لوگوں کی اصلاح کا جذبہ رکھنے والے دعوتِ اسلامی کے شعبہ اصلاحِ اعمال کے تحت گزشتہ روز پاکستان کے شہر  وزیر آباد میں یومِ قفلِ مدینہ اجتماع منعقد کیا گیا جس میں جامعۃ المدینہ بوائز کے طلبۂ کرام اور دیگر عاشقانِ رسول کی شرکت ہوئی۔

تلاوتِ قراٰنِ پاک سے اجتماع کا آغاز کرنے کے بعد نعت خواں اسلامی بھائی نے حضور صلَّی اللہ علیہ واٰلہٖ وسلَّم کی بارگاہِ اقدس میں نعت شریف کا نذرانہ پیش کیا جبکہ نگرانِ شعبہ اصلاحِ اعمال قاری بلال رضا عطاری نے ”ریاکاری“ کے موضوع پر بیان کیا۔

اسی طرح نگرانِ شعبہ نے وہاں موجود طلبۂ کرام اور اسلامی بھائیوں کو دعوتِ اسلامی کے دینی کاموں میں بڑھ چڑھ کر حصہ لینے کا ذہن دیا جس پر انہوں نے اچھی اچھی نیتوں کا اظہار کیا۔(رپورٹ: غلام عباس عطاری اصلاح اعمال ، کانٹینٹ:غیاث الدین عطاری)

لوگوں کی اصلاح کرنے اور انہیں سنتیں سکھانے والی عاشقانِ رسول کی دینی تحریک دعوتِ اسلامی کے شعبہ اصلاحِ اعمال تحت گزشتہ روز پاکستان کے ضلع لیہ میں یومِ قفلِ مدینہ اجتماع منعقد ہوا جس میں جامعۃ المدینہ بوائز کے طلبۂ کرام اور دیگر عاشقانِ رسول نے شرکت کی۔

اجتماع کے آغاز میں تلاوتِ قراٰنِ پاک کی گئی اور نعت خواں اسلامی بھائی نے حضور صلَّی اللہ علیہ واٰلہٖ وسلَّم کی بارگاہِ اقدس میں نعت شریف کا نذرانہ پیش کیا جبکہ نگرانِ ڈیرہ غازی ڈویژن حاجی محمد اقبال عطاری نے ”خاموشی کے فضائل“ کے موضوع پر بیان کیا۔

امیر اہلسنت دامت برکاتہم العالیہ نے مدنی مذاکرے میں ماہ ذوالقعدۃ شریف میں جمعرات. جمعہ. ہفتہ تین روزے رکھنے کے فضائل اور ترغیب ارشاد فرمائی اسی سلسلے میں فیضان مدینہ جوہر ٹاؤن لاہور میں عظیم الشان سحری اجتماع ہواجس میں لاہور ڈویژن ذمہ دار غلام شبیر عطاری سمیت کثیر عاشقان رسول نے شرکت کی ۔سحری اجتماع کا آغاز نماز تہجد سے ہوا اس کے بعد امیراہلسنت دامت برکاتہم العالیہ کے فرمان پر لبیک کہتے ہوئے اور نفل روزوں کے فضائل پانے کے لئے عاشقان رسول نے نفل روزہ رکھا۔(رپورٹ: شعبہ اصلاح اعمال لاہور ڈویژن،کانٹینٹ:شعیب احمد عطاری)

دعوت اسلامی کے شعبے اصلاح اعمال کے تحت  ڈیرہ غازی خان پاکستان میں 9 مئی2024ءبروز جمعرات تہجد اجتماع ہوا جس میں جامعات المدینہ کے طلبۂ کرام سمیت عاشقان رسول نے شرکت کی ۔

شعبہ اصلاح اعمال کے ڈیرہ غازی خان ڈویژن ذمہ دار غلام عباس عطاری نے نمازِ تہجد کی جماعت کروائی اور دعائے تہجد کروائی جس کے بعد مناجات و تفسیر سننے / سنانے کا حلقہ لگایا گیا ۔

یاد رہے:تہجد اجتماع نماز نفل، شجرے کے اوراد، تلاوت قرآن، فجر کےلئے جگانا ،مناجات اور بعد فجر تفسیر قرآن کا حلقہ جیسے اہم دینی کاموں پر مشتمل ہوتا ہے (کانٹینٹ:شعیب احمد عطاری)

فیضان مدینہ  فیصل آباد میں 3 مارچ 2024ء کو نگران پاکستان مشاورت حاجی محمد شاہد عطاری نے شعبہ اصلاح اعمال کے ذمہ داران کا مدنی مشورہ فرمایا جس میں نگران مجلس اور صوبائی ذمہ دار اسلامی بھائیوں نے شرکت کی ۔

اس مدنی مشورے میں نگران پاکستان نے ذمہ داران کی تقرری کی نیز رمضان ڈونیشن اور ای رسید کے حوالے سے تربیت کی۔ علاوہ ازیں ماہ رمضان کو ماہ نیک اعمال بنانے کے سلسلے میں پلاننگ دی اور دیگر قیمتی مدنی پھولوں سے بھی نوازا۔(کانٹینٹ:رمضان رضا عطاری)

دعوتِ اسلامی کے شعبہ  اصلاح اعمال کے تحت مدنی مرکز فیضانِ مدینہ کراچی سے آن لائن مدنی مشورے کاانعقاد کیا گیا جس میں شعبہ اصلاح اعمال کے نگرانِ مجلس،صوبائی وڈویژن ذمہ داران، نگرانِ مجلس اوورسیز،ریجن اور ملک سطح کے ذمہ داران نے آن لائن شرکت کی۔

رکن شوریٰ حاجی فضیل رضا عطاری نے شعبے میں جاری دینی کاموں کے حوالےسے معلومات حاصل کرتے ہوئے اسلامی بھائیوں کو زیادہ سے زیادہ لوگوں کو رسالہ نیک اعمال پر عمل کروانے کے حوالے سے ترغیب دلائی۔(کانٹینٹ:رمضان رضا عطاری)

مدنی   مرکز فیضان ِمدینہ مظفر گڑھ میں 15 جنوری 2024ء کو عاشقانِ رسول کی دینی تحریک دعوتِ اسلامی کے زیرِ اہتمام سحری اجتماع ہوا جس میں مقامی ذمہ داران و عاشقان رسول نے شرکت کی ۔

اس موقع پر ڈویژن ذمّہ دار غلام عباس عطاری نے ” نفل روزوں کے فضائل“ کے موضوع پر بیان گیا۔بعدازاں اسلامی بھائیوں نے سحری کی اور رجب المرجب کا نفل روزہ رکھنے کی سعادت حاصل کی ۔(کانٹینٹ:رمضان رضا مدنی عطاری )

پچھلے دنوں ڈسٹرکٹ لیہ میں  قائم جمن شاہ نجی اسکول میں میٹ اپ کا انعقاد کیا گیا جس میں اسکول میں زیرِ تعلیم ا سٹوڈنٹس و اساتذہ شریک ہوئے۔

قاری بلال رضا عطاری نگران مجلس اصلاح اعمال نے” نماز کے فضائل“ کے موضوع پر بیان کیا اور اسٹوڈنٹس کو رسالہ 72 نیک اعمال میں موجود سوالات کے متعلق سمجھایا نیز ان کو اس پر عمل کرنے کا ذہن دیتے ہوئے روزانہ جائزہ کرنے کی ترغیب بھی دلائی اور ہفتہ وار اجتماع میں شرکت کرنے کی دعوت دی ۔(رپورٹ: ڈویژن ذمہ دار شعبہ اصلاح اعمال غلام عباس عطاری،کانٹینٹ:رمضان رضا عطاری)

دعوتِ اسلامی  کے شعبہ نیک اعمال کے تحت لیہ میں سیکھنے سکھانے کا حلقہ منعقد کیا گیا جس میں مقامی عاشقان رسول نے شرکت کی۔ سیکھنے سکھانے کے حلقے میں نگران شعبہ قاری بلال رضا عطاری نے” عبادت کی لذّت“ کے موضوع پر بیان کیا ۔

دورانِ بیان بلال رضا عطاری نے اسلامی بھائیوں کو رسالہ 72 نیک اعمال میں موجود سوالات کے متعلق سمجھایا اور ان پر عمل کرنے کا ذہن دیتے ہوئے روزانہ جائزہ کرنے کی ترغیب دلائی۔(رپورٹ: ڈویژن ذمہ دار شعبہ اصلاح اعمال غلام عباس عطاری،کانٹینٹ:رمضان رضا عطاری)

عاشقانِ رسول کی دینی تحریک دعوت اسلامی  کے زیرِ اہتمام مدنی مرکز فیضانِ مدینہ لیہ میں تہجد اجتماع کا سلسلہ ہوا جس میں جامعۃُ المدینہ بوائز کے طلبہ اور مقامی عاشقان رسول نے شرکت کی ۔

نگران شعبہ قاری بلال رضا عطاری نے” تہجد کے فضائل“ کے موضوع پر بیان کیا جبکہ شرکا ئے اجتماع نے تہجد کی نماز بھی ادا کی نیزاس کے بعد سحری کا سلسلہ ہوا۔ اسلامی بھائیوں نے مسجد سے باہر جاکر اہل علاقہ کو نمازِ فجر کے لئے جگایا اور نمازِ فجر کے بعد تفسیر سننے سنانے کے حلقہ میں شرکت کی ۔(رپورٹ: ڈویژن ذمہ دار شعبہ اصلاح اعمال غلام عباس عطاری،کانٹینٹ:رمضان رضا عطاری)

شعبہ اصلاح اعمال دعوت اسلامی  کے تحت3دسمبر2023ء کو فیضانِ مدینہ لیہ میں یوم قفل مدینہ اجتماع ہوا جس میں علاقے کے عاشقان رسول نے شرکت کی ۔

جس میں ڈویژن نگران حاجی اقبال عطاری نے عاشقانِ رسول کو خاموشی کے فضائل پر بیان کرتے ہوئے زبان کی حفاظت کرنے پر مدنی پھول دیئے اور امیر اہلسنت دامت برکاتہم العالیہ کا لکھا ہوا بہت ہی پیارا رسالہ خاموش شہزادہ پڑھنے کی ترغیب دلائی۔ (رپوڑٹ: ڈویژن ذمہ دار شعبہ اصلاح اعمال غلام عباس عطاری ، کانٹینٹ:شعیب احمد عطاری)

پاکستان کی تحصیل کوٹ چھٹہ میں واقع موبائل مارکیٹ میں دعوتِ اسلامی کے شعبہ اصلاحِ اعمال کے تحت سیکھنے سکھانے کا حلقہ لگایا گیا جس میں مقامی عاشقانِ رسول نے شرکت کی۔