اسلام آباد: دعوتِ اسلامی کے فلاحی شعبے FGRF کے تحت وفاقی دارالحکومت اسلام آباد (پاکستان) کے محلہ لَس نزد مزاربری امام رحمۃ اللہ علیہ کے قریب پینے کے صاف پانی کے لئے جدید واٹرسپلائی ٹینک اور پائپ لائن کا افتتاح کیا گیا ہے جس کا مقصد علاقے میں پانی کی فراہمی کو بہتر بنانا اور عوام کو صحت مند و صاف پانی کی سہولت فراہم کرنا تھا۔

اس موقع پر رکنِ شوریٰ حاجی وقار المدینہ عطاری سمیت دیگر شخصیات نے شرکت کی جبکہ شرکا نے اس اقدام کو علاقے کی عوام کے لئے خوش آئند اور دعوتِ اسلامی کی فلاحی خدمات کا ایک اہم حصہ قرار دیا۔

دعوتِ اسلامی کے شعبہ FGRF (فیضان گلوبل ریلیف فاؤنڈیشن) کے تحت مدنی مرکز فیضانِ مدینہ کامونکی میں فرسٹ ایڈ ٹریننگ سیشن ہوا جس میں چیئرمین امن کمیٹی سرکل کامونکی حاجی غلام علی نقشبندی کی خصوصی شرکت ہوئی۔

اس سیشن میں ریسکیو 1122 کامونکی کے ماہر عملے نے مدنی مرکز فیضانِ مدینہ کامونکی میں معلم کورس کرنے والے عاشقانِ رسول کو ابتدائی طبی امداد کی عملی تربیت فراہم کی۔

سیشن میں شریک چیئرمین امن کمیٹی حاجی غلام علی نقشبندی صاحب نے دعوتِ اسلامی کی فلاحی کاوشوں کو سراہتے ہوئے کہا: دعوتِ اسلامی نہ صرف دین کی تبلیغ میں مصروفِ عمل ہے بلکہ انسانی خدمت کے میدان میں بھی ایک مثالی کردار ادا کر رہی ہے۔

اس موقع پر FGRF کے تحصیل ذمہ دار محمد وقار سرویا نے میڈیا سے گفتگو کرتے ہوئے بتایا کہ:دعوتِ اسلامی کا یہ فلاحی شعبہ ہر آزمائش میں قوم کے شانہ بشانہ کھڑا رہا ہے، چاہے وہ زلزلہ ہو، سیلاب ہو یا دیگر قدرتی آفات ، FGRF کے رضاکار ہمیشہ خدمت کے لئے پیش پیش ہوتے ہیں۔

کراچی کے علاقے دھورا جی کالونی میں واقع مقامی ہال میں FGRF (دعوتِ اسلامی) کے ذیلی شعبے اسکلز انہانسمنٹ پروگرام کے تحت ”Certificate Distribution Ceremony “ کا انعقاد کیا گیا۔

اس موقع پر مرکزی مجلس شوریٰ کے رکن مولانا حاجی عبد الحبیب عطاری، ڈائریکٹر SEP، ہیڈ آف ایپلی کیشن پرائیوٹ کمپنی، نجی بینک آفیسرز، ٹیچرز، FGRF کے اسلامی بھائی سمیت اسٹوڈنٹس اور سرپرست موجود تھے۔

تقریب کا آغاز تلاوتِ قراٰن و نعتِ رسولِ مقبول صلَّی اللہ علیہ واٰلہٖ وسلَّم سے کیا گیا جس کے بعد اسکلز انہانسمنٹ پروگرام کے اسٹوڈنٹس نے مختلف ایکٹیویٹیز اور اپنی کامیابیوں سے متعلق حاضرین کو بتایا۔

رکنِ شوریٰ مولانا حاجی عبد الحبیب عطاری نے اسٹوڈنٹس کی جانب سے پیش کی جانے والی ایکٹیویٹیز کو سراہتے ہوئے ڈائریکٹرSEP کی کاوشوں کے متعلق اپنی نیک خواہشات کا اظہار کیا اور اسلامی بھائیوں کو بریفنگ دی۔

اس دوران رکنِ شوریٰ نے سرٹیفکیٹس حاصل کرنے والے اسٹوڈنٹس کو مبارکباد پیش کی اور ذہن سازی کرتے ہوئے انہیں اس علم کے ذریعے دینِ اسلام کو پھیلانے کی ترغیب دلائی۔

آخر میں اسٹوڈنٹس سمیت دیگر اسلامی بھائیوں نے اپنے تأثرات دیئے جبکہ رکنِ شوریٰ نے اختتامی دعا بھی کروائی۔(کانٹینٹ:غیاث الدین عطاری)

اللہ پاک عزوجل کی دی ہوئی توفیق اور اس کے پیارے حبیب صلی اللہ علیہ وآلہ وسلم کی نظر عنایت سے دعوت اسلامی آخری نبی صلی اللہ علیہ وآلہ وسلم کی دکھیاری امت کی خیر خواہی میں شب و روز مصروف عمل نظر آتی ہے۔ اسی سلسلے میں 13نومبر2024 کو پاکستان کے شہر راجن پور میں کسان اجتماع منعقد ہوا ۔

کسان اجتماع میں نگران مجلس FGRF حاجی شفاعت علی عطاری نے سیلاب متاثرین میں2000 ایکڑ اراضی کا بیج تقسیم کیا جس پر کسانوں نے دعوتِ اسلامی کا شکریہ ادا کیا اور اپنی نیک خواہشات کا اظہار کیا۔

یاد رہے: FGRFدعوت اسلامی کا ایک فلاحی شعبہ ہے جس کے مختلف ڈیپارٹمنٹ ہیں جن کے ذریعے یہ اپنی خدمات پیش کرتا ہے ۔ ان ہی میں سے ایک ڈیزاسٹر مینجمنٹ ڈیپارٹمنٹ بھی ہے جو سیلاب زدہ علاقوں میں خوراک اور طبی سامان فراہم کرتا ہے۔ (کانٹینٹ: محمد شعیب احمد عطاری)

امیرِ اہلِ سنت دامت بَرَکَاتُہمُ العالیہ کے فرمان ”پودا لگانا ہے درخت بنانا ہے“پر عمل کرتے ہوئے پچھلے دنوں دعوتِ اسلامی کے مدنی مرکز فیضانِ مدینہ فیصل آباد کے قریب گرین بیلٹ میں رکنِ مرکزی مجلسِ شوریٰ و نگرانِ پاکستان مشاورت حاجی محمد شاہد عطاری نے ذمہ داران کے ہمراہ شجرکاری میں حصہ لیا۔

نگرانِ پاکستان مشاورت حاجی محمد شاہد عطاری نے پودا لگاکر شجرکاری کا آغاز کیا اور وہاں موجود ذمہ دار اسلامی بھائیوں کو مدنی پھولوں سے نوازا جبکہ ملک و قوم کی سلامتی کے لئے دعا بھی کروائی۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

پچھلے دنوں مرکزی  مجلس شوریٰ کے رکن حاجی محمد امین عطاری نے کراچی میں موجود فریئرہال کا دورہ کیا اور وہاں مقامی پولیس افسران کے ہمراہ شعبہ ایف جی آر ایف کے تعاون سے شجرکاری کی۔

اس موقع پر رکن شوریٰ نے وہاں موجود شخصیات کو دعوت اسلامی کا تعارف کروایا اور انہیں مدنی مرکز فیضان مدینہ کا وزٹ کرنے کی دعوت دی جس پر انہوں نے اچھے خیالات کا اظہار کیا۔(کانٹینٹ:رمضان رضا عطاری)

پچھلے دنوں  دعوت اسلامی کے شعبہ FGRF کے تحت کے ایم سی گرین زون نزد جیل چورنگی کراچی میں شجر کاری کا سلسلہ ہوا جس میں رکنِ شوری ٰ مولانا حاجی عبدالحبیب عطاری نے ایم پی اے عامر صدیقی و ممبر رابطہ کمیٹی ایم کیو ایم پاکستان زاہد منصوری کے ہمراہ پودا لگایا۔

اس موقع پر رکن شوریٰ نے وہاں موجود شخصیات کو دعوت اسلامی کے تحت ملک و بیرون ملک میں جاری دینی و فلاحی خدمات کے حوالے سے بتایا اور انہیں مدنی مرکز فیضان مدینہ کا وزٹ کرنے کی دعوت دی جس پر انہوں نے خدمات دعوت اسلامی کو سراہتے ہوئے اچھے خیالات کا اظہار کیا۔(رپورٹ: محمد زکی عطاری شعبہ رابطہ برائے شخصیات دعوت اسلامی ضلع شرقی کراچی،کانٹینٹ:رمضا ن رضا عطاری)

فلاحی کاموں کے ذریعے امتِ مسلمہ کی خیرخواہیِ کرتے ہوئے دعوتِ اسلامی نے اپنے شعبے FGRF کے تحت اورنگی ٹاؤن سیکٹر 14/B کراچی (نزد بنگلہ بازار روڈ)میں ”مدنی کلینک“ کا افتتاح کردیا ہے جہاں شرعی تقاضوں کے عین مطابق مرد و خواتین کے لئے الگ الگ اسٹاف سمیت کم فیس میں علاج معالجے کی بہترین سہولت فراہم کی جائے گی۔

افتتاحی تقریب میں دعوتِ اسلامی کی مرکزی مجلسِ شوریٰ کے رکن مولانا حاجی عبد الحبیب عطاری نے سنتوں بھرا بیان کیا جس میں ڈاکٹر حضرات، ذمہ داران اور علاقے کے اسلامی بھائی شریک ہوئے۔

خیر خواہی امت کا جذبہ رکھنے والی عاشقانِ رسول کی دینی تحریک دعوت اسلامی کے فلاحی شعبے  ایف جی آر ایف کی کاوشوں سے 27 دسمبر 2023ء کو پنڈی بھٹیاں میں تھیلیسیمیا کے مریضوں کےلئے بلڈ کیمپ کا انعقاد کیا گیا۔

اس موقع پر اہلِ علاقہ نے تھیلیسیمیا کے مریضوں سے اظہار ہمدردی کرتے ہوئے اپنے بلڈ عطیہ کئے، تقریباً 50 بلڈ بیگز عطیہ ہوئے۔ یادرہے! اس ایک ماہ کے دورانیے میں ڈسٹرکٹ حافظ آباد میں دعوتِ اسلامی کے تحت یہ چوتھا بلڈ کیمپ تھا۔

ڈسٹرکٹ نگران حافظ آباد مولانا محمد وسیم عطاری ، ایس ایچ او سٹی پنڈی بھٹیاں علی حسنین گجر، منیجر خوشحالی بینک پنڈی بھٹیاں رانا صفدر اقبال اور سوشل ورکر پنڈی بھٹیاں رائے عاصم علی کھرل نے خصوصی شرکت کی اور دعوت اسلامی کی اس کاوش کو خوب سراہا۔(رپورٹ: محمد مدثر عطاری ، شعبہ رابطہ برائے شخصیات و FGRF ڈسٹرکٹ حافظ آباد،کانٹینٹ:رمضان رضا عطاری)

ڈسٹرکٹ بار کونسل حافظ آباد میں شعبہ FGRF (دعوتِ اسلامی) کے ذمہ داران اور ملک وقاص رضا اعوان(صدر ڈسٹرکٹ بار) کے تعاون سے تھیلیسیمیا کے بچوں کے لئے بلڈ کیمپ لگایا گیا۔

اس موقع پر جامعۃ المدینہ بوائز کے طلبۂ کرام، وکلا حضرات اور دیگر عاشقانِ رسول نے اپنا بلڈ ڈونیٹ کیا جبکہ سینئر سول جج صاحبان، تحصیل بار صدر پنڈی بھٹیاں فدا بھٹی اور ریٹائر ڈ کرنل علی احمد اعوان نے بلڈ کیمپ کا وزٹ کیا۔

دعوتِ اسلامی اپنے مختلف شعبہ جات کے ذریعے جہاں دینی کام کرنے میں مصروفِ عمل ہے وہیں فلاحی کاموں کے ذریعے امتِ مسلمہ کی خیرخواہی بھی کررہی ہے۔

اسی سلسلے میں گزشتہ روز تھیلیسیمیا کے بچوں کے لئے دعوتِ اسلامی کے فلاحی شعبے FGRF کے تحت حافظ آباد میں بلڈ کیمپ لگایا گیا جس میں مختلف شخصیات اور ذمہ دار اسلامی بھائیوں بالخصوص رکنِ مرکزی مجلسِ شوریٰ مولانا حاجی محمد اسد عطاری مدنی نے شرکت کی۔

اس موقع رکنِ شوریٰ مولانا حاجی محمد اسد عطاری مدنی نے ڈسٹرکٹ بار کونسل حافظ آباد کے صدر ملک وقاص رضا اعوان، چیف ایگزیکٹو جم خانہ مارکی حافظ آباد ملک حسنین رضا اعوان، DHQ کنسلٹنٹ میڈیسن اسپیشلسٹ ڈاکٹر محمد فاروق اور منیجر زرعی ترقیاتی بینک محمد عثمان کو بلڈ کیمپ کا وزٹ کروایا۔بعدازاں تمام شخصیات نے دعوتِ اسلامی کے بارے میں مدنی چینل کو اپنے تأثرات بھی دیئے۔(رپورٹ: محمد مدثر عطاری شعبہ رابطہ برائے شخصیات ڈسٹرکٹ حافظ آباد، کانٹینٹ:غیاث الدین عطاری)

فلاحی کاموں کےلئےدعوتِ اسلامی کا شعبہ بنام ’’ FGRF ‘‘ ( فیضان گلوبل ریلیف فاؤنڈیشن) قائم ہے۔ اسی شعبے کے تحت واربرٹن کے نواحی گاؤں بڈھا میں صاف پانی کی فراہمی کے لئے واٹر فلٹر پلانٹ لگایا گیا ۔

واٹر فلٹر پلانٹ کا افتتاح 15 اکتوبر 2023 ءبروز اتوار رکنِ شوریٰ حاجی محمد اظہر عطاری نے کیا۔اس موقع پر رکنِ شوریٰ نے عاشقانِ رسول کو صدقہ کے فضائل و برکات سے آگاہ کرتے ہوئے بتایا کہ پانی افضل اور رسولِ کریم صلَّی اللہ علیہ واٰلہٖ وسلَّم کا پسندیدہ صدقہ ہے ۔

واٹر فلٹر پلانٹ کے افتتاح پر اہلیانِ علاقہ نے دعوتِ اسلامی کا شکریہ ادا کیا اور ذمہ داران کو دعاؤں سے نوازا ۔(رپورٹ: محمد رمضان عطاری مدنی امام و خطیب جامع مسجد فیضانِ غوث اعظم و مدرس جامعۃ المدینہ امینیہ رضویہ واربرٹن،کانٹینٹ:رمضان رضا عطاری)