مشورہ ایک بہترین عمل اور سنت طریقہ ہے۔ جس کے ذریعہ ایک فرد یا جماعت اپنے فیصلوں کو بہتر بنانے کے لیے دوسروں سے رائے لیتے ہیں، مشورہ کو بنیادی اہمیت دی گئی ہے کیونکہ یہ اجتماعی شعور کو فروغ دیتا ہےاور غلطیوں سے بچنے کا ذریعہ بنتا ہے۔ نبی کریم ﷺ نے فرمایا: جس نے مشورہ کیا، وہ ناکام نہیں ہوا۔ مشورے کی اس اہمیت کے باوجود جب یہ غلط بنیادوں پر ہو تو نقصان ده ہوتا ہے۔

غلط مشورہ کیا ہوتا ہے؟ غلط مشورہ ایسی رائے یا رہنمائی ہے جو غلط معلومات، محدود علم، ذاتی مفاد، بدنیتی کی وجہ سے دی جاتی ہے، معلومات کی کمی کے باعث بھی لوگ غلط مشورہ دیتے ہے اس لئے معلومات ہونا ضروری ہے تاکہ درست مشورہ فراہم کریں اور جس نے مشورہ مانگا ہے اس کی خیرخواہی ہو، ورنہ خاموش رہیں۔

بعض لوگ اپنے ذاتی مفاد کے لیے غلط مشورہ دیتے ہیں۔ جیسے: کسی ملازم کو کمپنی چھوڑنے کا مشورہ دینا تاکہ اپنی ترقی کرنے کا موقع حاصل ہو جائے۔

مشورے کرنے کے جہاں کئی فوائد ہیں اسی طرح غلط مشورے کرنے سے بہت زیادہ نقصانات اٹھانے بھی پڑ جاتے ہیں۔ جیسے: کسی کے حسدو بغض کی وجہ سے کسی کو غلط مشورہ دینا تاکہ وہ ترقی کے راستے پر نہ چل سکیں۔ جبکہ مسلمان مسلمان کا خیرخواہ ہوتا ہے۔ وہ اس کی بد خواہی نہیں چاہ سکتا غلط مشورے کے سبب تنظیم یا کوئی سا بھی صوبہ ترقی نہیں کر سکتا۔ اس میں خامیاں آ ہی جائیں گی۔جب کہ صحیح مشورے کے سبب تنظیم اور صوبہ کو بہت سے فوائد حاصل ہوں گے اور وہ ترقی پر گامزن ہوگا۔

ہمارے دعوت اسلامی کا دینی ماحول ہی کو دیکھ لیں یہاں باقاعدہ شوریٰ بنی ہوئی ہے جس کے تحت مشورے ہوتے رہتے ہیں اور تنظیم ترقی کی راہ پر پرواز کرتی ہی جارہی ہے۔

الحمدللہ اس میں غلط مشورے دینے کے بہت کم ہی امکانات ہوتے ہیں۔ اگر ہو بھی تو باہم مشورے سے اسے درست کر لیا جاتا ہے۔

عام طور پر مشورے کی ضرورت در پیش ہوتی ہے اس لئے چاہیے کہ کسی ایسے شخص سے مشورہ کریں جو مسئلے کی مکمل سمجھ رکھتا ہو تووہ غلط مشورہ نہیں دے گا امانتدار ہو تقویٰ و پرہیزگار ہو اللہ پاک سے ڈرنے والا ہو تاکہ وہ صحیح مشورہ دیں اگر کسی ایسے سے مشورہ کیا جو شریعت کے حدود کو توڑنے والا ہو تو ہو سکتا ہے اس کے مشورے کے سبب کسی پریشانی میں مبتلا ہونے کا قوی اندیشہ ہے۔

اگر مشورے آپ کو مطمئن نہ کریں تو اس پر غور و خوض کرکے نتیجے کو اخذ کریں جو بہتر لگے اس پر عمل کریں تاکہ آزمائشوں سے بچیں غلط مشورے سے سے بچنے کے لیے دعائیں کریں روز مرہ کی زندگی میں استخارہ اور اللہ سے رہنمائی مانگنے کی عادت اپنائیں تاکہ غلط فیصلوں سے بچ سکیں۔

بعض لوگ رشتے کے حوالے سے بھی مشورہ طلب کرتے ہیں اور انہیں غلط مشورہ دے دیا جاتا ہے جس کے سبب آگے کی زندگی اجیرن ہو جاتی ہے بعد میں مشورہ دینے والوں کو ملامت کیا جاتا ہے اس لئے چاہیے کہ مکمل چھان بین کرکے تب مشورے کی تصدیق کریں تاکہ بعد میں کوئی رسوائی نہ اٹھانا پڑے۔

قرآن کریم میں غلط مشورہ دینے یا کسی کو دھوکہ دینے کی سخت مذمت کی گئی ہے یہ عمل نہ صرف گناہ بلکہ اس کے دنیاوی اور اخروی نقصان بھی ہے۔

قرآن پاک میں ہے: وَ لَا تَبْغِ الْفَسَادَ فِی الْاَرْضِؕ-اِنَّ اللّٰهَ لَا یُحِبُّ الْمُفْسِدِیْنَ(۷۷) (پ 20، القصص:77) ترجمہ: اور زمین میں فساد مت پھیلاؤ، ہے شک اللہ فساد کرنے والوں کو پسند نہی کرتا۔

غلط مشورہ دینا بھی فساد کا ایک ذریعہ ہے جو انسانوں کے درمیان تعلقات کو بگاڑتا ہے غلط مشورہ دینا قرآن کے اصولوں کے خلاف ہے اور اس سے اجتناب کرنا ہر مسلمان پر واجب ہے ہمیں ہمیشہ امانتداری، دینداری اور حق گوئی کا مظاہرہ کرنا چاہیے، غلط مشورہ دینے اور دھوکہ دہی کے بارے میں نبی اکرم ﷺ نے سخت وعیدیں بیان فرمائی ہیں، چنانچہ رسول ارشاد فرمایا: مسلمان مسلمان کا بھائی ہے، نہ اس پر ظلم کرتا ہے اور نہ اسے بے سہارا چھوڑتا ہے۔ (مسلم، ص 1069، حدیث: 6578)

غلط مشورہ دینا بھی ایک قسم کا ظلم ہے، جو مسلمان کے حقوق کے خلاف ہے نبی کریم ﷺ کی تعلیمات کے مطابق ، مشورہ دینا ایک ذمہ داری اور امانت ہے غلط مشورہ دینا نہ صرف گناہ ہے بلکہ خیرخواہی، امانتداری اور اسلامی بھائی چارے کے اصولوں کے خلاف ہے مسلمان کو ہمیشہ سچائی اور دیانت داری کے ساتھ مشورہ دینا چائیے۔

حضرت موسیٰ کلیم اللہ اور حضرت ہارون علیہما السلام نے جب خدائی کا جھوٹا دعوی کرنے والے فرعون کو ایمان کی دعوت دی تو اس نے اپنی بیوی حضرت سید تنا آسیہ رضی اللہ عنہا سے مشورہ کیا۔ انہوں نے ارشاد فرمایا: کسی شخص کیلئے مناسب نہیں ہے کہ ان دونوں کی دعوت کو رد کردے۔ فرعون اپنے وزیر ہامان سے مشورہ کئے بغیر کوئی کام نہیں کرتا تھا، جب اس نے ہامان سے مشورہ کیا تو اس نے کہا: میں تو تمہیں عقل مند سمجھتا تھا ! تم حاکم ہو، یہ دعوت قبول کر کے محکوم بن جاؤ گے اور تم رب ہو، اسے قبول کرنے کی صورت میں بندے بن جاؤ گے ! چنانچہ ہامان کے مشورے پر عمل کی وجہ سے فرعون دعوت ایمان کو قبول کرنے سے محروم رہا۔ (تفسیر روح المعانی، جزء 16، ص 682)

پیاری اسلامی بہنو! دیکھا آپ نے غلط مشورے نے فرعون کو دعوتِ ایمان سے محروم کرکے ہمیشہ کے لیے عذاب نار کا مستحق کر دیا فرعون نے ہامان کو اپنا خیرخواہ سمجھ کر مشورہ مانگا لیکن اس نے فرعون کو انسان نہیں بلکہ رب ہونے کا دعویدار ٹھہرایا جس کے سبب وہ بھی اس کے مشورے کو قبول کرکے دنیا و آخرت میں ذلیل و رسوا ہو گیا اور اللہ پاک نے اسے دنیا میں عبرت کا نشان بنا دیا۔

لہٰذا جس سے مشورہ کیا جائے اسے چاہیے کہ درست مشورہ دیں ورنہ خیانت کرنے والا ٹھہرے گا، فرمان مصطفیٰ ﷺ ہے: جو اپنے بھائی کو جان بوجھ کر غلط مشورہ دے تو اس نے اپنے بھائی کے ساتھ خیانت کی۔ (ابو داود، 3/449، حدیث: 3657)

یعنی اگر کوئی مسلمان کسی سے مشورہ حاصل کرے اور وہ دانستہ غلط مشورہ دے تاکہ وہ مصیبت میں گرفتار ہو جائے تو وہ مشیر (یعنی مشورہ دینے والا) پکا خائن ہے خیانت صرف مال میں نہیں ہوتی، راز، عزت، مشورے تمام میں ہوتی ہے۔ (مراۃ المناجیح، 1/212)

حضرت موسیٰ کلیم اللہ اور حضرت ہارون علیہما السلام نے جب خدائی کا جھوٹا دعوی کرنے والے فرعون کو ایمان کی دعوت دی تو اس نے اپنی بیوی حضرت سید تنا آسیہ رضی اللہ عنہا سے مشورہ کیا۔ انہوں نے ارشاد فرمایا: کسی شخص کیلئے مناسب نہیں ہے کہ ان دونوں کی دعوت کو رد کردے۔ فرعون اپنے وزیر ہامان سے مشورہ کئے بغیر کوئی کام نہیں کرتا تھا، جب اس نے ہامان سے مشورہ کیا تو اس نے کہا: میں تو تمہیں عقل مند سمجھتا تھا ! تم حاکم ہو، یہ دعوت قبول کر کے محکوم بن جاؤ گے اور تم رب ہو، اسے قبول کرنے کی صورت میں بندے بن جاؤ گے ! چنانچہ ہامان کے مشورے پر عمل کی وجہ سے فرعون دعوت ایمان کو قبول کرنے سے محروم رہا۔ (تفسیر روح المعانی، جزء 16، ص 682)

غلط مشورہ ایک سماجی مسئلہ ہے۔ زندگی میں انسان کو مختلف مراحل پر دوسروں سے مشورہ لینا پڑتا ہے۔ مشورہ ایک ایسا عمل ہے جو انسان کو صحیح و غلط میں فرق کا شعور دیتا ہے لیکن اگر یہ مشورہ غلط ہو تو یہ انسان کو مشکلات اور ناکامی کی طرف لے جا سکتا ہے۔ اسی لئے قرآن و حدیث میں اچھے مشورے کی اہمیت پر زور دیا گیا ہے اور غلط مشورے سے بچنے کی ترغیب دی گئی ہے۔

اللہ تعالیٰ قرآن پاک میں ارشاد فرماتاہے: وَ  شَاوِرْهُمْ  فِی  الْاَمْرِۚ- ( پ 4، آل عمران:159 ) ترجمہ: اور کاموں میں ان سے مشورہ لو۔

نبی کریم ﷺ نے فرمایا: ترجمہ: دین خیرخواہی کا نام ہے۔ (مسلم، ص 47، حدیث: 95)

جس سے مشورہ لیا جائے اسے چاہئے کہ درست مشورہ دے ورنہ خیانت کرنے والا ٹھہرے گا، ایک اور مقام پر حضور اکرم ﷺ نے فرمایا: جو اپنے بھائی کوجان بوجھ کر غلط مشورہ دے تو اس نے اپنے بھائی کے ساتھ خیانت کی۔ (ابو داود، 3/449، حدیث: 3657) یعنی اگر کوئی مسلمان کسی سے مشورہ حاصل کرے اور وہ جان بوجھ کر غلط مشورہ دے تاکہ وہ مصیبت میں مبتلا ہو جائے تو مشورہ دینے والا پکّا خائن ہے خیانت صرف مال ہی میں نہیں ہوتی بلکہ راز، عزت، مشورے میں بھی ہوتی ہے۔ (مراۃ المناجیح، 1/212)

غلط مشورے کی وجوہات: خودغرضی،ناسمجھی، حسد، بغض، کینہ۔

مشورہ کس سے کیا جائے؟ ہر کسی سے مشورہ لینا عقلمندی نہیں اور نہ ہر کوئی ہر معاملے میں درست مشورہ دینے کا اہل ہوتا ہے،جیسے کہ کوئی بھی شخص گاڑی کے ٹائروں کے بارے میں کسی کپڑا فروخت سے مشورہ نہیں کرے گا اور نہ کپڑا فروخت سے کوئی طب کے بارے میں مشورہ کرے گا چنانچہ مشورہ ایسے لوگوں سے کیجئے جو تجربہ کار، عقل مند، تقویٰ والے، خیرخواہ ہوں، اس کے فوائد آپ خود ملاحظہ کریں گے۔ ان شاء اللہ

مشورہ کا معنی کسی معاملے میں دوسرے کی رائے دریافت کرنا ہے۔ جب کوئی اہم کام در پیش آئے تو اس وقت مشورہ لینا اچھا ہے، کوئی اہم کام کرنے سے پہلے اپنے ماتحت افراد سے مشورہ کر لیا جائے تاکہ اس کام سے متعلق ان کے ذہن میں کوئی خلش ہو تو اس کا ازالہ ہو جائے یا کوئی ایسی مفید رائے مل جائے جس سے وہ کام مزید بہتر انداز سے ہو جائے۔ (صراط الجنان، 1/96، 97)

غلط مشورہ دینے کا حکم: کبھی ایسا بھی ہوتا ہے کہ ہم کسی سے کوئی مشورہ مانگتے ہیں اور وہ جان بوجھ کر ہمیں غلط مشورہ دیتا ہے۔ کسی مسلمان کا نقصان چاہنا اور جان بوجھ کر اسے غلط مشورہ دینا ناجائز و گناہ ہے اسے شخص کو حدیث مبارکہ میں خائن ( خیانت کرنے والا) کہا گیا ہے۔ چنانچہ رسول اکرم ﷺ نے ارشاد فرمایا: جو اپنے بھائی کو کسی چیز کا مشورہ یہ جانتے ہوئے دے کہ درستی اس کے علاوہ میں ہے اس نے اس سے خیانت کی۔ (ابو داود، 3/449، حدیث:3657)

مفسر شہیر، حکیم الامت مفتی احمد یار خان رحمۃ اللہ علیہ اس حدیث پاک کی شرح میں فرماتے ہیں: یعنی اگر کوئی مسلمان کسی سے مشورہ کرے اور وہ دانستہ (جان بوجھ) غلط مشورہ دے تاکہ وہ مصیبت میں گرفتار ہو جائے تو وہ مشیر ( مشورہ دینے والا) پکا خائن ہے خیانت صرف مال ہی میں نہیں ہوتی، راز، عزت، مشورے تمام میں ہوتی ہے۔ (مراۃ المناجیح، 1/212)

حضور نبی کریم ﷺ نے ارشاد فرمایا: جس شخص سے کوئی مشورہ لیا جائے وہ امین ہو جاتا ہے۔ اگر اس نے جان بوجھ کر غلط مشورہ دیا تو وہ خیانت کرنے والا کہلائے گا۔ (ترمذی، 4/375، حدیث: 2831)

اب ہمیں دیکھنا بھی چاہیے کہ ہم کس سے مشورہ لے رہے ہیں۔ ہمیں ایسے لوگوں سے بھی مشورہ نہیں لینا چاہئے جو ہمیشہ ہمارا نقصان ہی چاہتے ہوں۔

اگر کوئی مخلص شخص کوئی مشورہ دے پھر وہ مشورہ کارآمد ثابت نہ ہو تو اس شخص کو ملامت نہیں کرنا چاہیے کہ منقول ہے کہ اگر تمہارا دوست کوئی مشورہ دے اور اس کا انجام اچھا نہ ہو تو اس بات کو اسے ملامت کرنے کا سبب نہ بنا لو اور اس سے یہ نہ کہو کہ تم نے ایسا کیا اور تم نے مجھے مشورہ دیا وغیرہ۔ (دین و دنیا کی انوکھی باتیں، ص 49)

مشورہ کے معنی ہیں: کسی معاملے میں دوسرے کی رائے دریافت کرنا۔ مشورے کے بہت سے فوائد و فضائل ہیں مگر یہ اس وقت ہے کہ جب مشورہ دینے والا اور مشورہ دونوں درست ہوں جہاں اچھا مشورہ نہایت ہی مفید اور کار آمد ثابت ہوتا ہے وہیں غلط مشورہ انتہائی مضر اثرات کا باعث بنتا ہے اور اسلام میں بھی غلط مشورہ دینے والوں کی مذمت فرمائی گئی ہے۔ جیسا کہ فرمان مصطفی ﷺ ہے: جس نے اپنے بھائی کو کوئی ایسا مشورہ دیا جب کہ اسے علم تھا کہ بھلائی اس کے خلاف میں ہے تو اس نے اس سے خیانت کی۔ (ابو داود، 3/449، حدیث:3657)یعنی اگر کوئی مسلمان کسی سے مشورہ حاصل کرے اور وہ دانستہ غلط مشورہ دے تاکہ وہ مصیبت میں گرفتار ہو جائے تو وہ مشیر( یعنی مشورہ دینے والا) پکا خائن ہے خیانت صرف مال ہی میں نہیں ہوتی راز، عزت، مشورے تمام میں ہوتی ہے۔ (مراة المناجیح، 1/212)

قرآن پاک میں اللہ پاک ایمان والوں کو ندا فرما کر حکم ارشاد فرما رہا ہے: یٰۤاَیُّهَا الَّذِیْنَ اٰمَنُوْا لَا تَخُوْنُوا اللّٰهَ وَ الرَّسُوْلَ وَ تَخُوْنُوْۤا اَمٰنٰتِكُمْ وَ اَنْتُمْ تَعْلَمُوْنَ(۲۷) (پ 9، الانفال: 27) ترجمہ: اے ایمان والو! اللہ اور رسول کے ساتھ خیانت نہ کرو اور نہ اپنی امانتوں میں خیانت کرو، جبکہ تم جانتے ہو۔

کسی مسلمان کا نقصان چاہنا اور اسے جان بوجھ کر غلط مشورہ دینا ناجائز ہو گناہ ہے

غلط مشورے کی تباہى: بعض اوقات غلط مشورہ انسان کی دنیا و آخرت کی تباہی کا باعث بن جاتا ہے، جیسا کہ حضرت موسیٰ کلیم اللہ اور حضرت ہارون علیہما السلام نے جب خدائی کا جھوٹا دعوی کرنے والے فرعون کو ایمان کی دعوت دی تو اس نے اپنی بیوی حضرت آسیہ رضی اللہ عنہا سے مشورہ کیا۔ انہوں نے ارشاد فرمایا: کسی شخص کیلئے مناسب نہیں ہے کہ ان دونوں کی دعوت کو رد کردے۔ فرعون اپنے وزیر ہامان سے مشورہ کئے بغیر کوئی کام نہیں کرتا تھا، جب اس نے ہامان سے مشورہ کیا تو اس نے کہا: میں تو تمہیں عقل مند سمجھتا تھا! تم حاکم ہو، یہ دعوت قبول کر کے محکوم بن جاؤ گے اور تم رب ہو، اسے قبول کرنے کی صورت میں بندے بن جاؤ گے ! چنانچہ ہامان کے مشورے پر عمل کی وجہ سے فرعون دعوت ایمان کو قبول کرنے سے محروم رہا۔ (تفسیر روح المعانی، جزء 16، ص 682)

اللہ سے دعا ہے کہ ہمیں درست مشورہ دینے اور صاحب الرائے لوگوں سے مشورہ کرنے کی سمجھ عطا فرمائے۔

غلط مشورہ کسی بھی انسان کو کسی طرح کے نقصان سے دو چار کر سکتا ہے اس لیے مشورہ دینے اور لینے دونوں میں بہت زیادہ احتیاط کی ضرورت ہے مشورہ دینےوالے کو بھی مشورہ دینے سے پہلے تمام حالات،واقعات اور تمام صورتحال کا جائزہ لے کر صحیح مشورہ دینا چاہیے۔ فرعون نے حضرت موسیٰ علیہ السلام کی دعوتِ اسلام کے بعد حضرت آسیہ رضی اللہ عنہا سے مشورہ کیا تو انہوں نے اسے اسلام کی یہ دعوت قبول کرنے کے لیے کہا لیکن وہ اپنے وزیر ہامان کے مشورے کے بغیر کوئی کام نہیں کرتا تھا اس نے ہامان سے مشورہ کیا تو ہامان نے فرعون کو جواب دیا کہ آپ اگر اس دعوت کو قبول کر لیں گے تو آپ تو خدا ہیں پھر آپ محکوم بن جائیں گے اور آپ کی یہ بادشاہت اور طاقت ختم ہو جائے گی لہذا آپ ایسا ہرگز نہیں کیجئے گا، اس طرح آپ حضرت موسی کے زیر اثر آجائیں گے اور وہ جو چاہیں گے آپ سے کروائیں گے اور ہم سب محکوم ہوتے چلے جائیں گے اس طرح آپ کو حضرت موسی علیہ السلام کی ہر بات ماننی پڑے گی یہ بات فرعون کی سمجھ میں آگئی اور اس نے حضرت آسیہ رضی اللہ عنہا کا کہنا ماننے کے بجائے ہامان کے مشورے کو پسند کیا اور اس پر عمل کیا اور حضرت موسی علیہ السلام کی اس دعوت اسلام کو قبول کرنے سے انکار کر دیا جس کا خمیازہ اس کو دنیا اور آخرت کی بربادی کی شکل میں بھگتنا پڑا اور وہ اپنے وزیر کا یہ مشورہ قبول کرنے کی وجہ سے دنیا میں بھی ناکام رہا اور سمندر میں غرق ہو گیا اور آخرت میں بھی کچھ حاصل نہیں کر سکے گا اور جہنم میں داخل ہو جائے گا۔

غلط مشورے کی یہ سب سے بڑی مثال ہے لہذا مشورہ دینا اور لینا یہ دونوں ہی اہم کام ہیں جس سے انجام دینے سے پہلے نہایت سمجھداری اور عقلمندی کی ضرورت ہوتی ہے۔

مشورہ ایک امانت ہے جسے پورے اخلاص کے ساتھ ادا کرنا چاہیے اور اس میں لاپرواہی نہیں کرنی چاہیے کہ بغیر سوچے سمجھے اور کسی کے نقصان کی پرواہ کیے بغیر کسی کو مشورہ دے دیا جائے جو اس کے لیے مشکلات کا سبب بنے یہ بہت ہی غلط بات ہے اور اللہ کی ناراضگی کا سبب بھی ہےصحیح مشورہ دینا حقوق العباد میں شامل ہے یعنی اگر آپ کو کسی نے اس قابل سمجھا ہے کہ وہ آپ سے مشورہ طلب کر رہا ہے تو آپ پر لازم ہے کہ آپ اس کی مدد کریں اور اس کو صحیح مشورہ دیں اگر آپ سے کوئی مشورہ طلب کرتا ہے اور آپ اس کے اہل نہیں ہیں تو آپ اس کو منع کر دیجیے اور اس کو بتائیے کہ کہاں سے وہ صحیح مشورہ حاصل کر سکتا ہے اور اگر آپ اس کے اہل ہیں تو جان بوجھ کر کسی کو غلط مشورہ نہ دیجیے کیونکہ یہ امانت میں خیانت ہے۔ اس بارے میں حدیث مبارکہ ہے کہ جس سے کسی مسلمان بھائی نے کوئی مشورہ طلب کیا اور اس نے جان بوجھ کر اسے غلط مشورہ دیا تو اس نے اس کے ساتھ خیانت کی۔ (ابو داود، 3/449، حدیث: 3657)

جو چیز آپ کو معلوم ہے اگر آپ اس کے بارے میں جانتے ہیں تو پوچھنے والے کو صحیح معلومات فراہم کیجئے اور اگر نہیں جانتے تو اپنے آپ کو لاعلم ظاہر کر دیجئے تاکہ آپ سے مشورہ طلب کرنے والا کسی نقصان سے محفوظ رہ سکے۔

مشورہ دینے والے کی ذمہ داری ہے کہ وہ اپنے پورے اخلاص کے ساتھ اپنے مسلمان بھائی کو صحیح مشورہ دے اور اس کے نفع اور نقصان کو واضح کرے اور تمام پہلوؤں پر پورے اخلاص کے ساتھ تفصیل سے آگاہ کرے اور اپنے مفادات کی خاطر کسی دوسرے کو غلط مشورہ نہ دے کیونکہ یہ اپنے مسلمان بھائی کو دھوکہ دینے کے برابر ہے جس کی اسلام میں سختی سے مذمت کی گئی ہے۔ حدیث مبارکہ ہے: جب کوئی مسلمان تجھ سے کوئی مشورہ طلب کرے تو اس کی خیر خواہی کرتے ہوئے اسے اچھا مشورہ دے۔ (مسلم، ص 919، حدیث: 5651)

غلط مشورہ کا مطلب ہے ایسا مشورہ جو درست نہ ہو یا جس پر عمل کرنے سے نقصان ہو سکتا ہو۔ یہ مشورہ نادانستہ یا دانستہ طور پر دیا جا سکتا ہے۔ اللہ پاک نے قرآن پاک میں بھی مشورہ کے بارے میں حکم دیا ہے: وَ  شَاوِرْهُمْ  فِی  الْاَمْرِۚ- ( پ 4، آل عمران:159 ) ترجمہ: اور کاموں میں ان سے مشورہ لو۔ یعنی اہم کاموں میں ان سے مشورہ بھی لیتے رہیں کیونکہ اس میں ان کی دلداری بھی ہے اور عزت افزائی بھی اور یہ فائدہ بھی کہ مشورہ سنت ہوجائے گا اور آئندہ امت اس سے نفع اٹھاتی رہے گی،پھرجب مشورے کے بعد آپ کسی بات کا پختہ ارادہ کرلیں تو اپنے کام کو پورا کرنے میں اللہ تعالیٰ پر بھروسہ کریں بیشک اللہ تعالیٰ توکل کرنے والوں سے محبت فرماتا ہے اور ان کی مدد کرتا اور انہیں ا س چیز کی طرف ہدایت دیتا ہے جو ان کے لئے بہتر ہو۔

مشورہ کے معنی: مشورہ کے معنی ہیں کسی معاملے میں دوسرے کی رائے دریافت کرنا۔ مشورہ لینے کے ساتھ اللہ تعالیٰ نے یہ بھی فرما دیا کہ مشورے کے بعد جب آپ ﷺ کسی چیز کا پختہ ارادہ کرلیں تو اسی پر عمل کریں۔

حدیث مبارکہ میں اچھے مشورے کی اہمیت اور غلط مشورے سے بچنے کی تعلیم دی گئی ہے۔ نبی کریم ﷺ نے ارشاد فرمایا: دین خیرخواہی کا نام ہے۔ (مسلم، ص 47، حدیث: 95)

یہ حدیث ہمیں سکھاتی ہے کہ دین اسلام میں خیرخواہی کا تصور بنیادی اہمیت رکھتا ہے اور کسی کو مشورہ دیتے وقت دیانت داری اور خلوص کا ہونا ضروری ہے۔

نبی کریم ﷺ نے ارشاد فرمایا: جس نے کسی مسلمان کو دھوکہ دیا، وہ ہم میں سے نہیں ہے۔ (مسلم، ص 64، حدیث: 283)

دنیا میں رہتے ہوئے ہر انسان کا ایک دوسرے کے ساتھ رابطہ اور باہمی لین دین کے لیے ایک دوسرے سے واسطہ پڑتا ہے اس لیے ہر کسی کو مشورے کی ضرورت ہوتی ہے اگر کوئی شخص کاروبار کرے تو بھی اسے اچھا کاروبار چلانے کے لیے مشورے کی ضرورت ہوتی ہے اگر کوئی شادی بیاہ کا معاملہ ہو تو بھی مشورہ کرنے کی ضرورت ہوتی ہے الغرض ہر کام مشورے کے بغیر مکمل نہیں ہوتا اس لیے بہتر ہے کہ ہر کام سے پہلے مشورہ ضرور کر لیا جائے اور جس سے مشورہ لیا جائے اس کو بھی چاہیے کہ اچھا اور مناسب مشورہ دے غلط مشورہ ہرگز نہ دے اسی طرح ایک اچھے مشورے سے انسان کو اپنے مسائل کا حل مل جاتا ہے۔

حضرت عمر رضی اللہ عنہ فرماتے ہیں: آدمی تین قسم کے ہیں ایک وہ آدمی جو معاملات میں اپنی مضبوط اور مستقل رائے رکھتا ہے دوسرا وہ جس کی اپنی کوئی مستقل رائے نہیں ہوتی لیکن وہ مستقل رائے والے سے مشورہ کر کے اپنے معاملات چلاتا ہے تیسرا وہ آدمی جس کی نہ اپنی رائے مضبوط ہوتی ہے نہ وہ کسی سے مشورہ کرتا ہے ایسا شخص پریشان رہتا ہے۔

مشورہ اگر کوئی مانگے تو اسے منع نہ کرے اور اگر جان بوجھ کر کوئی غلط مشورہ دیں تو وہ گنہگار ہوگا۔ حدیث پاک میں ہے: اگر کوئی مسلمان کسی سے مشورہ حاصل کرے اور وہ جان بوجھ کر غلط مشورہ دے تاکہ وہ مصیبت میں گرفتار ہو جائے تو وہ خیانت کرنے والا ہے۔ (مراۃ المناجیح، 1/212)

مشورہ لینے کے متعلق آقا ﷺ نے فرمایا: جب وہ تجھ سے کوئی مشورہ طلب کرے تو اس کی خیر خواہی کرتے ہوئے اسے اچھا مشورہ دے۔ (مسلم، ص 919، حدیث: 5651)

مشورہ اس لیے بھی کرنا ضروری ہے کہ مشورہ کرنا سنت ہے جیسے کہ میرے پیارے آقا ﷺ بھی اپنے ہر معاملے میں اپنی ازواج مطہرات اور صدیق اکبر رضی اللہ عنہ سے مشورہ کیا کرتے تھے جب آپ ﷺ نے اپنی بیٹی حضرت فاطمہ زہرا کا نکاح حضرت علی رضی اللہ عنہ سے فرمانے کا ارادہ کیا تو بھی اس کے لیے مشورہ حضرت صدیق اکبر رضی اللہ عنہ سے کیا۔

رسول اللہ ﷺ نے ارشاد فرمایا: جس شخص نے علم کے بغیر فتویٰ دیا اس کا گناہ فتویٰ دینے والے پر ہے اور جس نے اپنے مسلمان بھائی کو مشورہ دیا حالانکہ وہ جانتا ہے بھلائی اور بہتری اس کے برعکس میں ہے اس کے علاوہ کسی صورت میں ہے تو اس نے خیانت کی۔ (ابو داود، 3/449، حدیث:3657)

مشورہ کرنے والا شخص کبھی ناکام نہیں ہوتا بلکہ جو مشورہ کر لیتا ہے اگر مشورہ دینے والا بہترین خیر خواہ ہو تو مشورہ لینے والا اگرچہ اپنے مقصد تک نہ پہنچ پائے لیکن وہ ناکام نہیں ہوتا بلکہ خسارے سے بچ جاتا ہے۔

نبی کریم ﷺ نے فرمایا: جو بندہ مشورہ لے وہ کبھی بدبخت نہیں ہوگا اور جو بندہ اپنے رائے کو حرف آخر سمجھے وہ کبھی نیک بخت نہیں ہوتا۔

جب ہم کوئی تاریخی واقعہ پڑھتے ہیں یا کسی کی سلطنت کو دیکھتے ہیں تو جو بات سامنے آتی ہے وہ یہی ہے کہ جتنی بھی فتوحات ہوئی یا جس کو بہت بڑی سلطنت ملی وہ مشورہ کرنے سے ہی پایا تکمیل تک پہنچا ہے جیسا کہ جنگ بدر میں بھی آقا ﷺ کے باہم مشورے سے فتح ہوئی۔

آقا ﷺ نے فرمایا: مشورہ کرنے والا نا مراد نہیں ہوتا۔

کبھی ایسا ہوتا ہے کہ کوئی مشورہ کرنا چاہتا ہے اگر آپ سے کوئی مشورہ لینا چاہتا ہے تو آپ خیرخواہانہ انداز سے بہتر طریقے سے جو بات آپ کو درست معلوم ہو اسی کا مشورہ دیں گے کیونکہ جس سے مشورہ کیا جاتا ہے وہ امانت ہے اور وہ اپنے آپ کو امانت داری کا مظاہرہ کرے۔ جیسا کسی کا تعلیم کا مسئلہ ہے کسی کی جاب کا مسئلہ ہے کسی کے کاروبار کا مسئلہ ہے آپ کو معلوم ہے کہ تعلیم کہاں اچھی ہوتی ہے مگر آپ اس کا نقصان کرنے کے لیے کوئی غلط مشورہ اس کو دے رہے ہیں تو یہ خیانت ہے یہ بری بات ہے اسلامی آداب کے خلاف ہیں انسانی مروت اور شرافت کے خلاف ہے آپ کو معلوم ہے جو صحیح اور درست رائے ہے وہ اس کو دیجئے اور اگر نہیں دینا چاہتے تو اس کو انکار کر دیں یا معذرت کر دیں مگر جھوٹی بات مت بتائیے کل جب آپ کو ضرورت پڑے گی تو کوئی آپ کی مدد بھی ایسے ہی کرے گا، کیونکہ یہ مکافات عمل ہے جیسے کرو ویسے ہی پاؤ! آپ دوسروں کے ساتھ جو خیر ہوا ہی کریں گے اللہ تعالیٰ ایسے بندوں کو پیدا فرمائے گا جو آپ کے حق میں خیرخواہ بن جائے گا اسی طرح اگر کہیں کوئی رشتے کا مسئلہ ہے بیٹے کا بیٹی کا اور وہ آپ سے معلومات لے رہا ہے آپ جھوٹی بتائیں گے اور وہ اس کی بنیاد پر رشتہ کر لے تو بعد میں رشتے خراب ہو جائیں کتنا نقصان ہے ماں باپ کے لیے کیا قیامت گزر رہی ہوگی، مثلا علیحدگی ہو جائے طلاق ہو جائے یا اس طرح کے کئی اور واقعات ہو جائیں اس لیے اگر کوئی آپ سے مشورہ کرے دیانتداری سے امانت داری سے صحیح صحیح مشورہ دیں۔

نبی پاک ﷺ نے ارشاد فرمایا: جس شخص نے اپنے مسلمان بھائی کو کسی معاملے میں مشورہ دیا حالانکہ وہ جانتا ہے کہ بہتری اس کے علاوہ کسی دوسری صورت میں ہے تو اس نے اس سے خیانت کی۔(ابو داود، 3/449، حدیث:3657)

کسی کو برباد کرنے کی سوچ ہی آپ کی بربادی کے لیے کافی ہے! میرے نبی پاک ﷺ نے فرمایا: جس سے مشورہ لیا جائے وہ امانت دار ہے۔ (ترمذی، 4/375، حدیث: 2831) تمہیں کوئی بندہ اپنے گھر کی ذاتی بات بتائے رائے لے رہا ہے تم اسے نشر کر رہے ہو آگے بیان کر رہے ہو کبھی اپنے دوستوں کا راز ادھر ادھر نہ کرو۔

رسول اللہ ﷺ کے زمانے میں عام اور ریاست سے متعلق مشوروں کی جگہ مسجد ہی ہوتی تھی وہیں آپ کی مجلس تھی وہیں مشورے بھی ہوتے تھے اور فیصلے بھی ہوتے تھے لہذا یہ کہنا درست ہے کہ مشورے کا عمل مساجد میں ہونا تھا لیکن خفیہ نوعیت کے مشورے آپ خاص جگہوں میں بھی فرماتے تھے، جیسا کہ ہجرت کے موقع پر آپ نے حضرت ابوبکر رضی اللہ عنہ کے گھر جا کر ان سے علیحدگی میں بات کی۔

الله نے اپنے محبوب کریم ﷺ سے ارشاد فرمایا: وَ  شَاوِرْهُمْ  فِی  الْاَمْرِۚ- ( پ 4، آل عمران:159 ) ترجمہ: اور کاموں میں ان سے مشورہ لو۔ اس میں ان کی دلداری بھی ہے اور عزت افزائی بھی اور یہ فائدہ بھی کہ مشورہ سنت ہوجائے گا اور آئندہ امت اس سے نفع اٹھاتی رہے گی۔

عام طور پر خیانت کا مفہوم مالی امانت کے ساتھ خاص سمجھا جاتا ہے کہ کسی کے پاس مال امانت رکھوایا پھر اس نے واپس کرنے سے انکار کردیا تو کہا جاتا ہے کہ اس نے خیانت کی، یقینا یہ بھی خیانت ہی ہے لیکن خیانت کا شرعی مفہوم بڑا وسیع ہے، چنانچہ حکیم الامت مفتی احمد یار خان رحمۃ اللہ علیہ لکھتے ہیں: خیانت صرف مال ہی میں نہیں ہوتی راز، عزت مشورہ تمام میں ہوتی ہے۔ (مراۃ المناجيح، 1/212)

احادیث مبارکہ میں خیانت کے کئی انداز بیان کئے گئے ہیں، چنانچہ فرمانِ مصطفیٰ ﷺ ہے: جو اپنے بھائی کو کسی معاملے میں مشورہ دے حالانکہ وہ جانتا ہے کہ درستی اس کے علاوہ میں ہے اس نے اس کے ساتھ خیانت کی۔ (ابو داود، 3/449، حدیث: 3657) یعنی اگر کوئی مسلمان کسی سے مشورہ حاصل کرے اور وہ دانستہ غلط مشورہ دے تاکہ وہ مصیبت میں گرفتار ہوجائے تو وہ مشیر پکا خائن یعنی خیانت کرنے والا ہے۔ (مراة المناجيح، 1/212)

جس طرح اچھا مشورہ دینے کی برکتیں اور فضایل ہیں اسی طرح غلط مشورہ دینا بھی وبال کا باعث ہے کیونکہ جب کوئی کسی سے مشورہ طلب کرتا ہے تو وہ اسکو اپنا قریبی سمجھ کر اور یہ سوچ کر مشورہ کرتا ہے کہ جس سے مشورہ کر رہا ہوں وہ میری اچھی بات کی طرف رہنمائی کرے گا تو مشورہ بھی ایک امانت کی طرح ہے تو امانت کی حفاظت کا حکم آیا ہے ایک انسان ہمیں اپنی کسی بات میں ایک طرح ساتھی بھی بنا رہا ہے تو ہمیں دوسروں کو ہمیشہ درست مشورہ ہی دینا چاہیے۔

غلط مشورہ دینے کی مثال: مثال کے طور پر ایک شحص نے آپ سے پوچھا کہ میں چاہتا ہوں کہ میں فلاں جگہ نوکری کروں وہاں تنحواہ زیادہ ہے لیکن کمائی کچھ حلال نہیں ہے لیکن جہاں نوکری کر رہا ہوں وہاں کمائی تھوڑی ہے لیکن حلال کی ہے تو جس سے مشورہ کیا جا رہا ہے وہ اس کو حرام روزی کی تباہ کاری سے آگاہ کرتے ہوئے یہی مشورہ دے کہ وہ حلال کی کمائی پر ہی رہے۔

مشورے کے معنی ہے رائے دریافت کرنا مشورے کا متضاد غلط مشورہ ہے یعنی غلط رائے دینا ہے قرآن وحدیث میں غلط مشورہ دینے کی وعید بیان کی گئی ہے، چنانچہ حدیث پاک میں آتا ہے کہ رسول اللہ ﷺ نے فرمایا: جو اپنے بھائی کو جان بوجھ کر غلط مشورہ دے تو اس نے اپنے بھائی سے خیانت کی۔ (ابو داود، 3/449، حدیث:3657) خیانت صرف مال میں نہیں ہو تی بلکہ مشورے میں بھی ہوتی ہیں کسی کو جانتے بوجھتے ہوئے بھی غلط مشورہ دینا خیانت ہے غلط مشورہ دینے سے بچ کر خیانت سے بچنا چاہیے کہیں یہ نہ ہو غلط مشورہ دے کر خیانت جیسا گناہ کر بیٹھے۔

امانت داری اور خیانت: ہر مسلمان پر امانت داری واجب اور خیانت کرنا حرام اور جہنم میں لے جانے والا کام ہے۔ (باطنی بیماریوں کی معلومات، ص 172) اوپر دو چیز یں بیان کی گئی ہے:

1۔ امانت داری: ہر کسی پر واجب ہے مشورہ بھی امانت ہے تو ہر کسی پر اچھا مشورہ دینا بھی واجب ہے۔

2۔ خیانت کی سزا: خیانت کرنا حرام اور جہنم میں لے جانے والا کام ہے غلط مشورہ بھی خیانت ہے اگر کسی کو غلط مشورہ دے گے تو یہ بھی حرام ہو گا اور ہر حرام کام جہنم میں لے جانے کا سبب ہے۔

کیسا مشورہ دیا جائے؟ ہم میں سے ہر ایک کو غور کرنا چاہیے کہ ہم کسی کو غلط مشورہ دے تو خوب سوچ سمجھ کر دے ہر طرح سے درست مشورہ دے اور یہ بھی غور کرنا چاہیے کہ مشورہ کس معاملے میں ہے کہ کہیں کسی ناجائز گناہ کے کام کا مشورہ تو نہیں دے رہے ہر طرح سے درست اور جائز مشورہ ہی دے اور خیانت سے بچے۔

مشورہ کس سے لے؟ مشورہ لینے والے کو غور کرنا چاہیے کہ وہ کس سے مشورہ لے رہا ہے مشورہ ہمیشہ دانستہ،صیح عقیدہ،متقی،مفسر،علماءیا فقہائے کرام وغیرہ سے کرنا چاہیے کیونکہ یہ حضرات خوف خدا میں رہ کر مشورہ دیں گے اور یقیناً ان کا مشورہ ٹھیک ہوگا اور یہاں وہاں ہر ایک سے مشورہ نہیں کرنا چاہیے بلکہ کسی صحیح عقیدہ متقی سے ہی مشورہ کر نا چاہیے۔

بدعقیدہ سے مشورے کا انجام: حضرت موسیٰ علیہ السلام اور ان کے بھائی حضرت ہارون علیہ السلام نے جب خدائی کا دعویٰ کرنے والے فرعون کو ایمان کی دعوت دی تو اس نے اپنی بیوی حضرت آسیہ سے مشورہ کیا انہوں نے فرمایا! کسی شخص کے لئے مناسب نہیں ہے کہ ان دونوں کی دعوت ایمان کو رد کر دے فرعون اپنے وزیر ہامان سے مشورہ کیے بغیر کوئی کام نہیں کر تا تھا جب اس نے ہامان سے مشورہ کیا تو اس نے کہا: میں تو تمہیں عقل مند سمجھتا تھا تم حاکم ہویہ دعوت قبول کر کے محکوم بن جاؤ گے اور تم رب ہو اسے قبول کر نے پر بندے بن جاؤ گے چنانچہ ہامان کے غلط مشورے پر عمل کرنے کی وجہ سے دعوت ایمان قبول نہ کرسکا۔ (تفسیر روح المعانی، جزء 16، ص 682) ہامان کے غلط مشورے کی وجہ سے فرعون دعوت ایمان قبول کر نے سے محروم رہا اور گمراہ ہو کر تباہ وبرباد ہو گیا غلط لوگوں سے مشورہ تباہ وبرباد کر دیتا ہے مشورہ ہمیشہ سوچ سمجھ کر کرنا چاہیے۔

مشورہ انسان کی زندگی کا ایک اہم جزو ہوتا ہے، جس سے وہ کسی مسئلے کا حل یا رہنمائی حاصل کرنے کی کوشش کرتا ہے۔ اس لئے جب مشورہ غلط ہوتا ہے، تو اس کا نتیجہ اکثر نقصان دہ ہوتا ہے۔ غلط مشورے کی صورت میں نہ صرف فرد کی سوچ یا عمل متاثر ہوتا ہے بلکہ اس کے ساتھ ساتھ وہ دیگر لوگوں کی زندگیوں پر بھی اثر انداز ہوتا ہے۔ غلط مشورہ دینے والے کی نیت اگرچہ مثبت ہو سکتی ہے، لیکن اس کے نتائج کا اثر تباہ کن ہو سکتا ہے۔ اس لئے جب بھی مشورہ دیں تو سوچ سمجھ کر مشورہ دیں۔

قرآن کریم میں ایک آیت مبارکہ اس متعلق ہے جس میں اللہ پاک نے انسانوں کو نصیحت فرمائی ہے کہ ہم ایک دوسرے کو سچائی اور اچھے عمل کی طرف رہنمائی کریں۔ چنانچہ اللہ پاک قرآن کریم کے پارہ 30 میں ارشاد فرماتا ہے: وَ تَوَاصَوْا بِالْحَقِّ ﳔ وَ تَوَاصَوْا بِالصَّبْرِ۠(۳) (پ 30، العصر: 3) ترجمہ: ایک دوسرے کو حق کی تاکید کی اور ایک دوسرے کو صبر کی وصیت کی۔ اس آیت مبارکہ سے ہمیں یہ سبق ملتا ہے کہ جب کوئی ہم سے مشورہ، رہنمائی مانگے تو حق کی رہنمائی دینی چاہیے۔

فرمان مصطفیٰ ﷺ: جو اپنے بھائی کو کسی چیز کا مشورہ یہ جانتے ہوئے دے کہ درستی اس کے علاوہ میں ہے اس نے اس کی خیانت کی۔ یعنی اگر کوئی مسلمان کسی سے مشورہ حاصل کرے اور وہ دانستہ غلط مشورہ دے تاکہ وہ مصیبت میں گرفتار ہوجائے تو وہ مشیر پکا خائن ہے خیانت صرف مال ہی میں نہیں ہوتی، راز، عزت، مشورے تمام میں ہوتی ہے۔ (مراۃ المناجیح، 1 /242)

مشورہ کرنا سنت سرکار ہے حضور خاتم النبیین ﷺ نے میدان بدر میں جگہ کے انتخاب کے بارے میں حضرت خباب بن منذر رضی الله عنہ کا مشورہ قبول فرمایا، جس کا مسلمان لشکر کو بہت فائدہ ہوا۔ (تاریخ اسلام، 3/286 )

مشورہ کرنا برکت کی چابی ہے جس کی وجہ سے غلطی کا امکان کم ہو جاتا ہے۔

غلط مشورہ نہ دیجئے جس سے مشورہ کیا جائے اسے چاہیے کہ درست مشورہ دے، ورنہ خیانت کرنے والا ٹھہرے گا۔ فرمان مصطفیٰ ﷺ: جو اپنے بھائی کو جان بوجھ کر غلط مشورہ دے۔ تو اس نے اپنے بھائی کے ساتھ خیانت کی۔ (ابو داود، 3/449، حدیث: 3657)

نبی کریم ﷺ نے فرمایا: دین کا خیرخواہی کا نام ہے۔ (مسلم، ص 47، حدیث: 95) اس حدیث مبارکہ کا مفہوم یہ ہے کہ دین میں ایک دوسرے کو نیک مشورہ دینا ضروری ہے، اور صحیح مشورہ دینا اسلام پر اہم عمل ہے۔ غلط مشورہ دینا کسی کی ہدایت میں رکاوٹ بن سکتا ہے اور نقصان ہوسکتا ہے۔ اس لئے ہمیشہ سچائی اور اچھائی کی طرف رہنمائی کرنی چاہیے۔

ہر مسلمان کے لئے ضروری ہے کہ غلط مشورہ دینے سے خود کو بچائے اور اپنی رائے ایمانداری سے دے، مشورہ کرنے کے لئے وہ لوگ مناسب ہیں، جن کا کردار اسلامی اصولوں کے مطابق ہو۔

الله پاک سے دعا ہے کہ ہمیں اپنی زندگیوں کے ہر معاملے میں اچھا فیصلہ کرنے کی توفیق بخشے اور غلط مشورہ دینے، لینے سے بچائے۔ آمین

مشورہ کے معنیٰ ہیں کسی معاملے میں کسی کی رائے دریافت کرنا۔ کام کسی بھی نوعیت کا ہو! اسے کرنے کے لئے کسی سے مشورہ کر لینا بہت مفید ہے۔ اللہ پاک نے اپنے نبی محمد عربی ﷺ کو صائب الرّائے (یعنی درست رائے والا) ہونے کے باوجود صحابۂ کرام علیہم الرضوان سے مشورہ لینے کا فرمایا کہ اس میں ان کی دلجوئی بھی تھی اور عزّت افزائی بھی! چنانچہ مشورہ کرنا سنّت سرکار ہے۔

حدیث شریف میں ہے: جب امانت ضائع کر دی جائے تو قیامت کا انتظار کرو۔ (بخاری، 1/36، حدیث: 59 ملخصاً) غلط مشورہ دینا امانت میں خیانت ہے اور اسکا انجام برا ہوگا غلط مشورہ دینا ایک سنگین گناہ ہے۔ مشورہ دیتے وقت نیت صاف اور دیانتداری کا مظاہرہ کرنا چاہیے۔ قرآن و حدیث ہمیں حکم دیتے ہیں کہ ہم کسی کو دھوکہ نہ دیں اور خیر خواہی کریں۔ اگر ہم کسی کو جان بوجھ کر غلط مشورہ دیتے ہیں، تو یہ دنیا میں نقصان اور آخرت میں عذاب کا سبب بن سکتا ہے۔

قرآن و حدیث میں غلط مشورہ دینے کے مزید پہلو اور اس کے خطرات پر مختلف انداز سے روشنی ڈالی گئی ہے۔ ذیل میں مزید تفصیل درج ہے:

حدیث مبارکہ میں ہے کہ جو اپنے بھائی کو کسی معاملے میں مشورہ دے حالانکہ وہ جانتا ہے کہ درستی اس کے علاوہ میں ہے اس نے اس کے ساتھ خیانت کی۔ (ابو داود، 3/449، حدیث: 3657) یعنی اگر کوئی مسلمان کسی سے مشورہ حاصل کرے اور وہ دانستہ غلط مشورہ دے تاکہ وہ مصیبت میں گرفتار ہوجائے تو وہ مشیر پکا خائن(یعنی خیانت کرنے والا)ہے۔ (مراۃ المناجیح،1/212)

غلط مشورہ نہ دیجئے جس سے مشورہ کیا جائے اسے چاہئے کہ درست مشورہ دے ورنہ خائن (یعنی خیانت کرنے والا) ٹھہرے گا، فرمان مصطفٰے ﷺ ہے: جو اپنے بھائی کوجان بوجھ کر غلط مشورہ دے تواس نےاپنے بھائی کے ساتھ خیانت کی۔ (ابو داود، 3/449، حدیث: 3657) یعنی اگر کوئی مسلمان کسی سے مشورہ حاصل کرے اور وہ دانستہ غلط مشورہ دے تاکہ وہ مصیبت میں گرفتار ہو جائے تو وہ مشیر (یعنی مشورہ دینے والا) پکّا خائن ہے خیانت صرف مال ہی میں نہیں ہوتی، راز، عزت، مشورے تمام میں ہوتی ہے۔ (مراۃ المناجیح، 1/ 212)

غلط مشورہ کا ایک عبرت انگیز واقعہ بھی ملاحظہ کیجئے چنانچہ حضرت موسیٰ کلیم اللہ اور حضرت ہارون علیہما السلام نے جب خدائی کا جھوٹا دعوی کرنے والے فرعون کو ایمان کی دعوت دی تو اس نے اپنی بیوی حضرت سید تنا آسیہ رضی اللہ عنہا سے مشورہ کیا۔ انہوں نے ارشاد فرمایا: کسی شخص کیلئے مناسب نہیں ہے کہ ان دونوں کی دعوت کو رد کردے۔ فرعون اپنے وزیر ہامان سے مشورہ کئے بغیر کوئی کام نہیں کرتا تھا، جب اس نے ہامان سے مشورہ کیا تو اس نے کہا: میں تو تمہیں عقل مند سمجھتا تھا ! تم حاکم ہو، یہ دعوت قبول کر کے محکوم بن جاؤ گے اور تم رب ہو، اسے قبول کرنے کی صورت میں بندے بن جاؤ گے ! چنانچہ ہامان کے مشورے پر عمل کی وجہ سے فرعون دعوت ایمان کو قبول کرنے سے محروم رہا۔ (تفسیر روح المعانی، جزء 16، ص 682)

آخر میں اللہ پاک سے دعا ہے کہ ہمیں اچھا مشورہ دے کر سنت نبوی ﷺ پر عمل کرنے کی توفیق عطا فرمائے۔ آمین