بچوں کو دینی و دنیاوی تعلیم دینے اور اُن کی  اخلاقی تربیت کرنے والے ادارے فیضان اسلامک اسکول سسٹم دعوتِ اسلامی کے زیر اہتمام مدنی مرکز فیضانِ صحابیات نزد مریم بینکوئٹ جمشید روڈ، کراچی میں ”1500 واں جشنِ ولادت اجتماع“ کا انعقاد کیا گیا جس میں کراچی ریجن کے تقریبا 10 کیمپسز کی پرنسپل واسٹاف کو مدعو کیا گیا جس میں دارالمدینہ ہیڈ آفس کی اسلامی بہنوں نے بھی شرکت کی ۔

اس دوران عالمی مجلس مشاورت کی نگران اسلامی بہن نے پیارے آقا صلَّی اللہ علیہ واٰلہٖ وسلَّم کی سیرت مبارکہ بیان کرتے ہوئے شرکا کو دعوتِ اسلامی کے دینی کاموں میں حصہ لینے کی ترغیب دلائی ۔

اس موقع پر صاحبزادیِ عطار سلمہا الغفار کی بھی خصوصی شرکت ہوئی جبکہ آپ کی نواسیوں نے کئی احادیث مبارکہ عربی میں سنائیں اور اردو وانگریزی میں ان کا ترجمہ بیان کیا۔صاحبزادیِ عطار سلمہا الغفار نے پرنسپلز و اساتذہ کی تربیت و رہنمائی کرتےہوئے انہیں مدنی پھولوں سے نوازا ۔

رواں سال 2025ء میں 1500 سالہ جشنِ میلاد النبی صلَّی اللہ علیہ واٰلہٖ وسلَّم کی خوشی میں دعوتِ اسلامی کے تعلیمی ادارے فیضان اسلامک اسکول سسٹم کے تحت اسٹوڈنٹس کے لئے 100% فری ایڈمشن کا اعلان کیا گیا ہے جہاں بچوں کو دینی، دنیاوی اور اخلاقی تعلیمات سے روشناس کروایا جاتا ہے تاکہ وہ ایک صالح اور باوقار مسلمان بن سکیں۔

یقیناً حضور نبی کریم صلَّی اللہ علیہ واٰلہٖ وسلَّم کی ذاتِ مبارکہ دنیا کے لئے رحمت ہے اور ان کی تعلیمات آج بھی انسانیت کے لئے رہنمائی کا منہ بولتا ثبوت ہیں نیز دعوتِ اسلامی کی جانب سے یہ اعلان اس عظیم موقع کی مناسبت سے کیا گیا ہے تاکہ نوجوان نسل کو دینی تعلیمات سے آگاہی حاصل ہو اور وہ اپنے کردار و اخلاق کو سنوار سکیں۔

فیضان اسلامک اسکول سسٹم کی خصوصیات:

فیضان اسلامک اسکول سسٹم ایک مثالی تعلیمی ادارہ ہے جہاں بچوں کو دینی اور دنیاوی تعلیم ایک ساتھ فراہم کی جاتی ہے۔ یہاں نہ صرف قرآن و حدیث کی تعلیم دی جاتی ہے بلکہ اخلاق، کردار سازی اور اسلامی اقدار کو بھی اہمیت دی جاتی ہے۔ اس ادارے کا مقصد ہے کہ بچے ایک صالح مسلمان، ذمہ دار شہری اور معاشرتی خدمت گزار بنیں۔

دعوتِ اسلامی کے تعلیمی ادارے فیضان اسلامک اسکول سسٹم کے تحت سندھ کے مختلف شہروں  گمبٹ، ٹھٹہ، سانگھڑ اور حیدرآباد میں قائم کیمپسز میں ”Parent Management Meeting“ اور ”Academic Inspection“ کا اہتمام کیا گیا جس کا مقصد اسٹوڈنٹس کی تعلیمی کیفیت اور والدین کے مسائل کو سننا نیز اُن کو حل کرنا تھا۔

اس دوران فیضان اسلامک اسکول سسٹم کے CEO مولانا محمد زبیر عطاری مدنی، Operational Head محمد دانش عطاری، Academic Manager محمد زوہیب عطاری اور Subject Specialist محمد عمیر عطاری نے اسٹوڈنٹس کے سرپرستوں سے ملاقات کی اور کیمپسز کے تعلیمی معاملات کا معائنہ کیا تاکہ اسٹوڈنٹس کے تعلیمی معیار کو بہتر اور والدین کے ساتھ مؤثر رابطہ برقرار رکھا جا سکے۔

علاوہ ازیں CEO مولانا محمد زبیر عطاری مدنی نے سرپرستوں سے اُن کے مسائل و تجاویزات سنیں اور اُن کے حل کے لئے تبادلۂ خیال کیا۔(رپورٹ: امیر حمزہ عطاری ، کانٹینٹ:غیاث الدین عطاری)

دینی و دنیاوی اعتبار سے بچوں کی  تربیت کرنے اور انہیں معاشرے کا ایک بہترین فرد بننے میں مدد کرنے والے دعوتِ اسلامی کے تعلیمی ادارے فیضان اسلامک اسکول سسٹم کے تحت 7 اگست 2025ء کو ”Parent Management Meeting“ کا انعقاد کیا گیا جس کا مقصد والدین کے ساتھ تعلیمی و انتظامی امور پر تبادلہ ٔخیال کرنا تھا۔

اس موقع پر فیضان اسلامک اسکول سسٹم کے CEO مولانا محمد زبیر عطاری مدنی نے Parents سے ملاقات کی اور تعلیمی معیار کو بہتر بنانے کے بارے میں Parents کی جانب سے تجاویز سنیں۔

CEO مولانا محمد زبیر عطاری مدنی نے اس دوران Parents سے گفتگو کرتے ہوئے تعلیمی ادارے کی بہتری کے حوالے سے چند اہم باتیں کیں اور مستقبل میں مزید ترقیاتی اقدامات کا ظاہر کیا۔ (رپورٹ: امیر حمزہ عطاری فیضان اسلامک اسکول سسٹم، کانٹینٹ:غیاث الدین عطاری)

دینہ، جہلم 4 اگست 2025ء:

فیضان اسلامک اسکول سسٹم دعوتِ اسلامی کے تعلیمی معاملات کے سلسلے میں 4 اگست 2025ء کو صوبائی ذمہ دار مولانا حامد مرتضیٰ عطاری مدنی کی دینہ کیمپس، جہلم میں ڈسٹرکٹ نگران سجاد عطاری، فیضان اسلامک اسکول سسٹم کے ڈویژن ذمہ دار عمران عطاری،شعبہ معاونت برائے اسلامی بہنیں کے ذمہ دار حاجی تبسم عطاری اور شعبہ مکتبۃ المدینہ و روحانی علاج کے تحصیل ذمہ دار شکیل عطاری سے ملاقات ہوئی۔

اس ملاقات میں ذمہ دار اسلامی بھائیوں نے دینہ، سنگھوئی اور جہلم سٹی میں فیضان اسلامک اسکول سسٹم کے نئے کیمپسز کے افتتاح و توسیع کے حوالے سے مشاورت کی جبکہ صوبائی ذمہ دار مولانا حامد مرتضیٰ عطاری مدنی نے نگران اسلامی بھائیوں کے ساتھ”ایکسپینشن“ کے موضوع پر تفصیلی گفتگو کی۔(رپورٹ: امیر حمزہ عطاری، کانٹینٹ:غیاث الدین عطاری)

29 جولائی 2025ء کو مدنی مرکز فیضانِ مدینہ فیصل آباد میں دعوتِ اسلامی کے تعلیمی ادارے فیضان اسلامک اسکول سسٹم کی ایکسپینشن کے حوالے سے میٹنگ ہوئی جس میں فیصل آباد کے تنظیمی ذمہ داران اور صوبائی ذمہ دار شریک تھے۔

اس موقع پر مرکزی مجلسِ شوریٰ کے رکن حاجی محمد اسلم عطاری نے حاضرین سے گفتگو کرتے ہوئے انہیں مدنی پھولوں سے نوازا جبکہ صوبائی ذمہ دار مولانا حامد مرتضیٰ عطاری مدنی نے فیضان اسلامک اسکول سسٹم کے متعلق حاضرین کو آگاہی دی۔

رکنِ شوریٰ نے فیضان اسلامک اسکول سسٹم کی ترقی اور اس میں درپیش مسائل کے بارے میں وہاں موجود اسلامی بھائیوں کی تربیت و رہنمائی کی اور انہیں احسن انداز میں اپنا کام کرنے کی ترغیب دلائی جس پر انہوں نے اچھی اچھی نیتیں کیں۔(رپورٹ: امیر حمزہ عطاری، کانٹینٹ:غیاث الدین عطاری)

فیضان اسلامک اسکول سسٹم (دعوتِ اسلامی) آپ کے لئے ایک خاص موقع لے کر آیا ہے۔خوشی سے بھرپور اور 100% مفت سمر کیمپ 2025ء! یہ پروگرام بچوں کے لئے ایک لاجواب تجربہ ہے جہاں وہ نہ صرف تفریح کریں گے بلکہ نئے ہنر بھی سیکھیں گے اور اپنی صلاحیتوں کو نکھاریں گے۔

کیمپ میں شامل ہوکر اپنے بچوں کو سیکھنے دیں اوراپنی صلاحیتیں بڑھنے دیں:

٭آرٹ اینڈ کرافٹ٭زندگی کی اہم مہارتیں٭ماحولیاتی آگاہی٭جسمانی سرگرمیاں٭STEM پروجیکٹس٭رول پلے٭تفریحی اور تعلیمی تربیتی سیشنز۔

محدود نشستیں دستیاب ہیں، اس لئے فوراً رجسٹریشن کریں اور اس موسم گرما کو یادگار بنائیں!

یہ کیمپ کراچی، سندھ اور بلوچستان کے اسٹوڈنٹس کے لئے خاص طور پر لگایا گیا ہے جس کی ٹائمنگ 22 سے 30 جولائی 2025ء کے دوران صبح 8:15 بجے سے 10:45 بجے تک ہوگی۔

واضح رہےیہ پروگرام فیضان اسلامک اسکول سسٹم اوردیگر اسکولوں کے بچوں دونوں کے لئے کھلا ہے۔(رپورٹ: شعبہ فیضان اسلامک اسکول سسٹم ، کانٹینٹ:غیاث الدین عطاری)

دعوت اسلامی کے تحت کوئٹہ میں ایک اہم اجلاس منعقد ہوا، جس میں ڈویژنل سربراہان، منصوبہ سازی مجلس، اور فیضان اسلامک سکول سسٹم بلوچستان کے صوبائی سربراہ نے شرکت کی۔

سیشن میں موجودہ پیش رفت کا جائزہ لینے، کلیدی بہتریوں پر تبادلہ خیال، اور پورے خطے میں تربیہ کے ساتھ ضروری تعلیم کو مضبوط بنانے کے لیے مستقبل کے روڈ میپ کی منصوبہ بندی پر توجہ مرکوز کی گئی۔

اختتام پر، ٹیم نے فیضان اسلامک سکول سسٹم کے کیمپس کا دورہ کیا، جہاں تعلیمی معیار، آپریشنل بہتری اور طویل مدتی اہداف کے حوالے سے تعمیری بات چیت کی گئی۔(رپورٹ:امیر حمزہ عطاری شعبہ فیضان اسلامک اسکول سسٹم، کانٹینٹ:شعیب احمد عطاری)

پچھلے دنوں فیضان اسلامک اسکول کراچی شاہ ٹاؤن میں دسویں اور  پاکستان میں سنتالیسویں کیمپس کا افتتاح ہوا۔ اس موقع پر ڈسٹرکٹ نگران ،ٹاؤن نگران اور یوسی نگران بھی موجود تھے۔

افتتاح حاجی رضا مدنی نے کیا۔ افتتاحی تقریب میں تلاوت کلام اور نعت رسول مقبول صلی اللہ علیہ وسلم کے بعد کراچی سٹی ذمہ دار نے فیضان اسکول کا مختصر تعارف پیش کیا اور پھر حاجی رضا مدنی نے تربیت اولاد پر بیان فرمایا اور اسلامی بھائیوں کو زیادہ سے زیادہ ایڈمیشن کروانے کا ذہن دیا۔

نوٹ:پاکستان بھر کے فیضان اسکول میں ایڈمیشن اوپن ہیں۔ ایڈمیشن کے لیے اپنے قریبی کیمپس پر رابطہ کیجیے۔

فیضان اسلامک اسکول سسٹم جو کہ دعوتِ اسلامی کے تحت ملک بھر میں اسلامی و عصری تعلیم کے فروغ کے لئے کوشاں ہے۔ اس شعبے نے کراچی کے علاقے بڑا  بورڈ میں اپنے نئے کیمپس کے افتتاح کا اعلان کر دیا ہے۔

اس نئے کیمپس کا مقصد بچوں کو نہ صرف معیاری دینی تعلیم فراہم کرنا ہے بلکہ ان کی شخصی، اخلاقی اور علمی تربیت کو جدید تقاضوں کے مطابق فروغ دینا بھی ہے۔ ادارے کا نعرہ” You have to start to be great “ اس بات کی عکاسی کرتا ہے کہ عظمت کا سفر ابتدا سے ہی ممکن ہے اور فیضان اسلامک اسکول اسی منزل کی جانب پہلا قدم فراہم کر رہا ہے۔

مزید معلومات کے لئے ان نمبرز پر رابطہ کریں:

0313-2625016 / 0317-4729475

شعبہ فیضان اسلامک اسکول سسٹم (دعوتِ اسلامی ) کے تحت پچھلے دنوں اورنگی ٹاؤن کیمپس میں جشنِ ولادتِ مصطفیٰ صلَّی اللہ علیہ واٰلہٖ وسلَّم کی مناسبت سے ”عید میلاد النبی اجتماع“ کا انعقاد کیا گیا جس میں کیمپس کے اسٹوڈنٹس سمیت مینجمنٹ ٹیم نے شرکت کی۔

اجتماع کا آغاز کیمپس کے اسٹوڈنٹ نے تلاوتِ کلامِ پاک سے کیا جبکہ دیگر اسٹوڈنٹس نے سرکارِ اعلی وقار، حضور خاتم النبیین حضرت محمد صلَّی اللہ علیہ واٰلہٖ وسلَّم کی بارگاہ میں نعت شریف پڑھ کر نذرانۂ عقیدت پیش کیا۔

اسٹوڈنٹس نے دورانِ اجتماع پُرجوش انداز میں مرحبایا مصطفیٰصلَّی اللہ علیہ واٰلہٖ وسلَّم کے نعرے لگاتے اور جھنڈے لہراتے ہوئے پیارے آقا، مکی مدنی مصطفیٰ صلَّی اللہ علیہ واٰلہٖ وسلَّم کی ولادت کا جشن منایا ۔(رپورٹ: محمد دانش رضا عطاری، شعبہ فیضان اسلامک اسکول سسٹم ، کانٹینٹ:غیاث الدین عطاری)

دعوتِ اسلامی کے عالمی مدنی مرکز فیضانِ مدینہ کراچی میں شعبہ فیضان اسلامک اسکول سسٹم (دعوتِ اسلامی) کے اہم ذمہ داران کی میٹنگ ہوئی جس میں نگرانِ شعبہ مولانا محمد زبیر عطاری مدنی، شعبے کےکراچی سٹی ذمہ دار مولانا ثقلین عباس عطاری مدنی اور ایکسپینشن ذمہ دار مولانا فراز احمد عطاری مدنی نے شرکت کی۔

اس میٹنگ میں دعوتِ اسلامی کی مرکزی مجلسِ شوریٰ کے رکن حاجی فضیل رضا عطاری نے ایکسپینشن کے حوالے سے کلام کرتے ہوئے کراچی سٹی میں فیضان اسلامک اسکول سسٹم کے مزید کیمپس کھولنے کے متعلق ذمہ داران سے مشاورت کی۔

میٹنگ کے طے شدہ مدنی پھولوں کے مطابق کراچی سٹی میں یوسی سطح پر فیضان اسلامک اسکول سسٹم کا آغاز کیا جائے گا تاکہ امتِ مسلمہ کے نونہال بہترین انداز میں تعلیم و تربیت حاصل کر سکیں۔(رپورٹ: شعبہ فیضان اسلامک اسکول سسٹم ، کانٹینٹ:غیاث الدین عطاری)