ اوراقِ مقدسہ دعوتِ اسلامی کے تحت 12 اپریل 2026ء کو ڈویژن ساہیوال کے ذمہ داران کا اہم مدنی مشورہ  منعقد ہوا جس میں صوبائی ذمہ دار محمد فہیم عطاری اور ڈویژن ذمہ دار مولانا عابد حسین عطاری مدنی نے اسلامی بھائیوں سے کلام کیا۔

اس دوران رمضان عطیات کی کارکردگی کا جائزہ لیا گیا اور نمایاں کارکردگی کے حامل اسلامی بھائیوں کو تحائف دیئے گئے جبکہ عشر کے حوالے سے ذمہ داران کی ذہن سازی کے ساتھ ساتھ آئندہ کے اہداف بھی مقرر کئے گئے۔

اس کے علاوہ دعوتِ اسلامی کے 12 دینی کاموں کے حوالے سے ذمہ داران کی رہنمائی کی اور انہیں دینی کاموں میں بڑھ چڑھ کر حصہ لینے کی ترغیب دلائی۔(رپورٹ: حافظ نسیم عطاری سوشل میڈیا ڈیپارٹمنٹ پاکستان شعبہ اوراق مقدسہ دعوت اسلامی ، کانٹینٹ:غیاث الدین عطاری)

معاشرے کے لوگوں کی اصلاح کرنے اور انہیں احکامِ شریعہ سے آگاہ کرنے کے لئے 11 اپریل 2026ء بمطابق 23 شوال المکرم 1447ھ کو دعوتِ اسلامی کے تحت عالمی مدنی مرکز فیضانِ مدینہ کراچی میں ہفتہ وار مدنی مذاکرے کا اہتمام کیا گیا۔

ابتداءً تلاوتِ قرآن کی گئی اور نعت خواں اسلامی بھائیوں نے پیارے آقا مکی مدنی مصطفیٰ صلَّی اللہ علیہ واٰلہٖ وسلَّم کی بارگاہ میں نعت شریف کا نذرانہ پیش کیا جس کے بعد شیخِ طریقت، امیرِ اَہلِ سنّت، بانیِ دعوتِ اسلامی حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہ نےحاضرین و مدنی چینل کے ناظرین کو مدنی پھولوں سے نوازا اور اُن کے سوالات کے جوابات ارشاد فرمائے۔

بعض سوال و جواب

سوال: بچوں کودِین سکھانے کا ماں باپ کوکیادنیاوی فائدہ ہوگا ؟

جواب:ماں باپ اپنے بچوں کو دِین سکھائیں گے تودِینی تعلیم انہیں ماں باپ کی قدر سکھائے گی،اِنہیں صِلۂ رحمی(یعنی رشتے داروں کےساتھ حُسنِ سلوک)سےآگاہ کرے گی ۔ والدین کو چاہیئے کہ بچوں کودِین سکھانے میں دنیاوی تعلیم پر فوقیت دیں ۔

سوال:کیا دِینی منصب کی پذیرائی ہے ؟

جواب: جی ہاں ،دِینی منصب کی پذیرائی ہے ،اگرکسی نے دِین کا کام کیا ہو،کوئی منصب پایا ہوجیسے امام مسجدکی قدرلوگوں کے دل میں ہوتی ہے ،لوگ ہاتھ چُومتے ہیں ۔

سوال: ایک پوسٹ میں لکھا تھا:” لوگ 4 دن سگریٹ پی کر کہتے ہیں عادت ہو گئی ہے، موبائل استعمال کر کے کہتے ہیں عادت ہو گئی ہے،کاش ! رمضان کا پورا مہینا نمازپڑھ کر بھی کوئی کہے کہ مجھے نماز کی عادت ہو گئی ہے“اس بارے میں آپ کیا فرماتے ہیں ؟

جواب:سگریٹ وغیرہ بُری عادات میں نفس کی مددکرتاہے،بندہ اس میں مبتلارہتاہے، نمازپڑھنےمیں نفس وشیطان مددنہیں کرتے ۔البتہ کئی لوگ ماہِ رمضان کی برکت سے سارارمضان نمازپڑھتے ہیں، ماہِ رمضان بغیروعظ کے ایسانورپھیلاتا ہے کہ لوگ نیکیوں کی طرف مائل ہوجاتے ہیں۔رمضان شریف میں لوگوں پربھرپورانفرادی کوشش کی جائے(یعنی ایک ایک کونیکی کی دعوت دی جائے) تو کئی نمازی رمضان کے بعد بھی نماز پر استقامت پائیں گے۔اس لئے ماہِ رمضان میں نئے نمازیوں پرانفرادی کوشش کرنی چاہیئے ۔

سوال:کیا تحریم نام رکھ سکتے ہیں ؟

جواب:جی!تحریم کے کئی معنیٰ ہیں ،عزت کرنا ،حُرمت کرناوغیرہ۔

سوال : ظاہری اصلاح اورباطنی اصلاح میں سے کس کوفوقیت دینی چاہیئے ؟

جواب: ظاہری اورباطنی اصلاح دونوں ضروری ہیں ۔دونوں کی اصلاح ساتھ ساتھ کرنی چاہیئے ۔

سوال : نیکی کی دعوت کب دینی چاہیئے ؟

جواب: نیکی کی دعوت دینازندگی کے ساتھ متصل (یعنی ہماری زندگی میں شامل) ہے۔جب جیسے ہی موقع ملے فوراً نیکی کی دعوت دینی چاہیئے ۔

سوال : ملازمین کے ساتھ کیساسلوک کیاجائے ؟

جواب: ملازمین اورماتحتوں کو عزت دی جائے ،ان کے ساتھ اچھاسلوک کیا جائے ،ان کا احساس کیا جائے تو ان کا دل خوش ہوگا،آپس میں محبت بڑھے گی ۔

سوال: اِس ہفتے کارِسالہ’’ محتاط گفتگو کیجئے ‘‘ پڑھنے یا سُننے والوں کو امیر اہل سنت دامت بَرَکَاتُہمُ العالیہ نے کیا دُعا دی ؟

جواب: یااللہ پاک! جو کوئی 16 صفحات کا رسالہ” محتاط گفتگو کیجئے “پڑھ یا سن لے،اُسے ہمیشہ محتاط گفتگو اوراعمال میں احتیاطیں کرنا نصیب فرمااور جنت الفردوس میں ماں باپ سمیت بے حساب داخلہ نصیب فرما۔اٰمِیْن بِجَاہِ خاتم النَّبیّن صلَّی اللہ علیہ واٰلہٖ وسلَّم

بیرونِ ممالک کے لوگوں میں اسلامی شعور  پیدا کرنے، انہیں احکامِ اسلامیہ سے آگاہ کرنے اور اُن کی رہنمائی کرنے کے لئے دعوتِ اسلامی ساؤتھ افریقہ میں 2 دن کا ”سنتوں بھرا اجتماع“ کرنے جارہی ہے تاکہ لوگوں کی اصلاح کے ساتھ ساتھ انہیں علمِ دین سیکھنے کا بھی موقع مل سکے۔

دعوتِ اسلامی کے زیرِ اہتمام ہونے والا یہ اجتماع 16 اور 17 مئی 2026ء کو ساؤتھ افریقہ میں قائم HEARTFELT ARENA, 1000 VOORTREKKER RD, THABA TSHWANE, PRETORIA, GAUTENG میں منعقد کیا جائے جس میں مرکزی مجلسِ شوریٰ کے نگران مولانا حاجی محمد عمران عطاری اور رکنِ مرکزی مجلسِ شوریٰ مولانا حاجی عبد الحبیب عطاری شرکائے اجتماع کی تربیت و رہنمائی کریں گے ۔

کراچی: عاشقانِ رسول کی دینی تحریک دعوتِ اسلامی کے زیرِ اہتمام قصابوں کے لئے 28 اپریل 2026ء کو ایک اہم مدنی مذاکرہ عالمی مدنی مرکز فیضانِ مدینہ کراچی میں منعقد کیا جائے گا۔

یہ مدنی مذاکرہ نمازِ عشا کے بعد تقریباً 9:15 پر تلاوتِ قرآن سے شروع ہوگا جس کے بعد نعت خواں اسلامی بھائی نبیِ کریم صلَّی اللہ علیہ واٰلہٖ وسلَّم کی بارگاہ میں نذرانۂ عقیدت پیش کریں گے۔

اس مدنی مذاکرے میں خصوصی طور پر عاشقِ صحابہ و اہلِ بیت، شیخِ طریقت، امیرِ اَہلِ سنّت، بانیِ دعوتِ اسلامی حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہ دینی و دنیاوی حوالے سے قصاب حضرات کو اہم نصیحتیں فرمائیں گے اور اُن کی رہنمائی کریں گے۔

واضح رہے 28 اپریل کو ہونے والا یہ مدنی مذاکرہ مدنی چینل پر براہِ راست نشر کیا جائے گا تاکہ پاکستان سمیت دنیا بھر سے اسلامی بھائی اس سے استفادہ کرسکیں۔

عاشقانِ رسول کو دینِ اسلام کی اہم معلومات سے روشناس کروانے اور اُن کی عملی زندگی میں بہتری لانے کے لئے شعبہ مدنی کورسز دعوتِ اسلامی کے تحت ”63 دن کا مدنی تربیتی کورس“ منعقد ہونے جارہا ہے۔

معلومات کے مطابق مذکورہ کورس 15 اپریل 2026ء سے مدنی مرکز فیضانِ مدینہ G-11 اسلام آباد میں شروع ہوجائے گا جس میں شرکا کو اہم موضوعات پر تربیت فراہم کی جائے گی جن میں سے بعض درج ذیل ہیں:

٭وضو، غسل، نماز اور کفن دفن کا عملی طریقہ٭نماز کے واجبات٭نمازِ جنازہ کا طریقہ٭سنتیں و آداب اور بہت کچھ۔

مزید معلومات اور کورس میں شامل ہونے کے لئے جبکہ رجسٹریشن اور تفصیلی معلومات کے لئے درج ذیل نمبرز پر رابطہ کریں:

03153261241

03064353415

15 اپریل 2026ء کو  دعوتِ اسلامی کے عالمی مدنی مرکز فیضان مدینہ کراچی میں خلیفۂ امیر ِاہلسنت حضرت مولانا ابو اسید حاجی عبید رضا عطاری مدنی دامت برکاتھم العالیہ خصوصی ملاقات فرمائیں گے جو کہ تمام عاشقانِ رسول کے لئے انتہائی اہمیت کا حامل ہے۔

ذرائع سے ملنے والی معلومات کے مطابق اس ملاقات میں خلیفۂ امیر ِاہلسنت مولانا ابو اسید حاجی عبید رضا عطاری مدنی دامت بَرَکَاتُہمُ العالیہ عاشقانِ رسول کو مدنی پھولوں اور اپنے دعاؤں سے نوازیں گے۔

ملاقات کا آغاز نمازِ عصر کے بعد ہوگا نیز عصر کی جماعت 05:30 بجے ادا کی جائے گی۔ ملاقات کے لئے آنے والے تمام عاشقانِ رسول سے گزارش ہے کہ وقت کی پابندی کریں اور اس بابرکت موقع سے بھرپور فائدہ اٹھائیں۔

عاشقانِ رسول کی دینی تحریک دعوتِ اسلامی معاشرے کے ہر فرد کی  رہنمائی کرنے، اسے ایک بااخلاق انسان بنانے اور قرآنِ کریم کی تعلیم سے روشناس کرنے میں اہم کردار ادا کر رہی ہے۔

اسی سلسلے میں دعوتِ اسلامی کے زیرِ اہتمام اسپیشل پرسنز کے لئے فروٹ منڈی،نزد ٹرک اڈا، رواری ٹاؤن، شمالی ڈسٹرکٹ، لاہور میں مدرسۃالمدینہ نابینا افراد کا افتتاح کردیا گیا جس کے لئے 12 اپریل 2026ء کو بعد نمازِ عشا ایک پُر وقار تقریب بھی منعقد ہوئی۔

تقریب کے آغاز میں تلاوتِ قرآن کی گئی اور نعت خواں حضرات نے پیارے آقا مکی مدنی مصطفیٰ صلَّی اللہ علیہ واٰلہٖ وسلَّم کی بارگاہ میں نذرانۂ عقیدت پیش کیا جس کے بعد مرکزی مجلسِ شوریٰ کے رکن حاجی یعفور رضا عطاری نے بیان کیا۔

قرآن مجید  اللہ تعالیٰ کی وہ عظیم کتاب ہے جو انسان کی ہدایت، کامیابی اور سکونِ قلب کا مکمل دستورِ حیات ہے۔ یہ وہ نور ہے جو تاریکیوں کو مٹاتا ہے، دلوں کو زندہ کرتا ہے اور انسان کو رب کے قریب لے جاتا ہے۔

اللہ تعالیٰ نے فرمایا:كِتٰبٌ اَنْزَلْنٰهُ اِلَیْكَ لِتُخْرِ جَ النَّاسَ مِنَ الظُّلُمٰتِ اِلَى النُّوْرِترجمہ کنزالایمان: ایک کتاب ہے کہ ہم نے تمہاری طرف اتاری کہ تم لوگوں کو اندھیریوں سے اجالے میں لاؤ۔

یہ آیت ظاہر کرتی ہے کہ قرآن کا مطالعہ انسان کے دل و دماغ سے جہالت و گمراہی کے اندھیروں کو دور کرتا ہے، اور اسے نورِ ایمان عطا کرتا ہے۔

ایک اور مقام پر اللہ تعالیٰ ارشاد فرماتا ہے:وَ نَزَّلْنَا عَلَیْكَ الْكِتٰبَ تِبْیَانًا لِّكُلِّ شَیْءٍ وَّ هُدًى وَّ رَحْمَةً وَّ بُشْرٰى لِلْمُسْلِمِیْنَ۠(۸۹)ترجمہ کنزالایمان: اور ہم نے تم پر یہ قرآن اتارا کہ ہر چیز کا روشن بیان ہے اور ہدایت اور رحمت اور بشارت مسلمانوں کو۔ (النحل: 89)

اس آیت سے واضح ہوتا ہے کہ قرآن مجید محض تلاوت کے لیے نہیں بلکہ غور و فکر، سمجھنے اور عمل کرنے کے لیے نازل ہوا ہے۔ اس کا مطالعہ انسان کو زندگی کے ہر شعبے میں راہِ راست دکھاتا ہے۔

نبیِ کریم ﷺ نے ارشاد فرمایا: "تم میں سب سے بہتر وہ ہے جو قرآن سیکھے اور دوسروں کو سکھائے۔" (صحیح بخاری، حدیث: 5027)

ایک اور حدیث میں فرمایا:"قرآن پڑھا کرو، کیونکہ وہ قیامت کے دن اپنے پڑھنے والوں کی شفاعت کرے گا۔"(صحیح مسلم، حدیث: 804)

ان احادیثِ مبارکہ سے معلوم ہوتا ہے کہ مطالعۂ قرآن محض ثواب کا ذریعہ نہیں بلکہ یہ دنیا و آخرت دونوں میں کامیابی کا راستہ ہے۔ جو شخص قرآن سے جڑ گیا، وہ کبھی گمراہ نہیں ہوتا۔

قرآن کا مطالعہ ہر مسلمان کے لیے لازمی ہے۔ یہ روح کی غذا، عقل کا نور اور دل کا سکون ہے۔ جو اس کتابِ مقدس کو سمجھ کر پڑھے، اس کی زندگی منور ہو جاتی ہے، اور جو اس سے غافل ہو جائے، وہ اندھیروں میں بھٹکتا رہتا ہے۔

قرآنِ کریم وہ واحد کتاب ہے جو انسان کو خالق سے جوڑتی ہے۔ اس کا مطالعہ ایمان کی مضبوطی، اخلاق کی اصلاح، اور آخرت کی کامیابی کی ضمانت ہے۔ لہٰذا ہر مسلمان کو چاہیے کہ روزانہ قرآن مجید کی تلاوت اور تدبر قرآن کو اپنی زندگی کا لازمی حصہ بنائے۔

اللہ پاک ہمیں عمل کی توفیق عطا فرمائے۔ آمین 

قرآن مجید  اللہ ربّ العزت کا وہ کلام ہے جو انسانیت کے لیے آخری اور کامل رہنمائی کا سرچشمہ ہے۔ یہ کتابِ ہدایت صرف ایک مذہبی صحیفہ نہیں بلکہ ایک ایسا جامع نظامِ حیات ہے جو فرد، معاشرہ، اخلاق، معیشت، سیاست اور روحانیت ہر پہلو پر روشنی ڈالتا ہے۔ مگر افسوس کہ آج مسلمان امت میں قرآن سے تعلق کمزور ہو چکا ہے اس کے مطالعہ، تدبر اور فہم کی حقیقی روح کم ہوتی جا رہی ہے۔ یہی وہ محرومی ہے جس نے امتِ مسلمہ کو فکری، اخلاقی اور عملی زوال کی طرف دھکیل دیا ہے۔

قرآن کے مطالعے کی ضرورت

مطالعۂ قرآن ثواب کے حصول کے ساتھ ساتھ انسان کے ذہن و دل کو بیدار کرنے کا ذریعہ ہے۔ قرآن ہمیں سوچنے، سمجھنے اور اپنی زندگی کو درست سمت میں لے جانے کی دعوت دیتا ہے۔ اللہ تعالیٰ نے فرمایا:

اَفَلَا یَتَدَبَّرُوْنَ الْقُرْاٰنَؕ- ترجمہ کنز الایمان: تو کیا غور نہیں کرتے قرآن میں۔ (پارہ5، سورہ نساء82)

یہ آیت بتاتی ہے کہ قرآن کا مطالعہ محض زبانی تلاوت نہیں بلکہ غور و فکر کے ساتھ سمجھنا اس کا اصل مقصد ہے۔ جب کوئی مسلمان قرآن کو سمجھ کر پڑھتا ہے تو اسے اپنی زندگی کے مسائل کا حقیقی حل اور قلبی سکون دونوں ملتے ہیں۔

مطالعۂ قرآن کی اہمیت

قرآن وہ کتاب ہے جو انسان کو اس کے خالق سے جوڑتی ہے۔ یہ ہمیں بتاتی ہے کہ زندگی کا مقصد کیا ہے، کامیابی کس چیز میں ہے، اور نجات کا راستہ کون سا ہے۔ قرآن کے بغیر مسلمان کی زندگی ایسے ہے جیسے چراغ کے بغیر رات۔ قرآن کا مطالعہ انسان کو نہ صرف روحانی روشنی دیتا ہے بلکہ اخلاقی بلندی، فکری وضاحت اور عملی توازن بھی عطا کرتا ہے۔

قرآن کے مطالعہ کی ایک اور بڑی اہمیت یہ ہے کہ یہ امت میں وحدت پیدا کرتا ہے۔ مختلف قومیں، زبانیں اور ثقافتیں رکھنے والے مسلمان جب ایک ہی کتاب سے رہنمائی لیتے ہیں تو وہ ایک نظریے اور ایک مقصد کے تحت متحد ہو جاتے ہیں۔

موجودہ دور میں مطالعۂ قرآن کی افادیت

آج کے دور میں، جب مغربی نظریات، مادہ پرستی اور فکری انتشار عام ہے ، مطالعۂ قرآن کی اہمیت پہلے سے کہیں زیادہ بڑھ گئی ہے۔ قرآن ہمیں جدید مسائل کے حل کے لیے ایک متوازن اور عادلانہ نقطۂ نظر دیتا ہے۔ چاہے معاملہ معاشرتی ہو، اقتصادی یا اخلاقی ہو ، قرآن ہر مسئلے کے اصولی حل فراہم کرتا ہے۔

پیارے پیارے اسلامی بھائیو ! مطالعۂ قرآن کوئی معمولی عمل نہیں، بلکہ یہ ایمان کی تجدید، علم کی بنیاد اور کردار کی تعمیر کا ذریعہ ہے۔ اگر مسلمان دوبارہ قرآن سے اپنا تعلق زندہ کر لیں ، اسے سمجھ کر پڑھیں، اس پر عمل کریں، اور اسے اپنی زندگیوں کا دستور بنا لیں تو یقیناً ان کی فکری اور عملی زندگی میں انقلاب آ سکتا ہے۔

پس، مطالعۂ قرآن ہر مسلمان کے لیے نہ صرف ضرورت ہے بلکہ زندگی کا لازمی فریضہ ہے۔

اللہ پاک ہمیں عمل کی توفیق عطا فرمائے۔ آمین