شیخوپورہ ، پنجاب:

پچھلے دنوں دعوتِ اسلامی کے دینی کاموں کے سلسلے میں شیخوپورہ، پنجاب کے MNA خرم منور منج سے شعبہ رابطہ برائے شخصیات کے ذمہ دار اسلامی بھائیوں کی ملاقات ہوئی۔

اس موقع پر نگرانِ ڈویژن شیخوپورہ حاجی نعیم خاں عطاری نےرواں سال ”1500 ویں جشنِ میلادُ النبی صلَّی اللہ علیہ واٰلہٖ وسلَّم“ منانے کا ذہن دیتے ہوئے انہیں جلوسِ میلاد میں شرکت کرنے کی دعوت دی۔علاوہ ازیں ذمہ دار اسلامی بھائیوں کی جانب سے MNA خرم منور منج کو تحائف دیئے گئے جبکہ دیگر اہم امور پر تبادلۂ خیال کیا گیا۔ (رپورٹ: شعبہ رابطہ برائے شخصیات ، کانٹینٹ:غیاث الدین عطاری)

استحکام پاکستان پارٹی کے سینئر رہنما چوہدری نوشیر مان کی اپنے احباب کے ہمراہ واربٹن، ڈسٹرکٹ ننکانہ صاحب کی جامع مسجد فیضانِ غوث اعظم میں آمد ہوئی جہاں دعوتِ اسلامی کے شعبے FGRF کے تحت شجرکاری مہم کا انعقاد بھی کیا گیا۔

معلومات کے مطابق شعبہ FGRF کے تحت شجرکاری مہم کے انعقاد کا مقصد ماحول کی بہتری اور درخت لگاؤ کی اہمیت کو اجاگر کرنا تھا۔اس دوران دیگر عاشقانِ رسول بھی موجود تھے جنہوں نے شجرکاری مہم میں حصہ لیا۔ (رپورٹ: شعبہ رابطہ برائے شخصیات ، کانٹینٹ:غیاث الدین عطاری)

ملتان: (10 جون 2025ء) پنجاب، پاکستان کے شہرِ ملتان کی معروف سیاسی و سماجی شخصیت مرحوم مختار علی انصاری کے ایصالِ ثواب کے لئے مدنی مرکز فیضانِ مدینہ میں محفلِ نعت منعقد ہوئی جس میں علاقے بھر سے مختلف شخصیات اور لوگوں کی بڑی تعداد نے شرکت کی۔

اس موقع پر مہمانِ خصوصی کے طور پر حضرت علامہ مولانا پروفیسر سید مظہر سعید کاظمی شاہ صاحب، دعوتِ اسلامی کی مرکزی مجلسِ شوریٰ کے رکن حاجی قاری محمد سلیم عطاری، سابق MPA اور وزیرِ صحت ڈاکٹر اختر ملک، سابق MNA اور میئر ملتان شیخ طارق رشید، MPA ملک عدنان ڈوگر، حاجی سعید انصاریاور دیگر اہم سیاسی رہنماؤں نے شرکت کی۔

پنجاب کی معروف سیاسی شخصیت، سابق ایم پی اے جاوید اختر انصاری کے چچا  مختیار انصاری قضائے الہی سے انتقال کر گئے۔ اِنَّا لِلہِ وَاِنَّا اِلَیْہِ رٰجِعُوْن۔ مرحوم کی نماز جنازہ پنجاب کے شہر ملتان میں ادا کی گئی جس میں علاقے بھر سے لوگوں کی بڑی تعداد نے شرکت کی۔

عاشقانِ رسول کی دینی تحریک دعوتِ اسلامی کے تحت 6 مئی 2025ء کو ملتان ڈویژن میں شعبہ رابطہ برائے شخصیات کے ذمہ دار اسلامی بھائیوں کا مدنی مشورہ ہوا جس میں ڈسڑکٹ، تحصیل،ٹاؤن اور ذیلی اداروں کے اسلامی بھائی شریک ہوئے۔

نگرانِ شعبہ، صوبائی ذمہ دار اور نگرانِ ڈویژن نے شعبے کے متعلق کلام کرتے ہوئے شیڈول، 12 دینی کام بالخصوص قافلوں اور عیدالاضحیٰ سمیت دیگر ایونٹس پر تبادلۂ خیال کیا نیز ذمہ داران کو آئندہ کے اہداف بھی دیئے۔

اس کے علاوہ ذمہ دار اسلامی بھائیوں نے مختلف اہم نکات پر اسلامی بھائیوں کی ذہن سازی کی جس پر انہوں نے اپنی اپنی رائے بھی پیش کی اور دینی کاموں میں ترقی کے لئے اچھی اچھی نیتیں کیں۔(رپورٹ: شعبہ رابطہ برائے شخصیات ، کانٹینٹ:غیاث الدین عطاری)

مدنی مرکز فیضانِ مدینہ فیصل آباد میں گزشتہ روز دعوتِ اسلامی کے تحت  شعبہ رابطہ برائے شخصیات کے ذمہ داران کا مدنی مشورہ ہوا جس میں نگرانِ شعبہ، صوبائی ذمہ داران اور پنجاب کے ڈویژن ذمہ دار اسلامی بھائی شریک ہوئے۔

ابتداءً دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے ذمہ دار اسلامی بھائیوں سے شعبے کی سابقہ کارکردگی کا جائزہ لیا اور انہیں مدنی پھولوں سے نوازا۔

زون ہیڈ کوارٹر سبی بلوچستان میں گزشتہ  روز میر محمد ابراہیم بگٹی (زونل کمانڈر بلوچستان کانسٹیبلری) کی جانب سے عید ملن تقریب منعقد ہوئی جن کی دعوت پر خصوصی طور پر شعبہ رابطہ برائے شخصیات دعوتِ اسلامی کے ذمہ داران اور زون ہیڈکوارٹر کے تمام اسٹاف و جوانوں نے شرکت کی۔

تقریب کے آغاز میں مبلغِ دعوتِ اسلامی نے تلاوتِ قراٰن کی اور نعت خواں اسلامی بھائی نے حضور سرورِ کونین حضرت محمد صلَّی اللہ علیہ واٰلہٖ وسلَّم کی بارگاہ میں نعت شریف کا نذرانہ پیش کیا۔

تلاوت و نعت کے بعد شعبہ رابطہ برائے شخصیات کے صوبائی ذمہ دار محمد وقار عطاری نے بیان کیا جس میں انہوں نے شرکا کو نیکی کی دعوت دیتے ہوئے انہیں دینی کاموں میں حصہ لینے کی ترغیب دلائی۔

آخر میں صوبائی ذمہ دار نے ملک و قوم کی سلامتی، بلوچستان کے امن و امان اور بالخصوص بلوچستان کانسٹیبلری فورس کے شہداء کے درجات بلندی کے لئےدعا کروائی۔

نیکی کا حکم دینے اور برائی سے روکنے والی عالمی سطح کی دینی تحریک دعوتِ اسلامی کے تحت گزشتہ روز ایک مدنی مشورے کا انعقاد کیا گیا جس میں شعبہ رابطہ برائے شخصیات (پاکستان) کے صوبائی اور صوبہ پنجاب کے تمام ڈویژن ذمہ دار اسلامی بھائی شریک ہوئے۔

معلومات کے مطابق ذمہ دار اسلامی بھائیوں کی تربیت کرتے ہوئے مرکزی مجلسِ شوریٰ کے اراکین حاجی محمد شاہد عطاری (نگرانِ پاکستان مشاورت) اور حاجی یعفور رضا عطاری نے ذمہ داران سے 12 دینی کاموں کا جائزہ لیا۔

اراکینِ شوریٰ نے ذمہ دار اسلامی بھائیوں سے پاکستان بھر میں ہونے والے دینی کاموں کو مضبوط کرنے اور خود بھی اخلاص کے ساتھ دینی کام کرتے رہنے کی ترغیب دلائی جس پر انہوں نے اچھی اچھی نیتیں کیں۔(رپورٹ: شعبہ رابطہ برائے شخصیات ، کانٹینٹ:غیاث الدین عطاری)

شعبہ رابطہ برائے شخصیات دعوتِ اسلامی کے تحت 7 فروری 2025ء کو ذمہ دار اسلامی بھائیوں نے سابق مشیر وزیر اعلی سندھ اور پاکستان پیپلز پارٹی ڈسٹرکٹ ایسٹ کے صدر اقبال ساند سے اُن کی رہائش گاہ پر ملاقات کی۔

دورانِ ملاقات ذمہ داران نے صدر اقبال ساند کو نیکی کی دعوت دیتے ہوئے انہیں شبِ برأت کے اجتماع میں عالمی مدنی مرکز فیضانِ مدینہ کراچی آنے کی دعوت دی اور اپنے بچوں کو دعوتِ اسلامی کے جامعۃ المدینہ بوائز میں ایڈمیشن کروانے کا ذہن دیا۔

شعبہ رابطہ برائے شخصیات دعوتِ اسلامی کے تحت گزشتہ روز نیکی کی دعوت عام کرنے اور علمِ دین پھلانے کے سلسلے میں ذمہ دار اسلامی بھائیوں نے سیالکوٹ میں مختلف  شخصیات اور آفیسرز سے ملاقات کی۔

ملاقات میں جو شخصیات اور آفیسرز موجود تھے اُن میں ڈپٹی کمشنر محمد ذوالقرنین، ایڈیشنل ڈپٹی کمشنر مظفر مختار، اسسٹنٹ کمشنر قمر منج، SP انویسٹی گیشن منیر سیفی، DSP لیگل محمد صہیب، DSP سمبڑیال سجاد باجوہ، ڈسٹرکٹ سیکیورٹی انچارج حافظ سعید، ڈسٹرکٹ انچارج فرنٹ ڈیسک خرم جعسر، ڈسٹرکٹ انچارج پراسیکیوٹر میاں عمر، ڈسٹرکٹ انچارج اکاؤنٹ حمزہ سرور، ‫سپرٹنڈنٹ ڈسٹرکٹ جیل ملک بابر اور PSO,DPO اعجاز ساہی شامل تھے۔

صوبائی دارالحکومت لاہور، پنجاب کے علاقے جوہر ٹاؤن میں موجود دعوتِ اسلامی کے مدنی مرکز فیضانِ مدینہ میں دعوتِ اسلامی کے تحت تین دن کا  ٹریننگ سیشن ہوا جس میں شعبہ رابطہ برائے شخصیات کے ذمہ داران نے شرکت کی۔

پچھلے دنوں ڈپٹی ڈاریکٹر FBR راشد خانزادہ (سابقہ ناظم نارتھ کراچی) نے خانزادہ ویلفیئر وسیلہ فاونڈیشن کے ممبران کے ہمراہ دعوتِ اسلامی کے عالمی مدنی مرکز فیضانِ مدینہ کراچی کا دورہ کیا۔