وفاقی دارالحکومت اسلام آباد سیکٹر G-11 میں قائم مدنی مرکز فیضانِ مدینہ میں عاشقانِ رسول کی دینی تحریک دعوتِ اسلامی کے زیرِ اہتمام 16 جنوری 2026ء کو ”اجتماع معراج النبی صلَّی اللہ علیہ واٰلہٖ وسلَّم“ کا انعقاد کیا گیا جس میں دیگر اسلامی بھائیوں کے علاوہ اسپیشل پرسنز کی کثیر تعداد نے شرکت کی۔

اجتماعِ معراج میں تلاوت و نعت کے بعد مرکزی مجلسِ شوریٰ کے رکن حاجی وقار المدینہ عطاری کا سنتوں بھرا بیان ہوا جبکہ اسپیشل پرسنز کی آسانی کے لئے مبلغِ دعوتِ اسلامی نے اشاروں کی زبان میں بیان کی ترجمانی کی۔(رپورٹ: کامران عطاری صوبائی ذمہ دار اسپیشل پرسنز ڈیپارٹمنٹ، کانٹینٹ:غیاث الدین عطاری)

ملتان، پنجاب کے علاقے بوسن ٹاؤن، ڈیہڑ چوک میں واقع جامع مسجد العطار میں شعبہ کفن دفن دعوتِ اسلامی کے تحت 18 جنوری 2026ء کو  ”نمازِ جنازہ کورس“ ہوا جس میں نمازِ جنازہ کا عملی طریقہ سکھایا گیا۔

ذرائع سے ملنے والی معلومات کے مطابق یہ کورس نگرانِ ٹاؤن مولانا محمد انور عطاری مدنی نے کروایا جس میں شعبے کے ذمہ داران، دیگر شعبہ جات کے ذمہ داران ، مقامی اسلامی بھائی اور پروفیشنل اسلامی بھائیوں نے شرکت کی۔

کورس کے دوران حاضرین کو نمازِ جنازہ سے متعلق نہایت اہم و بنیادی شرعی مسائل سکھائے گئے جن میں سے بعض درج ذیل ہیں:

٭نمازِ جنازہ کا شرعی حکم٭نمازِ جنازہ میں پڑھی جانے والی دعائیں٭نبیِ کریم صلَّی اللہ علیہ واٰلہٖ وسلَّم نے سب سے پہلے کس کا جنازہ پڑھایا؟٭جنازے کو کندھا دینے کا ثواب اور طریقہ٭عورتوں کا جنازے کے ساتھ جانے کا شرعی حکم٭نمازِ جنازہ کے ارکان اور سنتیں٭نمازِ جنازہ میں پائی جانے والی عام غلطیوں کی نشاندہی۔

کورس کے اختتام پر درود و سلام پڑھا گیا جبکہ ٹاؤن نگران مولانا محمد انور عطاری مدنی نے دعا کروائی اور وہاں موجود اسلامی بھائیوں نے کورس سے متعلق اپنے تأثرات بھی دیتے ہوئے اچھی اچھی نیتیں کیں۔(رپورٹ: شعبہ کفن دفن ، کانٹینٹ:غیاث الدین عطاری)

12 جنوری 2026ء کو شعبہ روحانی علاج دعوتِ اسلامی کے تحت میرپور خاص، سندھ کے مصیبت زدہ و پریشان حال اسلامی بھائیوں کے لئے  ”دعائے شفاء اجتماع“ کا اہتمام کیا گیا جس میں مبلغِ دعوتِ اسلامی امان اللہ عطاری نے ”بیماری کے فوائد“ کے موضوع پر بیان کیا ۔

اس کے علاوہ اجتماع میں آئے ہوئے اسلامی بھائیوں کے لئے روحانی علاج کا بستہ لگایا گیا جس میں شرکائے اجتماع کو اُن کے مریضوں کے لئے تعویذاتِ عطاریہ دیئے گئے اور اُن کا استخارہ کیا گیا۔بعدازاں اجتماع میں شریک اسلامی بھائیوں کی پریشانیوں کے حل کے لئے کاٹ کا عمل بھی کیا گیا۔(رپورٹ: شعبہ روحانی علاج ، کانٹینٹ:غیاث الدین عطاری)

دعوتِ اسلامی کے مدنی مرکز فیضانِ مدینہ کبیر والا میں اسپیشل پرسنز ڈیپارٹمنٹ کے تحت ”ایصالِ ثواب اجتماع“ کا انعقاد ہوا جس میں اسپیشل پرسنز کی کثیر تعداد نے شرکت کی۔

تلاوت و نعت سے آغاز ہونے والے اس اجتماعِ پاک میں نگرانِ ڈسٹرکٹ نے سنتوں بھرا بیان کیا اور مبلغِ دعوتِ اسلامی نے اسپیشل پرسنز کی آسانی کے لئے اشاروں کی زبان میں بیان کی ترجمانی کی جس میں انہیں ایک ماہ رمضان اعتکاف کی ترغیب دلائی گئی۔بعدازاں اسپیشل پرسنز کو قراٰنِ پاک کی زیارت کروائی گئی اور رقت انگیز دعا بھی ہوئی۔(رپورٹ: محمد یوسف عطاری اسپیشل پرسنز ڈیپارٹمنٹ خانیوال و وہاڑی ڈسٹرکٹ ذمہ دار، کانٹینٹ:غیاث الدین عطاری)

شعبہ اصلاحِ اعمال دعوتِ اسلامی کے تحت تلہ گنگ، پنجاب کی جامع مسجد نور میں اہلِ علاقہ کے عاشقانِ رسول کےلئے ”تہجد اجتماع“ کا انعقاد کیا گیا جس میں ذمہ داران اور مقامی اسلامی بھائی شریک ہوئے۔

معلومات کے مطابق اس اجتماعِ پاک میں نگرانِ ڈسٹرکٹ قاری بنارس عطاری نے تہجد کی نماز پڑھائی اور رقت انگیز دعا کروائی جبکہ تمام اسلامی بھائیوں نے قراٰنِ کریم کی تلاوت بھی کی۔

اس کے علاوہ اذانِ فجر کے بعد علاقے کے اسلامی بھائیوں کو نمازِ فجر کے لئے جگانے کا سلسلہ ہوا نیز نمازِ فجر کی ادائیگی کے بعد شعبے کے راولپنڈی ڈویژن ذمہ دار حافظ صائم عطاری نے بیان کیا ۔

دورانِ بیان ڈویژن ذمہ دار نے شعبان المعظم میں نفلی روزے رکھنے کی ترغیب دلائی۔آخر میں تفسیر سننے / سنانے کا حلقہ لگایا گیا اور تمام اسلامی بھائیوں نے اشراق و چاشت کے نوافل پر اجتماع کا اختتام کیا۔(رپورٹ: شعبہ اصلاحِ اعمال ، کانٹینٹ:غیاث الدین عطاری)

سرگودھا ڈویژن کے ضلع میانوالی میں 11 جنوری 2026ء کو شعبہ روحانی علاج دعوتِ اسلامی کے تحت مصیبت زدہ و پریشان حال اسلامی بھائیوں کے لئے  ”دعائے شفاء اجتماع“ کا اہتمام کیا گیا جس میں ڈویژن ذمہ دار علی رضا عطاری نے مصیبت پر صبر کرنے کا ذہن کیسے بنے؟ کے موضوع پر بیان کیا ۔

اس کے علاوہ اجتماع میں آئے ہوئے اسلامی بھائیوں کے لئے روحانی علاج کا بستہ لگایا گیا جس میں شرکائے اجتماع کو اُن کے مریضوں کے لئے تعویذاتِ عطاریہ دیئے گئے اور اُن کا استخارہ کیا گیا۔بعدازاں اجتماع میں شریک اسلامی بھائیوں کی پریشانیوں کے حل کے لئے کاٹ کا عمل بھی کیا گیا۔(رپورٹ: محمدوسیم عطاری صوبائی آفس ذمہ دار شعبہ روحانی علاج پنجاب ، کانٹینٹ:غیاث الدین عطاری)

دعوتِ اسلامی کے  شعبہ کفن دفن کے تحت شہباز کالونی ٹاؤن، ڈسٹرکٹ ٹنڈوالہیار کی جامع مسجد اللہ والی میں 14 جنوری 2026ء کو ایک نہایت اہم و مفید ٹریننگ سیشن ہوا جس میں زندگی کے اہم مرحلے ”وفات کے بعد کے شرعی احکام“ سکھائے گئے۔

مبلغِ دعوتِ اسلامی نے ابتداءً کفن دفن کے متعلق شرعی احکام بیان کرتے ہوئے وہاں موجود اسلامی بھائیوں کو کفن کاٹنے / پہنانے اور غسلِ میت دینے کا پریکٹیکل کرکے بتایا نیز دیگر امور پر بھی رہنمائی کی جن میں سے بعض درج ذیل ہیں:

٭نزع (جان کنی) کے وقت کے شرعی و اخلاقی آداب ٭ غسلِ میت کا عملی طریقہ ٭ اہم شرعی مسائل اور سوالات و جوابات۔

اس دوران مبلغِ دعوتِ اسلامی نے حاضرین کو دعوتِ اسلامی کے 12 دینی کاموں میں بھی حصہ لینے کی ترغیب دلائی جس پر انہوں نے اچھی اچھی نیتیں کیں۔اس موقع پر ٹیچر حضرات، تاجران اور قرب و جوار کے کثیر اسلامی بھائی موجود تھے۔(رپورٹ: شعبہ کفن دفن، کانٹینٹ:غیاث الدین عطاری)

دعوتِ اسلامی کے تحت 13 جنوری 2026ء کو ملتان، پنجاب میں شعبہ معاونت برائے اسلامی بہنیں کا مدنی مشورہ ہوا جس میں ڈویژن، سٹی اور ٹاؤن ذمہ دار اسلامی بھائیوں نے شرکت کی۔

صوبائی ذمہ دار محمد اقبال عطاری نے شعبے کے دینی کاموں کے بارے میں ذمہ داران سے کلام کرتے ہوئے اُن میں مزید بہتری لانے کا ذہن دیا اور نگرانِ شوریٰ کے ایونٹ کی تیاری کے اہداف بھی دیئے۔(رپورٹ: محمد علی عطاری شعبہ معاونت برائے سلامی بہنیں صوبہ پنجاب آفس ، کانٹینٹ:غیاث الدین عطاری)

اورنگی ڈسٹرکٹ، منگھوپیر ٹاؤن، کراچی کے علاقے بلوچ کالونی  میں واقع جامع مسجد فیضانِ علی اصغر میں 15 جنوری 2026ء کو شعبہ کفن دفن دعوتِ اسلامی کے تحت ”نمازِ جنازہ کورس“ ہوا جس میں ٹاؤن ذمہ دار سجاد عطاری اور مدرسۃالمدینہ بوائز کے بچوں نے شرکت کی۔

دعوتِ اسلامی کے شعبہ معاونت برائے اسلامی بہنیں کے تحت پچھلے دنوں پشاور میں ایک مدنی مشورہ ہوا جس میں صوبائی، ڈویژن، ڈسٹرکٹ اور ٹاؤن ذمہ داران و نگران اسلامی بھائیوں نے شرکت کی۔

اس دوران نگرانِ شعبہ اور KPK کے صوبائی ذمہ دار نے ذمہ دار اسلامی بھائیوں سے گفتگو کرتے ہوئے مختلف اہم نکات پر تبادلۂ خیال کیا جن میں سے بعض درج ذیل ہیں:

دعوتِ اسلامی کے مدنی مرکز فیضانِ مدینہ جوہر ٹاؤن لاہور 12 جنوری 2026ء کو شعبہ فیضان آن لائن اکیڈمی بوائز کے تحت لاہور ڈویژن کے اسٹاف کا سہ ماہی اجتماع ہوا جس میں مدرسین، برانچ و شفٹ ناظمین اور شفٹ تعلیمی ذمہ داران نے شرکت کی۔

تلاوت و نعت کے بعد مرکزی مجلسِ شوریٰ کے رکن حاجی یعفور رضا عطاری نے حاضرین کی تربیت کرتے ہوئے انہیں اپنی اسکلز بڑھانے، اپنی تعلیم کو جاری رکھتے ہوئے ایم -فل اور پی ایچ ڈی کرنے، دینی کاموں میں حصہ لینے اور اپنے جسم کو تندرست رکھنے کے حوالے سے مدنی پھول بیان کئے۔

اس کے علاوہ رکنِ شعبہ مولانا عرفان عطاری مدنی نے ” عصر حاضر میں عقائد میں تدریس کے تقاضے “، ڈویژن تعلیمی ذمہ دار مولانا فہد عطاری مدنی نے ”آن لائن تدریس میں بچوں کی نفسیات“، رکنِ شعبہ سیّد انس علی عطاری نے ” Modern Educational psychology “، ڈویژن تعلیمی امور ذمہ دار فیصل ایاز صدیقی عطاری نے ” Teachers Master File“ اور رکنِ شعبہ مولانا رضوان افضل عطاری مدنی نے مختلف موضوعات پر بیانات کئے۔

آخر میں نگرانِ شعبہ جات مولانا یاسر رضا عطاری مدنی اور مولانا سیّد غلام الیاس عطاری مدنی نے شرکائے اجتماع کی مختلف امور پر رہنمائی کی اور اُن کی جانب سے ہونے والے سوالات کے جوابات دیئے۔(رپورٹ:محمد وقار یعقوب عطاری مدنی برانچ منیجر شعبہ فیضان آن لائن اکیڈمی ، کانٹینٹ:غیاث الدین عطاری)

15 جنوری 2026ء کو دعوتِ اسلامی کے شعبہ فیضان آن لائن اکیڈمی بوائز کے تحت ڈویژن تعلیمی ذمہ دار اسلامی بھائیوں کا آن لائن ماہانہ مدنی مشورہ ہوا جس میں  دیگر اہم ذمہ داران بھی موجود تھے۔

رکنِ شعبہ سیّد انس عطاری نے مدنی مشورے کے دوران بدگمانی سے بچنے کے متعلق بیان کیا اور ماہانہ تعلیمی تفتیشی نکات پر گفتگو کی جس پر تمام ذمہ داران نے مزید بہتری کے لئے اچھی اچھی نیتیں کیں۔(رپورٹ:محمد وقار یعقوب عطاری مدنی برانچ منیجر شعبہ فیضان آن لائن اکیڈمی ، کانٹینٹ:غیاث الدین عطاری)