شعبہ رابطہ برائے شخصیات دعوتِ اسلامی کے زیرِ اہتمام 29 اگست 2025ء کو جشنِ میلاد النبی صلَّی اللہ علیہ واٰلہٖ وسلَّم کے سلسلے میں لاہور میں قائم PCSIR سوسائٹی میں محفلِ میلاد منعقد ہوئی جس میں سوسائٹی کے صدر، جنرل سیکریٹری، ایڈوکیٹ اور کیپٹن ریٹائرڈ سمیت دیگر عاشقانِ رسول نے شرکت کی۔

محفلِ میلاد میں تلاوت و نعت کے بعد مبلغِ دعوتِ اسلامی نے سنتوں بھرا بیان کیا اور دعوتِ اسلامی کے شعبہ جات کے ذریعے دنیا بھر میں ہونے والی ایکٹیویٹیز کے بارے میں بتایا۔

اس کے علاوہ مبلغِ دعوتِ اسلامی نے حاضرین کو اجتماعِ میلاد و جلوسِ میلاد میں شرکت کرنے، 1500 ویں جشنِ ولادت کی خوشی میں اپنی سوسائٹی کو سجانے اور مدنی مرکز فیضانِ مدینہ لاہور کا وزٹ کرنے کی ترغیب دلائی۔(رپورٹ: شعبہ رابطہ برائے شخصیات ، کانٹینٹ:غیاث الدین عطاری)

انڈسٹریز اینڈ کامرس ڈیپارٹمنٹ سندھ سیکریٹریٹ میں 29 اگست 2025ء کو دعوتِ اسلامی کے شعبہ رابطہ برائے شخصیات کے تحت محفلِ نعت کا اہتمام کیا گیا جس میں افسران اور دیگر اسٹاف نے شرکت کی۔

معلومات کے مطابق افسران میں سیکریٹری غلام یاسین بلوچ، ایڈیشنل سیکریٹری طارق قریشی، ڈپٹی سیکریٹری آصف اعجاز تنویری، ایڈیشنل سیکریٹری محمد حسین گھمرو، ڈپٹی سیکریٹری عبد الکریم ملک، سیکشن آفیسر شرافت علی، سیکشن آفیسر مشتاق احمد، سیکشن آفیسر محمد فاضل اور سیکشن آفیسر رانا ادریس شامل تھے۔

محفلِ نعت میں تلاوتِ قراٰن و نعتِ رسولِ مقبول صلَّی اللہ علیہ واٰلہٖ وسلَّم کے بعد دعوتِ اسلامی کی مرکزی مجلسِ شوریٰ کے رکن حاجی فضیل رضا عطاری نے بیان کیاجس میں انہوں نے میلادالنبی صلَّی اللہ علیہ واٰلہٖ وسلَّم کے واقعات بتائے۔

دورانِ بیان رکنِ شوریٰ نے افسران اور اسٹاف کے دیگر اسلامی بھائیوں کو عالمی مدنی مرکز فیضانِ مدینہ کراچی کا وزٹ کرنے اور مدنی مذاکروں میں شرکت کرنے کا ذہن دیا۔

بعدازاں افسران نے مدنی چینل کو اپنے تاثرات دیتے ہوئے اپنی نیک خواہشات کا اظہار کیا۔(رپورٹ: شعبہ رابطہ برائے شخصیات ، کانٹینٹ:غیاث الدین عطاری)

28 اگست 2025ء کو  میاں چنوں ڈویژن میں دعوتِ اسلامی کےتحت شعبہ رابطہ برئے شخصیات کے ذمہ دار اسلامی بھائیوں نے ایک وفد کی صورت میں مختلف سرکاری و سماجی شخصیات سے ملاقات کی۔

اس دوران وفد میں موجود ذمہ دار اسلامی بھائیوں نے ایکسیئن میپکو (واپڈا) انجینئر ثاقب سلمان، ضلعی صدر جماعتِ اہلسنت و معروف بزنس ٹائیکون حاجی محمد رفیق تاج مغل اور SHO سٹی چوہدری محمود اختر سمیت دیگر اہم شخصیات کو نیکی کی دعوت دیتے ہوئے انہیں 1500 ویں جشنِ ولادت کے موقع پر ہونے والے اجتماعِ میلاد و جلوسِ میلاد میں شرکت کرنے کی دعوت دی۔

اس موقع پرمیاں چنوں کے ڈویژن ذمہ دار فداعلی عطاری، تحصیل نگران آصف بشیر عطاری، تحصیل ذمہ دار محمد سیف اللہ عطاری اور شعبہ رابطہ برائے ہائی ویز کے ڈویژن ذمہ دار محمد یوسف عطاری موجود تھے۔

آخر میں ذمہ دار اسلامی بھائیوں نے سرکاری و سماجی شخصیات کو امیرِ اہلِ سنت دامت بَرَکَاتُہمُ العالیہ کے رسائل تحفے میں پیش کئے جس پر انہوں نے اچھی اچھی نیتیں کیں۔(رپورٹ: شعبہ رابطہ برائے شخصیات ، کانٹینٹ:غیاث الدین عطاری)

رواں سال 2025ء میں  1500 ویں جشنِ میلادالنبی صلَّی اللہ علیہ واٰلہٖ وسلَّم کے انتظامات کے سلسلے میں MQM پاکستان میرپورخاص ڈسٹرکٹ کے انچارج خالد تبسم، جوائنٹ انچارج سلیم میمن، آفاق احمد خان، ڈسٹرکٹ کمیٹی کے اراکین، یوسی چیئرمین خلیل احمد اور یوسی 8A کے ذمہ داران پر مشتمل ایک وفد کی دعوتِ اسلامی کے مدنی مرکز فیضانِ مدینہ میرپور خاص آمد ہوئی جہاں میرپور خاص کے ذمہ دار زین عطاری نے انہیں خوش آمدید کہا۔

اس دوران میرپورخاص ڈسٹرکٹ انچارج خالد تبسم نے جشنِ آمدِ رسول صلَّی اللہ علیہ واٰلہٖ وسلَّم کےپُرنور موقع پر عاشقانِ رسول کے جلوسوں کی گزرگاہوں کی صفائی اور مرکزی شاہراہوں پر MQM پاکستان کی جانب سے جلوسوں کے استقبال کے لئے استقبالیہ کیمپوں کے قیام سمیت دیگر سہولتوں کی فراہمی کے متعلق یقین دہانی کروائی۔

بعدازاں ذمہ دار زین عطاری نے جشنِ عید میلاد النبی صلَّی اللہ علیہ واٰلہٖ وسلَّم کے موقع پر MQM پاکستان کی جانب سے کی جانے والے خدمات پر خوشی کا اظہار کیا اور وفد کے تمام شرکا کو ”آخری نبی صلَّی اللہ علیہ واٰلہٖ وسلَّم کی پیاری سیرت“ کتاب تحفے میں پیش کی۔(رپورٹ: شعبہ رابطہ برائے شخصیات ، کانٹینٹ:غیاث الدین عطاری)

28 اگست 2025ء کو دعوتِ اسلامی کے دینی کاموں کے سلسلے میں شعبہ رابطہ برائے شخصیات کے ذمہ دار اسلامی بھائیوں نے میاں چنوں شیڈول کے دوران MPA رانا بابر حسین سے ملاقات کی۔

ملاقات کے دوران ذمہ دار اسلامی بھائیوں نے MPA رانا بابر حسین سے مختلف نکات پر تبادلۂ خیال کیا جن میں سیکھنے سکھانے کے حلقے لگانا، رواں سال 1500 واں جشنِ ولادتِ مصطفیٰ صلَّی اللہ علیہ واٰلہٖ وسلَّم منانا اور بالخصوص میاں چنوں میں چراغاں کرنا شامل تھا۔

علاوہ ازیں ذمہ دار اسلامی بھائیوں نے MPA کو اجتماعِ میلاد و جلوسِ میلاد میں شرکت کرنے کی دعوت دی اور انہیں امیرِ اہلِ سنت دامت بَرَکَاتُہمُ العالیہکے کُتُب و رسائل تحفے میں دیئے جس پر انہوں نے اچھی اچھی نیتیں کیں۔

نیکی دعو ت عام کرنے  کے سلسلے میں پچھلے دنوں شعبہ رابطہ برائے شخصیات دعوتِ اسلامی کے ذمہ دار اسلامی بھائیوں نے اوتھل، بلوچستان میں کنراج، لسبیلہ ڈسٹرکٹ کے اسسٹنٹ ڈپٹی کمشنر سجادالرحمٰن سے ملاقات کی۔

اس ملاقات میں نگرانِ ڈسٹرکٹ، نگرانِ تحصیل اور صوبائی ذمہ دار اسلامی بھائیوں نے اسسٹنٹ ڈپٹی کمشنر کو اجتماعِ میلاد و جلوسِ میلاد کے حوالے سے درخواست جمع کروائی اور مختلف نکات پر مشاورت کی۔

نگران اسلامی بھائیوں نے اسسٹنٹ ڈپٹی کمشنر کو نیکی کی دعوت دیتے ہوئے عالمی مدنی مرکز فیضانِ مدینہ کراچی کا وزٹ کرنےکی دعوت دی اور 1500 واں جشنِ ولادت سرکاری طور پردھوم دھام سے منانے کی ترغیب دلائی جس پر انہوں نے اپنے جذبات کا اظہار کیا۔

آخر میں نگران اسلامی بھائیوں نے اسسٹنٹ ڈپٹی کمشنر سجادالرحمٰن کو”آخری نبی صلَّی اللہ علیہ واٰلہٖ وسلَّم کی پیاری سیرت“ کتاب تحفے میں پیش کی۔ (رپورٹ: شعبہ رابطہ برائے شخصیات ، کانٹینٹ:غیاث الدین عطاری)

شعبہ رابطہ برائے شخصیات دعوتِ اسلامی کے تحت ملتان سٹی کے واسا آفس (WASA OFFICE) میں 28 اگست 2025ء کو اجتماعِ میلاد النبی صلَّی اللہ علیہ واٰلہٖ وسلَّم کا انعقاد ہوا جس میں Office کے منیجنگ ڈائریکٹر اور دیگر آفیسرز سمیت اسٹاف کی شرکت ہوئی۔

تلاوتِ قراٰن و نعتِ رسولِ مقبول صلَّی اللہ علیہ واٰلہٖ وسلَّم کے بعد مبلغِ دعوتِ اسلامی نے بیان کیا جس میں انہوں نے حضور پُرنور صلَّی اللہ علیہ واٰلہٖ وسلَّم کی سیرت کے چند پہلوؤں کو ذکر کیا اور حاضرین کو پیارے آقا صلَّی اللہ علیہ واٰلہٖ وسلَّم کی تعلیمات کے مطابق اپنی زندگی گزارنے کی ترغیب دلائی جس پر انہوں نے اچھی اچھی نیتیں کیں۔

گجرانوالہ ، پنجاب :

شعبہ رابطہ برائے شخصیات دعوتِ اسلامی کے دینی کاموں کے سلسلے میں مرکزی مجلسِ شوریٰ کے رکن حاجی محمد اظہر عطاری کی گجرانوالہ، پنجاب میں ایڈیشنل ڈپٹی کمشنر فیصل سلطان، اسسٹنٹ کمشنر محمد فیصل، اسسٹنٹ کمشنر ہیڈ کوارٹر اور دیگر افسران سے ملاقات ہوئی جس کا مقصد 1500 ویں جشن میلاد کی تیاریوں کا جائزہ لینا اور اس کے متعلق درپیش مسائل پر تبادلہ خیال کرنا تھا۔

تفصیلات کے مطابق ملاقات میں افسران کی جانب سے کہا گیا کہ گزشتہ سالوں میں جو سہولیات جشنِ ولادت کے موقع پر فراہم کی گئیں تھیں وہ اس سال بھی یقینی بنائی جائیں گی تاکہ تقریب کو مزید پُرامن اور عزم و احترام کے ساتھ منایا جا سکے۔

رکنِ شوریٰ نے اپنی گفتگو کے دوران تمام افسران کو مدنی مرکز فیضان مدینہ گجرانوالہ، مدنی مرکز فیضان مدینہ جوہر ٹاؤن اور عالمی مدنی مرکز فیضان مدینہ کراچی کا وزٹ کرنے کا طے کیا گیا ۔

کراچی (کورنگی) :

23 اگست 2025ء کو ڈپٹی کمشنر کورنگی، SSP آپریشن اور SSP ٹریفک کے زیرِ نگرانی 12 ربیع الاول 1447ھ کے حوالے سے ایک اہم مشترکہ میٹنگ منعقد ہوئی جس میں شعبہ رابطہ برائے شخصیات دعوتِ اسلامی کے ذمہ داران نے بھی شرکت کی جس کا مقصد اس طرح کے ایونٹس کے پرامن و محفوظ انعقاد کے لئے حکمت عملی اختیار کرنا تھا۔

اس موقع پر ڈسٹرکٹ کورنگی میں 26 اگست 2025ء کو ہونے والے اسلامی بہنوں کے اجتماعات کی کنٹینجینسی، 3 بڑی رات کے میلاد اجتماعات اور 45 جلوسوں کے لئے سول و سیکیورٹی انتظامات کا تفصیلی جائزہ لیا گیا۔(رپورٹ: شعبہ رابطہ برائے شخصیات ، کانٹینٹ:غیاث الدین عطاری)

مالاکنڈ ڈویژن، صوبہ خیبرپختونخوا کے ڈسٹرکٹ باجوڑ میں شعبہ رابطہ برائے شخصیات کے ذمہ دار اسلامی بھائیوں نے وفاقی وزیر مبارک زیب کے فوکل پرسن میاں حبیب گل سے ملاقات کی۔

شیخوپورہ ، پنجاب:

پچھلے دنوں دعوتِ اسلامی کے دینی کاموں کے سلسلے میں شیخوپورہ، پنجاب کے MNA خرم منور منج سے شعبہ رابطہ برائے شخصیات کے ذمہ دار اسلامی بھائیوں کی ملاقات ہوئی۔

اس موقع پر نگرانِ ڈویژن شیخوپورہ حاجی نعیم خاں عطاری نےرواں سال ”1500 ویں جشنِ میلادُ النبی صلَّی اللہ علیہ واٰلہٖ وسلَّم“ منانے کا ذہن دیتے ہوئے انہیں جلوسِ میلاد میں شرکت کرنے کی دعوت دی۔علاوہ ازیں ذمہ دار اسلامی بھائیوں کی جانب سے MNA خرم منور منج کو تحائف دیئے گئے جبکہ دیگر اہم امور پر تبادلۂ خیال کیا گیا۔ (رپورٹ: شعبہ رابطہ برائے شخصیات ، کانٹینٹ:غیاث الدین عطاری)

استحکام پاکستان پارٹی کے سینئر رہنما چوہدری نوشیر مان کی اپنے احباب کے ہمراہ واربٹن، ڈسٹرکٹ ننکانہ صاحب کی جامع مسجد فیضانِ غوث اعظم میں آمد ہوئی جہاں دعوتِ اسلامی کے شعبے FGRF کے تحت شجرکاری مہم کا انعقاد بھی کیا گیا۔

معلومات کے مطابق شعبہ FGRF کے تحت شجرکاری مہم کے انعقاد کا مقصد ماحول کی بہتری اور درخت لگاؤ کی اہمیت کو اجاگر کرنا تھا۔اس دوران دیگر عاشقانِ رسول بھی موجود تھے جنہوں نے شجرکاری مہم میں حصہ لیا۔ (رپورٹ: شعبہ رابطہ برائے شخصیات ، کانٹینٹ:غیاث الدین عطاری)