ماڈل کالونی ملیر میں قائم انسٹیٹیوٹ میں پروفیشنل افراد کے لئے 30 مئی 2025ء کو احکامِ قربانی کا انعقاد کیا گیا جس کا مقصد شرکا میں قربانی کے شرعی احکام بیان کرنا اور اُن کی دینی معلومات میں اضافہ کرنا تھا۔

اس کورس میں دار الافتاء اہلسنت کے مفتی کفیل عطاری مدنی نے شرکا کو قربانی کے شرعی اصول، مناسکِ قربانی اور اس کی اہمیت بتاتے ہوئے حاضرین کی جانب سے کئے گئے سوالات کے تفصیلی جوابات دیئے تاکہ قربانی کرتے وقت غلطیوں سے بچا جاسکے۔

کورنگی نمبر 1 کی جامع مسجد مدنی میں مقامی عاشقانِ رسول کے لئے 30 مئی 2025ء کو قربانی کورس کا انعقاد کیا گیاجس کا مقصد وہاں موجود اسلامی بھائیوں کو قربانی کے شرعی احکام سے آگاہی دینا اور اُن کی دینی معلومات میں اضافہ کرنا تھا۔

اس کورس میں دار الافتاء اہلسنت کے مفتی محمدسجاد عطاری مدنی نے اسلامی بھائیوں کو قربانی کے شرعی اصول، مناسکِ قربانی اور اس کی اہمیت سے روشناس کروایا۔ اس کے علاوہ مفتی محمدسجاد عطاری مدنی نے حاضرین کے سوالات کے تفصیلی جوابات بھی دیئے تاکہ عمل میں غلطیوں سے بچا جا سکے۔

30 مئی  2025ء کو بلاک 8 کلفٹن کراچی میں واقع فیضانِ جیلان مسجد میں عاشقانِ رسول کو قربانی کے مسائل سکھانے کے لئے ایک خصوصی ٹریننگ سیشن کا انعقاد کیا گیا جس کا مقصد قربانی کے احکام سے آگاہی اور دینی فہم میں اضافہ کرنا تھا۔

اس ٹریننگ سیشن میں مدنی چینل کے اسکالر مولانا عمران عطاری مدنی نے شرکا کو قربانی کے شرعی احکام، مناسکِ قربانی اور اس کی اہمیت سے آگاہ کیا نیز شرکا کی جانب سے کئے گئے مختلف سوالات کے تفصیلی جوابات دیئے تاکہ دین کے مطابق صحیح عمل کو فروغ دیا جا سکے۔

اس سیشن میں مختلف عاشقانِ رسول نے شرکت کی اور دینی معلومات میں اضافہ کیا۔ اس سلسلے کا مقصد امت مسلمہ میں قربانی کی اہمیت کو اجاگر کرنا اور شرعی احکامات کی صحیح فہم دینا ہے۔(رپورٹ: محمد حاشر عطاری شعبہ مدنی کورسز ڈسٹرکٹ کورنگی، کانٹینٹ:غیاث الدین عطاری)

1 جون 2025ء کو کینٹ ٹاؤن نزد DHA لاہور میں ایک شخصیت کی رہائش گاہ پر دعوتِ اسلامی کے شعبے مدنی کورسز کے تحت ”احکامِ قربانی کورس“ منعقد کیا گیا جس کا مقصد لوگوں کو قربانی کے شرعی مسائل سے آگاہ کرنا تھا۔

اس موقع پر اہلِ محلہ، پروفیسر، سب انسپکٹر، تاجران، ذمہ دارانِ دعوتِ اسلامی اور مختلف شعبہ ہائے زندگی سے تعلق رکھنے والے عاشقانِ رسول نے شرکت کی۔

کورس کی ابتدا میں شعبے کے ٹاؤن ذمہ دار مولانا بابر عطاری مدنی نے عاشقانِ رسول کو قربانی کی تعریف بیان کرتے ہوئے انہیں قربانی کی شرائط اور اس کے چند ضروری مسائل سے آگاہ کیاجن میں سے بعض درج ذیل ہیں:

لوگوں کو نمازو  روزے کے شرعی مسائل سکھانے والے دعوتِ اسلامی کے شعبہ مدنی کورسز کے تحت 28، 29 اور 30 مئی 2025ء کو مدنی مرکز فیضانِ مدینہ نزد انصاری چوک ملتان، پنجاب میں ”12 دینی کام کورس (رہائشی)“ ہوا۔

اس کورس میں شعبے کے معلمین نے 12 دینی کاموں کے اہداف بیان کرتے ہوئے کورس کروایا جن میں فجر کے لئے مسلمانوں کو جگانا، نیک اعمال کے رسائل پُر کرنا، مدنی مذاکرے میں شرکت کرنا، تفسیر سننے / سنانے کے حلقے لگانا اوردیگر دینی کاموں میں شمولیت اختیار کرنا شامل تھا۔

کورس کے اختتام پر مرکزی مجلسِ شوریٰ کے رکن حاجی قاری محمد سلیم عطاری نے شرکائے کورس کے درمیان بیان کیا اور انہیں دینی کاموں میں اخلاص کے ساتھ حصہ لینے کا ذہن دیا جس پر انہوں نے اچھی اچھی نیتیں کیں۔

سنتِ ابراہیمی پر عمل  کرنے والے عاشقانِ رسول کی تربیت کے لئے 23 مئی 2025ء کو کراچی کے علاقے ڈیفنس فیز 4 کی جامع مسجد فیضانِ رمضان میں شعبہ مدنی کورسز دعوتِ اسلامی کے تحت ”قربانی کورس“ منعقد کیا گیا۔

اس موقع پر دارالافتاء اہلسنت کے مفتی شفیق عطاری مدنی نے نہ صرف قربانی کے احکام کے حوالے سے شرکا کی رہنمائی کی بلکہ اُن کی جانب سے کئے گئے مختلف سوالات کے شریعتِ مطہرہ کی روشنی میں جوابات دیئے۔

آخر میں کورس میں شرکت کرنے والے عاشقانِ رسول نے اپنے تاثرات دیئے جن میں انہوں نے دعوتِ اسلامی کے اس کاوش کو سراہا اور اپنی نیک خواہشات کا اظہار کیا۔(رپورٹ: محمد حاشر عطاری شعبہ مدنی کورسز ڈسٹرکٹ کورنگی، کانٹینٹ:غیاث الدین عطاری)

کراچی کے علاقے سول لائنز کلفٹن کی جامع مسجد فیضانِ بسم اللہ میں لوگوں کو قربانی کے شرعی مسائل سکھانے اور اُن کی تربیت کرنے کے لئے 25 مئی 2025ء کو شعبہ مدنی کورسز دعوتِ اسلامی کے تحت ”احکامِ قربانی کورس“ کروایا گیا۔

کورس کے دوران مدنی چینل کے اسکالر مولانا عمران عطاری مدنی نے قربانی کے مسائل کے حوالے سے وہاں موجود عاشقانِ رسول کی رہنمائی کی اور انہیں دینِ اسلام کی تعلیمات کے مطابق اپنی قربانی اداکرنے کا ذہن دیا۔

لوگوں کو نماز کے ضروری مسائل سکھانے اور اُن کی دینی و اخلاقی تربیت کرنے کے لئے شعبہ مدنی کورسز دعوتِ اسلامی کے تحت مدنی مرکز فیضانِ مدینہ آفندی ٹاؤن حیدر آباد میں 7 دن کا رہائشی ”فیضانِ نماز کورس“ ہوا جس میں تھرپارکر عمر کوٹ کے عاشقانِ رسول نے شرکت کی۔

28 مئی 2025ء کو ”فیضانِ نماز کورس“ کی اختتامی نشست ہوئی جس میں شرکا سمیت قرب و جوار کے اسلامی بھائیوں نے شرکت کی اور کورس مکمل کرنے والے اسلامی بھائیوں کے درمیان اسناد تقسیم کی گئیں۔

میرپور خاص کے علاقے میرشیرمحمد ٹاؤن کی جامع مسجدقادریہ، تھامس آباد میں 27 مئی 2025ء کو  شعبہ مدنی کورسز دعوتِ اسلامی کے تحت ” فیضانِ نماز کورس (جز وقتی )“ کا انعقاد کیا گیا جس کا مقصد لوگوں کو نماز کے ضروری مسائل سے آگاہ کرنا تھا۔

اس کورس میں وارڈ نمبر 10 کے مقامی عاشقانِ رسول نے شرکت کی جبکہ معلمِ کورس ارشد رضا عطاری نے اُنہیں وضو، غسل، مکمل طہارت کے احکام، نماز کے شرائط، فرائض، واجبات، اور دیگر مسائل کے بارے میں معلومات فراہم کیں۔

کورس کے اختتام پر شعبہ امام مسجد کے ڈویژن ذمہ دار سیّد ریحان عطاری اور نگرانِ ٹاؤن قاری سجاد عطاری نے شرکائے کورس کے درمیان بیان کیا اور انہیں دعوتِ اسلامی کے 12 دینی کاموں میں بڑھ چڑھ کر حصہ لینے کی ترغیب دی۔(رپورٹ:دیدارحسین عطاری قادری شعبہ مدنی کورسز ڈویژن میرپور خاص ، کانٹینٹ:غیاث الدین عطاری)

دعوتِ اسلامی کے دینی کاموں کے حوالے سے معلومات میں اضافہ کرنے کے لئے مورخہ 20 مئی 2025ء کو  کورنگی نمبر 5 میں قائم فیضانِ امیر معاویہ مسجد میں شعبہ مدنی کورسز کے تحت ”12 دینی کام کورس“ کا انعقاد کیا گیا جس میں لانڈھی ٹاؤن کے امام و مؤذن صاحبان نے بھرپور انداز سے شرکت کی۔

اس دوران نگرانِ کورنگی ڈسٹرکٹ قاری عرفان عطاری نے شرکائے کورس کو 12 دینی کاموں کے اہداف، طریقۂ کار اور اہمیت سے آگاہ کرتے ہوئے عملی زندگی میں دعوتِ اسلامی کے دینی کام کرنے کے لئے اُن کی رہنمائی کی۔

کورس کے اختتام پر امام و مؤذن صاحبان سے ایک تعلیمی ٹیسٹ لیا گیا نیز ٹیسٹ میں کامیاب ہونے والوں کے درمیان سرٹیفکیٹس بھی تقسیم کئے گئے ۔

قربانی کے شرعی احکام کے بارے میں آگاہی دینے کے لئے  19 مئی 2025ء کو دعوتِ اسلامی کے شعبہ مدنی کورسز کے تحت شاہ فیصل کالونی 3 نمبر کراچی میں قائم جامع مسجد نور میں”قربانی کورس“ کا انعقاد کیا گیاجس میں کثیر عاشقانِ رسول نے شرکت کی۔

اس موقع پر دارالافتاء اہلسنت کے مفتی شفیق عطاری مدنی نے شرکا کو قربانی کے احکام، فضائل اور طریقہ کار سے آگاہ کرتے ہوئےنہ صرف شرکا کی تربیت کی بلکہ ان کے سوالات کے تفصیلی جوابات بھی فراہم کئے تاکہ دینی معلومات میں اضافہ ہو سکے۔

آخر میں شرکاء نے اپنے تاثرات کا اظہار کیا اور کورس سے حاصل ہونے والی معلومات کو سراہا۔

پونچھ ڈویژن کی تحصیل عباس پور میں عاشقانِ رسول کی دینی تحریک دعوتِ اسلامی کے تحت شعبہ مدنی کورسز کے ڈسٹرکٹ و تحصیل ذمہ دار اسلامی بھائی میٹنگ کے لئے جمع ہوئےجس کا مقصد دینی کاموں کا جائزہ لینا اور ذمہ داران سے ملاقات کرنا تھا۔ 

اس اہم میٹنگ میں رہائشی و جزوقتی کورسز کی پلاننگ پر گفتگو ہوئی اور ذمہ دار اسلامی بھائیوں کی تربیت و رہنمائی کی گئی تاکہ دین کے پیغام کو مزید مؤثر انداز میں عام کیا جا سکے۔

جون و جولائی 2025ء کے رہائشی کورسز کی کامیابی کے لئے نگرانِ شعبہ نے ذمہ داران کی ذہن سازی کی اور اُن کی حوصلہ افزائی کے لئے تحائف دیئے ۔