لاہور، پنجاب 15 جولائی 2026ء :

شعبہ فیضان آن لائن اکیڈمی بوائز دعوتِ اسلامی کے تحت لاہور سٹی کے اسٹاف کا سنتوں بھرا اجتماع 15 جولائی 2026ء کو مدنی مرکز فیضانِ مدینہ جوہر ٹاؤن لاہور میں منعقد کیا گیا جس کا مقصد اسٹاف کی تربیت اور اصلاحی موضوعات پر گفتگو کرنا تھا۔

اس موقع پر لاہور جنوبی ڈسٹرکٹ کے نگران حاجی عبدالرشید عطاری نے شرکا کے درمیان بیان کیا جس میں انہوں نے اچھی عادات اپنانے اور بری عادات چھوڑنے کے بارے میں رہنمائی کی۔

اس کے علاوہ ڈسٹرکٹ نگران نے اسٹاف کو دعوتِ اسلامی کے دینی کاموں میں عملی طور پر حصہ لینے کا ذہن دیا جس پر انہوں نے اچھی اچھی نیتیں کیں۔(رپورٹ:مولانا محمدوقار یعقوب عطاری مدنی برانچ منیجر فیضان آن لائن اکیڈمی بوائز، کانٹینٹ:غیاث الدین عطاری)

فیصل آباد، پنجاب، 14 جولائی 2026ء :

شعبہ فیضان آن لائن اکیڈمی بوائز دعوتِ اسلامی کے تحت 14 جولائی 2026ء کو فیصل آباد، ساہیوال اور سرگودھا کے مفتشین کا ایک اہم سنتوں بھرا اجتماع فیضانِ عطار فیصل آباد میں منعقد ہوا جس کا مقصد تعلیمی معیار میں مزید بہتری لانا، روابط کو مضبوط کرنا اور آئندہ کے تعلیمی منصوبوں کی رہنمائی کرنا تھا۔

رکنِ شعبہ سید انس علی عطاری نے تعلیمی و روحانی تعلقات کو بہتر بنانے کی اہمیت پر بیان کیا جبکہ ڈویژن ذمہ دار محمد عباد عطاری نے تعلیمی نظام کو سہل و مؤثر بنانے کے لیے مفید نکات بتائے۔شفٹ تعلیمی ذمہ دار محمد خالد عطاری نے شفٹ کے ماحول کو مزید خوشگوار اور تعلیمی سطح کو بلند کرنے کے حوالے سے حاضرین کی ذہن سازی کی۔

اس دوران نگرانِ شعبہ مولانا یاسر عطاری مدنی اور صوبائی ذمہ دار عامر سلیم عطاری نے مفتشین کی جانب سے ہونے والے سوالات کے جواب دیے ۔ (رپورٹ:مولانا محمدوقار یعقوب عطاری مدنی برانچ منیجر فیضان آن لائن اکیڈمی بوائز، کانٹینٹ:غیاث الدین عطاری)

فیصل آباد، پنجاب 13 جولائی 2026ء:

دعوتِ اسلامی کے شعبہ فیضان آن لائن اکیڈمی بوائز کے تحت فیصل آباد وسرگودھا ڈویژن کے تمام اسٹاف کا سنتوں بھرا اجتماع منعقد ہوا جس کا مقصد اسٹاف کی تربیت کرنا اور دینی و تعلیمی امور میں بہتری لانا تھا۔

اس اجتماعِ پاک میں حاضرین کی رہنمائی کے لیے رکنِ شعبہ سید انس علی عطاری ، ڈویژن ذمہ دار عبد الرؤف عطاری اور تعلیمی ذمہ دار محمد عباد عطاری موجود تھے جنہوں نے مختلف اہم موضوعات پر گفتگو کی۔

ابتداءًڈویژن ذمہ دار عبدالرؤف عطاری نے اصلاحی بیان اور رکنِ شعبہ سید انس علی عطاری نے جدید تعلیمی طریقوں کے حوالے سے کلام کیا جبکہ تعلیمی ذمہ دار محمد عباد عطاری نے استاد اور طلبہ کے مابین روابط کو بہتر بنانے کے اہم نکات بیان کیے جن سے تعلیمی ماحول میں بہتری آئے گی۔

نگرانِ شعبہ مولانا یاسر عطاری مدنی اورنگرانِ شعبہ فیضان آن لائن اکیڈمی گرلزمولانا سید غلام الیاس عطاری مدنی نے دینی کاموں کے حوالے سے اسلامی بھائیوں کی ذہن سازی کی، پیر و مرشد کی بارگاہ میں حاضری کا طریقہ بتایا اور حاضرین کی جانب سے ہونے والے سوالات کے جوابات دیے۔ بعدازاں شعبے کے کاموں میں نمایاں کارکردگی کے حامل اسلامی بھائیوں کو تحائف بھی دیے گئے ۔(رپورٹ:مولانا محمدوقار یعقوب عطاری مدنی برانچ منیجر فیضان آن لائن اکیڈمی بوائز، کانٹینٹ:غیاث الدین عطاری)

اسلام آباد، 4 تا 5 جولائی 2026ء :

شعبہ فیضان آن لائن اکیڈمی بوائز دعوتِ اسلامی کے تحت 4 تا 5 جولائی 2026ء کو پاکستان کے شفٹ ناظمین (شفٹ ناظمین،برانچ ناظمین اور ڈویژن ذمہ داران) کے لیے 2 دن کا سنتوں بھرا اجتماع مدنی مرکز فیضان مدینہ، اسلام آباد میں منعقد ہوا۔

معلومات کے مطابق سنتوں بھرے اجتماع کا آغاز تلاوتِ قرآنِ پاک اور نعت رسول مقبول صلی اللہ علیہ وسلم سے ہوا جبکہ اجتماع میں شعبے کے اہم ذمہ داران اور اراکینِ شعبہ موجو تھے۔

اجتماع میں خصوصی طور پر رکن شعبہ مولانا محمد علی ہاشمی عطاری مدنی، رکن شعبہ مولانا عرفان عطاری مدنی، رکن شعبہ محمد یونس عطاری اور صوبائی ذمہ دار پنجاب مولانا عامر سلیم عطاری مدنی نے شرکت کی۔

مختلف اہم موضوعات پر حاضرین کی تربیت و رہنمائی کی گئی جن میں ”کامیابی کے قرآنی اصول“، ”تنقیدی سوچ کا انسانی زندگی پر اثر“، ”شعبے میں استعمال ہونے والے آئی ٹی ٹولز“ اور ”برانچز میں صفائی کے نظام میں بہتری کے طریقے اور قرآن و حدیث کی روشنی میں صفائی کی اہمیت“ موضوعات شامل تھے۔

8 مئی 2026ء، اوکاڑہ شہر:

دعوتِ اسلامی کے تعلیمی شعبہ فیضان آن لائن اکیڈمی بوائز کے تحت اوکاڑہ شہر میں ایک مدنی مشورے کا انعقاد کیا گیا جس میں شعبے کے شفٹ ذمہ داران نے شرکت کی جس میں دینی اور تنظیمی امور کی بہتری کے لیے کلام کیا گیا۔

اس مدنی مشورے میں ڈویژن ذمہ دار مولانا عبدالرؤف عطاری مدنی نے ذمہ دار اسلامی بھائیوں کو قافلے کے نظام، اجتماعی قربانی اور ہوم ڈیلیوری سروس کے اہم امور پر مشاورت کی۔

19 مئی 2026ء کو  پنجاب، پاکستان کے شہر لاہور میں شعبہ فیضان آن لائن اکیڈمی بوائز دعوتِ اسلامی کے تحت ایک اہم میٹنگ کا انعقاد کیا گیا جس میں اچھرہ برانچ، لاہور کے اسٹاف نے شرکت کی۔

اس موقع پرشعبے کے رکن اور لاہور ڈویژن کے ذمہ دار مولانا رضوان عطاری مدنی نے اسٹاف کی رہنمائی کرتے ہوئے انہیں شعبے کی کارکردگی کو مزید بہتر بنانے، اپنے کاموں کو بروقت و احسن انداز میں انجام دینے اور افواہوں سے بچاؤ کے حوالے سے اہم نکات بتائے۔

اسی طرح لاہور ڈویژن ذمہ دار نے اسٹاف کو دعوتِ اسلامی کے دینی کاموں میں بھرپور حصہ لینے کی ترغیب دلائی اور عید قربان کے موقع پر قربانی کی کھالیں جمع کرنے کے حوالے سے اُن کی ذہن سازی کی۔

7 مئی 2026ء ، حیدرآباد سندھ:

دعوتِ اسلامی کے شعبہ فیضان آن لائن اکیڈمی بوائز کے تحت ایک اہم میٹنگ منعقد ہوئی جس میں حیدرآباد ڈویژن کے تمام شفٹ ناظمین، برانچ ناظمین، ڈویژن تعلیمی ذمہ داران اور ٹرینرز نے شرکت کی۔

تفصیلات کے مطابق اس مدنی مشورے میں حیدرآباد ڈویژن ذمہ دار مولانا عابد حسین عطاری مدنی نے سال 2026ء کے اجتماعی قربانی کی پلاننگ کے حوالے سے تفصیلی گفتگو کی۔

حیدرآباد ، سندھ میں شعبہ فیضان آن لائن اکیڈمی بوائز دعوتِ اسلامی  کے تحت 12 مئی 2026ء کو حیدرآباد ڈویژن کے شفٹ تعلیمی ذمہ داران کا ماہانہ مدنی مشورہ منعقد کیا گیا جس میں تعلیمی ذمہ دار اسلامی بھائیوں نے اہم موضوعات پر گفتگو کی اور آئندہ کے لیے اہداف طے کیے۔

تفصیلات:اس ماہانہ مدنی مشورے میں ڈویژن تعلیمی ذمہ دار سید غوث علی عطاری نے سابقہ طلبہ پر کوشش کرنے، کامیابی کی ٹرکس اور ملنے والے ٹاسکس کے مؤثر طریقۂ کار پر تفصیلی گفتگو کی۔

12 مئی 2026ء کو دعوتِ اسلامی کے شعبہ فیضان آن لائن اکیڈمی بوائز کےتحت سرائے عالمگیر برانچ کے اسٹاف کا اہم مدنی مشورہ منعقد ہوا جس کا مقصد برانچ کے تعلیمی معاملات اور اجتماعی قربانی کا جائزہ لینا تھا۔

5 مئی 2026ء کو شعبہ فیضان آن لائن اکیڈمی بوائز دعوتِ اسلامی کے تحت فیصل آباد کی مین برانچ ستیانہ روڈ میں پنجاب کے برانچ ناظمین اور ڈویژن ذمہ داران کا ماہانہ مدنی مشورہ منعقد ہوا۔

اس موقع پر رکنِ شعبہ مولانا عمران عطاری مدنی نے حاضرین کو سپلائی چین کے نظام سے متعلق تفصیلی آگاہی فراہم کی اور شعبے کے متعلق چند اہم نکات پر تبادلۂ خیال کیا۔

اس کے علاوہ رکن، شعبہ نے مالک وقف کی احتیاطی تدابیر اور برانچز میں سپلائی چین کے نظام کے مؤثر نفاذ کے حوالے سے چند اہم باتیں بتائیں نیز نمایاں کارکردگی کے حامل ذمہ داران میں تحائف بھی تقسیم کیے گئے جس کا مقصد ذمہ داران کی حوصلہ افزائی اور کارکردگی کو مزید بہتر بنانا تھا۔ (رپورٹ:محمد وقار یعقوب عطاری مدنی برانچ منیجر شعبہ فیضان آن لائن اکیڈمی ، کانٹینٹ:غیاث الدین عطاری)

بہاولپور ، پنجاب میں 11 مئی 2026 کو دعوتِ اسلامی کے شعبہ فیضان آن لائن اکیڈمی  بوائز کے تحت بہاولپور برانچ کے ذمہ دار اسلامی بھائیوں کا ماہانہ مدنی مشورہ منعقد کیا گیا۔

معلومات کے مطابق اس ماہانہ مدنی مشورے میں ڈویژن ذمہ دار مولانا نعیم رضا عطاری مدنی نے مختلف موضوعات پر گفتگو کی اور ذمہ داران کو افواہوں سے بچاؤ اور ماحول کو خراب ہونے سے روکنے کے حوالے سے چند اہم باتیں بتائیں۔

اسی طرح ڈویژن ذمہ دار نے اجتماعی قربانی میں حصہ لینے ذمہ دار اسلامی بھائیوں کی دیگر امور پر بھی رہنمائی کی اور انہیں دعوتِ اسلامی کے دینی کاموں میں مزید بہتری لانے کا ذہن دیا۔(رپورٹ:محمد وقار یعقوب عطاری مدنی برانچ منیجر شعبہ فیضان آن لائن اکیڈمی ، کانٹینٹ:غیاث الدین عطاری)

5 مئی 2026ء کو شعبہ فیضان آن لائن اکیڈمی  بوائز دعوتِ اسلامی کے تحت فیصل آباد کی مرکزی برانچ ستیانہ روڈ میں پنجاب کے برانچ ناظمین اور ڈویژن ذمہ داران کا ماہانہ مدنی مشورہ ہوا۔

ڈویژن ذمہ دار مولانا شہباز عطاری مدنی نے ماہانہ مدنی مشورے کا آغاز مطالعہ کی اہمیت سے کیا نیز مطالعہ کی فضیلت اور اس کے فوائد پر روشنی ڈالتے ہوئے حاضرین کی ذہن سازی کی ۔

نگران شعبہ مولانا یاسر عطاری مدنی نے افواہوں سے بچنے اور ان کی زد میں آکر ماحول کو خراب ہونے سے روکنے کے حوالے سے ناظمین و ذمہ داران کی تربیت کی۔

آخر میں صوبائی ذمہ دار مولانا رضوان مدنی صاحب نے شعبے میں مالیاتی نظام کے نفاذ اور بہتر کارکردگی کے متعلق حاضرین کی رہنمائی کی تاکہ مالی امور کو شفاف اور مؤثر طور پر انجام دیا جا سکے۔(رپورٹ:محمد وقار یعقوب عطاری مدنی برانچ منیجر شعبہ فیضان آن لائن اکیڈمی ، کانٹینٹ:غیاث الدین عطاری)