عاشقانِ رسول کی دینی تحریک دعوتِ اسلامی کے تحت فیصل آباد پنجاب میں مدنی مرکز فیضانِ مدینہ قائم ہے جہاں اسلامی بھائیوں کو وقتاً فوقتاً دین کی باتیں سننے، علمِ دینِ سیکھنے اور اپنی اصلاح کرنے  کا موقع ملتا رہتا ہے۔

اسی سلسلے میں دعوتِ اسلامی کے زیرِ اہتمام 3 دن کا ”تصوف کورس“ مدنی مرکز فیضانِ مدینہ فیصل آباد، پنجاب میں منعقد کیا گیا جس میں حافظ آباد ڈسٹرکٹ کے عاشقانِ رسول نے شرکت کی۔

کورس کے دوران مختلف سیشنز ہوئے جن میں مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے مختلف موضوعات پر بیانات کئے اور وہاں موجود عاشقانِ رسول کی رہنمائی کی۔

موضوعات کی تفصیل:

اس موقع پر نگرانِ پاکستان مشاورت نے جن موضوعات پر کلام کیا اُن میں سے بعض درج ذیل ہیں:

٭صوفی اور قراٰن٭تصوف کا ابتدائی تعارف٭توبہ کا بیان٭خوفِ خدا کی تعریف٭توکل اور رضا٭عزم و استقامت٭سچائی٭وعدہ نبھانا٭عفو و درگزر٭نرمی٭حلم و ضبطِ نفس٭عدل و انصاف٭احسان٭حسنِ معاشرت٭روز مرہ کے آدابِ نبوی۔

اس کے علاوہ عاشقانِ رسول نے مدنی مذاکرے میں شرکت کی جبکہ کورس کرنے والے عاشقانِ رسول کا ٹیسٹ بھی لیا گیا اور اُن کے درمیان اسناد تقسیم کی گئیں۔