دعوتِ اسلامی کے  ڈیپارٹمنٹ آف مدنی کورسز گرلز کے تحت 1 ستمبر 2025ء کو ”عقیدہ ختمِ نبوت “ کے حوالے سے ہونے جا رہا ہے آن لائن کڈزسیشن کا انعقاد جس میں 7 تا 12 سال کی بچیاں اور 9 سال سے کم عمر کے بچے شرکت کر سکیں گے۔

معلومات کے مطابق 1 ستمبر 2025ء کو ہونے والے اس کڈزسیشن کا دورانیہ 1 گھنٹہ ہوگا جس میں مختلف موضوعات پر بچوں اور بچیوں کی رہنمائی و تربیت کی جائے گی جن کی تفصیل درج ذیل ہے:

23 اگست 2025ء بمطابق 29 صفرالمظفر 1447ھ کی شب دعوتِ اسلامی کے عالمی مدنی مرکز فیضانِ مدینہ کراچی میں علمِ دین سے بھرپور مدنی مذاکرے کا انعقاد کیا گیا جس میں کراچی اور دیگر شہروں سے آئے ہوئے کثیر عاشقانِ رسول نے براہِ راست جبکہ بیرونِ ملک کے عاشقانِ رسول نے بذریعہ مدنی چینل شرکت کی۔

تلاوتِ قراٰن و نعتِ رسولِ مقبول صلَّی اللہ علیہ واٰلہٖ وسلَّم کے بعد شیخِ طریقت، امیرِ اَہلِ سنّت، بانیِ دعوتِ اسلامی حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہ نے عاشقانِ رسول کی جانب سے ہونے والے سوالات کے جوابات ارشاد فرمائے اور ولادتِ مصطفیٰ صلَّی اللہ علیہ واٰلہٖ وسلَّم کے بارے میں بتایا۔

بعض سوال و جواب:

سوال: چاندنبیِ کریم صلَّی اللہ علیہ واٰلہٖ وسلَّم سے روشنی لئے ہوئے ہے ،کیا ہم اسی لئے جشنِ ولادت کے موقع پر روشنی(چراغاں) کرتے ہیں؟

جواب:یہ بات تودرست ہے کہ چاندنبی کریم صلَّی اللہ علیہ واٰلہٖ وسلَّم سے روشنی لئے ہوئے ہے جیساکہ حضرت شاہ عبدالعزیزمحدث دہلوی رحمۃ اللہ علیہ نے تحریرفرمایا ہے۔بہرحال روشنی کرنا ،لائٹیں لگانا یہ سب خوشی کے اظہارکے طریقے ہیں، جشنِ ولادت میں خوشی کرنا جائز اوربزرگوں،علماوصلحا سے ثابت ہے بلکہ حقیقت یہ کے کہ ہمیں اس موقع پر روشنی کرنا علمائے کرام نے ہی سکھایاہے۔اچھی نیت جس میں دکھاوا، رِیا وغیرہ ذاتی مفاد نہ ہو جائز طریقے سے ضرور روشنی (چراغاں) کیجئے۔اپنی عمارت، گھر، صحن اورگلیوں کو لائٹوں سے سجائیں ،اپنے دل کو توبہ ،نمازوں کی پابندی ،سنتوں پر عمل کرکے سجائیں ،چہرے کو نبی کریم صلَّی اللہ علیہ واٰلہٖ وسلَّم کی سنت ایک مٹھی داڑھی شریف رکھ کرسجائیں ۔سرکو زلفیں رکھ کر اورعمامہ شریف کا تاج پہن کرسجائیں ،بدن کو سنتوں بھرا لباس پہن کرسجائیں ،بدن کا ظاہربھی سجاناہے اورباطن بھی سجانا ہے ۔اس سال ”1500 واں جشنِ ولادت“ اس دُھوم دھام سے منانا ہے کہ شیطان کو کہیں منہ چھپانے کی جگہ نہ ملے ۔اس کے لئے دعوتِ اسلامی کے دِینی ماحول سے وابستہ ہوجائیں۔

سوال:مشاہدہ اورخبرمیں کیافرق ہے ؟

جواب:مشاہدہ یعنی دیکھنا ،خبریعنی بات جو ہم سنتے ہیں ،مشاہدہ خبرسے معتبراورزیادہ قابلِ قبول ہے ۔

سوال:سیدی اعلیٰ حضرت ،امامِ اہلسنت امام احمدرضا خان رحمۃ اللہ علیہ اپنے گھروالوں کے ساتھ کیسے تھے ؟

جواب:سیدی اعلیٰ حضرت رحمۃ اللہ علیہ ولی اللہ ،مفتیِ اسلام اورمجتہدفی المسائل تھے۔آپ کروڑوں مسلمانوں کے پیشوا ہیں۔علمائے کرام نے انہیں چودہویں صدی کا مجددلکھا ہے، ظاہرہے ان کا گھر میں کردار بھی اعلیٰ تھا ،اس لئے آپ کے بیٹے اور پوتے بھی بڑے بڑے نامور علما بنے ۔آپ کے دونوں صاحبزادے حجۃ ُالاسلام حضرت علامہ حامدرضا خان رحمۃ اللہ علیہ اورمفتی اعظم ہند مفتی محمد مصطفی رضا خان رحمۃ اللہ علیہ بہت بڑے عالم اور مفتی تھے ۔ میں اعلیٰ حضرت والا ہوں ،مجھے اعلیٰ حضرت والارہنا اورمرنا ہے ،میں مسلکِ اعلیٰ حضرت سے ہٹنے کے لئے کسی قیمت پر تیارنہیں ۔آپ سب بھی ہمیشہ اعلیٰ حضرت والے رہنا ،ان شاء اللہ الکریم دونوں جہاں میں بیڑا پارہوگا۔

سوال: کیا علم کی تعظیم کا بھی کوئی فائدہ ہے ؟

جواب:جی ہاں!علم کی تعظیم کے بہت فوائدہیں ، علامہ شمس حلوانی حنفی رحمۃ اللہ علیہ فرماتے ہیں: مجھے جو مقام ملا ہے وہ علم کی تعظیم کی وجہ سے مِلاہے، میں نے کبھی بھی کسی کاغذکو بے وضو ہاتھ نہیں لگایا ۔

سوال:ربیع الاول شریف میں سیرتِ مصطفی صلَّی اللہ علیہ واٰلہٖ وسلَّم کے بارے میں کتابیں پڑھنے کا جذبہ کیسے ملے ؟

جواب: دِل میں نبیِ کریم صلَّی اللہ علیہ واٰلہٖ وسلَّم کی محبت اُجاگرکریں ،سُستی اُڑائیں اورباوضوہوکر پڑھا کریں ۔آپ صلَّی اللہ علیہ واٰلہٖ وسلَّم کی سیرت کا مطالعہ کرنے سےمعلومات میں بے حد اضافہ ہوگا ، جتنی معلومات زیادہ ہوں گی تو اتناہی جذبۂ محبتِ رسول بھی بڑھے گا ۔

سوال:سادگی میں عظمت ہے ،سادگی کس کس میں ہے ؟

جواب:سادگی رہن سہن،لباس ،مکان ،کھانے پینےسب میں ہونی چاہیئے ۔سادگی نہ ہونے کی وجہ سے آج مہنگائی ہے ،اس لئے بزرگوں کاقول ہے کہ جوچیز مہنگی ہوجائے اسے خریدناچھوڑدیں ۔اس کے کئی فوائد ہیں مثلاً سادہ غذاکھانے والا کم بیمارہوتاہے اورمُرغَّن یعنی تیل مصالحہ والی غذاکا عادی زیادہ بیمارہوتاہے۔

سوال: 14 اگست اور 31 دسمبر وغیرہ کی راتوں میں کیااحتیاط کی جائے ؟

جواب:ہمارے ملکِ پاکستان میں 14 اگست اور 31 دسمبر کو بالخصوص رات کے وقت چھت اورسڑکوں پر نہیں آنا چاہیئے، ہوائی فائرنگ سے کوئی نقصان ہوسکتاہے۔

سوال: اِس ہفتے کارِسالہ ” اَرْبَعینِ عطاّر ^{(قسط 3)}“ پڑھنے یاسُننے والوں کوامیراہل سنت دامت بَرَکَاتُہمُ العالیہ نے کیا دُعا دی ؟

کراچی (کورنگی) :

23 اگست 2025ء کو ڈپٹی کمشنر کورنگی، SSP آپریشن اور SSP ٹریفک کے زیرِ نگرانی 12 ربیع الاول 1447ھ کے حوالے سے ایک اہم مشترکہ میٹنگ منعقد ہوئی جس میں شعبہ رابطہ برائے شخصیات دعوتِ اسلامی کے ذمہ داران نے بھی شرکت کی جس کا مقصد اس طرح کے ایونٹس کے پرامن و محفوظ انعقاد کے لئے حکمت عملی اختیار کرنا تھا۔

اس موقع پر ڈسٹرکٹ کورنگی میں 26 اگست 2025ء کو ہونے والے اسلامی بہنوں کے اجتماعات کی کنٹینجینسی، 3 بڑی رات کے میلاد اجتماعات اور 45 جلوسوں کے لئے سول و سیکیورٹی انتظامات کا تفصیلی جائزہ لیا گیا۔(رپورٹ: شعبہ رابطہ برائے شخصیات ، کانٹینٹ:غیاث الدین عطاری)

مالاکنڈ ڈویژن، صوبہ خیبرپختونخوا کے ڈسٹرکٹ باجوڑ میں شعبہ رابطہ برائے شخصیات کے ذمہ دار اسلامی بھائیوں نے وفاقی وزیر مبارک زیب کے فوکل پرسن میاں حبیب گل سے ملاقات کی۔

شیخوپورہ ، پنجاب:

پچھلے دنوں دعوتِ اسلامی کے دینی کاموں کے سلسلے میں شیخوپورہ، پنجاب کے MNA خرم منور منج سے شعبہ رابطہ برائے شخصیات کے ذمہ دار اسلامی بھائیوں کی ملاقات ہوئی۔

اس موقع پر نگرانِ ڈویژن شیخوپورہ حاجی نعیم خاں عطاری نےرواں سال ”1500 ویں جشنِ میلادُ النبی صلَّی اللہ علیہ واٰلہٖ وسلَّم“ منانے کا ذہن دیتے ہوئے انہیں جلوسِ میلاد میں شرکت کرنے کی دعوت دی۔علاوہ ازیں ذمہ دار اسلامی بھائیوں کی جانب سے MNA خرم منور منج کو تحائف دیئے گئے جبکہ دیگر اہم امور پر تبادلۂ خیال کیا گیا۔ (رپورٹ: شعبہ رابطہ برائے شخصیات ، کانٹینٹ:غیاث الدین عطاری)

استحکام پاکستان پارٹی کے سینئر رہنما چوہدری نوشیر مان کی اپنے احباب کے ہمراہ واربٹن، ڈسٹرکٹ ننکانہ صاحب کی جامع مسجد فیضانِ غوث اعظم میں آمد ہوئی جہاں دعوتِ اسلامی کے شعبے FGRF کے تحت شجرکاری مہم کا انعقاد بھی کیا گیا۔

معلومات کے مطابق شعبہ FGRF کے تحت شجرکاری مہم کے انعقاد کا مقصد ماحول کی بہتری اور درخت لگاؤ کی اہمیت کو اجاگر کرنا تھا۔اس دوران دیگر عاشقانِ رسول بھی موجود تھے جنہوں نے شجرکاری مہم میں حصہ لیا۔ (رپورٹ: شعبہ رابطہ برائے شخصیات ، کانٹینٹ:غیاث الدین عطاری)

شعبہ فیضان آن لائن اکیڈمی گرلز دعوتِ اسلامی کے تحت 23 اگست 2025ء کو شعبے کی کارکردگی کا جائزہ لینے کے لئے ماہانہ میٹنگ ہوئی جس میں اہم ذمہ دار اسلامی بھائی شریک ہوئے۔

نگرانِ شعبہ مولانا سیّد غلام الیاس عطاری مدنی نے ”ماہرین سے مشاورت“ کے موضوع پر بیان کیا اور شرعی و تنظیمی اصولوں کی روشنی میں شعبے میں جدت لانے کے حوالے سے گفتگو کی ۔

اس موقع پر وہاں موجود ذمہ دار اسلامی بھائیوں نے شعبے کے دینی کاموں میں مزید بہتری لانے کے لئے اچھی اچھی نیتیں کیں۔(رپورٹ: شعبہ فیضان آن لائن اکیڈمی گرلز ، کانٹینٹ:غیاث الدین عطاری)

شعبہ معاونت برائے اسلامی بہنیں کے تحت 20 اگست 2025ء کو  جیکب آباد میں واقع دعوتِ اسلامی کے مدنی مرکز فیضانِ مدینہ میں ایک میٹنگ منعقد کی گئی جس میں ڈسٹرکٹ نگران، تحصیل نگران، ٹاؤن نگران اور ڈویژن نگران سمیت دیگر اسلامی بھائیوں نے شرکت کی۔

دعوتِ اسلامی کے تعلیمی ادارے فیضان اسلامک اسکول سسٹم کے تحت سندھ کے مختلف شہروں  گمبٹ، ٹھٹہ، سانگھڑ اور حیدرآباد میں قائم کیمپسز میں ”Parent Management Meeting“ اور ”Academic Inspection“ کا اہتمام کیا گیا جس کا مقصد اسٹوڈنٹس کی تعلیمی کیفیت اور والدین کے مسائل کو سننا نیز اُن کو حل کرنا تھا۔

اس دوران فیضان اسلامک اسکول سسٹم کے CEO مولانا محمد زبیر عطاری مدنی، Operational Head محمد دانش عطاری، Academic Manager محمد زوہیب عطاری اور Subject Specialist محمد عمیر عطاری نے اسٹوڈنٹس کے سرپرستوں سے ملاقات کی اور کیمپسز کے تعلیمی معاملات کا معائنہ کیا تاکہ اسٹوڈنٹس کے تعلیمی معیار کو بہتر اور والدین کے ساتھ مؤثر رابطہ برقرار رکھا جا سکے۔

علاوہ ازیں CEO مولانا محمد زبیر عطاری مدنی نے سرپرستوں سے اُن کے مسائل و تجاویزات سنیں اور اُن کے حل کے لئے تبادلۂ خیال کیا۔(رپورٹ: امیر حمزہ عطاری ، کانٹینٹ:غیاث الدین عطاری)

اسلام آباد، پاکستان  (20 اگست 2025ء) :

دنیا بھر میں رنگ و نسل کے امتیاز سے بالاتر ہوکر دینِ اسلام کی خدمت میں مصروفِ عمل عاشقانِ رسول کی دینی تحریک دعوتِ اسلامی کے تحت 20 اگست 2025ء کو اسپیشل پرسنز ڈیپارٹمنٹ کے ذمہ داران نے ایک اہم دورہ کیاجس کا مقصد نابینا اور معذور افراد کے لئے قائم مختلف دینی و فلاحی اداروں سے ملاقات کرنا تھا۔

معلومات کے مطابق اسپیشل پرسنز ڈیپارٹمنٹ کے ذمہ دار اسلامی بھائیوں نے وفاقی دارالحکومت اسلام آباد میں نابینا بچوں کے لئے قائم تعلیمی مرکز National Almaktoom Special Education Center for Visually Handicap Children (VHC)، G-7/2 کا دورہ کیا۔

اس موقع پر صوبائی ذمہ دار کامران عطاری نے پاکستان سطح نابینا افراد کے ذمہ دار حنیف عطاری اور صوبائی ذمہ دار بدر شفیق عطاری کے ہمراہ اسکول اسٹاف سے ملاقات کی اور انہیں دعوتِ اسلامی کے دینی و فلاحی کاموں کے بارے میں آگاہی فراہم کی۔

علاوہ ازیں ذمہ دار اسلامی بھائیوں نے اسکول اسٹاف کو نابینا افراد کے لئے قائم دعوتِ اسلامی کے مدرسۃ المدینہ اور جامعۃالمدینہ کے حوالے سے بتایا اور انہیں نیکی کی دعوت پیش کی جس پر انہوں نے اپنی نیک خواہشات کا اظہار کیا۔(رپورٹ: اسپیشل پرسنز ڈیپارٹمنٹ ، کانٹینٹ:غیاث الدین عطاری)

علمِ دین وہ روشنی ہے جو دل و دماغ کو منور کرتی ہے اور جہالت و بے عملی کے اندھیروں کو ختم کرتی ہے۔ دعوتِ اسلامی نے اِسی مقصد کے لئے مختلف تعلیمی و تحقیقی ادارے قائم کئے ہیں جن میں ”اسلامک ریسرچ سینٹر (اَلْمَدِیْنَۃُ العِلْمِیّۃ)“ ایک نمایاں حیثیت رکھتا ہے۔

یہ ادارہ 1422ھ مطابق 2001ء میں قائم ہوا اور ابتدا ہی سے کتب و رسائل کے ذریعے نیکی کی دعوت، احیائے سنت اور اشاعتِ علمِ شریعت کے مشن پر گامزن ہے۔

اس شعبے نے اب تک مختلف موضوعات پر سینکڑوں کتب و رسائل عمدہ اور آسان انداز میں تحریر کرکے امت کو دیئے ہیں جن سے عام مسلمانوں کے ساتھ علمائے اسلام بھی مستفید ہورہے ہیں۔

اس شعبے کی ماہِ جولائی 2025ء میں 10 کتب و رسائل شائع ہوکر منظر عام پر آئیں جبکہ چار مزید کتب و رسائل اپنے تمام مراحل سے گزر کر مکتبۃ المدینہ کے پاس پرنٹنگ پر موجود ہیں جو ان شاء اللہ جلد ہی چھپ کر قارئین کے ہاتھوں میں ہونگے۔

ان کتب و رسائل کے نام ملاحظہ کیجئے:

ذوقِ نعت سیزن 12 اپنے اختتام کو پہنچا

اسلامک ریسرچ سینٹر (المدینۃ العلمیۃ)کی ٹیم نے میدان مار لیا

مدنی چینل پر یکم صفر المظفر 1447ھ بمطابق 27 جولائی 2025ء سے نشر ہونے والا سلسلہ” ذوقِ نعت“ سیزن 12 مختلف مراحل طے کرتے ہوئے اپنے اختتام کو پہنچ گیا۔ اس سیزن میں 16 ٹیموں نے حصہ لیا جبکہ مجموعی طور پر 15 اقساط نشر ہوئیں۔ سخت مقابلوں کے بعد اسلامک ریسرچ سینٹر (المدینۃ العلمیۃ) اور شعبہ خدام المساجد والمدارس المدینہ کی ٹیمیں گرینڈ فائنل تک پہنچنے میں کامیاب ہوئیں۔

گرینڈ فائنل کی شاندار تقریب

ذوقِ نعت سیزن 12 کا گرینڈ فائنل 17 اگست 2025ء کی شب عالمی مدنی مرکز فیضانِ مدینہ کراچی میں منعقد ہوا۔ اس موقع پر نہایت پُرجوش اور سنسنی خیز مقابلہ دیکھنے کو ملا۔ پروگرام کی میزبانی مبلغِ دعوتِ اسلامی و معروف نعت خواں مولانا اشفاق عطاری مدنی نے کی۔

زبردست مقابلے کے بعد بالآخر المدینۃ العلمیۃ کی ٹیم نے جیت کا سہرا اپنے سر سجا لیا اور سیزن 12 کی فاتح قرار پائی۔

پروگرام ذوق نعت کا فائنل جیتنے پر قلبی تاثرات:

دعوتِ اسلامی کا مدنی چینل پہلے دن سے مسلمانوں میں عشقِ رسول کے جام تقسیم کر رہا ہے، اس سلسلۃ الذہب کی ایک کڑی مشہور زمانہ پروگرام ”ذوق نعت“ بھی ہے جو اسم بامسمی ہے،یقینا اس پروگرام نے عاشقان رسول میں نعت شریف کے ذوق کو پروان چڑھایا ہے۔ اس میں کوئی دو رائے نہیں کہ ذوق نعت کا پیدا ہونا عشق رسول میں اضافے کا باعث بنتا ہے۔ پروگرام کے اینکر معروف ثناخواں محترم جناب مولانا محمد اشفاق عطاری مدنی سلمہ الغنی کو اس سلسلے کی جان کہا جائے تو بے جا نہ ہوگا۔ اللہ کریم انہیں برکتوں سے مالا مال فرمائے۔صفرالمظفر1447ھ کے ذوق نعت میں 16 ٹیموں نے پارٹی سپیٹ کیا اور اس بار المدینۃ العلمیہ کی ٹیم نے بھی اس مقابلے میں اپنا حصہ ڈالا اور بھرپور حصہ ڈالا ۔ انتہائی محنت ولگن کے ساتھ نہ صرف شریک سفر رہے بلکہ اس کا فائنل مقابلہ اپنے شعبے کے نام کیا اور اس بار کے ذوق نعت میں بہت سے ریکارڈ بھی بنائے۔صمیم قلب سے ان کی خدمتوں میں ہدیہ تبریک۔ المدینۃ العلمیہ کی تین رکنی ٹیم میں مولانا محمد وقاص فیاض مدنی عطاری ، مولانا حاجی محمد آصف قادری مدنی اور مولانا محمد عمر فیاض مدنی عطاری سلمہم الغنی شامل تھے ۔ رب قدیر ان تینوں شخصیات کی مساعی کو شرف قبولیت بخشے ، مزید کی توفیق دے ، خوب ترقی وعروج عطا فرمائے اور انہیں علم وعمل کی ڈھیروں ڈھیر برکتوں سے نوازے۔ مولائے کریم اپنے حبیب کریم صلَّی اللہ علیہ واٰلہٖ وسلَّم کے طفیل مجلس المدینۃ العلمیہ سمیت دعوتِ اسلامی کی تمام مجالس کی خیر فرمائے۔ امین بجاہ محمد خاتم النبیین صلَّی اللہ علیہ واٰلہٖ وسلَّم

خیر اندیش:

محمد آصف اقبال مدنی عفی عنہ

(رکن مجلس المدینۃ العلمیۃ)

23صفرالمظفر1447ھ