فلسطین میں درپیش مسائل  اورمظلوم مسلمانوں کی امداد و بحالی کے سلسلے میں دعوتِ اسلامی کے فلاحی ادارے FGRF (فیضان گلوبل اینڈ ریلیف فاؤنڈیشن) نے ایک بڑا اور اہم اقدام اٹھایا ہے۔

امتِ مسلمہ کی دردمندی اور انسانی بنیادوں پر ریلیف کے کاموں کو وسعت دینے کے جذبے کے تحت دعوتِ اسلامی کے فلاحی شعبے FGRF کی جانب سے امدادی منصوبے کا باضابطہ اعلان کیا گیا ہے۔

مختلف ذرائع سے ملنے والی معلومات کے مطابق یہ اعلان 3 نومبر 2026ء کو فلسطین کے سفیر (Ambassador) ‫ ڈاکٹر زہیر محمد حمد اللہ زید کی رکنِ مرکزی مجلسِ شوریٰ مولانا حاجی عبد الحبیب عطاری سے ملاقات میں ہوا۔

اس ملاقات کے دوران یہ طے کیا گیا کہ دعوتِ اسلامی کا فلاحی ادارہ FGRF مختلف ذرائع سے فلسطین کے مظلوم مسلمانوں کی 5 ملین ڈالر (تقریباً 1 ارب 39 کروڑ پاکستانی روپے) کی امداد کرے گا۔

اس امدادی منصوبے کے تحت پہلے مرحلے میں ”Tent City“ قائم کی جائے گی جبکہ اگلے مرحلے میں Authorities کی اجازت ملنے کے بعد ”Madani Home“ (یتیم خانہ) کی تعمیر کی جائے گی ان شاء اللہ الکریم۔

ملک میں اسلامی مالیاتی نظام کے فروغ، علمی و تحقیقی اداروں اور متعلقہ مالیاتی اداروں کے مابین باہمی روابط و تعاون کو مستحکم کرنے کے سلسلے میں ایک اہم پیش رفت سامنے آئی ہے۔اسٹیٹ بینک آف پاکستان اور دعوتِ اسلامی کے اسلامک اکنامک سینٹر کے مابین مشترکہ کاوشوں کو اجاگر کرنے کے لیے ایک میٹ اپ کا انعقاد کیا گیا۔

تفصیلات کے مطابق اسٹیٹ بینک آف پاکستان کے اسلامک فنانس پالیسی ڈیپارٹمنٹ کے ایڈیشنل ڈائریکٹر ظفر قیوم نے اسلامک اکنامک سینٹر (دعوتِ اسلامی) کا دورہ کیا جہاں ہیڈ آف اسلامک اکنامک سینٹر مفتی علی اصغر عطاری سلمہ الباری نے تمام مہمان کا پرخلوص استقبال کیا۔

ملاقات کے دوران اسلامک اکنامک سینٹر کے تحت جاری اسلامی مالیاتی تعلیم، تحقیق اور شرعی رہنمائی سمیت اسلامک فنانس کے مختلف شعبوں میں جاری سرگرمیوں پر تفصیلی تبادلۂ خیال کیا گیا۔

اس موقع پر ایڈیشنل ڈائریکٹر ظفر قیوم نے اسلامک اکنامک سینٹر کی جانب سے اسلامی مالیات کے فروغ، آگاہی اور ترقی کے لیے کی جانے والی علمی و عملی کاوشوں کو سراہا۔

آج 5 نومبر 2026ء بروز جمعرات دعوتِ اسلامی کے زیرِ اہتمام پاکستان کے مختلف شہروں میں ہفتہ وار سنتوں بھرے اجتماع کا باوقار انعقاد کیا جائے گا  جس میں مرکزی مجلسِ شوریٰ کے اراکین اور مبلغینِ دعوتِ اسلامی سنتوں بھرے بیانات کریں گے۔

اجتماع کا باقاعدہ آغاز تلاوتِ قرآنِ پاک اور نعتِ رسولِ مقبول صلَّی اللہ علیہ واٰلہٖ وسلَّم سے ہوگا، جس کے بعد معمول کے مطابق ہفتہ وار اجتماع میں بیانات کئے جائیں گے اور درودِ پاک و ذکر و اذکار پڑھے جائیں نیز سیکھنے سکھانے کے حلقے بھی لگائے جائیں گے۔

تفصیلات کے مطابق حاجی سردار خان رائس مل حمیدآباد، بلوچستان سے ہفتہ وار سنتوں بھرا اجتماع براہِ راست (Live) مدنی چینل پر نشر کیا جائے گاجس میں مرکزی مجلسِ شوریٰ کے رکن حاجی فضیل رضا عطاری سنتوں بھرا بیان کریں گے جبکہ ملک کے مختلف شہروں میں منعقد ہونے والے اجتماعات اور اُن میں بیان کرنے والے اراکینِ شوریٰ کی تفصیل درج ذیل ہے:

ملتان: مدنی مرکز فیضانِ مدینہ، شاہ رکنِ عالم کالونی (نزد انصاری چوک) میں رکنِ شوریٰ و نگرانِ پاکستان مشاورت حاجی محمد شاہد عطاری بیان فرمائیں گے۔

جھڈو:سابقہ حریم گارڈن (نزد میزابِ رحمت مسجد) میں رکنِ شوریٰ مولانا حاجی عبد الحبیب عطاری سنتوں بھرا بیان فرمائیں گے۔

سرگودھا:مدنی مرکز فیضانِ مدینہ علی ٹاؤن، نیو سیٹلائٹ ٹاؤن میں رکنِ شوریٰ مولانا حاجی محمد عقیل عطاری مدنی کا بیان ہوگا۔

واربرٹن: اقبال گرینڈ ایونٹس (نزد بائی پاس) میں رکنِ شوریٰ حاجی محمد اظہر عطاری بیان کریں گے۔

عارف والا: مدنی مرکز فیضانِ مدینہ، قبولہ روڈ (نزد LRBT ہسپتال) میں رکنِ شوریٰ حاجی منصور عطاری کا بیان ہوگا۔

اسلامک اکنامک سینٹر  (دعوتِ اسلامی) کے زیرِ اہتمام 24 اکتوبر 2026ء کو دوپہر 3 بجے سے شام 5 بجے تک آئی ای سی ہیڈ آفس (IEC Head Office)، نزد حنفیہ مجاہدین مسجد، فیضانِ مدینہ کراچی میں ایک خصوص تجارتی سیشن بنام ”اسلام کا نظامِ مالیات“ منعقد کیا گیا جس کا مقصد جدید تجارتی و کاروباری مسائل کے شرعی احکام کو آسان انداز میں سمجھانا تھا۔

ذرائع سے ملنے والی معلومات کے مطابق اس تجارتی سیشن میں اسٹاک مارکیٹ اور بینکنگ شعبے سے وابستہ افراد، کمپنی مالکان، مختلف تاجر برادری اور علمائے کرام نے بڑی تعداد میں شرکت کی۔

سیشن کے آغاز میں تمام شرکا کو اسلامک اکنامک سینٹر کی مختلف خدمات پر مبنی ایک تفصیلی ڈاکیومنٹری دکھائی گئی جس کے بعد ہیڈ آف اسلامک اکنامک سینٹر و ماہرِ امورِ تجارت مفتی علی اصغر عطاری نے خصوصیت کے ساتھ شرکا کی جانب سے جدید تجارتی معاملات، اسلامک بینکنگ اور اسٹاک مارکیٹ سے متعلق پوچھے گئے سوالات کے شرعی جوابات دیئے۔

پنجاب، پاکستان کے شہر لاہور میں واقع مشہور روحانی مرکز داتا دربار میں آج 31 اکتوبر 2026ء بروز ہفتہ عاشقانِ رسول کی دینی تحریک دعوتِ اسلامی کے زیرِ اہتمام ”مدنی مذاکرہ اجتماع“ منعقد کیا جائے گا۔

اس ”مدنی مذاکرہ اجتماع“ میں دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری دیگر ذمہ داران اور عاشقانِ رسول کے ہمراہ بالخصوص شرکت کریں گے۔

واضح رہے کہ دین کی تبلیغ و اشاعت کے سلسلے میں داتا دربار مسجد میں اس وقت دعوتِ اسلامی کا تین دن کا قافلہ مقیم ہے، جو مسجد اور مزار مبارک پر آنے والے زائرین کو احکاماتِ دین کی تبلیغ کر رہا ہے۔ رکنِ شوریٰ حاجی یعفور رضا عطاری اس قافلے میں خصوصی طور پر موجود ہیں اور وہ تینوں دن قافلے کے ہمراہ داتا دربار مسجد میں ہی قیام فرمائیں گے۔

عاشقانِ رسول کی دینی تحریک دعوتِ اسلامی کے زیرِ اہتمام عالمی مدنی مرکز فیضانِ مدینہ کراچی میں آج 31 اکتوبر 2026ء کو ہفتہ وار مدنی مذاکرہ منعقد کیا جائے گا جس میں خصوصی طور پر امیرِ اہلِ سنت دامت بَرَکَاتُہمُ العالیہ کی آمد ہوگی۔

مدنی مذاکرے کا باقاعدہ آغاز رات تقریباً 8:15 بجے تلاوتِ قرآنِ پاک اور نعتِ رسولِ مقبول صَلَّی اللہُ عَلَیْہِ وَآلِہٖ وَسَلَّم سے ہوگا جس کے بعد شیخِ طریقت، امیرِ اَہلِ سنّت، بانیِ دعوتِ اسلامی حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہحاضرین اور مدنی چینل کے ناظرین کی تربیت و شرعی رہنمائی فرمائیں گے اور اُن کی جانب سے پوچھے گئے مختلف سوالات کے جوابات عطا کریں گے۔

کراچی کے رہائشی عاشقانِ رسول کو فیضانِ مدینہ کراچی پہنچ کر جبکہ دیگر شہروں کے عاشقانِ رسول کو مدنی چینل کے ذریعے اس مدنی مذاکرے میں شرکت کر کے علمِ دین کا خزانہ حاصل کرنے کی دعوت دی جاتی ہے۔

واربرٹن، پنجاب پاکستان میں بائی پاس کے قریب واقع اقبال گرینڈ ایونٹس میں دعوتِ اسلامی کے زیرِ اہتمام 5 نومبر 2026ء بروز جمعرات ”جامع مسجد فیضانِ اہلبیت“ کی افتتاحی تقریب منعقد کی جائے گی۔

معلومات کے مطابق تقریب کا باقاعدہ آغاز تلاوتِ قرآنِ پاک اور نعتِ رسولِ مقبول صَلَّی اللہُ عَلَیْہِ وَآلِہٖ وَسَلَّم سے ہوگا جس کے بعد دعوتِ اسلامی کے رکنِ مرکزی مجلسِ شوریٰ حاجی محمد اظہر عطاری سنتوں بھرا بیان فرمائیں گے۔

افتتاحی تقریب کے دوران ہی دعوتِ اسلامی کا ہفتہ وار سنتوں بھرا اجتماع بھی منعقد کیا جائے گا جس میں کثیر تعداد میں عاشقانِ رسول کی شرکت متوقع ہے۔

قرآنِ کریم کی تعلیمات اور پیغامات کو دنیا بھر کے تمام لوگوں تک اُن کی اپنی زبانوں میں پہنچانا ایک عظیم دینی و علمی خدمت ہے۔

اسی سلسلے میں عاشقانِ رسول کی دینی تحریک دعوتِ اسلامی نے چینی زبان بولنے والے مسلمانوں کی رہنمائی کے لیے ایک تاریخی و بابرکت سنگِ میل عبور کیا ہے۔

ذرائع سے ملنے والی معلومات کے مطابق دعوتِ اسلامی کی ویب سائٹ پر چائنیز (چینی) زبان میں مکمل ترجمہ قرآن” کنز العرفان مع افہام القرآن“ اپ لوڈ کر دیا گیا اور اس کا لنک پیشِ خدمت کر دیا گیا ہے۔

واضح رہے اہلسنت و جماعت کی جانب سے یہ پہلا مکمل ترجمہ قرآن چائنیز (چینی) زبان میں شائع ہوا ہے۔ اس عظیم الشان دینی خدمت میں اپنا حصہ ملانے کے لیے اسے زیادہ سے زیادہ شیئر کیا جائے، یہ بہت ہی بڑا کام ہے۔

لنک

https://www.dawateislami.net/bookslibrary/zh/kanzul-irfan

دعوتِ اسلامی کے شعبہ جامعۃالمدینہ کے زیر اہتمام سنتوں بھرے اجتماع کا انعقاد ہونے جارہاہے۔ یہ اجتماع 31 اکتوبر 2026ء کو عالمی مدنی مرکز فیضانِ مدینہ کراچی میں صبح 09:00 بجے منعقدہوگا جبکہ اس تقریب کو مدنی چینل پر براہ ِراست (Live) نشر بھی کیا جائے گا۔

اجتماع میں خصوصی بیان دعوتِ اسلامی کی مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی فرمائیں گے۔

اس اجتماع کو منعقد کرنے کا مقصد جامعات المدینہ کے طلبہ، اساتذہ اور مدنی عملے کی دینی و اصلاحی تربیت کرنا ہے۔

دعوتِ اسلامی کے ایجوکیشن ڈیپارٹمنٹ کے وفد نے مرکزی مجلسِ شوریٰ کے رکن عبدالوہاب عطاری کے ہمراہ اسلام آباد میں علامہ اقبال اوپن یونیورسٹی کے مرکزی کیمپس کا دورہ کیا۔ اس موقع پر وفد نے یونیورسٹی کے وائس چانسلر پروفیسر ڈاکٹر ناصر محمود سے ایک اہم ملاقات کی۔

ملاقات کے دوران دونوں فریقین نے ملک میں تعلیم کے فروغ بالخصوص دور دراز اور محروم طبقے تک علم کی رسائی کے لیے مشترکہ تعلیمی منصوبوں اور مستقبل کی شراکت داری پر تفصیلی گفتگو کی۔ وفد نے وائس چانسلر کو دعوتِ اسلامی کے تحت چلنے والے تعلیمی اداروں، بالخصوص جدید و دینی علوم کے امتزاج اور سماجی فلاحی خدمات کے بارے میں آگاہ کیا۔

رکن شوریٰ عبدالوہاب عطاری نے علامہ اقبال اوپن یونیورسٹی کے ملک گیر تعلیمی نظام اور بالخصوص آن لائن و فاصلاتی نظامِ تعلیم (Distance Learning) کے ذریعے لاکھوں طلبہ کو زیورِ تعلیم سے آراستہ کرنے کے شعبے میں کردار کو سراہا۔ ملاقات میں اس بات پر اتفاق کیا گیا کہ دونوں ادارے مل کر ایسے پروگرامز پر کام کر سکتے ہیں جن سے طلبہ کی اخلاقی و فنی تربیت کو مزید بہتر بنایا جا سکے۔

وائس چانسلر پروفیسر ڈاکٹر ناصر محمود نے دعوتِ اسلامی کے وفد کا خیرمقدم کیا اور ان کی تعلیمی و سماجی کاوشوں کی تعریف کی۔ انہوں نے باہمی تعاون کے ساتھ ایسے تعلیمی و تربیتی اقدامات کی حمایت کا اظہارکیا جو معاشرے میں مثبت تبدیلی اور فروغِ علم کا باعث بنیں۔

عاشقانِ رسول کی دینی تحریک دعوتِ اسلامی کے زیرِ اہتمام صوبائی دارالحکومت لاہور، پنجاب کی تاریخی  اور معروف جامع مسجد داتا دربار میں 1 نومبر 2026ء بروز اتوار ایک روح پرور ”تہجد اجتماع“ کا انعقاد کیا جا رہا ہے۔

تفصیلات کے مطابق اس بابرکت و روحانی اجتماع کا آغاز صبح تقریباً 4:00 بجے تلاوتِ قراآنِ پاک و نعت رسولِ مقبول ہوگا جس کے بعد مبلغِ دعوتِ اسلامی کا سنتوں بھرا بیان ہوگا۔

اس اجتماعِ پاک میں دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری بالخصوص شرکت فرمائیں گے نیز جامع مسجد داتا دربار کے قرب و جوار میں رہنے والے عاشقانِ رسول کی بھی شرکت متوقع ہے۔

دینِ اسلام کی ترویج و اشاعت اور عاشقانِ رسول کی اخلاقی و روحانی تربیت کے عظیم مقصد کے تحت عالمی سطح کی دینی تحریک دعوتِ اسلامی کے زیرِ اہتمام ہفتہ وار سنتوں بھرے اجتماع کا انعقاد کیا جا رہا ہے۔

تفصیلی معلومات کے مطابق یہ روحانی و بابرکت اجتماع 29 اکتوبر 2026ء بروز جمعرات رات تقریباً 08:30 بجے جامع مسجد مدینہ پنجابی کلب، کھارادر، کراچی میں شروع ہو جائے گا۔

اجتماع کا آغاز تلاوتِ کلامِ پاک و نعتِ رسولِ مقبول صلَّی اللہ علیہ واٰلہٖ وسلَّم سے کرنے کے بعد دعوتِ اسلامی کی مرکزی مجلسِ شوریٰ کے رکن حاجی محمد اطہر عطاری سنتوں بھرا بیان فرمائیں گے جس میں وہ سنتِ نبوی، اصلاحِ معاشرہ اور دینی و اخلاقی امور پر روشنی ڈالیں گے۔

کراچی کے دیگر علاقوں میں موجود اور گھروں میں مقیم عاشقانِ رسول کے لیے اس اجتماعِ پاک کو مدنی چینل پر براہِ راست (Live) دکھایا جائے گا تاکہ زیادہ سے زیادہ عاشقانِ رسول اس اجتماع سے مستفید ہو سکیں۔