اوکاڑہ شہر، پنجاب کے علاقے محبوب ٹاؤن میں واقع مدنی مرکز فیضان مدینہ میں شعبہ مدنی کورسز دعوتِ اسلامی کے تحت 7 دن کا رہائشی اصلاحِ اعمال کورس منعقد ہوا جس کا مقصد حاضرین کو گناہوں سے بچنے، تقویٰ اور نیک اعمال کے مطابق زندگی گزارنے کی تربیت کرنا تھا۔

اس کورس میں 12 ماہ قافلہ کے عاشقان رسول نے شرکت کی جبکہ تربیت کرنے والے ذمہ دار اظہر سلیم عطاری تھے جنہوں نے حاضرین کے سامنے اس کورس کے اہم موضوعات پر گفتگو کی جن میں سے بعض درج ذیل ہیں:

٭مہلکات٭منجیات٭تقویٰو پرہیزگاری٭باطنی امراض جیسے حسد، تکبر، ریاکاری، بخل، کینہ، جھوٹ اور غیبت کی تعریفات ۔

اس کورس میں شریک اسلامی بھائیوں کو بتایا گیا کہ کس طرح مستقل قفل مدینہ کا ذہن اپنایا جائے اور یومِ قفل مدینہ منایا جائے تاکہ گناہوں سے بچنے کے عزم کو مضبوط کیا جا سکے۔

اسی طرح اسلامی بھائیوں کو باطنی بیماریوں سے بچاؤ کے لئے نگاہیں جھکا کر چلنے، آنکھوں کو گناہوں سے پاک رکھنے، زبان کو فضول استعمال سے بچانے اور گناہوں سے بچنے کے لئے نیک اعمال کے مطابق زندگی گزارنے کا ذہن دیا گیا۔  اس کورس کے اختتام پر 30 ستمبر 2025ء کو اسلامی بھائیوں کا تحریری ٹیسٹ لیا گیا اور انہیں اسناد بھی دی گئیں ۔(رپورٹ: عاکف رضا عطاری معلم شعبہ مدنی کورسز ، کانٹینٹ:غیاث الدین عطاری)

شعبہ مدنی کورسز  دعوتِ اسلامی کے تحت مدرسۃالمدینہ فیضانِ سنت ڈیرہ مراد جمالی میں ہونے والے 7 دن کے فیضانِ نماز کورس کی اختتامی نشست 29 ستمبر 2025ء کو منعقد ہوئی جس میں شرکائے کورس سمیت دیگر اسلامی بھائیوں نے شرکت کی۔

اس موقع پر ڈویژن ذمہ دار شیر محمد عطاری نے ”استقامت“ کے موضوع پر سنتوں بھرا بیان کیا اور وہاں موجود اسلامی بھائیوں کو دعوتِ اسلامی کے دینی و فلاحی کاموں میں حصہ لینے کا ذہن دیا۔بعدازاں کورس مکمل کرنے والے اسلامی بھائیوں کو تحائف دیئے گئے جس پر انہوں نے اچھی اچھی نیتیں کیں۔(رپورٹ: سراج احمد عطاری معلم شعبہ مدنی کورسز ، کانٹینٹ:غیاث الدین عطاری)

ملتان، 24 ستمبر 2025ء کو دعوتِ اسلامی کے مدنی مرکز فیضان مدینہ انصاری چوک ملتان، پنجاب میں شعبہ مدنی کورسز کے تحت 3 دن کا رہائشی معلم کورس منعقد کیا گیا جس کا مقصد معلمین کی تربیت کرنا اور اُن کے اندازِ تدریس کو بہتر بنانا تھا تاکہ وہ دینی تعلیمات کو مؤثر انداز میں پھیلائیں۔

اس رہائشی معلم کورس میں ملتان ڈویژن کے نگران، سٹی و ڈسٹرکٹ نگران، تحصیل و ٹاؤن نگران اور ڈویژن و سٹی ذمہ دار اسلامی بھائیوں نے شرکت کی جن میں رکنِ شعبہ (پاکستان) مولانا اعجاز احمد عطاری مدنی، رکنِ شعبہ قاری محمدندیم عطاری (نگرانِ معلمین مدنی کورسز پاکستان) ، محمد عدنان عطاری اور محمد شہزاد عطاری شامل تھے۔

اس موقع پر ذمہ داران نے معلم کے اوصاف، اندازِ تدریس، 12 دینی کاموں کو مضبوط کرنے کے طریقے، ایک مؤثر معلم کے خصائص، ڈیٹا انٹری، لیڈرشپ، اذکار و مسائلِ نماز کے ٹیسٹ کا انداز و تربیت، فیضان نماز کورس کا شیڈول، پبلک ڈیلنگ اور ٹائم مینجمنٹ جیسے موضوعات پر گفتگو کی۔

اس کورس میں رکنِ مرکزی مجلسِ شوریٰ قاری محمد سلیم عطاری کی بھی خصوصی شرکت ہوئی جس میں انہوں نے معلمین کی گفتگو، تدریس کے انداز اور اپنی اسکلز کو مزید بہتر بنانے کے حوالے سے اہم نکات بیان کیا۔(رپورٹ: مولانا عاشق حسین عطاری مدنی شعبہ مدنی کورسز ملتان سٹی زمہ دار ، کانٹینٹ:غیاث الدین عطاری)

شعبہ مدنی کورسز دعوتِ اسلامی کے تحت 24، 25 اور 26 اگست 2025ء کو مدنی مرکز فیضانِ مدینہ جبی جاتلاں کشمیر  میں معلم کورس کا انعقاد کیا گیا جس میں صوبائی نگران و ذمہ داران، ڈویژن نگران و ذمہ داران اور ڈسٹرکٹ و تحصیل نگران شریک ہوئے۔

اس 3 دن کے کورس میں شعبے کے پاکستان سطح کے اراکین مولانا اعجاز عطاری مدنی، حافظ محمد اویس عطاری، قاری محمد ندیم عطاری، مولانا محمد احمد سیالوی عطاری مدنی اور معلم محمد بلال منیر عطاری نے شرکا کی مختلف امور پر رہنمائی کی۔

دورانِ کورس جو ایکٹیویٹیز ہوئیں اور جن موضوعات پر شرکا کی تربیت کی گئی اُن میں سے بعض درج ذیل ہیں:

٭ نمازِ تہجد٭تلاوتِ قراٰن٭معلم کو کیسا ہونا چاہیئے؟٭کلاس کو کامیاب کیسے کریں؟ ٭لیڈر کی خصوصیات٭ڈیٹا انٹری٭کورس کی اختتامی نشست کیسی ہو؟٭مسکرائے اور غم دور کیجئے٭فیضانِ نماز کورس کا مکمل شیڈول٭پڑھانے کا طریقۂ کار۔معلم کورس کے اختتام پر اسلامی بھائیوں سے ٹیسٹ بھی لیا گیا ۔(رپورٹ: محمد خورشید رضا عطاری صوبائی ذمہ دار شعبہ مدنی کورسز کشمیر ، کانٹینٹ:غیاث الدین عطاری)

نماز، وضو اور دیگر دینی مسائل سکھانے والے دعوتِ اسلامی کے شعبے مدنی کورسز کے تحت مدرسۃالمدینہ بوائز نزد جامع مسجد زینب فیصل آباد میں 3 دن کا فیضانِ نماز کورس  منعقد ہوا۔

کورس کے دوران شعبے کے معلم مولانا محمد عامر عطاری مدنی نے مدرسۃالمدینہ بوائز کے بچوں کو نماز کے فرائض، واجبات اور دیگر مسائل بتائے نیز بچوں نے نمازِ تہجد کے ساتھ ساتھ دیگر سنتیں و و نوافل بھی ادا کئے۔(رپورٹ: شعبہ مدنی کورسز ، کانٹینٹ:غیاث الدین عطاری)

دعوتِ اسلامی کے دینی کاموں  میں رہنمائی کرنے کے حوالے سے پچھلے دنوں ڈسٹرکٹ رینالہ خورد، اوکاڑہ پنجاب کی جامع مسجد رازقیہ شرفیہ میں شعبہ مدنی کورسز کے تحت 3 دن کا رہائشی 12 دینی کام کورس منعقد ہوا جس میں مدرسۃالمدینہ کے ناظمین، مدرسین، طلبۂ کرام اور دیگر اسلامی بھائیوں نے شرکت کی۔

اس 3 دن کے رہائشی کورس میں معلم اظہر سلیم عطاری نے شرکا کو دعوتِ اسلامی کے 12 دینی کاموں کے بارے میں بتایا اور کس انداز میں 12 دینی کام کرنا ہے اس پر رہنمائی کی۔

اسی طرح 12 دینی کاموں کا شیڈول، اہداف، شرعی و تنظیمی احتیاطیں، دعوتِ اسلامی کا تنظیمی اسٹرکچر، کارکردگی اور تقرری سمیت دینی کام کرنے کے لئے امیرِ اہلِ سنت دامت بَرَکَاتُہمُ العالیہ کی دینی کاموں پر ترغیبات بھی بیان کی گئیں۔(رپورٹ: شعبہ مدنی کورسز ، کانٹینٹ:غیاث الدین عطاری)

13 اگست 2025ء کو بہاولپور میں قائم مدنی مرکز فیضان مدینہ میں دعوتِ اسلامی کے دینی کاموں کے سلسلے میں نگرانِ ڈویژن مشاورت ڈاکٹر حافظ عبدالرؤف عطاری نے شعبہ مدنی کورسز کے حوالے سے مدنی مشورہ لیا جس میں انہوں نے خصوصی طور پر شارٹ ٹائم کورسز شروع کروانے پر زور دیا ۔

اس موقع پر نگرانِ ڈویژن مشاورت نے رہائشی کورسز کو مزید مضبوط بنانے اور اختتامی نشست میں تحصیل نگران اسلامی بھائیوں کی حاضری کو یقینی بنانے پر توجہ دلائی جبکہ معلم کورسز کے شرکا کے لئے کورسز شروع کروانے کا طے کیا گیا۔

مدنی مشورے میں یہ بھی طے کیا گیا کہ ہفتہ وار اجتماعات و مدنی مذاکرے میں شرکت کو یقینی بنایا جائے تاکہ شرکا میں علمِ دین حاصل کرنے کا سلسلہ جاری رہے۔ (رپورٹ: احمدرضا عطاری ڈویژن میڈیا ڈیپارٹمنٹ ذمہ دار، کانٹینٹ:غیاث الدین عطاری)

دعوتِ اسلامی کے مدنی مرکز فیضانِ مدینہ بہاولپور  میں شعبہ مدنی کورسز کے تحت 3 دن کا معلم کورس منعقد ہوا جس میں بہاولپور ڈویژن کے نگران، ذمہ داران، ڈسٹرکٹ نگران اور تحصیل نگران اسلامی بھائیوں نے شرکت کی۔

معلم کورس کے دوران 12 اگست 2025ء کو رکنِ مرکزی مجلسِ شوریٰ حاجی محمد اسلم عطاری نے نگران و ذمہ دار اسلامی بھائیوں کو مدنی پھولوں سے نوازا جبکہ معلم مولانا اعجاز عطاری مدنی نے کورس کی اہمیت و افادیت کے حوالے سے شرکا کی رہنمائی کی۔

معلم کورس میں شریک نگران و ذمہ دار اسلامی بھائیوں نے ہر ماہ کورس کروانے کے اہداف لئے اور رکنِ شوریٰ نے اُن کے درمیان تحائف تقسیم کئے۔(رپورٹ: احمدرضا عطاری ڈویژن میڈیا ڈیپارٹمنٹ ذمہ دار، کانٹینٹ:غیاث الدین عطاری)

لوگوں کو تعلیماتِ اسلام سکھانے والے دعوتِ اسلامی کے شعبے مدنی کورسز کے تحت 8 تا 10 اگست 2025ء کو مدنی  مرکز فیضانِ مدینہ اڈیالہ روڈ، راولپنڈی میں 3 دن پر مشتمل رہائشی معلم کورس منعقد ہوا جس میں راولپنڈی ڈویژن اور اسلام آباد سٹی کے نگران و ذمہ دار اسلامی بھائیوں نے شرکت کی۔

دعوتِ اسلامی کی مرکزی مجلسِ شوریٰ کے رکن مولانا حاجی محمد عقیل عطاری مدنی نے اسلامی بھائیوں کی تربیت کرتے ہوئے مختلف امور پر اُن کی رہنمائی کی جن میں سے بعض درج ذیل ہیں:

٭معلم کو کیسا ہونا چاہیئے؟٭اچھے معلم کی خصوصیات٭فیضانِ نماز کورس کا اجمالی شیڈول٭اختتامی نشست کا مکمل طریقہ ٭ڈیٹا انٹری٭اسکلزانہانسمنٹ۔

اس موقع پر شعبے کے دیگر ذمہ دار اسلامی بھائیوں نے بھی شرکائے کورس کی ذہن سازی کی جن میں مولانا اعجاز عطاری مدنی (نگرانِ اورسیز شعبہ مدنی کورسز)، قاری محمد ندیم عطاری (رکنِ شعبہ مدنی کورسز)، مولانا محمد احمد سیالوی عطاری مدنی (رکنِ شعبہ مدنی کورسز) اور حافظ مولانا محمد ابوبکر عطاری مدنی شامل تھے۔(رپورٹ: مولانا محمد احمد سیالوی عطاری مدنی رکن شعبہ مدنی کورسز ، کانٹینٹ:غیاث الدین عطاری)

ضلع قصور میں قائم مدنی مرکز فیضانِ مدینہ کوٹ رادھا کشن میں 7 تا 9 اگست 2025ء کو شعبہ مدنی کورسز کے تحت 3 دن کا فیضانِ نماز کورس (رہائشی )منعقد کیا گیا جس میں مدرسۃالمدینہ بوائز کے بچوں سمیت دیگر اسلامی بھائیوں نے شرکت کی۔

اس کورس میں شعبے کے معلم مولانا حبیب اللہ عطاری مدنی نے نماز کی اہمیت کے بارے میں بتاتے ہوئے فرائضِ نماز بیان کئے اور وضو کا پریکٹیکل کرکے بتایا۔

اس کے علاوہ مولانا حبیب اللہ عطاری مدنی نے شرکا کو علمِ دین کے فضائل کے متعلق احادیث بیان کیں اور صفائی ستھرائی کے حوالے سے اُن کی ذہن سازی کی جس پر انہوں نے اچھی اچھی نیتیں کیں۔

آخر میں معلم نے مدرسۃالمدینہ بوائز کے بچوں کو جامعۃالمدینہ بوائز میں داخلہ لینے کی ترغیب دلائی جس پر انہوں نے اچھی اچھی نیتیں کیں۔(رپورٹ: محمد احمد سیالوی عطاری مدنی رکن شعبہ مدنی کورسز ، کانٹینٹ:غیاث الدین عطاری)

ضلع اوکاڑہ کے گاؤں 23/2L رینالہ خورد میں کی مسجد و مدرسہ حیات النبی صلَّی اللہ علیہ واٰلہٖ وسلَّم میں 20 جولائی 2025ء سے 7 دن کے ”فیضان نماز کورس رہائشی“ کا انعقاد کیا گیا جس کا اختتام 26 جولائی 2025ء کو ہوا۔

تفصیلات:

شعبہ مدنی کورسز دعوتِ اسلامی کے تحت 7 دن کے ”فیضانِ نماز کورس رہائشی“ کا انعقاد کیا گیا جس میں اہل محلہ کی بڑی تعداد نے شرکت کی جس کا مقصد شرکا کو صحیح طریقہ ٔوضو، غسل کے مسائل، نماز کا عملی طریقہ اور دینی آداب و دعائیں سکھانا تھا۔

اس کورس میں شرکا کو نہ صرف نماز کی اہمیت اور نماز کا طریقہ سکھایا گیا بلکہ انہیں دعوتِ اسلامی کے 12 دینی کام بھی سکھائے گئے جس میں انہیں فجر کے وقت جگانے کا طریقہ اور دینی کاموں کے حوالے سے تربیت دی گئی تاکہ نوجوان و بزرگ سب دینی تعلیمات سے آگاہ ہوں اور ان پر عمل پیرا ہوں۔

واضح رہے یہ مذکورہ کورس کروانے والے شعبہ مدنی کورسز کے معلم محمد اظہر سلیم عطاری تھے جنہوں نے شرکا کو دینی مسائل سکھانے کے ساتھ ساتھ دعوتِ اسلامی کے دینی کاموں کے حوالے سے بھی شرکا کی ذہن سازی کی۔ (رپورٹ: شعبہ مدنی کورسز ، کانٹینٹ:غیاث الدین عطاری)

تحصیل تلہ گنگ، پنجاب میں واقع دعوتِ اسلامی کے مدنی مرکز فیضانِ مدینہ میں شعبہ مدنی کورسز کے تحت  20 تا 26 جولائی 2025ء کو 7 دن پر مشتمل ”فیضانِ نماز کورس رہائشی“ ہوا جس میں علاقے کےطلبۂ کرام اور آرمی سے ریٹائرڈ افراد سمیت دیگر عاشقانِ رسول نے شرکت کی۔

کورس کے دوران معلم مولانا حبیب اللہ عطاری مدنی نے نماز و وضو کے مسائل سمیت دیگر اہم امور پر حاضرین کی رہنمائی کی اور انہیں نماز کے فرائض و شرائط نیز جماعت کی اہمیت پر روشنی ڈالتے ہوئے وضو کا پریکٹیکل کر کے بتایا۔

اس کے علاوہ معلم نے حاضرین کو علمِ دین کے فضائل بیان کئے اور صفائی ستھرائی کے حوالے سے اُن کی ذہن سازی کی جبکہ شرکا کو جامعۃالمدینہ بوائز میں داخلہ لینے کی ترغیب بھی دلائی۔

معلم کورس نے وہاں موجود اسلامی بھائیوں دعوتِ اسلامی کے تحت ہونے والے 63 دن کے مدنی تربیتی کورس کے حوالے سے بتایا جس پر انہوں نے اچھی اچھی نیتیں کی اور دعوتِ اسلامی کے 12 دینی کاموں میں عملی طور پر حصہ لینے کا عزم کیا۔(رپورٹ: مولانا محمد احمد سیالوی عطاری مدنی، رکن شعبہ مدنی کورسز ، کانٹینٹ:غیاث الدین عطاری)