24جون2023ء  کو بہاولپور سٹی میں قائم مدنی مرکز فیضانِ مدینہ میں کھالوں کے گودام کے انتظامی معاملات کے متعلق مدنی مشورے کا انعقاد کیا گیا جس میں فنانس ذمہ دار محمد عرفان عطاری ،گودام نگران ،سپر وائزر و دیگر گودام مجلس کے ذمہ داران نے شرکت کی ۔

ڈویژن مشاورت کے نگران ڈاکٹر حافظ عبدُالرؤف عطاری نے کھالوں کی حفاطتی تدابیر سے متعلق اسلامی بھائیوں کو مدنی پھول دیئے جس میں شفٹ وائز کاموں کی تقسیم کاری کرنے کا ہدف دیا ۔ (رپورٹ: احمدرضا عطاری ڈویژن میڈیا ڈیپارٹمنٹ،کانٹینٹ:رمضان رضا عطاری)

یکم جون 2023ء بروز جمعرات عالمی مدنی مرکز فیضانِ مدینہ کراچی میں ڈونیٹ قربانی کی بکنگ کے حوالے سے شعبہ اجتماعی قربانی کے تحت ایک مدنی مشورہ ہوا جس میں ڈونیشن سیل ڈیپارٹمنٹ دعوتِ اسلامی کے ذمہ داران نے شرکت کی۔

معلومات کے مطابق اس مدنی مشورے میں شعبے کے صوبائی ذمہ دار سیّد اسد عطاری اور نگرانِ ڈونیشن سیل ڈیپارٹمنٹ شفیق عطاری نے اسلامی بھائیوں کی تنظیمی اعتبار سے تربیت و رہنمائی کی نیز QMS سافٹ ویئر کے حوالے سے چند اہم نکات پر کلام کیا۔

عاشقانِ رسول کی دینی تحریک دعوتِ اسلامی کے عالمی مدنی مرکز فیضانِ مدینہ کراچی میں اجتماعی قربانی کے سلسلے میں ڈسٹرکٹ سینٹرل کے ذمہ دار اسلامی بھائیوں کا مدنی مشورہ ہوا جس میں سٹی ذمہ دار محمد رضوان شاہ عطاری مدنی نے اسلامی بھائیوں کی تربیت کی۔

اس موقع پر سٹی ذمہ دار نےذمہ داران سے سابقہ سال کی کارکردگی کا جائزہ لیا جس پر انہوں نے شعبے کے دینی کاموں کے حوالے سے آگاہی دی۔بعدازاں سٹی ذمہ دار نے آئندہ کے اہداف دیتے ہوئے شرکائے مدنی مشورہ کو قربانی سافٹ ویئر کو 100فیصد نافذ کرنے کا ذہندیا۔(رپورٹ:محمد رضوان عطاری مدنی شعبہ اجتماعی قربانی کراچی سٹی سافٹ ویئر ذمہ دار، کانٹینٹ:غیاث الدین عطاری)

دعوتِ اسلامی کے مدنی مرکز فیضانِ مدینہ لاہورمیں 21 جون 2022ء بروز منگل دعوتِ اسلامی کے زیرِ اہتمام ایک تربیتی سیشن ہوا جس میں شعبہ اجتماعی قربانی کے ذمہ داراسلامی بھائیوں نے شرکت کی۔

اس تربیتی سیشن میں لاہور ڈویژن کے QMS سافٹ ویئر ذمہ دار فیاض عطاری مدنی نے اسلامی بھائیوں کی تربیت کرتے ہوئے سافٹ ویئر کے Options کے متعلق اہم نکات پر گفتگو کی اور دعوتِ اسلامی کے دینی کاموں کو احسن انداز میں کرنے کا ذہن دیا جس پر ذمہ داران نے بھی اپنی اپنی رائے کا اظہار کیا۔(کانٹینٹ:غیاث الدین عطاری)

دعوتِ اسلامی کے تحت 20 جون 2022ء بروز پیر شارع فیصل کراچی میں واقع شعبہ FGRF کے دفتر Caesar towerمیں ڈونیٹ قربانی کی بکنگ کے سلسلے میں ایک سیشن ہوا جس میں شعبہ اجتماعی قربانی و FGRF کے ذمہ دار اسلامی بھائیوں نے شرکت کی۔

دورانِ سیشن QMS سافٹ ویئر پاکستان سطح کے ذمہ دار محمد مبین عطاری نے شرکا کی تربیت کرتے ہوئے انہیں اس سافٹ ویئر کے مختلف Futures کے متعلق آگاہی دی اور زیادہ سے زیادہ عاشقانِ رسول کو اجتماعی قربانی میں حصہ دلوانے کا ذہن دیا۔(رپورٹ:غلام حسین عطاری شعبہ فالواپ صوبائی مشاورت آفس اسلام آباد، کانٹینٹ:غیاث الدین عطاری)

شعبہ اجتماعی قربانی دعوتِ اسلامی کے تحت 20 جون 2022ء بروز پیر پاکستان کے شہر فیصل آباد میں قائم مدنی مرکز فیضانِ مدینہ میں تربیتی اجتماع کا اہتمام کیا گیا جس میں شعبہ مدرسۃ المدینہ بوائز صوبۂ پنجاب کے ناظمین سمیت دیگر شعبہ جات کےاسلامی بھائیوں نے شرکت کی۔

اس اجتماعِ پاک میں مبلغِ دعوتِ اسلامی عبدالباسط عطاری (QMS ذمہ دار شعبہ اجتماعی قربانی فیصل آباد ڈویژن) نے ذمہ داران سے شعبے کے دینی کاموں کے متعلق گفتگو کرتے ہوئے اجتماعی قربانی کے سافٹ ویئر بنام QMS چلانے کے حوالے سے تربیت کی جس پر انہوں نے اچھی اچھی نیتیں کیں۔اس موقع پر پاکستان سطح کے ذمہ دار حاجی غلام الیاس عطاری سمیت دیگر اہم ذمہ داران بھی موجود تھے۔(رپورٹ:محمد کاشف عطاری آفس ذمہ دار شعبہ اجتماعی قربانی پاکستان ، کانٹینٹ:غیاث الدین عطاری)

دعوتِ اسلامی کے زیرِاہتمام پاکستان کے شہر کوئٹہ میں قائم دعوتِ اسلامی کے مدنی مرکز فیضانِ مدینہ میں اجتماعی قربانی 2022ء کے حوالے سے ایک نشست منعقد کی گئی جس میں بلوچستان اجتماعی قربانی کے سینٹرز ذمہ داران سمیت دیگر اسلامی بھائیوں نے شرکت کی۔

دورانِ نشست صوبائی ذمہ دار عبید عطاری مدنی نے QMS Software کے حوالے سے ذمہ داران کی تربیت کی اور انہیں دعوتِ اسلامی کے دینی کاموں کو احسن اندازمیں کرنے کا ذہن دیا جس پر انہوں نے اچھی اچھی نیتیں کیں۔(کانٹینٹ:غیاث الدین عطاری)

دعوتِ اسلامی کے تحت پچھلے دنوں کراچی (سندھ) کے علاقے نانک واڑہ لیاری میں قائم جامع مسجد خضراء میں مدنی مشورے کا انعقاد ہوا جس میں شعبہ اجتماعی قربانی کراچی ساؤتھ کےذمہ داران نے شرکت کی۔

اس مدنی مشورے میں ذمہ دار اسلامی بھائی نے شعبے کے دینی کاموں کے حوالے سے گفتگو کرتے ہوئے قربانی سافٹ ویئر کے متعلق تربیت کی اور اسلامی بھائیوں کو %100 سافٹ ویئر نافذ کرنے کا ذہن دیا۔(رپورٹ:محمد رضوان شاہ عطاری مدنی شعبہ اجتماعی قربانی کراچی سٹی سافٹ ویئر ذمہ دار ، کانٹینٹ:غیاث الدین عطاری)

پچھلے دنوں دعوتِ اسلامی کے شعبہ اجتماعی قربانی کے تحت کراچی (سندھ) میں ڈسٹرکٹ ویسٹ کے ذمہ دار اسلامی بھائیوں کا مدنی مشورہ ہوا جس میں دیگر اسلامی بھائیوں کی بھی شرکت رہی۔

دورانِ مدنی مشورہ کراچی سطح کے ذمہ دار سید اسد عطاری نےاجتماعی قربانی کے حوالے سے گفتگو کی اور جدید طریقۂ کار کے مطابق آن لائن بکنگ کروانے کے بارے میں مشاورت کی جس پر ذمہ داران نے بھر انداز میں دعوتِ اسلامی کے دینی کاموں کو کرنے کی اچھی اچھی نیتیں کیں۔(رپورٹ:محمد رضوان شاہ عطاری مدنی شعبہ اجتماعی قربانی کراچی سٹی،کانٹینٹ:غیاث الدین عطاری)

14جون 2022ء بروز منگل کراچی (سندھ) میں قائم دعوتِ اسلامی کے عالمی مدنی مرکز فیضان مدینہ میں مرکزی مجلسِ شوریٰ کے رکن حاجی محمد امین عطاری نےشعبہ اجتماعی قربانی، گودام مجلس، مویشی منڈی، اوورسیز قربانی، ڈونیٹ قربانی اور کراچی سٹی کے ذمہ دار اسلامی بھائیوں کا مدنی مشورہ کیا۔

رکنِ شوریٰ حاجی محمد امین عطاری نے شعبے کی کار کردگی کا جائزہ لیتے ہوئے سال 2021ء میں تمام شعبہ جات کے متعلق آنے والے مسائل اور ان کے حل کے بارے میں گفتگو کی نیز سال 2022ء کی پلانگ کے حوالے سے اہم نکات پر مشاورت کی۔ بعدازاں رکنِ شوریٰ نے متعلقہ شعبہ جات کی OG(اوگونوگرام) اور JD (جاب ڈسکرپشن) پر بھی کلام کیا۔(کانٹینٹ:غیاث الدین عطاری)

صوبۂ پنجاب پاکستان کے شہر فیصل آباد میں قائم دعوت اسلامی کے مدنی مرکز فیضان مدینہ میں 12 جون 2022ء بروز اتوارشعبہ اجتماعی قربانی کے ذمہ دار اسلامی بھائیوں کی میٹنگ منعقد ہوئی جس میں شعبے کے متعلقہ رکنِ شوریٰ حاجی محمد جنید عطاری مدنی، نگرانِ شعبہ حاجی الیاس عطاری، شعبہ اجتماعی قربانی پاکستان کے صوبائی ذمہ داران اور صوبۂ پنجاب کے ڈویژن ذمہ داران سمیت مختلف شعبہ جات (جن میں جامعۃالمدینہ بوائز، مدرسۃ المدینہ بوائز، مجلس فیضان مدینہ، ڈو نیشن سیل ڈیپارٹمنٹ، شعبہ فیضان آن لائن اکیڈمی، شعبہ ائمہ مساجد، فنانس ڈپارٹمنٹ شامل تھے) کے نگران اسلامی بھائیوں نے شرکت کی۔

اس میٹنگ میں دعوتِ اسلامی کی مرکزی مجلس شوریٰ کے رکن و نگران پاکستان مشاورت حاجی محمد شاہد عطاری نے شعبے کی کار کردگی کا جائزہ لیتے ہوئے سال 2021ء میں ہونے والی اجتماعی قربانی کی کار کردگی مع تقابلی جائزہ، آڈٹ رپورٹ، اجتماعی قربانی کے متعلق آنے والے مسائل اور ان کے حل کے بارے میں گفتگو کی نیز سال 2022ء کی پلانگ کے حوالے سے مشاورت کی۔

اس موقع پر ذمہ داران نے Q.M.S (قربانی منیجمنٹ سسٹم) کا تعارف بھی پیش کروایا جس کے ذریعے باآسانی آن لائن قربانی کی بکنگ کروائی جاسکتی ہے۔نگران پاکستان مشاورت حاجی محمد شاہد عطاری نے دورانِ میٹنگ بتایا کہ ان شاء اللہ عزوجل پاکستان کے ہر مدنی مرکز (فیضان مدینہ) میں اجتماعی قربانی کا اہتمام کیا جائے گا۔ہر جامعۃلمدینہ و مدرسۃالمدینہ ( بوائز،گرلز) ان سب میں ان شاء اللہ عزوجل اجتماعی قربانی کا اہتمام ہو گا۔

نگران پاکستان مشاورت کا کہنا تھا کہ دعوت اسلامی اجتماعی قربانی اس لئے کرتی ہے تاکہ ثواب کا حصول ہو، غریبوں کو بھی قربانی کرنے کا موقع ملے، زیادہ سے زیادہ لوگ قربانی کریں اور سنتِ ابراھیمی علیہ السلام و سنت مصطفیﷺ پر عمل کر کے اللہ پاک کا تقرب حاصل کریں۔بعدازاں نگرانِ پاکستان مشاورت حاجی محمد شاہد عطاری نے کراچی، حیدر آباد، ملتان، فیصل آباد، لاہور اور اسلام آباد میں قربانی کے گوشت کی ہوم ڈیلیوری کی سروس کے حوالے سے بریفنگ دی۔(رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

12 جون 2022ء بروز اتوار صوبۂ پنجاب پاکستان کے شہر فیصل آباد میں واقع مدنی مرکز فیضانِ مدینہ میں دعوتِ اسلامی کے تحت ایک تربیتی نشست منعقد ہوئی جس میں شعبہ اجتماعی قربانی اور ڈونیشن سیل ڈیپارٹمنٹ کے اراکین سمیت دیگر ذمہ داران نے شرکت کی۔

اس نشست میں پاکستان سطح کے ذمہ دار محمد مبین عطاری نے سنتوں بھرا بیان کرتے ہوئے اجتماعی قربانی کے سافٹ ویئر بنام QMS چلانے کے حوالے سے ذمہ داران کی تربیت کی نیز دیگر مختلف موضوعات پر بھی کلام کا سلسلہ رہا۔(رپورٹ:محمد کاشف عطاری آفس ذمہ دار شعبہ اجتماعی قربانی پاکستان، کانٹینٹ:غیاث الدین عطاری)