فیصل آباد، پنجاب میں 6 مارچ 2026ء کو اسپیشل پرسنز ڈیپارٹمنٹ دعوتِ اسلامی کے تحت عظیم الشان ”افطار اجتماع“ کا اہتمام کیا گیا جس میں اسپیشل پرسنز کی کثیر تعداد نے شرکت کی۔

تلاوت و نعت سے اجتماع کا آغاز کرنے کے بعد ڈویژن ذمہ دار نے اشاروں کی زبان میں اصلاحی بیان کیا اور اسپیشل پرسنز کو رمضانُ المبارک کی اہمیت کو سمجھنے اور رمضانُ المبارک کے آخری عشرے کا سنت اعتکاف کرنے کا ذہن دیا۔

گزشتہ روز ملتان، پنجاب کے علاقے بستی ارائیاں والی سورج میانی میں اسپیشل پرسنز ڈیپارٹمنٹ دعوتِ اسلامی کے تحت اجتماعی طور پر مدنی مذاکرہ دیکھنے کا اہتمام کیا گیا جس میں اسپیشل پرسنز سمیت دیگر اسلامی بھائیوں کی بھی شرکت ہوئی۔

اس موقع پر اسپیشل پرسنز ڈیپارٹمنٹ کے صوبائی ذمہ دار محمد وقاص عطاری اور دیگر اہم ذمہ دار اسلامی بھائی موجود تھے جنہوں نے اسپیشل پرسنز کے ہمراہ مدنی مذاکرے کے دوران امیرِ اہلِ سنت دامت بَرَکَاتُہمُ العالیہ سے ہونے والے سوالات کے جوابات سنے۔

آخر میں تمام اسپیشل پرسنز نے ہر ہفتے دعوتِ اسلامی کے تحت ہونے والے مدنی مذاکرے میں شرکت کرنے کی اچھی اچھی نیتیں کیں۔(رپورٹ: محمد جمال عطاری مدنی ملتان ڈویژن ذمہ دار اسپیشل پرسنز ڈیپارٹمنٹ، کانٹینٹ:غیاث الدین عطاری) 

پچھلے دنوں عاشقانِ رسول کی دینی تحریک دعوتِ اسلامی کے دینی کاموں کے سلسلے میں اسپیشل پرسنز ڈیپارٹمنٹ کے ذمہ دار اسلامی بھائیوں نے اسپیشل ایجوکیشن سینٹر دنیاپور کا وزٹ کیا۔

اس دوران صوبائی ذمہ دار محمد وقاص عطاری اور ڈویژن ذمہ دار مولانا محمد جمال عطاری مدنی نے ایجوکیشن سینٹر کے پرنسپل سے ملاقات کی اور انہیں اسپیشل پرسنز ڈیپارٹمنٹ کا تعارف کرواتے ہوئے دعوتِ اسلامی کی دینی ایکٹیویٹیز کے بارے میں بتایا۔

وفاقی دارالحکومت اسلام آباد کے سیکٹر جی الیون میں قائم دعوتِ اسلامی کے مدنی مرکز فیضانِ مدینہ میں 27 فروری 2026ء کو اسپیشل پرسنز ڈیپارٹمنٹ کے تحت ”افطار اجتماع“ ہوا جس میں اسپیشل پرسنز کی کثیر تعداد نے شرکت کی۔

اجتماع کا آغاز تلاوتِ قرآن و نعتِ رسولِ مقبول صلَّی اللہ علیہ واٰلہٖ وسلَّم سے کرنے کے بعد صوبائی ذمہ دار منظور عطاری نے سنتوں بھرا بیان کیا جبکہ صوبائی نگران مولانا بابر عطاری مدنی نے حاضرین کو اسپیشل پرسنز ڈیپارٹمنٹ کا تعارف کروایا۔

اس کے علاوہ وہاں موجود اسپیشل پرسنز کو دعوتِ اسلامی کے ہفتہ وار سنتوں بھرے اجتماع میں پابندی کے ساتھ شرکت کرنے اور ڈیپارٹمنٹ کے دینی کاموں میں حصہ لینے کا ذہن دیا گیاجس پر انہوں نے اچھی اچھی نیتیں کیں۔(رپورٹ: صوبائی ذمہ دار کامران عطاری اسپیشل پرسنز ڈیپارٹمنٹ ، کانٹینٹ:غیاث الدین عطاری)

دعوتِ اسلامی کے اسپیشل پرسنز ڈیپارٹمنٹ کے تحت اسلام آباد، سیکٹر E-13 کی جامع مسجد گلزارِ مدینہ میں نابینا اسلامی بھائیوں حافظ مزمل مصطفیٰ اور حافظ عبد اللہ کی والدہ مرحومہ کے ایصالِ ثواب کے لئے ”اجتماعِ ذکر و نعت“ منعقد ہوا۔

اجتماع کے دوران تلاوتِ قراٰن، نعت خوانی اور بیان کا سلسلہ ہوا جس کے بعد صوبائی ذمہ داران کامران عطاری اور بدر شفیق عطاری نے فاتحہ خوانی کی۔

ذمہ دار اسلامی بھائیوں نے تمام اہلِ خانہ سے تعزیت کرتے ہوئے انہیں صبر کی تلقین کی اورمرحومہ کے لئے صدقہ و خیرات کرنے نیز نیک اعمال کرنے کا ذہن دیا جس پر انہوں نے اچھی اچھی نیتیں کیں۔

آخر میں حافظ مزمل مصطفیٰ نے دعا کروائی اور صلوٰۃ و سلام پڑھا۔اس موقع پر دیگر نابینا اسلامی بھائی محمد جاوید اور آصف قادری بھی موجود تھے۔ (رپورٹ: کامران عطاری صوبائی ذمہ دار اسپیشل پرسنز ڈیپارٹمنٹ ، کانٹینٹ:غیاث الدین عطاری)

اسپیشل پرسنز ڈیپارٹمنٹ دعوتِ اسلامی کے تحت 8 فروری 2026ء کو ڈسٹرکٹ ٹوبہ ٹیک سنگھ، فیصل آباد ڈویژن کے گاؤں 388 ج ب میں ”استقبالِ ماہِ رمضان اجتماع“ کا اہتمام کیا گیا جس میں اسپیشل پرسنز کی کثیر تعداد نے شرکت کی۔

تلاوت و نعت سے آغاز ہونے والے اس اجتماعِ پاک میں ڈیپارٹمنٹ کے پاکستان سطح کے ذمہ دار حاجی حنیف عطاری نے اشاروں کی زبان میں اصلاحی بیان کیا جس کے بعد ڈویژن ذمہ دار نے اسپیشل پرسنز کو پورے ماہِ رمضان کا اعتکا ف کرنے کی دعوت دی۔

ڈویژن ذمہ دار نے اسپیشل پرسنز کی ذہن سازی کرتے ہوئے انہیں رمضان عطیات دعوتِ اسلامی کو دینے اور مدنی مرکز فیضانِ مدینہ فیصل آباد میں ایک ماہ کا اعتکاف کرنے کی ترغیب دلائی جس پر انہوں نے اچھی اچھی نیتوں کا اظہار کیا۔(رپورٹ: محمد سمیر عطاری اسلام آباد میڈیا ڈیپارٹمنٹ اسپیشل پرسنز، کانٹینٹ:غیاث الدین عطاری)

دعوتِ اسلامی کے اسپیشل پرسنز ڈیپارٹمنٹ کے تحت اسلام آباد کے علاقے کھنہ پل میں ایک اسپیشل پرسن کی دوکان پر سیکھنے سکھانے کا حلقہ لگایا گیا جس میں بلائنڈ اسلامی بھائی آصف عطاری اور صوبائی ذمہ دار بدر شفیق عطاری نے شرکت کی۔

اس موقع پر حلقے موجود نگرانِ اسپیشل پرسنز ڈیپارٹمنٹ عمیر ہاشمی عطاری نے اشاروں کی زبان میں اسپیشل پرسنز کو دعوتِ اسلامی کے ہفتہ وار سنتوں بھرے اجتماع میں شرکت کرنے اور رمضانُ المبارک میں اعتکاف کرنے کی ترغیب دلائی۔(رپورٹ: کامران عطاری صوبائی ذمہ دار اسپیشل پرسنز ڈیپارٹمنٹ ، کانٹینٹ:غیاث الدین عطاری)

بارہ کہو، اسلام آباد میں اسپیشل پرسنز ڈیپارٹمنٹ دعوتِ اسلامی کے تحت علاقائی دورہ برائے برائے نیکی کی دعوت کا سلسلہ ہوا جس میں صوبائی ذمہ داران کامران عطاری اور بدر شفیق عطاری نے مختلف شعبوں سے وابستہ اسپیشل پرسنز سے ملاقات کی۔

صوبائی ذمہ داران نے اسپیشل پرسنز کو نیکی کی دعوت دیتے ہوئے انہیں دعوتِ اسلامی کے ہفتہ وار اجتماع میں شرکت کرنے اور رمضانُ المبارک میں اعتکاف کرنے کا ذہن دیا۔

بعدازاں دعوتِ اسلامی کے دینی کاموں کو مزید بڑھانے کے لئے ایک اسلامی بھائی کے دفتر میں اسپیشل پرسنز سے مدنی مشورہ بھی ہوا جس میں مختلف نکات پر مشاورت ہوئی۔(رپورٹ: اسپیشل پرسنز ڈیپارٹمنٹ ، کانٹینٹ:غیاث الدین عطاری)

پچھلے دنوں دعوتِ اسلامی کے اسپیشل پرسنز ڈیپارٹمنٹ کے تحت مختلف دینی ایکٹیویٹیز کے حوالے سے   چکوال میں ذمہ دار اسلامی بھائیوں کی اسپیشل پرسنز سے ملاقات ہوئی۔

اس موقع پر صوبائی ذمہ دار پنجاب وقاص عطاری نے ملاقات کے دوران اسپیشل پرسنز کو نماز و روزے کی پابندی کرنے کا ذہن دیتے ہوئے خود کو اور اپنی سوچ کو بدلنے کے حوالے سے اُن کی رہنمائی کی۔

اس کے علاوہ صوبائی ذمہ دار نے اسپیشل پرسنز کو دعوتِ اسلامی کے ہفتہ وار سنتوں بھرے اجتماع سمیت دیگر دینی کاموں میں شرکت کرنے کی ترغیب دلائی جس پر انہوں نے اچھی اچھی نیتوں کا اظہار کیا۔(رپورٹ: عبدالقیوم عطاری ڈویژن ذمہ دار اسپیشل پرسنز ڈیپارٹمنٹ ، کانٹینٹ:غیاث الدین عطاری)

اسپیشل پرسنز ڈیپارٹمنٹ دعوتِ اسلامی کے تحت ڈسٹرکٹ جہلم کی تحصیل دینہ میں اسپیشل پرسنز کی دینی و  اخلاقی تربیت کرنے کے لئے سیکھنے سکھانے کا حلقہ لگایا گیا جس میں ذمہ داران نے شرکت کی۔

راولپنڈی ڈویژن ذمہ دار عبد القیوم عطاری اور تحصیل ذمہ دار دینہ عاطف عطاری نے ”معاشرے میں کیسے رہنا ہے؟“ کے حوالے سے اسپیشل پرسنز کی رہنمائی کی اور انہیں سوشل میڈیا کے نقصانات سے آگاہ کیا۔

دعوتِ اسلامی کے تحت نیکی کی دعوت  کو عام کرنے کے سلسلے میں اسپیشل پرسنز ڈیپارٹمنٹ کے ذمہ دار اسلامی بھائیوں نے وہاڑی، پنجاب کے مختلف علاقوں میں اسپیشل پرسنز سے ملاقات کی۔

ذمہ دار اسلامی بھائیوں نے اسپیشل پرسنز کو اشاروں کی زبان میں 1 ماہ کا اعتکاف کرنے اور دعوتِ اسلامی کے ہفتہ وار سنتوں بھرے اجتماع میں پابندی کے ساتھ شرکت کرنے کا ذہن دیا جس پر انہوں نے اچھی اچھی نیتیں کیں۔(رپورٹ: اسپیشل پرسنز ڈیپارٹمنٹ ، کانٹینٹ:غیاث الدین عطاری)

6 فروری 2026ء کو دعوتِ اسلامی کے دینی کاموں کے سلسلے میں اسپیشل پرسنز ڈیپارٹمنٹ کے ذمہ دار اسلامی بھائیوں نے ڈسٹرکٹ جوڈیشل کمپلیکس، اسلام آباد (District Judicial Complex, Islamabad) کے نابینا وکیل اسد کھوکھر سےاُن کی رہائش گاہ پر ملاقات کی۔

صوبائی ذمہ دار کامران عطاری، بلائنڈ ٹیچر عرفان عطاری اور آصف عطاری نے اسد کھوکھر سے ملاقات کے دوران انہیں اسپیشل پرسنز ڈیپارٹمنٹ کا تعارف کرواتے ہوئے مختلف ایکٹیویٹیز کے بارے میں بریفنگ دی جن میں مدرسۃالمدینہ نابینا افراد، ہفتہ وار اجتماع کے حلقے اور عالمی سطح پر ہونے والی دیگر دینی و فلاحی خدمات شامل تھیں۔

آخر میں صوبائی ذمہ دار نے اسد کھوکھر کو دعوتِ اسلامی کے ہفتہ وار سنتوں بھرے اجتماع میں شرکت کرنے اور ماہِ رمضانُ المبارک میں اعتکاف کرنے کا ذہن دیا جس پر انہوں نے اچھی اچھی نیتیں کیں۔(رپورٹ: اسپیشل پرسنز ڈیپارٹمنٹ ، کانٹینٹ:غیاث الدین عطاری)