دعوتِ اسلامی کے ایجوکیشن ڈیپارٹمنٹ کے زیر اہتمام 09 ستمبر 2026ء کو جناح کنونشن سینٹر،اسلام آباد میں ” میلاد اجتماع اینڈ ایوارڈ ڈسٹری بیوشن سیریمنی“ منعقد ہونے جارہا ہے۔ اس تقریب کا آغاز رات 9:00 بجے تلاوت قرآن پاک سے کیا جائے گا۔

تقریب میں خصوصی بیان رئیس دارالافتاء اہلسنت شیخ الحدیث والتفسیر مفتی محمد قاسم عطاری مُدَّ ظِلُّہُ العالی اور دعوتِ اسلامی کی مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی فرمائیں گے۔

تقریب کی خصوصیت:

کنز المدارس بورڈ اور دینی شعبہ جات میں نمایاں خدمات و کارکردگی کے حامل افراد میں اعزازات اور ایوارڈز کی تقسیم کاری کی جائے گی۔

تمام عاشقانِ رسول سے اس تقریب میں شرکت کرنے کی درخواست ہے۔

دعوتِ اسلامی کے عالمی مدنی مرکز فیضانِ مدینہ کراچی میں ہر ہفتے کی رات باقاعدگی سے شروع ہونے والا”مدنی مذاکرہ“ 05 ستمبر 2026ء بمطابق 23 ربیع الاول 1448ھ کو بھی رات تقریباً 09:00 بجے منعقد کیا جائے گا۔

مختلف ذرائع سے ملنے والی معلومات کے مطابق اس مدنی مذاکرے میں امیرِ اہلِ سنت، بانیِ دعوتِ اسلامی حضرت علامہ مولانا ابو بلال محمد الیاس عطار قادری دامت برکاتہم العالیہ خصوصی شرکت فرمائیں گے۔

علاوہ ازیں امیرِ اہلِ سنت دامت برکاتہم العالیہ مدنی مذاکرے میں شریک عشاقِ رسول کو مدنی پھولوں سے نوازیں گے اور ان کی دینی و اخلاقی اعتبار سے تربیت و رہنمائی فرمائیں گے۔

دعوتِ اسلامی کے زیرِ اہتمام ہر جمعرات کی طرح آج بھی دنیا بھر میں ہزاروں مقامات پر ہفتہ وار سنتوں بھرے اجتماعات کا انعقاد کیا جا رہا ہے۔ ان اجتماعات کا بنیادی مقصد امتِ مسلمہ کی اصلاح، دینی معلومات کی فراہمی، سنتوں کے احیاء اور فکرِ آخرت پیدا کرنا ہے۔ پاکستان کےعالمی مدنی مرکز فیضانِ مدینہ کراچی اور  تمام چھوٹے بڑے شہروں سمیت دنیا بھر میں یہ اجتماعات منعقد ہوتے ہیں۔

اجتماع کا باقاعدہ آغاز تلاوتِ قرآنِ پاک سے ہوگا جس کے بعد نعت خواں حضرات بارگاہِ رسالت صلَّی اللہ علیہ واٰلہٖ وسلَّم میں گلدستہٴ نعت پیش کریں گے۔تلاوت و نعت کے بعد دعوتِ اسلامی کی مرکزی مجلسِ شوریٰ کے اراکین و مبلغین دعوت اسلامی قرآنی آیات، احادیثِ مبارکہ اور اسلافِ کرام کے واقعات کی روشنی میں معاشرتی، اخلاقی اور روحانی تربیتی امور پر بیان فرمائیں گے۔

تفصیلات کے مطابق آج رات مدنی چینل پر براہِ راست (Live) نشر ہونے والے ہفتہ وار اجتماع میں رکن شوریٰ مولانا حاجی عبد الحبیب عطاری، مدنی مرکز فیضان مدینہ لطیف گیٹ ٹنڈو آدم سندھ سے سنتوں بھرا بیان فرمائیں گے۔

اس کے علاوہ جامع مسجد چرڈ مہتاب ڈیفنس میں رکن شوریٰ حاجی منصور عطاری، رضائے مصطفٰے مسجد کورنگی نمبر 4 کراچی میں رکن شوریٰ حاجی محمد امین عطاری، مدنی مرکزفیضان مدینہ لالہ زار کالونی بھلوال مین رکن شوریٰ مولانا حاجی محمد عقیل عطاری مدنی ، مدنی مرکز فیضان مدینہ جوہر ٹاؤن لاہور میں رکن شوریٰ حاجی یعفور رضا عطاری اور جامع مسجد غوثیہ ، بولی پاڑہ (قریب ٹرک ٹرمینل روڈ) C.D.A ، چٹاگانگ بنگلہ دیش میں رکن شوریٰ عبد المبین عطاری سنتوں بھرا بیان فرمائیں گے۔

دعوتِ اسلامی کو دینِ اسلام کی خدمات سرانجام دیتے ہوئے 40 سال سے زیادہ کا عرصہ بیت چکا ہے۔ اس طویل عرصے کے دوران دعوتِ اسلامی نے جہاں بے شمار مساجد تعمیر کروائیں اور لوگوں کو دینِ اسلام کی طرف راغب کیا  وہیں اس کی کاوشوں اور دعوت سے متعدد غیر مسلموں نے بھی اسلام قبول کیا۔ دعوتِ اسلامی نے مختلف شعبہ جات کے ذریعے دینِ اسلام کی ترویج و اشاعت کا اہم بیڑا اٹھا رکھا ہے۔

اسی سلسلے میں ان شاء اللہ الکریم 02 ستمبر 2026ء بمطابق 20 ربیع الاول 1448ھ بروز بدھ تقریباً رات 09:00 بجے ” یومِ دعوتِ اسلامی “ کا عظیم الشان اجتماع منعقد کیا جا رہا ہے جسے مدنی چینل پر لائیو (Live) نشر کیا جائے گا۔

اس موقع پر بانیِ دعوتِ اسلامی، امیرِ اہلَ سنت حضرت علامہ مولانا ابو بلال محمد الیاس عطار قادری دامت برکاتہم العالیہ بالخصوص بیان فرمائیں گے اور عاشقانِ رسول کو مدنی پھولوں سے نوازیں گے۔

اس اجتماع میں دعوتِ اسلامی کے اہم ذمہ داران و علمائے کرام بھی سنتوں بھرے بیانات فرمائیں گے اور لوگوں کی دینی و اخلاقی رہنمائی و تربیت کریں گے، جن میں درج ذیل نام شامل ہیں:

٭شیخ الحدیث و التفسیر مفتی محمد قاسم عطاری مدظلہ العالی (رئیس دارالافتاء اہلسنت) ٭ نگرانِ مرکزی مجلسِ شوریٰ مولانا حاجی محمد عمران عطاری٭ رکنِ شوریٰ مولانا حاجی عبدالحبیب عطاری ٭ رکنِ شوریٰ و نگرانِ پاکستان مشاورت حاجی محمد شاہد عطاری ۔

دعوتِ اسلامی کے زیرِ اہتمام آج 29 اگست 2026ء بمطابق 16 ربیع الاول 1448ھ بروز ہفتہ، رات تقریباً 9:15 بجے عالمی مدنی مرکز فیضانِ مدینہ کراچی سے ہفتہ وار  مدنی مذاکرہ براہِ راست (LIVE) نشر کیا جائے گا۔

اس مدنی مذاکرے کی خاص بات یہ ہوتی ہے کہ بانیِ دعوتِ اسلامی، امیرِ اہل سنت حضرت علامہ مولانا ابو بلال محمد الیاس عطار قادری دامت برکاتہم العالیہ اپنے پُرخلوص انداز میں عاشقانِ رسول کو مدنی پھولوں سے نوازتے اور ان کی تربیت و رہنمائی کرتے ہیں نیز دینِ اسلام کی تعلیمات اور مختلف شعبہ ہائے زندگی میں رہنے کے طریقے کے حوالے سے ان کی تربیت کرتے ہیں۔

براہِ راست دیکھنا اور سوالات بھیجنا:

یہ مدنی مذاکرہ مدنی چینل پر براہِ راست نشر کیا جائے گا جس میں حاضرین و ناظرین مختلف سوالات کریں گے جن کے امیرِ اہلِ سنت دامت برکاتہم العالیہ علم و حکمت سے بھرپور جوابات ارشاد فرمائیں گے۔

عاشقانِ رسول کی دینی تحریک دعوتِ اسلامی کے تحت ملتان میں ایجوکیشن ڈیپارٹمنٹ سے تعلق کھنے والے  افراد کے لیے ”Grand Teachers' Congregation “ کا انعقاد کیا جا رہا ہے۔

مختلف ذرائع سے ملنے والی معلومات کے مطابق یہ گرینڈ ٹیچرز اجتماع 2 ستمبر 2026ء بروز بدھ، رات تقریباً 8:45 بجے ملتان آرٹس کونسل، ملتان میں منعقد کیا جائے گا۔

اس پروقار اجتماع میں دعوتِ اسلامی کی مرکزی مجلسِ شوریٰ کے نگران مولانا حاجی محمد عمران عطاری سنتوں بھرا بیان فرمائیں گے جن کا موضوع ”پیارے نبی صلی اللہ علیہ وآلہ وسلم انسانیت کے سب سے بڑے معلم“مقرر کیا گیا ہے۔

دعوتِ اسلامی کے زیرِ اہتمام 27 اگست 2026ء کو کراچی کے اہم راستے یونیورسٹی روڈ پر ایک عظیم الشان مرکزی جلوسِ میلاد کا انعقاد کیا گیا جس میں عاشقانِ رسول کی کثیر تعداد نے شرکت کی۔

ذرائع سے ملنے والی معلومات کے مطابق اس عظیم الشان جلوسِ میلاد میں شرکت کرنے والی اہم شخصیت بانیِ دعوتِ اسلامی، امیرِ اہل سنت حضرت علامہ مولانا اابو بلال محمد الیاس عطار قادری دامت برکاتہم العالیہ کی تھی جبکہ نگرانِ شوریٰ مولانا حاجی محمد عمران عطاری، اراکینِ شوریٰ مولانا حاجی عبد الحبیب عطاری، حاجی امین عطاری، حاجی فضیل عطاری اور تمام ذمہ داران سمیت ہزاروں عاشقانِ رسول موجود تھے۔

سبز پرچم اور نعت خوانی: جلوسِ میلاد میں شریک عاشقانِ رسول ہاتھوں میں عقیدت کے ساتھ سبز پرچم لہراتے رہے اور سرورِ کائنات صلی اللہ علیہ وآلہ وسلم کی بارگاہِ رسالت میں مدحت کے نذرانے (نعت شریف) پیش کرتے ہوئے آگے بڑھتے رہے۔

پرجوش نعرے:اس تمام سفر کے دوران پوری فضا ”مرحبا یا مصطفیٰ صلی اللہ علیہ وآلہ وسلم“کے پرجوش اور ایمان افروز نعروں سے گونجتی رہی تھی۔

جلوسِ میلاد کے اختتام پر دعا کروائی گئی اور تمام عاشقانِ رسول نے عالمی مدنی مرکز فیضانِ مدینہ کراچی میں باجماعت نماز ادا کی جس کے بعد تمام عاشقانِ رسول کے لیے کھانے کا بھی اہتمام کیا گیا۔

دعوتِ اسلامی کے تحت عالمی مدنی مرکز فیضانِ مدینہ کراچی میں” میلاد وصبحِ بہاراں اجتماع “کا انتہائی عقیدت و احترام اور شاندار انداز میں انعقاد کیا گیا جس میں ہزاروں کی تعداد میں عاشقانِ رسول نے شرکت کرنے کی سعادت حاصل کی۔

نگرانِ شوریٰ کا بیان اور ولادتِ مصطفیٰ صلی اللہ علیہ وآلہ وسلم کا تذکرہ:

اجتماع کی ابتدا میں تلاوتِ قراٰن کی گئی اور نعت خواں اسلامی بھائیوں نے حضور خاتم النبیین صلی اللہ علیہ وآلہ وسلم کی بارگاہ میں نذرانہ عقیدت پیش کیا جس کے بعد نگرانِ مرکزی مجلسِ شوریٰ مولانا حاجی محمد عمران عطاری نے بیان کیا۔ نگرانِ شوریٰ نے اسلامی تعلیمات کے حوالے سے حاضرین و ناظرین کی رہنمائی کی اور ولادتِ مصطفیٰ صلی اللہ علیہ وآلہ وسلم کے ایمان افروز واقعات بیان کیے۔

جلوسِ میلاد اور امیرِ اہلِ سنت دامت برکاتہم العالیہ کا مدنی مذاکرہ:

اجتماع کے دوران فیضان ِ مدینہ کراچی کے احاطے میں عاشقانِ رسول نے بانیِ دعوتِ اسلامی، امیرِ اہل سنت حضرت علامہ مولانا اابو بلال محمد الیاس عطار قادری دامت برکاتہم العالیہ کے ہمراہ جلوسِ میلاد میں شرکت کی۔

جلوس میلاد کے بعد امیرِ اہل سنت دامت برکاتہم العالیہ نے ساری رات جاری رہنے والے مدنی مذاکرے میں شریک تمام عاشقانِ رسول کو اپنے حکمت بھری باتوں اور مدنی پھولوں سے نوازا۔ اس روحانی اجتماع کے دوران شرکا کے لیے سحری کا خاص اہتمام بھی کیا گیا تھا۔

صبحِ بہاراں کا جشن اور مبارکباد کا تبادلہ:

اجتماع کے اختتام پر ایک نہایت دلکش اور روح پرور منظر دیکھنے میں آیا جب تمام عاشقانِ رسول نے ”مرحبا یا مصطفیٰ صلی اللہ علیہ وآلہ وسلم“کے پرجوش نعروں کی گونج میں صبحِ بہاراں کا جشن منایا اور ایک دوسرے کو میلاد النبی صلی اللہ علیہ وآلہ وسلم کی مبارکباد پیش کی۔

دعوتِ اسلامی کے زیر اہتمام ” میلاد اجتماع و سالانہ تقسیمِ اسناد کی تقریب 2026ء “کا انعقاد کیا جا رہا ہے جہاں علمائے کرام، تعلیمی رہنما، اسٹوڈنٹس، ٹیچرز اور تعلیمی اداروں کے نمائندگان میلادِ مصطفیٰ صلی اللہ علیہ وآلہ وسلم اور تعلیمی عمدگی کی پذیرائی کے لیے ایک شاندار تقریب میں جمع ہوں گے۔

اس تقریب میں تعلیم کی مختلف سطحوں پر نمایاں کارکردگی کا مظاہرہ کرنے والے پوزیشن ہولڈرزاور دیگر شاندار کامیابی حاصل کرنے والے اسٹوڈنٹس کی حوصلہ افزائی کی جائے گی جبکہ انہیں علمائے کرام کی رہنمائی سے مستفید ہونے کا موقع بھی میسر آئے گا۔

دعوتِ اسلامی کی مرکزی مجلسِ شوریٰ کے نگران حاجی عمران عطاری بطورِ مہمانِ خصوصی اس تقریب میں شرکت فرمائیں گے جبکہ شیخ الحدیث و التفسیر مفتی محمد قاسم عطاری مدنی بیان کریں گے۔

یہ اجتماع 9 ستمبر 2026ء کو رات 9:00 بجے جناح کنونشن سینٹر، اسلام آباد میں منعقد ہوگا جہاں علم، کامیابی اور محبتِ رسول صلی اللہ علیہ وآلہ وسلم ایک ہی پلیٹ فارم پر یکجا ہوں گے۔

عاشقانِ رسول کی دینی تحریک دعوتِ اسلامی کے ایجوکیشن ڈیپارٹمنٹ (میرپور خاص ڈویژن) کے زیرِ اہتمام ٹیچرز کے لیے ”Teachers' Grand Congregation “کا انعقاد کیا جا رہا ہے جس میں نگرانِ مرکزی مجلسِ شوریٰ مولانا حاجی محمد عمران عطاری خصوصی بیان فرمائیں گے۔

یہ عظیم الشان اجتماع 30 اگست 2026ء بروز اتوار، بعد نمازِ عشا رات 9:00 بجے جے این جے بینکوئٹ (J.N.J Banquet)، مین میرپور خاص روڈ نزد بحریہ کالج میں منعقد کیا جائے گا۔

اس عظیم الشان اجتماع میں ہونے والے بیان کا موضوع ” Our Responsibilities in Light of the Teachings of the Holy Prophet “ (سرکارِ دو عالم صلی اللہ علیہ وآلہ وسلم کی تعلیمات کی روشنی میں ہماری ذمہ داریاں) رکھا گیا ہے جس میں ٹیچرز کو اُن کی دینی و اخلاقی ذمہ داریوں سے متعلق رہنمائی فراہم کی جائے گی۔

دعوتِ اسلامی کی دینی ایکٹیویٹیز کے سلسلے میں مرکزی مجلسِ شوریٰ کے رکن مولانا حاجی عبدالحبیب عطاری نے Gujrat Chamber of Commerce & Industry (گجرات چیمبر آف کامرس اینڈ انڈسٹری، پنجاب) کا دورہ کیا جہاں انہوں نے چیمبر کے عہدیداروں اور کاروباری شخصیات سے اہم ملاقات کی۔

دورے کے دوران گجرات چیمبر آف کامرس کے اراکین اور دیگر عاشقانِ رسول نے رکنِ شوریٰ مولانا حاجی عبدالحبیب عطاری کا استقبال کیا اور چیمبر کے مختلف شعبہ جات کا تفصیلی وزٹ کروایا ۔

ملاقات میں دعوتِ اسلامی کے بین الاقوامی سطح پر قائم دینی و فلاحی پروجیکٹس اور سماجی سرگرمیوں کے حوالے سے تفصیلی تبادلہ خیال کیا گیا۔چیمبر کے اراکین نے بین الاقوامی سطح پر دعوتِ اسلامی کے عالمی، اصلاحی اور رفاہی کاموں کی تعریف کی اور نیک خواہشات کا اظہار کیا۔

دعوتِ اسلامی کی مرکزی مجلسِ شوریٰ کے اراکین مولانا حاجی عبد الحبیب عطاری اور حاجی محمد وقار المدینہ عطاری نے نیشنل ڈیساسٹر مینجمنٹ اتھارٹی (NDMA) کے نیشنل ایمرجنسی آپریشن سینٹر (NEOC) ہیڈ کوارٹر کا اہم دورہ کیا۔

اس دورے کے دوران اراکینِ شوریٰ نے ادارے کے اعلیٰ حکام اور افسران سے ملاقات کی اور انہیں دعوتِ اسلامی کے زیرِ اہتمام عالمی سطح پر جاری دینی، تعلیمی اور بالخصوص فلاحی و امدادی سرگرمیوں کے بارے میں تفصیلی بریفنگ دی۔

ملاقات کی اہم تفصیلات:

خدمات کا جامع تعارف: اراکینِ شوریٰ نے NDMA کے حکام کو آگاہ کیا کہ دعوتِ اسلامی قدرتی آفات، سیلاب اور دیگر ناگہانی صورتحال میں بلا تفریق رنگ و نسل کس طرح ریلیف اور بحالی کے کام سرانجام دیتی ہے۔

NDMA کی جانب سے تعریف:ادارے کے اعلیٰ حکام نے دعوتِ اسلامی کی پاکستان سمیت دنیا بھر میں کی جانے والی انسان دوست خدمات، بالخصوص آفات کے دوران بروقت امدادی کاموں کو بے حد سراہا اور خراجِ تحسین پیش کیا۔