بنگلہ دیش کے ڈویژن راجشاہی،ضلع پابرنہ (Pabna) کے علاقے ایشوردی (Ishwardi) میں عظیم الشان” اجتماعِ میلاد “کا اہتمام کیا جا رہا ہے جس میں خلیفۂ امیرِ اہلسنت حضرت مولانا حاجی عبید رضا عطاری مدنی مدظلہ العالی خصوصی بیان فرمائیں گے۔

یہ اجتماع آج 28 اگست 2026ء جمعہ کی شب فتح محمد پور لوکو فٹبال گراؤنڈ (Fateh Muhammadpur Loco Football Ground)، ایشوردی، پابرنہ میں منعقد کیا جائے گا جس میں کثیر اسلامی بھائیوں کی شرکت متوقع ہے۔

معلومات کے مطابق اجتماعِ میلاد کا باقاعدہ آغاز رات 9:30 بجےتلاوتِ قراٰنِ مجید و نعتِ رسولِ مقبول صلی اللہ علیہ وآلہ وسلم سے ہوگا جبکہ خلیفۂ امیرِ اہلسنت حضرت مولانا حاجی عبید رضا عطاری مدنی مدظلہ العالی کا خصوصی بیان رات 10:00 بجے شروع ہوگا۔

قرب و جوار میں رہنے والے تمام عاشقانِ رسول اس اجتماعِ میلاد میں خود بھی شرکت کریں اور دوسروں کو بھی شرکت کرنے کی دعوت دیں تاکہ زیادہ سے زیادہ لوگ اس اجتماعِ پاک میں شرکت کر سکیں۔ 

27 اگست 2026ء کو دعوتِ اسلامی کے زیرِ اہتمام بنگلہ دیش میں پُرخلوص جلوسِ میلاد کا انعقاد کیا گیا  جس میں عاشقانِ رسول اور دعوتِ اسلامی کے ذمہ داران کی بڑی تعداد اور رکنِ مرکزی مجلسِ شوریٰ حاجی مبین عطاری نے شرکت کی ۔

ذرائع سے ملنے والی معلومات کے مطابق پاکستان سے دینی دورے پر بنگلہ دیش آئے ہوئے خلیفۂ امیرِ اہلسنت حضرت مولانا حاجی عبید رضا عطاری مدنی مدظلہ العالی کی خصوصی طور پر شرکت ہوئی۔

جلوسِ میلاد کے دوران عاشقانِ رسول ہاتھوں میں سبز پرچم لہراتے اور بارگاہِ رسالت میں مدحت کے نذرانے (نعت شریف) پیش کرتے ہوئے آگے بڑھتے رہے۔ اس موقع پر فضا ” مرحبا یا مصطفیٰ صلی اللہ علیہ وآلہ وسلم “کے پرجوش نعروں سے گونج رہی تھی۔

جلوسِ میلاد کے اختتام پر ایک پروقار محفل کا منظر دیکھنے میں آیا جہاں خلیفۂ امیرِ اہلسنت مدظلہ العالی نے تمام شرکا و امتِ مسلمہ کی سلامتی اور اُن کی دینی و دنیوی فلاح کے لیے خصوصی دعا کروائی۔

26 اگست 2026ء کو بنگلہ دیش کے معروف شہر چٹاگانگ میں ایک عظیم الشان میلاد اجتماع کا انعقاد کیا گیا  جس میں ہزاروں کی تعداد میں عاشقانِ رسول نے شرکت کی جن میں علمائے کرام، طلبہ، اسکولز و کالجز کے اسٹوڈنٹس اور سیاسی و سماجی شخصیات سمیت مختلف شعبہ ہائے زندگی سے تعلق رکھنے والی اہم شخصیات شامل تھیں۔

اجتماع کا باقاعدہ آغاز تلاوتِ قرآنِ پاک اور نعتِ رسولِ مقبول صلی اللہ علیہ وآلہ وسلم سے کیا گیا جس کے بعد رکنِ مرکزی مجلسِ شوریٰ حاجی مبین عطاری نے سنتوں بھرا بیان کیا اور حاضرین کو سنتِ نبوی پر عمل پیرا ہونے کی ترغیب دلائی۔

بعد ازاں پاکستان سے خصوصی دورے پر بنگلہ دیش آئے ہوئے خلیفۂ امیرِ اہلسنت حضرت مولانا حاجی عبید رضا عطاری مدنی مدظلہ العالی نے میلادِ مصطفیٰ کی مناسبت سے سنتوں بھرا بیان کیا۔

خلیفۂ امیرِ اہلسنت مدظلہ العالی نے اپنے بیان میں آمدِ مصطفیٰ صلی اللہ علیہ وآلہ وسلم سے جڑے ایمان افروز واقعات اور میلاد شریف کی برکات بیان فرما کر حاضرین کے قلوب کو منور کیا۔

اجتماع کے اختتام پر نہایت دلکش منظر دیکھنے میں آیا جب تمام عاشقانِ رسول نے ” مرحبا یا مصطفیٰ صلی اللہ علیہ وآلہ وسلم “کے پرجوش نعروں کی گونج میں صبحِ بہاراں کا جشن منایا اور ایک دوسرے کو میلاد النبی صلی اللہ علیہ وآلہ وسلم کی مبارکباد پیش کی۔

امریکہ کی ریاست الینوائے کے شہر بلومنگٹن (Bloomington) میں دعوتِ اسلامی USA کے زیرِ اہتمام استقبالِ ربیع الاول اور ولادتِ با سعادت کے سلسلے میں کشتیوں (Boats) پر ایک پروقار اور یادگار جلوسِ میلاد کا انعقاد کیا گیا۔

مختلف ذرائع سے ملنے والی معلومات کے مطابق اس منفرد اور تاریخی کشتیوں کے جلوسِ میلاد میں مقامی مسلم کمیونٹی، عاشقانِ رسول، بچوں اور بزرگوں نے بڑی تعداد میں شرکت کی۔

شرکت کرنے والے عاشقانِ رسول نے نبی کریم صلی اللہ علیہ و اٰلہ و سلم کی ولادتِ با سعادت کی خوشی میں ذکر و اذکار، صلوٰۃ و سلام اور نعت خوانی کا اہتمام کیا جس سے پورا ماحول عشقِ رسول صلی اللہ علیہ و اٰلہ و سلم کے نعروں سے گونج اٹھا۔

جلوس میں بچوں سے لے کر بزرگوں تک نے یکساں جوش و جذبے کے ساتھ شرکت کی اور اس دن کو ایک یادگار و پرمسرت موقع بنا دیا۔

اس واٹر پروسیشن (Water Procession) کا بنیادی مقصد دیارِ غیر میں بھی آنے والی نسلوں کو سنتِ نبوی صلی اللہ علیہ و اٰلہ و سلم اور محبتِ رسول صلی اللہ علیہ و اٰلہ و سلم سے جوڑنا نیز امن و محبت کا پیغام عام کرنا تھا۔

دعوتِ اسلامی کے زیرِ اہتمام بنگلہ دیش کے شہر چٹا گانگ میں ایک عظیم الشان ” اجتماعِ میلاد و صبحِ بہاراں “کا انعقاد کیا جا رہا ہے جس میں خلیفہ امیرِ اہل سنت مولانا حاجی عبید رضا عطاری مدنی مدظلہ العالی بالخصوص سنتوں بھرا بیان فرمائیں گے۔

یہ عظیم الشان اجتماع 25 اگست 2026ء بروز منگل جمعیت الفلاح جامع مسجد گراؤنڈ (واسا موڑ، چٹا گانگ ، بنگلہ دیش) میں منعقد ہوگاجس کی تفصیلات درج ذیل ہے:

٭تاریخ:25 اگست 2026ء بروز منگل۔

٭مقام: جمعیت الفلاح جامع مسجد گراؤنڈ، واسا موڑ، چٹگرام، بنگلہ دیش۔

٭اجتماع کا آغاز: رات 10:26 ٭بیان: رات 2:00 بجے (مولانا حاجی عبید رضا عطاری مدنی مدظلہ العالی)۔

٭براہِ راست نشریات: یہ عظیم الشان اجتماع مدنی چینل بنگلہ (Madani Channel Bangla) اور مولانا حاجی عبید رضا عطاری مدنی مدظلہ العالی کے آفیشل یوٹیوب و فیس بک پیجز پر لائیو دکھایا جائے گا۔

19 جولائی 2026ء بروز اتوار دعوتِ اسلامی کے شعبہ روحانی علاج کے زیر اہتمام مدنی مرکز فیضانِ مدینہ نوٹنگھم یوکے (Nottingham, UK) میں ”دعائے شفاء اجتماع“ کا انعقاد کیا گیاجس میں مقامی عاشقانِ رسول نے بڑی تعداد میں شرکت کی۔

اجتماع کا آغاز تلاوتِ قرآنِ پاک اور نعتِ رسولِ مقبول صلَّی اللہ علیہ واٰلہٖ وسلَّم سے ہوا جس کے بعد شعبہ روحانی علاج کے ذمہ دار مولانا خالد عطاری مدنی نے سنتوں بھرا بیان کیا اور شرکا کی دینی و اخلاقی تربیت کی۔

صلوٰۃ الحاجات، استخارہ اور تعویذاتِ عطاریہ

دورانِ اجتماع صلوٰۃ الحاجات ادا کی گئی اور وہاں موجود شرکا نے اللہ پاک کے حضور اپنی حاجات اور بیماریوں سے شفا کے لیے دعا ئیں کیں۔ نماز کے بعد ایک رقت انگیز دعا کا سلسلہ ہوا جس میں بیماروں کی صحت یابی کے لیے خصوصی دعائیں کی گئیں۔

اجتماع کے اختتام پر شعبہ روحانی علاج کی جانب سے شرکا کے لیے درج ذیل خدمات فراہم ہوئیں:

٭روحانی استخارہ: پریشان حال اسلامی بھائیوں کے لیے موقع پر ہی انفرادی طور پر استخارہ کیا گیا٭تعویذاتِ عطاریہ کی تقسیم: مختلف بیماریوں، گھریلو مسائل اور دیگر پریشانیوں سے نجات کے لیے عاشقانِ رسول کو امیرِ اہلِ سنت دَامَتْ بَرَکَاتُہُمُ الْعَالِیَہ کے عطا کردہ تعویذاتِ عطاریہ دیے گئے۔(رپورٹ: سمیر علی عطاری اسسٹنٹ منیجر ، کانٹینٹ:غیاث الدین عطاری)

پچھلے دنوں عاشقانِ رسول کی دینی تحریک دعوتِ اسلامی کے زیر اہتمام مانچسٹر کے علاقے وکٹوریا پارک میں واقع سینٹرل جامع مسجد میں سنتوں بھرے اجتماع کا انعقاد کیا گیا۔ اس تقریب میں قرب و جوار کے مختلف شہروں سے بزنس کمیونٹی اور زندگی کے مختلف شعبہ جات سے تعلق رکھنے والے عاشقانِ رسول نے بڑی تعداد میں شرکت کی۔

اجتماع میں اراکین شوریٰ حاجی محمد رفیع عطاری اور حاجی خالد عطاری سمیت نگرانِ یوکے مشاورت، یوکے، فرانس، ہنگری، اٹلی اور دیگر یورپی ممالک سے تشریف لائے ہوئے یورپی سطح کے ذمہ داران اور مبلغینِ دعوتِ اسلامی بھی خصوصی طور پر موجود تھے۔

تقریب کا آغاز تلاوتِ قرآنِ پاک سے ہوا، جس کے بعد بارگاہِ رسالت میں نعتِ رسولِ مقبول صلَّی اللہ علیہ واٰلہٖ وسلَّم پیش کی گئی۔ اجتماع سے مرکزی مجلسِ شوریٰ کے نگران مولانا حاجی محمد عمران عطاری مُدَّ ظِلُّہُ العالی نے ”موت، قبر اور آخرت کی تیاری“ کے موضوع پر سنتوں بھرا بیان کیا۔ نگرانِ شوریٰ نے اپنے بیان میں حاضرین کو آخرت کی تیاری سے غافل نہ ہونے کی ترغیب دیتے ہوئے فرمایا ”کوئی بھی بشر اپنی موت سے آگاہ نہیں ہے، لیکن ہمارا معاملہ یہ ہے کہ ہم دنیا میں سو برس کی لمبی تیاری کررہے ہوتے ہیں۔ ہم طویل امیدوں کے ساتھ زندگی گزاررہے ہوتے ہیں کہ اچانک موت کا وقت آپہنچتا ہے اور اس وقت پچھتاوے کے سوا ہمارے ہاتھ کچھ نہیں آتا۔ آخری لمحے میں انسان کی یہی خواہش ہوتی ہے کہ کاش! میں نے کچھ تیاری کرلی ہوتی، مگر تب بہت دیر ہوچکی ہوتی ہے“۔

دورانِ اجتماع دینِ متین کی خدمت کرنے، نیکیوں کی دعوت عام کرنے اور آخرت کا توشہ جمع کرنے کے لئے شرکا کو خصوصی طور پر ترغیب دلائی گئی کہ وہ انگلینڈ کے علاقے نیوآرک شوگراؤنڈ (Newark Showground) میں ہونے والے آئندہ عظیم الشان اجتماع میں ضرور شرکت کریں اوریوکے میں اس کی دعوت عام کریں ۔ یہ اجتماع رواں سال 18، 19 اور 20 ستمبر 2026ء کو منعقد ہوگا۔

آخر میں امتِ مسلمہ کے اتحاد، دنیا و آخرت کی بھلائی اور دینِ اسلام کی سربلندی کے لئے خصوصی دعائیں مانگی گئیں ۔

انگلینڈ (England) کے شہر برمنگھم (Birmingham) میں ڈاکٹر ماجد کی رہائش گاہ پر ایک نشست کا انعقاد کیا گیا۔ اس نشست میں دعوتِ اسلامی کی مرکزی مجلس شوریٰ کے نگران، مولانا حاجی محمد عمران عطاری مُدَّ ظِلُّہُ العالی نے مقامی بزنس کمیونٹی اور مختلف شعبہ ہائے زندگی سے تعلق رکھنے والے عاشقانِ رسول سے ملاقات کی۔ اس موقع پر اراکین شوریٰ حاجی محمد رفیع عطاری، حاجی خالد عطاری، نگران یوکے مشاورت اور دیگر مبلغین و ذمہ داران دعوتِ اسلامی بھی موجود تھے۔

نگران شوریٰ نے انہیں نیکی کی دعوت دیتے ہوئے والدین اور دیگر مرحومین کو ایصالِ ثواب کرنے کی ترغیب دلائی۔ اس کے علاوہ اپنے مرحومین کے ایصال ثواب کے لئے مساجد و مدارس کی تعمیر کرتے ہوئے نیکی کے ان کاموں میں حصہ لینےاور دین متین کی خدمت کرنے کا ذہن دیا۔

دورانِ ملاقات نگرانِ شوریٰ نے انگلینڈ کے علاقے نیوآرک شوگراؤنڈ (Newark Showground) میں آنے والے 18، 19 اور 20 ستمبر 2026ء کو منعقد ہونے والے تین روزہ عظیم الشان سنتوں بھرے اجتماع میں خود بھی شرکت کرنے اور اپنے ساتھ دوست احباب اور رشتہ داروں کو بھی لانے کا ذہن دیا۔ ملاقات کے اختتام پر نگران شوریٰ مولانا حاجی محمد عمران عطاری نے ڈاکٹر ماجد کے والد مرحوم کے ایصال ثواب کے لئے فاتحہ خوانی اور دعائیں کیں۔

07جولائی 2026ء میں انگلینڈ (England) کے شہر سلاؤ (Slough) میں قائم دعوتِ اسلامی کے مدنی مرکز فیضانِ مدینہ میں نگرانِ شوریٰ مولانا حاجی محمد عمران عطاری مُدَّ ظِلُّہُ العالی ،اراکینِ شوریٰ حاجی محمد رفیع عطاری اور حاجی محمد خالد عطاری کی تشریف آوری ہوئی۔ مدنی مرکز آمد پر جامعۃ المدینہ کے اساتذۂ کرام، طلبائے کرام اور دیگر عاشقانِ رسول نے معزز مہمانوں کا پرجوش استقبال کیا اور انہیں خوش آمدید کہا۔

اس موقع پر فیضانِ مدینہ سلاؤ میں شعبہ جامعۃ المدینہ کے زیرِ اہتمام ایک خصوصی تربیتی سیشن کا انعقاد کیا گیا جس میں ساؤتھ ایسٹ، گریٹر لندن اور ایسٹ آف انگلینڈ کے جامعۃ المدینہ کے طلبہ، اساتذہ، مختلف سطح کے ذمہ داران اور مبلغینِ دعوتِ اسلامی نے میں شرکت کی۔

دینِ متین کی خدمت اور نیکی کی دعوت کا عزم:

سیشن میں بیان کرتے ہوئے نگرانِ شوریٰ مولانا حاجی محمد عمران عطاری مُدَّ ظِلُّہُ العالی نے ”نیکی کی دعوت کی ضرورت، اہمیت و افادیت“ کے موضوع پر فکر انگیز گفتگو فرمائی۔ انہوں نے شرکا کو معاشرے میں نیکی کا پیغام عام کرنے اور دینِ متین کی خدمت کے لئے تن من دھن سے کوشاں رہنے کا ذہن دیا۔ ان کا کہنا تھا کہ علمِ دین حاصل کرنے کے ساتھ ساتھ اسے دوسروں تک پہنچانا اور برائیوں کے خاتمے کے لیے کردار ادا کرنا وقت کی اہم ضرورت ہے۔

نیوآرک (Newark) کے 3 روزہ اجتماع کے لئے خصوصی اہداف:

دورانِ سیشن نگرانِ شوریٰ نے انگلینڈ کے علاقے نیوآرک شوگراؤنڈ (Newark Showground) میں 18، 19 اور 20 ستمبر 2026ء کو منعقد ہونے والے تین روزہ عظیم الشان سنتوں بھرے اجتماع کے حوالے سے خصوصی رہنمائی فرمائی۔

نگرانِ شوریٰ نے جامعۃ المدینہ کے اساتذہ اور طلبہ سمیت تمام عاشقانِ رسول کو اس تاریخی اجتماع کی بھرپور تیاری کرنے کی تاکید کی اور ہدف دیا کہ وہ اپنے اپنے علاقوں سے زیادہ سے زیادہ لوگوں کو اس اجتماع میں شرکت کے لیے تیار کریں۔ نگرانِ شوریٰ کی اس ترغیب پر سیشن میں موجود تمام شرکا نے خوشی کا اظہار کرتے ہوئے اجتماع میں خود بھی شرکت کرنے اور قافلوں کی صورت میں دیگر عاشقانِ رسول کو ساتھ لانے کی اچھی اچھی نیتوں کا اظہار کیا۔

دینِ اسلام کی عالمگیر تحریک دعوتِ اسلامی کے زیرِ اہتمام انگلینڈ (England) کےسٹی سلاؤ (Slough) میں قائم مدنی مرکز فیضانِ مدینہ میں ی سنتوں بھرے اجتماع کا انعقاد کیا گیا۔ 07 جولائی 2026ء کو ہونے والے اس اجتماع میں بزنس کمیونٹی اور مختلف شعبہ ہائے زندگی سے تعلق رکھنے والے عاشقانِ رسول نے بڑی تعداد میں شرکت کی۔ اس اجتماع میں اراکینِ شوریٰ حاجی محمد رفیع عطاری اور حاجی محمد خالد عطاری، نگرانِ یوکے مشاورت سمیت یوکے، فرانس، اٹلی اور دیگر یورپی ممالک سے آئے ہوئے مختلف سطح کے ذمہ داران اور مبلغینِ دعوتِ اسلامی بھی خصوصی طور پر شریک ہوئے۔

اجتماع میں نگرانِ شوریٰ مولانا حاجی محمد عمران عطاری مُدَّ ظِلُّہُ العالی نے ”نیکی کی دعوت دینے اور برائی سے منع کرنے“ کے موضوع پر نہایت ہی فکر انگیز بیان فرمایا۔ نگرانِ شوریٰ نے معاشرتی رویوں کی اصلاح کرتے ہوئے فرمایا:آج ہمارے اندر یہ سب سے بڑا مسئلہ (Problem) آچکا ہے کہ ہم کسی کو برائی سے روکنے کے لیے ذہنی طور پر تیار ہی نہیں ہوتے۔

یاد رکھیں! اگر ہم اپنے کسی عزیز و اقارب یا ملنے والے کو برائی سے نہیں روکتے، تو کل بروزِ قیامت وہ اللہ کی بارگاہ میں دعویٰ کر سکتا ہے کہ یہ میرا پڑوسی یا دوست مجھے برائی کرتے ہوئے دیکھتا تھا مگر روکتا نہیں تھا ۔ انہوں نے گفتگو کو آگے بڑھاتے ہوئے نیکی کی دعوت کے بہترین طریقہ کار پر روشنی ڈالی اور تاکید کی کہ: اگر کسی کو برائی سے روکنا ہو تو ہمیشہ نرمی، عاجزی اور لجاجت کا راستہ اختیار کریں۔ اگر ہم پیار و محبت اور شفقت کے ساتھ نیکی کی دعوت دیں گے تو لوگ یقیناً نماز، عبادت اور پرہیزگاری کی طرف مائل ہوں گے۔ لہٰذا تمام شرکا آج سے یہ پکا ذہن بنا لیں کہ ہم نے جب بھی کسی کو دین کی بات بتانی ہے تو انتہائی نرمی کے ساتھ ہی بتانی ہے۔

دورانِ اجتماع نگرانِ شوریٰ نے انگلینڈ کے علاقے نیوآرک شوگراؤنڈ (Newark Showground) میں آنے والے 18، 19 اور 20 ستمبر 2026ء کو منعقد ہونے والے تین روزہ عظیم الشان سنتوں بھرے اجتماع کے حوالے سے بھی خصوصی رہنمائی فرمائی۔ انہوں نے شرکا کو اس تاریخی اجتماع میں خود بھی شرکت کرنے اور دوسرے لوگوں کو ترغیب دے کر بھرپور انداز میں اس کی دعوتِ عام کا عزم دلایا۔

رکنِ شوریٰ حاجی محمد خالد عطاری نے بھی شرکا سے گفتگو کرتے ہوئے انہیں دینِ متین کی خدمت کرنے اور دعوتِ اسلامی کے دینی کاموں میں عملی طور پر حصہ لینے کی ترغیب دلائی۔

اجتماع کا اختتام دعا اور بارگاہِ رسالت مآب صلَّی اللہ علیہ واٰلہٖ وسلَّم میں صلوٰۃ و سلام کے نذرانے پیش کرنے پر ہوا۔

دینِ اسلام کی عالمگیر تحریک دعوتِ اسلامی کے زیرِ اہتمام انگلینڈ (England) کے شہر برمنگھم (Birmingham) کے علاقے اسٹچفورڈ (Stechford) میں قائم مدنی مرکز فیضانِ مدینہ میں ایک عظیم الشان سنتوں بھرے اجتماع کا انعقاد کیا گیا۔ 08 جولائی 2026ء کو ہونے والے اس روحانی اجتماع میں بزنس کمیونٹی اور مختلف شعبہ ہائے زندگی سے تعلق رکھنے والے عاشقانِ رسول نے بڑی تعداد میں شرکت کی۔ اجتماع میں دعوتِ اسلامی کے مرکزی مجلس شوریٰ کے اراکین حاجی محمد رفیع عطاری اور حاجی محمد خالد عطاری، نگرانِ یوکے مشاورت سمیت یوکے، فرانس، ہنگری، اٹلی اور دیگر یورپی ممالک سے آئے ہوئے مختلف سطح کے ذمہ داران اور مبلغینِ دعوتِ اسلامی بھی موجود تھے۔

اجتماع سے نگرانِ شوریٰ مولانا حاجی محمد عمران عطاری مُدَّ ظِلُّہُ العالی نے سنتوں بھرا بیان کرتے ہوئے حاضرین کو اولاد کی اسلامی تعلیمات پر تربیت کرنے کے حوالے سے انتہائی اہم رہنمائی فراہم کی۔ نگرانِ شوریٰ نے حدیثِ پاک کا حوالہ دیتے ہوئے فرمایا”اپنی اولاد کو نبی صلَّی اللہ علیہ واٰلہٖ وسلَّم کی محبت، قرآنِ پاک اور اہلِ بیتِ اطہار علیہم الرضوان کی محبت سکھاؤ“۔

انہوں نے مزید تاکید کی کہ بچوں کو یہ اوصاف سکھانے کے لیے ضروری ہے کہ والدین پہلے خود ان چیزوں کو سیکھیں، اور سیکھنے کے لیے ایک بہترین دینی ماحول کا ہونا لازمی ہے۔ انہوں نے کہا کہ دعوتِ اسلامی آپ کو ایسا ہی پاکیزہ ماحول فراہم کرتی ہے، لہٰذا اپنی مصروفیات میں سے چند گھنٹے نکال کر دعوتِ اسلامی کے ہفتہ وار اجتماع، مختلف تربیتی سیشنز اور دینی حلقوں میں لازمی شرکت کریں۔

دورانِ اجتماع نگرانِ شوریٰ نے انگلینڈ (England) کے علاقے نیوآرک شوگراؤنڈ (Newark Showground) میں 18، 19 اور 20 ستمبر 2026ء کو ہونے والے تین روزہ عظیم الشان سنتوں بھرے اجتماع کے حوالے سے بھی خصوصی رہنمائی فرمائی۔ انہوں نے شرکا کو اس تین روزہ اجتماع میں خود بھی شرکت کرنے اور دوسرے لوگوں تک اس کا پیغام پہنچا کر بھرپور انداز میں دعوتِ عام دینے کی ترغیب دلائی۔

انگلینڈ (England) کے شہر سلاؤ (Slough) کے ایک مقامی ریسٹورنٹ میں عاشقانِ رسول کی دینی تحریک دعوتِ اسلامی کے زیرِ اہتمام ایک خصوصی دینی و فکری سیشن کا انعقاد کیا گیا جس میں مقامی بزنس کمیونٹی، مختلف شعبہ ہائے زندگی سے تعلق رکھنے والے پروفیشنلز اور کثیر تعداد میں عاشقانِ رسول نے شرکت کی۔ اس اہم سیشن میں دعوتِ اسلامی کی مرکزی مجلسِ شوریٰ کے اراکین، حاجی محمد خالد عطاری اور حاجی محمد رفیع عطاری سمیت نگرانِ یوکے مشاورت، مبلغین دعوتِ اسلامی اور دیگر مقامی ذمہ داران بھی موجود تھے۔

نگرانِ شوریٰ کا بیان اور خصوصی تربیت:

سیشن کے دوران دعوتِ اسلامی کی مرکزی مجلسِ شوریٰ کے نگران مولانا حاجی محمد عمران عطاری مُدَّ ظِلُّہُ العالی نے سنتوں بھرا بیان فرمایا۔ آپ نے شرکا کو تاکید کی کہ وہ خود بھی علمِ دین حاصل کریں اور اپنی اولاد کو بھی دینِ اسلام کے نور سے منور کریں۔ نگرانِ شوریٰ نے بچوں کے اخلاق و کردار کو سنوارنے اور اپنے گھروں میں مثالی دینی ماحول قائم کرنے کے حوالے سے تفصیلی گفتگو فرمائی اور مختلف تنظیمی و دینی امور پر شرکا کی رہنمائی بھی کی۔

رکنِ شوریٰ کا اظہارِ خیال:

رکنِ شوریٰ حاجی محمد خالد عطاری نے بھی شرکا سے گفتگو کرتے ہوئے انہیں دینِ متین کی خدمت کرنے اور دعوتِ اسلامی کے دینی کاموں میں عملی طور پر حصہ لینے کی ترغیب دلائی۔

سیشن کا اختتام:

پروگرام کے اختتام پر نگرانِ شوریٰ مولانا حاجی محمد عمران عطاری نے امتِ مسلمہ کی بھلائی، ایمان کی سلامتی اور دینی کاموں میں استقامت کے لئے خصوصی دعا کروائی۔ سیشن میں شریک بزنس کمیونٹی اور پروفیشنلز نے دعوتِ اسلامی کی ان کوششوں کو سراہا اور دینی کاموں میں تعاون کا عزم ظاہر کیا۔