دعوتِ اسلامی کے تحت شعبہ تحفظ اوراقِ مقدسہ لاہور سٹی کے ذمہ داران نے 29 اکتوبر 2026ء کو جامعہ شاہ ابو البرکات کا دورہ کیا جس دوران انہوں نے جامعہ کے ناظم محمد محسن عطاری سے اہم ملاقات کی اور تحفظ اوراقِ مقدسہ کے حوالے سے عملی اقدامات پر تبادلہ خیال کیا۔

ملاقات کے دوران صوبائی ذمہ دار حاجی محمد رضا عطاری نے اوراقِ مقدسہ کی حفاظت اور ان کی بے حرمتی سے روک تھام کے پیش نظر دفتر میں رکھنے کے لیے خصوصی طور پر تیار کردہ اسپیشل باکس ناظم صاحب کو پیش کیا۔

علاوہ ازیں اوراقِ مقدسہ کے احترام اور ان کو محفوظ طریقے سے جمع کرنے کی سہولت کو عام کرنے کے لیے جامعہ شاہ ابو البرکات کے باہر ایک نیا بڑا ڈرم بھی نصب کر دیا گیا ۔(رپورٹ: محمد رضا عطاری شعبہ تحفظ اوراقِ مقدسہ، کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے شعبہ تحفظِ اوراقِ مقدسہ کے تحت 25 اکتوبر 2026ء کو لاہور سٹی کے ذمہ دار اسلامی بھائیوں نے وزیر آباد، پنجاب میں واقع کارخانے اور قرآن محل کا وزٹ کیا۔

اس وزٹ میں لاہور سٹی کے ذمہ دار محمد رضا عطاری نے شعبے کے دینی کاموں کا جائزہ لیا اور اوراقِ مقدسہ کی دیکھ بھال کے عمل کو مزید بہتر بنانے کے حوالے سے ذمہ داران کی ذہن سازی کی۔

واضح رہے کہ وزیر آباد سٹی، پنجاب میں دعوتِ اسلامی کے زیرِ انتظام 5 قرآن محل موجود ہیں جہاں اوراقِ مقدسہ کو شرعی طریقۂ

کار کے مطابق محفوظ کرنے کا اہتمام کیا جاتا ہے۔(رپورٹ: شعبہ تحفظِ اوراقِ مقدسہ ، کانٹینٹ:غیاث الدین عطاری)

دعوتِ اسلامی کے تحت شعبہ تحفظِ اوراقِ مقدسہ لاہور سٹی کے ذمہ دار اسلامی بھائیوں نے گجرات سٹی میں منعقد ہونے والے خصوصی مدنی مذاکرے میں شرکت کی اور اوراقِ مقدسہ کی اہمیت و آداب سے متعلق خصوصی آگاہی ڈیسک (مکتب) بھی قائم کئے۔

تفصیلات کے مطابق 24 اکتوبر 2026ء کو شعبہ تحفظِ اوراقِ مقدسہ کے لاہور سٹی ذمہ دار محمد رضا عطاری نے شعبہ کے دیگر ذمہ داران کے ہمراہ گجرات میں ہونے والے مدنی مذاکرے میں شرکت کی۔

اس موقع پر شعبے کی جانب سے ایک خصوصی مکتب (اسٹال/آگاہی ڈیسک) بھی لگایا گیا جہاں آنے والے شرکا کو اوراقِ مقدسہ کی تعظیم، اُن کی حفاظت اور شرعی آداب و مسائل سے متعلق تفصیلی آگاہی اور معلومات فراہم کی گئیں۔(رپورٹ: شعبہ تحفظِ اوراقِ مقدسہ ، کانٹینٹ:غیاث الدین عطاری)

شعبہ تحفظِ اوراقِ مقدسہ  دعوتِ اسلامی کے تحت لاہور سٹی کے ایک اسکول میں طلبہ کی اخلاقی و دینی تربیت کے لیے خصوصی آگاہی مہم کا انعقاد کیا گیا جس میں طلبہ کو اوراقِ مقدسہ کی عظمت اور اُن کی حفاظت کے طریقہ کار سے متعلق تفصیلات فراہم کی گئیں۔

یہ آگاہی سیشن 20 اکتوبر 2026ء کو منعقد ہوا جس کا بنیادی مقصد اسکول کی مختلف کلاسز کے طلبہ اور ٹیچرز کو اوراقِ مقدسہ کی بے ادبی سے بچانے اور اُن کے احترام کی اہمیت سے روشناس کروانا تھا۔

دعوتِ اسلامی کے شعبہ تحفظِ اوراقِ مقدسہ (لاہور سٹی) کے تحت 20 اکتوبر 2026ء کو گورنمنٹ مسلم ہائی اسکول باغبانپورہ میں ایک اہم دینی وزٹ کیا گیا۔

تفصیلات کے مطابق لاہور سٹی کے شعبہ ذمہ دار محمد رضا عطاری اور دیگر ذمہ داران نے گورنمنٹ مسلم ہائی اسکول باغبانپورہ کا دورہ کیا اور پرنسپل طارق عزیز سے ملاقات کرکے شعبہ تحفظِ اوراقِ مقدسہ کا تفصیلی تعارف پیش کیا۔

پرنسپل طارق عزیز نے دعوتِ اسلامی کی دینی سرگرمیوں، بالخصوص اوراقِ مقدسہ کے تحفظ کے حوالے سے کی جانے والی کاوشوں کو سراہا اور شعبے کے کاموں کی تعریف کی۔

بعد ازاں اسکول کے ٹیچرز کے درمیان سیکھنے سکھانے کا حلقہ قائم کیا گیا جس میں ذمہ داران نے ٹیچرز کو نیکی کی دعوت دی اور اوراقِ مقدسہ کے احترام، آداب اور شرعی مسائل کے حوالے سے آگاہی (Awareness) فراہم کی۔(رپورٹ: شعبہ تحفظِ اوراقِ مقدسہ ، کانٹینٹ:غیاث الدین عطاری)

دعوتِ اسلامی کے شعبہ تحفظِ اوراقِ مقدسہ (لاہور، پنجاب) کے تحت قصور سٹی میں 15 اکتوبر 2026ء کو دینی و فلاحی خدمات کے سلسلے میں ایک اہم دینی سرگرمی ہوئی۔

تفصیلی معلومات کے مطابق فیضان نوری رضوی مسجد اور مدنی مرکز فیضانِ مدینہ جوہر ٹاؤن لاہورسے شعبہ تحفظِ اوراقِ مقدسہ کے ذمہ داران نے اوراقِ مقدسہ وصول کیے جبکہ مختلف مقامات پر نئے باکسز (New Boxes) بھی نصب کیے ۔

اس موقع پر شعبے کے ذمہ دار محمد رضا عطاری نے وہاں موجود اسلامی بھائیوں کو نیکی کی دعوت دی نیز شعبہ تحفظِ اوراقِ مقدسہ کی دینی خدمات اور کارکردگی کے حوالے سے بریفنگ بھی فراہم کی۔(رپورٹ: شعبہ تحفظِ اوراقِ مقدسہ ، کانٹینٹ:غیاث الدین عطاری)

مقدس اوراق کی بے ادبی سے حفاظت اور احترام کو یقینی بنانے کے لیے شعبہ  تحفظِ اوراقِ مقدسہ دعوتِ اسلامی کے تحت 11 اکتوبر 2026ء کو پتوکی شہر میں ایک اہم دینی و حفاظتی سرگرمی کا انعقاد کیا گیا جس میں پتوکی ریلوے اسٹیشن اور شہر کے دیگر مختلف مقامات پر اوراقِ مقدسہ کی حفاظت کے لیے مخصوص باکسز لگائےگئے۔

تفصیلات کے مطابق شعبہ اوراقِ مقدسہ کے صوبائی ذمہ دار محمد فہیم عطاری، ڈویژن شیخوپورہ کے ذمہ دار محمد خرم عطاری اور سب تحصیل پتوکی کے ذمہ دار محمد عادل عطاری نے دیگر عاشقانِ رسول کے ہمراہ بذاتِ خود اس بھلائی کے کام میں حصہ لیا نیز مختلف جگہوں پر باکسز لگائے۔

باکسز لگانے کے ساتھ ساتھ اس موقع پر درس و بیان کا سلسلہ بھی ہوا جس میں حاضرین کو اوراقِ مقدسہ کی اہمیت اور ان کے احترام سے متعلق بیدار کیا گیا۔ (رپورٹ: علی ریاض عطاری سکیورٹی ڈیپارٹمنٹ، کانٹینٹ:غیاث الدین عطاری)

اوراقِ مقدسہ کے احترام اور تحفظ کے پیشِ نظر دعوتِ اسلامی کے تحت شعبہ تحفظِ اوراقِ مقدسہ لاہور سٹی کے والینٹیئر ذمہ دار حاجی محمد رضا عطاری اور پنجاب قرآن بورڈ کے ایڈمنسٹریٹر محمد عمر دراز نے محکمہ اوقاف قصور کی جانب سے قائم کردہ نئے اسٹور ”قرآن محل“ کا باقاعدہ افتتاح کر دیا ہے۔

یہ نیا اسٹور قصور سٹی، پنجاب میں واقع حضرت بابا کمال چشتی رحمۃُ اللہِ علیہ کے مزارِ اقدس کے زیریں حصے میں بنایا گیا ہے۔

انتظامات و طریقہ کار:

شعبہ تحفظ اوراق مقدسہ کے تحت 5 جون تا 11 جون باکسز لگاؤ مہم کا انعقاد کیا جا رہا ہے جس میں 180 سے زائد شہروں میں مختلف مقامات پر 15 ہزار سے زائد باکسز لگائے جائیں گے ۔

اسی سلسلے میں شعبے کے نگران مجلس حافظ مولانا افضل مدنی نے ملتان کے کارخانے میں باکسز کی تیاری کا جائزہ لیا اور ذمہ داران کو مہم کی تیاری کے حوالے سے مدنی پھول دئیے۔

ملتان کے کارخانے میں 2 ہزار سے زائد باکسز تیار ہیں اسی طرح پورے پاکستان میں 74 سے زائد کارخانے ہیں جہاں پر شعبہ تحفظ اوراق مقدسہ کے تحت لگائے جانے والے باکسز تیار کئے جاتے ہیں۔ 405 سے زائد اسٹور ہیں جہاں جمع ہونے والے اوراق مقدسہ کو عارضی طور پر محفوظ کیا جاتا ہے۔

اب تک 28 لاکھ سے زائد بار دانے شرعی طریقہ کار کے مطابق محفوظ کئیے جا چکے ہیں۔ 6 ہزار سے زائد والینٹرز ہیں جو باکسز لگانے خالی کرنے اور دیگر کاموں میں معاونت کرتے ہیں۔

آپ بھی اس نیک کام میں ہمارے ساتھ شامل ہوسکتے ہیں۔

رجسٹرڈ ہونے کیلئے ،مہم میں شامل ہونے کیلئے باکسز لگوانے کیلئے یا اوراق مقدسہ کے حوالے سے معلومات حاصل کرنے کیلئے شعبے کے یو اے این نمبر رابطہ کیا جاسکتا ہے۔

+92 317 5022226

فیصل آباد، پنجاب 11 مئی 2026:

دعوتِ اسلامی کے مدنی مرکز فیضان مدینہ فیصل آباد میں ایک اہم مدنی مشورہ منعقد کیا گیا جس میں شعبہ تحفظِ اوراقِ مقدسہ پنجاب کے ڈویژن ذمہ دار اسلامی بھائیوں نے شرکت کی جن کی رہنمائی کے لیے نگرانِ شعبہ مولانا افضل عطاری مدنی اور صوبائی ذمہ دار محمد فہم عطاری موجود تھے۔

مدنی مشورے کے دوران نگرانِ شعبہ مولانا افضل عطاری مدنی نے رمضان عطیات کی کارکردگی کا تفصیلی جائزہ لیا اور نمایاں کارکردگی کا مظاہرہ کرنے والے ذمہ دار اسلامی بھائیوں کی حوصلہ افزائی کرنے کے ساتھ ساتھ انہیں تحائف دیے۔

اس موقع پر عشر کے نئے اہداف بھی طے کیے گئے نیز شعبے کے کام کو مزید بڑھانے کا ذہن دیا گیا جبکہ صوبائی ذمہ دار نے ذمہ دار اسلامی بھائیوں کو دعوتِ اسلامی کے 12 دینی کام کرنے کا ذہن دیا اور کارکردگی کی رپورٹ وصول کی۔

پنجاب کے شہر پاکپتن میں شعبہ تحفظِ اوراقِ مقدسہ دعوتِ اسلامی کے تحت 12 اپریل 2026ء کو ڈویژن ساہیوال کے ذمہ داران کا اہم مدنی مشورہ  منعقد ہوا جس میں صوبائی ذمہ دار محمد فہیم عطاری اور ڈویژن ذمہ دار مولانا عابد حسین عطاری مدنی نے اسلامی بھائیوں سے کلام کیا۔

اس دوران رمضان عطیات کی کارکردگی کا جائزہ لیا گیا اور نمایاں کارکردگی کے حامل اسلامی بھائیوں کو تحائف دیئے گئے جبکہ عشر کے حوالے سے ذمہ داران کی ذہن سازی کے ساتھ ساتھ آئندہ کے اہداف بھی مقرر کئے گئے۔

اس کے علاوہ دعوتِ اسلامی کے 12 دینی کاموں کے حوالے سے ذمہ داران کی رہنمائی کی اور انہیں دینی کاموں میں بڑھ چڑھ کر حصہ لینے کی ترغیب دلائی۔(رپورٹ: حافظ نسیم عطاری سوشل میڈیا ڈیپارٹمنٹ پاکستان شعبہ اوراق مقدسہ دعوت اسلامی ، کانٹینٹ:غیاث الدین عطاری)

دعوتِ اسلامی کے شعبہ تحفظِ اوراقِ مقدسہ کے تحت 29 جنوری 2026ء کو پنجاب کے شہر اوکاڑہ میں ایک مدنی مشورے کا انعقاد کیا گیا جس میں ڈویژن ذمہ دار اسلامی بھائیوں کی مختلف امور پر رہنمائی کی گئی۔

معلومات کے مطابق نگرانِ شعبہ مولانا افضل عطاری مدنی نے رمضان عطیات کے حوالے سے اہداف طے کئے اور امیرِ اہلِ سنت دامت بَرَکَاتُہمُ العالیہ کے فرمان پر عاشقانِ رسول سے شبِ براءت کے صدقات زیادہ سے زیادہ جمع کرنے کا ذہن دیا۔

اس کے علاوہ نگرانِ شعبہ نے 12 دینی کاموں کا جائزہ لیتے ہوئے آئندہ کے اہداف طے کئے اور نمایاں کارکردگی کے حامل اسلامی بھائیوں کو تحائف دیئے۔

آخر میں نگرانِ شعبہ نے ذمہ دار اسلامی بھائیوں سے قافلوں کی کارکردگی لی نیز ایک ماہ اور 10 دن کے اعتکاف کے لئے اسلامی بھائیوں کو تیار کرنے کی ترغیب دلائی جس پر انہوں نے اچھی اچھی نیتیں کیں۔(رپورٹ: حافظ نسیم عطاری سوشل میڈیا ڈیپارٹمنٹ پاکستان شعبہ تحفظِ اوراقِ مقدسہ ، کانٹینٹ:غیاث الدین عطاری)