22 دسمبر  کو شمالی دنیا بشمول پاکستان میں سال کا سب سے چھوٹا دن اور سب سےلمبی رات ہوتی ہےجبکہ اسی تاریخ کو جنوبی دنیا کے لئے سال کا سب سے بڑا دن اور سب سے چھوٹی رات ہوتی ہے۔

٭سورج کی سالانہ حرکت٭

سورج سال میں دومرتبہ(21مارچ اور 23ستمبر کو) وسط دنیا یعنی خط استوا (Equator) پر پہنچتا ہے۔ان دو ایام میں ساری دنیا میں نُجومی اعتبارسے دن رات برابر ہوتے ہیں یعنی 12 گھنٹے کا دن اور 12 گھنٹے کی رات۔

21مارچ کے بعد سورج جانبِ شمال ہٹتا چلا جاتا ہے یہاں تک کہ 21جون کو ”خَطِّ سرطان“ (Tropic of Cancer)یا ”میلِ اعظم شمالی“ پر پہنچتا ہے۔اس روز نِصف شمُالی کُرَّہ (North Hemisphare) میں بشمول پاکستان سال کا سب سے بڑا دن اور نِصْف جُنوبی کُرہ (South Hemisphare) میں سال کا سب سے چھوٹا دن ہوتاہے پھر سورج واپس خطِّ اِستوا (Equator)کی طرف آتاہے اور 23 ستمبر کو دوبارہ خط استواپر پہنچتا ہے نیز ساری دنیا میں ”نُجومی“ اعتبار سے دن رات برابر ہوجاتے ہیں ۔

شعبہ فلکیات دعوتِ اسلامی کے تحت 2025ء میں ہونے والے اسلامی تہواروں  (Islamic events) کی متوقع تواریخ کا اعلان کردیا گیا ہے جس میں رمضانُ المبارک، عید الفطر، عید الاضحیٰ، عید میلاد النبی صلَّی اللہ علیہ واٰلہٖ وسلَّم اور مختلف بزرگانِ دین کے اعراس سمیت دیگر Islamic events شامل ہیں۔

٭16 جنوری 2025ء بمطابق 15 رجب المرجب 1446ھ یومِ امام جعفر صادق رحمۃ اللہ علیہ٭23 جنوری 2025ء بمطابق 22 رجب المرجب 1446ھ یومِ امیرِ معاویہ رضی اللہ عنہ٭28 جنوری 2025ء بمطابق 27 رجب المرجب 1446ھ یومِ معراج النبی صلَّی اللہ علیہ واٰلہٖ وسلَّم٭14 فروری 2025ء بمطابق 14 شعبانُ المعظم 1446ھ شبِ برأت٭2 مارچ 2025ء بمطابق 1 رمضانُ المبارک 1446ھ یکم رمضانُ المبارک٭22 مارچ 2025ء بمطابق 21 رمضانُ المبارک 1446ھ یومِ مولا علی شیرِ خدا رضی اللہ عنہ٭28 مارچ 2025ء بمطابق 27 رمضانُ المبارک 1446ھ شبِ لیلۃُالقدر٭31 مارچ 2025ء بمطابق 01 شوالُ المکرم 1446ھ عید الفطر٭07 جون 2025ء بمطابق 10 ذوالحجۃ الحرام 1446ھ عید الاضحیٰ٭15 جون 2025ء بمطابق 18 ذوالحجۃ الحرام 1446ھ یومِ عثمانِ غنی رضی اللہ عنہ ٭27 جون 2025ء بمطابق 01 محرم الحرام 1447ھ یومِ فاروقِ اعظم رضی اللہ عنہ ٭06 جولائی 2025ء بمطابق 10 محرم الحرام 1447ھ یومِ شہدائے کربلا رضی اللہ عنہم ٭20 اگست 2025ء بمطابق 25 صفر المظفر 1447ھ یومِ امام احمد خان رحمۃ اللہ علیہ ٭05 ستمبر 2025ء بمطابق 12 ربیع الاول 1447ھ عید میلاد النبی صلَّی اللہ علیہ واٰلہٖ وسلَّم٭04 اکتوبر 2025ء بمطابق 11 ربیع الآخر 1447ھ یومِ غوثِ اعظم رحمۃ اللہ علیہ٭ 14 دسمبر 2025ء بمطابق 21 جمادی الآخر 1447ھ یومِ صدیقِ اکبر رضی اللہ عنہ۔

الحمد اللہ  عزوجل عاشقان رسول کی تحریک دعوت اسلامی خیر خواہی امت کے جذبے کے تحت مختلف شعبہ جات کے ذریعے دنیا بھر میں مسلمانوں کو درپیش مسائل کے حل کے لیے کوشاں ہے اسی سلسلے میں شعبہ فلکیات وقتا فوقتا اپنی خدمات پیش کرتا رہتا ہے ۔

اعلیٰ حضرت رَحْمَۃُ اللّٰہِ عَلَیْہِ کے ایجادکردہ علمِ توقیت کے اصول و قوانین کے مطابق دنیا بھر کے بے شمار شہروں (بشمول حرمین طیبین) کے اوقاتِ نماز اور سحروافطار کے نقشہ جات تیار کئے ہیں ۔ ان نقشہ جات کو مکتبۃُ المدینہ نے چھاپ کر مقامی مساجد اور گھروں کی زینت بھی بنا دیا ہے، بلکہ مجلسِ توقیت کے اراکین کی کوشش سےپاکستان بھر کے تقریباً پونے دو ہزار مقامات کے اوقاتِ نماز ،سحروافطار اور سمتِ قبلہ پر مشتمل عظیم الشان کتاب بنام ”اوقاتِ نماز برائے پاکستان“ بھی چھپ کر منظرِ عام پر آچکی ہے۔

شعبہ فلکیات کی ایک اور خدمت پیش نظر ہے 2025 میں اسلامی اور ہجری مہینوں کا متوقع آغاز و اختتام اور دورانیہ پر مشتمل ایک شاندار رپورٹ جاری کیا ہے جس سے آپ خود بھی فائدہ اٹھا سکتے ہیں اور دیگر مسلمانوں کے لئے اسےزیادہ سے زیادہ شیئر کر کے خیر خواہی امت کے عظیم کام میں اپنا حصہ شامل کر کے ثواب کے حقدار بھی بن سکتے ہیں۔(کانٹینٹ: محمد شعیب احمد عطاری)

مزید معلومات کے لئے دیئے گئے واٹس ایپ نمبر رابطہ کریں

Whatsapp#03177799717

عاشقانِ رسول کی دینی تحریک دعوتِ اسلامی کے شعبہ اوقات الصلوٰۃ کے تحت 15 دن( 25 اکتوبر تا 8 نومبر 2024ء) پر مشتمل ہونے جارہا ہے ”مسائلِ اوقات و سمتِ کعبہ کورس“ جو کہ آن لائن منعقد کیا جائے گا ۔

معلومات کے مطابق اس کورس کا دورانیہ روزانہ رات 8:00 تا 8:40 تک علاوہ اتوار ہوگا جس میں عاشقانِ رسول کو کُتُب فقہ سے اوقاتِ روزہ و نماز اور سمتِ قبلہ کے مسائل آسان انداز میں تصاویر کی مدد سے سکھائے جائیں گے نیز پریئر ٹائم ایپلی کیشن کے استعمال کا طریقہ بھی بتایا جائے گا۔

شعبہ اوقات الصلوٰۃ دعوت اسلامی کے زیرِاہتمام پاکستان بھر میں 12 مقامات پر 6 دن کا علم توقیت، فلکیات اور جغرافیہ کورس کا انعقاد کیا گیا۔

ان میں سے ایک مقام عالمی مدنی مرکز فیضان مدینہ کراچی بھی تھا جس میں جامعۃ المدینہ بوائز کے طلبہ کرام کے علاوہ دیگر نے بھی شرکت کی ۔

فیضان مدینہ کراچی میں ہونے والے کورس میں مولانا عبد القادر عطاری مدنی نے شرکا کو سورج اور چاند کی مدد سے نمازوں و روزوں کے وقت نکالنے کے حوالے سے رہنمائی کی۔

کورس کے اختتام پر 29 فروری 2024ء کو امتحان اور تقسیم اسناد کا سلسلہ بھی ہوا جس میں کامیاب ہونے والے طلبائے کرام میں ناظم اسلامک ریسرچ سینٹر مولانا آصف خان عطاری مدنی اور دیگر نے سرٹیفکیٹ تقسیم کیے۔

واضح رہے کہ !اس کورس کا سیکنڈ لیول رمضان المبارک 1445ھ کے فوری بعد آن لائن شروع ہوجائے گا ۔(کانٹینٹ:رمضان رضا عطاری)

درس نظامی  کرنے والے طلبا اور علمائے کرام نیز میٹرک پاس اسٹوڈنٹس کے لئے شعبہ اوقات الصلاۃ (دعوت اسلامی) کی جانب سے 22 فروری 2024ء سے پاکستان بھر میں 12 مقامات پر 6 دن کا علم توقیت ، فلکیات و جغرافیہ کورس ہونے جارہا ہے ۔

اس کورس میں آپ سیکھ سکتے ہیں۔

1۔پانچوں نمازوں کے اوقات معلوم کرنا

2۔ دنیا کے کسی بھی مقام کے لئے سمت قبلہ معلوم کرنا

3۔سورج دیکھ کر وقت معلوم کرنے کا فارمولا

4۔چھے ماہ کا دن/ چھے ماہ کی رات کہاں، کیسےاور کیوں ہوتی ہے

5۔دن رات کیسے بنتے ہیں

6-دن رات چھوٹے بڑے کیوں ہوتے ہیں

7-سردیاں اور گرمیاں کیسے آتی ہیں

8- جنوبی ممالک میں دسمبر میں گرمی اور جون میں سردی کیوں ہوتی ہے

9-چاند کبھی چھوٹا کبھی بڑا کیوں نظر آتا ہے۔ اور بہت کچھ

مقامات:

پاکستان کے 12 مختلف مقامات(عالمی مدنی مرکز فیضان مدینہ کراچی، فیضان مدینہ حیدرآباد، فیضان مدینہ فیصل آباد، فیضان مدینہ اوستہ محمد( بلو چستان)، فیضان مدینہ اڈیالہ روڈ (راولپنڈی)، فیضان مدینہ خان پور، فیضان مدینہ صادق آباد،جامعۃ المدینہ چنیوٹ،جامعۃ المدینہ کاہنہ نو لاہور،جامعۃ المدینہ کبیر والا،جامعۃ المدینہ ڈیفنس لاہور، جامعۃ المدینہ مکہ ٹاؤن فیصل آباد )پر یہ کورس ہورہا ہے۔

داخلہ فارم میں اپنے پسندیدہ کسی بھی مقام کا انتخاب کر سکتے ہیں۔توقیت و فلکیات کورس میں داخلہ اس لنک کے ذریعے کروائیں۔ https://forms.gle/MMVcrfkRiBy25Sug9

اہم ہدایات!

01۔ تمام کالم پُر کرنا لازمی ہیں۔

02۔ ..جن احباب کا داخلہ ہوگیا انہیں واٹس ایپ گروپ میں شامل کر دیا جائے گا۔

03۔..جو گروپ میں شامل نہ ہوئے ہوگے انہیں میسیج کر کے بتا دیا جائے گا ۔

04۔...احتیاطاً داخلہ فارم جمع کرواتے ہی واٹس ایپ بھی کر دیجئے۔03431164026

نوٹ: مکمل کورس کتاب ”نصاب توقیت“سے پڑھایا جائے گا۔ لہذا مکتبۃ المدینہ سے کتاب حاصل کیجئے ۔

داخلے کے لئے رابطہ:

12 جنوری  2024ء بروز جمعۃ المبارک عالمی مدنی مرکز فیضانِ مدینہ کراچی میں رجب المرجب 1445ھ کا چاند دیکھنے کے لئے ایک نشست کا انعقاد کیا گیا۔

اس موقع پر شعبہ اوقات الصلوٰۃ کے اراکین اور تخصص فی التوقیت کے طلبہ نے دوربین (Telescope) کی مدد سے چاند کی رؤیت کا اہتمام کیا ۔ ( کانٹینٹ :رمضان رضا عطاری)

22 دسمبر  کو شمالی دنیا بشمول پاکستان میں سال کا سب سے چھوٹا دن اور سب سےلمبی رات ہوتی ہے

جبکہ اسی تاریخ کو جنوبی دنیا کے لئے سال کا سب سے بڑا دن اور سب سے چھوٹی رات ہوتی ہے۔

٭سورج کی سالانہ حرکت٭

سورج سال میں دومرتبہ(21مارچ اور 23ستمبر کو) وسط دنیا یعنی خط استوا (Equator) پر پہنچتا ہے۔ان دو ایام میں ساری دنیا میں نُجومی اعتبارسے دن رات برابر ہوتے ہیں یعنی 12 گھنٹے کا دن اور 12 گھنٹے کی رات۔

21مارچ کے بعد سورج جانبِ شمال ہٹتا چلا جاتا ہے یہاں تک کہ 21جون کو ”خَطِّ سرطان“ (Tropic of Cancer)یا ”میلِ اعظم شمالی“ پر پہنچتا ہے۔اس روز نِصف شمُالی کُرَّہ (North Hemisphare) میں بشمول پاکستان سال کا سب سے بڑا دن اور نِصْف جُنوبی کُرہ (South Hemisphare) میں سال کا سب سے چھوٹا دن ہوتاہے ۔

پھرسورج واپس خطِّ اِستوا (Equator)کی طرف آتاہے اور 23 ستمبر کو دوبارہ خط استواپر پہنچتا ہے۔ اور ساری دنیا میں ”نُجومی“ اعتبار سے دن رات برابر ہوجاتے ہیں ۔

23 ستمبر سے سورج جانبِ جنوب ہٹتاچلا جاتا ہے یہاں تک کہ22دسمبرکوخطِ جدی (Tropic of Capricorn) یا ”میلِ اعظم جنوبی“ پر پہنچتا ہے اس روز ”نِصف جنوبی کُرَّہ “میں سال کا سب سے بڑا دن اور ”نِصْف شمالی کُرَّہ “میں بشمولِ پاکستان سال کا سب سے چھوٹا دن ہوتا ہے۔

پھر سورج واپس ”خط استوا (Equator) “کی طرف آتا ہے اور ”21 مارچ“ کو دوبارہ یہاں پہنچتا ہے۔(رپورٹ: عبدالقادر عباسی المدنی ، شعبہ اوقات الصلاۃ ،کانٹینٹ:رمضان رضا عطاری)

14 دسمبر2023 ء  بروز جمعرات جمادی ٰالاخریٰ 1445ھ کا چاند دیکھنے کے لئے پاکستان کے مختلف علاقوں میں عاشقان رسول نے چاند دیکھنے کا اہتمام کیا۔

اس سلسلے میں عالمی مدنی مرکز فیضان مدینہ کراچی میں شعبۂ اوقات الصلوٰۃ کے تحت چاند دیکھنے کا اہتمام کیا گیا ۔ نگران شعبہ مولانا وسیم عطاری ا ور دیگر اراکین نے تخصص فی التوقیت کے طلبہ کے ساتھ چاند کی رؤیت کا اہتمام کیا۔(کانٹینٹ:رمضان رضا عطاری)

عاشقانِ رسول  کی دینی تحریک دعوت اسلامی کے شعبہ اوقات الصلوٰۃ کے زیرِ اہتمام بروز اتوار 5 نومبر 2023 ء کو حیدرآباد پاکستان میں ایک علمی اور پریکٹیکل سیشن رکھا گیا جس کا وقت 11am سے 12:30pm تھا ۔

اس میں طلبۂ کرام کو نمازوں کا وقت نکالنے کے سلسلے میں مختلف چیزوں کا پریکٹیکل کروایا گیا جیسے دائرہ ہندیہ (جو کہ کسی وجہ سے درست نہ ہو سکا تو اس کے متبادل خط شمال و جنوب نکالنا اور اس کے ذریعے سمت قبلہ نکالنا)سورج کو دیکھ کر وقت معلوم کرنا، مساجد اور پلاٹ وغیرہ میں سمت قبلے کا تعین کرنے کا طریقہ ،تعمیر شدہ مسجد میں قبلہ درست کرنے کا طریقہ ،کمپاس استعمال کرنے کا طریقہ ،سمت قبلہ ، سمتِ مدینہ اور سمت ِبغداد، سورج کے ذریعے قبلے کا تعین ،ایپلیکیشن اور Google Map کے ذریعے قبلے کا تعین ۔

اس سیشن میں 25 طلبۂ کرام نے شرکت کی جس میں لیول 4 اور 2 کے طلبہ اور کچھ اس کے علاوہ بھی شامل تھے طلبہ کرام نے کافی دلچسپی کا اظہار کیا ۔

٭اس موقع پر لیول 4 کے ایک طالبعلم (جو سیشن میں شرکت کرنے کے لئے دوسرے شہر سے آئے تھے ) کا کہنا تھا کہ بہت کچھ سیکھنے کو ملا ، بہت سے قواعد کی دہرائی ہوئی جس کے ذریعے قواعد میں مزید مضبوطی آئی اور بہت سے concepts کلیر ہوئے ۔

٭مزید ایک سادسہ درجے کے طالبعلم کا کہنا تھا کہ علم توقیت نہ پڑھے ہونے کی وجہ سے بہت سے سوالات ذہن میں تھے لیکن اس کورس میں ان تمام کے جواب مل گئے،ساتھ بہت کچھ نیا سیکھنے کو ملا۔ اللہ تعالی ہمیں اپنی معرفت عطا فرمائے اور ہماری کوشش کو قبول فرمائے ۔(رپورٹ: عبد العزیز عطاری،کانٹینٹ:رمضان رضا عطاری)

جزوی چاند گرہن

28 اکتوبر 2023ء

جب زمین کا سایہ چاند پر پڑے تو اسے چاند گہن(Moon Eclipse) کہتے ہیں۔سائے دو قسم کے ہیں۔

1... ہلکا سایہ(Penumbra) جو خالی آنکھ سے نظرنہیں آتا۔

2... گہرا سایہ (Umbra)جو خالی آنکھ سے نظر آتا ہے۔اسے جزوی چاند گہن (Partial Moon Eclipse) بھی کہا جاتا ہے۔

ہمارے اکابرین سے جس گہن پر نماز پڑھنے کا استحباب ثابت ہے وہ وہی ہے جو آنکھ سے نظر آتا ہو۔

’’چاند گہن ‘‘مکمل (Total) بھی ہوتا ہے اور جزوی (Partial)بھی۔

اکتوبر 2023 ءکی 28 اور 29 تاریخ کی درمیانی رات ’’جزوی چاند گرہن‘‘(Partial Moon Eclipse) ہوگا جو پاکستان سمیت براعظم ایشیا،افریقہ و یورپ میں مکمل جبکہ آسٹریلیا ، شمالی امریکہ و جنوبی امریکہ کےکچھ حصوں میں دیکھا جاسکےگا۔

یہ’’جزوی چاندگہن “گرین وچ (GMT)ٹائم سے ”19:35 “تا” 20:53“ رہے گا۔

چاند گہن کی نماز

مسئلہ : سورج گہن کی نماز سُنَّتِ مُؤَکَّدہ اور چاند گہن کی نمازمُستَحَب ہے ۔ ( دُرِّمُختار،۳/ ۸۰ دار المعرفۃ بیروت)

پاکستان میں گہن کی ابتدا و انتہا کے اوقات

پاکستان بھر میں یہ چاند گرہن اکتوبر کی 28 اور 29 کی درمیانی رات 12:35 تا 1:53 رہے گا۔

نوٹ : وقتِ فجر میں نفل نماز منع ہے اس کا خیال رکھا جائے۔

دنیا کے مختلف ممالک میں گہن کی ابتدا و انتہا کے اوقات

دعوتِ اسلامی کے شعبہ  اوقات الصلوٰ ۃ کے زیرِ اہتمام16 اکتوبر 2023ء بروز منگل عالمی مدنی مرکز فیضانِ مدینہ کراچی سمیت پاکستان کے مختلف علاقوں میں ربیع الثانی 1445ھ کے چاندکی رؤیت کا اہتمام کیا گیا۔

اس موقع پر شعبہ اوقات الصلوٰ ۃ کے اراکین، تخصص فی التوقیت کے طلبۂ کرام اور ماہرِ توقیت و فلکیات مولانا وسیم احمد عطاری موجود تھے۔ (رپورٹ: عبد القادر عطاری ، کانٹینٹ:رمضان رضا عطاری)