اسپیشل پرسنز ڈیپارٹمنٹ دعوتِ اسلامی کے تحت 08 اکتوبر 2026ء کو سب ڈیپارٹمنٹ ”فزیکل اسپیشل پرسنز“ (جسمانی معذور) کے ذمہ دار خالد محمود عطاری نے فیصل آباد ڈویژن ذمہ دار نعمان بدر عطاری کے ہمراہ فیصل آباد کے علاقے سمندری روڈ میں ایک معذور عالمِ دین مولانا صابر فاروق قادری سے ملاقات کی۔

ذرائع سے ملنے والی معلومات کے مطابق مولانا صابر فاروق قادری دونوں ہاتھوں اور دونوں پاؤں سے معذور ہیں، اس کے باوجود وہ زبان سے ٹچ کر کے موبائل فون کے ذریعے آن لائن کلاس پڑھاتے ہیں اور گھر پر بھی بچوں کو فی سبیل اللہ قرآنِ پاک کی تعلیم دیتے ہیں۔

ملاقات کے دوران ذمہ دار اسلامی بھائیوں نے صبر و شکر کے حوالے سے گفتگو کی اور مولانا صابر فاروق قادری کی حوصلہ افزائی کرتے ہوئے انہیں دعوتِ اسلامی کے اسپیشل پرسنز ڈیپارٹمنٹ کا تعارف بھی کروایا جس پر انہوں نے دعوتِ اسلامی کے اسپیشل پرسنز ڈیپارٹمنٹ کے دینی و فلاحی کاموں کو سراہا اور ذمہ داران کو دعاؤں سے نوازا۔(رپورٹ: محمد نعمان بدر عطاری فیصل آباد ڈویژن ذمہ دار اسپیشل پرسنز ڈپارٹمنٹ ، کانٹینٹ:غیاث الدین عطاری)