دعوتِ اسلامی اپنے مختلف شعبہ جات کے ذریعے جہاں دینی کام کرنے میں مصروفِ عمل ہے وہیں فلاحی کاموں کے ذریعے امتِ مسلمہ کی خیرخواہی بھی کررہی ہے۔

اسی سلسلے میں گزشتہ روز تھیلیسیمیا کے بچوں کے لئے دعوتِ اسلامی کے فلاحی شعبے FGRF کے تحت حافظ آباد میں بلڈ کیمپ لگایا گیا جس میں مختلف شخصیات اور ذمہ دار اسلامی بھائیوں بالخصوص رکنِ مرکزی مجلسِ شوریٰ مولانا حاجی محمد اسد عطاری مدنی نے شرکت کی۔

اس موقع رکنِ شوریٰ مولانا حاجی محمد اسد عطاری مدنی نے ڈسٹرکٹ بار کونسل حافظ آباد کے صدر ملک وقاص رضا اعوان، چیف ایگزیکٹو جم خانہ مارکی حافظ آباد ملک حسنین رضا اعوان، DHQ کنسلٹنٹ میڈیسن اسپیشلسٹ ڈاکٹر محمد فاروق اور منیجر زرعی ترقیاتی بینک محمد عثمان کو بلڈ کیمپ کا وزٹ کروایا۔بعدازاں تمام شخصیات نے دعوتِ اسلامی کے بارے میں مدنی چینل کو اپنے تأثرات بھی دیئے۔(رپورٹ: محمد مدثر عطاری شعبہ رابطہ برائے شخصیات ڈسٹرکٹ حافظ آباد، کانٹینٹ:غیاث الدین عطاری)

فلاحی کاموں کےلئےدعوتِ اسلامی کا شعبہ بنام ’’ FGRF ‘‘ ( فیضان گلوبل ریلیف فاؤنڈیشن) قائم ہے۔ اسی شعبے کے تحت واربرٹن کے نواحی گاؤں بڈھا میں صاف پانی کی فراہمی کے لئے واٹر فلٹر پلانٹ لگایا گیا ۔

واٹر فلٹر پلانٹ کا افتتاح 15 اکتوبر 2023 ءبروز اتوار رکنِ شوریٰ حاجی محمد اظہر عطاری نے کیا۔اس موقع پر رکنِ شوریٰ نے عاشقانِ رسول کو صدقہ کے فضائل و برکات سے آگاہ کرتے ہوئے بتایا کہ پانی افضل اور رسولِ کریم صلَّی اللہ علیہ واٰلہٖ وسلَّم کا پسندیدہ صدقہ ہے ۔

واٹر فلٹر پلانٹ کے افتتاح پر اہلیانِ علاقہ نے دعوتِ اسلامی کا شکریہ ادا کیا اور ذمہ داران کو دعاؤں سے نوازا ۔(رپورٹ: محمد رمضان عطاری مدنی امام و خطیب جامع مسجد فیضانِ غوث اعظم و مدرس جامعۃ المدینہ امینیہ رضویہ واربرٹن،کانٹینٹ:رمضان رضا عطاری)

مسلمانوں میں فلاحی کام کرنے والے دعوتِ اسلامی کے شعبہ FGRF کے تحت 20 ستمبر 2023ء بروز بدھ مدنی مرکز فیضانِ مدینہ حافظ آباد میں مدرسۃ المدینہ بوائز کے بچوں کے لئے آئی کیمپ (Eye Camp) لگایا گیا۔

تفصیلات کے مطابق DHQ سے چیک اپ کے لئے آئے ہوئے کنسلٹنٹ آئی سرجن ڈاکٹر تنویر عباسی نے پچھلے دنوں پھیلی وباء میں مبتلا بچوں کی آنکھوں کا چیک اپ کیا نیز بچوں کو ادویات (Medicine) دیں اور انہیں اس حوالے سے چند احتیاطی تدابیر بتائیں۔

اس دوران خصوصی طور پر ڈاکٹر محمد فاروق (MBBS, FCPS) سمیت دعوتِ اسلامی کے ذمہ داران اور مدرسۃ المدینہ کے قاری صاحبان بھی موجود تھے۔

پچھلے دنوں  دعوت اسلامی کے شعبہ تعلیم اور ایف جی آر ایف کےتحت جنت السندھ زرعی یونیورسٹی ٹنڈوجام میں شجرکاری کا سلسلہ ہوا جس میں مبلغ دعوت اسلامی ثوبان عطاری نے ڈین فیکلٹی ڈاکٹر منظور ابڑو کے ساتھ پلانٹیشن کا آغاز کیا۔

ڈین فیکلٹی منظور ابڑو کے ساتھ یونیورسٹی کے 15سے زائد پروفیسرز اور 250سے زیادہ اسٹوڈینٹس نے شعبہ ایف جی آرایف کے تعاون سے پودے لگائے۔

ذمہ داران نے اسٹوڈنٹس و پروفیسرز کے ہمرہ ای فیکلٹی کراپ پروٹیکشن، فیکلٹی ایگریکلچر انجینئرنگ ، فیکلٹی سوشل سائنس اور فیکلٹی DVMمیں پودے لگائے ۔اس موقع پر یونیورسٹی سے وابستہ عملہ بھی شریک رہا۔(رپورٹ:ریجن ذمہ دارجنید عطاری، کانٹینٹ:رمضان رضا عطاری)

بروز اتوار بتاریخ 27 اگست 2023ء  کو گلشن اقبال ٹاؤن 2 میں دعوتِ اسلامی کے فلاحی شعبہ FGRF کے تحت شجرکاری کا سلسلہ ہوا جس میں مختلف دینی سماجی و سیاسی شخصیات نے پودے لگائے۔

اس موقع پر دارالافتاء اہلِ سنت کے مفتی محمد سجاد عطاری مدنی سمیت دیگر شخصیات جن میں ٹاؤن چیئرمین راشد خاصخیلی ، رابطہ کمیٹی ایم کیو ایم پاکستان زاہد منصور رکن ، صدر سنی علما کونسل کراچی علامہ اشرف گرمانی صاحب (مہتمم اعلیٰ جامعہ ابوبکر بلاک 13)، نگران ڈسٹرکٹ ایسٹ مشاورت سید قذافی عطاری مدنی ، نگران گلشن اقبال ٹاؤن 2سید دانش عطاری، یوسی نگران کینٹ ایریا 2 احمد رضا عطاری، ڈی جی پارک کے ڈی اے کراچی عارف ، اے ایس ای تھانہ گلستان جوہر محرم علی، منصور غازیانی چیئرمین محلہ کمیٹی پارک اور شعبہ رابطہ برائے شخصیات ڈسٹرکٹ ایسٹ دعوت اسلامی کے ذمہ دارمحمد زکی عطاری موجود تھے۔( کانٹینٹ :رمضان رضا عطاری)

دعوت ِاسلامی نہیں بھولی، دعوت اسلامی کے شعبہ ایف جی آرایف کے تحت سیلاب کی تباہی کے ایک سال بعد بھی متاثرین میں امدادی کام جاری۔

کالام خیبرپختونخوا میں شعبہ ایف جی آر ایف کےتحت مکانات کی تعمیرات کا سلسلہ جاری ہیں۔پچھلے دنوں ایف جی آر ایف فوڈاینڈ ڈیزاسٹرریلیف کے نگران شفاقت عطاری نے تعمیراتی مکانات کے اندرونی کاموں کاجائزہ لیا اور مدنی خبروں سے گفتگو کرتے ہوئے بتایا کہ ہزاروں مکانات کی تعمیرات ہوچکی ہے۔ مزید تعمیرات کا سلسلہ اب بھی جاری ہے جو عنقریب مکمل ہوجائے گا نیز مکینوں کو ان کے مکانات کی چابیاں بھی دے دی جائیں گی۔

اس موقع پر فوڈاینڈ ڈیزاسٹرریلیف نگران نے بالخصوص یوکے کے ڈونرز کا شکریہ ادا کیا جن کے تعاون سے ایف جی آر ایف نے سیلاب سے متاثرین افراد کے مکانات کی تعمیرات کروائی ۔

علاوہ ازیں شفاقت عطاری نے ایف جی آر ایف کے تحت جنہیں مکانات دے دیئے گئے ہیں ان سے گفتگو بھی کی جس پر مکینوں نے خوشی کا اظہار کرتے ہوئے دعوت ِ اسلامی کا شکریہ ادا کیا۔)کانٹینٹ: رمضان رضا عطاری)

مؤرخہ 17 اگست  2023ء کو نارووال ریسکیو 1122 کا رکنِ شوریٰ حاجی محمد اظہر عطاری نے دیگر ذمہ دار اسلامی بھائیوں کے ہمراہ دورہ کیا اور وہاں ڈسٹرکٹ انچارچ مقصود احمد اور ریسکیو کے جوانوں کے ساتھ مل کر ان کے دفتر میں پودے لگائے ۔

اس موقع پر رکنِ شوریٰ نے افسران کو نیکی کی دعوت دیتے ہوئے مدنی مرکز فیضانِ مدینہ آنے کی دعوت دی اور ملک و قوم کی خوشحالی کے لئے دعا کروائی۔ آخر میں مکتبۃ المدینہ کے مطبوعہ رسائل تحفتاً پیش کئے۔(رپورٹ: رابطہ برائے شخصیات گوجرانوالہ ،کانٹینٹ:رمضان رضا عطاری)

عاشقانِ رسول  کی دینی تحریک دعوت اسلامی کے شعبہ ایف جی آر ایف کے تعاون سے 17 اگست 2023ء کو ڈسٹرکٹ جیل نارووال میں مرکزی مجلسِ شوری ٰ کے رکن حاجی محمد اظہر عطاری نے سپریڈنٹ جیل کا دورہ کیا۔

رکنِ شوریٰ نے وہاں محمد سرور اور ڈپٹی سپریڈنٹ جیل عدیل چیمہ کے ساتھ مل کر جیل کے باغیچہ میں شجرکاری کی اور دعا ئے خیر کروائی نیز افسران کو پیر و مرشد علامہ محمد الیاس عطارقادری دامت برکاتہم العالیہ کے تحریر کردہ رسائل تحفے میں دیئے۔(رپورٹ: رابطہ برائے شخصیات گوجرانوالہ، کانٹینٹ:رمضان رضا عطاری)

17 اگست 2023ء کو نارووال میں رکنِ شوریٰ حاجی محمد اظہر عطاری نے  DHQ اسپتال میں FGRF کے تحت فروٹ کے 450 پودوں کے باغ کا افتتاح کیا جس میں ڈپٹی کمشنر نارووال چوہدری محمد اشرف، ایم ایس ڈاکٹر محمد فیاض اور سینئر ڈاکٹروں نے شرکت کی۔

اس موقع پر حاجی صاحب نے ڈاکٹروں کو اب تک دعوتِ اسلامی کے تحت ملک بھر میں جتنے پودیں لگے ان کے بارے میں بتایا نیز اس سال جو پودے لگانے ہیں اس کےمتعلق آگاہ کیا اور بعد میں ملک و قوم کی سلامتی کے لئے دعائے خیر کروائی اور انہیں مکتبۃ المدینہ کےمطبوعہ رسائل تحفے میں دیئے۔(رپورٹ: رابطہ برائے شخصیات گوجرانوالہ ،کانٹینٹ:رمضان رضا عطاری)

نارووال میں دعوت اسلامی کے تحت  17اگست 2023ء کو DPO نارووال رانا طاہر رحمان کے دفتر میں سیکھنے سکھانے کے حلقے کا سلسلہ ہوا جس میں DSP سٹی محمود ، DSP ٹریفک محمد عمران،ڈسٹرکٹ سیکیورٹی انچارج حافظ قدیر نے شرکت کی ۔

رکنِ شوریٰ حاجی محمد اظہر عطاری نے دفتر میں بیان کیا جس میں شخصیات کونیکی کی دعوت دیتے ہوئے انہیں ہفتہ وار سنتوں بھرے اجتماع میں آنے اور مدنی مذاکرہ دیکھنے کا ذہن دیا ۔بعد میں DPO اور DSP کے ساتھ رکنِ شوریٰ نے وہاں موجود گارڈن میں شجرکاری کرتے ہوئے پودے لگائے۔(رپورٹ: رابطہ برائے شخصیات گوجرانوالہ ،کانٹینٹ:رمضان رضا عطاری)

عاشقانِ رسول  کی دینی تحریک دعوتِ اسلامی کے شعبہ فنانس ڈیپارٹمنٹ کے زیرِ اہتمام16 اگست 2023ء کو چشتیاں میں مدنی مشورے کا انعقاد ہوا جس میں تحصیل چشتیاں،تحصیل فورٹ عباس،تحصیل ہارون آباد،تحصیل بہاولنگر ،تحصیل منچن آباد کے فنانس ذمہ دار اور تحصیل نگران اسلامی بھائیوں کی شرکت ہوئی۔

نگران ڈسٹرکٹ بہاولنگر محمدناصر عطاری نے مدنی مشورے میں چرم قربانی کی کھالوں کے حوالے سے فائنل رپورٹ سے آگاہ کیا اور آمدن و خرچ کے متعلق تحصیل وائز ذمہ داران کو نکات بتائے نیز آنے والے مہینے میں آمدن کے حوالے سے اہداف دیئے ۔ مزید تحصیل فنانس ذمہ داران کی تربیت کرتے ہوئے انہیں دعوت اسلامی کے تحت ہونے والے 12 دینی کاموں میں حصہ شامل کرنے کا ذہن دیا ۔ (رپورٹ: محمد رمضان عطاری چشتیاں، کانٹینٹ :رمضان رضا عطاری)

14 اگست 2023ء بروز پیر حسن کالونی واربرٹن، ڈسٹرکٹ ننکانہ کی جامع مسجد فیضانِ غوث اعظم کے احاطے میں جشنِ آزادی کے پُر مسرت موقع پر پرچم کشائی کرنے کے بعد شہدا کے ایصالِ ثواب کےلئے پودے لگائے گئے ۔

معلومات کے مطابق اس موقع پر دعوتِ اسلامی کی جانب سے عاشقانِ رسول کے درمیان مفت پودے تقسیم کئے گئے اور ملکی امن و سلامتی نیز آزادی کے موقع پر شہید ہونے والوں کے بلندیِ درجات کے لئے دعائیں کی گئیں ۔

شعبہ FGRFکے تحت سابقہ سالوں کی طرح اس سال بھی عاشقانِ رسول کو مفت پودے دیئے جارہے ہیں ۔ شعبہ FGRF کاان شاء اللہ عزوجل 10 ہزار پودے تقسیم کرنے کا ہدف ہے ۔

پرچم کشائی و شجر کاری کی اس تقریب میں مبلغِ دعوتِ اسلامی حاجی نصر اقبال عطاری ، امیر سنی علماء کونسل مولانا اشفاق احمد رضوی ، جامعۃ المدینہ کے اساتذۂ کرام و طلبۂ کرام ، سابق مشیر وزیر اعلیٰ پنجاب رانا محمد ارشد، میڈیا ڈیپارٹمنٹ سے وابستہ افراد اور دیگر عاشقانِ رسول نے شرکت کر کے حبُ الوطنی کا اظہار کیا۔(رپورٹ: محمد رمضان عطاری مدنی واربرٹن ، کانٹینٹ:غیاث الدین عطاری)