22 ربیع الاوّل, 1441 ہجری

: : :
(PST)

سندھ کے مختلف علاقوں میں  آسمانی بجلی گرنے سے 20سے زائدافراد انتقال کرگئے، کئی جانور جل گئے

جن مسلمانوں کے یہاں اموات ہوئیں سب کے سوگواروں سے تعزیت کرتا ہوں، مولانا الیاس قادری

تفصیلات کے مطابق سندھ کے مختلف علاقوں میں آسمانی بجلی نے قہر ڈھادیا، جس کے سبب کئی افراد وفات پاگئے، کئی جانور جل گئے اور کچھ لوگ زخمی ہوگئے۔واقعے کی اطلاع ملنے پرامیرِ اہلِ سنت دَامَتْ بَرَکَاتُہُمُ الْعَالِیَہ نے ایک ویڈیو پیغام جاری کیا جس میں مرحومین کے لواحقین سے تعزیت اور زخمیوں کے لئے دعائے صحت فرمائی۔ ویڈیو پیغام میں دعا کرتے ہوئے آپ کا کہناتھا:یا اللہ!پیارے حبیب صلَّی اللہ علیہ واٰلہٖ وسلَّم کا واسطہ آسمانی بجلی گرنے کے سبب جو جو مسلمان انتقال کر گئے ہیں ان سب کو غریقِ رحمت فرما، ان کےلواحقین اور سوگواروں کو صبرِ جمیل اور اس پر اجرِ جزیل مرحمت فرما، سندھ کے مسلمانوں کی حفاظت فرما، جو زخمی ہوئے انہیں روبہ صحت فرما۔

لواحقین سے تعزیت کرتے ہوئے بانیِ دعوتِ اسلامی نے کہاکہ جن جن کے یہاں اموات ہوئیں میں ان سب مسلمان سوگواران سے تعزیت کرتا ہوں، سب نمازوں کی پابندی کیجئے! سنتوں پر عمل کیجئے! اور گڑ گڑا کر اللہ کی جناب میں توبہ کیجئے اور مسجدوں کوآباد کیجئے۔


ڈھاکہ بنگلہ دیش میں  دو ٹرینوں کا آپس میں ٹکراؤ، 15 افرادانتقال کرگئے،40 سے زائد زخمی

واقعے کی اطلاع ملنے پر امیر اہلِ سنت کا اظہار افسوس

تمام سوگواروں سے تعزیت اور زخمیوں سے ہمدردی کا اظہار کرتا ہوں، مولانا الیاس قادری

تفصیلات کے مطابق 12 نومبر 2019ء کو ڈھاکہ سے جانے والی اور آنے والی دو ٹرینوں کا آپس میں ٹکراؤ ہوگیا جس کے باعث 15 افراد وفات پا گئے جبکہ 40 سے زائد زخمی ہوئے۔ افسوس ناک واقعے کی اطلاع ملنے پر امیر اہلِ سنت مولانا الیاس عطار قادری دَامَتْ بَرَکَاتُہُمُ الْعَالِیَہ نے ایک ویڈیو پیغام جاری کیا جس میں آپ نے مرحومین اور زخمیوں کے لئے دعائے خیر فرمائی۔

بانی دعوتِ اسلامی نے یوں دعا فرمائی:یا رب المصطفٰے جل جلالہ وصلی اللہ علیہ وآلہ وسلم! اس حادثےمیں جن مسلمانوں کا انتقال ہوا ان کی بے حساب مغفرت فرما، جو مسلمان زخمی ہوئے انہیں روبہ صحت فرما، اے اللہ فوت شدگان اور زخمیوں کے عزیزوں کو صبرِ جمیل اور صبرِ جمیل پر اجر جزیل مرحمت فرما ، ہم سب کو پکا نمازی بنا، اپنا خوف عطا فرما،اپنے پیارے حبیب کا ہم کو عشق عطا فرما۔ اٰمِیْن بِجَاہِ النَّبِیِّ الْاَمِیْن صلَّی اللہ تعالٰی علیہ واٰلہٖ وسلَّم

میں تمام سوگواروں سے تعزیت اور زخمیوں سے ہمدردی کا اظہار کرتا ہوں۔ نماز کی پابندی کرتے رہیے، مدنی چینل دیکھتے رہیے۔


مولانا حاجی عبدالحبیب عطاری کے والد حاجی یعقوب گنگ کے انتقال پر بانیِ دعوتِ اسلامی کا اظہارِ تعزیت

مرحوم دعوت اسلامی کے سب سے پہلے مالی سپورٹر تھے۔مولانا الیاس قادری

ہر جمعے والدین کو اولاد کے اعمال پیش کیے جاتے ہیں۔مولانا الیاس قادری

اولاد کے برےاعمال کی وجہ سے مرحوم والدین کو رنج پہنچتا ہے۔ مولانا الیاس قادری

تفصیلات:

دعوتِ اسلامی کی مرکزی مجلسِ شوریٰ کے رکن مولانا حاجی عبدالحبیب عطاری کے والد محترم حاجی یعقوب گنگ 30محرم الحرام 1441ھ مطابق 30 ستمبر 2019ء کو انتقال کر گئے۔ امیر اہلِ سنّت مولانا محمد الیاس عطار قادری دَامَتْ بَرَکَاتُہُمُ الْعَالِیَہ نے نمازِ جنازہ کے بعد لواحقین سے تعزیت کی اور دعا فرمائی۔

نیز مدنی پھول دیتے ہوئے فرمایا: یہ ذہن میں رکھیں کہ ہر جمعے مرحوم والدین کو ان کی اولاد کے اعمال پیش کئے جاتے ہیں، ماشاءاللہ آپ والد صاحب سے بڑی محبت کا اظہار کر رہے ہیں لیکن ایسا نہ ہو کہ بے عملیاں کر کے والدین کو رنج پہنچاتے رہیں کیونکہ جب والدین کے پاس اولاد کے نیک اعمال پہنچتے ہیں تو ان کا چہرہ بشاشت سے کِھل اٹھتا ہے یعنی ان کے چہرے پر خوشی کے آثار ہوتے ہیں اور اگر برے اعمال پہنچیں تو ان کا چہرہ بجھ سا جاتا ہے یعنی ان کے چہرے پر کدورت آجاتی ہے۔ جن کے والدین اس دنیا سے چلے گئے یہ مدنی پھول ان سب کے لئے ہے۔ اور ظاہر سی بات ہے جن کے والدین حیات ہیں انہیں بھی ہر صورت میں گناہوں سے بچنا ہے۔

فرمانِ مصطفی صلَّی اللہ علیہ واٰلہٖ وسلَّم :”اللہ پاک نیک بندے کے جنت میں درجے بلند فرماتا ہے تو وہ عرض کرتا ہے: یا اللہ میرے درجے کیسے بلند ہوئے؟ اللہ پاک فرماتا ہے:اس لئے کہ تیری اولاد نے تیرے لئے بخشش کی دعا کی ہے۔“ (مسند احمد بن حنبل، ج3، ص584، حدیث10615) لہذا اپنے مرحوم والدین کے لئے خوب مغفرت کی دعا کیجئے۔ جو زندہ ہیں ان کے لئے بھی مغفرت کی دعا کی جاسکتی ہے۔

امیر اہل سنت نے مزید فرمایا: زہے نصیب! آپ والد صاحب کے ایصالِ ثواب کے لئے کوئی عالی شان مسجد بنادیں۔ مسجد کانام ماہِ رضا کی مناسبت سے فیضانِ اعلیٰ حضرت رکھ لیں۔ آپ کے لئے بھی صدقہ جاریہ ہوگا اور مرحوم کا بھی بیڑہ پار ہوگا اِنْ شَآءَ اللہ ۔ امی جان کے ایصالِ ثواب کی نیت بھی کرلیں ۔ امیر اہلِ سنت کی ترغیب پر مولانا عبدالحبیب عطاری نے کہا کہ اِنْ شَآءَ اللہ عَزَّ وَجَلَّ مسجد جلد تعمیر ہوجائے گی۔

یہ دعوت اسلامی کے شروع میں ہمارے سب سے پہلے financer (مالی سپورٹر) تھےبانی دعوتِ اسلامی کا مزید کہنا تھا: حاجی یعقوب گنگ ماشاء اللہ ، ہمارے ساتھ قافلوں میں آتے تھے، انہوں نے اس دور میں جب کوئی سائیکل بھی نہ دے ہمیں اپنی گاڑی دی ہوئی تھی اور ڈرائیور بھی دیا تھا کہ دین کے کام کے سلسلے میں جہاں جانا ہے جاؤ۔ ہمارے گھر کے پاس ان کی گاڑی کھڑی رہتی تھی۔ یوں ہمارے ساتھ بہت مالی و جانی تعاون کیا ۔اللہ ان کی سب خدمات قبول فرمائے ۔آمین


تعزیتی پیغام

Sat, 21 Sep , 2019
59 days ago

شیخِ طریقت، امیرِ اَہلِ سنّت علامہ محمد الیاس عطّاؔر قادری رضوی دَامَتْ بَرَکَاتُہُمُ الْعَالِیَہ نےنسیم اختر خاتون، یوسف علی نقشبندی، محمد اعظم خان اور فاطمہ بی بی کے انتقال کی اطلاع ملنے پر اپنے آڈیو پیغام کے ذریعے مرحومین کے لواحقین سے تعزیت کی اور مرحومین کے لئے دعائے مغفرت کرتے ہوئے سوگواروں کوصبر کی تلقین بھی کی۔


تعزیتی پیغام

Fri, 20 Sep , 2019
60 days ago

چھ دن کے محمد احمد رضا نمونیہ کے سبب ،میانوالی میں 48دن کے محمد رضا خان ہارٹ اٹیک کے سبب اور لاہور میں 5ماہ کے حمزہ عطاری اچانک طبیعت خراب ہونے کے   سبب 4محرم الحرام 1441ھ کو انتقال کرگئے۔امیر اہل ِ سنّت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نےبذریعہ آڈیو پیغام تمام سوگواروں سے تعزیت کی اور اہلِ خانہ کو صبر کی تلقین کرتے ہوئے مرحومین کے لئے ایصالِ ثواب کیا نیز امیر اہلِ سنّت دَامَتْ بَرَکَاتُہُمُ الْعَالِیَہ نےایصالِ ثواب کے لئے اہلِ خانہ کے اسلامی بھائیوں کو قافلے میں سفر،ہفتہ وار اجتماع میں شرکت اورمدنی رسائل تقسیم کرنے کی ترغیب دلائی۔


کراچی میں سید سلمان رمضانی کینسر کے سبب62سال کی عمر میں،کراچی میں حاجی فرید چھیپا ،یوکے میں حاجی مظفر حسین ہارٹ اٹیک کے سبب66سال کی عمر میں،جتوئی میں ممتازاشرف 60سال کی عمر میں انتقال کرگئے۔ امیر اہلِ سنّت علامہ محمد الیاس عطارقادری دَامَتْ بَرَکَاتُہُمُ الْعَالِیَہ نے مرحومین کے سوگواروں سے تعزیت کی اور صبر کی تلقین کرتےہوئے دعائے مغفرت فرمائی نیز امیر اہلِ سنّت دَامَتْ بَرَکَاتُہُمُ الْعَالِیَہ نے ایصالِ ثواب کے لئے اہلِ خانہ کو قافلوں میں سفر ،مدنی مذاکرے اور مدرسۃالمدینہ بالغان میں شرکت کرنے کی ترغیب دلائی۔ 


مدنی چینل کےنعت خواں محمد عادل عطاری اورمحمد یونس عطاری عالمی مدنی مرکزفیضانِ مدینہ کراچی میں 15 ستمبر2019ء بروز اتوار کی شب ہونے والی ’’محفلِ نعت بسلسلۂ استقبال حجاج کرام‘‘ میں شرکت کے بعد موٹرسائیکل پر گھر جارہے تھے کہ ان کا حادثہ ہوگیاجس کے باعث دونوں اسلامی بھائی زخمی ہوگئے۔ اطلاع ملنے پر امیر اہلِ سنّت دَامَتْ بَرَکَاتُہُمُ الْعَالِیَہ نے ان کے نام آڈیو پیغام جاری کیا جس میں دعا فرمائی اور دونوں کو زندگی بچ جانے کے شکرانے میں قافلے میں سفر اور دعوتِ اسلامی کے مدنی کاموں میں مزید ذمّہ داریاں سنبھالنے کا ذہن دیا ۔


تعزیتی پیغام

Sat, 14 Sep , 2019
66 days ago

لاہور میں فرزانہ جبین پیٹ کے کینسر کے سبب25ذوالحجۃ الحرام 1440ھ کو57سال کی عمر میں ، کراچی میں حافظ ندیم عطاری ہارٹ اٹیک کے سبب 34سال کی عمر میں ،سیالکوٹ میں سکینہ بی بی فالج کے سبب 27 ذوالحجۃ الحرام 1440ھ کو90سال کی عمرمیں اور مورو کے قریب نادر سولنگی 17سال اور ارسلان سولنگی  19سال کی عمر میں  دریائے سندھ میں نہاتے ہوئے ڈوب کرانتقال گئے۔امیر اہلِ سنّت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے تمام مرحومین کے لواحقین کے نام ایک صوتی پیغام جاری کیا جس میں سوگواروں سے تعزیت کرتےہوئے صبر کی تلقین کی  اور مرحومین کو ایصالِ ثواب کرتے ہوئے  دعائے مغفرت فرمائی۔


تعزیتی پیغام

Fri, 6 Sep , 2019
74 days ago

تاج بی بی ہارٹ پروبلم  کے سبب24ذوالحجہ1440ھ کو70 سال کی عمر میں اور11دن کے محمد عمر عطاری سانس کی نالی میں دودھ چلے جانے کے سبب24ذوالحجہ 1440ھ میں انتقال کر گئے۔ امیر اہلِ سنّت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نےبذریعۂ آڈیوپیغام ان دونوں مرحومین کے اہلِ خانہ سے تعزیت کی اورمرحومین کے لئے دعائےمغفرت کی۔ آپ نے اپنے پیغام میں لواحقین کو اپنے پیاروں کے ایصالِ ثواب کے لئے قافلے میں سفر اور مدنی رسائل تقسیم کرنے کی ترغیب دلائی۔


تعزیتی پیغام

Mon, 2 Sep , 2019
78 days ago

انور حسین بلڈ پریشر Lowہونے اورسانس کی نالی میں خون میں آجانے کے سبب 17ذوالحجہ 1440ھ کو 66 سال کی عمر میں، محمد شاہد ہارٹ اٹیک کے سبب 18 ذوالحجہ 1440ھ کو25سال کی عمر میں، لیاقت رضا عطا ری مدنی عطیات بکس سے فنڈ جمع کرتے ہوئے ڈاکوؤں کی فائرنگ کے سبب 17ذوالحجہ 1440ھ کو40سال کی عمر میں جڑانوالہ میں انتقال کر گئے۔ امیراہل سنّت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے ان تمام مرحومین کے اہل ِ خانہ سے بذریعہ آڈیو پیغام تعزیت کی اور لواحقین کو صبر کی تلقین کرتے ہوئے مرحومین کے لئے دعائے مغفرت فرمائی۔ آپ دَامَتْ بَرَکَاتُہُمُ الْعَالِیَہنے مرحومین کے ایصالِ ثواب کے حوالےسے نصیحت آمیز قول پیش کر تے ہوئے فرمایا کہ بزرگانِ دین رحمہم اللہ المبین فرماتے ہے”گناہ کفر کے قاصد ہے“(یعنی انسان کو کفر تک لے جاتے ہے)۔


تعزیتی پیغام

Sun, 1 Sep , 2019
79 days ago

بر کت اللہ خان عطاری ہارٹ اٹیک کے سبب 18ذوالحجہ 1440ھ کو45سال کی عمر میں ، امیر حمزہ نقشبندی ہارٹ اٹیک کے سبب 17 ذوالحجہ1440ھ کو58سال کی عمر میں اور وقاص عطا ری20ذوالحجہ 1440ھ کو20سال کی عمر میں اچانک انتقال کر گئے۔ امیراہل سنّت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نےبذریعہ آڈیو تمام مرحومین کے اہل ِ خانہ سے تعزیت کی اور صبر کی تلقین کرتے ہوئے دعائے مغفرت فرمائی ۔ آپ دَامَتْ بَرَکَاتُہُمُ الْعَالِیَہ نے ایصالِ ثواب کے لئے قافلے میں سفر اور مدنی رسائل تقسیم کرنے کی ترغیب دلائی۔


تعزیتی پیغام

Sat, 31 Aug , 2019
80 days ago

شیخ طریقت امیر اہلِ سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے مولانا محمد رحمت اللہ صاحب (مہتمم جامعہ محمدی شریف) کی علالت کی خبر ملنے پر ان کے نام ایک آڈیو پیغام جاری کیا جس میں مولانا رحمت اللہ صاحب سے عیادت فرمائی اور انہیں بیماری پر صبر کرنے کی تلقین کی۔