پچھلے دنوں ڈسٹرکٹ فیصل آباد تحصیل جڑانوالہ میں اسپیشل پرسنز کا ماہانہ اجتماع ہوا جس میں کثیر تعداد میں اسپیشل پرسنز اسلامی بھائیوں نے  نے شرکت کی ۔

اجتماع میں فیصل آباد ڈویژن ذمہ دارمحمّد نعمان عطاری نے اشاروں میں سود اور سچائی کے بارے میں بیان کرتے ہوئے حاضرین مجلس کو دعوت اسلامی کے دینی ماحول سے وابستہ رہنے کا ذہن دیا ۔( کانٹینٹ:محمد شعیب احمد عطاری)

فیضان مدینہ  مانسہرہ ہزارہ ڈویژن میں 9نومبر2024 کو ایک مدنی مشورہ منعقد ہوا جس میں صوبہ کے پی کے کے ذمہ داران سمیت نگران مجلس اسپیشل پرسنز ڈیپارٹمنٹ محمد عمیر ہاشمی عطاری ،صوبائی ذمہ دار ہدایت اللہ جنیدی اور ڈویژن ذمہ داران نے شرکت کی۔

مدنی مشورے میں دعوت اسلامی کی مرکزی مجلس شوری کے رکن حاجی منصور عطاری نے شعبے کی سابقہ کارکردگی کا جائزہ لیا اور آئندہ کے اہداف طے کرتے ہوئے ذمہ داران کو 12دینی کام مضبوط کرنے کے ساتھ ساتھ 1ماہ اور 12ماہ کے مدنی قافلے کا بھی ذہن دیا ۔ اس موقع پر اچھی کارکردگی والے ذمہ داران کو تحائف بھی دئیے۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ آفس،کانٹینٹ:محمد شعیب احمد عطاری)

گزشتہ اتوار فیضان مدینہ،G.11 اسلام آباد میں اسپیشل پرسنز ڈیپارٹمنٹ سے منسلک افراد کا تربیتی سیشن ہواجس میں دعوت اسلامی کی مرکزی مجلس شوری کے رکن حاجی منصور عطاری نے ہمدردی کے موضوع پر بیان کیا ۔

رکن شوری حاجی منصور عطاری نے بیان میں دعوت اسلامی کے شعبہ اسپیشل پرسنز ڈیپارٹمنٹ کے کاموں کا تعارف کروا تے ہوئے اسپیشل پرسنز ڈیپارٹمنٹ سے وابستہ افراد کے سوالات کے جوابات بھی دئیے ۔

اجتماع کے اختتام میں رکن شوری نے ان افراد سے ملاقات بھی کی۔ اس موقع پر اسپیشل پرسنز ڈیپارٹمنٹ سے منسلک افراد نے دعوت اسلامی کے اسپیشل پرسنز کے لیے کیے جانے والے کاموں پر خوش کا اظہار کیا۔( کانٹینٹ:محمد شعیب احمد عطاری)

6 نومبر 2024ء کو عاشقانِ رسول کی دینی تحریک دعوتِ اسلامی کے تحت اسپیشل پرسنز ڈیپارٹمنٹ کے ذمہ داران نے دینی کاموں کے سلسلے میں تحصیل گوجرخان میں قائم گورنمنٹ اسپیشل ایجوکیشن اسکول کا دورہ کیا۔

اس موقع پر ذمہ داران نے اسکول ایڈمن سمیت اسٹاف کے دیگر اسلامی بھائیوں سے ملاقات کی اور انہیں دعوتِ اسلامی بالخصوص اسپیشل پرسنز ڈیپارٹمنٹ کا تعارف کرواتے ہوئے ہفتہ وار سنتوں بھرے اجتماع میں شرکت کرنے کی دعوت دی۔

ملاقات کے بعد گونگے، بہرے اور نابینا اسٹوڈنٹس کے لئے سیکھنے سکھانے کا حلقہ لگایا گیا جس میں ڈسٹرکٹ ذمہ دار محمد ندیم احمد عطاری نے اشاروں کی زبان میں بیان کرتے ہوئے درودِ پاک کا ورد کرنے، قراٰنِ مجید کی زیارت کرنے، حضور صلَّی اللہ علیہ واٰلہٖ وسلَّم کی پیاری سنت ”سلام“ کو عام کرنے اور فضائلِ نماز پر اسٹوڈنٹس کی ذہن سازی کی۔

اس کے علاوہ ڈسٹرکٹ ذمہ دار نے اسٹوڈنٹس کو نمازوں کی پابندی کرنے، اساتذۂ کرام اور اپنے والدین کا ادب و احترام کرنے کی بھی ترغیب دلائی جس پر انہوں نے اچھی اچھی نیتیں کیں۔(رپورٹ:اسپیشل پرسنز ڈیپارٹمنٹ، کانٹینٹ:غیاث الدین عطاری)

رنگ و نسل میں امتیاز کئے بغیر دین اسلام کی خدمت کرنے والی عالمی سطح کی دینی تحریک دعوتِ اسلامی کے تحت 1 نومبر 2024ء کو اسپیشل پرسنز ڈیپارٹمنٹ کے ذمہ دار اسلامی بھائیوں نے مختلف دینی کاموں کے سلسلے میں کلرسیداں راولپنڈی، پنجاب  میں موجود ”Niaz Foundation Institute for Special Children“ کا دورہ کیا۔

اس دورے میں اسپیشل پرسنز ڈیپارٹمنٹ کے صوبائی ذمہ دار کامران عطاری نے راولپنڈی ڈسٹرکٹ ذمہ دار مولانا ندیم مدنی عطاری کے ہمراہ Institute کے پرنسپل سمیت ڈیف اسٹاف سے ملاقات کرتے ہوئے انہیں ڈیپارٹمنٹ کا تعارف کروایا اور کلرسیداں راولپنڈی میں ہونے والے ہفتہ وار اجتماع میں شرکت کرنے کی دعوت دی ۔

اس موقع پر گونگے، بہرے اور نابینا اسٹوڈنٹس کے لئے سیکھنے سکھانے کا حلقہ لگایا گیا جس میں صوبائی ذمہ دار نے بیان کیا جبکہ ڈسٹرکٹ ذمہ دار نے اشاروں کی زبان میں بیان کی ترجمانی کی۔

18اکتوبر 2024ء کو دعوتِ اسلامی کے دینی کاموں کے سلسلے میں اسپیشل پرسنز ڈیپارٹمنٹ کے تحت ذمہ دار اسلامی بھائیوں نے کوٹلی کشمیر میں موجود  ”A.K Institute Of Special Education Kotli Azad Kashmir“ کا دورہ کیا ۔

ذمہ داران میں موجود صوبائی ذمہ دار نابینا افراد کامران عطاری میرپور کشمیر کے ڈویژن ذمہ دار سلیمان عطاری نے انسٹی ٹیوٹ کے پرنسپل سمیت ڈیف اسٹاف کے اسلامی بھائیوں سے ملاقات کی اور انہیں اسپیشل پرسنز ڈیپارٹمنٹ کا تعارف کروانے ہوئے ہفتہ وار سنتوں بھرے اجتماع میں شرکت کرنے کی دعوت دی۔

اس موقع پر گونگے، بہرے اور نابینا اسٹوڈنٹس کے لئے سیکھنے سکھانے کا حلقہ لگایا گیا جس کی اشاروں کی زبان میں ترجمانی ڈویژن کشمیر کے ذمہ دار سلیمان عطاری نے کی۔

دورانِ حلقہ اسٹوڈنٹس کو درودِ پاک کا ورد کرنے اور فضائلِ نماز پر ذہن سازی کرتے ہوئے انہیں نمازوں کی پابندی کرنے، اساتذۂ کرام اور اپنے والدین کا ادب و احترام کرنے کا ذہن دیا گیا جس پر انہوں نے اچھی اچھی نیتیں کیں۔(رپورٹ: اسپیشل پرسنز ڈیپارٹمنٹ ، کانٹینٹ:غیاث الدین عطاری)

اسپیشل پرسنز ڈیپارٹمنٹ دعوتِ اسلامی کے تحت 17 اکتوبر 2024ء کو کشمیر کے ضلع کوٹلی میں نابینا افراد کے درمیان علاقائی دورہ برائے نیکی کی دعوت کا سلسلہ ہوا جس میں صوبائی ذمہ دار کامران عطاری ڈویژن ذمہ دار سلیمان عطاری  سمیت دیگر ذمہ دار اسلامی بھائیوں نے شرکت کی۔

علاقائی دورہ برائے نیکی کی دعوت میں ذمہ دار اسلامی بھائیوں نے مختلف شعبوں سے وابستہ نابینا افراد اور ان کے سرپرستوں سے ملاقات کرتے ہوئے انہیں نیکی کی دعوت پیش کی۔

صوبائی ذمہ دار کامران عطاری نے نابینا افراد کو اسپیشل پرسنز دعوتِ اسلامی کے مدرسۃ المدینہ و جامعۃ المدینہ (نابینا افراد) کا تعارف کرواتے ہوئے دعوتِ اسلامی کا ہفتہ وار آڈیو رسالہ سننے اور علمِ دین سیکھنے کا ذہن دیا۔ اس کے علاوہ دعوتِ اسلامی کے مدنی قافلوں میں سفر کرنے اور ہفتہ وار سنتوں بھرے اجتماع و مدنی مذاکرے میں شرکت کرنے کی بھی دعوت دی۔

بعدازاں نابینا افراد اور اُن کے سرپرستوں نے اسپیشل پرسنز ڈیپارٹمنٹ اور دعوتِ اسلامی بالخصوص بانیِ دعوتِ اسلامی شیخِ طریقت، امیرِ اَہلِ سنّت، بانیِ دعوتِ اسلامی حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہ کا شکریہ ادا کیا۔ (رپورٹ: اسپیشل پرسنز ڈیپارٹمنٹ ، کانٹینٹ:غیاث الدین عطاری)

پچھلے دنوں میرپورکشمیر مدرسۃ المدینہ دعوت اسلامی کے تحت دستار بندی اجتماع منعقد کیا گیا جس  میں رمضان چغتائی مئیر میونسپل کارپوریشن ، عثمان خالد ڈپٹی مئیر میونسپل کارپوریشن ،ممبر ضلع کونسل اور شہر کی دیگر شخصیات نے شرکت کی۔

اجتماع میں شریک سید عابد حسین شاہ صاحب پی آر او (یاسر سلطان) کے بیٹے سمیت دیگر عاشقان رسول کے درمیان مولانا ابو بکر نیلمی صاحب نے قرآن پاک کو حفظ کرنے کے فضائل پر بیان کیا۔

دستار بندی اجتماع میں مدرستہ المدینہ ایف تھری کے نابینا طالب علم محمد توقیر عطاری اور مدرستہ المدینہ ہال روڈ کے طالب علم سید ریحان عطاری کے تکمیل حفظ قرآن کرنے پر میرپور ڈویزن کے نگران سید ریاض حسین عطاری نے خوش قسمت طالب علم کی دستار بندی کی۔

یاد رہے : مدرستہ المدینہ ایف تھری کے نابینا طالب علم محمد توقیر عطاری اس مدرسے کے پہلے نابینا بچے ہیں جنہوں نے حفظ قرآن مکمل کیا ہے ۔(رپورٹ: اسپیشل پرسنز ڈیپارٹمنٹ آفس محمد سمیر ہاشمی عطاری،کانٹینٹ:محمد شعیب احمد عطاری) 

ڈسٹرکٹ گڈاپ اور ناظم آباد ڈسٹرکٹ میں اسپیشل پرسنز ڈیپارٹمنٹ کے تحت ا جتماع ذکر و نعت کا سلسلہ ہوا جس میں کثیر  تعداد میں اسپیشل پرسنز نے شرکت کی۔

اجتماع میں ناظم آباد ڈسٹرکٹ نگران محمد عمران عطاری نے سنتوں بھرا بیان کیا اور اس بیان کی اشاروں کی زبان میں ترجمانی مبلغ دعوت اسلامی محمد فیضان عطاری نے کی۔

اس موقع پر ڈسٹرکٹ ذمہ دار محمد فضیل عطاری اسپیشل پرسنز ڈیپارٹمنٹ سمیت دیگر ذمہ داران بھی موجود تھے۔ اجتماع کے اختتام پر اسپیشل پرسنز نے اپنی اچھی اچھی نیتوں کا اظہار کیا۔(رپورٹ: اسپیشل پرسنز ڈیپارٹمنٹ آفس محمد سمیر ہاشمی عطاری،کانٹینٹ:محمد شعیب احمد عطاری)

گزشتہ روز پاکستان کی تحصیل اٹک میں دعوتِ اسلامی کے دینی کاموں کے حوالے سے اسپیشل پرسنز ڈیپارٹمنٹ کے ذمہ دار اسلامی بھائیوں نے اسپیشل پرسنز کے درمیان نیکی کی دعوت پیش کی۔

صوبائی ذمہ دار نابینا افراد کامران عطاری اور ڈسٹرکٹ ذمہ دار مولانا فیضان عطاری مدنی نے اسپیشل پرسنز سے ملاقات کرتے ہوئے انہیں دعوتِ اسلامی کے ہفتہ وار سنتوںبھرے اجتماع میں شرکت کرنے، مدنی قافلوں میں سفر کرنے اور دینی کاموں میں عملی طور پر حصہ لینے کا ذہن دیا جس پر انہوں نے اچھی اچھی نیتیں کیں۔(رپورٹ: اسپیشل پرسنز ڈیپارٹمنٹ ، کانٹینٹ:غیاث الدین عطاری)

اسپیشل پرسنز ڈیپارٹمنٹ دعوتِ اسلامی کے تحت ذمہ دار اسلامی بھائیوں نے پچھلے دنوں دفتر ڈپٹی ڈائریکٹر سوشل ویلفیئر اینڈ بیت المال اٹک کا دورہ کیا جہاں انہوں نے سوشل لیڈ آفسر اور دیگر اسٹاف سے ملاقات کی۔

اس موقع پر صوبائی ذمہ دار نابینا افرادکامران عطاری اور اسپیشل پرسنز کے ڈسٹرکٹ ذمہ دار مولانا فیضان عطاری مدنی نے آفسر سمیت اسٹاف کو دعوتِ اسلامی کے مختلف ڈیپارٹمنٹس بالخصوص اسپیشل پرسنز ڈیپارٹمنٹ کا تعارف کروایا نیز ڈیپارٹمنٹ کے تحت ہونے والے دینی کاموں کے حوالے سے آگاہی دی۔

بعدازاں دفتر ڈپٹی ڈائریکٹر سوشل ویلفیئر اینڈ بیت المال اٹک میں موجود عاشقانِ رسول نے دعوتِ اسلامی کی کاشوں کو سراہا اور اپنی نیک خواہشات کا اظہار کیا۔(رپورٹ: اسپیشل پرسنز ڈیپارٹمنٹ ، کانٹینٹ:غیاث الدین عطاری)

پچھلے دنوں عاشقانِ رسول کی دینی تحریک دعوتِ اسلامی کے تحت اسپیشل پرسنز ڈیپارٹمنٹ کے ذمہ دار اسلامی بھائیوں نے دینی کاموں کے سلسلے میں گورنمنٹ اسپیشل ایجوکیشن سکینڈری سنٹر بورےوالا کا دورہ کیا۔

اس دوران ذمہ داران میں موجود ڈیپارٹمنٹ کے صوبائی ذمہ دار محمد وقاص عطاری نے سنٹر میں موجود پرنسل سمیت ڈیف اسٹاف سے ملاقات کی اور انہیں اسپیشل پرسنز ڈیپارٹمنٹ کا تعارف کرواتے ہوئےملتان میں ہونے والے اجتماع کی دعوت دی۔

اس موقع پر صوبائی ذمہ دار نے گونگے، بہرے اور نابینا اسٹوڈنٹس کے درمیان سیکھنے سکھانے کا حلقہ لگایا جس میں انہوں نے اسٹوڈنٹس کو درودِ پاک کا ورد کرنے، نمازوں کی پابندی کرنے، اساتذۂ کرام اور اپنے والدین کا ادب و احترام کرنے کا ذہن دیا جس پر انہوں نے اچھی اچھی نیتیں کیں۔(رپورٹ: محمد یوسف عطاری اسپیشل پرسنز ڈیپارٹمنٹ خانیوال و وہاڑی ڈسٹرکٹ ذمہ دار ، کانٹینٹ:غیاث الدین عطاری)