امیرِ اَہلِ سنّت علامہ محمد الیاس عطّاؔر قادری دَامَتْ بَرَکَاتُہُمُ الْعَالِیَہ نے حاجی دانش عطاری، محمد عمران عطاری اور فرحان عطاری سے ان کی والدہ کے انتقال پر تعزیت کااظہار فرماتے ہوئے مرحومہ کے لئے دعائے مغفرت فرمائی اور ایصالِ ثواب کے لئے سوگواروں کو مدنی قافلے میں سفر اور ہفتہ وار سنّتوں بھرے اجتماع میں شرکت کی ترغیب دلاتے ہوئے مدنی پھول دیئے۔

امیرِ اَہلِ سنّت علامہ محمد الیاس عطّاؔر قادری دَامَتْ بَرَکَاتُہُمُ الْعَالِیَہ نےشیخ عبدالحبیب عطاری،خالد حسن صدیقی ،خاتون بی بی ، شہباز عطاری اور محمد شریف کے انتقال کی خبرملنے پران کے لواحقین کے نام صورتی پیغام جاری کیا اور اظہارِ افسوس کرتے ہوئے مرحومین کے سوگواروں سے تعزیت فرمائی،آپ نے مرحومین کے لئے دعائے مغفرت بھی فرمائی۔

پچھلے دنوں سابق وفاقی وزیر قمر زمان کائرہ کے جواں سال بیٹے اسامہ قمر اور ان کے دوست حمزہ بٹ کا کار حادثے کے سبب لالہ موسیٰ پنجاب میں انتقال ہوگیا تھا، امیرِ اَہلِ سنّت علامہ محمد الیاس عطّاؔر قادری دَامَتْ بَرَکَاتُہُمُ الْعَالِیَہ نے رکنِ شوریٰ حاجی یعفور رضا عطاری کی جانب سے اطلاع ملنے پر مرحوم اسامہ قمر کے والد سابق وفاقی وزیر قمر زمان کائرہ اور حمزہ بٹ کے والد امجد سعید کے نام تعزیتی پیغام جاری کیا،تعزیتی پیغام میں آپ نے لواحقین سے تعزیت فرماتے ہوئے مرحومین کے لئے دعائے مغفرت کی، لواحقین کو صبر وہمت سے کام لینے کی تلقین فرمائی اور مدنی پھول ارشاد فرمائے ۔