جامعہ فریدیہ صفدریہ، پل لنڈیانوالہ کنگن پور پنجاب پاکستان میں دعوتِ اسلامی کے شعبہ مدنی کورسز کے تحت 7 دن کا فیضانِ نماز کورس منعقد کیا گیا جس میں مقامی عاشقانِ رسول اور ذمہ داران نے شرکت کی۔

28 مئی 2024ء کواس کورس کی اختتامی نشست منعقد ہوئی جس میں خصوصی طور پر ڈسٹرکٹ و تحصیل ذمہ داران اور نگران اسلامی بھائیوں کی شرکت ہوئی۔

شعبہ مدنی کورسز دعوت اسلامی کے تحت 21مئی2024ء کو ڈسٹرکٹ ٹوبہ تحصیل سندھلیاوالی میں قائم گورنمنٹ ماڈل ہائی سکول نواب بھوتی میں جز وقتی فیضان نماز کورس کا اہتمام ہوا  جس میں کلاس 10 کے طلباء نے شرکت کی ۔

محمد زاہد اویسی نےطلبہ کو نماز کے واجبات، مفسدات اور مکروہات وغیرہ کے متعلق آگاہ کرتے ہوئے نماز کی فضیلت بیان کی اور طلبہ کو نماز کی پابندی کرنے کا ذہن دیا ۔(رپورٹ: محمد گلفام عطاری ڈسٹرکٹ ذمہ دار شعبہ مدنی کورسز،کانٹینٹ:شعیب احمد عطاری)

دعوت اسلامی کے شعبےمدنی کورسز جزوقتی کے تحت 7مئی2024ء بروز منگل لاہور ڈسٹرکٹ میں تقسیم  اسناد اجتماع ہوا جس میں عاشقان رسول کو فیضان نماز کورس مکمل کرنے پر اسناد دی گئیں جبکہ سب تحصیل حاجی ارشد عطاری نے اس موقع پر حاضرین کو دعوت اسلامی کے 12 دینی کام کرنے کا ذہن دیتے ہوئے عمامہ باندھنے کی فضیلت بتائی اور اسلامی بھائیوں کو مدنی قافلے میں سفر کرنے کی ترغیب دلائی جس پر شرکا نے اچھے تاثرات کا اظہار کیا ۔(رپورٹ:محمد مستقیم عطاری شعبہ مدنی کورسز،کانٹینٹ: شعیب احمد عطاری)

شعبہ مدنی کورسز دعوت اسلامی کے تحت 6مئی2024ء بروزپیر جامع مسجد نور برکت ٹاؤن لاہور ڈسٹرکٹ میں  7دن کے فیضانِ نماز کورس کا سلسلہ ہوا جس میں ذمہ دار دعوت اسلامی محمد مستقیم عطاری نے نماز کی شرائط اور نماز کے فرائض کے متعلق گفتگو کرتے ہوئے حاضرین کو سنتیں و آداب سیکھائے اور عاشقان رسول کو عمامہ کے سنت پر عمل کرنے کا ذہن دیتے ہوئے مدنی قافلے میں سفر کرنے کی ترغیب دلائی جس پر حاضرین نے اپنے اچھے تاثرات کا اظہار کیا۔

الحمدللہ رب العالمین جامع مسجد نور برکت ٹاؤن میں 7دن کے فیضانِ نماز کورس کا سلسلہ جاری ہے اور آج نماز کی شرائط اور نماز کے فرائض پر گفتگو کی اور سنتیں و آداب سیکھانے کا سلسلہ رہا جس میں عمامہ کے بارے میں بھی اسلامی بھائیوں کو ذہن دیا اور اسلامی بھائیوں کو مدنی قافلے میں سفر کرنے کی ترغیب دلائی جس پر اچھے تاثرات کا اظہار کیا ۔

دعوت اسلامی  کے شعبہ مدنی کورسز کے تحت مدنی مرکز فیضانِ مدینہ حیدر آباد میں فرض علوم کورس کے مکمل ہونے پر تقسیم اسناد اجتماع منعقد ہوا جس میں شرکائے کورس اور معلمین نے شرکت کی۔

اس موقع پر رکن شوریٰ حاجی فاروق جیلانی عطاری اور نگران سٹی حاجی سہیل عطاری کی خصوصی آمد ہوئی۔اجتماع کے آغاز پر اسلامی بھائیوں نے تلاوت قرآن پاک کی اور نعت شریف بھی پڑھی۔

بعدازاں رکنِ شوریٰ نے بیان کیا اور شرکائے کورس کو 12 دینی کام کرنے کی ترغیب دلائی جبکہ آخر میں کورس کرنے والے اسلامی بھائیوں کو اسناد ، مدینہ پاک کے تحائف اور قران پاک پیش کئے۔(کانٹینٹ:رمضان رضا عطاری)

دعوت اسلامی کے شعبہ مدنی کورسز کے تحت30 جنوری 2023 ء کو مدنی مرکز  فیضان مدینہ جوہر ٹاؤن لاہور میں سنتوں بھرااجتماع ہوا جس میں شعبہ مدنی کورسز کے جزوقتی معلمین، ڈسٹرکٹ اور ٹاؤن ذمہ داران شریک ہو ئے ۔

اس اجتماع میں دارالافتاءاہلسنت لاہور سے مفتی دعوت اسلامی مفتی محمد ہاشم خان عطاری اور مبلغ دعوت اسلامی محمد ثوبان عطاری (نگران پروفیشنلز ڈیپارٹمنٹ)، محمد مستنصر جبارعطاری (صوبہ پنجاب مدنی کورسز ذمہ دار)اورمدرسۃ المدینہ بالغان کے ڈویژن ذمہ دار حاجی نعیم عطاری نے تربیت کی۔

٭مفتی محمد ہاشم خان عطاری نے ” عقائد پڑھانے اور سمجھانے کے متعلق رہنمائی“ کے موضوع پر بیان کیانیز شرکا کے سوالات کے جوابات دئیے اور ان کو کورسز میں شرکا کو شرعی سوالات کے جوابات دینے کی احتیاطیں بھی بتائیں۔

٭بعدازاں حاجی نعیم عطاری نے بیان کیا جس میں دعوت اسلامی کی محبت، ذمہ داری کا احساس، ذمہ داری ہونا کیوں ضروری ہے اور ذمہ داری کے فوائد سمجھائے۔

٭علاوہ ازیں مستنصر جبار عطاری کا موضوع: کورسز سے آؤٹ پٹ لینا، اپنے شعبہ مدنی کورسز کو خود کفیل کرنےاور شعبے کی پالیسیز کے متعلق تربیت کی۔

٭آخر میں مبلغ دعوت اسلامی ثوبان عطاری نے”آپ ایک اچھا ٹیچر کیسے بن سکتے ہیں ؟ خود میں نئی نئی صلاحیت پیدا کرنے “اور دیگر موضوعات پر شرکا کی تربیت کی جبکہ معلمین کے ذمہ دار محمد ابوبکر عطاری نے شعبہ مدنی کورسز کی ایپلیکیشن میں ڈیٹا انٹر کیسے کرتے ہیں اس پر معلمین کی تربیت کی جس پر سید فرقان الحق عطاری (مدنی کورسز لاہور ڈویژن ذمہ دار ) سمیت معلمین و ذمہ داران نے ان کاوش پر اپنے اچھے اچھے تاثرات بھی دئیے۔( کانٹینٹ:رمضان رضا عطاری)

عاشقانِ رسول   کی دینی تحریک دعوت ا سلامی کے شعبہ مدنی کورسز کے زیرِ اہتمام 29 جنوری 2024ء کو المدینہ مسجد مینا گوٹ قمبر شریف لاڑکانہ سندھ میں 7 دن کے فیضان نماز کورس کا سلسلہ ہوا ۔

کورس میں شریک محلے کے اسلامی بھائیوں کو شعبہ مدنی کورسز کے معلم عبدالمنان عطاری نے نماز کورس میں وضو، غسل اور نماز کے شرائط، فرائض و واجبات ، نماز کے مفسدات ، مختلف دعائیں اور چلنے کی سنتیں وآداب بتائے نیز نماز کا پریکٹیکل بھی کروایا۔

اس کے علاوہ دوران کورس چوک درس اور علاقے میں نیکی کی دعوت کا سلسلہ بھی ہوا۔کورس کے اختتام پر اسلامی بھائیوں کو اسناد بھی دی گی جبکہ تمام شرکا ئے کورس نے 3 دن کے مدنی قافلے میں سفر کی سعادت بھی پائی۔(رپورٹ: محمداحمدسیالوی عطاری مدنی رکن مجلس مدنی کورسز، کانٹینٹ: رمضا ن رضا عطاری مدنی )

دعوت اسلامی  کے شعبہ مدنی کورسز کے تحت دنیا بھر میں مختلف فرض علوم پر مشتمل کورسز کا سلسلہ ہوتا رہتا ہے ۔سال 2023 ء میں پاکستان کے مختلف مقامات پر 23 ہزار 706 کورسز ہوئے جن میں 5 لاکھ ،58 ہزار ،864 افراد نے شرکت کی ۔ان کی تفصیلی کارکردگی درج ذیل ہے۔

7 دن کےفیضانِ نماز کورس کی تعداد:3 ہزار 750

ان میں شرکت کرنے والے اسلامی بھائیوں کی تعداد:10 ہزار 608

7 دن کے 12 دینی کام کورس کی تعداد:209

کورس کرنے والے اسلامی بھائیوں کی تعداد:15 ہزار 628

30 دن کے فیضانِ قرآن و حدیث کورس کی تعداد:201

کورس کرنے والے طلبہ کی تعداد:5 ہزار 628

63 دن کے مدنی تربیتی کورس کی تعداد:119

شرکائے کورس کی تعداد:2 ہزار 381

ہفتہ وار (Weekend) مدنی کورسز کی تعداد:13 ہزار 57

کورس میں شرکت کرنے والے افراد کی تعداد:2 لاکھ،84 ہزار،154

دیگر مدنی کورسز کی تعداد:6 ہزار 265

ان میں حصہ لینے والے عاشقانِ رسول کی تعداد:1 لاکھ،47 ہزار ،456

(رپورٹ:محمد احمد سیالوی ،رکن مجلس شعبہ مدنی کورسز،کانٹینٹ:رمضان رضا عطاری مدنی )

شعبہ مدنی کورسز دعوت اسلامی کے تحت عابد آباد سائٹ ٹاؤن کیماڑی ڈسٹرکٹ کے دی اسکائی فاؤنڈیشن اسکول میں 21 جنوری 2024ء بروز پیر سے تین دن کے نماز کورس کا سلسلہ ہوا ۔

اس کورس میں ڈسٹرکٹ ذمہ دار مولانا محمد شعیب رضا عطاری مدنی اور ٹاؤن ذمہ دار محمد سلطان عطاری مدنی نے اسکول کے طلبہ کے درمیان نماز کی شرائط و فرائض کے متعلق تربیت کی اور انہیں نمازوں کی پابندی کرنے کا ذہن دیا ۔( کانٹینٹ:رمضان رضا عطاری)

25 جنوری  2024ء کو عالمی مدنی مرکز فیضان مدینہ کراچی میں 15نومبر 2023ء سے جاری 63 دن کے مدنی تربیتی کورس کے اختتام پر تقسیم اسناد کا سلسلہ ہوا۔اس کورس میں گلگت بلتستان اور کشمیر سے آئے ہوئے عاشقان رسول نے شرکت کی۔

اس موقع پر محمدصابر عطاری نے بیان کیا جس میں شرکائے کورس کو دعوت اسلامی کے دینی ماحول میں استقامت پانے کےحوالے سے مدنی پھول دیئے نیز 12دینی کاموں میں مصروف رہنے اور وقتاً فوقتاً مختلف کورسز کرتے رہنے کا ذہن دیا۔

علاوہ ازیں رمضان المبارک میں پورے ماہ اعتکاف کرنے کی ترغیب بھی دلائی۔آخر میں اسناد اور مختلف تحائف پیش کئے گئے۔(رپورٹ :شعبہ مدنی کورسز کراچی سٹی، کانٹینٹ:رمضان رضا عطاری)

گلستانِ مدینہ مسجد   اقبال ٹاؤن لاہور میں سحری اجتماع ہوا جس میں ا سکول کے طلبہ،مدرسۃ المدینہ کے قاری صاحب،یوسی نگران،سب ٹاؤن نگران سفیر عطاری نے شرکت کی ۔

سب ٹاؤن ذمہ دار محمد وقاص عطاری نے بعد نماز عشا ” آداب مسجد“ کے موضوع پر بیان کیا ۔بعدازاں اسلامی بھائیوں نے اعتکاف کی نیت کرکے آرام کیااور فجر سے پہلے بیدار ہو کر نماز تہجد ادا کی اور سحری کرکے رجب المرجب کا نفل روزہ رکھنے کی سعادت حاصل کی ۔

بعدازاں شرکا نے تلاوت قرآن پاک کی اور صدائے مدینہ بھی لگائی نیز باجماعت نماز فجر ادا کرکے تفسیر کے حلقہ میں شرکت بھی کی۔ ( کانٹینٹ:رمضان رضا عطاری مدنی ) 

پچھلے  دنوں شعبہ مدنی کورسز دعوت اسلامی کے تحت کراچی میں شعبہ ذمہ داران ،ڈسٹرکٹ/ٹاؤن /یوسی ذمہ داران اور جزوقتی معلمین کا الگ الگ مدنی مشورہ ہوا ۔

نگران شعبہ مدنی کورس قاری سعید عطاری نے دورانِ تربیت اسلامی بھائیوں کو شعبے میں مزید بہتری لانے کے لئے مختلف مدنی پھول دیئے نیز شرکا کو کراچی سٹی شعبہ مدنی کورسز کی کاوشوں پر تیار کردہ ویڈیو ڈاکیو منٹری بھی دکھائی ۔آخر میں کورسز ودیگر دینی کاموں میں نمایاں کارکردگی والوں کو تحائف بھی پیش کئے۔(رپورٹ:شعبہ مدنی کورسز کراچی سٹی، کانٹینٹ:رمضان رضا عطاری مدنی )