خلیفہ ٔ اعلیٰ حضرت قطبِ مدینہ مولانا ضیاء الدین مدنی رحمۃ اللہ تعالٰی علیہ کے آبائی علاقے کلاس والا، تحصیل پسرور میں اِن کے عرس کے موقع پر ایک عظیم الشان اجتماع کا انعقاد کیا گیا جس میں قرب و جوار سے کثیر عاشقانِ رسول اور ذمہ دارانِ دعوتِ اسلامی نے شرکت کی۔

اس موقع پر تلاوتِ قرآن و نعتِ شریف کے بعد دعوتِ اسلامی کی مرکزی مجلسِ شوریٰ کے رکن مولانا حاجی محمد اسد عطاری مدنی نے بیان کیا جس میں انہوں نے آپ رحمۃ اللہ تعالٰی علیہ کی سیرت کے حوالے سے روشنی ڈالی اور حاضرین کو دینِ اسلام کی تعلیمات کے مطابق زندگی گزارنے کی ترغیب دلائی۔

عالمی سطح کی دینی تحریک دعوتِ اسلامی 2026ء میں حج کی سعادت پانے والے زائرین کے لیے ایک خاص پروگرام کا انعقاد کرنے جا رہی ہے جس کا  عنوان ”حج اسپیشل ٹرانسمیشن“ ہوگا۔

ذرائع سے ملنے والی معلومات کے مطابق یہ پروگرام مدنی چینل پر 26 مئی 2026ء بروز منگل دوپہر تقریباً 3 بجے لائیو (Live) نشر کیا جائے گا جبکہ اس اسپیشل ٹرانسمیشن میں شریک ہوں گے معروف اسلامک اسکالرز شیخ الحدیث و التفسیرمفتی محمد قاسم عطاری مدظلہ العالی ،نگرانِ شوریٰ مولانا حاجی محمد عمران عطاری اور رکنِ شوریٰ مولانا حاجی عبد الحبیب عطاری ۔

یہ پروگرام حج کے حوالے سے اہم گفتگو اور تجربات پر مشتمل ہوگا جہاں ناظرین حج کے فضائل، مناسک اور دینی فوائد کے بارے میں معلومات حاصل کریں گے۔ اس کے علاوہ اسلامی تعلیمات کے مطابق حج کی اہمیت اور روحانی فوائد پر بھی گفتگو کی جائے گی۔

تمام عاشقانِ رسول سے درخواست ہے کہ اس پروگرام سے مستفید ہونے کے لیے دیگر اسلامی بھائیوں کے ساتھ شامل ہوں اور اس اہم دینی موقع سے فائدہ اٹھائیں۔

عاشقانِ رسول کی عالمی دینی تحریک دعوتِ اسلامی کے زیرِ اہتمام آج مؤرخہ 21 مئی 2026ء بروز جمعرات عالمی مدنی مرکز فیضان مدینہ کراچی سمیت دنیا بھر کے ہزاروں مقامات پر ہفتہ وار سنتوں بھرے اجتماعات منعقد کئے جائیں گے۔ پاکستان سمیت دنیا کے کم و بیش 200 سے زائد ممالک میں ہونے والے ان اجتماعات میں ہزاروں کی تعداد میں عاشقانِ رسول شرکت کر یں گے جبکہ مبلغین دعوت اسلامی اور اراکین شوریٰ سنتوں بھرے بیانات فرمائیں گے۔بیانات میں خوف خدا، عشقِ رسول، معاشرتی اصلاح اور سنتوں پر عمل کرنے کی ترغیب دلائی جائے گی۔

تفصیلات کے مطابق آج رات دعوتِ اسلامی کی مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی عالمی مدنی مرکز فیضانِ مدینہ کراچی سے مدنی چینل پر براہ راست (Live) سنتوں بھرا بیان فرمائیں گے۔

اس کے علاوہ جامع مسجد فیضان جیلان کلفٹن بلاک 08 کراچی میں رکن شوریٰ مولانا حاجی عبد الحبیب عطاری، مدنی مرکز فیضان مدینہ رائے ونڈ سندر روڈ بائی پاس لاہور میں رکن شوریٰ حاجی یعفور رضا عطاری، مدنی مرکز فیضان مدینہ کولو روڈ حافظ آباد میں رکن شوریٰ عبد الوہاب عطاری، ہسپتال روڈ کلاس والا تحصیل پسرور سیالکوٹ مین رکن شوریٰ مولانا حاجی محمد اسد عطاری مدنی اورعبد الرشید جامع مسجد شیکلباہا کرنافولی چٹاگانگ بنگلہ دیش میں رکن شوریٰ عبد المبین عطاری سنتوں بھرا بیان فرمائیں گے۔

دعوتِ اسلامی کا مقصد صرف علم سکھانا نہیں بلکہ کردار کی تعمیر اور بندے کا تعلق اپنے خالق و مالک سے بھی مضبوط کرنا ہے۔

مدنی مرکزفیضانِ مدینہ فیصل آباد میں پنجاب کے  میٹروپولیٹن نگران اسلامی بھائیوں کا مدنی مشورہ 12 مئی 2026ء کو منعقد ہوا جس میں رکنِ شوریٰ حاجی محمد اسلم عطاری سمیت مختلف سٹیز کے میٹروپولیٹن نگران اور ذمہ داران نے شرکت کی۔

اس مدنی مشورے مختلف شعبہ جات (اصلاحِ اعمال، قافلہ، مدرسۃالمدینہ بالغان اور مدنی کورسز) کی اوسطاً کارکردگی دسمبر 2025ء تا فروری 2026ء کا جائزہ لیتے ہوئے چند اہم نکات پر مشاورت کی جن میں سے بعض درج ذیل ہیں:

٭کرنٹ تقرریاں٭رمضان عطیات کارکردگی٭اعتکاف کی کارکردگی٭ماہانہ خود کفالت۔

اس کے علاوہ نگران پاکستان مشاورت نے مختلف دینی سرگرمیوں کی کارکردگی کا جائزہ لیا اور وہاں موجود ذمہ دار و نگران اسلامی بھائیوں کو مدنی پھول سے نوازا ۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

دارالمدینہ انٹرنیشنل یونیورسٹی (DMIU) کے زیرِ اہتمام ”کنز المدارس بورڈ“ کے ہیڈ آفس میں ”سیرت النبی ﷺ چیئر“ کا ایک اہم اور حکمتِ عملی پر مبنی میٹنگ منعقد ہوئی۔ اس میٹنگ کا بنیادی مقصد عصری تعلیم کو سیرتِ طیبہ کی روشنی میں ہم آہنگ کرنا اور دورِ حاضر کے عالمی چیلنجز کا حل تلاش کرنا تھا۔

اجلاس کی صدارت دارالمدینہ انٹرنیشنل یونیورسٹی کے چیئرمین و رکنِ مرکزی مجلسِ شوریٰ (دعوتِ اسلامی) مولانا حاجی محمد جنید عطاری مدنی نے فرمائی۔ اس موقع پر یونیورسٹی کی اعلیٰ انتظامیہ بھی ان کے ہمراہ موجود تھی۔

میٹنگ میں رئیس دارُ الافتاء اہلسنت شیخ الحدیث والتفسیر مفتی محمد قاسم عطاری مُدَّ ظِلُّہُ العالی کی خصوصی شرکت ہوئی۔ مفتی صاحب نے اپنی بصیرت افروز گفتگو سے شرکاکو نوازا اور سیرتِ طیبہ کے تحقیقی پہلوؤں پر جامع رہنمائی فرمائی۔

میٹنگ میں سیرتِ مصطفیٰ صلَّی اللہ علیہ واٰلہٖ وسلَّم کو جدید تعلیمی ڈھانچے میں ضم کرنے کے لیے درج ذیل اہم اقدامات پر تبادلہ خیال کیا گیا:

٭جامع اکیڈمک فریم ورک: سیرت النبی صلَّی اللہ علیہ واٰلہٖ وسلَّم پر تحقیق (Research) کے لیے ایک جامع اور بین الاقوامی معیار کا تعلیمی ڈھانچہ تیار کرنا۔

٭ڈیجیٹل Documentary سیریز: حضور اکرم صلَّی اللہ علیہ واٰلہٖ وسلَّم کی مبارک زندگی کے مختلف پہلوؤں پر اعلیٰ معیار کی ڈیجیٹل دستاویزی فلمیں (Documentaries) تیار کرنا تاکہ جدید نسل تک پیغامِ حق پہنچایا جا سکے۔

٭نوجوانوں کی تربیت: نوجوان نسل کی کردار سازی کے لیے سیرتِ طیبہ سے اخذ کردہ اصولوں کو رائج کرنا۔

٭عالمی بیانیے کا جواب: اسلام کے پرامن پیغام کی روشنی میں دورِ حاضر کے عالمی اعتراضات اور منفی بیانیے کا مدلل جواب دینا۔

دارالمدینہ انٹرنیشنل یونیورسٹی اس عزم کا اعادہ کرتی ہے کہ وہ ایسی قیادت تیار کرتی رہے گی جو جدید ترین سائنسی علوم سے بھی آراستہ ہو اور جن کے دلوں میں عشقِ رسول صلَّی اللہ علیہ واٰلہٖ وسلَّم اور ایمان کی پختگی بھی موجود ہو۔

تبلیغِ قرآن و سنت کی عالمگیر دینی تحریک، دعوتِ اسلامی کے زیرِ اہتمام ہر جمعرات کی رات دنیا کے کم و بیش 200 سے زائد ممالک میں ہفتہ وار سنتوں بھرے اجتماعات کا انعقاد کیا جاتا ہے۔ آج بھی حسبِ روایت مؤرخہ 14 مئی 2026ء بروز جمعرات پاکستان سمیت پوری دنیا میں ہزاروں عاشقانِ رسول ان اجتماعات میں شریک ہوں گے۔

اجتماعات کا آغاز قرآن پاک کی نورانی آیات اور بارگاہِ رسالت صلَّی اللہ علیہ واٰلہٖ وسلَّم میں ہدیہ نعت پیش کر کے کیا جائےگا۔ دعوتِ اسلامی کے مبلغین قرآن و حدیث کی روشنی میں زندگی گزارنے کے طریقے، اخلاقیات، اور شرعی احکامات پر مدلل بیانات کریں گے۔ اجتماع کے آخری لمحات میں رقت انگیز دعا اور ذکرِ الٰہی کی محفل سجتی ہےجس میں امتِ مسلمہ کی بہتری، ملک و ملت کی سلامتی اور گناہوں سے توبہ کی جاتی ہے۔

تفصیلات کے مطابق آج رات تقریباً08:00 بجے جام کمال خان فٹ بال اسٹیڈیم نزد ویٹرنری ہسپتال بائی بیلہ بلوچستان سے مدنی چینل پر براہِ راست نشر ہونے والے ہفتہ وار اجتماع میں رکن شوریٰ حاجی فضیل عطاری سنتوں بھرا بیان فرمائیں گے۔

اس کے علاوہ مدنی مرکز فیضان مدینہ اسلام آباد جی 11 میں رکن شوریٰ مولانا حاجی محمد عقیل عطاری مدنی، جامع مسجد ممتاز قادری ہجویری سکیم لاہور میں رکن شوریٰ حاجی منصور عطاری، مدنی مرکز فیضان عطار ادیب کالونی نزد مین جی ٹی روڈ سرائے عالمگیر میں رکن شوریٰ مولانا حاجی اسد عطاری مدنی، جامع مسجد ابو حنیفہ سیالکوٹ میں رکن شوریٰ حاجی محمد اظہر عطاری، جامع مسجد شاہ ابو البرکات مغلپورہ لاہور میں رکن شوریٰ حاجی یعفور رضا عطاری، مدنی مرکز فیضان مدینہ انتو والی بائی پاس شکر گڑھ میں رکن شوریٰ عبد الوہاب عطاری ، محمود خان جامع مسجد A.K خان پہاڑتلی، چٹاگانگ بنگلہ دیش میں رکن شوریٰ عبد المبین عطاری اور فیضان مدینہ مسجد 338 5^th Avenue Laudium South Africa میں رکن شوریٰ حاجی خالد عطاری سنتوں بھرا بیان فرمائیں گے۔

دعوتِ اسلامی کے یہ اجتماعات نہ صرف مسلمانوں کی علمی و فکری پیاس بجھانے کا ذریعہ ہیں بلکہ معاشرے میں امن، بھائی چارہ اور سنتِ رسول صلَّی اللہ علیہ واٰلہٖ وسلَّم پر عمل پیرا ہونے کا جذبہ بیدار کرنے میں کلیدی کردار ادا کر رہے ہیں۔ مدنی چینل پر ان اجتماعات کی براہِ راست نشریات کے ذریعے کروڑوں لوگ گھر بیٹھے بھی اس روحانی فیض سے مستفید ہو تے ہیں۔

اسلام آباد: دارالمدینہ انٹرنیشنل یونیورسٹی (DMIU) کے اسلام آباد کیمپس میں ”معرکہ حق“کی تاریخی کامیابی کو ایک سال مکمل ہونے پر ایک پُروقار تقریب کا انعقاد کیا گیا۔ اس تقریب کا مقصد حق و صداقت کی اس عظیم فتح کو خراجِ تحسین پیش کرنا اور نوجوان نسل میں قومی اتحاد، ہمت اور عزمِ نو کا جذبہ بیدار کرنا تھا۔

معزز مہمانانِ گرامی:

تقریب میں علمی و سماجی شخصیات نے بھر پور شرکت کی۔ پروگرام کے مہمان خصوصی ڈاکٹر محمد ادریس(Director National Assessment Coordination, PIE) تھے۔ان کے ہمراہ ۔ ان کے ہمراہ بریگیڈیئر (ریٹائرڈ) پروفیسر ڈاکٹر طاہر نواز (پرو وائس چانسلر، DMIU) اور پروفیسر جاوید اسلم باجوہ (رجسٹرار، DMIU) بھی خصوصی طور پر شریک ہوئے۔

تقریب کے اہم نکات:

عزم و ہمت کی داستان: مقررین نے ”معرکہ حق“کی اہمیت پر روشنی ڈالتے ہوئے اسے سچائی کی فتح اور باطل کے خلاف ایک مضبوط استعارہ قرار دیا۔

نوجوانوں کی تربیت: تقریب کا بنیادی مقصد طلبہ میں حب الوطنی کا جذبہ پیدا کرنا اور انہیں یہ باور کرانا تھا کہ حق کی راہ میں ثابت قدمی ہی اصل کامیابی ہے۔

خراجِ تحسین: اس موقع پر ان تمام کرداروں کو بھرپور خراجِ عقیدت پیش کیا گیا جنہوں نے اس معرکے کی کامیابی میں اپنا کلیدی کردار ادا کیا۔

مقررین کا خطاب:

مہمانِ خصوصی ڈاکٹر محمد ادریس نے اپنے خطاب میں کہا کہ ”ایسے واقعات ہماری تاریخ کا وہ روشن باب ہیں جو آنے والی نسلوں کے لئے مشعلِ راہ بنتے ہیں۔ ہمیں اپنی نوجوان نسل کو ان کامیابیوں کے پیچھے چھپے ہوئے مقصد اور قربانیوں سے روشناس کرواتے رہنا چاہیے۔“

اس موقع پر پرو وائس چانسلر ڈاکٹر طاہر نواز نے انتظامیہ اورپروگرام میں شریک افراد کا شکریہ ادا کرتے ہوئے اس بات پر زور دیا کہ قومیں اپنے اتحاد اور حوصلے سے ہی بڑے چیلنجز پر قابو پاتی ہیں۔

تقریب کے اختتام پر ملکی سلامتی، ترقی اور ”معرکہ حق“کے تسلسل کو برقرار رکھنے کے لئے خصوصی دعا کی گئی۔

دعوت اسلامی کے زیر اہتمام آج مؤرخہ 07 مئی 2026ء کو عالمی مدنی مرکز فیضانِ مدینہ کراچی سمیت دنیا بھر میں ہفتہ وار سنتوں بھرے اجتماعات کا انعقاد کیا جائے گا جن میں اراکین شوریٰ و مبلغین دعوتِ اسلامی سنتوں بھرے بیانات فرمائیں گے۔ اجتماعات میں اصلاحِ معاشرہ، خوفِ خدا و عشق رسول، دینی تعلیمات اور مختلف موضوعات پر گفتگو کی جائے گی۔بیان کے بعد حلقہ درود شریف و ذکر اللہ منعقد ہوگا جس میں شرکا والہانہ انداز میں بارگاہِ رسالت صلَّی اللہ علیہ واٰلہٖ وسلَّم میں درود شریف اور اللہ پاک کا ذکر کریں گے۔ اجتماع کے اختتام پر رقت انگیز دعا مانگی جائے گی۔

تفصیلات کے مطابق آج رات تقریباً08:00 بجے مدنی مرکزفیضان مدینہ نیو سیٹلائٹ ٹاؤن سرگودھا سے مدنی چینل پر براہِ راست نشر ہونے والے ہفتہ وار اجتماع میں رکن شوریٰ حاجی وقار المدینہ عطاری سنتوں بھرا بیان فرمائیں گے۔

اس کے علاوہ جامع مسجد بابری تاج پورہ لاہور میں رکن شوریٰ حاجی یعفور رضا عطاری، جامع مسجد ابو حنیفہ سیالکوٹ میں رکن شوریٰ عبدالوہاب عطاری، مدنی مرکز فیضان مدینہ اوکاڑہ میں رکن شوریٰ حاجی محمد رفیع عطاری، مدنی مرکز فیضان مدینہ محلہ کشمیر نگر جلالپور جٹاں میں رکن شوریٰ مولانا حاجی محمد اسد عطاری مدنی، مین بازار شیرانوالہ چوک حدوکے مریدکے میں رکن شوریٰ حاجی محمد اظہر عطاری، جامع مسجد اقصیٰ شیرانوالہ گیٹ لاہور میں رکن شوریٰ حاجی منصور عطاری، بہزاد لکھنوی مسجد نارتھ ناظم آباد کراچی میں رکن شوریٰ حاجی فضیل رضا عطاری اور جامع مسجد حاجی سید عطاء الرحمٰن عالم نگر کالونی وارڈ نمبر 27، رنگپور سٹی کارپوریشن رنگپور بنگلہ دیش میں رکن شوریٰ عبد المبین عطاری سنتوں بھرا بیان فرمائیں گے۔

تمام عاشقانِ رسول سے ہفتہ وار اجتماع میں شرکت کرنے کی درخواست ہے۔

28 اپریل 2026ء کو مومن آباد سیکٹر 4 ایف، یوسی 5 A وارڈ 2، کراچی کی جامع مسجد اسلم میں ”ماہانہ درسِ قرآن بسلسلہ گیارہویں شریف“ کا اہتمام کیا گیا جس کا مقصد قرآنِ مجید کی تعلیمات کو عام کرنا اور مسلمانوں میں دین کی محبت پیدا کرنا تھا۔

تلاوت و نعت کے بعد مبلغِ دعوتِ اسلامی مولانا ابو طلحہٰ عطاری مدنی نے بیان کرتے ہوئے قرآنِ مجید کے پیغامات کو بیان کیا اور وہاں موجود اسلامی بھائیوں کی دینی معلومات میں اضافہ کیا۔

علاوہ ازیں مولانا ابو طلحہٰ عطاری مدنی نے دعوتِ اسلامی کے 12 اہم دینی کاموں کے حوالے سے اسلامی بھائیوں کی ذہن سازی کی تاکہ وہ دینی خدمات میں بڑھ چڑھ کر حصہ لیں۔

اس روحانی محفل کا مقصد قرآنِ مجید کی تعلیمات کو عام کرنا اور دعوتِ اسلامی کے دینی کاموں میں حصہ لینے کی ترغیب دینا تھا۔(رپورٹ: محمد نعیم عطاری یوسی نگران 5 A مومن آباد، ڈسٹرکٹ اورنگی ، کانٹینٹ:غیاث الدین عطاری)

دعوتِ اسلامی کے زیر اہتمام آج مؤرخہ30 اپریل 2026ء بروز جمعرات عالمی مدنی مرکز فیضانِ مدینہ کراچی سمیت دنیا بھر میں سینکڑوں مقامات پر سنتوں بھرے اجتماعات کا انعقاد کیا جائے گا۔

حسبِ روایت اجتماع کا باقاعدہ آغاز تلاوتِ قرآن پاک سے ہوگا جس کے بعد بارگاہِ رسالت صلَّی اللہ علیہ واٰلہٖ وسلَّم میں ہدیۂ نعت پیش کی جائے گی۔ نعت خوانی کے بعد اراکین شوریٰ و مبلغین دعوتِ اسلامی خوفِ خدا و عشق رسول، اصلاح اعمال، تعلیمات دین اور دیگر موضوعات پر سنتوں بھرے بیانات فرمائیں گے۔بیان کے بعد حلقہ درود شریف و ذکر اللہ منعقد ہوگا جس میں شرکا والہانہ انداز میں بارگاہِ رسالت صلَّی اللہ علیہ واٰلہٖ وسلَّم میں درود شریف اور اللہ پاک کا ذکر کریں گے۔ اجتماع کے اختتام پر رقت انگیز دعا مانگی جائے گی۔

تفصیلات کے مطابق آج رات تقریباً08:00 بجے مدنی مرکزفیضان مدینہ G-11 اسلام آباد سے مدنی چینل پر براہِ راست نشر ہونے والے ہفتہ وار اجتماع میں رکن شوریٰ حاجی محمد اظہر عطاری سنتوں بھرا بیان فرمائیں گے۔

عالمی مدنی مرکز فیضان مدینہ کراچی میں رکن شوریٰ حاجی فضیل عطاری، جامع مسجد محمدی حنفیہ سوڈیوال لاہور میں شیخ الحدیث مفتی محمد ہاشم خان عطاری مُدَّ ظِلُّہُ العالی ، گورنمنٹ ہائی اسکول مراکہ ملتان روڈ لاہور میں رکن شوریٰ حاجی یعفور رضا عطاری، مدنی مرکز فیضان مدینہ کوٹ رادھا کشن میں رکن شوریٰ حاجی منصور عطاری، جامع مسجد اقصیٰ شیرانوالہ گیٹ لاہور میں رکن شوریٰ مولانا حاجی محمد اسد عطاری مدنی، جامع مسجد بیت المکرم نزد کامسیٹس یونیورسٹی اٹک میں رکن شوریٰ حاجی وقار المدینہ عطاری، مدنی مرکز فیضان مدینہ شاہ جہانگیر روڈ گجرات میں رکن شوریٰ عبد الوہاب عطاری، رضائے مصطفٰے مسجد کورنگی نمبر 04 کراچی میں رکن شوریٰ حاجی محمد امین عطاری، جامع مسجد فیضان مدینہ جن پتھ موڑ سید آباد ڈھاکہ میں رکن شوریٰ عبد المبین عطاری سنتوں بھرا بیان فرمائیں گے۔

تمام عاشقانِ رسول سے ہفتہ وار اجتماع میں شرکت کرنے کی درخواست ہے۔

دعوتِ اسلامی کی مرکزی مجلسِ شوریٰ کے رکن عبد الوہاب عطاری نے ایگزیکٹو کلب، پنجاب یونیورسٹی میں مختلف شخصیات سے ملاقات کی۔

شخصیات:

پروفیسر ڈاکٹر زبیر اقبال صاحب (وائس چانسلر، بہاء الدین زکریا یونیورسٹی، ملتان)

پروفیسر ڈاکٹر اعجاز قریشی صاحب (سابق وائس چانسلر، یونیورسٹی آف سیالکوٹ / NCBAE / انسٹی ٹیوٹ آف آرٹ اینڈ کلچر)

گفتگو کے اہم نکات:

تعلیمی خدمات کا تذکرہ: ملاقات کے دوران رکنِ شوریٰ نے دعوتِ اسلامی کے تحت چلنے والے تعلیمی اداروں (جامعۃ المدینہ اور دارالمدینہ وغیرہ) کے نیٹ ورک اور ان میں دی جانے والی دینی و عصری تعلیم کے امتزاج پر روشنی ڈالی۔

اخلاقی تربیت: تعلیمی اداروں میں طلبہ کی کردار سازی اور انہیں معاشرے کا ایک بااخلاق اور ذمہ دار شہری بنانے کے حوالے سے تبادلہ خیال کیا گیا۔

باہمی تعاون: وائس چانسلرز اور ماہرینِ تعلیم نے دعوتِ اسلامی کی ملک گیر تعلیمی و فلاحی خدمات کو سراہا اور مستقبل میں علمی سطح پر بہتری کے لیے مختلف تجاویز پر غور کیا۔

ملاقات کے اختتام پر رکنِ شوریٰ عبد الوہاب عطاری نے معزز شخصیات کو مکتبۃ المدینہ کی شائع کردہ کتب اور ماہنامہ فیضانِ مدینہ بطورِ تحفہ پیش کیں اور انہیں عالمی مدنی مرکز فیضانِ مدینہ کراچی کے دورے کی دعوت بھی دی۔

پچھلے دنوں سابق گورنر سندھ کامران ٹیسوری کی والدہ رضائے الہٰی سے انتقال کرگئیں۔ اِنَّا لِلہِ وَاِنَّا اِلَیْہِ رٰجِعُوْن

انتقال کی خبر ملنے پر دعوتِ اسلامی کی مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی اپنے وفد کے ہمراہ ٹیسوری ہاؤس پہنچے اور کامران ٹیسوری سمیت سوگواران سے ملاقات و تعزیت کی۔

نگرانِ شوریٰ نے مرحومہ کے درجات کی بلندی اور ایصالِ ثواب کے لئے خصوصی دعا فرمائی۔ انہوں نے اللہ پاک کی بارگاہ میں التجا کی کہ پرور دِگار مرحومہ کو جنت الفردوس میں داخلہ عطا فرمائے اور پسماندگان کو صبرِ جمیل دے۔

اس موقع پر نگرانِ شوریٰ نے موت اور آخرت کی یاد کے حوالے سے مختصر مگر جامع گفتگو فرمائی جس نے سوگوار خاندان کے لئے تسلی اور اطمینان کا سامان فراہم کیا۔

ٹیسوری ہاؤس آمد اور دکھ کی اس گھڑی میں ڈھارس بندھانے پرکامران ٹیسوری نے نگرانِ شوریٰ اور ان کے ہمراہ آنے والے تمام رفقاء کا شکریہ ادا کرتے ہوئے اپنی محبتوں کا اظہار کیا۔