دعوتِ اسلامی کے زیرِ اہتمام آج مؤرخہ 20 اگست 2026ء کو دنیا بھر میں قائم مدنی مراکز فیضانِ مدینہ اور مختلف مساجد میں ہفتہ وار سنتوں بھرا اجتماع منعقد کیا جا رہا ہے۔ یہ اجتماع مسلمانوں کی اخلاقی، دینی اور باطنی اصلاح کے لیے ایک اہم ترین عالمی پلیٹ فارم سمجھا جاتا ہے۔

تقریب کا آغاز تلاوتِ قرآنِ پاک اور بارگاہِ رسالت میں نعتِ رسولِ مقبول سے ہوگا جس کے بعد مرکزی مجلسِ شوریٰ کے اراکین، علمائے کرام اور مبلغین دعوتِ اسلامی مختلف شرعی و اخلاقی موضوعات (نماز کی پابندی، حقوق العباد، اور سنتِ نبوی پر عمل) پر اصلاحی بیانات فرمائیں گے۔ اجتماع کے اختتام پر حلقۂ ذکر اور امتِ مسلمہ کی خیر و عافیت کے لیے خصوصی رقت انگیز دعا کی جائیگی۔

تفصیلات کے مطابق آج رات عالمی مدنی مرکز فیضان مدینہ کراچی سے مدنی چینل پر براہِ راست (Live) نشر ہونے والے ہفتہ وار اجتماع میں دعوت اسلامی کی مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی سنتوں بھرا بیان فرمائیں گے۔

اس کے علاوہ مدنی مرکز فیضان مدینہ شاہ رکن عالم کالونی ملتان میں رکن شوریٰ مولانا حاجی عبد الحبیب عطاری، مدنی مرکز فیضان مدینہ علی ٹاؤن سرگودھا میں رکن شوریٰ حاجی وقارالمدینہ عطاری، مدنی مرکز فیضان مدینہ مرید کے میں رکن شوریٰ حاجی منصور عطاری، بہزادلکھنوی مسجد سخی حسن کراچی میں رکن شوریٰ حاجی محمد علی عطاری اور مدنی مرکز فیضان مدینہ 42-48Cannon Street Bolton BL3 5APمیں رکن شوریٰ حاجی محمد خالد عطاری سنتوں بھرا بیان فرمائیں گے۔

تمام عاشقانِ رسول سے گزارش ہے کہ آج رات اپنے قریب ترین فیضانِ مدینہ یا دعوتِ اسلامی کے اجتماع میں خود بھی شرکت فرمائیں اور دوسروں کو بھی ساتھ لانے کی نیت کریں۔

سرورِ کائنات، فخرِ موجودات حضرت محمد مصطفٰی صلی اللہ علیہ واٰلہٖ وسلَّم کی ولادتِ با سعادت کی خوشیاں منانے کے لئے عالمی مدنی مرکز فیضانِ مدینہ کراچی میں تیاریاں عروج پر ہیں۔ اس سلسلہ میں 13 اگست 2026ء کو لاہور ریلوے اسٹیشن سے ایک خصوصی ٹرین ”جشن ولادت ایکسپریس“ روانہ ہوئی جس میں کثیر تعداد میں عاشقانِ رسول اور دعوتِ اسلامی کے مبلغین سوار ہوئے۔

13 اگست کو لاہور اسٹیشن سے روانگی کے وقت عاشقانِ رسول کے چہروں پر سُرور اور زبانوں پر دُرود و سلام کا نذرانہ جاری تھا۔ رائیونڈ ریلوے اسٹیشن پہنچنے پر دعوتِ اسلامی کی مرکزی مجلسِ شوریٰ کے رکن مولانا حاجی یعفور رضا عطاری نے ٹرین کا شاندار استقبال کیا۔انہوں نے مسافر اسلامی بھائیوں سے ملاقات کی، سفر کے حوالے سے تربیتی مدنی پھول عطا فرمائے اور راہِ خدا کے اس مسافر قافلے کی حوصلہ افزائی کرتے ہوئے دعاؤں کے ساتھ رخصت کیا۔

یہ ٹرین مختلف اسٹیشن سے مزید عاشقانِ رسول کو اپنے ساتھ ملاتی ہوئی کراچی کی جانب گامزن رہی۔ دورانِ سفر ٹرین کے اندر سنتوں بھرے بیانات، درود و سلام کی صدائیں اور ”آقا کی آمد مرحبا“ کے پرجوش نعرے گونجتے رہے جس سے پورا سفر عشقِ رسول کے رنگ میں رنگا رہا۔

بالآخر 14 اگست 2026ء کو ”جشن ولادت ایکسپریس“ کراچی ریلوے اسٹیشن پہنچی۔ کراچی پہنچتے ہی تمام اسلامی بھائیوں نے عالمی مدنی مرکز فیضانِ مدینہ کا رخ کیا۔ اس وقت فیضانِ مدینہ کراچی میں برقی قمقموں کی زبردست سجاوٹ، مدنی مذاکروں اور علمِ دین سکھانے کے حلقوں کی وجہ سے ہر سو روحانی خوشیوں کی بہار ہے۔ تمام عاشقانِ رسول سرکارِ مدینہ صلی اللہ علیہ واٰلہٖ وسلَّم کی ولادت کا جشن منانے کے لیے بے حد پرجوش اور متحرک ہیں۔

28 صفر المظفر 1448ھ مطابق 12 اگست 2026ء بروز بدھ کو کراچی سندھ، پاکستان میں مرکز الاقتصاد اسلامی اور حلال اکانومی ایڈوائزری سینٹر (HEAC) کی نئی بلڈنگ کا شاندار افتتاح کردیا گیا۔خوشی کے اس موقع پرافتتاحی تقریب کا انعقادکیاگیا۔

افتتاحی تقریب اور اہم نکات:

تقریب کا آغاز: تلاوتِ قرآن پاک اور نعتِ رسولِ مقبول صلَّی اللہ علیہ واٰلہٖ وسلَّم سے پروگرام کا بابرکت آغاز ہوا۔

بنیادی مقاصد: ماہر امور تجارت /ہیڈ آف مرکز الاقتصاد اسلامی مفتی علی اصغر عطاری مُدَّ ظِلُّہُ العالی نے سینٹر کے بنیادی مقاصد اور اہمیت پر مختصر و جامع گفتگو فرمائی۔

نصیحت آموز کلمات: خلیفہ امیرِ اہل اہلسنت مولانا حاجی عبید رضا عطاری مدنی مُدَّ ظِلُّہُ العالی نے تاجروں اور کاروباری شخصیات کے لیے قیمتی اور نصیحت آموز ملفوظات ارشاد فرمائے۔

نئی بلڈنگ کی خصوصیات و سہولیات:

یہ عمارت فیضانِ مدینہ کراچی سے متصل پلاٹ پر واقع ہے جہاں پہلے مرکز الاقتصاد اسلامی محدود جگہ پر قائم تھا۔

وسیع گنجائش: نئی بلڈنگ میں دونوں اداروں کی مختلف خدمات کے لیے وسیع جگہ فراہم کی گئی ہے۔

پبلک ڈیلنگ و آن لائن میٹنگز: عوامی معاملات، مشاورت اور آن لائن میٹنگز کے لیے مخصوص و جدید شعبے قائم کیے گئے ہیں۔

تحقیقی لائبریری: تحقیقی شعبے اور علماء کے لیے ایک بہت بڑی اور جامع لائبریری قائم کی گئی ہے۔

ورک اسٹیشن: فتاویٰ نویسی اور مختلف علمی و معاشی پروجیکٹس پر کام کرنے والوں کے لیے پُرکشش اور جدید ورک اسٹیشن مہیا کیے گئے ہیں۔

تقریب میں علماء، معاشی ماہرین اور تنظیم کے اہم ذمہ داران نے شرکت کی، جن میں شامل ہیں:

علماء و مفتیانِ کرام: مفتی سجاد عطاری مدنی، مفتی محمد حسان عطاری مدنی، مفتی محمد کاشف عطاری، مفتی محمد شفیق عطاری اور مفتی کفیل عطاری مدنی۔

اراکینِ شوریٰ: حاجی محمد امین عطاری، حاجی فضیل عطاری، حاجی محمد شاہد عطاری مدنی اور حاجی برکت علی عطاری۔

دیگر شخصیات: حلال اکانومی ایڈوائزری سینٹر کے ڈائریکٹر / ماہرِ معیشت اور دارُالمدینہ یونیورسٹی کے وائس چانسلر ڈاکٹر دانش، متعدد علمائےکرام، کاروباری اور سماجی شخصیات۔

پروگرام کے اختتام پر مفتی علی اصغر عطاری مُدَّ ظِلُّہُ العالی اور ادارے کے دیگر افراد نے تمام معزز مہمانوں کا شکریہ اداکیا۔

ڈی ایچ اے صفہ یونیورسٹی (DHA Suffa University) کے اسٹوڈنٹس اور دعوتِ اسلامی کے ایجوکیشن ڈیپارٹمنٹ کی جانب سے پروفیسر صاحبان اور فیکلٹی ممبران کے لیے ایک سیمینار کا انعقاد کیا جا رہا ہے۔

اس سیمینار میں خصوصی بیان عالمی مذہبی اسکالر مولانا حاجی محمد عمران عطاری مُدَّ ظِلُّہُ العالی فرمائیں گے۔

اس سیمینار کا انعقاد آج مؤرخہ 18اگست 2026ء بروز منگل دوپہر 1:20 سے 2:45 تک مین آڈیٹوریم، D.H.A صفہ یونیورسٹی (آف خیابانِ طفیل، ڈی ایچ اے فیز 7 ایکسٹینشن، کراچی) میں ہوگا۔

اس پروگرام کا انعقاد D.H.A صفہ یونیورسٹی کے طلباء (Students DSU) اور ایجوکیشن ڈیپارٹمنٹ دعوتِ اسلامی کے اشتراک سے کیا جا رہا ہے۔

دعوتِ اسلامی کے تعلیمی شعبے ”جامعۃ المدینہ“ کے زیرِ اہتمام فاروق آباد میں تیسرا سالانہ عظیم الشان عرسِ اعلیٰ حضرت نہایت مہذب و احترام کے ساتھ منایا گیا۔ تقریب میں علما، مشائخ، اور عاشقانِ رسول کی بڑی تعداد نے شرکت کی۔

برصغیر کے عظیم عالم دین مجددِ دین و ملت اعلیٰ حضرت امام احمد رضا خان علیہ الرحمۃ کی دینی، علمی اور تجدیدی خدمات کو خراجِ تحسین پیش کرنے کے لیے اس روحانی اجتماع کا انعقاد کیا گیا۔

دعوتِ اسلامی کے دارالافتاء کے ممتاز عالمِ دین استاذ الحدیث مولانا مفتی محمد ہاشم خان عطاری مُدَّ ظِلُّہُ العالی نے سنتوں بھرا بیان فرمایا۔ مفتی صاحب نے اپنے بیان میں اعلیٰ حضرت علیہ الرحمۃ کے عشقِ رسول، علمی مقام اور سنتِ نبوی پر پابندی کے روشن پہلوؤں کو اُجاگر کیا۔ انہوں نے کہا کہ اعلیٰ حضرت کی پوری زندگی سنتِ مصطفیٰ صلَّی اللہ علیہ واٰلہٖ وسلَّم کی ترویج و اشاعت اور امت کی اصلاح میں گزری اور آج بھی ان کی تصانیف بالخصوص فتاویٰ رضویہ دنیا بھر کے علما کے لیے ہدایت کا سرچشمہ ہے۔

درسِ نظامی کے طلباء کی دستارِ بندی تقریب کا سب سے روح پرور لمحہ درسِ نظامی (عالم کورس) مکمل کرنے والے طلبائے کرام کی دستارِ بندی تھی۔ مفتی ہاشم خان عطاری مُدَّ ظِلُّہُ العالی اور دیگر اساتذۂ کرام نے فارغ التحصیل علمائے کرام کے سروں پر دستار سجائی اور ان کے لیے دعائیں کیں۔

دستاربندی کے بعد عالمِ اسلام کی سلامتی، پاکستان کی ترقی و استحکام اور دعوتِ اسلامی کے دینی کاموں میں برکت کے لیے خصوصاً دعا کی گئی۔

بین الاقوامی اسلامی تحر یک دعوتِ اسلامی کے زیرِ اہتمام آج بعد نمازِ مغرب دنیا بھر سمیت پاکستان کے تمام چھوٹے بڑے شہروں اور بالخصوص عالمی مدنی مرکز فیضانِ مدینہ میں ہفتہ وار سنتوں بھرے اجتماع کا باوقار انعقاد کیا جائے گا۔ اس اجتماع کا بنیادی مقصد مسلمانوں کے دلوں میں عشقِ رسول صلَّی اللہ علیہ واٰلہٖ وسلَّم ، فکرِ آخرت اور سنتِ نبوی پر عمل کا جذبہ بیدار کرنا ہے۔

اجتماع کا باقاعدہ آغاز نمازِ مغرب کے فوراً بعد تلاوتِ قرآنِ پاک سے ہوگا، جس کے بعد بارگاہِ رسالت مآب صلَّی اللہ علیہ واٰلہٖ وسلَّم میں عقیدت و احترام کے ساتھ نعت پیش کی جائے گی۔ تلاوت و نعت کے بعد دعوتِ اسلامی کی مرکزی مجلسِ شوریٰ کےاراکین و مبلغینِ دعوت اسلامی سنتوں بھرا اصلاحی بیان فرمائیں گے۔ بیان میں معاشرتی اصلاح، رزقِ حلال، والدین کے حقوق، اور سنتوں پر عمل پیرا ہونے کی ترغیب دی جائے گی۔ بیان کے اختتام پر اجتماعی ذکر و اذکار اور بارگاہِ الٰہی میں عاجزانہ دعا کا اہتمام کیا جائے گا، جس میں ملکی سلامتی، امتِ مسلمہ کے کے لیے خصوصی دعائیں کی جائیں گی۔

تفصیلات کے مطابق آج رات مدنی چینل پر براہِ راست (Live) نشر ہونے والے ہفتہ وار اجتماع میں رکن شوریٰ حاجی قاری سلیم عطاری مدنی مرکز فیضان مدینہ نزد ریلوے اسٹیشن انڈر پاس خانیوال میں سنتوں بھرا بیان فرمائیں گے۔

اس کے علاوہ مدنی مرکز فیضانِ مدینہG-11اسلام آبادمیں رکن شوریٰ حاجی وقار المدینہ عطاری، مدنی مرکز فیضان مدینہ بابو محلہ دربند اڈہ ہری پور میں رکن شوریٰ حاجی منصورعطاری، فیض مدینہ مسجد کریلا اسٹاپ نیو کراچی میں رکن شوریٰ حاجی محمد علی عطاری، مدنی مرکز فیضان مدینہ گلشن اقبال ٹاؤن خان پور ضلع رحیم یار خان میں رکن شوریٰ مولانا حاجی محمد عقیل عطاری مدنی، دارُ السنہ Cahaya Ampang Selangor Malaysia میں رکن شوریٰ عبد الوہاب عطاری، غوثیہ جامع مسجد بولی پاڑہ (قریب ٹرک ٹرمینل روڈ) CDA، چٹاگانگ بنگلہ دیش میں رکن شوریٰ عبد المبین عطاری، مدنی مرکز فیضان مدینہ Sheffield Firth Park Road S5 6WSمیں رکن شوریٰ حاجی خالد عطاری سنتوں بھرا بیان فرمائیں گے۔

تمام عاشقانِ رسول سے گزارش ہے کہ آج رات اپنے قریب ترین فیضانِ مدینہ یا دعوتِ اسلامی کے اجتماع گاہ میں خود بھی شرکت فرمائیں اور دوسروں کو بھی ساتھ لانے کی نیت کریں۔

چشتیاں شریف (ویب ڈیسک):پنجاب کے معروف شہر چشتیاں شریف میں 25 صفر المظفر (عرسِ اعلیٰ حضرت امام احمد رضا خان علیہ الرحمہ) کی پرنور مناسبت سے ایک پروقار ”اجتماعِ دستارِ فضیلت و عرسِ اعلیٰ حضرت“  کا انعقاد کیا گیا۔ اس عظیم الشان روحانی و علمی تقریب میں معروف دینی و علمی شخصیت استاذ الحدیث مفتی محمد ہاشم خان عطاری مدنی نے خصوصاً شرکت کی اور فکر انگیز بیان فرمایا۔

چشتیاں شریف میں منعقدہ اس پرنور اجتماع گاہ کو خوبصورت برقی قمقموں اور پھولوں کی پتیوں سے سجایا گیا تھا۔ تقریب میں علاقہ بھر سے شائقینِ علمِ دین، معززینِ شہر، حفاظ، علماء اور عاشقانِ رسول کی ایک بڑی تعداد نے شرکت کی۔

اجتماع کا آغاز تلاوتِ قرآنِ پاک اور بارگاہِ رسالت مآبﷺ میں نذرانہٴ نعتِ رسولِ مقبول پیش کر کے کیا گیا، جس کے بعد عرسِ اعلیٰ حضرت کی پُرنور یاد اور ان کی علمی و دینی خدمات کو خراجِ تحسین پیش کیا گیا۔

اپنے بیان میں مفتی ہاشم خان عطاری نے اعلیٰ حضرت مجددِ دین و ملت امام احمد رضا خان کی علمی، تصنیفی اور تجدیدی خدمات پر روشنی ڈالتے ہوئے کہا کہ ”اعلیٰ حضرت علیہ الرحمہ کی زندگی عشقِ رسولﷺ اور اتباعِ سنت کا بہترین نمونہ ہے۔ انہوں نے اپنے علم و قلم سے امتِ مسلمہ کے ایمان کی حفاظت کی اور شریعت و طریقت کی شمع کو روشن رکھا۔ آج ہمیں ضرورت اس امر کی ہے کہ ہم ان کی تعلیمات پر عمل کرتے ہوئے اپنے عقائد اور کردار کو مضبوط بنائیں۔“

انہوں نے مزید کہا کہ علمِ دین حاصل کرنا ہر مسلمان کے لیے باعثِ سعادت ہے اور جو طلباء آج فاضل ہو کر نکل رہے ہیں، ان پر معاشرے میں حق و صداقت کا پیغام عام کرنے کی بھاری ذمہ داری عائد ہوتی ہے۔

اجتماع کی ایک خاص اور روح پرور کڑی دستارِ فضیلت کی تقریب تھی، جہاں دینی تعلیم مکمل کرنے والے فارغ التحصیل حفاظ اور علمائے کرام کے سروں پر مبارک عمامے (دستار) سجا کر ان کی افزائی کی گئی۔ شیوخ اور علمائے کرام نے طلباء کو مبارکباد دی، جبکہ ان کے گلے میں گلاب کے ہار پہنا کر ان کے روشن مستقبل کے لیے نیک تمناؤں کا اظہار کیا گیا۔

اجتماع کے اختتام پر مفتی ہاشم عطاری نے ربِ ذوالجلال کی بارگاہ میں عجز و انکسار کے ساتھ ملکِ پاکستان کی سلامتی، استحکام اور امن و امان کے لیے خصوصاً دعا کی۔

اجتماع میں شہریوں اور عقیدت مندوں کی بڑی تعداد میں شرکت، آڈیٹوریم خلوص و عقیدت کی فضا سے گونج اٹھا

کراچی (ویب ڈیسک):دعوتِ اسلامی کے مرکزی مجلسِ شوریٰ کے رکن اور معروف روحانی و دینی شخصیت مولانا حاجی عبد الحبیب عطاری کے خصوصی بیان کا ایک عظیم الشان سنّتوں بھرا اجتماع بحریہ ٹاؤن کراچی کے مرکزی آڈیٹوریم میں انعقاد پذیر ہوا جس میں شہریوں اور عاشقانِ رسول کی ایک بڑی تعداد نے شرکت کی۔

9 اگست کی شب بحریہ ٹاؤن آڈیٹوریم میں منعقد ہونے والے اس روحانی اجتماع میں لوگوں کا زبردست جوش و خروش دیکھنے میں آیا۔ آڈیٹوریم ہال مکمل طور پر شرکاء سے بھر چکا تھا جبکہ اجتماع گاہ میں نظم و ضبط اور خلوص و عقیدت کا روح پرور منظر دیکھنے کو ملا۔

مولانا حاجی عبد الحبیب عطاری نے اپنے خصوصی اور فکر انگیز بیان میں سنتِ نبویﷺ کی اتباع، فکرِ آخرت اور معاشرتی اصلاح کے اہم موضوعات پر روشنی ڈالی۔

اجتماع سے بیان کرتے ہوئے مولانا حاجی عبد الحبیب عطاری نے کہا کہ ”ہماری زندگی کا اصل مقصد اللہ اور اس کے رسولﷺ کی رضا حاصل کرنا ہے۔ سنتِ نبویﷺ پر عمل پیرا ہو کر ہی ہم دنیا اور آخرت کی کامیابی حاصل کر سکتے ہیں۔ موجودہ دور میں معاشرتی برائیوں کا خاتمہ صرف اور صرف سیرتِ طیبہ پر عمل کرنے سے ہی ممکن ہے۔“

انہوں نے شرکاء کو باقاعدگی سے نمازوں کی پابندی کرنے، باہمی اتحاد و یگانگت کو فروغ دینے اور گناہوں سے توبہ کر کے اپنی زندگیوں کو شریعتِ مطہرہ کے مطابق ڈھالنے کی تلقین کی۔

اجتماع کے اختتام پر ملک و ملت کی سلامتی، امن و امان اور امتِ مسلمہ کی سربلندی کے لیے رقت انگیز دعا کروائی گئی۔

تقریب میں بحریہ ٹاؤن کے رہائشیوں سمیت کراچی کے مختلف علاقوں سے آئے ہوئے معززین، علمائے کرام اور شہریوں نے شرکت کی اور اتنے باوقار و بہترین انداز میں اجتماع کے انعقاد پر منتظمین کا شکریہ ادا کیا۔

دین اسلام کی عالمگیر تحریک دعوتِ اسلامی جس کا مقصد ”مجھے اپنی اور ساری دنیا کے لوگوں کی اصلاح کی کوشش کرنی ہے“، ہر جمعرات کی رات دنیا بھر میں ہزاروں مقامات پر ہفتہ وار سنتوں بھرے اجتماعات کا انعقاد کرتی ہے۔ آج رات مؤرخہ 06 اگست 2026ء بروز جمعرات بھی معمول کے مطابق عالمی مدنی مرکز فیضانِ مدینہ کراچی سمیت پاکستان اور دنیا بھر کے مختلف شہروں و ممالک میں یہ روحانی و علمی اجتماعات کا انعقاد کیا جا ئے گا۔

اجتماع کاآغاز رب کریم کے بابرکت کلام تلاوتِ قرآن مجیدسے کیا جائے جبکہ نعت خواں حضرات بارگاہِ رسالت صلَّی اللہ علیہ واٰلہٖ وسلَّم میں ہدیۂ نعت پیش کریں گے۔اجتماعات میں اراکین شوریٰ و مبلغین دعوت اسلامی مسلمانوں کے اخلاقی و روحانی تربیت کے لئے سنتوں بھرا بیان فرمائیں گے۔بیانات میں قرآنی تعلیمات، سِیرتِ مصطفیٰ صلَّی اللہ علیہ واٰلہٖ وسلَّم، صحابہ و اولیاء کی زندگی، روزمرہ مسائل، اصلاحِ اعمال اور سنتِ نبوی پر عمل پیرا ہونے کی ترغیب دلائی جائے گی۔

تفصیلات کے مطابق آج رات مدنی چینل پر براہِ راست (Live) نشر ہونے والے ہفتہ وار اجتماع میں رکن شوریٰ حاجی فضیل عطاری ابن آدم مسجد (چار مینار) نزد فٹبال گراؤنڈ گلشن معمار کراچی سے سنتوں بھرا بیان فرمائیں گے۔

اس کے علاوہ جامع مسجدحسان مانگا منڈی لاہور میں استاذالحدیث مفتی محمد ہاشم خان عطاری مُدَّ ظِلُّہُ العالی ، کھیرا پُل واہگہ ٹاؤن لاہور میں رکن شوریٰ حاجی یعفوررضا عطاری، مدنی مرکز فیضان مدینہ جوہر ٹاؤن لاہور میں رکن شوریٰ حاجی منصور عطاری، تاج پیلس G.Tروڈجہلم پنجاب میں رکن شوریٰ حاجی وقار المدینہ عطاری، فیضان عطار مسجد المرادسوسائٹی مراد میمن کراچی میں رکن شوریٰ حاجی محمد امین عطاری، مدنی مرکز فیضان مدینہ Malcolm Street Derby DE23 8LTمیں رکن شوریٰ حاجی محمد خالد عطاری سنتوں بھرا بیان فرمائیں گے۔

دعوتِ اسلامی کا ہفتہ وار اجتماع لوگوں کو گناہوں کے دلدل سے نکال کر نیکی کی راہ پر گامزن کرنے کا ایک بہترین ذریعہ ہے۔ اس اجتماع کے ذریعے مسلمانوں میں خوفِ خدا، عشق رسول صلَّی اللہ علیہ واٰلہٖ وسلَّم، والدین کا احترام اور آپسی بھائی چارے کا جذبہ بیدار کیا جاتا ہے۔

تمام عاشقانِ رسول سے گزارش ہے کہ آج رات اپنے قریب ترین فیضانِ مدینہ یا دعوتِ اسلامی کے اجتماع گاہ میں خود بھی شرکت فرمائیں اور دوسروں کو بھی ساتھ لانے کی نیت کریں۔

تبلیغِ قرآن و سنت کی عالمگیر غیر سیاسی تحریک، دعوتِ اسلامی کے زیرِ اہتمام آج رات مؤرخہ 30  جولائی 2026ء بروز جمعرات عالمی مدنی مرکز فیضان مدینہ کراچی سمیت ملک و بیرونِ ملک ہزاروں مقامات پر ہفتہ وار سنتوں بھرے اجتماعات کا انعقاد جائے گا۔ مرکزی اجتماع کا آغاز روایتی اندازمیں تلاوت قرآن پاک اور نعت رسول مقبول صلَّی اللہ علیہ واٰلہٖ وسلَّم سے ہوگا۔

تلاوت و نعت کے بعد اراکین شوریٰ و مبلغین دعوتِ اسلامی مختلف موضوعات پرسنتوں بھرے بیانات فرمائیں گے۔ بیان کے بعد ذکر و اذکار کے ساتھ ساتھ سنتیں اور آداب سیکھنے/سکھانےکے لیے خصوصی حلقے لگائے جائیں گے۔ ان حلقوں میں نماز کے واجبات، وضو کے فرائض اور روزمرہ کی مسنون دعائیں عملی طور پر سکھائی جائیں گی۔

تفصیلات کے مطابق آج رات مدنی چینل پر براہِ راست (Live) نشر ہونے والے ہفتہ وار اجتماع میں رکن شوریٰ حاجی محمد امین عطاری ، مدنی مرکزفیضان مدینہ العطار ٹاؤن میرپور خاص سندھ سے سنتوں بھرا بیان فرمائیں گے۔

اس کے علاوہ مدنی مرکز فیضان مدینہ جوہر ٹاؤن لاہور میں استاذالحدیث مفتی محمد ہاشم خان عطاری مُدَّ ظِلُّہُ العالی ، مدنی مرکز فیضان مدینہ پنڈدادنخان، جہلم میں رکن شوریٰ مولانا حاجی عقیل عطاری مدنی، مدنی مرکز فیضان مدینہ بھٹ شاہ سندھ میں رکن شوریٰ حاجی محمد علی عطاری، کلاسک مارکی نزد HMمارٹ،اوورہیڈ برجHMCروڈ ٹیکسلامیں رکن شوریٰ حاجی وقار المدینہ عطاری، جامع مسجد شیرانوالہ گیٹ لاہور میں رکن شوریٰ حاجی منصور عطاری، جامع مسجد حنفیہ سوڈیوال لاہور میں رکن شوریٰ حاجی یعفور رضا عطاری اور غوثیہ جامع مسجد بلیر پاڑہ نزد ٹرک ٹرمینل روڈ، CDA، چٹاگانگ بنگلہ دیش میں رکن شوریٰ عبد المبین عطاری سنتوں بھرا بیان فرمائیں گے۔

تمام عاشقانِ رسول سے ہفتہ وار اجتماع میں شرکت کرنے کی درخواست ہے۔ 

پاکستان کو سرسبز و شاداب بنانے اور ماحولیاتی آلودگی کے خاتمے کے لیے کوشاں عاشقانِ رسول کی دینی تحریک دعوتِ اسلامی نے ایک بار پھر ”شجرکاری مہم“ کے سلسلے میں ایک خصوصی ٹرانسمیشن کا اعلان کیا ہے۔

موصول ہونے والی اطلاعات کے مطابق یہ خصوصی ٹرانسمیشن بروز اتوار 02 اگست 2026ء کو نشر کی جائے گی جس کا باقاعدہ آغاز پاکستانی وقت کے مطابق دن 2:30 بجے ہوگا۔

شجرکاری مہم کی اہمیت کو اجاگر کرنے اور عوام الناس میں آگاہی پیدا کرنے کے لیے یہ ٹرانسمیشن مدنی چینل پر براہِ راست نشر کی جائے گی جس میں مرکزی مجلسِ شوریٰ کے اراکین و دیگر مبلغینِ دعوتِ اسلامی شریک ہوں گے۔

دعوتِ اسلامی کے زیرِ اہتمام26 جولائی 2026ء کو استقبالِ ماہِ ربیع الاول شریف کے سلسلے میں عظیم الشان اجتماع منعقد ہوا۔ اس اجتماع کا انعقاد ایم اے جناح روڈکراچی پر واقع تاریخی میدان ”نشتر پارک“میں کیا گیا۔ اجتماع کا باقاعدہ آغاز قرآن پاک کی نورانی تلاوت سے ہوا جس کے بعد مدنی چینل کے نعت خواں حضرات نے بارگاہِ رسالت مآب صلَّی اللہ علیہ واٰلہٖ وسلَّم میں عقیدت کے پھول نچھاور کیے۔

نعت خوانی کے بعد امیرِ اہل سنّت، بانیِ دعوتِ اسلامی دامت بَرَکَاتُہمُ العالیہ کے جانشین اور خلیفہ مولانا ابو اسید حاجی عبید رضا عطاری مدنی مُدَّ ظِلُّہُ العالی نے ربیع الاول شریف کی اہمیت اور فضیلت پر جامع اور مدلل بیان کیا۔ انہوں نے کہا کہ ربیع الاول شریف کا مہینا عالمِ اسلام کے لیے عظیم ترین خوشی کا پیغام لاتا ہے، آقا کریم صلَّی اللہ علیہ واٰلہٖ وسلَّم کی سیرتِ طیبہ پر عمل پیرا ہو کر ہی دنیا و آخرت میں کامیابی ممکن ہے۔ انہوں نے شرکا کو آمدِ مصطفیٰ صلَّی اللہ علیہ واٰلہٖ وسلَّم کی خوشی شرعی حدود میں رہ کر منانے اور سنتوں پر سختی سے عمل کرنے کی ترغیب دی۔

بیان کے فوراً بعد استقبالِ ربیع الاول کی مناسبت سے خصوصی کلام پڑھے گئے جس کے دوران پورا پنڈال اور اطراف کے راستے ”سرکار کی آمد! مرحبا“ اور ”مرحبا یا مصطفیٰ“ کے فلک شگاف نعروں سے گونج اٹھے جبکہ شرکا نے ہاتھوں میں مدنی پرچم لہرا کر اپنی والہانہ محبت کا اظہار کیا۔

اجتماع میں کراچی اور اطراف کے اضلاع سے ہزاروں کی تعداد میں عاشقانِ رسول نے شرکت کی۔ عوامی مجمع اس قدر کثیر تھا کہ نشتر پارک کا وسیع و عریض میدان مکمل طور پر بھر گیا اور جگہ کم پڑ گئی۔ پارک کے اردگرد کی شاہراہیں، مزارِ قائد کا اطراف اور نمائش چورنگی تک کا علاقہ انسانوں کے سمندر میں تبدیل ہوچکا تھا، جہاں دور دور تک عاشقانِ رسول دکھائی دیے۔ اجتماع میں مختلف سیاسی، سماجی، اور شہر کی ممتاز کاروباری شخصیات نے بھی خصوصی شرکت کی۔

اتنے بڑے اجتماع کو منظم رکھنے کے لیے دعوتِ اسلامی کے رضاکاروں اور ضلعی انتظامیہ نے مثالی انتظامات کر رکھے تھے۔ دور بیٹھے شرکا کے لیے بڑی بڑی ڈیجیٹل ایس ایم ڈی (SMD) اسکرینز نصب کی گئی تھیں تاکہ ہر کوئی بیان کا واضح نظارہ کر سکے۔ گاڑیوں کی آمد و رفت کے لیے پارکنگ کا وسیع انتظام تھا جبکہ سیکیورٹی کے حوالے سے کراچی پولیس اور دیگر قانون نافذ کرنے والے اداروں نے فل پروف انتظامات کیے تھے۔

اجتماع کے آخری لمحات میں جانشینِ امیرِ اہل سنّت نے ملکِ پاکستان کی سلامتی، امتِ مسلمہ کے اتحاد اور شرکا کی مغفرت کے لیے خصوصی دعا کروائی۔ اجتماع کا اختتام بارگاہِ رسالت صلَّی اللہ علیہ واٰلہٖ وسلَّم میں صلاۃ و سلام کے نذرانے اور درود و سلام کے گلدستوں کے ساتھ ہوا۔

اس اجتماع کی مکمل نشریات کو دیکھنے کے لئے نیچے دیئے گئے لنک پر کلک کیجئے:

https://www.youtube.com/watch?v=WruOir67pDs