شعبہ مدنی کورسز  دعوتِ اسلامی کے تحت 9 اکتوبر 2026ء کو جامع مسجد غوثیہ (صدر بازار، تحصیل علی پور، ضلع مظفرگڑھ، پنجاب) میں جاری 37 دن کے رہائشی ”اخلاقِ مصطفیٰ کورس“ کے دوران ایک سیشن کا انعقاد کیا گیا۔

تلاوت و نعت کے بعد اس سیشن میں مبلغِ دعوتِ اسلامی ڈاکٹر جمشید عطاری نے شرکا سے گفتگو کرتے ہوئے ”استقامت“ کے اہم موضوع پر سنتوں بھرا بیان کیا اور انہیں دعوتِ اسلامی کے دینی ماحول سے ہر دم وابستہ رہنے کی ترغیب دلائی۔(رپورٹ: مولانا غلام یسین عطاری مدنی، معلم شعبہ مدنی کورسز ، کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے تحت شعبہ مدنی کورسز سے وابستہ عاشقانِ رسول کے لیے سنتوں بھرے اجتماع کا اہتمام کیا جا رہا ہے جس میں نگرانِ مرکزی مجلسِ شوریٰ مولانا حاجی محمد  عمران عطاری سلمہ الباری کاخصوصی بیان ہوگا۔

تفصیلات کے مطابق یہ اجتماع 31 اکتوبر 2026ء بروز ہفتہ دعوتِ اسلامی کے عالمی مدنی مرکز فیضانِ مدینہ کراچی کے رمضان ہال میں ہوگا نیز دوپہر تقریباً 3:00 بجے نگرانِ شوریٰ مولانا حاجی محمد عمران عطاری سلمہ الباری بیان فرمائیں گے۔

اس اجتماعِ پاک میں کراچی سٹی کے طلبہ و معلمین اور ذمہ دار اسلامی بھائی شریک ہوں گے جبکہ دیگر تمام عاشقانِ رسول آن لائن شرکت کریں گے۔

اس اجتماع کے شرکاء درج ذیل ہوں گے:

٭مدنی کورسز کے تمام یو سی تا صوبائی ذمہ داران٭ رہائشی و شارٹ ٹائم معلمینِ کرام٭ کورسز کرنے والے عاشقانِ رسول ٭کورس کیے ہوئے عاشقانِ رسول۔

شعبہ مدنی کورسز  دعوتِ اسلامی کے تحت 28 ستمبر 2026ء کو جامع مسجد مدنی کچی لعل بستی (دوبئی، تحصیل علی پور، ضلع مظفرگڑھ) میں 7 دن کے رہائشی ”فیضانِ نماز کورس“ کا انعقاد کیا گیا جس میں مقامی عاشقانِ رسول نے شرکت کی۔

کورس کے دوران وہاں موجود تمام عاشقانِ رسول کو نماز کے فرائض و واجبات اور اس کے چند ضروری مسائل سکھائے گئے نیز انہیں دعوتِ اسلامی کے دینی ماحول سے وابستہ رہتے ہوئے دینی کاموں میں بڑھ چڑھ کر حصہ لینے کی ترغیب بھی دلائی۔

اس موقع پر شعبہ مدنی کورسز کے جائزہ ذمہ دار مولانا محمد بلال عطاری مدنی نے ”صحابہ کرام کی قربانیاں“کے موضوع پر بیان کرتے ہوئے حاضرین کی رہنمائی کی۔(رپورٹ: مولانا غلام یسین عطاری، معلم مدنی شعبہ مدنی کورسز ، کانٹینٹ:غیاث الدین عطاری)

دعوتِ اسلامی کے عالمی مدنی مرکز فیضانِ مدینہ کراچی میں شعبہ مدنی کورسز کے تحت 3 دن  کا (17 تا 19 اگست 2026ء) معلم کورس منعقد کیا گیاجس میں بلوچستان کے صوبائی، ڈویژن اور ڈسٹرکٹ سطح کے نگرانوں و ذمہ دار اسلامی بھائیوں نے شرکت کی۔

کورس کے مختلف سیشنز میں گفتگو کرتے ہوئے مولانا اعجاز احمد عطاری مدنی نے مختلف کورسز کو مؤثر انداز میں پڑھانے کے طریقہ کار پر تفصیلی گفتگو کی جبکہ شعبے کا تعارف اور مختلف کورسز کی وضاحت کے ساتھ ساتھ درج ذیل اہم امور پر شرکا کی تربیت کی گئی:

٭شعبے کا تعارف٭کورسز کا تعارف اور نام مع وضاحت٭ حلقے بنانے کا طریقہ٭ ڈیٹا انٹری کرنے کا طریقہ٭شارٹ ٹائم معلمین کی جے ڈیز٭ شارٹ ٹائم کورسز کی پالیسیز٭ معلم کو کیسا ہونا چاہیے؟ ٭فیضان نماز کورس کا اجمالی شیڈول٭ شارٹ ٹائم کورسز تیار کرنے کا طریقہ٭صفائی ستھرائی ۔

اس کے علاوہ اختتامی نشست کا طریقہ کار بتاتے ہوئے ٹیسٹ بھی لیا گیا۔(رپورٹ:مولانا محمد احمد سیالوی عطاری مدنی رکن شعبہ مدنی کورسز ، کانٹینٹ:غیاث الدین عطاری)

دعوتِ اسلامی کے شعبہ مدنی کورسز کے تحت 14 جولائی 2026ء کو پنجاب میں قائم مدنی مرکز فیضانِ مدینہ جوہر ٹاؤن لاہور میں ایک خصوصی ”معلم کورس “کا انعقاد کیا گیا جس میں شعبے کے معلمین اور ذمہ دار اسلامی بھائیوں نے شرکت کی۔

کورس کے دوران استاذالحدیث مفتی محمد ہاشم خان عطاری مدظلہ العالی نے حاضرین کے درمیان خصوصی بیان کرتے ہوئے بنیادی عقائد اور علمِ دین سیکھنے اور سکھانے کی اہمیت پر تفصیلی روشنی ڈالی نیز تمام معلمین کو عقائد کا علم سیکھنے اور اسے آگے عام کرنے کی ترغیب دلائی۔

شعبے کے رکن مولانا محمد احمد سیالوی عطاری مدنی کے مطابق اس کورس کا بنیادی مقصد معلمین کی علمی و تدریسی صلاحیتوں کو بہتر بنانا اور ان میں دینی امور کی ترویج و اشاعت کا جذبہ بیدار کرنا تھا۔(رپورٹ:مولانا محمداحمدسیالوی عطاری مدنی رکن شعبہ مدنی کورسز ، کانٹینٹ:غیاث الدین عطاری)

فیصل آباد، پنجاب:

دعوتِ اسلامی کے مدنی مرکز فیضان مدینہ، فیصل آباد میں 18، 19 اور 20 جون 2026ء کو گجرات ڈویژن کے عاشقان رسول کے لیے ”فیضانِ نماز کورس“ کا انعقاد کیا جس میں ذمہ داران اور دیگر اسلامی بھائیوں نے شرکت کی۔

اس کورس کے دوران مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے نماز کے فرائض و واجبات، مستحبات و مکروہات اور نماز کا عملی طریقہ سکھایا۔کورس کے آخر میں نگرانِ پاکستان مشاورت نے دعا کروائی اور حاضرین سے ملاقات بھی کی۔

اس موقع پر شرکائے کورس کا ٹیسٹ بھی لیا گیا جس میں بہترین کارکردگی کے حامل عاشقانِ رسول کو تحائف دیے گئے نیز نگرانِ پاکستان مشاورت نے انہیں دعوتِ اسلامی کے دینی کاموں میں حصہ لینے کی ترغیب دلاتے ہوئے مختلف مدنی پھولوں سے نوازا۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے شعبہ مدنی کورسز کے تحت شعبہ تعلیم سے وابستہ افراد کے لیے 3 دن کے اہم و خصوصی”سیرتِ مصطفیٰ صلَّی اللہ علیہ واٰلہٖ وسلَّم کورس“ (رہائشی) کا اہتمام کیا جا رہا ہے۔

مختلف ذرائع سے ملنے والی معلومات کے مطابق مذکورہ کورس 12، 13 اور 14 جون 2026ء کو دعوتِ اسلامی ہی کے عالمی مدنی مرکز فیضانِ مدینہ، کراچی میں منعقد ہوگا۔

اس کورس کے دوران شرکا کو حضورِ اکرم صلَّی اللہ علیہ واٰلہٖ وسلَّم کی سیرتِ طیبہ کے مختلف پہلوؤں، آپ صلَّی اللہ علیہ واٰلہٖ وسلَّم کی حیاتِ مبارکہ، اخلاقِ حسنہ اور عملی تعلیمات سے روشناس کروایا جائے گا۔

کورس کا مقصد شرکا کی روحانی تربیت کے ساتھ ساتھ اُن میں محبتِ رسول اور اخلاقی اقدار کو فروغ دینا ہے تاکہ وہ اپنی ذاتی و اجتماعی زندگی میں حضور صلَّی اللہ علیہ واٰلہٖ وسلَّم کی تعلیمات پر عمل پیرا ہو سکیں۔

مزید معلومات کے لیے آپ درج ذیل نمبرز پر رابطہ کر سکتے ہیں:

03171189500

03104442230

دعوتِ اسلامی کے اس اہم و خصوصی کورس میں شرکت کریں اور اپنے ایمان و اخلاق میں اضافہ کریں۔

ضلع تھرپارکر، سندھ کے شہر  مِٹھی میں قائم مدنی مرکز فیضانِ مدینہ میں مؤرخہ 10 مئی 2026 کو شروع ہونے والا 12 دن پر مشتمل ”رہائشی معلم کورس“21 مئی 2026 کو اختتام پذیر ہوا جس میں پنجاب اور سندھ کے مختلف علاقوں سے آنے والے معلمین بالخصوص شعبہ مدنی کورسز کے اراکین شریک تھے۔

ذرائع سے ملنے والی معلومات کے مطابق بعد نمازِ فجر تفسیر کے حلقوں میں قرآنِ کریم کی تعلیمات سکھانے، اشراق و چاشت پڑھنے، مختلف دینی معمولات سیکھنے اور صبح و شام معلمین کی تربیت کرنے کا سلسلہ جاری تھا جبکہ مبلغینِ دعوتِ اسلامی نے بتایا کہ ایک معلم کا کردار، اخلاق، اندازِ گفتگو اور نیکی کی دعوت کا طریقہ کیسا ہوناچاہیے؟۔

علاوہ ازیں شرکائے کورس کو دعوتِ اسلامی کے دینی ماحول، حسنِ اخلاق، اخوت، سنتوں بھرے انداز اور اسلاف کے جذبۂ دینی سے بھرپور انداز میں روشناس کروایا گیا۔(رپورٹ: دیدار حسین عطاری ،ڈویژن ذمہ دار شعبہ مدنی کورسز میرپور خاص سندھ، کانٹینٹ:غیاث الدین عطاری)

6 مئی 2026ء کو  دعوتِ اسلامی کے عالمی مدنی مرکز فیضانِ مدینہ کراچی میں امامت کورس کے طلبہ اور ذمہ دار اسلامی بھائیوں کی تربیت و رہنمائی کے لیے ایک ٹریننگ سیشن کا انعقاد کیا گیا۔

اس ٹریننگ سیشن میں مرکزی مجلسِ شوریٰ کے رکن مولانا حاجی محمد عقیل عطاری مدنی نے منصب امامت کی اہمیت پر روشنی ڈالتے ہوئے مختلف موضوعات پر کلام کیا جن میں سے بعض درج ذیل ہیں:

٭مسجد آباد کرنا٭ تبلیغ دین میں امام کےعملی کردارکی اہمیت٭ نمازیوں اور اہل محلہ کے ساتھ حسن اخلاق سے پیش آکر انہیں مسجد و دین متین کے قریب کرنا٭ عوام الناس کو اُن کی ذہنی صلاحیت و سوچ کے مطابق آسان زبان میں درس وبیان کے ذریعے شرعی مسائل سے آگاہ کرنا٭فرض علوم سکھانا۔(رپورٹ: مولانا محمد عابد عطاری مدنی معاون رکن شوری حاجی محمد عقیل عطاری مدنی، کانٹینٹ:غیاث الدین عطاری)

عاشقانِ رسول کو دینِ اسلام کی اہم معلومات سے روشناس کروانے اور اُن کی عملی زندگی میں بہتری لانے کے لئے شعبہ مدنی کورسز دعوتِ اسلامی کے تحت ”63 دن کا مدنی تربیتی کورس“ منعقد ہونے جارہا ہے۔

معلومات کے مطابق مذکورہ کورس 15 اپریل 2026ء سے مدنی مرکز فیضانِ مدینہ G-11 اسلام آباد میں شروع ہوجائے گا جس میں شرکا کو اہم موضوعات پر تربیت فراہم کی جائے گی جن میں سے بعض درج ذیل ہیں:

٭وضو، غسل، نماز اور کفن دفن کا عملی طریقہ٭نماز کے واجبات٭نمازِ جنازہ کا طریقہ٭سنتیں و آداب اور بہت کچھ۔

مزید معلومات اور کورس میں شامل ہونے کے لئے جبکہ رجسٹریشن اور تفصیلی معلومات کے لئے درج ذیل نمبرز پر رابطہ کریں:

03153261241

03064353415

صوبہ خیبرپختونخوا سے آئے ہوئے عاشقانِ رسول کے لئے عالمی مدنی مرکز فیضانِ مدینہ کراچی میں شعبہ مدنی کورسز دعوتِ اسلامی کے تحت  22 جنوری 2026ء کو پشتو زبان میں ایک کورس کروایا گیا۔

کورس میں شعبے کے معلم مولانا عبد اللہ خان عطاری مدنی نے عاشقانِ رسول کی رہنمائی کرتے ہوئے انہیں نماز، وضو اور غسل کے ضروری مسائل بتائے نیز نماز کا عملی طریقہ بھی سکھایا۔

اسی طرح معلم مولانا عبد اللہ خان عطاری مدنی نے شرکائے کورس کو دعوتِ اسلامی کے تنظیمی طریقۂ کار کے بارے میں بھی بتایا اور اُن کی اخلاقی اعتبار سے تربیت کی۔

اختتام پر تمام عاشقانِ رسول کا ٹیسٹ لیا گیا اور انہیں دعوتِ اسلامی کے 12 دینی کاموں میں بڑھ چڑھ کر حصہ لینے نیز جامعۃالمدینہ بوائز میں داخلہ لینے کی اچھی اچھی نیتیں کیں۔(رپورٹ:محمداحمدسیالوی عطاری رکن شعبہ مدنی کورسزواعتکاف، کانٹینٹ:غیاث الدین عطاری)

شعبہ مدنی کورسز دعوتِ اسلامی کے تحت 14 تا 25 دسمبر 2025ء کو مدنی مرکز فیضانِ مدینہ گڑھ موڑ، ضلع جھنگ میں  12 دن کا معلم کورس ہوا جس میں ذمہ داران اور دیگر اسلامی بھائیوں کی شرکت ہوئی۔

تفصیلات کے مطابق اسلامی بھائیوں نے کورس شیڈول پر عمل کرتے ہوئے تہجد، اشراق و چاشت، اوبین اور صلوٰۃ التوبہ کی ادائیگی سمیت دعوتِ اسلامی کے مختلف دینی کاموں میں حصہ لیا۔

اسی طرح شرکائے کورس نے علاقے کے اسلامی بھائیوں کو نیکی کی دعوت دیتے ہوئے انہیں دعوتِ اسلامی کے نیک اجتماعات و ہفتہ وار مدنی مذاکرے میں شرکت کرنے، دعوتِ اسلامی کے تحت ہونے والے مختلف کورسز میں داخلہ لینے اور نمازوں کی پابندی کرنے کا ذہن دیا جس پر اسلامی بھائیوں نے اچھی اچھی نیتیں کیں۔(رپورٹ:محمداحمدسیالوی عطاری رکن شعبہ مدنی کورسزواعتکاف، کانٹینٹ:غیاث الدین عطاری)