دعوتِ اسلامی کے تحت فیصل آباد، پنجاب کے مدنی مرکز فیضانِ مدینہ میں ایک مدنی مشورہ منعقد کیا گیا جس میں فیضانِ مرشد ڈیپارٹمنٹ کے ذمہ داران، رکنِ شوریٰ حاجی وقار المدینہ عطاری، ڈیپارٹمنٹ کے نگران و صوبائی ذمہ داران پاکستان سطح کے ذیلی شعبہ جات کے اسلامی بھائی شریک ہوئے۔

معلومات کے مطابق ا س مدنی مشورے میں رکنِ مرکزی مجلسِ شوریٰ و نگرانِ پاکستان مشاورت حاجی محمد شاہد عطاری نے ذمہ دار اسلامی بھائیوں سے گفتگو کرتے ہوئے مختلف نکات پر مشاورت ۔

چند نکات:

٭ڈیپارٹمنٹ کی کارکردگی٭موجودہ تقرری رپورٹ٭2025ء کے شعبے کے لئے اہداف٭کارکردگی کا تقابل (جنوری تا جولائی 2025ء)٭سابقہ مدنی مشورے کے طے شدہ اہداف کی رپورٹ٭ڈیپارٹمنٹ سے متعلق فیڈبیک، مسائل اور تجاویز ٭ڈیپارٹمنٹ کے اسلامی بھائیوں کی عالمی مدنی مرکز فیضان ِ مدینہ کراچی ہونے والےمدنی مذاکروں میں حاضری۔

اس کے علاوہ نگرانِ پاکستان مشاورت نے ذمہ دار اسلامی بھائیوں کو دیگر مدنی پھولوں سے نوازا جس پر انہوں نے اچھی اچھی نیتیں کیں۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

پچھلے دنوں مدنی مرکز فیضانِ مدینہ فیصل آباد میں  عاشقانِ رسول کی دینی تحریک دعوتِ اسلامی کے تحت سنتوں بھرا اجتماع منعقد ہوا جس میں میڈیکل ڈیپارٹمنٹ، ایجوکیشن ڈیپارٹمنٹ اور دیگر ڈیپارٹمنٹس کے اسلامی بھائیوں نے شرکت کی۔

اس اجتماعِ پاک میں مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے بیان کیا جس میں انہوں نے نیکی کرنے اور نیکی کے کاموں میں حصہ لینے کی ترغیب دلائی۔

دورانِ بیان نگرانِ پاکستان مشاورت نے باطنی بیماریوں کی معلومات اور ان سے بچنے کے طریقوں کے بارے میں بتایا نیز وہاں موجود عاشقانِ رسول نے مختلف سوالات بھی کئے جس کے نگرانِ پاکستان مشاورت نے جوابات دیئے۔

دعا کے بعد شرکائے اجتماع نے نگرانِ پاکستان مشاورت حاجی محمد شاہد عطاری سے ملاقات کی۔اس موقع پر رکنِ مرکزی مجلسِ شوریٰ عبد الوہاب عطاری اور نگرانِ میڈیکل ڈیپارٹمنٹ بھی موجود تھے۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

فیصل آباد، پنجاب کے مدنی مرکز فیضانِ مدینہ میں پچھلے دنوں مدنی مشورے کا انعقاد ہوا جس میں پاکستان مشاورت آفس کے اراکین و ذمہ دار اسلامی بھائیوں نے شرکت کی۔

اس دوران رکنِ شوریٰ و نگرانِ پاکستان مشاورت حاجی محمد شاہد عطاری نے اراکین سے سابقہ کارکردگی کا جائزہ لیتے ہوئے نمایاں کارکردگی پر اراکین کی حوصلہ افزائی کی نیز حاضرین کی جانب سے ہونے والے سوالات کے جوابات بھی دیئے۔

ذوقِ نعت سیزن 12 اپنے اختتام کو پہنچا

اسلامک ریسرچ سینٹر (المدینۃ العلمیۃ)کی ٹیم نے میدان مار لیا

مدنی چینل پر یکم صفر المظفر 1447ھ بمطابق 27 جولائی 2025ء سے نشر ہونے والا سلسلہ” ذوقِ نعت“ سیزن 12 مختلف مراحل طے کرتے ہوئے اپنے اختتام کو پہنچ گیا۔ اس سیزن میں 16 ٹیموں نے حصہ لیا جبکہ مجموعی طور پر 15 اقساط نشر ہوئیں۔ سخت مقابلوں کے بعد اسلامک ریسرچ سینٹر (المدینۃ العلمیۃ) اور شعبہ خدام المساجد والمدارس المدینہ کی ٹیمیں گرینڈ فائنل تک پہنچنے میں کامیاب ہوئیں۔

گرینڈ فائنل کی شاندار تقریب

ذوقِ نعت سیزن 12 کا گرینڈ فائنل 17 اگست 2025ء کی شب عالمی مدنی مرکز فیضانِ مدینہ کراچی میں منعقد ہوا۔ اس موقع پر نہایت پُرجوش اور سنسنی خیز مقابلہ دیکھنے کو ملا۔ پروگرام کی میزبانی مبلغِ دعوتِ اسلامی و معروف نعت خواں مولانا اشفاق عطاری مدنی نے کی۔

زبردست مقابلے کے بعد بالآخر المدینۃ العلمیۃ کی ٹیم نے جیت کا سہرا اپنے سر سجا لیا اور سیزن 12 کی فاتح قرار پائی۔

پروگرام ذوق نعت کا فائنل جیتنے پر قلبی تاثرات:

دعوتِ اسلامی کا مدنی چینل پہلے دن سے مسلمانوں میں عشقِ رسول کے جام تقسیم کر رہا ہے، اس سلسلۃ الذہب کی ایک کڑی مشہور زمانہ پروگرام ”ذوق نعت“ بھی ہے جو اسم بامسمی ہے،یقینا اس پروگرام نے عاشقان رسول میں نعت شریف کے ذوق کو پروان چڑھایا ہے۔ اس میں کوئی دو رائے نہیں کہ ذوق نعت کا پیدا ہونا عشق رسول میں اضافے کا باعث بنتا ہے۔ پروگرام کے اینکر معروف ثناخواں محترم جناب مولانا محمد اشفاق عطاری مدنی سلمہ الغنی کو اس سلسلے کی جان کہا جائے تو بے جا نہ ہوگا۔ اللہ کریم انہیں برکتوں سے مالا مال فرمائے۔صفرالمظفر1447ھ کے ذوق نعت میں 16 ٹیموں نے پارٹی سپیٹ کیا اور اس بار المدینۃ العلمیہ کی ٹیم نے بھی اس مقابلے میں اپنا حصہ ڈالا اور بھرپور حصہ ڈالا ۔ انتہائی محنت ولگن کے ساتھ نہ صرف شریک سفر رہے بلکہ اس کا فائنل مقابلہ اپنے شعبے کے نام کیا اور اس بار کے ذوق نعت میں بہت سے ریکارڈ بھی بنائے۔صمیم قلب سے ان کی خدمتوں میں ہدیہ تبریک۔ المدینۃ العلمیہ کی تین رکنی ٹیم میں مولانا محمد وقاص فیاض مدنی عطاری ، مولانا حاجی محمد آصف قادری مدنی اور مولانا محمد عمر فیاض مدنی عطاری سلمہم الغنی شامل تھے ۔ رب قدیر ان تینوں شخصیات کی مساعی کو شرف قبولیت بخشے ، مزید کی توفیق دے ، خوب ترقی وعروج عطا فرمائے اور انہیں علم وعمل کی ڈھیروں ڈھیر برکتوں سے نوازے۔ مولائے کریم اپنے حبیب کریم صلَّی اللہ علیہ واٰلہٖ وسلَّم کے طفیل مجلس المدینۃ العلمیہ سمیت دعوتِ اسلامی کی تمام مجالس کی خیر فرمائے۔ امین بجاہ محمد خاتم النبیین صلَّی اللہ علیہ واٰلہٖ وسلَّم

خیر اندیش:

محمد آصف اقبال مدنی عفی عنہ

(رکن مجلس المدینۃ العلمیۃ)

23صفرالمظفر1447ھ

14 اور 15 اگست 2025ء کو ہونے والی تیز بارش اور بادل پھٹنے (Cloudburst) کے سبب پیداہونے والی سیلابی صورتحال سے خیبر پختونخوا کےمختلف اضلاع بلخصوص ضلع بونیر میں انتہائی خطرناک حالات دیکھنے میں آئی۔ ایک رپورٹ کے مطابق سیلاب کی وجہ سے300 سے زائد افراد اپنے خالق حقیقی سے جاملے جن میں خواتین، بچے، بزرگ اور نوجوان شامل تھےجبکہ زخمیوں کی تعداد بہت زیادہ ہے۔اس سیلابی ریلے کی وجہ سے سینکڑوں گھر بہہ گئے، دُکانیں منہدم ہوگئیں، کئی گاؤں کے نام و نشان مٹ گئے۔

ہنگامی صورتحال کے پیش نظر سرکاری و غیر سرکاری فلاحی تنظیمیں ان کی داد رسی، ان کے غم میں شریک ہونے اور ان کی امداد کے لئے فوری طور پر جائے وقوعہ پر پہنچیں اور امدادی کاروائیوں کا آغاز کیا۔

مصیبت کی اس گھڑی میں اور امت محمدیہ صلَّی اللہ علیہ واٰلہٖ وسلَّم کے ساتھ شانہ بشانہ کھڑا ہونے اور ہر صورت ان کی ممکنہ ضرورت کو پورا کرنے کے لئے عاشقانِ رسو ل کی دینی تحریک دعوت ِاسلامی کے فلاحی شعبہ فیضان گلوبل ریلیف فاؤنڈیشن (FGRF) کی ٹیم ہنگامی طور پر خیبر پختونخوا پہنچی اور پہنچ کر متأثرین کی مدد میں مصروف ہوگئی۔اِس وقت بھی نگران شعبہ FGRFشفاعت علی عطاری اپنی ٹیم کے ساتھ K.P.Kکے مختلف اضلاع میں موجود ہیں جہاں دُشوار گزار راستوں سے گزر کر متاثرین تک پکے ہوئے کھانے، پینے کے لئے صاف پانی اور خشک راشن پیک کرکے پہنچایا جارہا ہے۔

اسی سلسلے میں FGRF کے نمائندوں نے بونیرکے ڈپٹی کمشنر کاشف قیوم سے بھی ملاقات کی۔ دورانِ ملاقات ضلع میں جاری سیلاب متاثرین کی امدادی سرگرمیوں کا جائزہ لیا گیا۔ڈپٹی کمشنر نے امدادی کاموں میں FGRF کے ساتھ بھرپور تعاون کرنے کی یقین دہانی کروائی۔

تمام عاشقان رسول سے درخواست ہے کہ اپنے پریشان حال مسلمان بھائیوں کی مدد کے لئے FGRF کے ساتھ جانی و مالی تعاون کریں۔

دنیا بھر میں رہنے والے مسلمانوں کی دینی و معاشرتی رہنمائی کرنے کے لئے دینِ اسلام کی عالمگیر تحریک دعوت اسلامی کے زیر اہتمام آج مؤرخہ  21 اگست 2025ء بروز جمعرات ہفتہ وار سنتوں بھرے اجتماعات کا انعقاد کیا جائے گا جن میں مبلغین دعوتِ اسلامی و اراکین شوریٰ سنتوں بھرے بیانات فرمائیں گے۔

آج مدنی چینل پر براہِ نشر ہونے والے ہفتہ وار اجتماع میں ریلوے کرکٹ گراؤنڈ بلمقابل ریلوے اسٹیشن سکھر سے خلیفۂ امیر اہلسنت مولانا حاجی عبید رضا عطاری مدنی مُدَّ ظِلُّہُ العالی سنتوں بھرا بیان فرمائیں گے۔

تفصیلات کے مطابق جامع مسجد حسن مہتاب چرڈ ڈیفنس لاہور میں رکن شوریٰ حاجی یعفور رضا عطاری، مردان میرج ہال علی پور ضلع مظفر گڑھ میں رکن شوریٰ حاجی محمد اظہر عطاری، مدنی مرکز فیضان مدینہ فیصل آباد مدینہ ٹاؤن میں رکن شوریٰ حاجی وقار المدینہ عطاری اور جامع مسجد نورانی نشتر اسکوائر ملیر کراچی میں رکن شوریٰ مولانا حاجی ابو ماجد محمد شاہد عطاری مدنی سنتوں بھرا بیان فرمائیں گے۔

تمام عاشقانِ رسول سے شرکت کی درخواست ہے۔

17 صفر المظفر امیر اہلسنت دامت بَرَکَاتُہمُ العالیہ کی والدۂ ماجدہ رحمۃُ اللہِ علیہا کی یومِ وفات ہے۔ آپ رحمۃُ اللہِ علیہا کے ایصالِ ثواب کے لئے دعوتِ اسلامی کے شعبہ محبتیں بڑھاؤ کے تحت آج مؤرخہ 12 اگست 2025ء بروز منگل میوہ شاہ قبرستان کراچی مزارِ ام عطار رحمۃُ اللہِ علیہا کے پاس ”ایصالِ ثواب اجتماع“ کا انعقاد کیا جائے گا۔ اس اجتماع میں خصوصی بیان رکن شوریٰ حاجی فضیل عطاری فرمائیں گے۔

عاشقان رسول سے شرکت کی درخواست ہے۔

واضح رہے کہ امیر اہل سنت حضرت علامہ مولانا محمد الیاس عطار قادری دامت بَرَکَاتُہمُ العالیہ کی تربیت میں سب سے بڑا اور اہم کردار ان کی والدہ کا ہے۔ آپ کی والدہ نے گھر کے نظام کو احسن انداز میں چلاتے ہوئے اپنے بچوں کی اسلامی خطوط پر تربیت کی۔

آپ دامت بَرَکَاتُہمُ العالیہ کی والدہ ماجدہ کا نام ”امینہ“ تھا۔ آپ نیک سیرت اور پرہیز گار خاتون تھیں، فرائض و واجبات کے ساتھ ساتھ فاتحہ وایصالِ ثواب کی بھی پابندی کیا کرتی تھیں، بچوں کو باقاعدگی سے پانچوں نمازیں پڑھوایا کرتی تھیں، خود امیر اہل سنت دامت بَرَکَاتُہمُ العالیہ فرماتے ہیں: مجھے یاد نہیں پڑتا کہ میری بچپن میں بھی کبھی نماز فجر چھوٹی ہو۔

استقبالِ ربیع الاول شریف اور 1500 سالہ جشنِ ولادت کے سلسلے میں دعوتِ اسلامی کے تحت سنتوں بھرا اجتماع منعقد ہوگا۔ یہ عظیم الشان اجتماع 22 اگست 2025ء بروز جمعۃ المبارک مدنی مرکز  فیضانِ مدینہ میرپور خاص، سندھ میں منعقد کیا جائے گا۔

عظیم الشان اجتماع میں خلیفۂ امیرِ اہلِ سنت مولانا حاجی عبید رضا عطاری مدنی مدظلہ العالی سنتوں بھرا بیان فرمائیں گے۔

اجتماع میں نہ صرف ماہِ ربیع الاول شریف کا والہانہ استقبال کیا جائے گا بلکہ سیرتِ طیبہ صلَّی اللہ علیہ واٰلہٖ وسلَّم کے روشن پہلوؤں کو بھی اُجاگر کیا جائے گا۔ گرد و نواح کے تمام عاشقانِ رسول سے اجتماع میں شرکت کی درخواست ہے۔

عالمی مدنی مرکز فیضانِ مدینہ کراچی سمیت دنیا بھر میں دعوتِ اسلامی کے زیرِ اہتمام 07 اگست 2025ء بروز جمعرات ہفتہ وار سنتوں بھرے اجتماعات کا انعقاد کیا جائے گا جن میں اراکین شوریٰ و مبلغین دعوتِ اسلامی سنتوں بھرے بیانات فرمائیں گے۔ان اجتماعات کا مقصد نہ صرف روحانی تربیت کرنا ہے بلکہ اس میں شرکا کی اسلامی تعلیمات، سنتِ نبوی صلَّی اللہ علیہ واٰلہٖ وسلَّم اور معاشرتی اصلاحات پر رہنمائی بھی کی جاتی ہے۔

تفصیلات کے مطابق فیضان مدینہ کراچی میں ہونے والے ہفتہ وار اجتماع میں خلیفۂ امیر اہلسنت مولانا حاجی عبید رضا عطاری مدنی مُدَّ ظِلُّہُ العالی سنتوں بھرا بیان فرمائیں گے جسے مدنی چینل پر براہِ رست نشر کیا جائے گا۔

اس کے علاوہ فیضان اسلام مسجد خیابان سحر ڈیفنس فیز 07 کراچی میں رکن شوریٰ مولانا حاجی عبد الحبیب عطاری، مریم مسجد میمن سوسائٹی میں رکن شوریٰ حاجی قاری ایاز عطاری، رضائے مصطفٰے مسجد کورنگی 4 کراچی میں رکن شوریٰ عبد الوہاب عطاری، جامع مسجد عثمانیہ رضویہ نزد داتا فلور ملز ، لاہور میں رکن شوریٰ حاجی منصور عطاری اور مدنی مرکز فیضان مدینہ اڈیالہ راولپنڈی میں رکن شوریٰ مولانا حاجی عقیل عطاری مدنی سنتوں بھرا بیان فرمائیں گے۔

تمام عاشقان رسول سے ہفتہ وار اجتماع میں شرکت کرنے کی درخواست ہے۔

دعوتِ اسلامی کے زیرِ اہتمام 03 اگست 2025ء بروز اتوار کراچی کے علاقے نمائش چورنگی پر واقع نشتر پارک میں استقبالِ ماہِ ربیع الاول اور  پندرہ سوویں جشنِ ولادت مصطفیٰ صلَّی اللہ علیہ واٰلہٖ وسلَّم منانے کی مناسبت سے عظیم الشان سنتوں بھرے اجتماع کا انعقاد کیا گیا جس میں دعوتِ اسلامی کی مرکزی مجلسِ شوریٰ کے نگران مولانا حاجی محمد عمران عطاری، نگران پاکستان مشاورت حاجی محمد شاہد عطاری، اراکینِ شوریٰ مولانا حاجی عبد الحبیب عطاری،عبد المبین عطاری،حاجی محمد اطہر عطاری، عبد الوہاب عطاری،حاجی وقار المدینہ عطاری،حاجی محمد علی عطاری، حاجی فضیل عطاری، علمائے کرام، نعت خواں حضرات، سیاسی و سماجی شخصیات، مختلف شعبہ ہائے زندگی سے تعلق رکھنے والے افراد اور بڑی تعداد میں عاشقانِ رسول نے شرکت کی۔

اجتماع کا آغاز تلاوتِ قرآنِ پاک اور نعتِ رسولِ مقبول صلَّی اللہ علیہ واٰلہٖ وسلَّم سے ہوا جس کے بعد نگرانِ شوریٰ مولانا حاجی محمد عمران عطاری مُدَّ ظِلُّہُ العالی نے ”اخلاقِ مصطفٰے صلَّی اللہ علیہ واٰلہٖ وسلَّم“کے موضوع پرسنتوں بھرا ایمان افروز بیان فرمایا۔

بیان میں انہوں نے کہا:آج ہمارا معاشرہ جھوٹ، غیبت، بدگمانی، بدزبانی اور حسد جیسی اخلاقی برائیوں میں گھر چکا ہے، جبکہ سیرتِ مصطفیٰ صلَّی اللہ علیہ واٰلہٖ وسلَّم ہمیں ان سے بچنے اور حسنِ اخلاق اپنانے کا درس دیتی ہے۔ ہمیں صرف میلاد منانے تک محدود نہیں رہنا، بلکہ میلاد والے نبی صلَّی اللہ علیہ واٰلہٖ وسلَّم کے اخلاق کو اپنی زندگیوں کا حصہ بنانا ہوگا۔ مولانا عمران عطاری نے شرکا کو نمازوں کی پابندی، مدنی قافلوں کے ذریعے علمِ دین کے حصول اور نیکی کے کاموں میں بڑھ چڑھ کر حصہ لینے کی بھی ترغیب دی۔

اجتماع میں امیرِ اہلِ سنت حضرت علامہ مولانا محمد الیاس عطار قادری دامت برکاتہم العالیہ کا خصوصی ویڈیو کلپ بھی چلایا گیا جس میں آپ نے عاشقانِ رسول کو جشنِ ولادتِ مصطفیٰ صلَّی اللہ علیہ واٰلہٖ وسلَّم جوش و خروش سے منانے اور تاجر برادری کو اشیائے ضروریہ میں خصوصی رعایت دینے کا ذہن دیا۔

عظیم الشان اجتماع کا اختتام ذکرِ الٰہی، صلوٰۃ و سلام اور خصوصی دعا پر ہوا۔ مدنی چینل پربھی اس روح پرور اجتماع کی براہِ راست نشریات کی گئیں، جنہیں دنیا بھر میں لاکھوں عاشقانِ رسول نے دیکھا اور روحانی فیض حاصل کیا۔

3 اگست 2025ء کو بہاولپور، پنجاب میں قائم مدنی مرکز فیضانِ مدینہ میں دعوتِ اسلامی کے تحت مدنی مشورہ منعقد ہواجس میں ڈسٹرکٹ نگران اور ڈویژن ذمہ دار اسلامی بھائیوں نے شرکت کی۔

اس مدنی مشورے میں نگرانِ بہاولپور ڈویژن ڈاکٹر حافظ عبدالرؤف عطاری نے ”1500 سالہ جشنِ ولادت“ کی تیاری کے حوالے سے کلام کرتے ہوئےزیادہ سے زیادہ چراغاں کرنےاور شجر کاری مہم کے اہداف دیئے۔

اسی طرح نگرانِ بہاولپور ڈویژن نے ذمہ دار اسلامی بھائیوں کو ہفتہ وار اجتماع میں شرکت کرنے اور 12 دینی کاموں کو اپنے شعبے و ڈسٹرکٹ میں نافذ کروانے کا ذہن دیا نیز ماہِ میلاد میں اجتماعِ میلاد کروانے کے اہداف بھی دیئے جس پر انہوں نے اچھی اچھی نیتوں کا اظہار کیا۔(رپورٹ: احمدرضا عطاری میڈیا ڈیپارٹمنٹ ، کانٹینٹ:غیاث الدین عطاری) 

دعوتِ اسلامی کے تحت 2 اگست 2025ء کو بہاولپور، پنجاب میں قائم مدنی مرکز فیضانِ مدینہ میں مدنی مشورے کا انعقاد کیا گیاجس میں ٹاؤن و یوسی نگران اور سٹی ذمہ دار اسلامی بھائیوں کی شرکت رہی۔

نگرانِ بہاولپور ڈویژن ڈاکٹر حافظ عبدالرؤف عطاری نے ”1500 سالہ جشنِ ولادت“ کی تیاری کے حوالے سے کلام کیا جس میں انہوں نے زیادہ سے زیادہ چراغاں کرنےاور شجر کاری مہم کے اہداف دیئے۔