فیضانِ مدینہ متی تل، ملتان میں شعبہ مدنی کورسز دعوتِ اسلامی کے تحت ہونے والے  63 دن کے رہائشی مدنی کورس کی اختتامی نشست 19 دسمبر 2024ء کومنعقد کی گئی جس میں شرکائے کورس اور ملک محمد مظفر اٹھنگل ایڈووکیٹ سمیت ذمہ داران کی شرکت ہوئی۔

نشست میں شعبے کے سٹی ذمہ دار عاشق حسین عطاری نے بیان کیا جس میں انہوں نے شرکا کو دعوتِ اسلامی کے دینی کاموں میں عملی طور پر حصہ لینے بالخصوص ہفتہ وار اجتماع میں شرکت کرنے ، مدنی مذاکرہ دیکھنے اور مدنی قافلوں میں سفر کرنے کی ترغیب دلائی۔

عاشقانِ رسول کی دینی تحریک دعوتِ اسلامی کے تحت 19 دسمبر  2024ء کو شعبہ مدنی کورسز کے ذمہ دار اسلامی بھائیوں نے متی تل، ملتان کا دورہ کیا جہاں انہوں نے ڈاکٹر کنور شفقت سے ملاقات کی۔

اس دوران شعبے کے سٹی ذمہ دار عاشق حسین عطاری نے گفتگو کرتے ہوئے ڈاکٹر کنور شفقت کو دعوتِ اسلامی کے دینی و فلاحی کاموں کے متعلق آگاہی دی اور ماہنامہ فیضانِ مدینہ لینے نیز اس کی سالانہ بکنگ کروانے کا ذہن دیا۔

پاکستان کے شہر لودھراں میں قائم جامع مسجد سواگیہ افضل العلوم  نزدمین مارکیٹ اسٹیڈیم روڈ میں شعبہ مدنی کورسز دعوتِ اسلامی کے تحت 7 دن (8 تا 14 دسمبر 2024ء) کے فیضانِ نماز کورس کا انعقاد کیا گیا جس میں علاقے کے رہائشی اسلامی بھائیوں اور ذمہ دارانِ دعوتِ اسلامی نے شرکت کی۔

معلومات کے مطابق اس کورس میں معلم مدنی کورسزپاکستان مولانا محمد طیب عطاری مدنی نے اسلامی بھائیوں کو مختلف فرض علوم سکھائے جن میں وضو کے فرائض، سنتیں، وضو کا مکمل طریقہ، غسل کے فرائض، فرائضِ نماز ، شرائطِ نماز ، واجباتِ نماز، مفسداتِ نماز اور تیمم کے مسائل سمیت دیگر اہم چیزیں شامل تھیں۔

مولانا محمد طیب عطاری مدنی نےاذکارِ نماز کے حوالے سے شرکا کی رہنمائی کرتے ہوئے انہیں مختلف دعائیں اور قراٰنِ پاک کی آخری 10 سورتیں یاد کروائیں جبکہ کورس کے ساتوں دن تہجد اور اشراق و چاشت کے نوافل بھی پڑھائے گئے۔(رپورٹ: محمد احمدسیالوی عطاری رکن مجلس مدنی کورسز ، کانٹینٹ:غیاث الدین عطاری)

ٹھٹھہ ڈسٹرکٹ، سندھ  کے علاقے گھارو (Gharo) میں قائم جامعۃ المدینہ بوائز فیضانِ ہاشم ٹھٹھوی میں دعوتِ اسلامی کےتحت ہونے والے فیضانِ نماز کورس کی اختتامی نشست 15 دسمبر 2024ء کو منعقد ہوئی جس میں شرکائے کورس سمیت دیگر اسلامی بھائی شریک ہوئے۔

اس نشست میں شعبہ مدنی کورسز کے معلم اظہر سلیم عطاری نے ” اسلام کی خوبیاں اور اللہ پاک کے احسان “ کے متعلق بیان کیا اور دعوتِ اسلامی کے 12 دینی کاموں کا تعارف پیش کیا نیز اس طرح کے مزید کورسز کرنے کے حوالے سے شرکا کی ذہن سازی بھی کی۔

اس موقع پر کورس کرنے والے اسلامی بھائیوں سے ٹیسٹ لیا گیا جس میں کامیاب ہونے والے اسلامی بھائیوں کو تحائف دیئے گئے اور اُن کی حوصلہ افزائی کی گئی۔اس موقع پر جامعۃ المدینہ بوائز کے ناظمِ اعلیٰ، ڈویژن ذمہ دار اور ناظمِ جدول موجود تھے۔ (رپورٹ: محمداحمدسیالوی عطاری رکنِ شعبہ مدنی کورسز ، کانٹینٹ:غیاث الدین عطاری)

شعبہ مدنی کورسز دعوتِ اسلامی کے تحت پاکستان بھر میں 63 دن کے رہائشی مدنی کورسز کروانے والے معلمین کے لئے ضلع سرگودھا کی تحصیل بہرہ میں قائم مدنی مرکز فیضانِ مدینہ المعروف جامع مسجد چنگی شاہ مین بازار میانی میں 3 دن (3، 4 اور 5 دسمبر 2024ء) کا ٹریننگ سیشن منعقد ہوا ۔

اس ٹریننگ سیشن میں شعبہ مدنی کورسز کے اراکین حافظ قاری محمد ندیم عطاری، حافظ محمد اویس عطاری اور مولانا محمد احمد سیالوی عطاری مدنی نے مختلف موضوعات پر شرکا کی رہنمائی کی جن میں سے بعض درج ذیل ہیں:

٭شرکا کی تربیت مزید بہتر انداز سے کیسے کی جائے؟٭ معلم کی خصوصیات کیا ہیں؟٭ مدنی قاعدہ اور نماز کے احکام کے مسائل جدید ٹولز کے مطابق کیسے سکھائیں؟ ٭ کم پڑھے لکھے اسلامی بھائیوں کو مسائل یاد کروانے کے آسان انداز٭عقائد پڑھاتے ہوئے کیا احتیاطیں رکھی جائیں؟ ٭ مدنی کورسز کو کامیاب کرنے کے نکات٭معلمین کے اہداف کا جائزہ٭شرکائے کورس میں سیکھنے کی دلچسپیاں کیسے پیدا کی جائیں؟ ٭ اپنے بیانات اور سکھانے میں مزید بہتری کیسے لائی جائے؟ ۔(رپورٹ: محمداحمدسیالوی عطاری رکن مجلس مدنی کورسز ، کانٹینٹ:غیاث الدین عطاری)

شعبہ مدنی کورسز دعوت اسلامی کے زیر اہتمام مدنی مرکز فیضان مدینہ حافظ آباد میں  07دن پر مشتمل رہائشی 12 دینی کام کورس کا آغاز 5نومبر2024 کو ہوا جس کا اختتام 17نومبر2024کو ہوا۔ اختتامی نشست کے موقع پر ڈسٹرکٹ نگران محمد وسیم عطاری کی آمد ہوئی ۔

ا ختتامی نشست کے موقع پر ڈسٹرکٹ نگران محمد وسیم عطاری نے حاضرین کے درمیان فکر آخرت، صحابہ کرام کا علم دین حاصل کرنے کی طلب اور دنیا کی مذمت موضوع پر بیان کیا ۔

بعد بیان ڈسٹرکٹ نگران محمد وسیم عطاری نے 12 دینی کاموں کے فضائل ، 12 دینی کاموں کے اہداف اور 12 دینی کاموں کی شرعی تنظیمی احتیاطیں کیا ہیں؟ کے متعلق گفتگو کی۔ اس موقع پر شعبہ مدرستہ المدینہ بالغان کے معلمین اور ذمہ داران سمیت دیگر عاشقان رسول موجود تھے ۔(رپورٹ:محمد رضوان عطاری ڈویژن ذمہ دار شعبہ مدنی کورسز ،کانٹینٹ:محمد شعیب احمد عطاری)

شعبہ مدنی کورسز دعوت اسلامی کے ذمہ دار اسلامی بھائی نے 12نومبر2024ء کو گلگت بلدستان سکردو میں ریسکیو کے ڈویژنل آفیسر سے ملاقات کی اور انہیں نیکی کی دعوت دیتے ہوئے شعبہ مدنی کورسز سمیت دعوت اسلامی کے مختلف ڈیپارٹمنٹ کے ذریعے دنیا بھر میں ہونے والی دینی،فلاحی اور خیر خواہی خدمات سے آگاہ کیا۔

شارٹ ٹائم معلمین ذمہ دار محمد ابوبکر عطاری مدنی نے ملاقات میں ریسکیو کے ڈویژنل آفیسر کو ریسکیو میں کورسز کروانے کی دعوت دیتے ہوئے دعوت اسلامی کی ایپلیکیشن کا بھی تعارف کروایا جبکہ اسٹاف میں فرائض علوم کورس کروانے کی ترغیب دلاتے ہوئے فیضان مدینہ کراچی وزٹ کی دعوت دی ۔ (کانٹینٹ: محمد شعیب احمد عطاری)

شعبہ مدنی کورسز دعوتِ اسلامی کے تحت 26 اکتوبر 2024ء کو مدنی مرکز فیضانِ مدینہ فیصل آباد میں ہونے والے 63 دن کے مدنی تربیتی کورس کی آخری نشست میں تقسیمِ اسناد  کا اہتمام کیا گیا۔

اس دوران دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے کورس مکمل کرنے والے اسلامی بھائیوں کے درمیان اسناد تقسیم کرتےہوئے اُن کی حوصلہ افزائی کی اور انہیں مدنی پھولوں سے نوازا۔(رپورٹ: محمداحمدسیالوی عطاری رکن مجلس مدنی کورسز ، کانٹینٹ:غیاث الدین عطاری)

متی تل بوسن ٹاؤن ملتان میں قائم المدینہ پبلک ہائی اسکول میں شعبہ مدنی کورسز دعوتِ اسلامی کے تحت وضو کورس (شارٹ ٹائم) کروایا گیا جس میں 9 اور 10 کلاسز کے اسٹوڈنٹس، ٹیچرز اور پرنسپل سمیت ذمہ دار اسلامی بھائیوں نے شرکت کی۔

دورانِ کورس شارٹ ٹائم معلم مولانا محمد بلال عطاری مدنی نے وضو کے بارے میں حاضرین کی رہنمائی کی اور انہیں چند ضروری مسائل بتائے نیز دعوتِ اسلامی کے دینی کاموں میں حصہ لینے کی ترغیب بھی دلائی۔

پرنسپل نے دعوتِ اسلامی کا شکریہ ادا کرتے ہوئے اس کام کو سراہا اور کہا کہ اس طرح کے کورسز ہر ادارے میں ہونے چاہئیں۔ بعدازاں ذمہ دار اسلامی بھائیوں کی جانب سے پرنسپل کو ہفتہ وار رسالہ تحفے میں پیش کیا گیا اور اُس کے مطالعے کا ذہن دیا۔(رپورٹ: محمداحمدسیالوی عطاری رکن شعبہ مدنی کورسز ، کانٹینٹ:غیاث الدین عطاری)

ملتان، پنجاب کے علاقے متی تل بوسن ٹاؤن میں موجود المدینہ پبلک ہائی اسکول میں شعبہ مدنی کورسز دعوتِ اسلامی کے تحت 16 اکتوبر 2024ء کو وضو کورس منعقد کیا گیا جس میں 9th اور 10th کےاسٹوڈنٹس، ٹیچرز اور پرنسپل نے شرکت کی۔

اس کورس میں بوسن ٹاؤن ذمہ دارشعبہ مدنی کورسز مولانا محمد بلال عطاری مدنی نے وضو کے حوالے سے اسٹوڈنٹس کی تربیت کرتے ہوئے انہیں وضو کے فرائض و سنتوں کے بارے میں بتایا۔

کورس کے اختتام پر پرنسپل نے اپنے تاثرات دیتے ہوئے کہا کہ اس طرح کے کورسز ہر ادارے میں ہونے چاہئیں جبکہ ذمہ دار اسلامی بھائیوں کی جانب سے پرنسپل کو دعوتِ اسلامی کا ہفتہ وار رسالہ تحفے میں پیش کیا گیا۔(رپورٹ: محمداحمدسیالوی عطاری رکن مجلس مدنی کورسز ، کانٹینٹ:غیاث الدین عطاری)

شعبہ مدنی کورسز دعوت اسلامی کے تحت 8اکتوبر2024 کو جامعۃ المدینہ خان پور پنجاب پاکستان میں سنتوں بھراا جتماع ہوا جس میں دورۃ الحدیث شریف کے طلباء کرام سمیت دیگر عاشقان رسول نے شرکت کی ۔

رکن مجلس شعبہ مدنی کورسز حافظ محمد اویس عطاری نے12 دینی کاموں کا ذہن دیتے ہوئے حاضرین میں سے اسلامی بھائی کو معلم کورس کیلئے تیار کیا۔(رپورٹ: رکن مجلس مدنی کورسز محمداحمدسیالوی عطاری،کانٹینٹ:محمد شعیب احمد عطاری)

لوگوں کی اصلاح کرنے اور انہیں دینِ اسلام کی باتیں بتانے والی عاشقانِ رسول کی دینی تحریک دعوتِ اسلامی کے تحت فیصل آباد میں قائم مدنی مرکز فیضانِ مدینہ میں شعبہ مدنی کورسز کے ذمہ داران اور پاکستان مشاورت آفس کے اسلامی بھائیوں کا مدنی مشورہ ہوا جس میں رکنِ شوریٰ مولانا حاجی محمد عقیل عطاری مدنی، صوبائی نگران و ذمہ داران اور نگرانِ شعبہ قاری سعید عطاری بھی شریک ہوئے۔

دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے مختلف پوائنٹس پر گفتگو کرتے ہوئے بالخصوص شعبے کی موجودہ کارکردگی اگست 2024ء اور بالعموم جنوری تا اگست 2024ء تک کی کارکردگی کا جائزہ لیا۔

نگرانِ پاکستان مشاورت نے شعبے کے تنظیمی مسائل پر کلام کرتے ہوئے ان کے حل بتائے اور ذمہ داران کو مدنی پھولوں سے نوازا۔آخر میں نگرانِ پاکستان مشاورت نے اسلامی بھائیوں سے ملاقات بھی کی۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)