تبلیغِ قرآن و سنت کی عالمگیر تحریک، دعوتِ اسلامی کے بانی شیخِ طریقت، امیرِ اہل سنت حضرت علامہ مولانا ابو بلال محمد الیاس عطار قادری دامت برکاتہم العالیہ کی شخصیت علمی و روحانی حوالے سے کسی تعارف کی محتاج نہیں ہے۔ آپ کی تحریریں اور خطوط مریدین، معتقدین اور عام مسلمانوں کے لئے ہدایت کا سرچشمہ ہیں۔

مکتبۃ المدینہ کی جانب سے شائع کردہ کتاب ’مکتوباتِ امیرِ اہل سنت (جلد اول) اسی سلسلے کی ایک اہم کڑی ہے، جس کی تفصیلی رپورٹ درج ذیل ہے:

1۔ کتاب کا تعارف اور پس منظر

یہ کتاب محض خطوط کا مجموعہ نہیں ہے بلکہ یہ اصلاحِ نفس اور عشقِ رسول صلَّی اللہ علیہ واٰلہٖ وسلَّم میں ڈوبی ہوئی تحریروں کا ایک گلدستہ ہے۔ اسے مولانا ابو محمد طاہر عطاری مدنی نے نہایت محنت سے تالیف کیا ہے، جس میں امیرِ اہل سنت کے مختلف مواقع پر لکھے گئے مکتوبات اور اصلاحی تحریر کو یکجا کر دیا گیا ہے۔

2۔ کتاب کے نمایاں مندرجات:

اس جلد میں قارئین کے لئے علم و حکمت کے کئی موتی جمع کئے گئے ہیں، جن میں سے چند اہم درج ذیل ہیں:

دعوتِ اسلامی سے قبل کے مکتوبات: یہ حصہ تاریخی اہمیت کا حامل ہے، جس سے امیرِ اہل سنت کے ابتدائی دور کے جذبہِ خیر اور فکرِ امت کا اندازہ ہوتا ہے۔

عشقِ رسول صلَّی اللہ علیہ واٰلہٖ وسلَّم کے مدنی پھول: حضور پرنور صلَّی اللہ علیہ واٰلہٖ وسلَّم کی محبت ایمان کی روح ہے۔ اس کتاب میں عشقِ رسول صلَّی اللہ علیہ واٰلہٖ وسلَّم کو اُجاگر کرنے والے مدنی پھول شامل ہیں۔

12 پیاری پیاری نیتیں: کسی بھی نیک کام سے پہلے اچھی نیت اجر و ثواب کو بڑھا دیتی ہے۔ اس میں مختلف اعمال کے حوالے سے خوبصورت نیتوں کا انتخاب موجود ہے۔

نیکی کی دعوت پر مشتمل 15 مدنی پھول: مبلغین اور نیکی کی دعوت دینے والوں کے لئے یہ حصہ ایک مکمل گائیڈ لائن فراہم کرتا ہے کہ کس طرح حکمت و تدبیر سے لوگوں کی اصلاح کی جائے۔

اصلاحی تحریرات: معاشرتی برائیوں سے بچنے اور اخلاقیات کو بہتر بنانے کے لئے کئی دلچسپ اور سبق آموز تحریریں اس کتاب کا حصہ ہیں۔

3۔ قارئین کے لئے فوائد

روحانی تربیت: امیرِ اہل سنت کا اندازِ تحریر نہایت سادہ اور دل نشین ہے جو براہِ راست دل پر اثر کرتا ہے۔

تاریخی ریکارڈ: دعوتِ اسلامی کے آغاز اور امیرِ اہل سنت کی جدوجہد کو سمجھنے میں مدد ملتی ہے۔

عملی رہنمائی: روزمرہ زندگی میں نیکیوں پر استقامت پانے کے عملی طریقے سیکھنے کو ملتے ہیں۔

خریداری کا طریقہ ٔکار

یہ کتاب مکتبۃ المدینہ کی تمام شاخوں پر مناسب قیمت میں دستیاب ہے۔ آپ اپنے شہر میں موجود دعوتِ اسلامی کے قریبی مکتبۃ المدینہ کی شاخ سے بھی اسے طلب کر سکتے ہیں۔

Online Order کرنے کے لئے درج ذیل لنکس پر کلک کیجئے:

website maktaba-tul-madinah

Whatsapp maktaba-tul-madinah

Whatsapp maktaba-tul-madinah Al Arabiya

کتابوں سے رغبت رکھنے والے اور مطالعہ کے شوقین  افراد کے لئے صوبہ بلوچستان کے شہر گوادر میں ”گوادر بُک فیسٹیول 2026ء“ کا انعقاد ہونے جارہا ہے جس میں مکتبۃالمدینہ دعوتِ اسلامی بھی اپنی تمام تر Products کے ساتھ حصہ لے گا۔

مختلف ذرائع سے ملنے والی معلومات کے مطابق یہ فیسٹیول آر سی ڈی کونسل گوادر، بلوچستان (RCD Counsil Gwadar, Balochistan) میں منعقد کیا جائے گا جوکہ 29 جنوری 2026ء سے شروع ہوکر 1 فروری 2026ء تک جاری رہے گا۔

مکتبۃالمدینہ اس فیسٹیول میں اپنی تمام Products (جن میں قراٰنِ پاک، پارہ سیٹ، اردو و انگلش قراٰنِ پاک کے تراجم و تفاسیر، فقہی مسائل پر مشتمل کتابیں، اصلاحی رسالے، پمفلیٹ، بیجز، مسکی عِطر اور پرفیومز سمیت دیگر آئیٹمس) میں 20% خصوصی ڈسکاؤنٹ دے گا۔

ملتان، پنجاب میں قائم مدنی مرکز فیضانِ مدینہ میں دعوتِ اسلامی کے شعبہ مکتبۃالمدینہ کے تحت درسِ نظامی کے نئے تعلیمی سال کے آغاز پر درسی کُتُب پر 15 فیصد خصوصی ڈسکاؤنٹ کا اعلان کیا گیا ہے۔

معلومات کے مطابق اس ڈسکاؤنٹ میں درسِ نظامی (عالم کورس) کی تمام کُتُب مثلاً ”آدابِ زندگی“، ”مدنی قاعدہ“، ”سیرتِ مصطفیٰ جانِ رحمت“، ”ارکانِ اسلام“، ”کفریہ کلمات کے بارے میں سوال و جواب“ جیسی اہم اور علمی کتابیں شامل ہیں۔

اس موقع پر نگرانِ شعبہ مکتبۃالمدینہ ، دیگر شعبہ جات کے نگران، طلبۂ کرام، سرپرستوں اور مختلف اسٹوڈنٹس نے اس سہولت سے فائدہ حاصل کرتے ہوئے مدنی چینل کو اپنے تأثرات دیئے۔

طلبۂ کرام کا کہنا تھا کہ:شعبہ مکتبۃالمدینہ دعوتِ اسلامی کی جانب سے یہ سہولت ایک بہترین اقدام ہے جس سے طلبۂ کرام کے تعلیمی اخراجات میں کمی آرہی ہے۔

ناظمِ جامعۃالمدینہ بوائز (ملتان) نے مدنی چینل کو اپنے تأثرات دیتے ہوئے بتایا کہ اس سہولت سے نہ صرف تعلیم حاصل کرنے والے طلبۂ کرام بلکہ دیگر افراد بھی فائدہ اٹھا سکتے ہیں جیساکہ ”آدابِ زندگی“، ”مدنی قاعدہ“ اور ”سیرتِ مصطفیٰ جانِ رحمت“ جیسی کُتُب کو اس سہولت کے ساتھ حاصل کرکے اپنے مطالعے کا حصہ بنایا جاسکتا ہے۔

کراچی کے علاقے پرانی سبزی منڈی میں قائم مکتبۃ المدینہ دعوتِ اسلامی کے ہیڈ آفس میں 10 فروری 2025ء کو فیضانِ نماز کورس ہوا جس میں مکتبۃ المدینہ ہیڈ آفس، ویئرہاؤس اور مکتبۃ المدینہ شاپس کے اسلامی بھائیوں نے شرکت کی۔

دنیا بھر میں جس طرح اسلامی بھائیوں کے ہفتہ وار سنّتوں بھرے اجتماعات کاسلسلہ ہوتا ہے اسی طرح اسلامی بہنوں کے بھی ہفتہ وار اجتماعات کا سلسلہ ہوتا ہے ، اِن اجتماعات میں سنتوں بھرے بیانات کے ذریعے دین ِ اسلام کے احکامات عوام و خواص تک پہنچائے جاتے ہیں اور اُ ن کو باعمل مسلمان بننے کا ذہن دیا جاتا ہے۔ سنّتوں بھرے بیانات کی اسی اہمیت کے پیشِ نظراسلامک ریسرچ سینٹر ”المدینۃ العلمیۃ“ نے ایک ذیلی شعبہ ”بیاناتِ دعوتِ اسلامی“قائم کیاتاکہ بیانات میں مستند مواد، موثرترغیبات اورزندگی بدل دینے والے جملے شامل کرکے نیکی کی دعوت کو نہایت عمدہ طریقے سے لوگوں تک پہنچایا جاسکے۔

پاکستان میں ہونے والے اسلامی بہنوں کے ہفتہ وار سنتوں بھرے اجتماعات کے بیانات کتابی صورت میں شائع کئے جاتے ہیں۔ اسی سلسلے میں 332 صفحات پر مشتمل کتاب بنام” اسلامی بیانات جلد 18“ منظر عام پر آچکی ہے ۔ اس کتاب میں رمضان المبارک تا ذوالحجۃ الحرام 1446ھ کے4 ماہ کے اصلاحی موضوعات پر 16 بیانات شامل کئے گئے ہیں۔

اس نئی کتاب کو مکتبۃ المدینہ سے ہدیۃً 500 روپے میں حاصل کیا جاسکتا ہے۔

مکتبۃ المدینہ دعوت اسلامی کا ایک اشاعتی ادارہ ہے۔ جس سے کتب و رسائل شائع کیے جاتے ہیں۔ مکتبۃ المدینہ سے شائع ہونے والی مختلف کتب و رسائل کے مختلف زبانوں میں تراجم کر کے اسے دنیا کے کئی ممالک میں بھیجنے  کا سلسل ہوتا ہے۔ اسی سلسلے میں مکتبۃ المدینہ نے 12 دینی کاموں پر مشتمل الگ الگ کتابیں جاری کی ہیں جس کے مطالعے سے اس کی افادیت کا اندازہ لگایا جاسکتا ہے ۔

اگر آپ بھی ان کتابوں سے مستفید ہونے کے خواہش مند ہیں تو ابھی گھر بیٹھے آن لائن آڈر کرسکتے ہیں۔ آن لائن آڈر کرنے لئے درج ذیل لنک پر کلک کریں یا مکتبۃ المدینہ کی قریبی برانچ سے ہدیۃ طلب فرمائیں ۔ (کانٹینٹ: محمد شعیب احمد عطاری)

https://maktabatulmadinah.com/

ماہ رجب کے آتے ہی رمضان المبارک کی آمد آمد کی خوشی کے لمحات کا آغاز ہو جاتا ہے۔ہر سال کی طرح اس سال بھی پرئیر ٹائمنگ ڈیپارٹمنٹ دعوت اسلامی  کے تعاون سے آپ کا مکتبۃ المدینہ رمضان سحر و افطار کے کلینڈر کارڈ آپ کے لئے آرڈر پربنا رہا ہے جس کے ذریعے آپ اپنے مرحومین کے ایصال ثواب اور اپنے کاروبار کی تشہیر کے لئے نام وغیرہ بھی پرنٹ کروا سکتے ہیں۔

نوٹ: 100 رمضان کیلنڈر پرنٹ کروانے پر پر کارڈ ریٹ 30 روپے ، 300 چھپوانے پر پر کارڈ ریٹ کے 25 روپے اور 500 پرنٹ کروانے کے پر کارڈ ریٹ 22 روپے ہونگے۔ اور رمضان کارڈ 500 بنوانے پر ریٹیل 15 روپے ہوگی اور یہ 2 فولڈنگ والا ہوگا۔

واضح رہئے کہ !رمضان کارڈ اور کیلنڈر کے آرڈرز کی آخری تاریخ 27 جنوری/ 15 رجب ہے اس کے بعد آرڈر نہیں لئے جائینگے۔پھر دیر کس بات کی!!! اپنے آرڈر زجلد اپنے قریبی مکتبۃ المدینہ پر دیں یا پھر ان نمبرز پر رابطہ فرمائیں۔

0313-1139278

0311-0074490

کراچی   میں قائم ایکسپو سینٹر میں 18 ویں سالانہ بین الاقوامی کتب میلے کا آغاز 14 دسمبر 2023ء بروز جمعرات سے ہوچکا ہے جو کہ 18دسمبر2023ء بروز پیر تک جاری رہے گا۔

معلومات کے مطابق پہلے دن سے عوامی داخلے کا وقت صبح 10 سے رات 9 بجے تک ہوگا نیز اس کتب میلے میں پاکستان کے ساتھ ساتھ ترکی،سنگا پور،چین،ملائیشیا،برطانیہ اور متحدہ عرب عمارات سمیت تقریباً 17 ممالک کے 40 ادارے حصہ لے رہے ہیں۔جس میں 330 سے زائد اسٹال لگائے جائیں گے اور 4 لاکھ سے زائد افراد کی شرکت متوقع ہے۔

اس موقع پر عاشقانِ رسول کی دینی تحریک دعوت اسلامی کے پبلشنگ ڈیپارٹمنٹ مکتبۃ المدینہ کی جانب سے بھی 14 تا 18دسمبر ایکسپو سینٹر کے ہال نمبر 01 میں اسٹال لگائے جار ہے ہیں ۔اسٹال نمبر17۔18۔19

‫ہم ہونگے آپ کے منتظر ! بیسیوں موضوعات پر آسان انداز میں بہترین تحقیق پر مشتمل کتابیں۔۔ وہ بھی خصوصی ڈسکاؤنٹ پر حاصل کرنے کے لئے تشریف لائیں۔

مزید تفصیلات کیلئے:

+92-313-1139278

اور اس نمبر پر واٹس ایپ کریں۔

+92-311-0074490

مؤرخہ 6 جولائی2023ء  بروز جمعرات کو دعوت اسلامی کے شعبہ مکتبۃ المدینہ کے تمام H.O.D,sکا مدنی مشورہ ہیڈ آفس میں ہوا جس حاضری اور ماہانہ شعبہ کارکردگی کے حوالےسے تربیت کی گئی۔( کانٹینٹ:رمضان رضا عطاری)

مؤرخہ 4 جولائی2023ء  بروز منگل دعوتِ اسلامی کے شعبہ مکتبۃ ُ المدینہ کے ہیڈ آفس میں موجود کال سینٹر میں سر فرید عطاری نے دورہ کیا۔

اس دوران ٹرینر سر فرید عطاری نے کال سینٹر میں ہونے والےمختلف دینی کاموں کا جائزہ لیتے ہوئے وہاں موجود اسلامی بھائیوں کی اپنے کام میں مزید نکھار لانے اور نئے فیچر استعمال کرنے کے حوالے سے تربیت کی۔)کانٹینٹ:رمضان رضا عطاری)

10 جون 2023ء بروز ہفتہ مکتبۃالمدینہ دعوتِ اسلامی کے ہیڈ آفس میں ماہنامہ فیضانِ مدینہ کی تجاویز / شکایات کے حوالے سے فیڈ بیک کا آن لائن مدنی مشورہ ہواجس میں نگرانِ شعبہ ماہنامہ فیضانِ مدینہ مولانا مہروز عطاری مدنی اور فیصل آباد سے شعبہ فیڈ بیک کے نگران محمد نواز عطاری سمیت دیگر ذمہ داران نے شرکت کی۔

دورانِ مدنی مشورہ ذمہ دار اسلامی بھائیوں نے تجاویز / شکایات کو جلد از جلد حل کرنے کے لئے مدنی پھول مرتب کئے اور شعبے کی کارکردگی میں مزید بہتری لانے پر مشاورت کی جس پر ذمہ دار اسلامی بھائیوں نے اپنی اپنی رائے پیش کی۔ (رپورٹ: محمد سلیم عطاری معاون نگرانِ شعبہ مکتبۃالمدینہ، کانٹینٹ:غیاث الدین عطاری)

سنتوں کی تربیت و دینی کاموں کی  اشاعت کے سلسلے میں داتا گنج بخش ٹاؤن لاہور میں واقع مكتبۃ المدینہ داتا دربار میں سیکھنے سکھانے کے حلقے کا انعقاد ہوا۔

جہاں دعوتِ اسلامی کی مرکزی مجلس شوریٰ کے رکن حاجی یعفور رضا عطاری نے’’شبِ براءت‘‘ کے موضوع پر سنتوں بھرا بیان کیا اور شرکا کو دینی کاموں کے لئے ڈونیشن جمع کرنے کا ذہن بھی دیا جس پر انہوں نے اچھی اچھی نیتوں کا اظہار کیا۔( کانٹینٹ:رمضان رضا عطاری)