دعوتِ اسلامی خدمتِ دین کے  80سے زائدمختلف شعبہ جات میں دینی کام کر رہی ہے۔ انہیں میں سے ایک اسپیشل پرسنز ڈیپارٹمنٹ بھی ہے۔

الحمد للہ عزوجل اسپیشل پرسنز ڈیپارٹمنٹ نہ صرف پاکستان بلکہ دنیا بھرکے مختلف ممالک میں گونگے، بہرے، نابینا اور معذوراسلامی بھائیوں میں دینی کاموں کی دھومیں مچانے میں مصروف عمل ہے۔

Definition

Disables are the persons who have disfunction of some body parts or lack of some/any organ(s)

اسپیشل پرسنز (معذور )وہ افراد ہیں جن کے جسم کے کچھ اعضا ناکارہ ہوں یا کسی عضو کی کمی ہو مثلاً گونگے، بہرے، نابینا یا کسی اور ذہنی یا جسمانی معذوری کے شکار افراد۔

الحمد للہ عزوجل دعوت اسلامی کے ساتھ ہزاروں اسپیشل پرسنز منسلک ہیں جن میں گونگے بہرے، نابینا اور معذور عاشقان رسول شامل ہیں۔ اسپیشل پرسنز ڈیپارٹمنٹ دنیا بھر میں ان افراد میں نیکی کی دعوت عام کرنے اور ان کو علمِ دین سکھانے میں مصروفِ عمل ہے۔

اسپیشل پرسنز کو علم ِدین سکھانے اور ان کی اخلاقی تربیت کے لئے چوک درس، ہفتہ وار سنتوں بھرے اجتماعات،یوم ِتعطیل اعتکاف اور وقتا ً فوقتاسنتوں بھرے اجتماعات کا سلسلہ ہوتا ہے۔

نماز اور قراٰن کے احکام سکھانے کے لئےفیضان نماز کورس(ڈیف کے لئے اشاروں کی زبان میں)،مدرسۃ المدینہ، رمضان المبارک میں اجتماعی اعتکاف،3 دن، 12 دن اور ایک ماہ کے مدنی قافلوں میں سفر کا سلسلہ ہوتا ہے۔

نابینا عاشقانِ رسول کو دینی تعلیم فراہم کرنے کے لئے بریل رسم الخط میں تقریباً 26 کتابیں تیار ہو چکی ہیں جن میں سے 5 کتابیں شائع بھی ہوچکی ہیں،مزید پر کام جاری ہے۔

نابینا بچوں کو حافظِ قراٰن بنانے اور ناظرہ پڑھانے کےلئے مدارس المدینہ برائے نابینا(رہائشی) کراچی، حیدر آباد، ملتان، کالا باغ اورچکسواری کشمیر میں قائم ہو چکےہیں،مزید بڑے شہروں میں یہ مدارس قائم کئےجائیں گے۔

اسپیشل پرسنز کو عالم ِدین بنانے کے لئے ملک و بیرونِ ملک میں جامعۃ المدینہ برائے نابینا (بوائز )قائم کئےجائیں گے۔ الحمد للہ فیصل آباد پاکستان میں جامعۃ المدینہ برائے نابینا (بوائز )زیرِ تعمیر ہے۔

الحمد للہ دعوت اسلامی کے دینی ماحول میں اب تک15 اسپیشل پرسنز عالم کورس مکمل کر چکے ہیں۔

گونگے اوربہرے عاشقان رسول کو فرض علوم سکھانے کے لئے تصویری کتابیں بھی شائع کی جا رہی ہیں جس میں’’ آئیے وضو کریں‘‘ اور باتصویر نماز کی دو اقساط آ چکی ہیں،مزید کتابوں پر کام جاری ہے۔

دعوت اسلامی کے مبلغین کو اسپیشل پرسنز میں نیکی کی دعوت عام کرنے کے لئےاشاروں کی زبان کا کورس کروایا جاتا ہے جس میں اب تک سینکڑوں اسلامی بھائیوں کو ملک و بیرون ِملک میں یہ کورس کروایا جا چکا ہے۔

دعوتِ اسلامی کے شعبہ آئی ٹی اور اسپیشل پرسنز ڈیپارٹمنٹ نے مل کر اسپیشل پرسنز موبائل ایپ بنائی ہےجس میں نابینا افراد کے لئے آڈیو لائبریری کا آپشن،گونگے بہروں کے لئے حج و عمرہ، نماز، وضو اور غسل کا طریقہ اشاروں کی زبان میں،عمومی(نارمل) اسلامی بھائیوں کے لئے اشاروں کی زبان کا کورس ا ور اینی میٹیڈسائن لینگوئج کورس (Animated Sign Language Course) کاآپشن موجودہے۔

عنقریب اسپیشل پرسنز ڈیپارٹمنٹ کی آفیشل ویب سائیٹ بھی لانچ ہونے جا رہی ہے۔

اسپیشل پرسنز ڈیپارٹمنٹ دعوت اسلامی کافیس بک پیج اورآفیشل یوٹیوب چینل بھی بنا یاجا چکا ہے جس پر وقتاً فوقتا ًشارٹ کلپس، مختلف سلسلے اور نعتیں اشاروں کی زبان کے ساتھ اپلوڈ کی جاتی ہیں۔

اسپیشل پرسنز ڈیپارٹمنٹ کا ایک ذیلی شعبہ اسپیشل ایجوکیشن کے نام سےبھی ہے۔پاکستان بھر میں اسپیشل ایجوکیشن کے اسکولز، کالجز اور یونیورسٹیوں میں اسپیشل پرسنز ڈیپارٹمنٹ کے انٹر پریٹرز وزٹ کرتے ہیں اوران کو نیکی کی دعوت پیش کرتے ہیں۔

اسپیشل ایجوکیشن ڈیپارٹمنٹ دعوت اسلامی کو مختلف سرکاری و غیر سرکاری اداروں سے ایپریسی ایشن لیٹر زبھی ایشو کئے گئے ہیں۔

مدنی چینل پراسپیشل پرسنز کے لئےمختلف پروگرامز اشاروں کی زبان کے ساتھ نشر کئے جا رہے ہیں۔

گونگے بہرے عاشقان رسول کے لئے دارُالمدینہ (ISLAMIC SCHOOL SYSTEM) کا بھی آغاز کیا جائے گا۔

اسپیشل پرسنز کے لئےعنقریب بہت سارے کورسز آن لائن بھی شروع کروائے جائیں گے۔

معذور افرادمیں بھی نیکی کی دعوت کا سلسلہ ہوتا ہے۔ آنے والے وقتوں میں مساجد و مدنی مراکز میں ریمپ اور وہیل چیئر وغیرہ کی سہولت فراہم کرنا اہداف میں شامل ہے۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ)