دعوتِ اسلامی کے دینی کاموں میں مزید بہتری لانے کے لئے پچھلے دنوں شیخوپورہ ڈویژن (سانگلہ ہل) ، پنجاب میں اسلامی بہنوں کے مدنی مرکز فیضانِ صحابیات کاافتتاح کیا گیا جس میں ڈویژن نگران، نگرانِ شعبہ ، صوبائی ذمہ دار اور اسلامی بہنوں کے محارم اسلامی بھائی شریک ہوئے۔

اس دوران ایک افتتاحی تقریب منعقد ہوئی جس میں تلاوت و نعت کے بعد مرکزی مجلسِ شوریٰ کے رکن مولانا حاجی ابوماجد محمد شاہد عطاری مدنی نے بیان کیا جس میں انہوں نے فیضانِ صحابیات کی آباد کاری کا ذہن دیا۔

علاوہ ازیں رکنِ شوریٰ نے فیضانِ صحابیات کے تحت گلی گلی مدرسۃالمدینہ و مدرسۃالمدینہ بالغات کا آغاز کرنے اور اسلامی بہنوں کے سنتوں بھرے اجتماعات کا انعقاد کرنے کا ذہن دیا۔(رپورٹ: محمد علی عطاری، شعبہ معاونت برائے اسلامی بہنیں صوبہ پنجاب آفس ، کانٹینٹ:غیاث الدین عطاری)