دعوتِ اسلامی کے تحت اسپیشل پرسنز ڈیپارٹمنٹ کے ذمہ دار اسلامی بھائیوں نے ڈسٹرکٹ مردان اور میٹرو پشاور کا تنظیمی دورہ کیا  جہاں اسپیشل پرسنز کے درمیان مختلف دینی سرگرمیوں کا انعقاد کیا گیا۔

اس دوران صوبائی ذمہ دار ہدایت اللہ جنیدی عطاری اور نگرانِ ڈیپارٹمنٹ عمیر ہاشمی عطاری نے اسپیشل پرسنز اور ان کے سرپرستوں کے درمیان سیکھنے سکھانے کا حلقہ لگایا جس کا مقصد سرپرستوں کو اسپیشل پرسنز کی دینی تربیت کرنے اور ان کا احساس کرنے کے حوالے سے ذہن دینا تھا۔

اس کے علاوہ ذمہ داران نے پشاور سٹی میں جاری مدرس کورس کے اسلامی بھائیوں کے لیے بھی سیکھنے سکھانے کا حلقہ لگایا جس میں شرکا کو اسپیشل پرسنز سے بات کرنے کے لیے اشاروں کی زبان (Sign Language) سکھائی گئی تاکہ یہ مدرسین اپنے اپنے مقامات پر اسپیشل پرسنز کی احسن انداز میں دینی رہنمائی کر سکیں۔(رپورٹ: کامران عطاری صوبائی ذمہ دار اسپیشل پرسنز ڈیپارٹمنٹ اسلام آباد ، کانٹینٹ:غیاث الدین عطاری)

اسپیشل پرسنز ڈیپارٹمنٹ دعوتِ اسلامی کے تحت ذمہ دار اسلامی بھائیوں نے پشاور میں واقع دعوتِ اسلامی کے دینی ادارے جامعۃ المدینہ بوائز فیضانِ غریب نواز کا تنظیمی دورہ کیا اور طلبۂ کرام کے درمیان سیکھنے سکھانے کے حلقے کا انعقاد  کیا۔

شعبے کا تعارف اور اشاروں کی زبان کی تربیت:

اس موقع پر صوبائی ذمہ دار ہدایت اللہ جنیدی اور نگرانِ ڈیپارٹمنٹ عمیر ہاشمی عطاری نے طلبۂ کرام کو اسپیشل پرسنز ڈیپارٹمنٹ کا تفصیلی تعارف کرواتے ہوئے بتایا کہ یہ ڈیپارٹمنٹ معاشرے میں موجود اسپیشل پرسنز کی دینی و اخلاقی تربیت کے لیے کس طرح کوشاں ہے۔

حلقے کے دوران ذمہ دار اسلامی بھائیوں نے طلبۂ کرام کو اسپیشل پرسنز سے گفتگو کرنے کے لیے اشاروں کی زبان (Sign Language) کے چند بنیادی اشارے سکھائے۔

اسی طرح اشاروں کی زبان کو مزید سیکھنے کے عمل کو آسان بنانے کے لیے نگرانِ ڈیپارٹمنٹ نے دعوتِ اسلامی کی تیار کردہ مخصوص موبائل ایپلیکیشن کا تعارف بھی کروایا۔

ذمہ داران نے طلبۂ کرام کو یہ موبائل ایپ ڈاؤن لوڈ کروائی تاکہ وہ اس کی مدد سے اشاروں کی زبان سیکھ کر اپنے اپنے علاقوں میں موجود اسپیشل پرسنز تک نیکی کی دعوت آسانی سے پہنچا سکیں۔(رپورٹ: کامران عطاری صوبائی ذمہ دار اسپیشل پرسنز ڈیپارٹمنٹ اسلام آباد ، کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے اسپیشل پرسنز ڈیپارٹمنٹ کے زیرِ اہتمام وفاقی دارالحکومت اسلام آباد میں اسپیشل پرسنزکی دینی و اخلاقی تربیت کے لیے 3 دن کے قافلے کا انعقاد کیا گیا۔

موصول ہونے والی تفصیلات کے مطابق 17، 18 اور 19 جولائی 2026ء کو اسلام آباد کے سیکٹر E-6 میں واقع جامع مسجد عبد الرحمٰن (سید پل گاؤں) میں 3 دن کا قافلہ پہنچا جس میں صوبائی ذمہ دار کامران عطاری اسپیشل پرسنز کے ہمراہ شریک تھے۔

3 دن سفر کے دوران اسپیشل پرسنز کی شرعی رہنمائی کے لیے خصوصی حلقے لگائے گئے جن میں درج ذیل امور شامل تھے:

٭ وضو، غسل اور نماز کے ضروری و بنیادی مسائل ٭ زندگی گزارنے کے لیے ضروری فرض علوم اور روزمرہ کی مسنون دعائیں٭ سنتوں پر عمل کرنے کا طریقہ، حسنِ اخلاق اور دوسروں کو نیکی کی دعوت دینے کی ترغیب٭اسپیشل پرسنز کو قرآنِ پاک کی درست مخارج کے ساتھ تلاوت کرنے کا ذہن دیا۔

بعدازاں صوبائی ذمہ دار نے اسپیشل پرسنز سے انفرادی طور پر ملاقاتیں کیں اور انہیں دعوتِ اسلامی کے دینی ماحول سے مستقل وابستہ رہنے، ہفتہ وار سنتوں بھرے اجتماع میں باقاعدگی سے شرکت کرنے اور آئندہ بھی راہِ خدا کے قافلوں کا مسافر بننے کی ترغیب دلائی جس پر اسپیشل پرسنز نے اچھی اچھی نیتوں کا اظہار کیا۔(رپورٹ: کامران عطاری صوبائی ذمہ دار اسپیشل پرسنز ڈیپارٹمنٹ اسلام آباد ، کانٹینٹ:غیاث الدین عطاری)

اسپیشل پرسنزڈیپارٹمنٹ دعوتِ اسلامی کے تحت پشاور سٹی میں واقع مدرسۃ المدینہ بوائز میں سیکھنے سکھانے کے حلقے کا انعقاد کیا گیا جس میں نگرانِ ڈیپارٹمنٹ عمیر ہاشمی عطاری، صوبائی ذمہ دار ہدایت اللہ خان عطاری اور بچوں سمیت قاری صاحبان نے شرکت کی۔

حلقے کے دوران نگرانِ اسپیشل پرسنز ڈیپارٹمنٹ عمیر ہاشمی عطاری نے بچوں کو اسپیشل پرسنز ڈیپارٹمنٹ کا تفصیلی تعارف کروایا اور اُن کی ذہن سازی کی کہ اپنے اپنے علاقوں میں موجود تمام اسپیشل پرسنز کی ہر ممکن مدد کی جائے۔

حلقے میں بچوں کو اسپیشل پرسنز کے ساتھ تعاون کرنے کے حوالے سے درج ذیل اہم امور پر رہنمائی فراہم کی گئی:

٭علاقے میں موجود اسپیشل پرسنز کی مدد کرنا اور انہیں باجماعت نماز کے لیے مسجد لانا٭جسمانی طور پر معذور اسلامی بھائیوں کا خیال رکھنا اور انہیں دعوتِ اسلامی کے ہفتہ وار اجتماع میں لانے کا اہتمام کرنا٭اسپیشل پرسنز کی زبان کو اشاروں کے ذریعے سمجھنا اور ان تک نیکی کی دعوت پہنچانا۔

اسپیشل پرسنز سے رابطے اور اشاروں کی زبان (Sign Language) کو سیکھنے و سمجھنے کے عمل کو آسان بنانے کے لیے نگرانِ ڈیپارٹمنٹ نے دعوتِ اسلامی کی تیار کردہ ایک جدید موبائل ایپلیکیشن کا تعارف کروایا۔(رپورٹ: کامران عطاری صوبائی ذمہ دار اسپیشل پرسنز ڈیپارٹمنٹ اسلام آباد ، کانٹینٹ:غیاث الدین عطاری)

وفاقی دارالحکومت اسلام آباد کے علاقے G-11 میں واقع مدنی مرکز فیضانِ مدینہ میں 16 جولائی 2026ء کو دعوتِ اسلامی کے ہفتہ وار اجتماع کے موقع پر اسپیشل پرسنز ڈیپارٹمنٹ کے تحت ایک خصوصی حلقے کا انعقاد کیا گیا جس میں صوبائی ذمہ داران کامران عطاری اور بدر شفیق عطاری نے اسپیشل پرسنز کے ہمراہ شرکت کی۔

تلاوت و نعت کے بعد مبلغِ دعوتِ اسلامی نے ”کامیابی کی راہ میں حکمت و تدبیر کی اہمیت“ اور ”بدشگونی کی کاٹ“ جیسے اہم موضوعات پر سنتوں بھرا بیان کیا جبکہ اسپیشل پرسنز کو بیان کے نکات سمجھانے کے لیے صوبائی ذمہ دار بدر شفیق عطاری نے اشاروں کی زبان (Sign Language) میں ترجمانی کی تاکہ اسپیشل پرسنز بھی بیان سے بھرپور فائدہ اٹھا سکیں۔

حلقے کے آخر میں ذمہ داران کی جانب سے اسپیشل پرسنز کو راہِ خدا میں سفر کے لیے قافلوں میں شرکت کرنے اور ہفتہ وار اجتماعی مدنی مذاکرے میں باقاعدگی سے شامل ہونے کا ذہن دیا گیا جس پر انہوں نے خوشی کا اظہار کرتے ہوئے دین سیکھنے کے لیے اچھی اچھی نیتیں کیں۔

اجتماع کے اختتام پر رقت انگیز دعا، صلوٰۃ و سلام کا سلسلہ ہوا اور بعد ازاں تمام اسپیشل پرسنز کے لیے لنگرِ رضویہ کا خصوصی اہتمام بھی کیا گیا۔(رپورٹ: کامران عطاری صوبائی ذمہ دار اسپیشل پرسنز ڈیپارٹمنٹ اسلام آباد ، کانٹینٹ:غیاث الدین عطاری)

دعوتِ اسلامی کے اسپیشل پرسنز ڈیپارٹمنٹ کے زیرِ اہتمام وفاقی دارالحکومت اسلام آباد میں رہائشی اشاروں کی زبان (Sign Language) کورس کا آغاز کیا گیا جس میں شرکا کی بڑی تعداد نے شرکت کی۔

کورس کے اہم مقاصد اور عملی تربیت:

اس منفرد کورس کا بنیادی مقصد شرکاکو اشاروں کی زبان سکھانا تھا تاکہ وہ معاشرے میں موجود اسپیشل پرسنز سے مؤثر انداز میں رابطہ قائم کر سکیں اور اسپیشل پرسنز تک دینِ اسلام کا پیغام آسانی سے پہنچا سکیں نیز انہیں معاشرے کا ایک فعال و دین دار حصہ بنا سکیں۔

تدریسی خدمات اور سکھائے جانے والے امور:

اس کورس میں تدریس کے فرائض معلم و صوبائی ذمہ دار بدر شفیق عطاری نے سرانجام دیئے اور انتہائی آسان و مؤثر انداز میں شرکا کو درج ذیل امور کی تربیت دی:

دعوتِ اسلامی کے اسپیشل پرسنز ڈیپارٹمنٹ کے تحت صوبائی اور ڈویژن ذمہ داران نے ڈسٹرکٹ سوات کا تنظیمی دورہ کیا جس کا مقصد ڈیپارٹمنٹ کے دینی کاموں کو وسعت دینا اور اسپیشل پرسنز کی دینی و اخلاقی تربیت کرنا تھا۔

تفصیلی معلومات کے مطابق مالاکنڈ ڈویژن کے ذمہ دار مولانا وقار عطاری مدنی، صوبائی ذمہ دار ہدایت اللہ جنیدی عطاری اور نگرانِ ڈیپارٹمنٹ عمیر ہاشمی عطاری نے ڈسٹرکٹ سوات میں مختلف دینی کام کیے۔

جامعۃ المدینہ بوائز میں خصوصی بیان اور کورس کی دعوت:

تحصیل کبل میں واقع دعوتِ اسلامی کے دینی ادارے جامعۃ المدینہ حسنین کریمین میں ذمہ داران نے طلبہ کرام کے درمیان بیان کیا۔ اس موقع پر طلبۂ کرام کو ڈیپارٹمنٹ کا تفصیلی تعارف کروایا گیا اور بتایا گیا کہ یہ شعبہ ملک و بیرونِ ملک کہاں کہاں خدمات سرانجام دے رہا ہے۔ اس کے علاوہ طلبۂ کرام کو اسپیشل پرسنز سے رابطے اور ان کی رہنمائی کے لیے ”اشاروں کی زبان کے کورس“ (Sign Language Course) میں شرکت کی دعوت بھی دی گئی۔

گونگے اور بہرے اسلامی بھائیوں سے ملاقات:

دورے کے دوران ذمہ داران نے سوات میں موجود اسپیشل پرسنز سے ملاقاتیں کیں اور اُن کے لیے سیکھنے سکھانے کے حلقے کا انعقاد کیا جس میں اشاروں کی زبان کے ذریعے ان کی دینی و اخلاقی تربیت کی گئی۔(رپورٹ: کامران عطاری صوبائی ذمہ دار اسپیشل پرسنز ڈیپارٹمنٹ اسلام آباد ، کانٹینٹ:غیاث الدین عطاری)

ملاکنڈ ڈویژن، خیبرپختونخوا،  14 جولائی 2026 :

اسپیشل پرسنز ڈیپارٹمنٹ دعوتِ اسلامی کے دینی کاموں کے سلسلے میں تحصیل کبل، ضلع سوات میں 14 جولائی 2026ء کو صوبائی ذمہ دار مولانا وقار عطاری مدنی نے صوبائی ذمہ دار ہدایت اللہ جنیدی عطاری اور نگرانِ ڈیپارٹمنٹ عمیر ہاشمی عطاری کے ہمراہ اسپیشل پرسنز سے ملاقاتیں کیں۔

اس دوران ذمہ داران نے تحصیل کبل میں سابق صدر اسپیشل پرسنز سے ملاقات کی اور اسپیشل پرسنز کے مسائل پر تبادلہ خیال کیا اور انہیں نماز کورس میں شرکت کرنے کی دعوت دی۔

عالمی و ملکی سطح کی دینی تحریک دعوتِ اسلامی کے اسپیشل پرسنز ڈیپارٹمنٹ کے تحت اسلام آباد کے بلیو ایریا میں واقع سرسید ڈیف ایسوسی ایشن میں اسپیشل پرسنز (گونگے اور بہرے افراد) کے لیے 15 جولائی 2026ء کو ایک انتہائی اہم حلقے کا انعقاد کیا گیا۔

مذکورہ تاریخ کو منعقدہ اس حلقے کا مقصد معاشرے کے اس اہم طبقے (اسپیشل پرسنز) کو دینی و اصلاحی موضوعات پر رہنمائی فراہم کرنا اور انہیں اسلامی تعلیمات سے آگاہ کرنا تھا۔

حلقے کے دوران اسپیشل پرسنز کو اسلام کے بنیادی اور فرض علوم سیکھنے کی اہمیت پر زور دیا گیا نیز٭نماز اور طہارت کے بنیادی مسائل٭درست عقائد کی پہچان٭سنتِ نبوی صلَّی اللہ علیہ واٰلہٖ وسلَّم پر عمل پیرا ہونے کے طریقے٭روزمرہ زندگی کو اسلامی شعار کے مطابق ڈھالنے کے حوالے سے تفصیلی معلومات فراہم کیں۔

اس موقع پر نیکی کی دعوت عام کرنے کی ترغیب دلائی گئی اور اسپیشل پرسنز کو دعوتِ اسلامی کے تحت ہونے والے مختلف دینی و فلاحی شعبہ جات کا تعارف کروایا گیا جبکہ حلقے میں ڈیپارٹمنٹ کے صوبائی ذمہ داران کامران عطاری اور بدر شفیق عطاری بھی موجود تھے۔

اسپیشل پرسنز کی آسانی کے لیے صوبائی ذمہ دار بدر شفیق عطاری نے اشاروں کی زبان (Sign Language) کا استعمال کرتے ہوئے ”مختصر زندگی میں نیک اعمال اور اللہ پاک کی رضا “ کے موضوع پر نہایت ہی مؤثر اور جامع انداز میں بیان کیا جسے وہاں موجود حاضرین نے دلی دلچسپی کے ساتھ سنا اور اس سے بھرپور فائدہ حاصل کیا۔(رپورٹ: کامران قدير بن عبد القدير صوبائی ذمہ دار، کانٹینٹ:غیاث الدین عطاری)

صوبہ خیبر پختونخوا کے ضلع لوئر دیر میں دعوتِ اسلامی کے اسپیشل پرسنز ڈیپارٹمنٹ کے زیرِ اہتمام تنظیمی سرگرمیوں میں مزید اضافہ کرنے کے لیے مختلف دینی ایکٹیویٹیز ہوئیں۔

تفصیلات کے مطابق ڈیپارٹمنٹ کے صوبائی ذمہ دار ہدایت اللہ جنیدی عطاری نے لوئر دیر ڈسٹرکٹ کا تفصیلی دورہ کیا جہاں اُن کے ہمراہ نگرانِ ڈیپارٹمنٹ عمیر ہاشمی عطاری بھی موجود تھے۔ دورے کے دوران دونوں ذمہ داران نے مختلف مقامات پر سیکھنے سکھانے کے حلقوں کا انعقاد کیا جس میں اسپیشل پرسنز اور اُن کے سرپرستوں نے شرکت کی۔

صوبائی ذمہ دار اور نگرانِ ڈیپارٹمنٹ نے اسپیشل پرسنز کو دعوتِ اسلامی کی دینی و فلاحی خدمات اور بالخصوص اسپیشل پرسنز ڈیپارٹمنٹ کا تعارف پیش کیا نیز انہیں بتایا کہ دعوتِ اسلامی معاشرے کے ان مخصوص افراد (اسپیشل پرسنز) کو دینِ اسلام کی بنیادی تعلیمات سے روشناس کروانے کے لیے کس طرح کوشاں ہے۔

علاوہ ازیں اسپیشل پرسنز اور اُن کے سرپرستوں کو جدید تقاضوں کے مطابق دعوتِ اسلامی کی تیار کردہ موبائل ایپلی کیشنز ڈاؤن لوڈ کروائی گئیں جبکہ سوشل میڈیا پیجز بھی فالو کروائے گئے تاکہ وہ گھر بیٹھے دینی معلومات حاصل کر سکیں۔(رپورٹ: کامران عطاری صوبائی ذمہ دار اسپیشل پرسنز ڈیپارٹمنٹ اسلام آباد ، کانٹینٹ:غیاث الدین عطاری)

دعوتِ اسلامی کے زیرِ اہتمام گوجر خان، پنجاب میں منعقدہ ہفتہ وار سنتوں بھرے اجتماع میں عمومی اسلامی بھائیوں کے علاوہ اسپیشل پرسنز نے بھی کثیر تعداد میں شرکت کی۔

اس اجتماعِ پاک میں دعوتِ اسلامی کی مرکزی مجلسِ شوریٰ کے رکن حاجی وقار المدینہ عطاری نے تلاوت و نعت کے بعد ”نیک اعمال کی اہمیت، دینِ اسلام پر استقامت اور سنتوں کے مطابق زندگی گزارنے“ کے موضوع پر بیان کیا۔

اس اجتماع کی خاص بات یہ تھی کہ اس میں نہ صرف مقامی بلکہ راولپنڈی، چکوال، جہلم، دینہ، سوہاوہ اور دیگر قریبی شہروں سے تعلق رکھنے والے اسپیشل پرسنز قافلوں کی صورت میں پہنچے جبکہ اُن کی آسانی کے لیے بیان کی اشاروں کی زبان (Sign Language) میں بیک وقت ترجمانی کی گئی جس کی بدولت تمام اسپیشل پرسنز نے بیان کے نکات کو باآسانی سمجھا۔

اجتماع کے اختتام پر اسپیشل پرسنز نے دعوتِ اسلامی کے اس منفرد اقدام کو بے حد سراہا اور اچھی اچھی نیتوں کا اظہار کیا کہ وہ نیک اعمال کی راہ اپنائیں گے، دینی ماحول سے مستقل وابستہ رہیں گے اور دعوتِ اسلامی کی دینی سرگرمیوں میں باقاعدگی سے حصہ لے کر ایک باعمل مسلمان بنیں گے۔(رپورٹ: محمد عمیر ہاشمی عطاری نگران اسپیشل پرسنز ڈیپارٹمنٹ ، کانٹینٹ:غیاث الدین عطاری)

دعوتِ اسلامی کے اسپیشل پرسنز ڈیپارٹمنٹ کے تحت  5 جولائی 2026ء کو ملتان ڈویژن کا مدنی مشورہ مدنی مرکز فیضانِ مدینہ ملتان، پنجاب میں منعقد ہوا جس میں صوبائی ذمہ دار محمد وقاص عطاری، ڈویژن ذمہ دار مولانا محمد جمال عطاری مدنی اور ڈسٹرکٹ ذمہ دار اسلامی بھائیوں نے شرکت کی۔

نشست کا باقاعدہ آغاز قرآنِ پاک کی بابرکت تلاوت سے کیا گیا جس کے بعد صوبائی ذمہ دار محمد وقاص عطاری نے وہاں موجود ذمہ داران کی اخلاقی و تنظیمی اعتبار سے رہنمائی کی۔

اس کے علاوہ صوبائی ذمہ دار نے ذمہ داران کو اسپیشل پرسنز کے درمیان دعوتِ اسلامی کے دینی کاموں کو مزید مؤثر، منظم اور بہتر انداز میں آگے بڑھانے کا ذہن دیا۔

اس موقع پر ڈویژن ذمہ دار مولانا محمد جمال عطاری مدنی نے بھی ذمہ داران سے گفتگو کرتے ہوئے تنظیمی اہداف کو پورا کرنے کے حوالے سے چند اہم نکات بتائے۔(رپورٹ: محمد جمال عطاری مدنی اسپیشل پرسنز ڈیپارٹمنٹ ملتان ڈویژن ، کانٹینٹ:غیاث الدین عطاری)